ود:شعور الوحده صعب جدو مخلاني اعيش وحيده وفرلي كل شي احتاجه جان الي ام وأب امي توفت وهي حامل بيه الحمل خطر عليها بسبب مرض بالرحم منعوها الأطباء من الولادة واصلا نسبة الحمل ضئيله بابا جان مقتنع وماما عنده بالدنيا وجان رافض فكرة الأطفال لأجل ما يخسرها لماما بس قدرة رب العالمين كانت فوق كل شي ماما حامل بيه تلاث أشهر بدون علم بابا تخاف ليخليها تنزل الطفل وجانت تخاف اكثر من زعله بس رغم هذا تمسكت بيه وضحت بحياتها كل مره يحجيلي جدو عنها اكرها روحي احس اني سبب موتها بسببي هي خسرت حياتها عشت حياة كامله بدون ام بدون حنانها وعطفها بيبي هم اخذت دور بحياتي بس ماكو احد يكدر يسد مكان الاهل رغم كلشي جان اكو فراغ داخلي من طفولتي واني اشوف صديقاتي البنات يحجن ع امهاتهن وكان شي مقدس الشي الوحيد المعرفة شلون يكون شعوره بعد ما اني ولدة بابا جان الي صديق وجدو اصله من البصره بس بعد ما اني ولدت طلع تعين بابا بغداد لهذا جدو معافه وحده واجينه كلنه لبغداد عشت طفولتي كلها بغداد بعمري مشايفه البصره ابد بس جدو يحجيلي عنها وعن جمالها لهذا حبية اشوف جمالها الساحر جدو
بابا التها بدوامه وكل يومين يجي يزورنه ويرجع لدوام ابتعد عني لحد ما اجه اليوم المشؤم وهو حادث طياره وبابا جان من ضمن الكادر هنا اني حسيت نفسي صدك شؤم بقت عايشه هاي الفكره وياي لحد ما دخلت بحالة اكتئاب بعدتني عن كل شي حواليه
بعده بكم شهر توفت بيبي جانت ليل ونهار تبجي وتنوح اسمعها اليل كله بالصلاه تبجي لحد ما توفت هي هم هنا اني نهاريت بس طلعت من حالتي وقوية روحي لخاطر جدو ماريد اخسره هو هم وين اروح من بعده عشنه اني وجدي وعمتي هيلة عمتي اكبر مني بثلاث سنوات بسبب وفاة بيبي تركت الدراسه بس بعدين رجعت وكملت وهسه هي طالبة تربيه مرحله رابعه هواي يجون عليها بس متقبل تزوج هي عدها حس فكاهي ومتبين ضعفها ابد كدام احد ولا دمعتها قويه شكد متصورون من نسالها ع سبب رفضها دكول محد يستاهلني
بس الحقيقه هي متريد تتركنه اني وجدو طبعا عمتي هيلة حنينه كلش وكلبها طيب وقويه مراة احسدها ع شجاعتها
كملة تعليمي ودخلت كلية الطب عام بس اني اختاريت اختصاص جراحه لحتى اساعد كل مراه تعاني من المرض العانت منه ماما
كثرة الصدمات تخلي الانسان حجاره
بدل الحجاره مشيت بطريق النجاح
بس علمود ماما وبابا
يشوفون بنتهم وين وصلت ومتضيع تضحيتهم يوم القررت ماما تضحي بكلشي علمود بس اعيش بالدنيا الدنيا الخسرتني كل احبابي عشت ٢٣ سنه وحققت حلمي طبعا بتوفيق رب العالمين ابد متاركه يوم صلاتي ولا قرئاني اكثر شي احبه بحياتي الفارغه قربي من ربي وصلاتي راحتي النفسية والقرآن أنيسي بالوحده العايشتها
مختار:شسوين هنا
ود: بسم الله
مختار :شسوين هنا
ود: مكتوب ع المكان اسمك شي لا ليش تدخل وليش تطلعلي وين ما اروح
مختار :المكان مو باسمي بس اليشوف وضعج يكول عدها شي وثاني شي مو انا الاطلعلج وين مترحين
حظي يطلعج كدامي حتى احس بغضب الله عليه
ود: مدري ليش كلامك مايعجبني لهذا مفتهمه
مختار: كلامي صعب يفهمه عقلج
ود:شنو قصدك اني ثوله
مختار: لا عاقله بس مثل ما كلتي صعب عليج كلامي
ود: شوف يا استاذ لاتخليني اصيحلك الأمن يشيلوك منا
مختار : تقربت عليها نزلت لمستواها
شنو رئيج انا اشيلج
ود: مدري ليش انرعب من هذا ابو شوارب من تقدم عليه تندمت ع كلامي مينلام من يكول ثوله
رجعت ليوره نطخيت بالباب هو كلي اني اشيلج واني رجليه رخت
شنو انت تشيلني متستحي عيب هيج دكول
مختار:هه لسانج أطول منج وتعلميني العيب
___________________
نواف : هذا صوت مختار لو متوهم كمت حتى اشوف شني صاير برا فتحت الباب وشني شفت ههههههههه
