سلمى:ياختي متفارقتو غير بزز
وجدان(كتبتاسم): ممم مسخيتش بيه
رحاب:اوا لاش مخلية راجلك
وجدان:سكتو تقودو نبقا ا مخشية فيه انا غماليت فالذاار
سلمى:(مترددة) ألبناااات
رحاب و وجدان: هااا
سلمى:دبا البارح فاش مشينا نعسوو عيط لياا
وجدان:شكون
رحاب:حبيب قلبها شكون من غيرو
سلمى:وا سكتو ولا منكملش ليكم
رحاب:(مركزة مع الطريق) كملي
سلمى:اوا و دوا معايا ميسااجات وقاليا ندويو ابييل
وجدان:اهاه
سلمى:و و قاليا شنو خبارك و قتليه مصافرة
وجدان(نتفتها من اللور) : ويلي على الملعووقة دغيا سرسبت لييه
سلمى:ايي وا شنو تحمست
رحاب:اوا زيدي كملي
سلمى:و قاليا معامن قتليه مع صحاباتي و و قاليا قاليا
وجدان: وا خرااايها دغياا شقالك
سلمى:نجي عدكم
رحاب:اويلي على الخانزة و نتي شقلتي لييه
سلمى:وااا قتليت جيي
وجدان:وييلييي حاااااي على جييي واش واش انا مفارقة مع راااجلي و دفا دراااجلي باش نخرجوو حنا البنااات و هااد الخااانزة الحماارة جايبة ليا رااجل عمري تلاقيت معاه ولا عرفت كيفاش تيدوييي شايفاه غير فالتصااور
سلمى:(بدات تغبن) وا شنديير قاليا واش نجي نقوليه لا
رحاب:ااه قوليهاااا
سلمى:واصاف مديروش هاكا اووف راه معرت دواا معايا تشقلبت بالله
وجدان:صافي ايديرهااا الحب
رحاب:هههههه ااه ايديرها 😂
سلمى:دبا ايلا جاا عادي ياكو
وجدان:عاادي صافي
سلمى:و نتي رحااب
رحاب(عارفة خوها ميبغيش و ايوصلوه الخباار) : ختي انا بارية منكم ديرو لي بغيتو
سلمى:اووف عليكم تنحبكم اناا
غادين فالطرييق ناشطين و كيضحكو و وجدان وقفتهم جاها الجووع وقفو باش افطرو ف باحة الاستراحة
وجدان(كتكسل): الله شحال باقي باش نوصلو
رحاب:بااقي الخير
سلمى:شي زوج سوايع ذيال الطرييق رحاب بنتيلي عيتي
رحاب:لا لا تانوقفو تاني و نشونجيو انا وياك
وجدان:واتانا بغي نسووگ
سلمى:اختي راجلك ايوصي و ايعاااود
وجدان:واصاف باش ايعرفني انا لي صايگة
رحاب:متتشوفيش ليكارذ مفزعين فالطموبيل ا حبيبة
وجدان:هااء نسيتهم.. واش مغاديش ايفطروو
رحاب:معرت نمشي نسولهم !!
وجدان:لا لا انا اندي ليهم افطرو (هزات من داكشي لي شراو)
ناضت وجدان كتعيوج فمشيتهاا كولشي تيقوليها كتعوجي ولكن هيا مشيتها هكاك
وجدان:سلام عليكم
الكارد1: وعليكم السلام لالة
وجدان(مدات ليه الساشية) : هاكوو فطرو عتقو روحكم راه مزال تابعاكم الطرييق
الكارد1:لا شكرا ا لالة
وجدان:آآآ قالاك شكرا شد شد كول شنو سميتك بعداا
الكارد1:ياسين
وجدان:مشرفين ا خويا ياسين هاكو كولو (ضورات عينيها ف الطموبيل لقات كينين 3اخرين للور و واحد حدا ياسين ) راه جبت ليكم حتا نتوما
ليكارد:الله يا ودي نتي لي سمحي لينا ا لالة
وجدان(ضحيكة كيوت) : ههه اتكونو عيتو من الطريق
ياسين:عذابكم راحة الالة
وجدان:ههه يلاه كولو شوية و نتحركوو (مشات)
كولشي داز على اذان عثمان كان كيدوي مع ليكارد فالتيلفون و الضحكة ففمو مرسوومة فرحان لي ربي عطاه هاد المراة لي حنيينة و فكراات فرجالو
عثمان:نخليكم ا دراري تفطروو و طريق السلامة حضيو البنات مزيان
كملو فطورهم و رجعو للطريق و وجدان كتاكل فشيبس اللور و كيغنيو مع الموسيقى عاايشين الحياة
وصلو لواحد الباحة اخرى و تبادلت رحاب مع سلمى و وجدان عيااات طلب فيهم هيا لي تسوق مخلاوهااش
من بعد ساعة ديال الطريق وصلو البنات سالمين للحسيمة لي كان الجو ديالها زويينة
رحاب:نمشيو ديريك للاوطيل نبدلو علينا و نخرجو نتغداو
وجدان:ااه يلاه نوضي خليني انا نسووق
