جوازه شيطان
الخامس
بسم الله الرحمن الرحيم
...
لميس بتفكر تهرب من عمر بس مش عارفه. قافل الباب بالمفتاح وواخد التليفونات منها .. غير معاملته اللي زي الزفت.
......
لميس قاعده ودخل عمر الأوضه : لميس
وقفت بخوف : نعم
عمر : قاعده كده وله علي بالك . فين القهوه بتاعتي
لميس : هقوم اعملها
دخلت المطبخ وهي بتفكر في أي حل يخليها تهرب من الشيطان اللي اتجوزته اللي بيعاملها زي الخدامه
: مفيش منوم وله سم واي حاجه تخلصني منه . كان يوم اسود يوم ما وفقت اتجوزك يا عمر
عمر دخل المطبخ : بدوري علي ايه
لميس اتخضت : ال . ال البن . عايزه بن
عمر : غبيه ..
لميس بصتله .. عمر : مش عاجبك
لميس : انا مش غبيه . اللي قدامك دي كانت كل سنه بتطلع الأولي في جامعتها في قسم اداره الاعمال غير اني كنت بدير شركتي لوحدي .. انا مش.غبيه علشان تقولي كده .
عمر : غبيه ومتخلفه كمان .ومترديش عليا وده لصالحك انتي
رفع أيده وهي خافت ورجعت لورا ، ابتسم بسخريه : علشان تعرفي انك غبيه،، البن وراكي
....
لميس عملت القهوه وخرجت لعمر ..
لميس : عمر ممكن اتكلم معاك
عمر نفخ وقفل الكتاب اللي مسكه: ارغي
استحملت إهانته واتكلمت : احنا هنرجع امتي .
عمر : اما يجلي مزاجي ارجع هنرجع
لميس : انا محتاجه موبايلي .
عمر : ليه
لميس : هو ايه اللي ليه . انا مش في سجن ، عايزه اتابع شغلي .
عمر وقف : عايزه تتابعي شغلك وله عايزه تجري علي حبيب القلب تشتكيله
لميس رجعت لورا بخوف منه : قصدك مين
عمر : يحي
لميس. : قولتلك يحي اخويا ..
عمر : كدابه ، فاكراني هصدق الكدبه التافهه دي
لميس : بالعقل كده . لو هو حبيبي زي ما بتقول . هتجوزك ليه .. انا اكيد كنت هتجوزه
عمر : علشان الملصحه اللي زيك بيتجوزو اللي معاهم فلوس اكتر . كلبه فلوسه مش اكتر من كده
لميس. بغضب : انت اللي كلب . وحيوان . لاغي عقلك .. انا عمري ما كرهت حد بس كرهتك إنت يا عمر
عمر ضربها بالقلم وقعت على الأرض بس وقفت تاني : كل ما هتضربني هقف تاني ..
عمر : هكسرلك
لميس : اكسرني هتعالج وهرجع اقف في وشك تاني ..
رمي القهوه في الأرض : غوري من وشي ، بدل ما اخليكي مش نافعه ....
..
دخلت الأوضه وهي بتعيط وبصت علي نفسها في المرايا. هي عمرها ما كانت ضعيفه . مش هتسمح للخوف أنه يتحكم فيها اكتر من كده . هي لازم تكون قويه وتوقف عمر عند حده ...
........
في المستشفي . بعد ٤٨ ساعه
نقلو يحي لغرفه عاديه بعد ما اطمنو أن الخطر راح
دخلت الدكتوره تتابع حالته وبعد الفحص عليه
الام فريال: طمنيني هيفوق أمتي
الدكتوره : أن شاء الله يفوق انهارده . بس انتي معرفش
لسه بيتكلمو وسمعو صوت همهات من يحي
الدكتوره قربت : حمد لله علي السلامه
فتح عينه بتعب وبعدين غمضها تاني
فريال : ده نام
الدكتوره : شئ طبيعي ، متقلقيش
******
عدا اسبوع.
لميس حياتها جحيم مع عمر .
وفي الوقت ده يحي كان بدأ يتحسن
دخلت الدكتوره : صباح الخير
يحي ابتسم : صباح العسل
ضحكت الدكتوره : لسه من كام يوم مكنتش عارف تتكلم
يحي بيهزر : انا اه متكسر بس نينجا في نفسي
فحصت ضغط دمه : نينجا مدغدغ
يحي : بس نينجا
دكتوره : ومدغدغ
يحي : مش هنتعرف بقي وله ايه ، مش معقول ل دلوقتي معرفش اسمك
دكتوره : انا دكتوره همسه
يحي : همسه . اسمك جميل جاي من الهمس
ضحكت الدكتوره : حاجه زي كده .. ممكن تخرج بكره إن شاء الله وتكمل علاج في البيت
يحي : اخرج ايه انا عجباني القعده هنا . انا لسه تعبان يا دكتوره
همسه : تعبان ... مش لسه كنت نينجا
يحي : بس تعبان برضو ..
الدكتوره : طيب عن اذنك يا استاذ يحي
يحي : قوليلي يحي من غير استاذ. او ممكن تقوليلي يويو
همسه بصتله وخرجت وهي بتكلم نفسها : مجنونه ده وله ايه
يحي : هيييح انا شكلي وقعت وله ايه .
.....
دخل عمر غرفه لميس : الست هانم فين
بصتله بدموع ووشها احمر وشكلها مريض ، عمر قرب منها ولمس جبينها كانت حرارتها مرتفعه
عمر : انتي سخنه كده ليه
لميس :كح . كح ، أنا تعبانه
وقف بخوف : مقولتيش ليه انك تعبانه
شالها وخرج بيها ركب عربيته وراح علي اقرب مستشفي .. هي كانت مستغربه هو ليه بيعمل كده معاها مش ده اللي من وقت اما اتقفل عليهم باب بيهين فيها
...
