البارت التاسع والعشرون..
اجتمع الجميع بفرحه وسعاده وحب وسط طقوس وعادات متوارثه من البهجه والسعاده واليوم هو سبوع أجدد فردين علي العيله
وخاصه في عيله العربي
علق هيما وايهاب وصحابهم انوار في الحاره كلها وعلي بيت احمد العربي من اوله لاخره بعد ما نضفوا الحاره وطغي علي الحاره البهجه وكأن كل الحاره بتحتفل معاهم بالمناسبه السعيده دي ..ولكن قبل السبوع بيوم كان أهم يوم وهو التجمع اللي الكل بيستناه يتشاركوا فيه مع بعض بحب كل تفصيله خاصه بالمناسبه
أجتمع البنات كلهم وستات الحاره في سطح حاج سعيد اللي كان شاهد و بيوثق كل مناسبه بتمر عليهم عشان يجهزوا السبوع
مديحه....يلا يابنات تعالوا يلا افرشوا الملابات دي عالارض
توته...ايدك معايا ياسهر انتي ووعد افرشوا الملايات دي
فرشوا البنات الارض
وجابت شهد ومديحه وسهير شنط الحلويات الخاصه بالسبوع رصوها في الارض وفضوا محتوي كل شنطه جمب بعض
فاطمه....انا هقف اعملكم الفشار والحله اللي تخلص هديهالكم
نعمه...طيب يلا جهزي انتي الفشار علي ما نظبط الدنيا
اعدوا الكل علي الفرش في الارض
ناريمان....عشان نخلص بسرعه كل واحده فينا تحط حاجه في الكيس وتديها للي بعدها تحط حاجه غيرها.
روحيه....انا عايزه سوداني
مديحه....خدي ياروحيه بالف هنا
توته....في حاجه ناقصه
مديحه...لا كله مظبوط حمص وسوداني وملبس وخروب وشيكولاته وادي كارتين بتوع مالك ونانسي كل كيس حطوا فيه كارتين
توته...طيب يلا نبدا علي ما ابله فاطمه تخلص الفشار.
فاطمه....اهو الفشار بيطقطق اهو اشتغلوا انتوا وهلحقكم انا بالحله
وعد...بفرحه الله الحاجه شكلها حلو اوي
مديحه....عقبالك انتي والبنات كلها يارب
وعد...يارب يا خالتوا
سهير...يلا يابنات بلاش رغي لسه عندنا شغل كتير احنا عاملبن اكياس كتير
توته....بقولك يا ابله مديحه انتوا جايبين الف كيس مش كتير
سهير...كتير ايه يابت الله اكبر دول سبوعين في سبوع وبعدين خلي الحاره كلها تاخد سبوع مالك ونانسي والعيال الصغيره تفرح
توته....الله اكبر خليهم يا اختي يفرحوا
ابتدت نعمه تحط الحمص وتحط ادامها وناريمان تحط فشار والبنات وراها يحطوا سوداني واللي حط البونبوني والشيكولاته واللي يحط الكروت..وكل شويه توته والبنات يزغرطوا وسط اغاني السبوع الجميله واللمه الحلوه
اما عند الشباب فكانوا واقفين فالشارع رافعين بنطلوناتهم ووافقين بيدبحوا عشان يعملوا احلي عقيقه كانوا جايبين عجلين عشان يوزعوا عالناس ويأكلوا الكل
زين...كان واقف شكل الجزارين هو وهيما وادهم والشباب واقفين يساعدوهم والعيال الصغيره ملمومين بيتفرجوا بفرحه وعامر واقف زي الاطفال يفرقع صواريخ مع الاطفال الصغيره
زين...ياض اعقل شويه ودني باظت من الصواريخ
احمد العربي...سيبه يفرح يا زين
عامر...قوله ياعم احمد عدو الفرحه ده😂😂
زين...ياض طب احدف بعيد انا مقلق منك وربنا😒😒
عامر...بضحك لا والله متخافش وبعدين انا اخاف أهزر معاك وانت ماسك السلاح كده احسن يطول