سلمى:واناري هاني اختي سوقي سوقي
طلعات وجدان كتفرنس و داتهم للاوطيل وقفو عند الغيسيبسيون
رحاب:السلام عليكم
الغيسيبسيو:وي مرحباا
رحاب:عندنا حجز مسبق بسميت رحاب العمراني
الغيسبسيو:(كتقلب فالسيستيم) وي ثلاثة الغرف vip
رحاب:وي (مع ابتسامة)
جاو هادوك لي كيجرو ليڤاليز و خداو البنات ليكارط ديال بيوتاتهم
دخلات رحاب خدات دوش خفييف و بدلات عليها حويجها لبسات سروال دجين اوڤر سايز و تريكو فالبيض ميني ڤونطغ نازل على الكتاف و سبادرية بيضة طللقات شعرها و جلسات تتسنا البنات ايعيطو ليها باش اينزلوو
سلمى خدات دووش و حاضية مع تيليفونها دخلات للذوش حيدات عليها تعب الصفر و خرجات لبسات ديباردور فالزرق و سروال جين اوڤر سايز مقطع من الركابي (بالمتشردة لاخرة) و سبادرية بيضة طلقات شعرها على راحتوو
(مديوش على هاديك باركة تقلز ههه)
وجدان حتا هيا دخلات حيدات العيا و خرجاات عيطليها عثماان دوات معاه الحب و دكشي كيديماا
لبسات جيب فالخضر و فيها خطوطة فالابيض و تريكو محلول من العنق فالابيض و سبادرية بيضة (ليوما النهار برعاية سبادرية بيضة 😂 ) جمعات شعرها و عيطات للبنات
وجدان:واجدين
البنات: وي يلاه نزلي
نزلو البنات بثلاتة ا لقرطاسة على ختهاا و ركبو فالطموبيل و ساقت وجدان ملهوفة على الصوگان الله ايستر ههه
وجدان:فين انتغدااو انا بغييت الكروڤييط و مممم الفرييت
رحاب:ابسم الله عليك ا خيتي مالك باركة تشهاي عليها هناا ويلي
وجدان:ختي الجوع فيا اويلي حاي
سلمى:(مقابلة تيليفون)
رحاب:ويوي فين سارحة نتياا (حيدات ليها التيليفون) حيدي عليا الزمر راه مني ايوصل ايعيط لييك مال حسك اتجهليني
سلمى:واا ماشي لخاطري تفوو
وجدان:صافي انمشي لهاد الريسطوو (قاداتها فالجيبس ) يلاه..
خدمو البنات الموسيقى و دايرين الزدحة فالطرييق
وصلو للريسطو و نزلو جلسو فالطابلة جا عندهم لي كيقيد الطلبات تنسات ليا سميتو مهم
الدري:شنو طلبكم
رحاب:البنات شنو بغيتو
سلمى:بيتزاا و شي بواسو ايكون باارد عفاك
وجدان:(كتقلب فالموني) معدكمش الكروڤيت
الدري:وي امادموزيل عدناا
وجدان:ههه مدام (الشوهة هاد الخرية تفو ) واخا جيب ليا بلا ديال الحووت و كثر ليا الكروڤيت عافااك و بغيت لاسوب ديال الحووت و صالاد ديال الرووز مهم راك نتاا عارف و ممم شنو اخر ااه بغيت بيتزاا حتا هيا ديال الحووت و شي مشروب ايكون بارد
الدري:(بقا ا حال فمو و كيقول فراسو هاد لانشوڤة اتاكل هادشي كامل) واخا ا مدام
رحاب(بقات حابسة الضحكة تامشا و تفرگعت بالضحك) : واااااع هعههههههعههه صااافي ا ختيي عرفناااااك مزززوجة اوييلي على مدااام
وجدان:و ايغلط فيا انا راني مرت الرااجل اويلي
سلمى:اختي واش دكشي كولو اتاكلييه اويلي اتغلاضي اصحبتي
وجدان:منغلاضش واش انا جيت تال بلاصة الحووت و مناكلش الحووت هبلتو ولا شنوو اوو
رحاب:صافي مقلت لك والو انا كوولي بصحتك اهوا عداك تسگينا فالطرييق وصاف هههه
وجدان(كتعيبها):هوهوهو متخافييش
جاب ليهم الذري الماكلة و وجدان شافت دكشي بحالا شافت الذهب و جلسات تاكل فييه و تبنن
رحاب:الله ايهديك ا وجدان ههه مجعورة صافي قولي خويا كان حابس علك الماكلة
وجدان(كدوي و فمها عامر) : تي فينما دويي دخلي ليا خووك فالهدرة تا كح كح (وحللت ليها) كح متخليوش بنادم كح كح
سلمى(عطاتها تشرب) : شدي ا شوهة شربي شربي
شربات الماا و كتصوط على راسها
وجدان:اووف على شوية كنت انمووت 🙂
