#بَين_النَهوةُ_وعَشقِ_العَسكري
بقلم زهراء أمجد
البارت الثاني
لتنسون تصويت + متابعه حسابي واتباد
أبدو كشخصٍ
لا يظهرُ على وجههِ ما يحدث بداخله،
أبدو رغمَ كل المساوِئ التي أتعرّضُ لها ثابِتاً
لا أُبدي أي ردّة فعل تجاهَ الأمور التي تواجهُني،
حتى ملامحي تفهّمت هذا ولا تعطي أيُّ تعبير.
هم لا يعلمون أن هذه الأمور تستقرّ
في عُمق روحي،
وتقضُّ جدارَ قلبي المتهاوي
من طولِ ما مرَّ عليه.
ولكن يبقى تصبُّري الوحيد
أنَّ ﷲَ شاهد على كل حروبي ودماراتي وهزائِمي،
ولستُ أشكو إلا له، ولستُ ألجأ إلى إليه
وحاشاه أن يردّ عبداً أتاهُ مغلوباً يستنصره
.. حاشاه.....
هيام _ بنتي خل اخلص البيدي واكملج شجانو
يسوون بيه حته تعرفين بيت يعقوووب
شنو عذابهم جان وخاصتااا ابوج خااالد،،،
ناي_ القهر ملى گلبي يعني بعد اكو أزيد من هذا يي كملي،،،
كملت امي رش مادة بيضة على فراش ابوي
وكعددت تسولفلي قبل ليجي ابوي
ام ناي _ شوفي بنتي ورا مكطعت الحبوب رأسن حبلت لان خفت لا انكشف داشرب حبوب وابوج شيخلصني منه عدت الايام وصرت ٦ اشهر وبهاي الفتره هم حملت ومرت حماي هم حملت
وبخلال هالفتره اختي تزوجت ولا اني اشوفه
ولا هي تشوفني حسبالك سجن بينما هي
مأخذه اقاربنه،،،،
ناي_ اني متعجبه شنوو ليش ماتشوفيها!!؟
_ام ناي_ لان عيالي وعيالها بيناتهم عدواه واني واختي
ممنوع تجي علينه ميقبلون وحده تشوف الثانيه
ناي_ يبوووي شهل ظلم حته اختج حرام عليج تشوفيها ادري عدهم عداوه بس انتو شنو ذنبككم !!
ام ناي_ بعد هذا حكم الضالم حته من صار عرسها لا شتريت ملابس مثل الناس لا رحت ساعدتها بشي
جان مقرر عود بس باعرس يوديني حته ملابس مايقبل اشتري كوه....
قبل العرس ب٣ ايام تعاركنه وكتلني واخذني
اشترالي بدله ب١٨ بس بهذاك الوقت يعني
غاليه وحلوه وخبصوني بيها هو وامه
ناي_ تخيلت اني بمگان امي واني اعرف حب خالتي لأمي والمحنه البينهن وبيوم عرسها ما تروح يم اعز انسانه احس دموعي نزلت بودي اگطع ابوي وبيبيتي
ام ناي_ من قهري بجيت بجي ماصاير والحركه البگلبي مووتني صار اليلل بيوم الحنه ضليت ابجي بحركه اتمنى اخلص من هاي العيشه
ناي_ اووف يمه وأبوي يعني صدك مايحن گلبه هاي اختج ياعالم حرام عليه
ام ناي_ ولج القساوه الربتهم عليها امهم ماشفت منها شگد حجيت لخالد بس مايقبل يوديني لان امه رافضه
_وام خالد تصيح وتحكم عليه محد يوديج
ناي_ اااخ ولج واكوم املخها من شعرها واريح گلبي اااخ واخر شي مارحتي مووو؟؟
ام ناي_ انتي سمعي اني لآخر اليلل انتهيت وتعبت وضل مابيه حيل
خالد_ بعد ماشافني هيج گال بلكوه عليه
خلي ابن يعقوب الجبير يوديج،،،
ام ناي_ كمت بسرعه حضرت وگلبي خايف لا يغير رأيه اريد بس اشرد منهم
ورحت مشت السياره واني اريد طير واطير لأهلي حته عيوني راحت من البجي
وصلت واول ما دخلت شافتني اختي واجت بكل لهفة نحضني وكامت تشهك بلبجي
نور _ توج يالله اجيتي واني عايفتني ضاله وحدي
ام ناي _واني احس شفت قطعه من روحي بجيت من ضيمي شسوي خيه بالكوه اجيت مايقبلون
نور _ ياضالمين حسبالهم احنا مثلهم ماعدنا محنه بينه