مصدك مختار ولازم ايد بنيه ومو اي بنيه دكتورتنه الصاكه
احم ارجو المعذره قاطعتكم
مختار : عفتها بسرعه وتوجهت لنويف اعرفه مراح تمر بسهوله يمه تقربت يم اذنه وحجيت بهمس
نويف الشفته اذا حجيت بي صدك ادخلك انعاش وبدون مسعفين عفته ودخلت للغرفه اسمعها دكله تفضل هذا الشاحن
نواف: لحظه دكتوره
شمسوي للبت ولك وهيج هججتها
مختار: تعشيت
نواف: لا خويه تدري بيه لساني ما يسكت
مختار :ابلعه لعد
نواف: غير طيره خليت عينك عليها ياخوي ترفه ترفه
مختار :انت جبتها لروحك رحت وكضيته من زنده المتصوب
نواف: اااااااااااخ لا بروح ابيك مختار لااااااا
لا يا عار ع هل دكه اخ يا يمه ابو شوارب روحلي ايدي
مختار:جا عبالك الشوارب بس حجيء حذرتك
نواف: ولك شوف جرح نفتح
مختار : تكبر وتنسه
نواف : لا اااخ بويه صيحلي الترفه خلي تعالجلي علتي
اباوعله وجها داره عليه يريد يهجمم
وروح ابوك اشاقه
مختار : ولك انت ما تجوز اعرفك
نواف :سكتتنه لاتاخذها حجه وتتعلم ملاكمه براسي
مختار : مره ثانيه اخلي وجع كلبك يداويك
نواف : بصدمه شني
مختار : لا عبالك غشيم ما سمعتك بالموبايل بس غلست بمزاجي هه طلع عندك وجع كلب يا عار
نواف: شني مو من حقي احب وبعدين سمعت غلط انا مكلت هيج
مختار :المفروض يطلع غلط سمعي اذا انت وجع راس شلون يصيرلك وجع كلب
نواف: انا وجع راس
جا انت شني
مختار :راحه نفسيه
نواف: قصدك حاله نفسيه
مختار : نويف
نواف: جيبلنه العشه المن ضامه
مختار:هاك تزوهر
نواف :الله يعافيك ويلي تكه اخ كليبي منقصني غير طيره ترفه
مختار:تزوهر انا طالع
نواف:وين مولي مختارر
ههههههه والله ضلعي راح يتغير وضعك واضح
خلي اكمل عشاي واشوفلك حل
______________________________
هيله : حجي لتخاف ود مينخاف عليها وتعرف دوام المستشفى يطول هسه تشوفها ع جيه
الجد:بويه الدنيا موش امان اخافن عليها وهي بت وحيدتها بالشارع زحمه
هيله: يله يابه اني اكوم اخابرها هسه واطمنك
الجد : بساع بويه
هيله: وف منج ياود هاي اول يوم وهيج
فتحت تلفوني واشوف رسايل بالخمسين رساله ع الفيس
منو هذا دخلت ع الحساب واشوف صور دكتور احمد
حسيت برعشه بجسمي وكلبي كام يطربك جنه حصان
دخلت ع المسجات
وينج
الووووو
هيله جاوبيني
هيله
الوو
واتصالات
كتبتله
نعم استاذ شنو الموضوع
شاف المسج فورا طلعت من المحادثه بسرعه
اشوف المسجات من الاشعارات
احمد: هيله ليش نزلتي من السياره بسرعه زعجتج بشي جاوبيني
هيله : لا العفو دكتور بالعكس اني اشكرك لان وصلتني بس جنت مستعجله واصلا البيت قريب
احمد:تمام باجر انتضرج ساعه ٨ بالكليه
هيله : ولو اتعبك دكتور
احمد:تعبج راحه محتاجه شي
هيله :سلامتك باي
احمد : الله يسلمج
هيله :طلعت من المحادثه اباوع ع نفسي ابتسم وحدي جني مخبله حتى نسيت اتصل ع ود
تلفونها يرن ومجاوب قلقتني هل بنيه
كتبتلها مسج
(وينج ود جاوبيني اول مشوفين المسج خابريني)
سديته ورحت يم ابوي
_____________________________
نمر: شفت فايدة الدولة ياهو اليعبرنه لو ما اخوك جا عفنه بالحبس كفيلك العباس
علي: جا ما تدخل الدوله يالفيلسوف ناقصك بس نص كفشه ونضارات جعب وتصير اينشتاين
نمر :تعرفني جنت هاوي التعليم بس كلشي قسمه ياخوي عبن الدراسة ما هوتني
علي:ولك انا ما جاي افهمك مره تصيرلي ابو عقلين والفهيم ومره احسنك مطي شي هاوي اخذنه بيدك لا تاني القسمه والنصيب
نمر : ما متاني شي بس ذابها ع ربي
علي:ونعم بس ربك مايعينك لو ما شاف تعبك
جنك جايب حياتك امنياة
نمر : ولك هو وين عندي وقت للامنياة شو كاضيها من محل لمحل
علي :هاي انت جنك طالبه ويانه بالقسم مخلصتها تتلاطم وجه الحوبه تجي تكابلك وتنوح وتالي انت ترسب وهي تنجح
نمر : جنك مخلصها رسوب ياعليوي وذبيتها براس هل بت
