لُقياك (عشك الذيب)

﮼البارت﮼الستون

البارت الخامس الثلاثون من الجزء الثاني ..
الكاتبه : ليل آل قيس ..

قصه .. لُقياك (عشك الذيب)
حب / غموض..
البارت الستون ..

تعبت أراضي الزعلان وأطمن الخايف
ولا فيهم إللي ركض وهوّن اتعابي .

حوراء
اجيت من البيت على صوت صياح شفت نغم واگعه
شالها ارشد بسرعه دخلها للغرفه نوروز دگت على
وجهها :ولك شبيهاااا احچي شجاااابهااا ..

ارشد : بعدين بس وخرررن وجيبي ماي ..
مددها وذب شالها منها شممها عطر ورش مي عليها
: كمت كمت ..

ارشد :فهميني شصاير شبيج خابرتي تلطمين ..
نغم :راااح وعافني سااافر بدون ميگلييي ..

هل كلمات ضلت ترددها محد فهم اي شي الى ان نزل
زوج فجر :شويه عمي وخري ..

كعد يم راسها:بنيتي نغمايه احجي شصار شكو..
نغم :راسي يووووجعنييييي ..

قصي :فجر جيبي خبزايه وشي تحطه بمعدتها وراها
دوه تحركي ... جانت صافنه ووجها اصفر
راحت ركض واحنه كلنه يم نغم غطت وجها وتبجي

قصي :اطلعن بره انه يمها ويمه انتي طلعي مابيها
شي هسه افتهم شبيها .. انسحبنه كلنه عشق طلعتنه
فجر جتي شايله مثل اللفه ..

ودخلت يمهم اني كعدت بعيد احس اريد افصل عن
العالم مخنوگه وتعبانه حيل احس القهر بداخلي
دياكلني ..

فزيت على ضربه بچتفي شفتها ديم صافنه مدمعه
:شمالج مغورگه عويناتج ..

ديم :شكلچ تعبان مدري شبيج بس لضوجين حوري
تعااي احضنج .. ضحكت سحبتني يمها للحضه صدگ
شكيت بروحي فگر بس وصلت للبيت المشاكل صااررت
هوايه ..

سحبت روحي ورحت للمطبخ بدون كلام جريت صمونه
من الحافضه مال صمون وحطيت بيها لبنه وكعدت اكل
صوت نغم تصيح وترجع تسكت خله نفسي تنسد ماكدر
اكل وشخص متأذي وماالي حيل اروح يمها مااتحمل
انهيارات ..

عشق :حوريا خلي قسور يمچ .. اشرتلها تجيبه
كعدته بحضني واسويله حركه الاطفال انزل حنچه
بأصبعي "اغو"..

ضل يفتح حلگه ويسده ضحكني شكله حلوين الاطفال
بس تعب واحس احساس الامومه حلو صح ماحسيت
اني بحنيتها بس اذا صار عندي طفل انطيه مشاعري
وروحي كلها ..

: رح تحول على عمامي ولچ مايگلبوچ من اطلگچ..
جريت نفس حااازم اخخخ كوم توكع عليه حجاره بگد
حوراء حته اخلص منه شكد شايفه ناس تفكيرهم وصخ
مثل هذا مشايفه ..

رفعت عيني شفته كاعد ويدخن يمي : اخاف انت حاط
عينك على نسوانهم وتبليني بهل سالفه شگد اگول على
ولدنه مخابيل بس اَنَــتْ مخبل وغبي ونيتك اسود من
ليلة مابيها گمر ..

جر شعري احسه تگطع گز على اسنانه بقوه : بختج
لهذا الي بحضنج ياكـ**يادايحه ناقصني وحده ساايبهه
تجي تاكل *** براسي ..

هدني گمت احس روحي شااطت : هواي سايبات
بحيياتك حقك تضوج مني لان متربيه احسن منك
ومنهن وشووكت تبطططل نگ وياي بابا ماحبك
وماطيقك اصلاً وماعندك غير هل سالفه كلسع
تكلي تحبين ومدري شني بطل سوالف الجهال ..

حجيتها وانداريت شفت امه راسي گام يوجعني
:عشق اخذه يمي للغرفه ..