ام ناي_ حضنت اختي نور وراها امي والتهينه بلحنه والناس لليل وسولفت كلشي لأهلي بس مثل كل مره امي تصبر عليه وتحملي
_ سكتت لان مو وكت احجي ومنا عرس اختي
ضليت يومين عدهم تالي امي اخذتني رجعتني لان محد اجه عليه وخافت لاتصير مشاكل ،
ومشت الايام وجبت ولد سميته حسين
وجانو حمويني البأمريكا مايخلون شي
مايدزونه وعمتي كله تنطي لمرت حماي
حته تنوره ممنوع عمتي تجيب ملابس
وتصيح هيام ماتلبس هيج
فما انطيها الها،،،
ناي_ شنوو ليش ماتلبسين شكو من يمها تقرر
ام ناي_ كلشي بكيفها واني تعبتت كلش شيحجون اغلس
واذا هو خالد يحكم عليه حكم بس دشداشه لبسي
اي طلعه عرس ما البس بس دشداشه
هاي التنوره اذا ألبسها جوه العبايه لازم انكتل علمودها وانزعها والبس دشداشه،،
خالد بكل شي يصيح ماكو تنزعينها يلااااااا اني ماعندي نسوان يلبسن تنورات،،،
يعني كلشي محرم عليه من دون النسوان
بحيث جنط علب مكياج اشكال ماينطوني
عمتي زهره تصيح ماكو هيام ماننطيها لان
ماتحط مكياج،،،،
ناي _ راح ابجي يمه شنو هل قهر حاولت احبس دمعتي بعيني لان ماريد اقهرها اكثر،،،
ام ناي _ يايمه شحجيتلج بس هاي شوي من الظلم لعشته وياهم ،
وهاي تالي انتي شوي كبرتي وهما اشترو بستان جبير كلش دونمين ونص ،
_فـ بنو بيه بيت كلش جبير كأنو قصر او ڤله وبناء حديث مساحته ٥٠٠ متر
٤ غرف جوه...
بي حمامين ومطبخين كبار وهووول جبير
بس بدون اثاث...
جانو مقررين كلنه نكعد بي حته الي بالخارج من
يجون يكعدون ويانه.....
بس تالي من كملوو
آيمان ويعقوب كالو احنا نضل هنا
وهذا البيت مانطلع منه لأن جهالنه كبرو
وهذا البيت تعتبر حصتنه،،،
ناي_ ييي اذكر احنا شلنا وهما بقوو بس احسن شي سوو عمه آيمان خلصت من حكم بيبيتي الطاغيه
_ بس شعجب الخاتون قبلت وما عارضت
ام ناي_ بالبدايه ما قبلت بس آيمان أصرت على يعقوب ويعقوب قبل لان هذا لبيت هم طابقين وجبير مساحته ١٠٠٠ متر،،،
فـ من شلنه للبيت هنا شوي وضعيتي تغيرت
واني نادره بحيث البيت والخطار عزايمهم التنضيف كله اني شايلته....
_ بس البيت جبير وكلنا ننضفه مانلحك من كد ماجبير
اني صرت كلشي شنو عدهم يجون ويشوروني
شنو عدنا عزيمه يجون الي وشنو يردون مسواك
هم اني يجوني...
_ جان عدهم ماشية أبقار واني من ال٦ اكعد احش واحلب
يعني حته البستان عدنا جبير كله اني اسوي بيه واعتني كلشي عليه
_والصبح قانون لازم الكل يكعد من الصبح الساعه ب٧
ماكو واحد نايم
_وعمي حميد ضل مايشوف
واني اعتني بيه اني افرش فراشه أطلعه امشي اسويله اكله واحلقله شعره واسبحه واغسل
ملابسه....
عاد عمي من عمى ضل مايقبل أحد
يحجي عليه ويدافعلي
ناي_ بس يمه بعديش بعدد السواه بيج واني شاهده شلون عندج گلب تره هو هم اذاج واشكال المواقف اتذكر شسوه بيج
ام ناي_ يي صح بس اني گلبي طيب مو مثلهم وجدج اعرفه جان زين بس بسبب بيبيتج تحجي برأسه يضل هم يأذيني
_بس حتلو يبقى احسن منهم ماسوه بيه مثلو السووه هم بيه واني ادري بيج جان حته الفلوس
مو يمه كله يم عمتي
_ حته جانت حاااااره وهما عدهم فلوس
وناس كلها جاره مولدات واحنا ماكو كاتلنه الحر....
