بسم لله والصلاة والسلام على رسول الله ♥
محمد بن عبداللاه خاتم الأنبياء والمرسلين ♥♥
(◠‿◕) (◠‿◕) (◠‿◕) (◠‿◕)
---صاحب العينان البندقية---
(◠‿◕) (◠‿◕) (◠‿◕) (◠‿◕) (◠‿◕)
- القاعدة كانت نايمة في الكيوف عايمة فجأة كدا قامت لما جينا يلااا صقفة علي الطلبة زغروتة يا أبلة أوعاااا صافي نااار نااازلة في القاااعة النهاردة ويااا وحش إوعي عندنا فراااااح وأخيراً هبقي عروســـ..
كنت خارجة من أوضتي وأنا بغني ومبسوطة وشغال اجلح يمين وشمال ومش مهتمة باللي كان مركز معايا وواقف حاطط أيديه علي بعض وبصصلي وهو بيرفع حاجبه بقيت واقفه والكلام مش عاوز يطلع من مكانه فضلنا علي الحال دا دقايق لحد ما أتجرأت أقطع الصمت.
- أحــم.. أنا موجودة هنا يا فندم!
- صقفة علي الطلبة وزغروتة يا أبلة وفرحي النهاردة؟
- هو دا سؤال ولا جواب؟
- غلسة بشكل ردي علي السؤال!
كانت نظراته بتخترقني وكنت متوترة أكلمه أخدت نفس طويل وغمضت عيوني وأتكلمت.
- بص هو مش فرحي أنا يعني بس فرحي البيست بقي وأحنا واحد.
- وبعدين؟
فتحت عين والتانية بتشجع أفتحها
- يعني هروح الفرح وهنبسط معاهم!
- إذا قولت أنُه مفيش حد هيروح أفراح؟
- أحيييييي؟
كنت بكتب الأسكربت وأنا مُرهقة شوية بس كلامي وعجرفتي علي مروة صحبتي خلتني اتحداها إني لازم أكتب الأسكربت يعني لازم لقيتني بعد نصف ساعة رامية التليفون جنبي ونايمة علي السرير تسيبني في حالي أنا عارفة أنها عصبية ومش بتتهاون في حاجة فحاولت ألطف الجو وانا بتعدل.
- أنا عارفه إنك منحرفة وممكن تغتصبيني أه أنا عارفة النظرات دي لو قربتي عليّا يا مروة هصرخ وأقول بتغتصبني..!
- فيييين الأسكربت اللي قولتي عليه مستنية أقراه؟
- يعني مش هتتحرشي بيا؟ 😝😝😝 ولا الكلام ده؟
- بصي لما أكون آدم الكيلاني ولا مُراد الألفي وأبقي أجرب السبوبة مع شوشو؟
- تييب الحمدلله طمنتي قلبي!
- رُقيييييية فين الأسكربت؟
- يووووووه يا مروة انا تعبت ومش هكتب تانى الله يقطعني مطرح مانا قاعدة.
/////////-----///////-----/////////---
مسكتها من هدومها وأنا بحاول أكتم ضحكاتي وأرجع للعصبية اللي كنت فيها كانت في يدي زي الكتكوت المبلول.
- إنتِ إيه يا شيخي كُل مرة تجربي حاجة وتتهربي!
- تجربة تجربة!
- تجربة بقي الكتابة تجربة يا حيوانة أُمال هتاخدي عليها براءة اختراع وأنا مش عارفه؟
- مش أحسن من نيوتن اللي كان قاعدلنا تحت الشجرة وبيصيع وبعدين نزلت التفاحة قام أكتشف الجاذبية الأرضية!
- رُقيييييييية أنا زهقت منك يا بنتي!
- خلاص يا مروة علشان خاطر عيونك هكتبه.
- بس المرادي هتنزليه في كُل جروبات الفيس بتاعت الروايات والكتابات.
- يوووه يا مروة قولتلك معنديش الشجاعة إني أنزل حاجة أفرض لو لقيت كومنت دايقني يعني او حد قالي حاجة وحش كفاية أنك بتقرأي كتاباتي وبس!
شديت علي ودنها لحد سمعت كلامي بعد ساعة او اكتر لقيتها كتبت أسكربتين ونص أو تلاتة أخدت منها التليفون وهي خرجت تعمل حاجه تاكلها وقࢪأت الأسكربتات وكان في قمة الجمال والأبداع وأكتر أسكربت عجبني بتاع
" سأكون ما أريد " وأنا بقراه كنت بتلذذ النجاح والشغف والطموح اللي جوه الأسكربت لحد ما عيني دمعت.
خرجت بره ورحت الصالون لقيتها معبية طبق كبير إندومي بالخضار وأنا أقول الريحة ضربت في المكان ليه؟ ماشي يا رُقية مشغلة التليفيزيون جيبالي قناة سينما بتاعت روتانا مااشي يا دكتورة خلصت أكل ولقيتني قاعدة جنبها إبتسمت وبعدين عنيها لمعت وهي بتابع الفيلم لحد آخر حته لحمادة هلال وهو بيفوز بأسم مصر.
- تعرفي يا مروة إني أنا بحب الفيلم ده جداً جداً عارفة ليه علشان بيتكلم علي الطموح والأصرار وإنك إزاي بتتأثر باللي حوليك والطبقة الغنية والفقيرة بجد كاتب الفيلم ده أنا عاوزة أشكره طول العُمر.
- وانا كمان بحب الفيلم ده علشانك أسمه كدا جميل وبسيط "حلم العُمر" بتاع حمادة هلال بطل ملاكمة.
- أيوه يا مروة بالظبط كدا تعرفي انه سلم نفسه لشلة مش كويسة وكان بيسكر ويرجع تعبان بالليل لما سابته و اتجوزت حبيبته معقول يا مروة يكون الأب سبب في تعاست بنته.
- لا حول ولا قوة إلا بالله متزعليش يا حبيبتي!
- مش زعلانه كله قسمة ونصيب لكن اكتر جُملة بتوجع قلبي.. لما كان بيقول لِــ المُدرب بتاعه ولا مين حس بيا؟
- بس يا رُقية أنا قلبي واجعني لوحدي.!
- خلاص يا ستي فين تليفوني أكلم ماما!
- جوا علي مكتبك يا ست الكل!