علي:الله وكيلك ياخوي شكثر ما قاري بس اشوفنها انثول تطوه
نمر:ههههههههههههههه يله اودعناكم اروحن اريح راسي شوي حاسه ثكيل ويريد يطيح
علي:ديربالك ع نفسك ضلعي فيمالا
عفت نمر ومشيت لطريق بيتنه اكيد امي ناصبتلي مناحه جنها فريحه بت قسمنه
دخلت للبيت اتلكتني من الباب
شيخه : هلا بسبب علتي هلا بوليدي الزود سجن ياعلوي سجن تريد تصيري خريج سجون تريد تشمت بيه المايخافون من الله ويكلون هاي تربيه شيخه ربت ونعم ما ربت ولك ليش
علي : يوم الله يخليج ما تاجليها وعلي تعبان وجوعان وبس ارتاح اجي لحد جدمج وانا حاضر لكلشي تردي شما جان العقاب
شيخه: لا انا حاطه حسابك لاخيك هو يستلمك انا ما اكدرلك
علي : الله يطمنج يالحبيبه
_____________________________
ود : دكتور العفو منك محتاج شي مني اني طالعه
دكتور: الله وياج دكتوره بالتوفيق تحبين اوصلج
ود: اشكرك دكتور ماكو داعي اني اروح بس حبيت انطيك علم
دكتور : تمام باجر ان شاء الله العمليه عليج دكتوره حاله طارئه جايتنه وعمليتها تبدي ساعه سبعه ياريت تكونين هنا قبل وقتها
ود : ان شاء الله دكتور طلعت واشوف الزكه كبالي
خلص كمل يومي
ليث: ود ممكن نحجي شويه
ود : اسفه مستعجله ورايه طريق متشوف الدنيا راح تظلم
ليث:لعد تعالي اني اوصلج مخليج تروحين وحدج
ود : شكرا ماكو داعي
ليث : ود لتعاندين صدك راح تظلم الدنيا شلون اخليج وحدج
ود : لا اله الا الله دكتور ليث شكرا لكرم اخلاقك اني اعرف اروح وحدي لتخاف عليه بعدين بصفتك شنو تريد توصلني
ليث: زميلج
ود : اشكرك كتلك ماكو داعي رجائا لا
فجه اجتني حاله الاختناق بس لا اوكع بالشارع ياربي صبرني لبين ما اوصل للبيت بخاخ نسيته بالبيت
وهذا ضل يدندن براسي انقذني ربي
لاول مره بحياتي افرح لشوفت ابو شوارب معندي حل غيره عفت ليث وتوجهت للمكسب
ود:لحظه هاي شجابك اي صح اكيد جدو دزك حتى ترجعني مو همزين اجيت اني مخلصه شغلي يله نروح
مختار:غضب الله مضيعه شي شبيج
ود:بضحك اعرفك ضريف وتحب تنكت بس صدكني تعبانه من نرجع نتفاهم صحيح نسيت اعرفك اوس ابن خالي
مختار:اوس ياهو
ود:اوس هذا دكتور ليث طالب وياي بالقسم ونطبق نفس المستشفى
ليث:فرصة سعيده استاذ
مختار:اباوع عليها تحركلي بعيونها جنها مخبله
ود: بهمس ساعدني
مختار:واكف بينهم مثل الأطرش بزفه بس الفهمته هل غضب تريد تشرد من هاذا الوكي
صار تدللين حبيت اجاريها بالعبه
مختار:خليت ايدي حول خصرها وقربتها عليه يله نمشي لو تدرين جدو شكد مشتاقلج بغمزه
ود:عزا بعينك يا ادبسز يامكسب شوف الصلافه
ليث:دكتوره لتنسين موعد العملية باجر بحزن اشوفج باجر باي
ود:بعد ما راح الزكه حاولت ابعد ايد هذا المكسب مكدرت مو ايد حجاره
وخر ايدك عني شنو هاي الصلافه منو سمحلك تلمسني ابعد ايدك لا والله
مختار :اشششش اهدي افا عليج طلبتي مساعده مني وتردين ما اساعدج لا مو من تربيتي
ود:يحجي كلامة بضحكه مستفزه تربيتك تسمحلك تلمس البنات بهاي الطريقه يازود تربيتك لعد وخر ايدك عادد
مختار:صدكيني كلشي اسامح بس
طولين لسانج وياي اكصه وابلعه الج
ضلت تتحرك بعشوائيه حتى ابتعد عنها بصراحه صارت متعه عندي من استفزها وخرت ايدي عنها بسرعه اختل توازنها وجان وكعت بس والله ذكيه طلعت الهبله
ود:عبالك اكولك شكرا ع المساعده مو
مختار :بابتسامة منتظر شكر من احد اسوي اليعجبني
ود:اني الغبيه الطلبة مساعدة من واحد مثلك
مختار:المهم عرفتي ان انتي غبيه
ود:عفته ومشيت اذا بقيت يمه بعد خمس دقايق راح اشبع قصف
مختار : اسمعي هي غضب
ود:خيرررر
مختار:ديري بالج من البيبان
ود:حقير
حجيتها بكلبي لو سامعني جان طار بشواربه ولحكني مناقصني تجاهلته ومشيت هاي اول يوم وهيج صادفت هذا المكسب من غير الزكه الثاني هل مره صدك أبعدهم من طريقي ثنينهم يارب