ناي_ اووي هذول شبيهم اكو واحد مايدور راحته
ام ناي_ ولج يخافون يطلعون الفلوس والمكيفات ماتشيلهن الكهرباء كله ينامون بره عاد بس تنطفي أفرش لعمي والنه واطلعه بره والبيت جبير كلش وماكو مكيفات زين يببرد يعد فنام بره.....
_المهم بعد هل سنوات صارت سنه ٢٠١٠ مرت بين المشاكل والضيم جان عمرج انتي ١٠ سنين
فهنا صار عندي ولد اسمه علاوي
ناي_ اووي يمه علوشتي الجميل اني ربيته شكد متعلقه بي ،
ام ناي_ هههه يي وهنا صارت عدنا مشاكل على الحصص وعلى الفلوس....
وحمويني رجعو من أميركيا ويردون حصصهم وفلوسهم
وبعد مشاكل وصلت لستار قروو هذا البيت الجبير يبقون بيه بس خوان ثنين
والباقي يبنون ويطلعون...
ابو خالد_ مدام القرار هيج لعد خلي خالد يطلع هم كبرو جهاله
ام خالد_ سمعته صاحت بجي لااااا
هذا البيت هيام وخالد يضلون بي ،
ابو خالد_ بصياح انتي ماتملين تمشين الناس بكيفج كتلج خالد هلمرا هو اليطلع كافي بعد جهاله كبرو خلي يطلع يشوفون حياتهم
ام خالد_ مستحيل ما اكدر تدري بيه خالد كلش متعوده عليه والوحيد أكثر واحد بأخوانه على گلبي ماكدر على فراگه
ام ناي_ اسمع كلامهم وگلبي بشيشه جنت بس اريد أشيل نوب طلعلتي عمتي ،
ماتقبل لازم ثنين سوه نسوان يكعدن بيه
عجنت تعبانه والبيت والشغل كله عليه ومرت حماي ماتسوي شي
_ اااخ شلون ابقى وياها وهم نفس الضيم مايتغير شي
هيام_ فتحت الموضوع ويا خالد شوف اني كلش تعبت و اريد اله اطلع بيت وحدي
خالد_ ماكو احنا مانطلع
هيام_ خالد بعد شتريد أكثر من هيج خلينا نطلع ونرتاح ومدام ابوك كلك وانتو قسمتو خلينا نبني
خالد_ بصياح هياااام اني موتي بهذا البيت خووووش اني ماكدر اعوف امي
هيام_ كااافي امك امك ماتفكر بيه مو كافي السويتو بيه اني مالي كعدنه هنا يا نطلع يا اني اطلك
خالد_ نكلب وجهه احمر ولج شنو انتي تهددني ط... بيج عناد على راسج ماشيل منا وتحلمين تطلعين من هذا البيت
هيام_ نطعت طعن بودي اموته شووف اني ماعاندك بس هذا حقي واني تحملت كلشي وياك وهذا حدي بعد
اشوف خالد يصيح ويغلط طلع ويركع البيبان مدري وين راح
كعدت محتاره شلون راح اطلع روحي من هذا البيت....
ناي_ يممه زين تسوين طلعي لسانج احجي أخذي حقج هذول مو مال واحد يسكتلهم كون كله بالنعال وتوليهم لبك الحقراء
ام ناي_ والله يمه فقيره وماحجي بس تالي كلبي خلص لو اشرد روحي لو اضل بضيمهم احارب والله وياي
_ عاد مرت شكم يوم وبيبيتج حاقده عليه وتحجي عليه وتوز لان كلت اريد بيت
وهما محتارين بـ عرايكهم على البيت
ولحصص متخلص
فاني صادف اريد اروح
لهلي ومحضره ملابسي،،،
_واسمه الهوسه كبت بس صياح خالد وخوانه وحماي تعارك ويا خالد على فلوس
وضل حماي يغلط عليه ويفشر
اخو خالد _ كله منج انتي تردين بيت وحدج
وكل المصايب من وراج ،
خالد _ لك هي مرتي شلها شغل تغلط عليها ،
اخو خالد _ لا كله من وراها ،
خالد_ لك سكط ليش هسه أنته مرتك ماتريد بيت
اخو خالد_ لا مو مثل مرتك صار الها سبوع خابصتنه كل الطلايب من وراها
ثواني ودخل خالد صاير عصبي نار ..