دخلت أوضتنا ورنيت علي ماما وحشتني جداً بس أعمل ايه هي مصممة أنها تفضل في كفر الشيخ عرضت عليها أكتر من مرة لكنها بترفض وكُل مرة تقولي"أنا أتولدت هنا وعشت هنا وكبرت هنا وأتجوزت من هنا ويستحيل أسيب مكاني" انا كان مفروض عليا أقعد هنا في أسكندرية علشان جامعتي وبعدين أنا حسيت إني جزء من المكان ده مش برتاح غير في شقتي دي اللي بتطل علي البحر.
لقيت مروة بتحضني من ضهري وتضحك
- الكتكوت بتاعي بيفكر في حبيب القلب ولا إيه؟
- يا شيخة إتنيلي!
- تيبب يلا إنشري كتاباتك كدا أبتدي بدار الكتابة.
- فُكك يا أسطي.
لقيتها بتبحلق فيا نشرت جزء من كتاباتي وبعدين أذن العشا صلينا مع بعض وكل واحدة فينا كانت بتفكر في بكرة مشغلتش بالي بالفيس فقومت نمت بدري جسمي مُرهق جامد النهاردة.
٪٪٪٪٪٪•••٪٪٪٪٪٪•••٪٪٪٪٪٪٪•••٪٪٪٪٪
في الصبح.
صحينا كــ المُعتاد قبل صلاة الفجر كل واحدة فينا أدت ركعتين قيام الليل إحنا بنعتبره ركن سادس لازم نصليه شوية وكان الفجر أذن صلينا وقعدنا نقول اذكار الصباح جات الساعة خمسة ونص قمت دخلت بلكونتي.
كنت خارجة بشعري محدش موجود في السعادي
بدأت أسقي الورد البنفسجيّ بتاعي ورد اللافندر أنا بحب ريحته جدا ولازم أخطف نظرة عليه كل صبح عجبني منظر الشروق قعدت أستمتع بيه ومحستش بالوقت.
بصيت في ساعة يدي لا لسا الوقت بدري هغير مكان الورد.. هحطهم في الناحية الشِمال المرادي أنا زهقت من اليمين بصيت علي البلكونة اللي قصادي وأنا بقول أشمعني الشقة دي انا مفكرتش أخدها مش ممكن كانت أحلي من دي؟
سرحت فيها مكنش الشقة دي ساكنها حد لكن من حوالي أسبوع من دلوقتي لقيت عمي فتحي البواب جايب واحدة تنضف الشقة دي لما سألته قالي أن ممكن حد يشتريها لو عجبته بس مشفتوش ومفيش حركة تدل أنُه موجود.
شوية ولقيت باب بالبلكونة بيتفتح وبيخرج منها واحد
انا مكنتش مركزة في الدنيا دى أصلاً كنت بفكر في حاجة أجربها تكون جديدة في حياتي لقيت شفايفي بتتحرك وبتنطق بأصعب كلمة في الحياة " الحُب"الكلمة اللي كل شوية أطلعلها بتعريف.
٪٪٪٪٪♡♡♡٪٪٪٪٪٪٪♡♡♡٪٪٪٪٪٪٪♡♡♡
بصيت عليها ملامح هادية ولطيفة باين في حاجة شغلاها بتفكر فيها كنت هتكلم لكني سرحت في ملامحها كانت من بداية شعرها اللي بيطير في الهوا لطولها المظبوط سرحت أكتر في لون عنيها كانت زرقه حلوة أوي أول مرة أتشد لِـلون عيون واحدة فوقت من جناني وشوحت عليها مشبك.
- أأأه إي اللي أتشوح عليا دا؟
- بسبس صباح الخير يا آنسة! 😎♥
- ...
أبو قلة ذوقك يا شيخة ردي الصباح حتي بس أنا حاسس إني أعرفها ااه لو تقبل تتجوزني لتكسب فيا ثواب وبعدين ثواب إي يا دكتور أكيد كُل البنات تتمني تتجوزك يا جدع هي اتكسفت بس ودلوقتي طلعتوا جيران يعني الصُدف كترت يا نهار اسود هتأخر علي أول يوم شغل ليا في أسكندرية عروسة البحر يدوب ألبس علي كدا وأفطر.
//////////~~///////////~~//////////~~///////~~//////
عند رُقية
- يااا مروة إلحقيني حمووووت
- إي في يا حبيبتي وشك ضرب اللوان كده لي؟
- مروة فا.. فا.. فاكره الشــ..
- براحة علي مهلك خالص.
- حاضر فاكرة لما قالنا عمو البواب ان الشقة اللى قبالنا حد جاي يشوفها ولو عجبته هيشتريها!
- وبعدين؟
- أتسكنت وانا كنت ببص علي البلكونة وكنت سرحانة وبعدين مفقتش غير لما شوح عليا مشبك وهو بيقولي صباح الخير يا آنسة!
- يا مري! وإنتي اللي يخليكي تبُصي؟
- سرحت يا مروة بقولك.
- خلاص حصل خير يلاا يا دكتورة علشان نروح المستشفى ومنتأخرش يلاا البسي يا بنتي وبعدين كدا حتأخريني عن قرة عيني حبيبي.
- أيوه يا عم 😉😂😂 تلاقي الولا مستني علي نار 🔥.
- بس بقي عرفاكي بتغيري مننا عقبال ما حد يفتكرك!
- انا شايفة ان في حد بِـ يلقح عليا؟.
- إنجزي يا بت النااس!
- لو سمحتي متقوليش كده تاني!
- إنجري قداااامي.
- بس يا منحرفة وبعدين صح إي جابك تنامي جنبي علي السرير امبارح ؟ 😏😏😏
- مقولنا كنت خايفة هي أغنية بقي!
- تييب هروح البس بس علشان عيون حبيبي!
- لما نشوف ابن الكلب ده مين؟
- لو سمحتي قرة عيني محدش يتجرأ يسبه.
- غوررري من وشي.
بدأت تزقني أدخل البس أخدت شاور علي السريع وطلعت لنفسي النهارده بنطلون البوي فريند بتاااعي حبيبي حبيبي
كان لونه أزرق وبعدين أحترت ألبس إي عليه من فوق أفتكرت البلوزة الجديدة فقولت أجربها كان لونها أبيض وعليها ورد كدا منقوش عليها عجبتني في وسط كتير من الموديلات لبستها بصيت علي نفسي في المراية وبدأت فقرة الأكتشاف وأنا ألف قدام المراية أشوف هل وزني كدا حلو أم أخس بس كدا وزني حلو خلاص أتظبط كان أمبارح 70 حلو خالص أنا عندى 24 سنة مناسب مع سني جداً ومع طولي.
