في قبضة الخيلع

القبضة الاولى

سُكرات اشتاقيتلكمممم واشتاقيت اكتبلكم رجعت وياكم بقصه جديده وابطال جدد حنعيش وياهم تفاصيل حياتهم الغريبه والمشوقه خليكم ويايه واتمنى تطولون خلك شويه بالبارتات الاولى

احبكم🥺❤️

#في قبضة الخيلع

#البارت "1"

بقلمي: زينب علي

+سُكراتي لا تنسون التصويت ومتابعه الحساب وخلو كومنات شكد متكدرون

࿐໋࿐໋࿐໋࿐໋࿐໋࿐໋࿐໋࿐໋.

يعتصرني بقبضاته المميته اسيرته انا
لا احد يسمع صراخي الا هو لكن ....
ربما يأتي الامان من اكثر الامكان مخيفه بالنسبه لنا
ويأتينا الخوف من اكثر الاماكن الذي كنا نضنها امنه هكذا هي الحياة بين المنطق ولا منطق تولد قصتي..

࿐໋࿐໋࿐໋࿐໋࿐໋࿐໋࿐໋࿐໋.

2021/1/27 ... في احد الدول الأوربية

بمثل هذا التاريخ انولدت ، واكفه بالبلكون اتأمل الناس شي رايحه وشي جايه تنهدت واني احجي بداخلي ياترا كل شخص من هاي الناس شنو شاف بحياته حتى يوصل الهذا اليوم الي هسه عايشينه بشنو ممكن مرو بكل محطه من محطات حياتهم ؟ اباوع عليهم وسارحه افكر بالي عشته وشلون وصلت هنا بقيت فتره واكفه بردت كلش هالمدينه بردها مايتقشمر اديه ثلجن يمكن صفنت وكت طويل محاسه على البرد تنهدت بضيق شكد ما جانت هاي المدينه بارده اكيد مو مثل عاصفه البرود البداخلي دخلت للشقه وسديت باب البلكون

اخذتني رجليه للغرفه وصرت ادور الى ان لگيته صفنت مباوعه للمفكره ايي هو هذا كتاب الذكريات المره كلش جنت متردده وخايفه اقره الموجود واعيد مأساتي بس لازم اشجع روحي واقره

لكل شخص بينا ذكريات وراهن قصه حلوه او مره ومرات حتى الذكريات الحلوه تصيره مره وتبقى حسره بالگلب اذا اصحابها غابو وبعد مالهم وجود بكل الاحوال المكتوب علينا انعيشه ونشوفه مهما طالت الحياة او قصرت

تنهدت اخذته وطلعت من الغرفه نزلت جوه سويت گهوا وكعدت مقابيل الدفايه بالگاع فتحت المفكره وبديت اقره تلمست الخط وبسته احس روحي مفرفحه عليها مكتوب بدايه الدفتر

" تحتوي هذه المفكره على دموع غزيره يخطها القلم بكل حزن الى من يهمه الامر هنا ارواح تحترق بصمت"

وبعدها مكتوب ...من ميسون الى ابنت اخي الغاليه ...

𔘓𔘓𔘓𔘓

عام 1990 في احدى ازقه العاصمه بغداد

ميسون- جنه كاعدين على الاكل نتغدا دخل اخوي مناف وورا بنيه مگبعه سلم ودنك على راس ابوي وامي باسهم بعدها باوع للبنيه وكللها

مناف- ريحان سلمي على امي وابوي

ابو مناف- منو هاي الوياك مناف

بعده ماحاجي شهكت امي ولطمت على خدودها وهي تحجي

ام مناف- اخذت الثالثه مناف سويتها يبن بطني

جفلت بمكاني واني احجي ويا روحي ياا سواها اخوي واخذ ريحان انتبهت على صوت الصياح الصار بالبيت نسوان اخوي صارن وحده تجر طول ووحده تجر عرض صاح ابوي بعصبيه

ابو مناف- شللووننن ولك تخبلت اخذت الثالثه

حجه مناف بنرفزه وعصبيه

مناف- شوف يابه اني كلتلك اذا ماخذت الاحبها حتى اذا تزوجت عشر نسوان احسب روحي بعدني عزابي الحد مااخذ اليهواها گلبي واني اليوم اعتبر روحي نفذت وعدي واخذت الاحبها على سنه الله ورسوله

ام مناف- وتتزوج هاي المامعروف اصلها من فصلها ولك مناف ليش هيج تعمل بحالي

خرجت ريحان من صمتها محتجه على كلام امي باوعت المناف وحجت

ريحان- مناف مو كتلك مااجي ليش جبتني هنا حتى امك تهيني لو حتى اهلك يشوفوني بالعين الصغيره

مناف- ريييححااننن اني شحجيت وياج

ام مناف- هي التاخذ زلمه متزوج ثنين عنده 3 ولد هاي ماتستاهل الاهانه

ريحان- شكو بيها الشرع حلل اربعه واحنا هاوين بعضنا وانتي وكفتي بقسمتنا تذكرين لو ناسيه