هيام_ وديني لهلي شنو اني تيهة يهو اليجي يحجي عليه لو شفتوني فقيره
خالد_ كله من وراج تردين بيت ماتكعدين وتنجبين
هيام_ أنته ليش ماتستحي ولك فوك ضلمكم الي حقي من اريد اشرد قابل معيشني بلدلالل
خالد_ طلعي ولي لاهلج هسه اوديج يا.... اله اطلكج
طلعت بروحي واني بالي يا بلهدف بالنجف
وعفتج يمهم اخذني ورحت لاهلي
بس رحت عد اهلي وصلت....
ام ناي _ نزلت وحجيت بإصرار باع بعد هذا حدها وقررت بعد مارجع اله تبنيلي
بيت
خالد_ هيام كاااافي اني البيت ماطلع منه
عفته ورحت هاي فرصتي اذا ما اطلع
أشبع ضيم،،،
ومايخلوني وحدي اله ويا مرت الصغير يعني ماسوينه شي ولا غيرنه
فكتله لو بيت لو مارجع....
وهو مصر ما يقبل يكلي ما ابنيلج بيت تضلين
بهذا وهاهيه بس نشوف
_ضليت عد اهلي شهر وسولفت لأخواني كلشي
وكلهم وكفو وياي ومصريين يابيت واخلص منهم يا اطلك وهما يتكفلون كلشي...
مر هل شهر والي عرفته عمي حميد مقنعه وكايله ابني واطلع وارتاح منهم وانته جهالك كبرو وتكتر عنهم احسن الك
لحد ما قنعه ....
وقبل خالد ....
بس بدون رضاته يخبارني ويغلط عليه
خالد_اني لو ما ابوي ما ابنيلج
هيام_ ضليت ابجي خالد مارجع عسه ماتحطني بكوخ بس طلعني.....
عاد بده يبني وهو مو براضته بيت صغير
ومساحته ١٣٠ متر.....
اني كلت ميخالف بس خلي اطلع وارتاح ما اريد شي
بعد اني رجعت بس محد يحجي وياي وماراضين عليه ويقلدون عليه ويضحكون
نبني بلبيت ومحد اجه شاف البيت.....
حته من اسوي ريوك للعمال يضحكون عليه
ويتكنون عليه.....
وخالد يطب ويطلع يحجي ويغلط عليه
بوقتها من جنه نبني طاحت عمتي ونكسرت
رجلها اشو دارو عليه حمويني أول واحد
يعقوب يوز عليه.....
يكلولي انتي فكرتينه وانتي كله من وراج انتي تردين بيت وحته امي نكسرت من وراج....
وهذا الحجي شهرين يطبون ويطلعون يحجون عليه حسبالك اني كسرتها
بعد حته الناس الغربه والاقارب من يشوفوني يكلولون صدك انتي كسريتها
اشو الكل يكول بسببج....
وخالد يريد ينتقم مني كله منج وكله منج يجب ويطلع حاقد عليه
فضلينه ع كامل البيت ب٣ سنوات....
عشت الضيم والاذيه لحد ماشلت
شلت والبيت مو كامل لان هما مانطو حصته
كامله وفلوسه ضلو ينكطون علينه تنكط...
ولا بيبان ولا سقف ثانوي ولا طارمه
وصادف شتاء وبررررد....
ضلينه بدون بيبان ٥ ايام وحته تكرمون الكلاب
دخلن علينه....
والبيت كله مابي فراش....
بحيث من انام وحد بصف الثاني...
حته الغرفه ماجابها الي لان تعارك وياي ويصيح وكتلني وحط الغرفه وكسرها وحركها بلبستان
_عمي من شافنه هيج انطه خالد ٢٥٠ كله جيب
الكم زوليه كتلكم البرد....