زين...بضحك ايوه كده خاف مني بقي
ايهاب...عامر لاحه ما تيجوا تاخدوا اللحمه اللي خلصت دي تطلعوها فوق عشان لو هيعملوها
زين....استني انا هطلعها معاهم
عامر...يلا انا جاي معاك
ادهم...لاحه تعالي امسك معايا
زين...طب تعالي معانا انت يا يوسف
شال زين ويوسف وعامر اكياس اللحمه وطلعوا بيها علي فوق
كان الكل فوق بيجهزوا السبوع والمظاهر عندهم كانت مبهجه
زين...سلام عليكم
الكل عليكم السلام
يوسف...متجمعين فالافراح ديما
فاطمه...عقبال ما نعمل لابنكم يا يوسف
يوسف...في حياتك يا خالتي
عامر...ايه ده الله بقي سايبني انا تحت مدعوك معاهم فالدم والدبح وانتوا بتعملوا السبوع
منار...بصحك ابه اللي انتوا عاملينه في نفسكم ده😂😂
عامر...بضحك ايه رأيك جزار نضيييييييف😂😂
يوسف...اخلص يا عم بوحه الصباح ورانا شغل تحت
عامر...لا مش نازل انا هعد ماعم اعبي السبوع انا تعبت
زين...وحيات امك انت واقف تفرقع صواريخ مع العيال
عامر...بضحك الله الحق عليا اني ببعد العيال عنكم
توته....بتتعب يا عامر
عامر...بضحك راح جمب منار وسعي وسعي ابوه انا بتعب
زين...ياض قوم انزل تحت هتاعد وسط الستات
عامر..اه مالكش فيه 🥴
زين...بقله حيله خدي يا بطوط دي جزء من اللحمه اللي طلعت من اول عجل الباقي بيتقطع شوفي بقي لو هتسلقيه
فاطمه ....ماشي اخلص بس الكام حله بتوع الفشار دول واعلق عليهم علي طول
مديحه...طيب بقول ايه ما تديني اروح احطهم عندي عالنار عشان نكسب وقت
فاطمه...طب وتروحي هناك وترجعي تاني انزلي حطيهم عالنار تحت عندي ومنار تنزل تساعدك احنا مش كده كده هنعبي علب الاكل هنا
مديحه...اه
فاطمه...طيب اعمليها تحت
سهير....وشويه كده لما اللحمه تدخل عالسوي هعملكم انا الرز والصله بسرعه
زين...طيب انزل الاكياس تحت
مديحه...اه والنبي يا زين الله بباركلك
فاطمه....انزلي يامنار معاها ومعلش با زين انت او يوسف الحلل الكبيره فوق المطبخ ناولوهالها عشان مش هيعرفوا يطلع زين...عيني
زين...راح لمنه باس مالك من راسه.
زين...حبيب خالك هو نايم كده ليه
منه...بابتسامه لسه نايم والله
زين...شكله حلو اوي بس صغنن خالص يخربيت عقلك انا قولت ببطنك دي هتجيبي واد من الاخر
نعمه....مش معاه الميه بتاعته يادوب يبقي اد كده
هي بس ترضعه علي طول هيكبر ويبقي حلو
منه...يارب يا ابله نعمه
زين...ربنا يخليه يارب بص لرحاب ونامسي هانم عامله ايه
رحاب...الحمد لله يا زين نامت هي كمان
زين...ربنا يخليهالك يارب
انتي وبوب
رحاب....عقبالك انت ووعد يارب يازين
زين...يارب
توته...العيال كويسين يا زين
زين....اه واقفين تحت مع ادهم متقلقيش
عامر...ولادك بقوا بلطجيه مش اطفال ادهم مبهدلهم بالدم شكلهم مسخره😂
توته....ادهم ده ربنا بهديه والله كنت عارفه انه هيبهدلهم
يوسف...ياستي سيبي العيال تفرح وتلعب خلي قلبهم يبقي جامد
توته ..والنبي العيال دي هتبوظ علي ايدكم😒
زين....دول عسل ربنا يحميهم يلا يا ديحه بقي
مديحه...وهي بتقوم انا قايمه اهو
فاطمه...يلا يا منار مع خالتك مديحه.