حجت مرت اخوي الجبيره منال بحرگه گلب وهي تعاتب بأخوي مناف

منال- ليش هيج ولك مناف كلي بشنو قصرنه وياك خلفتلك 3 ولد هاي مجازاتي تزوج عليه ثنين موكافي تزوجت اول مره وسكتت تروح تجيبلي ضره ثانيه

مناف- منال من البدايه اني كتلج يابنت عمي احب وحده وحالياً ماكدرت اخذها وشوكت ماضفرت بمحبوبتي اخذها ماجذبت عليج بشي

اباوع المره اخوي الثانيه نورس بقت ساكته ماحجت شي هي فقيره ومالها شغله لا بالرايح ولا بالجاي اتزوجها مناف بس حتى يكسر بيها خشم منال من راحت الاهلها زعلانه ونورس الحد هسه ماعدها جهال صارلهم اقل السنه من تزوجو بس منال عدها 3 ولد اكبر واحد سجاد عمره خمس سنوات والثاني يوسف عمره تقريب الاربع سنوات والثالث سيف عمره سنه واشهر من تزوجها مناف جان مارايدها لان يحب وحده وابوي وامي جبرو عليها منال تصير بنت عمي وسبب رفض اهلي الريحان لان ريحان سمعت اهلها كلش مو حلوه وابوها خريج سجون واخوها واحد سكير شراي طلايب شقاوجي المنطقه كلها صايحه منه الويل وامها اربعه وعشرين ساعه تفرفر بالبيوت يعني بين قوسين عائله منحله بس هو الحب اعمى ومناف حاول وياهم بكل الطرق ماقبلو يرحون ويا يخطبونها وابوها جان معاند لو اهلك يجون لو ماعندي مره الك انجبر على بنت عمي وكللهم ابقى احاول ويا ابوها شوكت ماينطيها الي اخذها ليش ما مره من المرات زعلت منال على سبب تافه وراحت الاهلها وماقبلت ترجع الا مناف يروحلها يراضيها ببيت اهلها ويرجعها ويا مناف رادله حجه لان اصلا هو مارايدها عاند وكللهم اني مازعلتها هي طلعت زعلانه من وحدها ترجع من وحدها ماتريد ترجع ابعد احسن خلوها يمكم وولدي اخذهم بقت معانده كوم يا مناف واتزوج مره ثانيه بس هالمره غريبه اخت صديقه الروح بالروح هو انطاها اله وهم صارت عركه بس ابوي سكت ولم السالفه وكال اني جبرته بالزواجه الاولى بلكت بهاي ينعدل وسكتو والصدك كانت نورس فقيره ماينسمعلها صوت رغم منال من رجعت حاولت تخلق وياها مشاكل بس هي كانت ماتسمعلها تخلص شغلها وتدخل غرفتها وامي من شافتها هيج حبتها وابوي هم ومناف صار يميل الها اكثر من منال تنهدت رجعت باوعتلهم بعدهم على نفس الهرجه والصياح صاح ابوي وگطع نقاشهم الحاد

ابو مناف: بسسسس ماريد اسمع صوت بعد وانت اسمع زين ياجبيري ورفعه راسي هذا البيت يتعذر مرتك الخذيتها غصب علينا تاخذها وتاخذ نسوانك وتطلع

مناف: شتحجي يابه وين اوديهم ريحان اجرتلها مشتمل هنا بمنطقتنا الباقين وين اوديهم

ابو مناف- مو مشكلتي مشكلتك جان فكرت قبل ماتسوي هيج يعني شلون ابقى اني التالي عمري انت تغلط واني اعدي هذا اخر كلام عندي تاخذهم وتطلع منا البيت صغير مايكفينا كلنا وهم اريد ازوج اخوك وين يگعد

بعد جر وعر ونقاش طويل عريض واخوي الثاني منير هم تدخل بالسالفه ودزو خبر على عمامي وبيت عمي اهل منال هم اتفقو المشتمل تكعد بي منال وجهالها لان البيت صغير وهي عدها جهال ومناف يبني غرفه فوك الريحان ويعزللها من بيتنا ونورس تبقى بغرفتها ماحجت شي بس ريحان اعترضت وصارت عيونها تنط شرار كوه قنعها مناف حتى تقبل يبنيلها غرفه ومطبخ فوك،

 راحو بيت عمي واخذو منال وياهم هالفتره ع ماتنقل غراضها وريحان تبقى بالمشتمل على ما مناف يخلص بناء الغرفه والمطبخ فوك اباوع على نورس عافت كلشي ودخلت الغرفتها والله مكسور خاطري عليها مالها صوت تكبت بداخلها بعدها صغيره وتدور رضا مناف واهلي كمت وراها اجيت ادخل الغرفتها وسمعت صوت شهگاتها تبجي دكيت الباب ودخلت بسرعه مسحت دموعها وابتسمت بتصنع تنهدت وحجيت

