واجب إعتذار مني 🤚🤚
أعتذر وبشده علي غلطه غير مقصوده بدرت مني في بارت إمبارح وأغضبت إحدي قارئاتي المحترمات،،القارئه تعمل في مهنة التمريض وقد إستائت من لفظ بدر من الطبيب للممرضه وأحب أوضح إنه خطأ غير مقصود مني
وإحتراماً مني لها ولجميع أصحاب تلك المهنه الساميه أنا حذفت الجمله وبعتذر حقيقي
ويمكن زي القارئه ما فسرت لي إن فعلا الدراما ليها دور كبير في تشويه صورة الممرضه في عيون المجتمع
بس خلينا نكون واقعيين يا جماعه،،أنا كاتبه وبصور مشاهد من الحياه والحياه فيها كل حاجه،،وكل مهنه فيها الصالح والطالح ،،يعني في قلوب حائره زي ما جبت مثال ياسين كظابط مخابرات محترم ووفي لبلده ومهنته جبت كمان الظابط الخاين زميلهم في الجهاز اللي كان علي صله بالجماعات الإرهابيه وباع أصحابه وخان بلده ،، هل معني كده اني غلط في جهاز المخابرات،؟؟
،لا طبعاً بس انا واجبي أجيب النماذج الطيبه والنماذج السيئه ونلقي عليها الضوء ونسلطه علي العقاب علشان كلنا نعتبر
المقصد من كلامي إني عمري متعمدت الاسائه لأي مهنه أنا فقط بكتب وبطرح نماذج من الحياه وموجوده بالفعل حوالينا
ومرة تانيه بعتذر عن أي إسائه حدثت مني بدون قصد واتمني قارئتي المثقفه اللي الكلام أذاها متكونش زعلانه مني😍
دومتم في رعاية الله وحفظه 😍😘