سلمى:كولي كولي كملي ذكشي و يالاه نوضو
كملو البنات ماكلتهم و ناضو حطو الطموبيل فالبارگنيك و مشاو كيتمشاو فالكورنيش ذيال الحسيمة
وجدان:ايي البحر ايمتا غنعومو
رحاب:غدا واقيلا
سلمى:ااه حتال غدا دبا اصلا شوية و ايطيح الضلام و هنا فالليل كطيح الشتاا
وجدان:اويي بصح
كيتمشاو حتا وقفو عليهم ثلاتة الدراري البووقوس على خووه شمنك يا عينين شمنك يا شعر احح و الفورمة
الولد1: صاڤاا بوگوصات
وجدان و رحاب و سلمى كيطلعو فيهم و ايهبطوو هادو مالهم ههه
وجدان:(كضور فعينيها ودوات بشوية فودن سلمى) تحركو ولا انقودو السوايع
بغاو ايتخطاوهم
و واحد فيهم شد لسلمى ايديها
ولد2:وقفي غي ندوي معاك مالكي
سلمى:طلق ايدي بعداا
طلق منها و زادت ههه
محسو براسهم الدراري تاوقفو عليهم ليكارد من اللوور
ولد1:شعندك الخاوة واقف علينا
ضارت وجدان و شافت فيه لقاتو ياسين و زوج ديال ليكارد شرطات عليهم ايلبسو حوايج عادي و ميلبسوش اللباس الكحل ذيالهم كيبانو عادي ماشي دليكاارد
ياسين:تقدري تمشي الالة
ومات ليه وجدان براسها ضارت هيا البنات و كنملو تسركيلهم شبعو غير تصااور و دراري كيتلوطو عليهم
وجدان:الكلباات مالكم زويناات كولشي تيشووف
رحاب:ههه اختي بحالا نتي لاا
سلمى:الزين حبوو مولاناا
بقاو تيضحكوو شافو الناس كولشي بدا كيمشي و الساحة خواات
وجدان:يلاه تاحنا نمشيو تالغدا و نزلو تفو تاكيزيان الوقت عاد كيدخلو هوماا
سلمى:وراه الشتا الخراا ايمشيو فالشتاا
وجدان:ومال الشتا كتقتل اويلي
رحاب:لاا وكيكون حتى الرعد
سلمى:هاناري الرعد راني تنخاف منوو اناياا
طلعو للطموبيل و الكارد تابعهم من اللور وصلو للاوطيل و كل وحدة دخلات للغرفة ديالها بدلو حويجهم و تكاو فبلايصهم ايلا سلمى مجاهاش النعااس خرجات وحلات البالكوو كتشوف فالبحر حيت الاوطيل لي جلسو فيه مقاابل مع البحر.. الجو تبدل ولكن واخا هكك زويين لبسات عليها قبية فوق الديبارذور و الشورط لي لابسة و لبسات كلاكيط فرجليها و نزلات للتحت تمشا كيعجبها البحر واخا الليل سارحة كتفكر مال حمزة معيطش ليها واش كان غير تيتفلا ؟؟ واش مغاديش ايجي ؟؟ كل هاذ الافكاار جاو فراسهاا حتا كتحس بايد دافية عنقاتها من اللور تخلعاات و ضارت شافتو لقاتو هوااا لابس عليه قبيية و داير القب على راسو و كيضحك
حمزة:خلعتك
سلمى(بفرحة): حمزة
حمزة:مم حمزة ههه
سلمى:امتا جيتي
حمزة:قبيلة شوية و نزلت نتمشا شوية حتا كتبانيليا هناا
سلمى:(مزال معنقهاا) اه خرجت حتا انا نتمشى شوية
ضورها كتشوف فالبحر و هوا مزال معنقها من اللور كتحس بالسخونية ديالو فضهرهاا مع ملابساش مزياان
حمزة(ضار لعنها) : تحماقي معايا
سلمى:كيفاش نحماق معاك
حمزة:(كيشوف فالبحر)
سلمى:نوو وااي فالليل
حمزة:اااه (كيحيد حويجوو و كيلوحهم فوق الرملة) يلاه (مشا كيجري و تلاح فالبحر)
سلمى(مترددة):ولكن الليل.. (حيدات القبية لي لابسة حتا هياا و بقات بالديباردور و الشورط لي لابسة و تبعاتوو تلاحت ورااه
حمزة:ياااس عرفتك اديريهاا (كيضحك باعلى صووت) هاكاا نبغييك هههه
سلمى(عجبها الماا) : هههه زويين الماا عجبنيي
حمزة:شتي قتلك ايعجبك
سلمى:ههه اه (تغطساات تحت الماا و بقات كتعووم و خرجاات منو و الديباردور گااع بين شنو لابسة من التحت)
تغطس حمزة تحت الماا و مع الضلمة مكيبان ليها والو و تعطل تحت الماا
سلمى(بخوف): حمزة.. (كتقلب بعينيها) حمزة فينك بلا خرج بلاش من هاذ اللعب... حمزة
يتبع...