زين...انت يالا تعالي شيل معانا
عامر...وهو بوئه مليان فشار انا مالي منار معاكم اهي شيلي معاهم يا منار والنبي
زين...اقفل بوئك يا طفس ياض استرجل وقوم نزل واتنيل اطلع تاني منار مش هتقدر
منار...بضحك قوم يا طفس نزل واطلع تاني
عامر....ياساتر عليكم الواحد ميعرفش يرتاح ابدا
يوسف....مريم ماتجيبي حبه فشار
نعمه...خد يا خويا كيس اهو
زين...شوف التاني ياض اعقل انت وهو
يوسف...اصل ريحته حلوه اوي
زين...طب يلا يا اخويا
نزلوا مع بعض فتحت منار الشقه دخلوا الشباب اللحمه في المطبخ وجابولهم الحلل ونزلوا وطلع عامر فوق اعد تاني
عامر...اعمل ايه قولولي
مديحه...خد حط انت الخروب
عامر...فين الخروب ده
سعير...حد ياولا ميعرفش الخروب اهو
عامر...ايه البتاع الناشف ده انتوا ناويين تكسروا سنان العيال😳
مديحه...بضحك ده جميل الخروب
عامر...والله العيال هترميه😂
حطت مديحه الحله الكبيره عالنار عشان تسلق اللحمه وطلعت هي ومنار بعد ما سبتها علي نار هاديه
واعدوا معاهم يكملوا وعامر اعد مربع يعبي معاهم السبوع وياكل اكتر ما يحط وشكله يضحك 😂😂🙈🙈
بعد حوالي ساعه خلص الشباب مهمتهم دبحوا العجلين وقطعوا اللحمه وطلعوها علي فوق وطلعوا كلهم وراح الشباب اعدوا معاهم بفرحه
هيما...الله انا عايز اعمل معاكم
زين....ادخل جمب الاهبل التاني😒😒
ادهم ...خدي يا بطوط الاكياس دي باقي اللحمه بتاعت العجل الاول والاكياس دي العجل التاني دي اللي هتتوزع زي ماهي كده
فاطمه....ماشي انا هنزل احط اشوف اللحمه اللي تحت واحط بدالها واجيب الاكياس ونكلع نقسم اللحمه دي مع بعض.
مديحه....ووزعوها بعد كده يا ادهم علي طول عشان تتوزع وهي صابحه كده علي طول
ادهم...ماشي يا ديحه عيني
توته...ما تخليكي جدعه واعمليلنا كوبايتين شاي
توته....وليك عين تطلب شاي ايه اللي عملته في العيال ده يا ادهم
ادهم...بضحك ايه رايك جزارين من يومهم خليت قلبهم مات😂😂
هيما...بضحك احمد كان مرعوب بس بعد كده حب الموضوع اوي
توته...والنبي انتوا الاتنين ما هتوردوا علي جنه 😒
وعد...زين تعالي اعمل معانا
زين...بصحك ترضهالي انا لسه مبهدل عامر وهيما😂
وعد...😂😂لا تعالي متقلقش هما مش هيبهدلوك
عامر...تعالي يا جدع والله احلي من الدبح واللي كنتوا بتعملوه تحت 😂😂
هيما....اه والله انا اول مره اعبي سبوع يوم سبوع كيمو واحمد ملحقتهمش
زين...طيب وسعوا شويه
اعد زين جمبهم ومسك كيس وبقي يبص عليهم يشوفهم بيعملوا ايه ويعمل زيهم
شويه وطلعت فاطمه معاها الاكياس
وقف صالح ولاحه وايهاب وادهم يحطوا اللحمه في اطباق وكل طبق في كيس لحد ما خلصوا
ادهم...طيب نروح نوزع بقي احنا
مديحه...اه يلا وهي لسه طازه كده
ادهم...اللحمه دي هندي منها لحد من الحاره ولا كله لاهل الله.