لحد ما للشهر كملنه البيت واني كاعده بلبيت
عاد أني تعودت على خالد يحجي مايحجي
ما اهتم اله
صرتي يابنتي ناي اول متوسط
_وبدت حياتج بس اني هنا قررت بعد ما اخاف واحارب علمودج ما اخلي الصار بيه يصير بيج
وجان ابوج كله ضدي يكلي ما انطيها لغريب
اله بيت اخوي
والخطابه يجون علييج وابوج قافل يريدج لبيت اخوه ومستحيل اخليج الهم
ومايقبلون بيت جدج هم يردوج لولد عمج
منو اليخطبج يكلولي انتي متفقه وياهم،،،،
كتله اني ما اريد ازوجج صغيره
بس هما مافكو منج ياخه
بس اني حضل احارب ومصره ما انطيج الهم
ومن هنا بدت معاناتي والحرب والمشاكل ولكتل
٣ سنوات علمود ازوجج الهم
بس اني مصره على قراري،،،
_بينما اسمع بيت حماي يعقوب يحجون عليه ويطلعون عليه حجي ويجذبون
بس اني ما انطيهم لان عشت وشفت الضيم عدهم أبالي مرسخ انو هما نفس الاطباع...
بينما مرت عمج آيمان زينه وياي وتحبني
بس يعقوب يكلي نأخذها ونكسر خشمج
واني يوميه يطردني ويكلني وتوصل الطلاق
وبقيت احارب لو اني لو هما....
يعني حرب نفسيه ٣ سنوات...
بحيث حته خواني كلولي انسحبي تعبين
وماتكدريلهم....
بس تالي حمويني سحبو نفسهم من شافوني هيج وعمتي هم كالو بعد مالنه شغل.....
خلو بس خالد عليه يعاركني ويكتلني....
وهما مالهم شغل بي بس يوزون بيه عليه....
بس يروح يمهم يكلوله بتك وبكيفك بس بغيض
بحيث يجي متخبل عليه بس يكتل بيه ويغلط
بس اني كتلهم لو اطلك من خالد بس ناي ما
انطيها الهم ما انطيها.....
_شفتي يابنتي شديصير بيه علمودج وشكد دااتعب..
شفتي ابوج يامه ليالي كبال عينج يضربني ويعاملني هاي كله لان يريدج لابن اخوه
وماريدج تعيشين ضيم العشته..... هذا السبب الديخليني هسه اسوي هيج..
اريد قسمتج تمشي للغربه مو بيت عمج...
ناي _ دموعي ضلت تصب واني اسمع كل كلمة من ماما كمت حضنتها واشهك بجي سوده علية هيج متعذبه لخاطري..
ام ناي _ يلا بنتي كاافي بجي راح يجي ابوج وبس يشوفج هيج يألف الف سيناريو براسه ليش وشبيج وغيرها كومي على فراشج نامي ولتفكرين ربج يحلها بلكي ابوج يوافق وينطيج لبيت جوارينه ويترك ابن اخوه....
ناي _ الله كريم يمه بس يمه ماريد اتزوج اريد ابقه اكمل دراستي....
ام ناي _ يمه اذا تبقين بلا زواج ماراح يتركوج بيت عمج براحتج خلصي من شرهم يابنتي ومن ابووج....
ناي _ مادري يمه خل انام احسلي....
رحت جبت فراشي وفرشته وخليت المخده وتمددت وتغطيت بالشرشف وراسي على المخده واني افكر بأول ماشبيت ووعيت عله المشاكل بين ماما وبابا وبيت جدي وشصار بحياتي من طفولتي لحد هل لحضة ..... وابدي الكم بمشوار حياتي......
بقلم zahra_amjed
ام ناي _ كاعدة اغسل ملابس وقافله غرفتي
اجه خالد عصبي ماعرف شبيه ويدور على المفاتيح..
خالد _ كومي طلعي المفتاح ،
ام ناي _ اخذه أنته لان ايدي منكعة وجاي اغسل بالهدوم،،،،
خالد _ بصياح اكلج كوومي جيبي المفاتيح
فهمتي لولا تعوفين كلشي بأيدج وجيبيلياهن
مو اني الامشي على مزاجج فاهمه....
وجان نتصايح اني وياه لان خالد اصلا
مايتفاهم وكام وكلب ألطشت وسلت الملابس
كلها عليه.....
وأيمان تركض وتقنع بيه يتهدأ...
ايمان _ ابو ناي عله كيفك وياها متشوفها جاي تشتغل ماتسوة هل عصبيه ياخويه....