طلعت الهيلز بتاعي الأسود ولبسته واخيراً طرحتي
الشيفون كانت بيضة كمان ومنقوشة بورد أزرق كانت حلوة ومناسبة مع لو بشرتي البيضا اخدت شنطتي وحطيت فيها تليفوني والفلوس وخرجت في الصالون بره لقيت مروة لابسة دريس لونه كاشمير علي كوتش أبيض وطرحة طويلة لحظة إي ده يا مروة.
- دا خمار مش كده؟
- إي رأيك؟
- يلهووووي علي جماله بس أنا زعلانه منك إزاي تلبسي خمار من غيري!
- هو يعني جالي هدية.
- هدية يبقي من جوزك يا هانم.
- أمشي وانا هقولك في الطريق.
خرجنا من الشقة ودخلنا الأسنسير ننزل أصل إحنا ساكنين في الدور السادس ويستحيل إني أطلع المسافة دي علي رجليا كفاية مسافة المستشفي اللي بنشتغل فيها نزلنا وبعدين مروة بتحكيلي علي وليد جوزها هما كانوا مع بعض من زمان حتي أنا فكراه وليد وهو صغير كنا في نفس المنطقة بس انا كنت أستفزه دايماً وكنا نضرب بعض.. اخر مرة كسرت سنته.
يومها دا فكراه زي دلوقتي كنا بنلعب قام ضاربني من غير سبب روحت خليته واقف وضربته قام وقع وأتكسرت سنته كنا صغيرين يعني رابعة ابتدائي لما ضربته آخر مرة وبعدين عقلنا كان بيميز مروة عننا كلنا مكنتش أهتم عشان أتربيت أنا ومروة ان إحنا واحد وبعدين لما خلصنا المرحلة الابتدائية هما نقلوا علي هنا في اسكندريه باباه كان شغله علي طول هنا.
كان بقيلهم سنتين ويتخرجوا أتخطبوا وكان اليوم ده روعة عمري ما اقدر أنساه أتخرجوا كتب الكتاب هو علشان بقي متشدد شوية يعني مش عارفه اوصفه كويس بس اللي عرفته أنه بيحاول يلتزم الكلام ما بينا مش بيكون غير صباح الخير عامله ايه وبس ودا افضل.
- مروة؟
- هقولك أهو كنا بنتكلم أنا ووليد وبعدين كان في طرف الكلام إني نفسي أختمر بس مش عارفه اعمل ايه؟ فبعدين قالي إني بطلت البناطيل ولبسي كله واسع دريسات وجيب الخطوة الجاية الخمار وبعدين النقاب فرحت جداً جداً وقتها دورت عليه في أستراحة الغدا ملقتوش بعد ما خلصنا كان مديني بوكس فيه تلت خمارات باللوان جميلة ولايقة على هدومي وهو ده اللي حصل!.
- وأنا كنت فين لما ده حصل؟
- اممم كنتي فين كنتي فين أه افتكرت فاكرة لما قولتي ماما تعبانه ولازم انزل وقعدتي أسبوعين هناك أهو حصل الموضوع ده لما كنتي هناك.
- خلاص حصل خير المهم الف ممبروك يا قلبي وعقبالي أنا.
- وصلنا يا روكا!
- الكلام أخدنا يا حبيبتي ونسينا نفسنا انا هشتري كوباية قهوة أجبلك معايا؟
- لا شكرا!
- لي طيب هجيب عصير مانجا!
- خلاص هاتي.
- تمام 👌
سبتها ودخلت أشتري دفعت وانا طالعة شايلاهم خبطت علي مكتبها وأدتهالها دخلت مكتبي لبست البالطو الأبيض وبدأت اتفقد ملفات المرضي بتوعي الحمدلله نسبة الشفاء بتتقدم نسيت أقولكم أنا خريجة إي؟ انا دكتورة أمراض عقلية ونفسية أنا بحب المجال ده جداً اكتر من إي حاجة.
شربت العصير وخرجت أشوفهم كنت جايبة بوكس حاطه في ورد بلدي أحمر كل ما أدخل اوضة اتكلم مع المريض وأديله العلاج واهديه الوردة بتاعته لحد آخر مريض اللي محسسني بالفشل أسمه ليل ده مش عارفه أخليه يتكلم إزاي حاولت معاهم بكل الطرق اللي جربتها بس النهاردة ناوية انا اللي أكون مريضة وأحكيله.
خبطت علي الباب مردش زي عادته الأوضة كلها ضلمة الشبابيك مقفولة بقفل ذكي أنا اللي عرفته من الملف بتاعه أنه جرب يقتل نفسه أكثر من مرة وإن دكاترة كاير حاولت معاه لكن النتيجة كانت فاشلة لحد ما وقع عاتقه عليا أنا.
دخلت لقيته نايم هلي السرير حاطط دراعه علي عنيه ولي مجربش النهاردة فتحت الستاير أنزعج من النور بصيت لقيت الشمس لو فتحت الشُباك هتاجي عليه لأول مرة أكون الدكتورة اللي افتح الشُباك كلهم فاكرينه مريض لكن هو مجروح وجرحه عميق ولازم يتعالج.
شوية ولقيت بيستجيب لما الشمس جات علي وشه حط المخدة علي راسه الشمس كانت سخنة شوية دافية بالمعني الصحيح قعدت علي الكرسي وقولت أشوف رد فعله لقيته بيفرك كتيرر علي السرير مش عاوز الشمس تظهر حابب الضلمة او مطر يعيش فيها.
وأخيراً قام من علي السرير وقعد قبالي كان بيبصلي بنظرات حزينة مقهورة هو اللى عرفت أفسره سحبت الكرسي وقربت منه ولأول مرة بعد تلت سنين نطق واتكلم.
- كنت بحبها!
- يااااه يا بطل عاش من سمع صوتك!
- تعرفي إنك شبها؟
- يا محاسن الصدف يا حبيب قلبى.
- أنا مش مجنون مش مريض أنا؟
- والله انا عارفه وعارفة دا كويس علشان باين في عيونك.. تحب أنا اتكلم ولا إنت.
- ......
- خلاص هتكلم أنا لكن قولي الأول نفطر أحسن!
حرك راسه بالنفي فقولت بضحك.