مشيت لحد باب الخروج نفسي اختفه حاسه روحي راح اوكع
تماسكت اريد بس اطلب تكسي مكدرت اخذت شويه نفس كعدة ع المقعد الخارجي اباوع ع الناس شلون تمشي احس صدري نمل خلص متحمل اكيد مراح اكمل الطريق
__________________________
مختار : اريد ادخن ختنكت بسبب نويف العار هذا اذا ارجعله راح يبقه يعربد كلت اطلع للحديقة ادخن وارجع
طلعت للحديقة طلعت جكارتي قبل لا اورثها عيني صارت ع بنيه شكلها تعبانه بس منتبهة عليها زين ركزت بملامحها
غضب الله جا مو ع اساس طلعت
تقربت منها بدون متحس اسمعها تاخذ نفسها بسرعه شمالها هاي
احم شمالج
هي غضب
ما كو رد
صرت جدامها اباوع الوجه احمر دم
مختار:شمالج
ود : بصوت ناصي ختنكت
مختار: شني ختنكتي اجيبلج دكتور حجيني يول
ود:اني مختنكه وأجر نفسي بالكوه وهذا يريدني احجي ويا
عوفني الله يخليك بصوت ضعيف
مختار:خليني اساعدج وجهج مو طبيعي امشينه ندخل للطوارئ
ود :مابيه حيل حتى احجي لو اجادله مشيت ويا حاولة اوكف بس حاسه بدوخه ابو شوارب حسيته لزمني من ذراعي طبعا اني اصيحله ابو شوارب لان معرف اسمه صح سمعة الدكتور يحجي ويا المريض عليه بس نسيته
مختار:انتظري خليني اساعدج
لزمتها من ايدها ومشيتها لحد ما وصلنه للطوارئ
رئسآ حطولها جهاز البخاخ
الدكتور:عدها ضيق تنفس من شنو تعاني
مختار:مادري انا
دكتور:انت زوجها
مختار:هذا الناقصني اتزوج غضب الله شمالني
لا دكتور انا شفتها تعبانه وساعدتها
دكتور:أهلها وين
ممرضه:دكتور هاي الدكتور ود مطبقه هنا
مختار : اسمها يشبها فاهي
حجيت بصوت ناصي اباوعها تباوعلي وتخوزر معقول سمعتني دخيلك ربي شني من حاسه سمع شايله
ضليت صافن ودكتور يحجي وياي
دكتور:العفو وياي
مختار:اي دكتور كول
دكتور : لازمها هذا العلاج تلكا بالصيدليه
مختار :صار طلعت جبتلها العلاج الطلبه الدكتور ورجعت يمها كتبلها علاج وكال ساعه وتطلع
انا ماردت اعوفها كلت اوصلها وارجع لنواف
بس ام راس اليابس شتحجي وياها الله وكيلكم مشايف مثلها عنوديه وفاهيه وغضب صدك مو شلون مجان
بويه اسمعي الكلام لا تعبيني اوصلنج لدارج مراح اخطفج لتخافين عندي هواي بلاوي بحياتي مجيبلي وحده زايده
ود : كتلك اني اروح شكرا لأنك ساعدتني خلص لهنا واجبك ينتهي باي
مختار : سحبتها من طرف ايدها ومشيتها وراي متجي بالعين الطيبه هل غضب
ود :عوفني شنو السالفه هو غصب مريد اروح وياك
مختار : بسسسس حسج مسمعه
ود : مدري ليش دمعت عيوني بسرعه هاي ثاني مره يعيط عليه
نزلت راسي حتى ما اشوفه دموعي بقت حسره بكلبي مره ثانيه اذا شفته كدامي اتجاهله وامشي مستحيل اعبره واحجي ويا ابو شوارب المكسب
صعدني بالسياره الطريق كله وجهي ع الجامه ابد محجيت ويا وهو هم اخذ وضعية السايلنت
مختار:طلعنه وانا مقرر اي كلمه محجي وياها وصلنه
لمنطقة.......... وصلتها للباب نزلت بدون متحجي ولا كلما وانا هم أول منزلت حركة بسرعه
___________________________
شيخه : هله بيج خيه مره كل الهلا زارنه النبي خيه شحوالج امورج
مره : ليش يام مختار ليش هل كطعه لا انتي ولا وليدات اخوي شفتو حالي وانا حرمه وعندي ثنين يتيمات
شيخه:حكج علي يام غايب انا مثل حالج يا خيه وان جان ع الوليدات مختار تعرفين وضعه ياخيه لتعاتبي العاشه موش هين
مره:جا انا شذنبي خيه انا مو تدرين بيه حتى اخوتي مكاطعتهم ميعرفون وين صرت وين درت
اااه بويه حمدان تعال شوفن حال وحيتك بين اخوتها المثلي ابوي جان عزوتي ياخيه ومن يوم الراح كسرلي ضهري وعزوتي محسيت بفراك ابو غايب كثر ابوي عبن مخالني محتاجه شي وانا بيت عيالي رافع راسي دوم الله يرحمه
شيخه:لا تلومين وليدي خيه مشفتي الصارله تبجين دم ع حاله طلع منها بالقدره وهل شوفي حتى ويا وليده جاف