ميسون- ادري مقهوره من فعله مناف اذا تردين تحجين اسمعج موزين تكبتين بداخلج

هزت راسها بحزن وحجت بغصه

نورس- اذا حجيت يتغير شي اكيد لا قابل مناف مامتزوج قبلي

رفعت راسها باوعتلي عيونها مدمعه وردفت بأنكسار

نورس- دام اخذ اليحبها هاي هي الله يهني ويسعده وياها

اتقربت طبطبت على ايدها

ميسون- الله يكملج بعقلج وينطيج على گد نيتج البيضه

ابتسمت بحزن اباوعلها نورس كلش جميله عيونها كبار وناعسات لونهم عسلي فاتح جنهن قرص شمس وبشرتها بيضه منثوره بحبات النمش وشعرها سلاسل ذهب مجعد بس اخوي مدري شبي ريحان عاميه على عيونه رغم ريحان هم مامقصره بالجمال سمره ومملوحه ملامحها عربيه كلش ملفته بس ابد مو راحه والسان وكلشي مايعجبها انفتح الباب ودخلت امي باوعت النورس وحجت

ام مناف- هاا يمه نوارس خيرج شو كاعده بغرفتج بس لا انغثيتي من ورا هذا المهتلف منيف وداعتج باجر عگبه يعرف قيمتج ويعض اصابيعه ندم

مسحت وجها وجاوبت امي ببتسامه

نورس- لا عمه مابيه شي لا يبقى بالج

اتقربت باستها براسها وهي كامت الامي هم باستها حجت امي حتى تطيب خاطرها

ام مناف- الزلمه مهما عشك وتزوج وحده وثنين وثلاثه واربعه اذا مالگه الراحه يمهن يبقى يدور على مصدر راحته اذا مالگاه ببيته يدورها بره يمه هو هذا جنس ادم عنده اهم شي روحه ورغبته ماظلم بختي واگلج كلهم بس الاغلب هيج

واني متاكده مناف مايلگه الراحه لا ويا ريحان ولا ويا منال لان المثلهن ماتجي من وراهن بس المصايب ووجع الراس الاريده منج يبنيتي تصبرين عليه وتصيرين انتي مصدر راحته والمره الزينه والمسنعه تعرف شلون تحوش الرجال الها وتخلي يرتاح بس يمها

اباوعلها هزت راسها بتفهم عفت امي تحجي وياها وطلعت من الغرفه اجيت ادخل للمطبخ توقفت من سمعت صوت مناف وريحان يحجون جانت ست ريحان زعلانه ومناف يراضي بيها المطبخ مابي باب بس برده منزلينها على الباب يعني صوتهم واضح

ريحان- هاي شنو مناف مو هذا اتفاقنا يعني انتَ بنيتلي دنيا وعيشتني باحلام ورديه تالي تريد تكعدني هنا ببيت اهلك هم من غير شي مطايقيني لا عفيه لا ماتحمل اعيش وياهم شوفلك جاره

مناف- ياعمري منو كال تكعدين وياهم ابنيلج فوك وحدج محد يندك بيج ولا انتي تندكين باحد وعلى الاقل بيت ملك ماكو داعي ندفع ايجار

ريحان- ليش مو كعدت منال بالمشتمل ونفس الشي هم تدفعلها ايجار

مناف- شسوي يا گلبي ماشفتي ابوي ماقبل بغير هذا الحل انتي بس طاوعيني يولو واني اخليج ملكه وبيتج اترسه الج غراض بس صبري عليه كم يوم مو تدرين انتي بشغل الفيتريه واكف هالفتره بس خلي شويه تتعدل الامور اعيشج ملكه

ريحان- خوش نشوف شنو تالي وعودك مناف بس كون متطلع بس حجي واوعدك بالوعد واسگيك ياكمون

مناف- افا عليج اني وعودي بس حجي هسه تشوفين بعينج دمشي خلي نروح للمشتمل لان بعد ماكدر اصبر عليج اكثر

اسمعها جاوبته بدلع ونبره تتصنع بيها الزعل

ريحان- وخرر ايدك اني زعلانه عليك

مناف- اموت عليج وانتي زعلانه دمشي خلي نروح عاد بعد ماتحمل

جنت بعدني صغيره صح السنه اني طالبه كليه بس گبل مانعرف بهاي السوالف ولا عندي فكره عن شنو جاي يحجون هزيت ايدي شبي اخوي على شنو مايتحمل والله يالله عفتهم واني اسمع بس صوت ضحكه ريحان تضحك بتنعوص ، دخلت الغرفه اخوي منير دائما اكعد بيها حتى اقره شويه وسمعتهم راحو ... مرت الايام وبعد سبوع من زواج مناف وريحان بده مناف يذب مواد فوك حتى يبني غرفه ومطبخ الريحان والمشتمل يبقى المنال وجهالها وفعلا خلصه ونقلو ريحان سكنت يمنا فوك

ومن اول يوم اشتغلت خباثتها اني ونورس بالمطبخ نسوي غدا وامي كاعده بالگاع تنظف بالخضره دخل مناف وحجه

مناف- ميسونه صعدي ساعدي ريحان ماتكدر تنظف تعزل ونورس اذا تكدرين هم لا تقصرين

قبل مااحجي جاوبته امي

ام مناف- ليش شبيها ريحان مكسره لو مكرمه

دخلت ريحان وهي مخليه ايدها على بطنها باوعت النورس وحجت

ريحان- لا عمه لا مكسره ولا مكرمه بس يمكن جايج حفيد بالطريق

ام مناف- يمكن لو متاكده

ريحان- دايخه وعندي صداع وغثيان مو هي هاي اعراض الحمل

هزت ايدها امي بحركه معاجبها الكلام وحجت

ام مناف- على زمنه اني حامل بمناف خمس اشهر يلا دريت بروحي حامل هاي بس داخت شويه كالت حبلت المهم هذا مو موضوعنه روحي كلي الخواتج يساعدنج بناتي مو خدم يم حضره جنابج