عشق : كيفج عمري هاچ غراضه ..اخذت جنطته ومشيت
ممهتمه الهم بس احس دااغلي من الخنگه رحت لغرفة ديم
حطيت مخده على رجلي وخليت قسور عليها هو هاديء
هزيته بخفه هو عينه على السگف..

رجعت نفسي ولزمت تلفوني ردت اتصل على ابراهيم
احس محتاجه احد اعرفه ماجاوب تركت الفون شفت
قسور غفه نومته وحطيت مخدات داير مدايره ..

داريد انام سمعت صوت عالي رحت يم الباب سمعت
حازم وامه :اطللگهااا بس اخذها يله الكل عرف هي
مرتي شلون اطلگها وهي بعدها بنيه لو يجوز مو بنيه..

ام حازم :تطلگهاااا وتنچبببب ماكووو نقاااش
ومتتقرب الها شبيك استخفيت من شوكت تريد شي
انغصبت عليه..

اندار بكل برود :الفضل لعمچ والرجلج هم خلوني
بهل موقف وهسه اني اتصرف مو همه ..

فجر
اني وقصي يم نغم ساعه تصيح وتبجي وساعه تهده
اخر شي صاح بيها وهز متنها بيده :احجييييي حجرررررم
بيچ كاافي بچييي..

نغم :رهيب راح سافرررر بدون مايگووولي كعدت
مااالگيتته .. بچت اكثر سحب الحبايه مني مال مهدء
وشربها الها ..

نغم : خليني انام عوفني حباب.. باس راسها وغطاها
اشرلي وطلعنه احس الشرار يطلع من عينه رفع جهازه
راساً واتصل : ميجاوب ابن المططييي..

جريته من ايده : ضعطك ياعيني شكو ..
قصي :شمعرفني هسه اخابر لواء واشوف شجاي
ياكل خر* ذاك ..

فجر :حبيبي ضغطك اكعد ..
قصي : لتخافين بس صعدي جيبيلي سلاحي والسويچ..

فجر : تمام .. صعدت جبت السلاح والسويچ سمعته
يصيح : المحفضهههه ويياااج ..

جيتهن ونزلت اله احس فحطت وگلبي رجف
: شبيج خفتي يعيني رايح للمركز يم وارث واشوف
هذا وين مولي ..
فجر :لتتأخر ..

ابتسم وراح وهو يرجع شعره بيده دعيت الله يحفضهم
كلهم شفت نغم غافيه ودمعتها بعينها عشق يم خاله الي
هبط سكرها ..

دگ فوني شفتها حوراء صوتها خوفني : فجر تعالي
اخذي مني قسور بغرفه ديم اني ..

حچتها وسدته رحت بسرعه شفت حازم يم قصي
حچه حبيبي بصوت مسموع : ابويه لتطلعين منايه روحي
من الباب الورا دخلي هسه وبعد لتعيديها ..

هزيت راسي ودخلت بسرعه صعدت فوگ لغرفه ديم
شفت حوراء صافنه على الباب ولامه رجلها لصدرها
للحضه خفت منها لان وصلت يمها وهي مارمشت..

طخيتها بچتفها فزت : لااا .. لزمت صدرها بسرعه
فجر :شبيج گلبي حوريا ..

حوراء : مَ مابيه بس اريد انام يجوز افلاونزا بس ابعدو
لتنعدون .. راساً تغطت لزمت راسها مو كلش حار غمضت
عيونها واني كمت افر براسي وخفت يبوووو شبيهم ذوله
كل واحد مصيبه شكل اريد ابچييي اريد ابوي وامي ..

طلعت من البيت احس راسي يفتر رجعت للبيت عشق
النار تطلع من عيونها وتحجي بلفون : شكووو ترد
عليها انتتتتتت قندرتيش هيههه.... شقهههه حجيت
هي الـ ... هههههه اي ترهمون البعض نفس المستوى
اَنَــتْ وهي .. الطيور على اشكالها تقع ..

سدت الفون وتفتر احس اذا اطخها انچوي البيت نار
كمت افر بأذاناتي مثل الخبله من المصايب مال بيت ..

علا : هاي وي وارررث عزززه بعينج مصخمه ...
هزت شعرها : طز بي تمام من يصدك كلام هاي الي
جايبها حجيت سالفه بشقه راحت بووووق گالتها
اله خابر يغلط وانتي ممحترمه خل يعرف اوادمه ..