- آآآه يا طفس تاكل شاورما ماشي خمس دقايق وأجيلك طيب إي رأيك في أتنين شويبس وكمان اربعة بنية ولا سجق بص انا هروح اجبلك ما لم تراه عين حتاكل لحد ما تفرقع.
بصلي وضحك وبعدين بص علي الشباك طمنته وقولتله إني هسيبه مفتوح يعمل تهويه في المكان كنت عوزاه يحس بالثقة في نفسه فقولت
- يا وحش انا واثقة فيك كويس يا ابو عنين رمادي 🤭🤭.
خراجت من الأوضة أخدت فلوس وطلعت أشتريت لي وليه انا عارفه اني فطرت والحمدلله لكن بطني تحترم نفسها لا 😂عاوزة أكل مهو شغلتي إني افكر والفكر بيعمل مجهود فلازم تعويض أشتريت وطلعتله بالأكل لقيته واقف عند الشُباك وبيبص علي الناس المعدية دي حطيت الاكل علي الكومود وندهت عليه.
- يا أسطي..؟ تعالى كُل قبل متلاقيش حاجة!
- ....
- بص اما أقولك إي لو مستني إني اجي اكلك بالمرة فأنسي أنا رُقية والأجري علي الله يعني تاكل وتسمع كلامي زي التلميذ الشاطر وبعدين نتكلم.
بصلي وإبتسم قعد قبالي قُمت لقيته ساندتوش وحطيت قدامة الشويبس ومستنيه ياكل بصلي بحيرة زي ما يكون بيفكر في حاجة قمت أخدت قطمة من السندويتش وقولتله.
- يا جدع أنا مش حاطالك فيه سم ما تاكل؟
- أنا مش على الأكل ولو كان فيه سم كان أهون من إني أعيش يوم تاني وهي مش موجودة في حياتي لكن تعرفي هاكل عشان هي كانت بتجيب نفس الأكل دا!
- ايوه يا عم عشمني عشمني وبعدين تخف وتبقي زي الأسد وتكسر قلبي ومتتقدمش وبعدين ماهو طلع صوتك جميل وعسل خالص اهو إوعي تكون بتخاف من الحسد!
- لمضة إوي!
- طيب يا عم الفهيم إنت كُل قبل ما اخلص أكلي وأجي اكل أكلك!
كان بياكل وكأنه بيستطعم الأكل دا لأول مرة كل شوية كان بيبص علي الشُباك عنيه رماديه وأول ما يبص في الشمس بتقبي سودا ياااه واخيراً كدا هترقي وخليته يتكلم انا مش هضغط عليه النهارده هنتكلم عادي او أنا اللي هتكلم لما أجي بكرة نبقي نتكلم تاني.
- مش ناوي تقولي جاي تخطبني أمتي!؟
- بس كده؟ 😂😂😂
- أنا عارفة فارق العمر بينا أربع سنين بس يعني إنت حلو كدا فمش هيليق عليك إلا الحلو اللي زيي!
- ....
- يا أختي بيتكسف لو مكسوف ممكن أزور الست الوالدة النهارده واطلب إيدك عادي يعني الدول أمتدنت جات علي العادات والتقاليد!
- صدعتيني بجد!
- أهئ اهئ دا بيهني يا جدعان..!
- ..
بصيت في ساعتي لقيت نفسي قعدت أكتر من اللازم
أستأذنت منه وأنا مبسوطة إنه من أول مرة أتكلم معقول يكون حد محتاج إنك تحسسه بالثقة علشان يتكلم او يحس ان في حد جمبه قبل ما أخرج دخلت علي صفحتي علي الفيس فتحتها والتليفون هنج من الأشعارات فتحت أول أشعار وقلبي كان هيوقف من الفرحة كنت ماشية وانا برد علي الكومنتات اللي فرحتني وحسستني إن بجد كاتبة وإن هيعدي عليّا يوم هيبقي أسمي في معرض الكتاب الدولي وبعدين يبقي في كل مكان الفرحة مكانتش سيعاني مخدتش بالي من الطريق قمت لبست في حد أوبا اوبا إي الطول والجمدان دا يعم لتكون من قوم عاد وأنا معرفش ببص علي هدومي لقيتها أتبهدلت من القهوة فكنت هشتم.
- إنت يا أنسان مش شايف قدامك ولا العمــ..
رفعت راسي ولقيته نفس الشخص اللي كان في البلكونة النهاردة الصبح أحيه أعمل ايه انا دلوقتي؟ فضلت واقفة مبلمة في شكله ولا كوبايتين الأقهوة اللي غرقتنا إحنا الأتنين يا أخي ينعل أبو طفاستك كوبايتين قهوة لي مُدمن العينين كانت عسلية إي ده تحسوها بتنور من دحلاوتها يا جدعان بعدت وأنا مستعدة أشتم مرة تانية.
- براس بخاخة مفيش عنين عندك علشان تفتح يا أخينا؟
- أنا بردو اللي عاوز أفتح ولا اللي ماشي في الطرقة وماسكة الفون.
- وإنت مالك؟ امسك الفون او ممسكوش!
- ورايا!
- أفندم يا روح أمك!
لقيت نفسي بتجر في وسط الناس والزحمة علي المكتب اللي كان فيه المُدير عمو احمد طلع علي المعاش وسمعت أن في دكتور هياجي يمسك المستشفي مكانه كنت داخله بس رجليا رافضة تتحرك نظراته ولو عنيه زي ما يكون أتحولوا لــِاللون الأسود دقايق وكنت فعلاً جوه المكتب.
- إهمال في الشغل مرقعة في الطريق مش بحبها أنا إنتِ في شغل تخلصي دوامك وبعدين تشوفيه إنتِ فاهمة!؟
كان بيتكلم بطريقة وحشة جداً ولا أكني جارية أو عبده ليه؟ ولما ضرب المكتب بإيديه فزعني دموعي كانت بتنزل علي خدي لوحدها ومكنتش حاسة بيها خلص كلامه وأنا كنت قايمة أمشي لقيته قعد علي الكرسي اللي قبالي وبدأ يطلع ملفات جديدة كنت خايفة وحاسة إني هترفد وأخر يوم ليا هنا.
قرب علي المناديل اللي علي المكتب وعطاني واحد
مسحت دموعي زي الأطفال عيوني أنها سماوي باين عليها بسرعة الزعل لقيته بيتكلم بطريقة لطيفة انا مش عارفه مالو دا مجنون ولا ايه بالضبط؟ مرة عصبي مرة لطيف.