ريحان- مو تدرين بخواتي كلهن مزوجات وميكدرن يجن كلت ميسون هم اختي وهي تساعدني

ميسون- ماكو مشكله بس اخلص الابأيدي اصعد

نهيت الكلام ماريد تصير مشاكل من اول يوم باوع مناف النورس وحجه

مناف- هاا نوارس تساعدينهم

نورس- صار ميخالف

اشرتلها بمعنى لا تصعدين اني كافي اشرتلي بعيونها ميخالف اتقدم مناف عليها وباس راسها وحجه

مناف- اصيله ربي لا يحرمني منج

اباوعلها خجلت وخدودها البيض صارن طماطه رجعت باوعت الريحان الي عيونها صارت بگصتها وتباوعلهم بخزره عافتنا وصعدت فوك بعصبيه هاي شبيها شنو قابل بس هي مرته موتدري بي مزوج ثنين قبلها

ام مناف- هاي شبلاها خاف تغار من نورس وتريد تشد وياها اسمع مناف تفهم مرتك وتكللها ماتندك بنورس مثل ما انتَ رجلها وهي مرتك نورس هم مرتك

جاوب مناف بنفاذ صبر

مناف- يمه ماكالت شي خلي هاي الامور عليه اني احلها

كرص نورس من خدها ابتسم بوجها وصعد ورا ريحان خلصنا الغدا وصعدنا فوك اني ونورس حتى نساعدها اشو هاي الخاتون كعدت وكامت تتشرط اليشوفنا يكول خدم عدها بس ميخالف هاي اول واخر مره نصعد نساعدها حتى مناف عاف شغله البيده وصار يتساعد ويانا هو البيت ما بي هواي غراض غرفه نوم وثلاجه وكاونتر صغير للمطبخ وطباخ هاي هي ، كملنا ونزلنا شويه وسمعنا صوت مناف يصيح وصوت ريحان هم طالع

ام مناف- ياستار ياربي شبلاهم هذول فضحونه

تنهدت وحجيت

ميسون- يمه ريحان ماتسلك يم مناف هاي البدايه منا وهيج اخذي يامشاكل

ام مناف- يطبه مرض من ايده احد جابره لو هو رايدها اخخ گلبي معطب منه بس شسوي

شويه ونزلت ريحان سمعت صوتها تصيح طلعت وكفت بباب المطبخ اني وامي نشوفها شبيها نزلت تحجي وتدردم ومناف وراها تجاوزتنا وراحت الغرفه نورس تدك بالباب حيل وتصيح

ريحان- اطلعييي حرااممييهه بواگه اطلعي ليش مطلعين خايفه لو مستحيه من عملتج

جرها مناف وصاح بيها بعصبيه

مناف- ريححااننن كااففييي سكتي لا تعرفين شلون اسكتج

ام مناف- شبيكم فضحتونه وانتي شبيج ماتستحين صوتج واصل للشارع مناف شبيها مرتك

مناف- مابيها شي يمه سوء فهم ، صعدديي ريحاانن لا تخلين اعصابي تتلف

تخصرت ريحان وهي تهز برجلها وتحجي بعصبيه

ريحان- ماصعد خلي تطلععع وينها البواكه خلي تطلع اسواري الذهب باكته الحراميه

ميسون- ياسوار عيني اشو هو حتى مناف ذهب ماعنده يشتريلج بعد ياسوار التحجين عليه

ريحان- مو من مناف اسواري امي اشترته الي ومرت اخوج باكته الحراميه

بعدها تحجي وطلعت نورس من الغرفه بعدها لابسه ازار الصلاة يمكن جانت تصلي باوعتلنا وحجت

نورس- خير شصاير

ريحان- هو من وراج يجي الخيييررر وين اسواري الاخذتي

اباوع النورس انصدمت وفتحت عيونه حيل

نورس- يا سوار اني اخذت سوارج شوكت مناف احجيلك شي

مناف- معليج بيها نورس وانتي تعاي احسابي وياج فوك امششييي

ريحان- ماتحرك منا اله تطلعون اسواري الذهب هسه

ام مناف- ولج انتي صدك ماتستحين وبلا اصل تتهمين نورس بايگه سوارج راح يصيرلها سنه كاعده هنا بهذا البيت ابره ماضاعت منه تجين انتي تتهمينها

باوعت ريحان الامي وصاحت بوجها بعصبيه

ريحان- على اساس بيتج مرصع بالذهب وينكت فلوس من كل مكان اشو جحف كاعدين عالحديده

بعدها تحجي جرها مناف حيل وضربها راشدي وگعها للگاع

مناف- حيوانه بنت الكلب ترفعين صوتج على امي كدامي امشششييي كدامييي امشي

سحلها من شعرها ويدفر بيها صعدها فوك وهي تصرخ كلبت علينا العالم خاف منال جانت شويه ارحم هاي فد مره تعادل عشره من منال باوعت النورس مخليه ايدها على حلگها ووجها صار اصفر اتقربت منها