سهير...بص يا ادهم ادي اللي قولتلك عليهم امبارح والباقي وزعوهم بره
مديحه....اه كده كده اللحمه التانيه هتتوزع معموله عشان الحاره كلها تاكل من العقيقه .
هيما...بقولك ايه سيب كيس لعم اسعد راجل غلبان
سهير...اه جدع يا هيما اديله يا ادهم
زين....متنساش كيس لعمر يا ادهم
ادهم...عامل حسابه متقلقش كده 10 اكياس والباقي بقي هروح اوزعه
وعد....هو انا ممكن اقول حاجه
بصولها كلهم
زين...قولي
وعد...بصراحه انا عندي راي تاني انا شايفه ان اللحمه اللي فالاكياس دي تتوزع علي الحاره واللي هتتعمل فته برز وصلصه دي تتوزع في الشارع هتلاقوا ناس نايمين علي الرصيف وتحت الكوبري اكيد الناس دي مش هتعرف تطبخ اللحمه وبيتهيألي افضل ليهم انهم ياخدوا طبق اكل مستوي احسن ما يخدوه لسه ني اكيد مش هيعرفوا يعملوا بيه حاجه
زين....صح
ادهم....تصدقوا صح الناس دي هتعمل الاكل ازاي
سهير...احنا ازاي مفكرناش كده برافو عليكي يا وعد والنبي العلام حلو
وعد...بضحك مش محتاجه علام يا سوسو بس فعلا الناس دي احسن ليها انها تاكل علي طول اما اهل الحاره عندهم تلاجات اللي مش هيعملها انهارده هيشيلها
فاطمه...صح كده خلاص وزعوا الني في الحاره
توته....تصدق يا ادهم يا ريتنا عملنا كده ساعت عقيقه احمد وكريم
ادهم...يلا خير الحمد لله
ايهاب...طيب يلا يا هيما ننزل نوزع واول ما اللحمه تخلص ونعبيها نطلع بالعربيات نوزعها
هيما...يلا
نزلوا الشباب مع بعض وزعوا اللحمه عالشارع بتاعهم
اما البنات خلصوا السبوع مع بعض وقاموا يجهزوا اطباق الاكل ويقفلوها.وطلع الشباب تاني ساعدوهم.
ادهم...بقول ايه ياسوسو ما تبقي تعمليلنا الكبده
دي انا واقع من الجوع الكبده لسه صابحه
سهير...عيني علي ما تروحوا توزعوا اكون عملتها وترجعوا ناكل كلنا
ادهم...طيب تمام
وقفوا عبوا كل الاطباق مع بعض ونزل الشباب حطوا الاكل في العربيات وراحوا عشان يوزعوه.
اما البنات فا قاموا نضفوا السطح ورجعوه زي ما كان
ووقف سهير تعمل الكبده
فاطمه...استني اقطعلك الفلفل والبصل
سهير....اعدي ارتاحي انتي واقفه من الصبح انا هعمل بسرعه
فاطمه....والنبي انا فعلا رجلي وجعاني
سهير...طيب اعدي كده كده الكبده بتتعمل بسرعه
جه احمد العربي وحاج سعيد وحاج فاروق وعيسي وحسني وحاج رضا
سعيد....سلام عليكم متجمعين في الفرح ديما
مديحه....متجميع علي حسك دبما يا حاج سعيد
نعمه...مبروك ما جالك يا حاج احمد
احمد العربي...الله يبارك فيكي يا ست نعمه عقبال ما نفرح بولاد صالح ولاحه ويملوا عليكم البيت
نعمه...يارب
جم الشباب بعد ما وزعوا الاكل
احمد العربي...ايه يا شباب كله تمام
ادهم....اه يا ابا
سهير...رضيتوا الكل يا ولاد
زين...متقلقيش الكل اتراضي واتبسط .
مديحه...يارب ديما الناس مبسوطه ويراضي الكل
زين...باس راسها يارب يا امي.
صالح....انا عايز اشرب شاي والنبي دماغي هتنفجر
بوسي...طيب لما تاكل الاول
صالح....مش قادر انا من الصبح مشربتش الساعه داخله علي 12 مش قادر
سهير...استني هناكل خلاص الكبده خلصت.