عليك الله عوفها خالد محلفتك بزهره لخاطري
عوفها بس خالد بدون تفاهم كتل هيام وهي
تركض وناي تركض وراها خايفه
ام ناي _ ركضت ودخلت بالتواليت وناي دخلت
وراي واني حاضنتها وابجي وهو يهد وينثني
يريد يكتلني وراح كسر باب الغرفه وماخله
شي ماكسره،،،
وتالي ناي ضلت تصرخ وخافت من المشاكل
وأبوها بس يصير عصبي مايتفاهم.....
ناي _ جنت اباوع ابوي وشلون يأذي ماما هاي اول مشكله لي ضلت مخزونه بعقلي ومانسيتها
خالد _ تعاي باباتي ناي تعالي اني ماحجي عليج
بس امج تولي حقيره ومو حلوه تولي ،
ناي _حاصرتني البجيه اني ماحبك أنته تكتل امي ،
خالد _ لا حبيبتي هيه متسمع الكلام امشي وياي نشوف بيتنه جديد شكد حلو،،،
ناي _ قنعني وكلي ترحين وياي نشوف بيتنه
الجديد واخذني اني وبيبتي للبيت اليبنون
بيه جان كلش حلو وجديد بس بعد فارغ
مابي اثاث بس اني رغم وعمري صغير بس
افهم الكلام اسمع بابا يحجي ويه بيبي
خالد _ شفتي شلون كتلتها ،
ام خالد _ يي تولي اكتلها هي مجلوبه ،
وبابا يغلط على ماما وجانت بيبي كل ساع توزه
عليها
اني اسمع الكلام والغلط والفشار على امي انقهر واضوج منهم بوقتها بدي بس اشرد منهم واروح لأمي.....
ورجعنه للبيت ورحت يم امي بس صار
الصبح كعدت نزلت من الدرج واسمع ابوي
يكل لبيبتي والجدي
_ خلي تولي هاي ال..... الة اطيح حضها
وبيبتي ترد عليه...
_خلي تولي لا تهيجها علينه من الصبح مثل
الخزينه اذا نفتحت بعد ما تنسد....
باوعت عله بابا وبيبي كرهتم كلش ليش هيج ديأذون امي ويكتلوها ويحجون عليها اشو اني اشوفها بس تشتغل حته ماتكعد ترتاح....
ناي_ ومرت الايام واني اشوف امي وابوي مابينهم حنيه وكله مشاكل على كلشي اتذكر مره امي كلت لخالد....
_ اخذني خلي نشتري ملابس الناي
خالد _ ليش شنو من ملابس
هيام_ تره ناي ماعدها والله حته للطلعه ماعدها
عاد أخذني نروح نشتريلها
خالد_ هذا تمضيك وعياره تريد ملابس شبيها مصلخه
_وعود اني اروح اشتريلها من كل عقلج انتي تطلعين
برا البيت ماخليج تطلعين الترديه اجيبلجياه واسكتي..
هيام _ يعني احد يرضاها محبوسه كل وقتي بالبيت والشغل والكراب هم بشر اريد اطلع سوك اشتري ليش هيج بنتك محتاجه ملابس اطلع اني ومرت حماي ونرجع بساع....
خالد _ كتلج لتلحين ماعدي مرة تطلع من البيت..
عيوني تترقبهم امي بسبب الضغط العليها ضلت تصيح وهو يصيح وصارت مشكله بين ماما وبابا
لان هوا كلشي مايقبل....
_لحد يومين راح ابوي يشتريلي كلما يجيب
قاط لو لبسه الي لو تطلع مو حلوه لو قصيره
لو مو على كديي....
٣ مرات يجيبلي ملابس وماترهم عليه وكل يوم مشكله وامي تنكتل....
ناي_ وراها هم صار عرس خالي ونفس الشي ونفس الكتل والعركه وكلما يصير عرس كلهم
يرحون اله امي ومانروح تضل محبوسه وبس تباوع بعيونها هنه كل وحده
يأخذها زوجها يشتريله وامي تضل ....
لحد ما امي جزعت وزعلت عد أهلها بس
وره فتره اضطرت ترجع علمودنه....
وشكم مره تقرر تطلك بس ترجع علمودي
وحسين لان محد النا
وأبوي مايهتم يطلكها ويتزوج ويذبنه
فرجعت وضلت ع نفس المعانات
_ اني كبرت وصار عمري ست سنوات
بعمر ال ٦ سنوات تقريبأ بيوم جنه نريد نروح
لبيت جدي أهل ماما فأمي من قبل شكم يوم
تقنع بأبوي حته يقبل تاخذني وياها...
