Purvi ke Baba aur Mama Sarkaar ne Kanji Bhai se baat karke Rishta pakka kar liya
Kanji Bhai ne MS se Paisa lekar Purvi ke Baba ke account main transfer kardiya aur Jald se jald Duddu ka operation bhi start hogaya
Hospital ke Mandir PurVir dono khade hi the prarthana kar hi rahe the ki MS ka Mukhi ko call aya aur wo wahan se chala gaya
Aur Tab Hi Priyu bhag kar mandir aayi aur Purvi ko bataya ki paison ka intezam ho gaya hai aur Duddu ka operation bhi start hogaya hai.
Ye sun kar Purvi Bahut khush hui aur bhagwan ji ke saamne haath jodkar apni khusi vyakt ki
Purvi - Thankoo Bhagwan ji aap ne meri sun li ab Duddu ka operation achhe se ho jayega aur Duddu thik ho jayega
Aur Iske baad Purvi Aur Priyu Operation Theatre ki taraf bhage
Purvi jaake Apne Maa Baba ko gale laga liya aur kaha....
Purvi - Kanha ji ka shukar hai ki humein paise mil gaye aur Duddu ka operation sahi samay pe hogaya ab Duddu Bilkul thik ho jayega kyun Maa Baba?
Isse Purvi ki maa khush hokar haan bolne lagi par Purvi ke Baba ne kuchh nahin bola
Purvi ne dekha ki uske Baba pareshan lag rahe hain
Purvi Unke paas gayi aur kuchh sawal puchha
Purvi - Baba aap pareshaan kyun lag rahe ho?
Kya baat hai? Sab kuchh thik toh hai na?
Duddu thik to ho jayega na?
Baba - Haan Ab Duddu thik ho jayega
Parr...
Purvi - Parr...kya Baba? Kya baat hai? Aur Haan aap itne saare paise kahan se lekar aaye aap toh Hospital main hi the? Toh kisne madad ki?
Baba - Kanji Bhai karke ek aadmi ne madad ki
Purvi - Kanji Bhai...Yeh naam suna suna sa lag raha hai...
Arrey haan wo uss din cycle se aa rahi thi unse takkar ho gayi thi
Wo toh kaafi nek aadmi lage
Unhone humari madad ki hum unka shukriya zaroor ada karenge
Puri mehnat karke unko unka sara paisa lauta denge
Baba - Unhe Paise wapis nahin chahiye...unhe kuchh aur chahiye
Purvi - Kuchh aur Matlab? Aisa kya chahiye ki aap itne pareshan hai?
Boliye Baba kya baat hai ...hum hai na
Hum pe bharosa hai na Baba aapko?
Purvi ke Baba Rote hue....
Baba - Mujhe Maaf kardena Purvi beta...mujh se bahut badi galti ho gayi...main yeh nahin karna chahte the par mere paas uss waqt aur koi chara nahin tha...Maine jo kiya sab Duddu ki jaan bachane keliye kiya
Mujhe maaf kardo....
Purvi confused ho kar puchhne lagi
Purvi - Aisa kya maag liya unhone paison ke badle ki aap itne pareshan ho aur hum se maafi maang rahe ho...
Baba - Unhone Tumhe Maanga hai...
Purvi - Kya?? Humein?? Matlab??
Baba - Paison ke badle wo tumhe kisi Ameer ghar main bhejna chahte hain...ek Ameer insaan se tumhari Shadi karwana chahte hain....
Purvi - Shadi Nahin Baba MOLKKI boliye
Aap humara Molkki karwana chahte ho
Aapne aisa kaise soch liya...Hum kuchh bhi kar lete paise le aate...
Baba - Kaise karti 20-25 lakh rupaye kaun deta aur kaise itni badi rakam le aate hum Duddu keliye
Duddu ko bachane keliye maine yeh sab kiya beta
Mujhe pata hai maine tumhare saath galat kiya par mere paas bas ek hi raasta tha
Tum meri baat samjhogi....kisi keliye na sahi Duddu keliye tum yeh Molkki kar lo
Warna Kanji Bhai nahin chhodega humein
Aur humare paas itna paisa bhi nahin hai chukta karne keliye....
Beta ab sab kuchh tum par hi nirbhar karta hai...Apne Bhai aur ghar parivaar ko bacha lo
Purvi - Yeh kya maang liya aapne humse Baba....
Aap jaan mangte hum khusi khusi de dete par aapne to humara wajood hi maang liya....
Aapne to humein ek cheez bana di
Hum ab Insaan to rahe hi nahin toh humari marzi se kisi ko kya hi farak padega....
Hum jaante hain ki aapne Duddu keliye yeh sab kiya ....par aapne apne bete ko bachane keliye apni beti ko aag main jhaunk diya...
Par hum yeh Molkki karenge... kyunki hum apne parivaar se bahut zyada pyaar karte hain aur Baba aapki izzat hum mitti main nahin Milne denge na hin humari wajah se humare parivaar ko koi aanch aane denge...