حطت توته وسهير وناريمان الاكل وحطوا العيش...بمجرد ما وعد شافت الاكل مسكت معدتها بقرف.
اعدوا كلهم وابتدوا ياكلوا
زين...لاحظ ان وعد مش بتاكل كلي مش بتاكلي ليه
وعد....مش عايزه
زين...مالك انتي كويسه
وعد....يظهر معدتي تعبانه مش قادره اشم الكبده دي خالص
زين....انتي كلتي حاجه طيب
وعد...كلت الصبح بس معدتي قرفانه خالص
مديحه...دي جميله اوي
سهير....كلي يابت هتخسري ده انا عامله شويه كبده ايه
وعد...تسلم ايدك يا سوسو بس والله مش قادره حاسه اني مش طايقه ريحه الاكل
وفجاه مسكت بوئها وجريت علي الحمام اللي في السطح رجعت
جري وراها زين ومنار ومديحه.
زين...مالك ياوعد انتي فيكي
منار...مالك ياوعد
وعد....مش عارفه
منار...طيب يمكن من الفشار احنا كلنا فشار كتير
مديحه....الفشار يشبعها بس ميقرفهاش كده
منار...بابتسامه اوعي يا بت تكوني عملتيها
وعد...عملت ايه
منار...اوعي تكوني حامل
ابتسم زين وعلامه الصدمه علي وشه
حامل؟
مديحه....تصدقي يابت يا منار ممكن وعد انتي حاسبه اخر مره جاتلك امته
وعد....بصتلها بصدمه معرفش يا خالتو وكملت باحراج وهي باصه لزين هي مش جت من قبل الجواز خلصت وبعد اسبوع اتجوزنا
مديحه...تبقي حامل ياوعد
وعد...بصت بصدمه وسكتت
زين...طب نروح للدكتوره نطمن
مديحه...يا ابني استني انت علي طول مستعجل ودكتور ايه اللي فاتح فالوقت ده مش تعمل اختبار الاول ونتأكد
زين...بتاع الصيدليه يعني
مديحه...ايوه.
زين...بسرعه طب انا رايح بسرعه اجيبه
وعد...استني يازين انا هتكسف اعمل اختبار هنا لما نبقي نروح
زين...وانا مش هقدر
منار...هاخدك وننزل تحت نعمله
توته...جت من وراهم ايه يا بت مالك فيكي ايه كنتي زي القرده
منار...بفرحه وعد شكلها حامل
توته...من غير مقدمات لولولويييييييي
وعد...يخربيتك اسكتي
توته...لوللويييييي
ادهم في ايه يابت
فاطمه ...في ايه ياولاد
سهير...انتي يابت بتزغرطي ليه
عامر...بضحك غسان وعد بترجع😂😂😂
توته.....وعد شكلها خامل يا اما
وعد....حطت أيدها علب وشها يا خربيتك يا فضيحه
زين...بضحك اهي حرستك وجرستني انا رايح بسرعه اجيب الاختبار
جري زين بسرعه
فاطمه...والنبي صحيح
مديحه....بضحك انا بقول يمكن بس توته المجنونه زغرطت
سهير....ان شاء الله حامل
فرحوا ملهم وباركولها ودعولها يكون فعلا حمل.
حست شهد بوجع في قلبها مش من خبر حمل وعد لكن من نظره الحزن اللي سيطرت علي صلاح وبص في طبقه وفضل ساكت وسرحان واعد يقطع في العيش بتوهان..