- أنا آسف جداً يا آنسة بسبب زعيقي فيكِ انا عصـ...!
- حسبي الله ونعم الوكيل فيك وفي أهلك اللي ربوك!
- تصدقي إنتِ اللي عاوزة تتربي وأنا معنديش مانع إني أقوم بالواجب..
- أنا من سابع المستحيلات إني أرضي بمتخلف زيك!
كنت واقفة وبشاور عليه بأصابعي شوية ولقيت صُباعي بيبعد كان هو واقف قبالي وبينزله مسك الملفات اللي كانت علي المكتب وضم إيديا ومسكهومني قالي وهو حاطط رجل علي أختها بعد ما قعد وشابك صوابع إيديه في بعض وبيقولي بنصر.
- هو إنت فاكره إن إحنا جوه رواية علشان أغصب عليكى ونتجوز دي أرض واقع وأنا الحمد لله مش لما أفكر أخطب وأتجوز هتكوني إنتِ يعني الملفاتي دي فيها أسامي مرضي جداد وملف نقل قدامك مبروك عليكِ مُستشفي المجانين.
خرجت وأنا دايخة مش حاسه ولا مُستوعبة! دخلت مكتبي وقعدت علي الكرسي حطيت راسي علي المكتب وبدأت أعيط ياااه أخيراً هرتاح أخيراً عيطت كنت في حالة هبوط ضغطي بينزل بالتدريج دخلت عليا مروة وخضتها لما لقيتني في الأرض واقعة.
- رُقية ردي عليا حبيبتي لو سمعاني ردي رورو يا عمري ردي عليا.
- اااااااه!
- رقية أتعدلي معايا كدا تعالي أستندي علي الحيطة هجيب حاجات وجاية أقيسلك الضغط متتحركيش.
&&&///////&&&///////&&&////////
خرجت من عندها وأنا اعصابي مش علي بعضها كنت جايه أقولها أن خلاص فرحنا بعد شهرين وإني وليد شطب كل حاجه وكنت رايحة أقولها إني نازلة كفر الشيخ وهاخد أجازة لحد ما أتجوز كدا كده أنا مخدتش إي أجازة قبل كده كنت ناوية أسيبها وحدها في الشقة لكن شكلها ده لازم أخدها معايا دخلت مكتبي أخدت حاجتي ورجعت أكشف عليها لقيتها قاعدة سرحانة.
- هاتي يدك!
- أنا كويسة خلاص.
- هاتي وأخلصي يا بنتي.
كشفت عليها وقست الضغط وكان وقتها هابط خالص قلقت عليها أديتلها برشام علشان ضغطها يتظبط وأخدتها ومشينا وصلنا البيت دخلت تهجم علي البلكونة بتاعتها كانت زي الأعصار بصت يمين وشمال ملقيتش حد قعدت علي بتحكيلي علي اللي حصل من لحد طقق لسلاموا عليكم.
مقدرتش أمسك نفسي وضحكت كانت حتقوم تضربني لحد ما إلتفتت للمشبك اللي أترمي عليها وصوت الصفير.
- يوووه دا كله عملته النهارده فيكِ!
- مفيش حاجة أسمها أحم لدستور!
سابته ودخلت أوضتها اكيد هتقعد تفكر زي كل مرة غيرنا هدومنا وكل واحدة فينا أدت فروضها وعدي اليوم من غير أحداث جديدة جه تاني يوم وكانت مُستعدة لمواجهتة بالزخيرة روحت المستشفى ولا أتعاملت معاه ولا شافته كانت بتغلي من الغيظ.
عدت الأيام عادية رُقية رفضت تتنقل وكانت هتستقيل.. أتكلمت معاها أنا ووليد هديت قولتلها إني ماشية مسافة أخر الأسبوع كنت في كفر الشيخ رقية أهتمت بالمرضي بتوعها والولد أبو عنين رمادي كانت تقولي إنها هتكتبله علي تصريح خروج ومعرفش المجنونة عملت إيه؟
_____٪٪٪٪٪____٪٪٪٪٪______٪٪٪٪٪٪____
- حبيب قلبي أبو عنين رمادي متقطعش الجوابات!
- إحم مانا خلاص قررت أعيش معاكِ وأجي أخطبك🤭🥺
- إيه الاخبار الجميلة دي النهارده بس إحنا منفعش مع بعض إنتَ زي أخويا يا جدع وبعدين أنا أكبر منك بربع سنين وإنت لسا يا عيني في الكلية.
- هو إنتِ صدقتي لا يا قمر أنا هعيش حياتي وأبقي ازورك من حين لآخر .
- أيوه يا جامد يلا ألف مبروك وعقبال الخطوبة.
- إن شآء الله ♥
- طيب انا ماشية سلام دلوقتي.
كنت خارجة ورايحة أبص علي ورد المريضة الجديدة
خلاص واحد من العيانين ماشي كنت فرحانه وفي نفس الوقت زعلانه دخلت أتكلمت معاها أخدت العلاج وفي وسط مانا بكلمها وجه طرف الكلام علي أهلي بدأت تصرخ وتعيط أدتلها مهدأ وخلاص خلص دوامي نسيت أقولكم إن صفحة الفيس وروايات بقي تفاعلها جميل وبيفرحني.
قررت النهاردة أروح أشتري روايتين نزلوا جداد
دورت عليهم في كام مكتبة هنا ملقتهمش أتابعوا بسرعة زعلت وكنت ماشية رايحة شقتي وأنا بكلم ماما عوزاني أنزل أنا مش عايزة كده طيب! اتجادلت معاها فتحت باب الشقة ودخلت شويه وحسيت في حاجه بتخبط جوه البلكونة مسكت المكنسة وأنا هموت من الخوف.
فتحت الباب ودخلت راسي أبص ملقيتش حاجة تخوف دخلت أبص علي وردياتي والمفاجأة أني لقيت الروايتين اللي كنت بدور عليهم متغلفين ومحطوطين علي الطاولة بتاعتي فضلت أضم فيهم وانا فرحانة الروايتين دول من أكتر الروايات اللي بحبها دخلت أوضتي وقلبتها وكنت بعدل.
الروايات بتاعتي بدأت أرصها أرض زيكولا قواعد چارتين أغتصاب تحت سقف واحد عشقت مجنونة وغيرهم ومنهم الجداد سلسلة جاسر ورجيدا خلصت عملت كوباية قهوة ودخلت أقرأ من الرواية الجديدة حسيت بحد بينادي ولقيته هو قاعد وحاطط إيده علي خده.