ديم : نغمه ليـشہ تبچي شصاير ..ديم وضحى يفركون
بعينهم :شنو نايمات..

ضحى :اي جاي استعد لرمضان من هسه ..
عشق : وينج ووين رمضان بـ؏ـد ترا..

ديم :شهرين ترا بقت ويجي اكثر شهر بـ الدنيا احبه ..
فجر : اني هم احس انضف من كلشي تحمست ..

عشق : يارب يجي على خير ان شاء الله والبيت مابيه
مشاكل ونرتاح من كلشي .. دعينه كلنه وياها ديم والبنات
دخلو على نغم طلعت علا صافنه ..

علا : هو تمم كلشي لو Ϫ .. وحده باوعت على الخ اني
وعشق ورفعنه چتفنه بمعنى مانعرف عشق حچت وهي
ترفع قسور على چتفها وتطبطب على ضهره ..

عشق : ليش شكو ..
علا :داذب منها العبايه اكو اثار بچتفها ..

فجر :مااعتقد يسويها ..
علا : واللــہٰ مدري الله كريم يااارب اوي اختنگت
شوكت اجيب ..

عشق : اسكتي اني اشوفچ اختنگ الله يساعدچ..
علا : بنوووته طلعتتت ..

فجر : اللهم صلي على محمد وال محمد ياعيني الف
مبروك اكلكم مو الوكت مشه بسرعه..

حجيتها وصدگ دمعت عيني البارحه عبالك تزوجت
قصي وتخرجت اووووف يمه وهسه علا صارت بشهر
الخامس ..

تنهدت وگمت خابرت قصي بلمطبخ : حبيبي وينك..

قصي : ها يابه خير ..
فجر : اول شي اඋــبـك ثاني شي البيت كل واحد مصيبته
شكل ممكن تجيب غده من برا سمچ او شي واني حسوي
تمن ومرگه ..

قصي : خوش تسلم الايادي من عيني ..سمعته يحچي
وگال :علاء خابر ابو السمچ يحضر سمچتين ..

:ها للبيت والحل وي نسيبكم ..
قصي :گوا** وطايح حض يسافر بدون اعلام احد مننه..

:سيدي هو اخذ اذن من اللواء ونطوه اله ..
قصي : ماريد اسبه بس خل يرجععع ..

:وين رايح ..
قصي :ارجع للبيت اَنَــتْ خفر اليوم ..يحجي وي وارث
احسه نساني ضليت اسمع وارث يگله:اي خفر شبي
البيت ..

قصي :رايح وعود ادگلك .. تسالموا ورجع وياي ..
:ها فجري صوتج مخنوگ ..

فجر :محتاجتك محتاجه كلشي بيك حالياً ..
قصي : ياعيني جاي ساعه زمان انه يمكم ..

فجر :منتضرتك ..سده وراح طلعت دجاج شفتهم متبليها
گطعت بتيته وياها وخليت الها صلصله حطيتهم بـ الفرن
وسويت تمن ابيض جانت علا ناگعته ..

وثرمت بصل وسويت الفاصوليا عيني تجري من ورا
البصل اجتي اسيل وديم هم كملوا بدالي يتنضروه يستوي
وضحى سوت الزلاطه والخضره ..

كعدت واجتني مسجات على الفيس: فجر اني ريم
اخت رهيب فدوه اريد احجي وي نغم بس افهمها..

بـ؏ـد سلام نطتني رقمها خابرتها :ها حبيبتي اسفه
بس اريد احجي وياها ..

فجر :نايمه عمري فد مره اجتي حالتها هو شصار ..
ريم : اخوي العاااقل الرزن حاجز سفره للعلاج هو ورجلي
واني ماعرف گلولي الصبح خلوني افر بأذاناتتتي وكال
لتخلين نغم تطلععع هي دفعتني وطنشت واني بوضع زفت..

فجر : ترا هم حقها شنو وكفت كدامنه وكالت اروح وياه
وبدون وثاني يعوفها ويروح هسه انسي هي يمنه حيري
بجهالج وخلينه على اتصال..