بعد وقت بسيط رجع زين وخدتها منار وتوته ومنه ونزلوا تحت
دخلت وعد عملت الاختبار ووقفت تبص عالشريط وهو بيطلع ادامها قلبها بيدق وايدها بتترعش
وفجأه عينها دمعت لما لقت خطين باللون الاحمر 😍
فتحت وعد البنات وهي بتعيط
خطفت توته من ايدها الاختبار حامل يابت
ووقفت تزغرط ومنار بقت تتنطت وخدتها منه في حضنها بفرحه باركولها وخدوها وطلعوا وفضلت توته تزغرط عالسلم هي ومنار
اتأكد الكل من الخبر بعد سماع الزغاريط
توته...مبروك يا زين هتبقي اب
حضنته مديحه وهي بتعيط وحضنت وعد باركله اصحابه بفرحه كبيره وهو كان واقف مصدوم مفيش اي تعبير علي ملامحه غير الصدمه
قرب من غير مقدمات شد وعد في حضنه وباسها من راسها وهي فضلت تعيط من فرحتها
حاج سعيد....الله الله يارب انت كريم اوي مع كل وجع بنحسه بتدينا بداله الفرح اضعاف اللهم لك الف حمد وشكر
حسني....عندك حق ياحاج سعيد ربنا كريم اوي عالعباد والفرحه اللي بيديهالنا كفيله تطبطب علي قلوبنا اللي اتوجعت.
عيسي...يارب كل ايامنا تكون فرح
رضا...مبروك يا زين يا ابني
زين...الاه يبارك فيك يا راجل يا طيب عقبال ما تفرح بسهر يارب.
صلاح....مبروك يا صاحبي يتربي في عزك ان شاء الله
زين...بحزن علي حال صلاح...عقبالك يا اخويا لما تحصلني والعيال دي تفرح فينا
صلاح...بأبتسامه حزن يارب يازين
الكل بارك وهنا والفرحه كل مادي بتتضاعف ولكن اوقات الفرحه بيكون جاي وراها أنفجار محدش عامل حسابه..
مشي الكل علي بيته وروح زين ووعد علي بيتهم غيروا هدومهم ووقفت وعد تصلي هي وزين شكر لله
بعد ما خلصوا خدها زين وناموا عالسرير مكانش بيتكلم كتير الفرحه كانت عملاله صدمه مش قادر يعبر بالكلام عن اللي جواه.
خدها جوه حضنه وفضل ساكت
وعد....زين هو انت مش مبسوط
بصلها زين في نظره طويله كلها حب مش مبسوط؟؟
انا الفرحه اللي جوايا يا وعد تكفي الدنيا بحالها
وعد...امال مالك؟
زين....يمكن يا وعد حلمت بكل حاجه تجمعني بيكي لكن عمري ما تخيلت اني اكون اب ومنك انتي انا كان كل حلمي اني اوصلك وبس يا وعد لكن ان ربنا يرضي عني اوي كده ويبقالي ولاد منك متخيلتش
حضنته وعد بحب بحبك يا زينو
زين....حضنها بكل قوته بحبك يا احلي وعد فالدنيا
وعد...طيب قولي بقي نفسك في ولد ولا بنت
زين...اي حاجه تكون جايه منك انا عايزها بس بصراحه انا بتمني من قلبي تكون بنت
وعد...باستغراب بنت اشمعني انا تخيلتك هتقول ولد
زين...بالعكس انا نفسي اوي في بنت وتكون نسخه منك ياوعد انا بحب البنات اكتر اكيد هفرح لو ولد خصوصا انه هيشيل اسمي لكن انا بحب البنات انتي ناسيه اني مربي بنتين قبل كده انتي ومنه
وعد...بحب وانا مليش دعوه عايزه ولد شبهك
زين....كل اللي ربنا يرزقنا بيه خير بس يرده قلبي بيقولي انها بنت
وعد...نامت علي صدره بفرحه
زين...بقولك ايه من هنا لحد ما تولدي مش عايز اي مجهود عشان خاطري يا وعد
وعد....حاضر يا حبيبي متقلقش
زين....مش قلقان انا طاير من الفرحه ياوعد
وعد....ربنا يخليك ليا يازين
زين...ويخليكي ليا يا احلي حاجه في دنيتي..😍❣️
.................
خلص اليوم...وجه يوم جديد
الكل متجمع مظاهر التحتفال طاغيه عالحاره كلها.