مره : يجي واحاسبنه عليوي وين ماله ذكر
مينه:عمه علي بالدوام مشوفي اله جاي
مره : العود الثاني الي حساب ويا هم
شيخه : خوش جا انتي يمنه ما اهدنج لبين ما ترضين ع الوليدات
________________________
....... : شصار ع شغلتك
علي : ياهي منهن
......:كثرانات شغلاتك
علي : توك دريت
......: مو كلت تريد تكمل بجامعة بغداد شصار بنقلك
علي : ها عودن الله كريم اخلص الثالثه واذا كلش كلش الرابعه هناك ان شاء الله بس شني لازم اكعد ركبه ونص لخوي حتى يرضه ينقلني مراغبني اكمل بعيد عن اهلي
.....: الدوله بيدك ههههه
علي : خاب اليسمعك شيكول اخوي وزير الداخليه
......: جا عن قريب نقيب يصير شرايد بعد
علي : اروح انا شباب اودعناكم
.....: وين بعده الدوام مخلص اخر محاضره
علي : عندي عداوه ويا الدكتور هددني يرسبني دام غياباتي هواي ارد اشوفن شلون شكل الرسوب غمزتلهم ومشيت
صعدت بسيارتي وانا بطريقي سمعت واحد مطلع اغنيه
جذبتني ذكرتني بالماضي التعيس هه كلمن ماضيه شكل بيت ال حمدان كلهم ماضي اسود
وصلت للباب دكيت هورن حتى يفتح الباب انتظرت ماكو
نزلت من السياره دكيت الباب قوي بالربع ساعة يله نفتح
علي:صاررلي ساعه اد.............
ياريتني ماواصل للبيت
____________________
نواف:جنك ردتها حجه حتى تعوفني ولك شني مليت مني
مختار:نويف نلصم مناقصك اسكت رحمه لكل كواد تحترمه
نواف:انت الكواد الوحيد
مختار:جا اسكت
نواف :شبيك ضايج احجي صار شي
مختار:باجر انزل
نواف :وشنو يعني
مختار:تمشي وياي
نواف:تعرفني ما ادخل الديره ذيج تعرف تفتح جروح كلبي من تجيب سيرتها اذا باقي الي شي بالديرة ذيج هو وجع كلبي وبس
مختار:مراح دكلي شسالفة وجع كلبك
نواف:مناقصك أوجع عوفك من هل سيره كلي شلونها امي
مختار :يوميه تسبك
نواف؛هي لو انت
مختار:ثنينه
نواف :انت عار تسويها بس هي مصدك
مختار :شلون اعوفك بروحك هنا
نواف:شني ولك طفل انا مو الشارب كدامك جنه تاير سياره
مختار:جا من اكلك متصدك
نواف:متشوفني اكرها المستشفى متخليني اهتم بروحي
مختار:خلصنه اليل كله نسولف لحد ساعه اربعه الفجر صليت وانتظرت للسته بدل ملابسه نويف ومشينه لزمت ايده العار
نواف:جا ياخوي الصواب بيدي موش برجلي
مختار :تصدك اتندم من احترمك
نواف:اخلاقك شبيدي عليك
مختار :بطريك الخروج وتمر غضب الله تركض والوجها صاير طماطه وهي بيضه لو ما هي جان نويف رجعته للكسور
نواف: بويه الطيره الترفه شلون صباح هذا
مختار :دست ع اصابيع رجله راد يصيح لو ما هي متقربه هه لزم روحه العار
ود:صباح الخير طالع من هسه
نواف: احس اصابيعي نملن بويه نوب الفشله مصير اله كدام هل طيره احم اي والله اكره كعدت المستشفيات وانا بخير الحمدلله
ود:تمام الحمدلله ع سلامتك
نواف:عافتنه ومشت اباوع ع مختار يباوع عليها صفح
مزعلها ولك
مختار:نووووويف
نواف:احم الزمني من ايدي لان رجلي وجعتني ضلعي
مختار:هه الفاهيه
وصلت نويف للبيت حتى الحك اروح للمركز واوقع ع نزولي
وصلت وقعت ورجعت للشقه
سبحت وبدلت ملابسي ودعت نويف وطلعت وراي طريق طويل
ساعه ٥ العصر وصلت لديرتي المشتاقلها لو تعيش بأحسن المدن واحسن الدول غير ديرتك تبقه غريب
قبل لا اوصل اتصلت بعلي وانطيته علم بجيتي
وصلت للباب دخلت السياره للكراج اجاني علي يريد يسلم ركعته بوكس ع خشمه تكوم بالكاع
مختار:هذا حتى لا تصير هتلي وتجوز من سوالفك
شيخه:سمعت حس وليدي رفرف كلبي عليه اشوفنه واكف باب الحوش جنه هلال وليدي اجه
ولج منيوه اجه اخيج ركضتله وأخذته بحضني يمه وليدي هلا بجيتك يمه نور البيت
مختار:شلونج يالغاليه بست ايدها وراسها الريحه التريحني وتنسيني تعبي ريحت امي