- ممكن تعمليلي كوباية قهوة بس خلصت لحد ما انزل أجيب.
- طيب سادة ولا..
- لا سادة.
روحت المطبخ وأنا عندي قُبول إني أعمله قهوة عادي ممكن علشان بطلنا نتصادم مع بعض زي الأول والبلكونة بتاعته جمب بلكونتي يعني لو نطيت في المرة أكون عنده.. روحت أديهالهُ بعد ما عملتها قربت من البلكونة وناديت من عليه وكان أخدها مني.
أول حاجة عملها شم ريحة القهوة باين عليه من عشاقها غمض عنيه وأستطعمها لقيته رجع بصلي وضحك وهو بيقول.
- لو كنتِ حاطة فيها سم مش مسامح!
- خلاص هات الكوبايه وروح أشتري وأعمل لنفسك إنـ...
- خلاص خلاص دي كلمة يا قمر مش لازم الزعل ده كله!
- مإنتَ اللي بتغلس!
- طيب خلاص حصل خير قوليلي عجبتك الرواية؟
- رواية إي معلش؟
- الروايتين اللي كنتِ بتحضني فيهم من الصبح بقولك قرأتي إي منهم!
- وإنت مالك؟
- اللهم طولك يا روح! يا بنتي بسأل بس متعرفيش تكوني لطيفة دقيقتين علي بعض.
- تيب والله ماشيه..!
- لا لا إستني خلاص خليكِ قاعدة.
- عشان وقت الغروب بس هقعد.!
- ممكن ندردش سوا ونكون أصحاب حتي؟
- مع إني مش بطيقك بس اهو نسلي نفسنا أحسن من الملل!
- أول حاجة قوليلي هو لو عيونك صح أزرق زي مانا شايفة ولا حاطه لانسيز أصل أنا بقيت اشوف العجب من بنات اليومين دول!
- لون عيوني أنا يا أستاذ..تعرفي أنا لحد دلوقتي معرفش اسمك؟
- بجااااد متعرفيش أسمي لي يا حسرة!
- مش مهتمة بيك!
- وأعتبر دا دلوقتي أهتمام😉😉♥
- مجرد فضول.
- محسوبك عمر يا ست الكل.
- أسمك حلو صدقني.!
- مانا عارف مش محتاج تقولي كفاية إنه علي نفس أسم الصحابي الجليل سيدنا عمر بن الخطاب رضي الله عنه.
- سيدنا عمر بن الخطاب كان اكتر واحد معارض علي الإسلام ولما عرف إن اخته أسلمت كان رايح يموتها.
- يومها كان داخل وضربها كف وكانت بتردد القرآن ولما سمعه سألها ما هذا؟
- وبعدين قالتله أنه ده القرآن وأسلم سيدنا عمر بن الخطاب وهو اول واحد فرق بين الحق والباطل عشان كده الرسول صلى الله عليه وسلم لقبه بالفاروق.
- أري أن ثقافتك الدينية ليست بسيئة؟
- ههههه فكرني جاهلة يا قمر؟
- معاذ الله 😂😂قوليلي متخطبتيش ليه لحد دلوقتي؟ أراكي عبء علي أمك؟
- يا ابني لكون عبء عليك إنتَ شخصياً؟
- هو لو عبء فهو هيبقي عبء لطول العمر!
- مش فاهمه؟
- مش ضروري تفهمي هاا فين إجابة السؤال؟
- مش لما تجاوبني علي سؤالي؟
- وهو فين سؤال ده؟
- إديني فرصة اتكلم طيب!
- أتفضلي يا ستي 🥺♥
- عندك كام سنه؟ وليه مش متجوز لحد دلوقتي؟
- علي فكره إنتِ قولتي سؤال!
- جاوبني طيب!
- هجاوب علي سني لكن مش متجوز دي لما تجاوبيني إنتِ.
- ماشي يااستا😂😂😂
- قوليلي من منظورك عندي كام سنه؟
- يعني تدخل في 30 كدا؟
- تلاتين قرد ينططوكي عندي 26 بس
- أعملك إي يا جدع مانتَ اللي باين هرقل في نفسك!
- يلاا سلام هروح أنزل أصلي المغرب أشوفك بكرة.
- وانا كمان رايحة اصلي باقي عليه كام دقيقة؟
- عشرة! ودلوقتي بقيوا تسعة.
- يلا سلام
- إستني!
- نعم
- الفنجان ده هاخده أصلو عجبني!
- مش خسارة فيك خده يلا بقي سلام!
سبته ودخلت أوضتي وأنا حاسه بمليون احساس ونغمة قلبي اللي اتغيرت فجأة هو ممكن أكون حبيت لالا مظناش أحب اللي هزقني أول مرة وليه لأ؟ المغرب كفاية يا عقل إنت والقلب عاوزة أصلي بقي!
دخلت الحمام أتوضيت فرشت السجادة صليت ركعتين
قبل المغرب كــ.. شكر لربنا أذن المغرب صليت وشكرت ربنا قعدت أدعي أن ربنا يكرمني في حياتي ويوفقني فجأة من غير ما أخد بالي شفايفي و قلبي اللي بيخاطبوا ربنا "*اللهم إن قلب موصول بقلبه فأجعلني قدره وأجعل اللقاء بيننا حلالاً*" قعدت ابص علي الشُباك وانا ناوية أخد خطوة جديدة في حياتي درستها كويس ومن عادتي كتبتها في ورقة وعلقتها علي الحيطة كلمت مامتي طلعت كتبي القديمة علي الكتب الجديدة وبدأت أذاكر من تاني.
أذن العشا صليت قعدت أذاكر لحد 10 ونصي محستش بالوقت ونسبت إني متعشتش قمت أحضر أعمل عشا لكن مش عارفة أعمل إيه؟ فضلت أقلب في التلاجة أجيب اكل شيبسي.. ولانشون ولا اجيب إندومي لا هجيب إندومي أخدت شنطتي ولبست طرحتي ونزلت أشتري وأنا داخلة باب العمارة لقيت تلت ولاد واقفين وشكلهم يخض.
فضلت واقفة من بعيد وانا محتارة أدخل إزاي فجأة لقيت حد ورايا ببص لقيته هو عمر كنت خايفة منه وفي نفس الوقت مطمنة قولتله إني عاوزة أعدي لكني جبانة وخايفة كان منظره وهو متصب أول مره زي دلوقتي وبعدين لقيت واحد من اللي كانوا واقفين جه نحيتي وبيقول.