ريم : تمام عيني بس من تكعد طمنيني فدوه..
فجر : ادللي گلبي ..سديته منها التفتوا عليه ..

علا :هاي ريم شكو ..
فجر : تكول .. حجيت على سفرته هزوا راسهم
بدون كلام شيحجون شبيدنه احنه ..

صعدت فوگ غسلت وذبيت ملابسي ورحت للحمام
سبحت لان صارت ريحتي مال طبخ وبصل نضفت
جسمي وبشرتي بلغسولات احس صار جلدي ناعم
كملت وغسلت الحمام طلعت ..

حضرت تراك خفيف مال نوم وفوكاها عبايه مال بيت طبعاً
كلما قصي يطلع ويجي جايبلي لو بشت لو عبايه يكلي البسي
الي تردي بس فوكاه ذني ..

احس جسمي بده يتنفس ضفرت شعري حته يصير مموج
محطيت مكياج نزلت لان سمعت صوت سيارة قصي ..

رحت للمطبخ البنات يصبون وينگلون اجه من برا
شايل السمچ ابتسمت ورحت اخذتهم منه ..

: الله يساعدك حبيبي..
قصي :عمري كله فدوه لهل ابتسامه ..

فجر :بشر شصار ..
قصي : رايح لعمان يسوي عمليه دزيتله رزاله اله
ولـ لواء بس ماكو رد يجوز بعدهم مواصلين لتخافين
محلوله يابه شمالچ كلشي يصير وجهج يصير اصفر..

فجر : مشتاقتلك وخايفه..
هز راسه مبتسم وجر شعري ضحكت ووخرت النايلون
من الصواني واخذتهم شفته يغسل ايده ووجه..

كعدنه على الاكل ماكو احد اله نفس لأي شي
فارس : وين سافر ..

قصي : للأردن .. هز راسه وهو ياكل اخر شي تعصب..
فارس : مجاااي اعرف مــنــﹻـو الصح والغلللط هس
سوايته مال سواية بشرر صااحي يسافر بكيفه وماينطي
خبررر ..

حازم : حيسوي العمليه باچر حسب ماگال لواء ..
مصطفى: شوكت حجيتو..

حازم : من ارشد گال اجتي نغم ضليت اتصل الى ان
رد چانوا نازلين من المطار هستوهم..

قصي : خووش دايمه فجر انطيني اكل نغم ..

كمل اكل وانطيته الاكل الي عزلته النغم : عوفه حبيبي
اني اودي الها .. حچتها نوروز وگامت اخذت الاكل هو
سكت شوي شوي گاموا كلهم ..

حوراء ماكو مدري شبيها لميت المواعين داجي اشيل
الباقي جتني اسيل : عمري اتركي من ايدج عمو يريدج..

غسلت ايدي وصعدت بسرعه شفته يلعب شناو ضحكت
وفتحت شعري وذبيت البشت عدلت وجهي ورحت كعدت
على ضهره..

قصي : خربيججج ضهري .. كعدت مرتاحه وضحكت
امشي ايدي وادك على ضهره : يله ميع ميع ..

شو هذا گام ووكعني على الچربايه : ميع ميع الطليه
بطلي سوالفج ..حضنته وضربته كَله: احبك صقيقي..

ضحكت ونفض شعره عليه ويعض بوجهي : واللــہٰ
آلــچ حب بيه وشاااايلچ حب بحيث مااعرف اعبر عنه
ولچ شي حيل حلو بحياتي انتي اذا تبچين اهفچ..

صدك ردت ابجي حضنته وابتسمت حضنته كلش قوي
: مشتاگ ولچ..

فجر : احبك ولك ..
قصي : خشمج زين مو باقي اثر بسيط..

فجر : اي واللــہٰ حلو ابوس ايد الضربني..
قصي : دتعالي فد بوكس حته يطير وجهج بابا رجلج
انه مو رحمه صديقتج ..

فجر : اوي خلينه نتنااقش شگد نحيس بعد ماسولفلك
على احد سكتت ..
قصي : حجعصچ نچبي بنت المشعول ..

بسته بطرف شفته وضميت روحي بي: چا گولي مشتاقتلك
حيل ونفتهم كل السالفه ..

