MIKHA'S POV
Makalipas ng isang taon ay sa wakas, kasal na si Jhoana at Stacey habang abala naman na sila Colet at Sheena para sa nalalapit na kasal nilang dalawa, kami naman ni Aiah ay naging abala lang sa pag aalaga kay Baby Queen at sa pagtutok sa pinagawa namin bahay dito sa Siargao, nitong nakaraan araw lang ay pina bless na namin ni Aiah ang bahay kaya naman ay mananatili na muna kami rito hanggang sa susunod na linggo.
Bilib din naman talaga ako kay Matthew, alam na alam niya talaga kung ano ang pinupunta ko rito sa Siargao, kaya siguro ang napiling niyang ipabiling lupa sa akin ay yung mismong lupa na malapit na sa dagat, kaya naman dalawang malaking gate ang pinagawa namin ni Aiah, ang isa ay sa palabas ng daan at yung isa naman ay malapit sa pinagawa namin kubo palabas ng sa tabing dagat.
Nandito kami ngayon ng baby Queen ko sa tabing dagat, patuloy ko lang inaabangan ang mga kilos niya habang siya naman ay inaabot nang inaabot sa akin ang napupulot niyang Shell.
"Janna!!!!" Biglang sigaw ni Aiah. Sabay naman kaming napalingon ni Baby Queen sa bahay namin bago pa kami magkatinginan sa isa't isa.
"Momik" Usap pa niya atsaka ako tinuro.
"Hindi po ako, baka ikaw yon baby" Hindi rin malaman na usap ko sa kaniya, sabay na lang din naman ulit kami napalingon sa bahay, sabay pa kaming nagulat ng makita na namin si Aiah papalapit sa amin kaya naman ay agad din nagpabuhat sa akin si Baby Queen kaya agad ko rin naman itong binuhat. Kaya natin 'to anak!
"Momai mad" Bulong pa niya sa akin kaya napatango na lang naman ako. Nang makarating na sa harap namin si Aiah ay napatingin na lang din naman ang baby namin sa kaniya.
"Love, sino bang tinatawag mo?" Tanong ko sa kaniya
"Kayong dalawa" Galit na talagang sabi niya. Ano bang ginawa namin?
"Momai, why mad?" Tanong na rin ni Baby Queen sa kaniya. Huminga naman muna si Aiah ng malalim bago tuluyang sumagot.
"Hindi ba sinabi ko naman sa inyong dalawa, bawal na bawal sa inyo ang maraming chips at ice cream" Sagot ni Aiah atsaka ako tinignan ng masama.
"Alam niyo naman na bawal yan sa mga puso niyo, di ba?" Nag aalala ng sabi niya, agad naman nagpabuhat sa kaniya si Baby Queen kaya agad din naman itong binuhat ni Aiah.
"Sowwy Momai" Paiyak ng usap ni Baby Queen, nakita naman iyon ni Aiah kaya agad naman niya itong niyakap. Tama yan, anak, marupok din sayo yang mommy mo e.
"Sorry din, basta sa susunod bawal na maraming chips at ice cream ah" Usap pa ni Aiah sa bata ng humiwalay na ito sa pagkakayakap sa mommy niya at nakayuko na lang itong tumango.
"Kiss mo na si Mommy" Utos pa ni Aiah, agad naman hinalikan ni Queen si Aiah.
"Momik, say sowwy" Usap pa ni Baby Queen habang tinuturo ang mommy Aiah niya.
"Sorry, love" Nasabi ko na lang din at hinalikan din ang labi niya.
______________________
Kinagabihan habang nagluluto ng hapunan si Aiah ay nagpaalam na muna si Mikha at Queen kay Aiah na magpapahangin na muna sa labas, ngunit ang hindi alam ni Aiah ay may mabilisan na inaayos si Mikha sa nipa hut na pinagawa nila kasama ng anak nilang si Queen Janna.
"Momik! Momik!" Tuwang-tuwa na tawag ni Queen kay Mikha habang tinuturo ang mga kinalat niyang rose petals na siyang inutos ni Mikha sa bata.
"Wow! Good job baby!" Pagpupuri pa ni Mikha sa anak at hinalikan ang pisnge nito.
"Gusto mong mag hi sa camera?" Nakangiting tanong pa ni Mikha sa anak, tumango naman ang bata kaya agad siyang binuhat ni Mikha para ipakita sa camera ang anak.
"Say hi!" Turo pa ni Mikha sa anak habang ipinapakita nito ang camera na nakatago sa gilid.
"Hi!" Nakangiting bati pa ni Queen habang pilit na inaabot ang camera.
"Sabihin mo, Mommy Aiah, please say yes to Mommy Mikha" Nakangiting turo pa ni Mikha anak
"Say yes?" Paninigurado pa ni Queen sa mommy Mikha niya.
"Opo, say yes!" Usap pa ni Mikha sa anak. Maya-maya pa ay pumasok na ang dalawa at agad din naman inaasikaso ni Mikha ang dapat pa niyang gawin.
"Ahh love, doon tayo ngayon kumain sa kubo, inayos ko na naman na ron tsaka binuksan ko na rin yung mga ilaw" Pagyaya pa ni Mikha sa nobya, taka naman tumingin sa kaniya si Aiah habang sinasalin na sa lalagyan ang niluto nitong ulam.