_ ما القمر قاعد لوحديه لي؟ ما تيجي أسليك شوية؟
كنت خايفة جداً مسكت في يده وأسخبيت فيه من اللي بيتعرضلي لقيت نبرة صوته أتغيرت بقيت زي اول مرة وأصعب كنا ماشين في امان الله وهو متعصب جداً جينا ندخل من الباب لقيت حد منهم موقفنا وهو بيشاور عليا.
_ البنت دي تخصني؟. 😎😎🙃
قال الجملة دي ولقيت نفسي جوه العمارة والباب اتقفل حاولت افتحه أعصابي كانت سايبه معرفتش فضلت أصرخ واحدة نزلت من شقتها تشوفني فتحتلي الباب دقايق واغلب ناس العمارة نزلوا خرجت أبص زي المجنونة بصيت حوليا لقيت دم دم مين ده؟ لأ مش عاوزة أشوف لقيته واقف بيتسند علي الحيطة وبيضغط علي مكان الجرح.
بصتله وأنا بعيط إعمله إي ولا اسعفه إزاي جبت طرحتي وضغط بيها علي الضربة كنت خايفة لأخسر في الآخر واحد ربنا يجازيه الخير أخدنا بعربيته علي المستشفى وصلنا وكان خدته دكتورة تخيط جرحه وهما واقفين قمت قولت بعصبية.
- أنا قولت دكتور لو سمحتي!
- إوعي كدا يا آنسة مش وقتك خالص!
- بقولك إبعدي عنه ده خطيبي.
كلمة خرجت في نفس موضعها الأصلي جه دكتور علي ده كان صديقه ساعة اول أقل كان مخيط الجرح وسابه يرتاح أول واحدة راحت تشوفه كانت أنا كان هيتكلم ويحكيلي لكني مستنتش وكنت مقتحمة الغرفة لقيته قاعد علي السرير وبيبص لسقف قعدت علي الكرسي وانا بتكلم
- إنتَ كويس... تييب حاسس بإيه أجبلك عصير؟ تاكل أسيبك تنام؟ السرير معدول المخده رد عليا؟
- أنا بحبك ❤
- يعني انت كويس؟
- الحمدلله..!
- أنا آسفة انا كنت السبب انا السبب مكنتش اقصد صدقني يقطع الإندومي ويقطع الأكل واللي ياكلوه انا كنت السبب
- هاتي يدك؟
- ليي؟
- عشان عاوز انام وأحسك موجودة جنبي!
- ....
- أنا بحبك أوي أوي وكنت هموت النهارده علشان سياتك..!
- متقولش كده 🥺🥺🥺💔!
- الجرح مش عميق أسبوع بالكتير وهكون خفيت!
- ربنا ياخدهم حسبي الله ونعم الوكيل فيهم كلهم ضربوك بإي؟
- مش عارف !وبعدين يا بنتى دا جرج صغنن متخافيش.
- علي كان بيقول سبع غرز وجرح صغنن متخلنيش إدعي عليك دلوقتي!
- متعرفيش تكوني شخصيه واحده يا بنتي.
- ....
- قولي لحماتي كتب الكتاب يوم الجمعة
- أنا مش موافقة بقي 🤪🤪
كان رايح يتعدل فخرجت من الأوضة لقيته بيضحك
دخلت مكتبي وفضلت مع قهوتي لحد الصبح وانا بفكر النوم طار او ما الصبح شقشق روحت شقتي لميت بسرعة بسرعة هدومي وكنت طالبة أجازة ونزلت لماما كفر الشيخ حكيتلها كل حاجة طبعاً شتمتني هزقتني مسحت بكرامتي.
عدت الأيام ما بينا وأنا حاسة إني منتصرة مبسوطة
مسبتش مروة لحظة واللمة كانت جميلة جدا أسبوع أهو عدي واهو مجاش اصبر ممكن لسا ما خف أكيد بدأت الايام تعدي تاني وانا حاسه إن شعور الانتصار بيتفقد وشعور جديد جاي شعور الحزن نمت وانا بفكر صحيت علي صرخة مروة في ودني.
- يا عروووووسة دا كله نوم!
- اااااااااه ودااااني يا اما!
- اتعدلي كده وتعالي نظبطك في الكوافير
- نعمين؟ ومين بقي اللي تروح كوافير يا بت فرحك باقي عليه اسبوع او اكتر صلي علي النبي كده 😂
- صلي الله عليه وسلم يا حبي فرحك إنتِ!
- أنا؟
- مش وقت صدمات اللبسي الدريس ده بسرعة ورانا يوم طويل.
- فرحي أنا!
- يووووه يا بت إنجزي 😂😂😂😂
- لأ أنا مش عاوزة اتجوز!
كنت زي ما يكون تايه كدا ومش مستوعبة لبست بسرعة... وانا بفكر هل ده فعلاً واقع لبست وخرجت لقيت بيتنا فيه خالاتي عماتي اولادهم والمباركات شغالة خدوني بنات خالتي اللي مروة بتدايق منهم هتسكت مروة قامت اتخانقت معاهم وصممت وخدتني هي اللي حطتلي ميكب خفيف فضلت تحط وتمسح لحد آخر اليوم عدي وكنت لابسة فستان بسيط لونه بنفسج.
- مروة النهاردة إي انا مش مصدقه؟
- كتب كتابك يا قلبي عقباااال فرحي يا رب.
- لأ أنا مش موافقة!
- يا بنتي إنتِ عارفة مين قرة عينك يعني؟
- مش عاوزة أعرف.
- دا الواد كان هيموت ينفع كدا علشان سياتك!
- كان مات أحسن هو أفتكرني باين عليه أنه بيضحك عليا
- لأ هو بيرسم علي تقيل مش اكتر؟
- اطلعي بره يا مروة!
- يا عمي متزقيش كدا الله وبعدين فرحك معاااايا يعني تسكتي خالص.