شيخه:بدموع صرت زينه وردلي حيلي عبن شفتك يمه
ياا يمه ولك عليوي شمالك
علي:ماكو شي يمه اخوي جايبلي صوغه من المدينه نور البيت ابو ذر
مينه:الحمدلله ع سلامتك حبيبي
مختار:هلا شلونج ولج
مينه: الحمدلله بشوفتك خويه
علي:امشي ناوشيني المنشفه الدم اخذني
مو جن ايدك ثخنانه ابو ذر
مختار:ضاملك هواي لتستعجل ع رزقك
علي :ما عليك زود الوحيد الذاكرني
مختار :شني يمه عدنه خطار
شيخه :يي يبعد امك كرايبك
مختار :ياهو كرايبي يمه ان جان واحد منهم داش البيت احركنه والامير علي
يمه انا جم مره كايل محد من طاريهم يعتب بابي
شيخه:ولك يمه عمامك وعندك ثار وياهم عمتك ليش دخلها بينكم
مره: شفت اولاد اخوي ميسالون اجيت انا اسال عنهم شلونك يالمختار
مختار :هلا بجيتج عمه لا تحجين هيج انتي صاحبت الدار واحنه ضيوفج رحت عليها حبيت ايديناتها وراسها صح انا اكرها عمامي بس عمتي لا موش من ريحتهم عمتي اصيله وتختلف عنهم كلش
مره:عتبانه عليك يابن اخوي
مختار :حكج عمه حكج انا غلطان عبن كطعت بيج اغفريلي ذنبي
مره:تعرفني مطول زعل وياك عبن احبنك
مختار:فدوه الكلبج الطيب شلونج عمه البنات شلونهن جني وياج مشفتهن
مره:جبتهن يابعد عمتك من راح ابوي ورجلي مضل احد الي ولا الهن
مختار: افا عليج جا احنه شني هنا صدكيني عمه الشغل حتى جرت نفس ماخلالي من شهر لليوم يله شفت البيت وهاي امي شاهده
مره:معذور عمه وماعليكم زود ونعم الله ع الفليسات الدزهن الي ولا انا منين اعيش
مختار:لا زعليني منج شني هل حجي
شيخه:دخلو كملو عتابكم جوا تعال وليدي تعال يابعد امك ارتاح
مختار :دخلنه شفت بنات عمتي سلمت عليهن الجبيره اسمها مرمر والثانيه شموخ اخر مره عفتهن جانن صف ثالت اعتقد مشالله كبرانات راحت عيوني ع ذر وهو يلعب صارت عينه عليه ضل يباوع جنه يريد يذكر شكلي هه حقك بويه طولة عليك هل جيه هواي
ولك ارعن تعال جاي
هو بسرعه ركض والضحكه بوجها تقرب عليه ومدلي ايده يريد ارفعه الي شلته وشميته حيل اخخ بويه شكد مشتاقله للارعن
يمه انا صاعد ارتاح شويه لا تكعدوني لو شفتوني نايم تعبان حيل عمه البيت بيتج وروح ابوي تعبان حيل ارتاحلي ساعه زمان ونازلج
مره:روح وليدي روح ارتاح انا ضاله
صعد لغرفته وبيده ابنه شني بويه شو جنك سمنان زايد متفقنه تخفف اكل هاا
__________________________
مينه :اكعدي مرمر ليش واكفه اشوفها صافنه ع مختار ولحكته بعيونها شمالها هاي
مرمر:ها تحاجيني
مينه:جا احاجي من وين ضربتي دالغه
مرمر :لا هيج جنت افكر بشغله
مينه:ها خير ان شاء الله
علي :ضربت اخوي هل مره كلش ثكيله مجاي يوكف الدم اباوع عليها تباوعلي بقلق متغيره كلش صاير عدها هدوء موش طبيعي لبوتي صايره اكثر شراسه تذكرة من جنت اصيحله لبوتي عيونها كلوبات تصير بس هسه عيونها طافيه شما تضمين عيونج تفضحج يبت بغداد
مره:كومي يمه شموخ شوفي خشم عليوي شماله جن النزيف مجاي يوكف انتي تفتهمين بهيج شغلات
شموخ:شنو
علي:ماكو داعي عمه انا اداوي روحي لتروح تخلي فطر بخشمي بنتج صايره موش امان اباوعلها تخوزرلي جا انا شمتاني متاني شراستج يبت بغداد ابتسمت ع شكلها بس ما خليتها تشوفني ورحت للحمام داويت روحي وخليت معقم ومال جروح وطلعت اباوعها مجتفه واكفتلي بالباب
خير بويه شعندج
شموخ:وخر اريد ادخل للحمام
علي:جا ما تفوتين ياهو الكاضج
شموخ :عبالك انسه مو انسه انك خدعتني لوو ضحكة عليه انسا السويته بيه
علي:مطالب منج تنسين ليش بويه تفتحين حسابات قديمه انتهينه وكلمن رجع المكانه شرايده بعد
شموخ :مو قبل ما اندمك
علي:دخلت للحمام وسدت الباب قويه اخخ شرسه
______________________
هيله:اكلج شايفتلج هيج شي اني طلعة روحي وضايجه شنو رئيج نطلع
ود :وين نروح
هيله:والله مدري شرايج نزور