جه انس ومعاه مامته وجه احمد البرنس ومراته وولاده
الزغاريط كانت ماليه الشارع
وبعد ما العصر اذن صوت دق الهون سمع الشارع كله باغاني السبوع
نزلت مديحه وسهير وفاطمه ونعمه وتوته وناريمان كل واحد فيهم ماسك شنطه فيها سبوع وأطفال الشارع كلهم ملموين عليهم بفرحه وهما بيوزعوا السبوع وروحيه تجري ورا العيال وتضربهم و تاخد منهم السبوع تاني😂😂😂😂
ويوسف يجري وراها هو وعامر يمسكوها ويمشوا العيال الكل كان ميت من الضحك عليها..فضلت سهير ترمي في الملح وتزغرط
وزعوا علب السبوع علي الحاره كلها وطلعوا كملوا باقي حفلتهم في السطح.
سهير...اسمع كلام امك متسمعش كلام ابوك
ادهم...اسمع كلام عمك ياض ابوك مش هينفعك
زين...اسمع كلام خالك عمك وابوك واطيين😂😂
عامر....ياض اسم كلامي ياض انا اللي هنفعك
سهير.....اسمعي كلام جدك
عامر....يابت اسمعي كلام خالك برده انا اللي هنفعكم الجيل ده امانه في رقبتي 😂😂😂😂
يوسف...يبقي هيبقي جيل بايظ 😂😂😂😂
انس....اسكت بقي محدش طايقك في الاعده...😂😂
عامر...انا حاسس والله حتي البت عيطت اول ما قولتلها اسمعي كلامي😂😂😂
البرنس...مبروك ما حالكم يتربوا في عزكم يارب
ايهاب...عقبال ما تخاوي محمد وريماس
مها....يا شيخ حرام عليك بتدعي عليا انا كده
توته...يا اختي بعد الشر عليكي
منار....لشمس وانتي يا بطيخه انتي مش هتولدي بقي عشان اقول اسمعي ملام عمتوا الحرابيه😂😂😂😂
توته...عارفه نفسك يا بت
شمس...لا يا اختي دي عمتوا السكر ❣️❣️😍
حضنتها منار ...بحب❣️❣️😍
المل كان بيهني ويبارك ويزغرط ويضحك شهد كانت واقفه تايه مش لاقيه صلاح اللي اختفي مره واحده رنت عليه لقت موبايله مقفول
شهد....صالح فين لاحه
صالح...مش عارف والله يا شهد كان واقف معانا تحت يمكن طلع الشقه وجاي
شهد...ماشي
انسحبت شهد بهدوء ونزلت راحت علي شقتها تشوفه
فتحت شهد الباب براحه شمت ريحه سجاير عرفت انه موجود فتحت النور لقته اعد عالكرسي خاكت ايده علي راسه وباصص للارض
قفلت براحه وراحت اعدت جمبه من سكات
شهد....مشيت ليه يا لاحه كنت بدور عليك
صلاح...بصوت باكي مسح دموعه بطرف ايده وزي ما هو موطي راسه.
صلاح...ابدا حسيت اني مصدع شويه
شهد....بصدمه من صوته رفعت وشه بايدها انت بتعيط يا لاحه
نزلت دموع صلاح اكتر وبص للارض وهو بيمسح دموعه
شهد....صلاح مالك بقالك كذا يوم متغير وديما حزين ايه اللي حصل.
صلاح...المشكله ان مفيش حاجه بتحصل يا شهد كل حاجه زي ما هي مفيش جديد
اعدت شهد علي ركبها ادامه وهي عينها كلها دموع وايه اللي في ايدنا يالاحه وايه اللي جد عشان نرجع نقول مفيش جديد مش قولنا اننا هنسلمها لربنا
صلاح...بصوت عالي نسبيا لكن كله وجع وقهر...الجديد ان مش قادر اكون اب يا شهد الجديد اني مهما حاولت اعوضك باي حاجه تفرحك هيفضل قلبك مكسور وانا مش هقدر عمري اعوضك الجديد ان كل صحابنا واخواتنا ربنا كرمهم واحنا لسه
شهد...استغفر ربنا يا صلاح ده رزق ولسه ربنا مقسملناش بيه وبعدين انت اللي بتقول كده يا صلاح انا لولا عارفه نضافه قلبك كنت قولت انك مستكتر عليهم الرزق اللي ربنا اداهولهم.ومستكتر عليهم ولادهم..