علي مغرب كان اتكتب كتابي وفرحنا وهيصنا 💃🏼💃🏼💃🏼💃🏼طبعاً طبعاً عرفاكم عاوزين تعرفوا شعوري واللي حصل مش هحرمكم انا كنت قاعدة هادية بنت مؤدبة مكسوفة لحد ما مضيت وهبااا لقيت نفسي في لابسة في حضنه في بعد جملة
*بارك الله لكما وبارك عليكما وجمع بينكما في الخير*
وعدي اليوم والايام كانت بتجري بسرعة بعد كتب الكتاب ومروة وفرحنا خلاص باقي عليه يومين كتبت كل حاجه ودونتها في النوت بوك بتاعتي ببص من الشباك لمحته تحته.
- بتعمل ايه 😂؟ في نصاص الليالي دلوقتي؟
- يعني امنع نفسي مشفش مراتي دي يرضيكي؟
- روح امشي!
- لأ خلينا قاعدين كدا.
- والله هقفل الشباك ورايحة انام.!
- سهلة هرمي حجرة وبعدين ترجعي تبصيلي تاني!
- والله أنا اللي باين عليا هشوح عليك قالب مش حجرة!
- يهون عليكِ؟
- بس يلا روح اتكل علي الله
- مسيرك هتبقي تحت إيدي وهوريكي النجوم في عز الضهر.
- هجيب عيال أخواتي يعيشوا معانا!
- يبقي إنتِ جانية علي نفسك؟
- امشي يلا بدل ماصوت وألم امة لا إله إلا الله
- بنت مستفزة خلاص علبة الشوكلاته هفرقها علي النااس في الشارع!
- خلاص إستني.
- وبعدين يعني؟
- هاتلي واحدة!
- امشي يا بت!
- وإن ما وريتك يا عمر مابقي انا
في يوم الفرح
كنا قاعدين في الكوشة كل ما حد في اولاد خالتي يجي يبارك ويسلم كان بيبسبقوه هو كنت قاعدة باكل في ضوافري من الغيظ فجأة ميل علي ودني .
- متحلميش إنك هترقصي.
- مرة واحدة واحدة واحدة بس انا واصحابي مرة واحدة صدقني هسمع الكلام.
- يلا!
- علي فين؟
- مروحين يا زوجتي المصون.
- والله هعيط!
- خلاص بقي إفردي وشك ويلا نرقص.
- لااااااأ خلاص غيرت رأيي!
- كده هنرقص كده هنرقص.
اخدت إيدي وكنا نازلين نرقص القاعة ضلمت فجأة وأصحابه دخلوا بالبهداية بتاعتهم اللي بمكنسة واللي بشرشوبة واللي بزعافة واللي بجردل ميه وآخر واحد فيهم كان بريول المطبخ لبسهوله وأتصوروا جمبه وهو شوية كان مموتهم كلهم من التصرف اللي عملوه.
######////////////#########//////
خلص الفرح وأخدتها شقتي دخلت وأنا شايلها
كانت خدودها حمرة وأول ما دخلت لقيتها بتزق علشان تنزل نزلتها فرجتها علي شقتها كانت محرجة دخلت غيرت هدومها وبعدين طلعت تحضر كانت محتارة ومش حاسه بايا وانا داخل المطبخ وشوية وكنت حاضنها وبقولها
- تاكلي إندومي تاني؟
- لااااااااا
- حرمنا خلاص!؟
- لاااااااااا
- ايه شغل لاااااااا؟
- يعني إوعي كدا سيبني في حالي؟
- لأ يا حبيبتي من هنا ورايح حالك حالي!
- إوعي كده متصدقش نفسك أنا كنت مجبرة علي الجوازة دي من اساسه وهو إنت فاكــ...
- كملي كدا!
- نزلنننننييييي يا متخلف!
- ولا كلمة؟
- نزلنيييييييييييي
- بس بطلي رفس برجليكي زي الحمارة؟
- نزلنيييييييييييي وربي لأشتكيك للي خلقك يا رب!
- بس يا حبيبتي واحد شايل مراته إنتِ مالك؟
- .......
- ايوه كدا أتربي.. علشان أحبك!
بعد سبع سنين جواز
- رورو؟
- نعم يا حبيبي!
- قوليلي!
- أقولك إي؟
- كنت شايف حسنة هنا في رقبتك مش شايفها لي دلوقتي؟
- أتكل على الله كدا وامشي.
- الله هو الواحد مش المفروض تكون مراته حلوة ولطيفة وتسمع الكلام وتطيع جوزها!
- المفروض؟
كنا قاعدين في الصالون بنتكلم فجأة سمعت صوت صرخة يوسف اكيد اخته عملتله حاجة داخلة أوضتهم ولقيت كل واحد فيهم ماسك كتاب وبيقطع ورق منها.
- يا ولاد الجزمة إي ده؟
- بنلعب!
- يا عمرر تعالي شوف كلابك؟
- إي فيه وبتزعقي ليه يا هانم؟
- شايف اللي أنا شيفاه ده؟
- بنلعب يا بابا يعني مش نلعب؟
- اللعب يا حبيبي اللعب هي ماما كدا متخدش عليها!
- تقصد إي؟
- بنلعب يا ماما بنلعب؟
- لعبت بيكِ نفسك يا نادين؟
- علي فكره مبحبش حد يشتم ولادي؟
- ابعد عني كدا لازق في امي كدا إوعي!
- إحنا بنحبك يا ماما...
ولقيت يوسف أبني الصغير متشعلق في رجلي ونادين بتمسك يدي أختهم في حضني وسحبت الواقفة زعلانه دي بوست خدها وأنا وهي بنكمل القافية.
- زاد الهواء في قلبي وأصبح عاشقاً♥🎊
- لا ذنب لي بل كنت شبه مغيباً🤭♥
- ما عاد لي شئٌ بعمري غيرهُ🙃♥
///-فأنا وقلبي وكل شئٍٍ ملكهُ🤭🎊♥
فــالنهاية
أنني أحُبك يا صاحب العينان البُندقية
أتمني الاسكربت يعجبكم وتتفاعلوا وتقلولي كلمة حلوة لو متابع واتباد متنساش الكومنت والضغط علي النجمة ⭐⭐لو كنت فيس متنساش الكومنت والأعجاب لو متابع واتس متنساش الكومنت اللي بتبعته علي الخاص بحبكم كلكم أتمني تدعموني ومحدش يبخل عليا اسم الأسكربت "*صاحب العينان البندقية*"
#بقلم_الكاتبة
#ملاك_الجحيم
#رقية_محمد_عبداللاه
صفحتي واتباد محدش ينسي المتابعة أنا ليا فترة منزلتش حاجة جديدة غير النهاردة أستنوني في رواية جديدة بقلمRokia_mohmed