بالشفاعات يالله يقبل ابوي وبييتي لان الطلعه
حرام علينه وخاصة أنو امي تأخذني وياها
ممنوع....
بعد عركه ومعانات وبجي ويوميه احنا مبدلين وننتضر ومحد يودينه وامي دمعتها بعينها ونرجع ننزع ملابسنه وامي تسكت واخر شي اجانه الفرج وقبل.....
ف بس رحنا هناك بوقتها جانو مسوين ثواب
على روح جدي الله يرحمه ابو ماما وعازمين
شكم واحد من عشريتنه و تالي خالي الكبير
جان ييريد ينتقل لبيت جديد وبده ينقل غراضه وكال بعد مدام سيارات موجوده هنا فد مره انقل غراض البيت....
بوقتها جان الوقت على غروب
اني سابحه ومبدله وماما مسويتلي كصايب
وافتر بره هم ينقلون الغراض واني افتر
يمهم جان الجو حلو وكلها ملتمه وخوالي
يسولفون
واني اتمشى يمهم بهل لحضة
احس واحد جرني من كصيبتي...
نداريت واني عاقجه وجهي شفت ولد
طويل جرني واني بس اباوعله اجه بصفي
كلش لزم خدودي ويكرص حيل بيهم وهو
يضحك
_ فددددوا
ورجع يسولف ويا خالي
شوي وعافني وراح من الجهة الثانيه مالت السياره لينقلون بيها غراض وكف يسولف ويا خالي اني مادري شبيه فرحانه بيه بس افتر وراه وين
يروح اروح وراه واريد بعد يكرص خدودي
هو انتبهلي وهم رجع اتقرب يمي
_ اويلي ام خدود شلون حلوه ويكرص بيه
شعندج بره يم الزلم والشباب روحي دخلي
جوه عفيه بالحلوه....
حجه وياي اني خانسه
بس كلي روحي رحت دخلت وضليت اباوع عليه
وهو بس يباوع عليه....
دخلت و كل ساع اطلع من الباب اريد اشوفه بعد يعني مكابله الباب واكفه لحد ما صار المغرب ودخلو الزلم للدوانيه وهو دخل يمهم تعده من يم الباب شافني واكفه غمزلي وراح
واني بس اباوع شوي وطلعت مرت خالي وبيدها جكة ماي وتريد تدخل تسلم عليهم واني وراه واكفه ،
هي بعدها بلباب كال هذا لولد
_اني اترخص
خالي_ ابقى بعد وكت ابقى
وابقى على العشه والله ازعل منك ،
_ لا اعذرني والله اريد اروح وبسرعه
طلع تعده من يمي باوعلي وراح....
ومرت خالي سألت خالي
_هذا الولد منو خطيه استحى مني....
_ ولج هذا ابن ياسين......
_ ياا اعرفهم خطيه شلون ولد حلو ومؤدب
ليش ماضل تعشى هنا
_بعد ماقبل....
هي رجعت وكفت باب البره وهو يريد يصعد
بسياره صاحت عليه
_ ولك.....
ليش ماسلمت عليه تستحي مني
وليش ماتبقى على عشه يمنا....
_ عذريني والله ماكدر متأخر عدي شغل لازم اروح
وتعذر منها وراح
ورجعنا للبيت وعدت شكم يوم طبيعي
بس ولد عمي يعقوب كبرو ومرتضى الكبير
بس يتحرش بيه بس يخلي أحد يطلع يأخذني للغرفه وغصب عني يخوفني ويطلب مني اشياء مقززه كلشي نطبع بعقلي وماكدر انساه ....
اني ماقبل واضل ابجي واتشرد منه ،
عمتي ايمان اني اكلها عمه لان هي كبيره ومتعودين عليها....
هي تحس بأبنها عنده شي وجان عمره بالعشرين
بس سوالفه موحلوة جانت دائما تخزره وتاخذني يمهم تخاف عليه....
وضل يكرر هاي الشغلات وياي لدرجة ضليت
اخاف منه واضووووج منه حيل ويهددني
خاف احجي الاحد يكلي يذبحوج واني
طفله اصدك واضل اخاف
بس جنت كلش اتجنبه وابتعد عنه.....