صلاح...لا يا شهد انا مش وحش وعمري ما بصيت لرزق غيري ولا بصيت لنعمه في ايد صحابي انا لو كولت اخد من عمري واديهم انتي عارفه اني اعمل كده واني افديهم بقلبي وحياتي كلها...بس ليه انا اشمعني انا يا شهد اللي ربنا مكرمنيش مع ان انا اكتر حد بحب العيال ليه ربنا حرمني منهم وانا عمري في حياتي ما غضبت ربنا ولا زعلت حد
شهد....اختبار يا صلاح اختبار ربنا حطنا فيه عشان يختبر صبرنا وعشان لما يرزقنا بيهم نحافظ عليهم
صلاح...لحد امته يا شهد مفيش وقت محدد هستني اد ايه طيب هصبر بس لو مرزقناش يا شهد
شهد....يبقي ملناش نصيب فيهم يا صلاح يبقي العيال مش رزقنا ياصلاح.ربنا مش ظالم يا صلاح بيدي كل واحد فينا رزقه كل واحد فينا ليه 24 قيراط اللي صحه واللي ستر واللي راحه بال واللي فلوس واللي عيال
يمكن رزقنا مش عيال يا صلاح ويمكن لينا رزق فيهم بس هيتأخر
صلاح.....وفي ناس عندها كل ده يا شهد
شهد...يبقي ده رزقهم يا صلاح وقبل ما نقول مين عنده ايه ورزقه ايه نسأل نفسنا ربنا خد منه ايه عشان يديله ده قصادهم ربنا ليه بيعوضه بكل ده خد من ابه غالي عشان يفرحه ويعوض اللي خده منه..بلاش توجعني وتوجع نفسك يا صلاح ربنا مش ظالم..
مسح صلاح دموعه وهو كله غضب وكأن الضعف اللي جواه اترجم علي هيئه غضب وثوران..
صلاح...عندك حق يا شهد ربنا مش ظالم وانا كمان مينفعش اكون ظالم من بعد انهارده
شهد...بخوف تقصد ايه🥺🥺
صلاح...اقصد ان لازم اللعبه دي تخلص يا شهد لازم ابوكي واخواتك والكل يعرف ان العيب مش منك. لازم الكل يعرف ان انا السبب في حرمانك من الخلفه
شهد....بصوت عالي ودموع وانا مشتكتلكش😭😭
صلاح...وانا حاسس بيكي من غير ما تشتكي يا شهد شايف حزنك ووجع قلبك ودعاكي اللي من قلبك من غير ما تنطقي بعد كل مره تسمعي عن حد في البنات انه حمل ..مش هقدر اكون ظالم يا شهد اكتر من كده
وعشان انتي ليكي كبير وكبارك يعزوا عليا مش هرمي عليكي اليمين وانتي بعيد عنهم وقبل ما يعرفوا .
مسك صلاح موبايله ومفاتيحه وهي بصاله بصدمه دموعها مش بتقف
شهد...لا يا لاحه.
راح صلاح بسرعه عالباب وهي وراه بتجري وبتشده..
شهد...وحيات اغلي حاجه عندك ما تعمل فيا كده يا صلاح بلاش تعرفهم سرنا يا صلاح
صلاح.. وهو بينزل عالسلم السر لازم يخرج يا شهد والحمل اللي انتي شيلاه لازم بنزل من علي كتفاك وكتافي انا كمان لازم تشوفي حياتك مع حد يقدر يخليكي ام
شهد.....بانهيار وقفت علي باب المدخل مش عيزاه ياصلاح عيزاك انت لو عملت اللي في دماغك ورحمه امي ياصلاح همشي ومحدش هيعرف عني اي حاجه.
صلاح...مسح دموعه خلصت يا شهد كفياني ظلم بقي...💔
30 يوم حياه الجزء الثالث
By AmiraOsama873
عن حياه نفتقدها أتحدث ❣️👌 More