"Alam mo kanina pa kita napapansin, parang ang dami mo masyadong ginagawa ngayon, hindi ka ba napapagod?" Tanong ni Aiah sa nobya, napangiti naman si Mikha at umiling.
"Sunod ka na lang don ah, ako na magdadala ng mga ito, i love you!" Tanging usap na lang ni Mikha at dinala na ang mga pagkain nila para sa dinner.

Nang maayos na ni Mikha ang lahat ay binuksan na rin niya ang mga fairy lights na pinaset up niya pa bago ang house blessing at sinindihan na rin ang ilang kandila na ilagay niya roon.
"Wow! Ikaw lahat may gawa nito?" Namanghang tanong ni Aiah ng makita niya ang nipa hut nilang punong puno ng fairy lights at rose petals.
"Ang anak natin ang nagkalat ng mga yan" Natatawang usap ni Mikha habang tinuturo ang mga rose petals na nasa sahig. Agad naman din niyang inalalayan si Aiah papasok ng kubo hanggang sa. makaupo ito.
"At syempre, hindi naman pwedeng mawala ang bulaklak para sa dalawang babae sa buhay ko" Nakangiting usap pa ni Mikha at binigyan ng bulaklak si Baby Queen at Aiah
"Thanks, love" Pasasalamat pa ni Aiah at mabilis na hinalikan ang labi ng nobya. Sa kalagitnaan ng dinner ay hindi naman na nakapaghintay si Mikha at muling hinarap na si Aiah.
"Love, alam ko sa atin dalawa ikaw yung mas romantic, pero love, trust me, sinubukan ko, sinubukan ko pero ito lang talaga yung kaya ko" Napapailing na usap pa ni Mikha habang tinuturo-turo ang ginawa nila ni Baby Queen.
"Kinaya ko talaga para sayo" Napapangiting usap pa ni Mikha kaya napangiti na lang naman si Aiah.
"At nagpapasalamat ako sayo, para sa lahat ng 'to, wag mong nila lang to, love. Sobra-sobra pa nga 'to dahil alam kong ikaw mismo ang nag ayos ng mga to" Nakangiting usap ni Aiah at hinawakan ang kamay ng nobya.
"Sa totoo lang ang dami kong prinactice kanina pero wala ng lumalabas sa bibig ko ngayon" Napapailing pang usap ni Mikha bago tuluyan tumayo palapit kay Mikha. Gulat naman napatingin si Aiah kay Mikha ng bigla na lang itong lumuhod sa harap niya, napatingin na lang din naman si Baby Queen sa mommy Mikha niya at naghihintay sa susunod nitong gagawin.
"Aiah, minsan na kitang hinangaan sa malayo, minsan mo na rin akong kinulit sa loob ng eroplano, unang nagkasama dito mismo sa lugar kung nasan tayo ngayon, nagmahalan, nagkagalit, nagkalayo, nagkalimutan at nakaalala" Mangiyak-ngiyak ng usap ni Mikha habang inaalala ang mga pinandaan nila ni Aiah sa nakalipas na mga taon. Hindi na rin naman maiwasan ni Aiah ng maiyak ng maalala niya rin ang mga nangyari sa kanila noon.
"Love, I'm here now, I'm here forever. So? Can I keep you and never let you go? Will you be mine for the rest of life?" Mangiyak-ngiyak na tanong ni Mikha sa nobya
"Please say yes, mommy" Nakangiting usap pa ni Baby Queen sa mommy Aiah niya. Natawa naman si Aiah habang napapangiti namang nag thumbs up si Mikha sa anak nila.
"So, Love. Will you marry me?" Mangiyak-ngiyak ng tanong ni Mikha. Agad naman na tumango si Aiah at umiiyak ng hinalikan si Mikha na nanatili pa rin nakaluhod.
"Syempre naman, yes! ano ka ba" Umiiyak pang sabi ni Aiah, agad naman sinuot ni Mikha ang singsing sa daliri ni Aiah at agad niya itong niyakap ng napaka higpit.
"May regalo pala kami ni Baby Queen sayo" Usap pa ni Mikha at agad na humiwalay sa pagkayayakap kay Aiah. Nagulat naman si Aiah ng kunin ni Mikha ang isang video camera sa isang gilid at itinatapat ito sa kanya
"Nabanggit mo sa akin na gusto mo na nga bumalik sa pagvvlog, kaya ito, regalo namin ni Baby Queen sayo, sagot na namin camera at first content mo. First content mo proposoal sayo ni Mikha Lim sa tulong ng anak niyong si Queen Janna Arceta na soon to be Lim na rin" Usap pa ni Mikha habang kinukuhanan ang magandang mukha ni Aiah.
"I love you" Mangiyak ngiyak na sagot na lamang ni Aiah sa sobrang tuwa.
"Hahaha. I love you too" Natatawang sagot ni Mikha tsaka hinalikan ang babae na ngayong fiancè na niya.
kapag meron ka ng isang taong nagpapahalaga sa mga sakripisyo, sakit at mga pinaghirapan mo, doon mo talaga masasabi na hindi pala mahirap magmahal, na hindi pala mahirap magpatawad, kapag ginusto ng puso mo, doon mo lang malalaman na hindi mo na pala kailangan pang maghukay ng malalim na dahilan para magmahal at magpatawad.