ميسون- نورس انتي زينه

حجت مرتبكه بخوف

نورس- والله ماعرف على يا سوار تحجي مو كدامج اني عزلت المطبخ وانتي وياها سويتن غرفه النوم حتى مادخلتلها

ميسون- ايي فعلا هي تريد تسوي مشكله وياج لو صدك ضايع اسوارها الذهب جان تهمتني اني هم

ام مناف- عوفنها تولي كافي سدن الموضوع وانتي يمه نوارس لا تخلين ببالج تغار منج يلا خلصن صلاه وخلي نصب الغدا هسه ابو مناف ومنير على جيه

عافتنه ودخلت للمطبخ وهي تستغفر بصوت ناصي طمنت نورس ورحت توضيت وصليت طلعت من الغرفه واجيت اصيح النورس تقربت الباب جان مفتوح شويه سمعت صوتها تبجي وتناشغ وهي تحجي

نورس- مناف تشك بيه مو كدامك والله مادخلت للغرفه ولا شفتها

مناف- بس نورس هي تحلف تكول شفتها بعيني وهي طالعه من الغرفه

نورس- اذا صدك مثل متكول لعد انتَ وميسون وين جنتو ليش مشفتوني

شهگت واردفت بنكسار - خلي تحلف واني احلف على القرآن مادخلت للغرفه ولا اخذت سوار بس بعدها يا مناف تحرم عليه حرمه الاخ على اخته

مناف- ليش هيج تسوين نورس ترا مابيها شي اذا السوار عندج انطينيا ارجعه وماكول لكيته عندج

عادي يمكن عجبج يمكن محرومه واني هم مجايبلج شي واخذتي

هو يحجي هيج وهاي الفاهيه بس تناشغ ماتحملت دفعت الباب ودخلت حجيت بنرفزه وحرگه كلب

ميسون- من كل عقلك مناف هيج تحجي ويا نورس شنو انت ماتعرفها وبعدين فكر بيها غرفه النوم اني عزلتها يعني اذا فعلا اكو اسوار ضايع او مبيوك اني هم متهمه واكثر من نورس بس هي ريحان سوت هيج حتى تسوي مشكله ويا نورس وتخليك تگلب عليها شنو جديده عليك مو هي ومنال نفس السوالف

لزم راسه وكعد على الجربايه وحجه بتعب

مناف- شسوي كليلي هذيج مناك تكول اذا ماطلعت السوار اروح الاهلي ونورس تكول اذا حلفتني تحرم عليه

حجت نورس هي تشهك

نورس- انتَ ليش متمسك بيه اذا تحبها عوفني الله يخليك كول الاهلي ماريدها وخلي اروحلهم وقبل ماطلع احلفلك بالقرآن اي سوار من ريحان ماشفت ولا اخذت

قرفصت كدامي ودموعها تنزل مناف طلگني بعد اتهامك الي مستحيل ابقى وياك وماكدر اروح الاهلي زعلانه سلام يذبحني وابوي ماله كل كلمه بعد كلمته انت تعرف كلش زين

باوعلها بحيره وحجه

مناف- ماريد اطلگج انتي مرتي ماريد اضلمج تردين ترجعين الجحيم سلام شلون حجي هذا نورس

نورس- كلشي اتحمل الا الاهانه مناف ماكدر اتحملها ماكدر تتهمني اني ليش بشنو قصرت وياك بس كلي راح يصيرلي سنه اني هنا سمعت مني صوت شفت شي يضايقك عاتبت حجيت لو كله ساكته واكول حاضر وتم خلص مناف اني بعد ماكدر اريد اروح الاهلي

عيوني دمعت وياها تحجي وتبجي مسكينه مو كافي ضيم اخوها جان مشوفها الويل على كلشي يضربها وحتى من الدراسه بطلها باوعلي مناف وحجه

مناف- ميسون عوفينا شويه وحدنا

هزيت راسي وطلعت عفتهم وحدهم يارب يكدر يقنعها تبقى دخلت للمطبخ صبينا الغدا سألت امي عليها كلتلها مناف يمها بالغرفه

ام مناف- بس لا صدك بريحان ويريد يحجي ويا نورس بالسالفه

ميسون- والله ماعرف شكلج يمه هي هيج السالفه ونورس تريد تروح الاهلها

ام مناف- شبي اخوج اتخبل

طلعت من المطبخ بعصبيه راحت وراهم اجه ابوي ومنير تلگيتهم الله يساعدكم

- ويساعدج

منير- ميوس ميت من الجوع غدا بسرعه

ميسون- صار على متغسل الغدا حاضر

ابو مناف- امج وين شو ماتلگتنا اليوم

تنهدت بحيره وسولفتله على الصار اليوم

ابو مناف- هاي تالي سوالف مناف يلا خلصنا من منال اجتنا هاي الثانيه لا حول ولا قوه الا بالله وين هم هسه