ضحكت بعلو صوتي باس راسي بهدوء وباوع بعيني
احس هل لحضات لازم تتسجل احلى لحضات حياتي..
قصي : انتي بس شوفتج ووجودج وياي نعمه احبنچ ولچ..

يَـ المخِلوقه بَس للشَم
طشِريني اعَلى حضنِج وخلي العطر يلتم .

عشق
سوالف كل الناس كوووم وسالفتي كوم يـ؏ـنيہ حجيت
سالفه بشقه( وارث هو مربيني اصلاً مو مفسد اخلاقي )
واصلاً كل مره هيج احچي بس هو زودها ..

حسيت روحي كشت من كلشي صعدت انوم قسور
ورا الغده غفه خطيه لان تبهذل غسلت وبدلت
دگ فوني سحبته ومددت..

فتحته اجاني صوته على گولة فجر صوت الدلالات
: من الغي واحججي وييياج تنچبين وتسمعييينييي
اذا ينسدد اجي افرگ حلگج ..

عشق : اسده احسن لا اتجاوز واضوجك..
وارث :جاي باچر جاااي واشعل الخلفوچ ..

عشق : لتغلللط مالك حق تحااسبني لان صدگت ذيچ
محچيتتت شي عليك سالفة شقه صاارت وگالت نوروز
مفسد اخلاقچ وارث گتلها Ϫ ابد اصلاً هو الي يعدل اخلاقي..

وارث : يعننني ماگايله يگو* بشغله وهاملنه اني وابني
ويدور بنات ..شهگت ورفعت نفسي : عزا بعيني واللــہٰ
واللــہٰ والله ماحاچيه اي شي من هيج وشكوو ضجتتت
اذا اَنَــتْ هيج اخلاق شكو ضجت ..

وارث : وتكوووول محاااچيهههه ال***.. سديته
احس شاطت روحي حچاها بعصبيه هل كلمه مو بشقه
هو حتى بشقه مايگولها عيني غورگت بس واللــہٰ ماابچي
ديله ..

كمت بهدوء ومسحت عيني فتحت المجر شفت مواد العنايه
هامله روحي على شنوو طز بلكل اخذت كم شغله كملت جسمي
حطيت مرطب واكو ماده دلكه مغربيه ووياها ليفه دخلت للحمام
ماعرف شگد ضليت بس احس استمتعت غسلت جسمي ولبست
البرنص طلعت جديده..

مشطت شعري كله شفته اطرافه متقصفه عدلته احس صار
فريش والله اجنن وماكو شي يسوه اضوج لان محاچيه عليه
اني ابد ولا مسويه غلط ..

رطبت جسمي وطلعت شلت كل الفراش ووجوه المخاديد ذبتيهم
بسله وحطيت فراش جديد لبست دشداشه مال نوم شعري شسورته
صار حلو ..

حطيت مواد طبيعيه على شفتي مسحه من التنت وكفت
كدام المرايه فوني دگ فتحته بدون Ϫ اباوع ..

: هاااي شمسوووويهه.. نزلت عيني شفت صخامي
عدلت الكاميرا ولبست الزنچيل مال "عشگه" شفته صفن...

عشق : خابر هم تصيح..
وارث : شكو مبدله ومحضره روحج مااجي اليوم..

عشق : فدوه لمخيلتك الي صورتلك اني منتضرتك..
وارث : عشققق..

عشق : وووو شكو..
وارث : شبيج تستثولللين عشققق بدال متعتذرين..

عدلت شعري وگلبت عيني : عود تعال وتعارك عركة
الفون فاهيه ترا .. سده ضحكت عليه مدري شبيه صدك
مالي مزاج عركه ..

مر اليوم بملل تقى ماشفتتتها ونغم هم وحوراء البيت احد
حاط عينه عللليه شاطت روحي من الملل والضوجه فتحت
القرآن ومشه الوكت تحضير عشه ونضفنه وشلناه نفسه
الاكل..

صعدت ضل يتنعوص قسور كرهت روووحي مايسككت كمت ابجي
وووياه لان صدگ اختنگت اجتي نوروز اخذته مني ماعرف
كم ساعه يصرخ ضللل نزلت جوه شفت الكل كاعد..