Kab karna hai yeh shaadi aap bol dijiye hum taiyaar ho jayenge...
Baba - Abhi do ghante baad Paas Wale Mandir main
Purvi ne apne Baba ko kaha woh ghar jaa rahi hai aur do ghante baad Paas Wale Mandir main milegi...uske baad purvi wahan se chali gayi
Mukhi Bhagta hua Jab MS ke paas pahuncha to MS ne usse sab baat boli aur kahan shadi do ghante baad karni hai aur jitni jaldi shadi hogi utni hi jaldi Manas thik hoga...
Mukhi ne Sab sun ne ke baad Kaha
Mukhi - Main sidha Mandir main hin milunga
Purvi Apne Ghar pahunchti hai aur bahut jor se rone lagti hai
Purvi - Kanha ji kyun ...kyun aisa kiya humare saath...akhir kyun?
Kya galti thi humari...
Rote rote Purvi ne apne haath main ek anguthi dekhi....
Flashback -
Vipul aur Purvi Mandir ke talab ke paas baithe the aur baat kar rahe the....
Purvi - Achha Vipul tum batao seher se kya lekar aaye ho humare liye...
Vipul Apne Pocket main se ek anguthi nikal kar dikhata hai Purvi ko...
Vipul - Ye dekho ye laaye hain hum tumhare liye....
Chandi ki hai ...
Humare paas sone ke khareed ne keliye itne paise nahin the Isiliye ye Chandi ka
Purvi - Vipul ye kyun laaye ho...itna mehenga aur humare liye...Hum toh mazak kar rahe the iski koi zaroorat nahin hai...yeh le jaao tum...
Vipul - Nahin Purvi yeh hum tumhare liye laaye hain isko wapis nahin le sakte...
Humne ye bahut dil se khareeda hai tumhare liye
Please mana mat karo....
Purvi - Par hum yeh nahin rakh sakte aur tum kyun lekar aaye ho yeh sab....
Vipul - Tumhare liye purvi....
Hum kab se kuchh kehna chahte the par kabhi kaha nahin par aaj kehte hain
Purvi hum tumse bahut pyaar karte hain aur aaj se nahin bachpan se...humara humesha se ek hi sapna tha ki tum se humari shadi ho ...aur hum dono pati patni banein
Aaj main tumhe yeh khud pehna na chahta hoon...
Haan Humein pata hai sayad tumhare Mann main humare liye kuchh feelings nahin hai par please yeh rakh lo....
Itna keh kar Vipul Purvi Ko anguthi pehna deta hai aur fir kehta hai...
Vipul - Purvi jis din tumhe lage ki tum humse pyaar karti ho ya pasand karti ho aur shadi karna chahati ho tab tum humare paas akar humein yeh ghas wali anguthi pehna dena jo abhi tumne banayi hai....aur agar tum kisi aur se pyaar karne lagi ya tumhari shadi kisi aur ke saath taiy ho gayi toh tum isse humein lauta dena....
Main koi sawal nahin karunga
Wada....
Flashback Khatam hota hai....
Purvi - Aaj Tumhe tumhari amaanat lauta ne ka waqt aagaya hai Vipul
Itna keh kar Purvi Taiyaar hoti hai dulhan ki tarah aur fir Vipul ke paas jaati hai....
Vipul Purvi ko dekhte hue...
Vipul - Purvi...Duddu kaisa hai thik hai na aur tum aise kyun Dulhan ki tarah aayi ho?
Purvi - Duddu ab Bilkul thik hai.... Hum tumhe ye lautane aaye hain...yeh lo tumhari anguthi
Vipul - Par kyun....tum....yeh....
Purvi - Tumne kaha tha koi sawal nahin puchhoge par hum tumhe kuchh kehna chahte hain...
Vipul tum bahut achhe insaan ho aur humare bahut achhe dost bhi...
Hum tumse sayad utna pyaar nahin kar paaye jitna tumne humse ki par haan hum tumhe pasand karte the aur sayad hum shadi karte toh tumse hi karte par aaj waqt aur halat alag hai hum chah kar bhi tumse shadi nahin kar sakte....humari kuchh majbooriyan hai aur humein pata hai wo tum samjhoge....
Humein maaf kar Dena Vipul hum tumhare kabil nahin ban paaye tumhe tumhare pyaar ke badle hum tumhe kuchh nahin de paaye na hin de payenge...
Tum tumhari zindgi main aagey badh jaao...jo koi ladki tumse shadi karegi woh iss duniya ki sabse khushkismat ladki hogi...
Tum humesha khush raho...ab hum chalte hain
Iske baad Purvi chali gayi mandir
Mukhi Wahan Sherwani pehnte hue Sakshi ki tasveer dekh raha hota hai fir Shehra pehenta hai aur Sakshi ki tasveer se baatein karne lagta hai....