ود:ودي والله بس اجليها جدو تعبان هسه مو مال نطلعه
هيله:صحيح اوف الحياة ممله اريدلي حياة جديده
ود:هههه خلي اكوم اصلي وكت غروب
هيله:خذيني وياج دام ملل نخلصها صلاه احسن
ود:مراح تحسين بالضوجه اقري قرآن عمه
هيله:خلي اكمل امتحان وهذا شاربي احفه اذا ما اختمه
ود:ههههههههههههههه
الله ينطيج الدوام نساني شنو الضحك احس روحي اول مره اضحك
هيله :شلونج بالدوام
ود:تعب عمه تعب
هيله:لعد شعبالج العمليات هينه كتلتي روحج يالدوده اخذيها
ود:تعب بس هم حلو تعبها
هيله:بالعباس انتي ناصبه عليه بعدي منا ولج اروح اصلي يم ابوي افضل
ود:هههههه طبعا دوامي مستمر بالمستشفى ومحاضرات اضافيه بالكليه مدالحك لشي يادوب ارجع اساعد عمتي بشغل البيت اصلي والف راسي وانام افكر اكعد اخبز وابيع خبز للجيران راتب جدو يادوبه للايجار والعيشة هم اطلع مصرفي وهم اساعده شويه ياربي ياكريم
كملت الصلاه اجلت قراية القرآن لليل رحت يم عمتي وجدو لكيتهم كاعدين ع التلفزيون جدو يباوع اخبار وعمتي صافنه ويا
منو الشاغلج وخالج تفكرين بي
هيله :الزكه مالتج
ود:اووي عمه شذكرج بي شنو سالفه
هيله:شلون ازعجج ماكو غيرها
ود:صدك زعجتيني
هيله:جا بس انتي تزعجيني وتكطعين افكاري
ود:هسه تلكين افكارج عباره عن شطبخ باجر عشه شنو واكل شنو
هيله:نسيتي الدراسه الغضب
ود:هي كالت غضب واني صفنت عليها اجه بالي ابو شوارب اخر مره شفته بيها بيوم الطلع صاحبه من المستشفى تقريبا صار أربعة أيام يبو اليوم بس اليزعجوني عمتي تذكرهم
اكوم اليوم العشه اني اسوي روحي ادرسي انتي
هيله : خوش تسوين فضل
_____________________________
مختار:نمت نومه مكعدت اله الصبح من التعب مشايف النوم من سبوع والارعن وياي جارها جنه جان طالع عماله ابن الكلب صاير شكبره من الاكل ابو بطن عفته نايمه سبحت وبدلت ونزلت لكيت امي وعمتي كاعدات يتريكن صباح الخير
الكل :صباح النور
شيخه:تعال يمه ويانه اكل لكمع
مختار :لا يمه عندي كم شغله اخلصها وارجع ع الغده ان شاء الله اودعناكم
اشوف بنت عمتي مرمر من دون الكل حجت بسرعه
مرمر:محروس
مختار :باوعت عليها يله ثيمالا
شموخ:ولج انتي لشوكت تبقين شاهرتنه
مرمر :الصمي اكول خاله مختار مناوي يزوج
شيخه :الله يسمع منج يا خاله راسه محجر كلما افتح سيرة الزواج يلغي الموضوع بسرعه
مرمر:شمدريج خاله الكل تتغير تفكيرها بعد فتره
شموخ:الله يستر منج
مينه يمه مختار طلع
شيخه يي يمه طلع
مينه :اصعد اشوف ذر
مرمر:ارتاحي انتي اني اصعد واشوفه
مينه:ماكو داعي انا اصعد اشكرج
ابد مارتاحيت لهل بت
شموخ :تستاهلين
مرمر:اكلج مراح تلصمين مو
مينه:صعدت شفت حبيب كلبي توا كاعد حبيب كليبي كعد
ذر:ابه
مينه:ياروح ابه هسه يجيك بابا تعال نروح نبدلي
أخذته سبحته ولبسته ضل بس يضحك يموت ع النظافه
أخذته ونزلت جوه خليته يم امي ورحت اسوي غده
كملت الغده وصارت ساعه الوحده كعدت العب بذر منتظرين مختار حتى ناكل سوا
ذر :اينه ابه ووح(مينه بابا راح)
مينه:ياروح مينه وين راح بابا هسه يجي ويجبلك حلويات وعم طيب بعد شني تريد حتى اخابره واكله
ذر:ادس ابه يني(مسدس خلي يجيبلي)
مينه:صار وبعد
ذر:يني عننن(سياره)
مينه:من عيوني هسه اخابره واكله ذر يريد مسدس وسياره
علي:شسوي بالمسدس ولك خزي تريد تطلعلي مثل ابوك دولة
ولك اول مره اشوف طفل ايده هل متنها شتاكل انت ولك تماسيح
شيخه:يااا يمه مكابل ابن اخيه حيطير الفرخ ولك عليوي كم من يمه لا صار بي شي بالحسين اهججك
علي:استلم بكد الفص ومسوي لروحه تاج وباج بالبيت وانا امي تهججني
يوم هذا مينحسد كلما تحسدينه يثخن احسنه يكيف ع العين عكس الناس
ذر:يايه ووح (علي روح )
علي :شيكول هذا الخزي ولج