الحجيه : جيبوووه هذا مبروگ ..
( اعتقد لازمه دمار او متشنج جسمه )

فتحت گماطه وهدومه ضلت تدعگ بضهوه وهو يصرخ
واني ابجي : بيبي فدوه كاافي خل ناخذه مستشفى ..

حوراء : Ϫ لا عادي بس زيت زيتون دافي هسه اجيب..
راحت تجيب زين زيتون وقصي والكل يم بيبي صافنين
على قسور مسحت دموعي من شفته بده يهدء..

علا : خل اگمطه عدل .. لبسته علا ملابسه وكمطته قوي
شفته يشهك..

نوروز : نطوه ينسون شويه ..كمت سويتله بسرعه ودفيته
حطيته بـ الممه شفت الكل مطفين ضحك عمو ..

فارس : روحوا نامو يابه شعندكم كلكم كاعدين..
قصي : غير ابن وارث مثل ابوه يصرع البيت يله مرتي
امشي ننتضر خمسه وتسعين سنه يله نفكر نخلف ..

الحجيه : هو اكو احلى منهم ولج بسج عاد گومي ..
اخذته واخذت الممه وصعدت شفته يشهك سوده عليه
سديت باب الغرفه وكعدت اشربه شوي شوي وهدء..

احس جسمي كله رجف رحت غسلت ولبست دشداشتي
غفه حبيبي التعبان واني هم ذبيت روحي شفت الساعه
بـ الـ ٣ ردت اخابر وارث شفته ممتصل فتحت قرآن
شويه واذكار النوم غفيت واني استغفر..

فزيت على سدة الباب عيني ملزگه مال نوم شفت وارث
دخل وخازرني : طبعاً اهم شي حضرتها تناام ورجلها
طز بيه والله لا اعيد تربيتج من جديد..

گلبت وجهي وجريت گلاص مي شربت منه : الي يطلع
بيدك سويه لاتقصررر بس خل انطمر...

وارث : صلفه وادبسززز .. غطيت روحي واسمعه يغلط
عشق : اصير صلفه وادبسزز وذيج المؤدبه هي تحجي
عليه وحضرررتك تستمع وتجي ترزللل...

جر الغطه مني ودنچ عليه : لج سأللتج حجيتي عليه
تگليلي اذا اَنَــتْ مو هيج شكو يأثرر بيك الحچييي ..

عشق : ماحاااچيه علليككك واللــہٰ كااافي جزعتني..
دفعته ورجعت لفلفت نفسي حسيته صار ورايه
: يـ؏ـنيہ ماگلتي گدام تقى وارث چبير وتندمت
لان عرفته وتزوجته وهو يدور نسوان وهاملنه..

كمت منتفضه من الفراش وضربت چتفه ..
: يعني انتتتت مصدگ اني هيج احجي وارث صدك
مصدگ اني هيج احجي ترا تعبت واللــہٰ ..

خنگتني العبره ودموعي ملت عيني رفعت عيني اله
لزم وجهي : ماحاچيه هيچ عشگي مو ..

عشق : وتعرف كلش زين لو اموت مااحجي هيج..
دفعته وگمت لان بچه قسور وهو گام للحمام..

عشق : ها مامي جوعان حبيبي موجوع سوده عليه ..
رفعته بخفه ومقهوره عليه سويتله ممه موت روحه عليها
كملها بسرعه جوعان عمري ..

راح صوت المي الي بـ الحمام يـ؏ـنيہ كمل سبح جريت
نفس وحطيت قسور على چتفي اندگت الباب وانفتحت راساً ..

شفتها تقى دخلت بسرعه
: متدگيننن الباب اكو وحده هيچ تدخللل..
تقى : اهووو ششش شايفه روحج شوفه جايه اكلچ كلمتين
اتركي البيتتت وعوفي وارث لان ممبقيچ حباً بيج كله علمود
الجهااال واني وهو علاقه من قبل لا يتصوب فـ انسحبي بكرامتج
لان انقهر عليج مواعدني بزواج وانتي حتضلين هيچ بحياته..

سوت حركة الوداع بيدها وضحكت وراحت !!!!!.

يتبع .. تصويت 🖤

البارتات طوووويلههه اريد تفاعل عليهم وتعليقات
لان دياخذ وكت وجهدددد منيييييي تفاعلوا حبااايبي روحي

داده🥺♥️