لحد وره فتره كالو بيت جدي لازم ننتقل بلبيت الجديد بنوه البيت عمامي وابوي
وصدك اخذنه غراضنه وملابسنه وكلشي بس
بيت عمو يعقوب ضلو بلبيت وبقى البيت الهم كوونن هما عائله ولدهم كبار....
اني بجيت بجي لان عمه أيمان احبها حيل
جنها امي و بنت عمي اني اكبر منها بسنتين
فجنه كله سوه نلعب حسبالك خوات وضليت
ابجي ردت اموت واتخربط وامي هم حضنت
عمتي أيمان وتبجي عشرت عمر وعمه أيمان
جانت تحب امي وتساعدها وعلمتها هواي
شغلات ،
انتقلنه أحنه وبيبتي وجدي وبيت عمو وسام
جان جديد وكبير كأنو قصر والبستان مالته كلش كبيره وحته انهار وزع وخضار كلشي يفتح النفس....
الكل جان متأمل الاوضاع تتحسن وامي عدها
امل بلكي ابوي يتغير....
شلنه و ابوي تخبل علينه يدخل يكتلنه
ويطلع يكتلنه ،
يدخل من الباب بدون سبب يدفرني يكطفني
كل قوته ويرفس حسين مثلي واني اضل
ابجي جان الوحيد من عمامي هيج يسوي
ويا أطفاله....
وامي تبجي جان يكتل امي وضل يزيد أكثر
وأكثر ،
وعاد كل يومين يجون النه ولد عمو يعقوب...
جان ضهر وصادف مرتضى عدنا
وجهال عمامي واني هم وياهم بس صغيرا ما
افهم شي....
مرتضى _ ناي تعالي ،
ناي _ ها وين اجي ،
مرتضى_ للدوانيه شوي اريد احجي وياج ،
ناي _ استحي منه واخاف اروح لولا كتله اي
اجيت دخل لدوانيه واني دخلت وراه....
رئسن سوه حركه سخيفه كلش
ضليت مصدومه ومصفصه ،
كتله واني اريد ابجي وخايفه هاي شننوو
وأرجف شنو هاي.....
مرتضى _ شبيج لزم ايدي ويجر بيه ،
ناي _ وخررر لا أصيح لأمي عليك ،
مرتضى _ يموتونج والله يذبحونج ،
كتله واني ابجي وأجر بنفسي على باب
وخررر حبوبي وخر شتريد تسويلي .....
هداني وهو خاف ويهددني ما احجي لحد
بس اني نطبعت أبالي ومانسيت وخايفه
اخاف احجي لأمي
راحو واني ليل كلة خايفة ضليت ليوم ثاني
اني محتاره صار الصبح وامي اتنضف بلفيرز
مدنكه...
دمعتي بعيني وكتله
ناي_يمه اريد اكلج شي واني
افرك بيديه وارجف....
ام ناي _ شنو يمه شبيج مصفره احجي...
ناي _ضليت امتمت ماعرف شنو اكوللها اءاء
ام ناي _ يمه احجي شبيج لاتخافين...
ناي _ ماما مرتضى ابن عمو كلي تعاي للديوانيه رحت اشوفه شيريد جان يسوي حركات مو حلوة واني اخاف منه ماعرف شيريد مني...
ام ناي _ يمه عزاا بعيني خوما سوالج شي ،
_ وجه ماما تغير وخافت لا اني شردت منه ،
_ بعد ماترحين يمه كلش ،
_ ما اروح اني اخاف منه بس هو يفتر وراي ،
ام ناي _ هذا يريد يبليني شلون اسولف لأبوج ،
ورادت تسولف لأبوي بس مايصدكها فكلتلي
بعد ماتوصلين يمه وكلساع ونبهتني
وكلما يجي اني اشرد واخاف منه....
وهم شكم مره يجي سجاد اخو مرتضى
وهم يصيحلي واني مافهم شي ويقنعني
امشي اخذج لمكان....
واني ماروح وهو يلح بس شوي ويجرني على
البستان اني لعبي كله بره
فشافه عمي وسام يفتر وراي حس وراه شي لان يعرفووهم مو راحه
صاحله وهو مخنزر وجه عليه
وسام _ولك سجاد شعندك هناااا شدسوي.....
:
:
:
:
يتتتبع
تحياتي الكاتبة زهراء امجد