ميسون- بغرفه نورس

عافني وراح وراهم
بقو فوك النص ساعه وطلعو هو صعد فوك واني رحت الامي

ميسون- هاا يمه بشري

ام مناف- گلناله اذا تريد تحلف كلنا نحلف ويا نورس اني وميسون وهي ريحان هم تحلف تخلي ايدها على القرآن وتكول شفت نورس طلعت من غرفتي وبعدها فقدت اسواري

ميسون- اي وشگال

ام مناف- سكت خلي يروح يستشير الخاتون

طلع ابوي هو ونورس من الغرفه يسولف وياها ببتسامه بشوشه حتى يطيب خاطرها وهي مستحيه وتهز براسها بالقبول

ابو مناف- دنعل ابو السوار الي يريد يطلعج من بيتج بس صبريلي جم يوم واخلي بيدج احلى سوار شتكولين ام مناف

حجت امي بضحكه

ام مناف- تستاهل نوارس ذهب

دنگت نورس على ايد ابوي وباستها وهي تلكه

نورس- عمو حجايتك اغلى من الذهب عندي الله شاهد عليه

بسرعه سحب ايده وباسها من راسها

ابو مناف- الله يرضه عليج بنيتي

منير- شلون يعني اليوم نموت من الجوع من ورا نورس

ضحكت نورس وجاوبته يخسه الجوع ثواني وكلشي حاضر

تغدينا وغلست المواعين ونورس سوت چاي واخذته الامي عزلنا المطبخ وطلعت كعدت يمهم بالاستقبال شويه ونزلو ريحان ومناف اباوع الريحان العيون مورمه من البجي وخدها بي اثر اصابع

مناف- يمه ماكو داعي بعد الموضوع الحلفان ريحان لگت اسوارها الجان ضايع

ام مناف- يا صلاوات ووين لگته المحروسه

حجت ريحان وهي تتصنع الضحكه

ريحان- هه اني اسفه والله من حرگه گلبي صار الي صار حقكم عليه وهاي راسج عمه ابوسه

دفعتها امي وكلتلها

ام مناف- مو مني تعتذرين اذا جان اكو واحد يستحق الاعتذار هو نورس مو غيرها

باوعت المناف ورجعت حجت بعصبيه

ام مناف- اذا تريدني ارضه عليك تتطيب خاطر نورس

نورس- مو مشكله عمه المهم انحلت المشكله وطلعت مو اني البايگه اسوار ريحان

مناف- لا ميصير ريحان غلطت ولازم تعتذر منج

باوع الريحان واشرلها بعيونها بمعنى بوسي راسها

مناف- ريحان اعتذري

اباوعلها وجها صار احمر تريد تنفجر دنكت وباست راس نورس وحجت

ريحان- اسفه حقج عليه صار سوء فهم اتمنى تنسين الصار ونفتح صفحه جديده

نورس- ميخالف مصار شي

دنك مناف هم باس راسها وباس راس امي واشر الريحان تصعد فوك صعدت وهو بقى كاعد يمنا ماصعد وراها مرن ٤ ايام مناف ولا صعد يروح للشغل ويمر على بيته يشوف منال وجهاله ويرجع يبقى جوه يم نورس وريحان كامت تحوس كل شويه مطلعتلها سالفه وتنزل تتحجج حتى مناف يصعد وهو ولا هامه كل شويه تنزل لابسه شكل ومخليه مكياج شكل وتخوزر بنورس اخر شي نزلت ماعت روحها اتخربطت وداخت جنه كاعدين بالاستقبال بس منير طالع شافها مناف وكاملها ملهوف سندها