Mukhi - Sakshi Manne maaf kar de....Main tere te kiya hua Wada Na nibha paya....maine kaha tha ki main kisi aur se shadi na karunga par aaj karna pad raha hai aur ye tu bhi jaanti hai ki yo shadi main kyun kar raha hoon
Manas keliye....uski zindagi bacha ne keliye aur tere se zyada Juhi Manas ko kaun pyaar kar sakta hai.... Isiliye main aaj ye kadam utha ne jaa raha hoon....yo shadi bas Manas keliye hi hai mera uss chhori se koi nata nahin rehwega aur haan main tere te zindagi bhar pyaar karta rahunga Sakshi....
Tu mera pehla aur aakhiri pyaar hai aur rehwegi....
Itna Kehkar Mukhi bhi Mandir ki ore rawana hogaya....
Mandir main Mama Sarkaar aur PD the Mukhi ki taraf se...
Aur Purvi ke Baba aur Maa the Purvi ke taraf se....
Dono Pahunche Mandap pe ek saath....
Pandit Ji ne shadi ki vidhi shuru ki aur Jaymala karne ko kaha
Pehle Purvi ne Mukhi ko Haar pehnaya aur fir Mukhi ne Purvi ko....
Yeh sab ke dauraan dono ek dusre ko dekh nahin paa rahe the kyunki Purvi Ghunghat main thi aur Mukhi Shehre main....
Fir Jaymala ke baad Pandit ne PurVir ko Mandap main baithne ko kaha aur Fir Mantra uchharan shuru kardiya....
Gathbandhan Karne keliye Purvi ki maa aagey aayi aur Gathbandhan ke baad hi phere shuru hogaye
Pehle chhar pheron main Mukhi Agey agey aur Purvi pichhe pichhe aur baaki ke teen pheron main Purvi aagey aur Mukhi pichhe...
Pheron ke waqt jo kasme waade ek dusre se karne the wo kasme wade unhone apne parivaar Keliye kiya....Yeh shadi sirf aur sirf ek samjhaute aur saude ki shadi thi....
Phere Samparn hone ke baad Mukhi ne Purvi ko Mangalsutra pehnaya aur Fir Sindoor pehna ne gaya....Jaise hi sindoor dala dono ne ek dusre ko dekha aur dono dekh kar ek dusre ko chaunk gaye...
Purvi - Aap ....
Mukhi - Tu....
Itne main Pandit ne shadi Samparn hone ka ishara diya aur PurVir ko Pati Patni Ghosit kar diya.....
PurVir Kuchh der ek dusre ko dekhte rahe aur kuchh samajh nahin paaye.....
Fir vidaai ka waqt aya Purvi rote rote Apni maa aur Baba se dur hui aur Mukhi ke saath nikal gayi par grih pravesh se pehle wo Hospital main gaye aur wahan jab pahunche to Purvi hairaan hogayi kyunki yeh hospital Wahi hospital tha jisme Duddu bhi tha wahan wo Priyu se mili aur fir Manas ke paas gayi....
PD ne Purvi ko saari batein bata di
Purvi Manas ke paas gayi sur uska haath pakad liya
Jaise hi haath pakda Manas ne turant kaha
MAA....
Ye shabd jaise hi Purvi ne suna....Purvi ke aankhon main aansun aagaye aur usne Manas ko gale laga diya
Purvi - Hum tumhare saath hai....tumhe kuchh nahin hoga...
Manas Behoshi main badbadate hue....
Tum Mujhse chhod kar to nahin jaogi na Maa iss baar
Purvi - Nahin...Hum kabhi nahin chhod kar jayenge tumhe.....
Iske baad Manas ki tabiyat sudhar ne lagti hai aur Manas thik hone lagta hai yeh baat Doctor Sab ko bata ta hai toh sab khush ho jaate hain
Mukhi Purvi ke paas jata hai aur kehta hai...
Mukhi - Dekh Chhori..Yo Shadi maine bas Manas keliye ki hai aur mera tere te koi aur rishta nahin hai ...
Tu Haveli Main Juhi Manas ki maa ban kar rehwegi aur Uss ghar ki bahu par meri patni na.....haan tu Mukhyani bhi keh layegi par Main Tera Pati na ban paunga....
Yo shadi samjhaute ki shadi hai aur iss rishtey main tere ko kuchh na de paunga bas itna kehna tha....
Purvi - Hum jaante hain aap ne ye shadi Manas keliye kiya hai aur humne humare bhai keliye Isiliye hum aapki baat samajh sakte hain....Hum Haveli main Juhi Manas ki maa ban ke hi rahenge...
Aap chinta mat kariye.....
Itna keh kar Jab Purvi wahan se nikal ne lagti hai toh Manas uska haath pakad leta hai...
Jud to gaye rishtey samjhaute ke....Par dono bekhabar they ki yeh rishta to pehle se hi bhagwan ne bana ki di hai
Jis rishtey ko yeh dono samjhauta aur saude ke naam ka rishta kaise khil khilata hai aagey....
Purvi jo Apne aap ko Maa samajhne lagi hai Juhi Manas ki....kya hota hai aagey
Manas ne toh apna liya
Kya Juhi Apnayegi ?
Rishton ki iss guthhi ko hum samjhyenge aagey....
Mujhse jude rahiye.....