مينه:اشوفك حاط عقلك ويا عقل ذر شمالك
علي:حجت الحوبه جم مره كتلج لتدخلين من انا احجي يعني اخبزج يله تفكين عني
مختار:تخبز من ولك
مينه:شايفين الاب وابنه علي ومختار هيج ابتسمت ع وجه علي كام ينطي الوان متوقع مختار ورا
علي:هلا خويه لا ماكو شي جاي اشاقي بذر جان يصرخ وجاي انطي دروس تعليميه ينطوها للأطفال بالروضه
مختار:بس لا خلوك مدرسة بالروضه بس انا مسامع اكو درس بي تخبز الجهال
علي:لا خويه شسالفه انا عندي خبره من فروخ جيرانه وكحين ويومي خابزلي واحد
مختار:خوش عاشت ايدك تخبز بالفروخ جا حطلك كرسي وصخره بيدك واليمر عليك افشخه يعذروك تعرف ليش
علي:ليش
مختار :لا على المجنون حرج
علي:اباوع ع هاي الحوبه وجها زرك من الضحك خوش انا الج ام عطوب
ش
يخه :يله يمه كومي صبي غده دام اخوج اجه
مينه :صار يمه
مرمر :انتظريني اساعدج
مينه:اباوع عليه تمشي وتتموع وتبتسم لمختار لا اله الا الله
اخليها بالجدر هسه
____________________________
نواف:خابرني مختار وكال يريد يجي لبغداد حتى يودي ذر للدكتور الكعده بالبيت ممله لهذا رجعت قبل لا تخلص الاجازه اصلا بعد كم يوم ويصير النزول
اول مرجعت للشقه شفت وحده واكفه ع الباب مال شقه
تقربت شويه منو انتي
درارت وجها لا اله الا الله كملت حياتي التعيسه
نوافي شبيك شنو مافرحة بشوفتي
نواف:استلم نوافي ولج ياهو الدلاج عليه انتي منين طلعتيلي تجيك المصايب وانت متصاوب
.......اسم الله عليك غير سمعت بيك متصاوب واجيت ركض حتى اطمئن عليك
نواف:وعساني بالموت شدخلج ولج انا مو نهيت علاقتنه ورضيتي وهجيتي شرجعج
......حبي الك
نواف :صخام بوجهج كون ياحب شوفي ولج طلعين منا واذا شفت وجهج بعد اقري الفاتحه ع روحج كومي نكلعي
..........هيج تتغير عليه نواف مو بسيطه بعيني
نواف:اوككككفي المن تهددين ولج تحجين ويامن تعرفين بيه اذا خليتج براسي امحيج وامسح اثرج واشوف( ياكو...د )يطلع وراج
........مهدد والله شبيك نواف دتوجعني عوف ايدي
نواف:دفعتها لبعيد وطلعتها شلون مصيبه هاي هاي البنيه تعرفت عليها بالمركز جانت جايه تاخذ استماره لراتب زوجها الشهيد ولزكتلي هل لزكه وانا زلمه وحيد مو نبي معصوم اتنازلت لرغباتي وخلصت ليله وياها بس عليها جسم دخيل الله شايله كلشي بوزنين هي ليلة وحده ومشفت وجها بعد انطيتها اليرضيها وفلوس وهي هم ختفت بعد بس شرجعها مدري
شويه وندك الباب
معقوله رجعت وعلي لطلع اليله من خشمها
فتحت الباب لج سكط شرج...........
مختار
مختار:جنك منتظر احد
وانا البالي منتظرنه شفت نذالة عمك بويه شفت
نواف:هلا بالرجل الصغير تعال يبعد عمك تعال
مختار :مكتلي ياهو المنتظره جنت
نواف:ماكو احد واحد مزعج شكني شكك طلعت اطيح حظه وصارت بوجهك
مختار :مقتنعت
نواف:مشكلتك
شلونك ولك شني هاي صاير ابو ثرب البطل مريض افا مرض شني زلمتنه مريض عليمن طالع ولك
مختار:ارعن ع عمه
نواف:هذا الشبل من هذا الأسد
مختار:لالتنزعه حخذه لدكتوره حجزت قبل شويه
نواف:تعرفها
مختار:صديقه قديمه
نواف:كثرانه صداقاتك بغمزه
مختار:لا تخاف انا مو نويف
___________________________
ود:اتصلتي بيه حتى تخلصيها شغل واني اباوع عليج شسالفه
.......:يول شبيج انتظري شويه حالتين بس عندي واخلص
ود: انتظرج بالرسبشن
......:تمام
طلعت شويه اباوع للرسبشن بس مريض واحد
العفو دكتوره...........موجوده
درت وجهي الصوت مو غريب اي والله هو
مختار :ولج غضب هنا
ود:عفوا اني المفروض أسألك مو انت
مختار:جاوبتها لو ما صوت الدكتوره
......:ياهلا بجيت المختار نورت العياده
يتبع....
عمري هواي بنات يسئلون ع وقت تنزيل البارت ينزل كل جمعه
هذا الاسبوع نزلت تلاث بارتات كبدايه بس من الأسبوع اليجي راح يكون النشر كل جمعه
🌹🌹