مناف- الله الله شبيج ريحان

ام مناف- هاا شبيها خاف هبط ضغطها الله يساعدها هالكد مانزلت وصعدت سوت الدرج حرثه

مدري نحير بريحان الفاقده مدري اضحك على كلام امي رجعت حجت

ام مناف- اني سامعه بمثل هاي الحالات الضغط يصعد مو يهبط ولكم خاف نجلطت

مناف- يمه رحمه على اهلج مو وكت هذا الحجي شوفيها وياي شبيها ماعت روحها

ركضت نورس جابت كلاص مي غسل مناف وجها واديها صحت شويه كوه مفتحه عيونها

مناف- ميسون فدوه عبايه خلي اخذها للمستشفى

كمت جبتله عبايه خلاها عليها وطلعو اخذها للمستشفى

نورس- خطيه شبيها خاف يصير عليه شي ومناف وحده محد راح ويا

ام مناف- كلشي مابيها عرج مايطگها هذا كله حتى مناف يباوعلها تعلميني بهاي السوالف

ميسون- يمه بس وجها صار اصفر جنها صدك وكعت مو تمثيل

نورس- ايي حتى اديها يرجفن

بقينا ننتظرهم رجعو دخلو للبيت ثنينهم يضحكون لازمين ادين بعضهم باوعتلهم امي وحجت

ام مناف- هاا بشر شطلع بيها من مرض

ضحك مناف وهو يبوس راس امي

مناف- راح يجيج حفيد حجيه

ام مناف- وشدعوه هالكد فرحان شني مامخلف كبل مو عندك 3

مناف- يمه قابل جهالي الباقين مافرحت بيهم

خلت ايدها ريحان على بطنها وحجت

ريحان- شو محد باركلي

ام مناف- ايي الف مبروك

دنكت على امي باستها واجت حضنتني بوستني ابتسمتلها

ميسون- الف مبروك

ريحان- الله يبارك بيج يااحلى عمه

عافتني وراحت النورس هم حضنتها وهي تكللها

ريحان- يوم الالج

ابتسمت بحزن واضح وهمست

نورس- شكراً والف مبروك

رجعت باوعت المناف الي باوعلها بنفس ملامح الحزن

نورس- الف مبروك يتربى بعزك ودلالك

مناف- الله يبارك بيج گلبي

بسرعه باوعتله ريحان خزرته وصعدت فوك تنهد بضيق وصعد وراها
اول ما منال سمعت بريحان حامل بالليل لگيناها جايبه ولدها وجايه وعيونها تنط شرار الله اليستر واباوعلها طول الوكت بقت كاعده يم مناف معافته دقيقه هي وريحان متكابلات عليه كاعدات وحدا منا ووحده من الجهة الثانيه ضحكت على منظرهم
منال تحجي وعينها على ريحان بدها تاكلها تدلع ومخليه ايدها على بطنها وكل شويه تلزم ايد مناف

منير- والله حلوه هاي السالفه تتزوج 3 نسوان بلا يصير انتَ تتزوج 3 مرات واني بعدني وحده ماكو

مناف- ماتزوج منو لازمك

منير- غير منتظر الوالده تتلحلح شويه وتدورلنا مره

ام مناف- تدلل ووين تگعدها بغرفتك البيها جربايه ام نفر لو على الحصيره

مناف- يمه مستوره دوريله مره ونتساعد ويا اني وابوي

ابو مناف- الله كريم

كامت نورس تسوي چاي شويه وباوعت منال ماهي كمت رحت للمطبخ اسمع منال تحجي ويا نورس

منال- من كل عقلج تحجين يعني نعوفها تاخذه من عدنا هو بلا شي يحبها ومكابلها وكاعد انوب حامل هاي هي بعد ما يلتفت علينا

نورس- لا مناف زين حتى اذا جان يحبها بس هم يخاف الله بينا مامقصر

منال- هاي بس هسه خلي تجيبله ولد وشوفي شلون يگلب علينا

نورس- قابل شبيدي اسوي حتى اهل مثل العالم والناس ماعندي

منال- والله حبيبتي انتي كلشي ماعندج بطرگ روحج اني عندي 3 ولد باجر عگبه لو دار وجهة عنهم نموت من الجوع ورا

نورس- فدوه منال طلعيني من هاي السوالف لا تدخليني

منال- مو اني بعيده بس طاوعيني وخلي نطيح حظها

نورس- شناويه تسوين

منال- مااسوي بس انطيج مي بخورات مقري عليهن ترشين منهن بالبيت ودوه تخلينه الريحان حتى تجهض الجنين

شهگت خليت ايدي على حلگي عزا وصخام هاي منال شتحجي انوب تريد تورط نورس هي تطلع منها خاف واحد يكشفها تطيح براس هاي المسكينه

نورس- استغفر الله العظيم لو اعرف اموت ماسوي هيج طفل شنو ذنبه نكتل روح ياكبرها عند رب العالمين منال اول واخر مره تحجين وياي بالسالفه اذا نفتح الموضوع مرا ثانيه اضطر اكول المناف على كلشي

منال- ايبااا الفاهيه تهدد دخلي يطلع حرف منج وشوفي شسوي بيج

بعدها تحجي رفعت البرده ودخلت للمطبخ بسرعه سكتت حجيت

ميسون- انتي شنو من بشر الخاطر الله منين مصنوعه تردين تقتلين نفس والله شنو لان ابن ضرتج

منال- وانتي جنتي تتسمعين علينا

ميسون- يعني عفتي هذا الكلام كله رحتي على هالسالفه

رفعت اصبعي اهدد بيها بلكي تخاف تتعض

ميسون- اسمعيني زين يا منال اذا صار على ريحان شي لو على حملها اكول انتي السبب واليصير خلي يصير وديري بالج تورطين نورس وياج

حجيت اخر شي ومانسمع الا صوت صرخه قويه

ريحان- ييييبببوووووو يردن يموتني ويموتن ابنييي

بسرعه طلعنا من المطبخ لگيناهم كلهم ملتمين بباب المطبخ وريحان تصرخ يردن يموتني

ابو مناف- شبيج بويه سمي بسم الرحمن وفهمينا شنو القضيه

مناف- شبيج ريحان شنو يموتنج

ريحان تدك تلطم ومناف لازمها

ريحان- مناف هسه هسه بالصدفه سمعتهن يحجن عليه نسوانك واختك يردن يطرحني ويموتني

مناف- منيلج هذا الكلام

ريحان- سمعتهن بهاي اذني وهن يتفقن

منال- على كيفج داده لا يطگلج عرق

ميسون- جذابه اصلا جنت دافع عنج وعن البطنج وهيج سوالف عاديه شوكت اتفقنه عليج

ريحان- حقره حيوانه مسمومه توكفين وياهن وتحرفين الكلام

دفعها مناف وهو يحجي

مناف- هييي احترمي وكافي صياح

ابو مناف- لهنا وحدج بويه مال تغلطين على بنتي بنص بيتي واني واكف لا هاي ماقبلها

ام مناف- صدك مامربايه

ريحان- عفت التربيه الج والبنتج

بعدها مامخلصه كلام ضربها مناف ودفعها كدامه صعدها فوك منال بسرعه اخذت جهالها وكالت المنير يوصلها البيتها واحنا بقينا كاعدين شويه ونزلت ريحان بيدها علاگه ملابسها وهي تبجي و تدردم وتدعي نزل وراها مناف شويه ورجع وهي ماكو يمكن اخذها الاهلها