الدكتور: المريضه محتاجه راحه ورعايه ، دور البرد اللي عندها جامد ، هكتبلها علي علاج وخافض للحراره .. وحقن مضاد
عمر جاب الدواء وكان مهتم بكلام الدكتور ... رجع ليها البيت. عملها شوربه
عمر بياكلها : خلصي الطبق ده علشان تاخدي الدوا
لميس: مش قادره يا عمر
عمر : كلي شويه كمان
اكلها وخدت العلاج .. وقعد جنبها
لميس مستغربه من الحنيه اللي نزلت عليه والخوف اللي في عينه ... طبطب عليها وهي عيطت
عمر حضنها: لسه تعبانه
لميس بدموع: انا تعبانه منك .
اتنهد بتعب من نفسه : سيبك مني. انتي مش حاسه باي تحسن
مسح دموعها .لميس: احسن الحمد لله .
عمر: الحمد لله . نامي هترتاحي
لميس: طيب قوم من جنبي
عمر : مش هقوم . انا هقعد هنا علشان لو احتجتي لاي حاجه
لميس:. هتتعب زي
عمر : فداكي
لميس حاسه انها بتخرف من التعب معقول عمر اللي بيقولوها كده .. غمضت عينها باستسلام ونامت بسلام
....
صحيت علي صوت عمر اللي جايب الاكل وأصر بنفسه أنه يأكلها
.....
في الوقت ده كان والد يحي ووالدته بيزروه
الاب : الشرطه لسه بتحقق .. انت مشفتش اللي عملو فيك كده
يحي : لا .. انا مليش أعداء علشان حد يعمل فيا
فريال ( ام يحي ) : ربنا ينتقم منهم
يحي : يارب . بابا هي لميس مرجعتش
الاب : لسه .
فريال : عروسه ، محدش يقولها وينكد عليها .
يحي قلقان عليها واللي حصل ده مش مخليه عارف يتحرك : ياتري اخبارك ايه يا لميس ؟
......
بعد يومين ...في اوضه لميس ..عمر قاعد جنبها
عمر بيتكلم مع لميس بهدوء وبيضحكها
: بصراحه كنت كارثه وانا صغير .. مره المستر بتاعي ضايقني روحت كسرتله ازاز العربيه .كان هيتشل فيها
ضحكت لميس : مفتري من يومك
عمر بصلها
ضحكتها اختفت بخوف : اسفه . مش قصدي والله
ابتسم ورفع شعرها : انتي بقي كنتي بتعملي ايه
لميس بطيبه : ماما كانت كل حياتي و اما ماتت كنت لسه صغيره ومامت يحي كانت بتربيني معاه
عمر كشر .. لميس : عمر والله انا مش بكدب عليك .. طيب اسال بابا . او اسال انطي فريال هي مامت يحي
عمر : اقفلي الموضوع ده . انا بتعصب كل اما اسمع اسمه
لميس : حاضر
سكتت وفي نفسه : عنده انفصام في الشخصيه مش طبيعي عمر ده
عمر : تيجي نتمشي شويه .
لميس ابتسمت : ياريت
خرجت مع عمر واتمشو علي الشط والجو كان جميل
لميس نسيت كل قساوته : شكرا
عمر : علي ايه
لميس : تعبتك معايا اليومين اللي فاتو
عمر : كنت خايف عليكي
لميس : عليا أنا
عمر : أيوه مش مراتي
لميس: مراتك . بس علاقتنا
عمر: هتفضلي مراتي ... احم . انا في الحقيقه بفكر ارجع لأن ورايا شغل كتير
لميس فرحت : بجد هنرجع
عمر : هنرجع بس هتكوني في البيت ومفيش خروج
لميس: ازاي يعني ، انا كمان عندي شغل واظن انك عارف ده كويس.
عمر : مليش دعوه بشغلك ، اوعي تفتكري علشان هنرجع يبق هتعملي اللي انتي عايزاه وتخرجي وتدخلي براحتك .. انسي خالص الكلام ده . انتي مراتي قدام الناس وانا لازم احافظ علي برستيجي
لميس؛ انا افتكرت انك بقيت انسان كويس طلعت زي ما انت. مش هتتغير ، شيطان
عمر مسكها من أيدها جامد : ايوه انا شيطان ، خافي علي نفسك يا لميس علشان محدش هيمنعني عنك .. كلمتي تتنفذ واسمع حاضر و نعم وده لمصلحتك اما بقي لو حد فكر يقف قدامي همحيه من علي وش الدنيا . يحي بتاعك ده حشره في ثانيه ممكن اخلص منه .
لميس عيطت : بابا لو عرف...
قطع كلامها : مش هيعمل حاجه ، متنسيش في بيزنس كبير بينا وباباكي اذكي أنه يدمر كل ده علشان الدلوعه بتشتكي ..
عنده حق هي عارفه. أن بابها مش هيدخل .. فضلت السكوت ..
... جهزت الشنط زي ما امرها وهي ساكته ، بتفكر مين ممكن يخلصها من جوازه الشيطان دي . مش هينفع تقول ليحي هتخاف عليه لعمر ياذيه
........
يحي كان هيتجنن ويعرف اي اخبار عن لميس .
كلم عمه هشام وسأله عليها
يحي : تليفونه مقفول . احنا نطمن علي لميس ازاي
هشام : مش هيحصل حاجه . هي مع جوزها
يحي : مع جوزها بس من حقنا نطمن عليها .
هشام : متكبرش الموضوع يا يحي . هي يومين وهترجع
قفل هشام ببرود ويحي : في آب يعمل كده .
*******
يتبع