ماحجه شي بسرعه صعد فوك ، مر سبوع ورجعت ريحان اهلها جابوها وخلوها توگع على امي وابوي وتعتذر ورجعت الظاهر حتى اهلها  ممتحملينها السان وتتعارك ويا مرت اخوها متنحمل انحلت المشكله ورجعت ريحان بس من يومها مابطلت مشاكل طول فتره حملها لو مشاكل ويا امي ونورس لو ويا مناف مرات بالليل اسمعهم يتعاركون اسمعها شلون تتذمر من العيشه ومن وضع مناف واهلي

ريحان- هي الحياة الي وعدتني بيها مناف وينه كلامك الي ببدايه زواجنه

مناف- شسويلج ياريحان عيني مجاي تشوفين الحال فيتر وشايل بيتين يادوب مكفيكم بس كليلي شناقصج شو عايشه وتاكلين وتشربين بعد شتردين

ريحان- يافرحتي والله هي هاي الحياة الحلمت بيها وياك ترا من حقي اريد اعيش اريد البس اطلع مو حابسني هنا بين اربع حياطين

مناف- ماجذبت عليج اني ومن البدايه كتلج على حالي ماخدعتج بشي

بقو يتناكرون فوك الساعه الحد ما مناف بزع من النك عافها ونزل يم نورس مرت الايام والاشهر ومناف اتبع اسلوب جديد ويا ريحان جان كل ما يجي يمها اذا حجت وتذمرت يعوفها وينزل لو يم نورس لو يروح البيته الثاني يم منال الحد ما استجنت شويه دخلت بشهر الرابع وست سونار وطلع بيها بنيه مناف جان طاير من الفرح لان هو ماعنده بنات بس هي جانت كلش ضايجه وكالبه وجها لان بيها بنيه دخلت بشهرها التاسع وبيوم صبحيه جان شته شهر الواحد بعده ابوي ومنير ماطالعين للشغل بس مناف جان ماموجود يم منال باقي نزلت ريحان صبحت علينا باوعتلها امي وحجت

ام مناف- وجهج اصفر جنج ولاده اليوم

ريحان- هاا ايي عندي وجع شويه من البارحه

بعدها تحجي ولزمت بطنها وصرخت ومدري شنزل عليها

كمنا اني نورس ركضنا عليها وامي تحجي

ام مناف- ياا خايبات راح تجيب لحكن بسرعه دخلنها جوه منير يمه اركض لام علي الجده جيبها وتعال بسرعه

منير- ايي ايي طالع

ابو مناف- ياا الله واني طالع اخبر مناف شدي حيلج بويه لا تخافين

طلعو واحنا دخلنا ريحان الغرفه امي فرشتلها فراش وكلتلي روحي احمي مي حار كمت حميت مي حار ماكو اقل العشر دقايق ووصلت الجده ام علي دخلت للغرفه واني ماخلني ادخل بقت وياها بس امي ونورس واجت امها هم وراها دخل مناف شافني كاعده بالاستقبال

مناف- هاا ميوس بشري

ميسون- جوه بغرفه امي الجده يمها لا تخاف

بقينا ننتظر مانسمع بس صوت صريخ ريحان شويه وسكتت وسمعنا صار صوت جاهل ضحك مناف وحجه

مناف- ههههه سمعتي ميوس اجت بنتي هذا صوتها

مسحت دموعي وهزيت راسي ضاحكه

ميسون- ايي ايي صوت طفل اكيد جابت ورا فتره طلعت الجده سلم عليها مناف وانطاها فلوس ودخلنا على ريحان جانت نايمه مغيراتلها الفراش وملابسها وبحضنها طفله

ام مناف- تعال يمه شوف بنيتك تخبل

اتقدم مناف باس ريحان براسها ومدري شهمس بأذنها ابتسمت شال بنته وكفت بصفه يعمري شكد صغيره باسها

نورس- الف مبروك تتربى بعزك ودلالك

مناف- يوم مايصير عندي مثلها وانتي امها

ام مناف- امين يارب، شنو راح تسميها يمه

باوعلها مناف وحجه

مناف- مبينه قويه باعيلها يوم ماتثبت جنها تصارع هههه لهذا اختارلها اسم يدل على القوه راح اسميها مياسين ....

يتبع...

࿐໋࿐໋࿐໋࿐໋࿐໋࿐໋࿐໋࿐໋.

بقلم: زينب علي

عثراتي خلو كومنت رأيكم كلش يهمني🥺❤️

لا تنسون التصويت وكومنت حلو مثلكم احبكم 😙❤️

متابعه ممتعه 💜