أنتقام الضابط نمر

بارت27

أنتقام الضابط نمر

الكاتبة الاء محمد

لاتنسون التصويت+ متابعه الحساب

         ـــــــــــــــــــــــــــــــــــــــــــــــــــــــــ

ميرهان:- دكتورة متأكدة!!

_ ايي حبيبتي، وراح انطيج علاج استمري
عليه حتى الطفل يثبت لان
حملج كلشش ضعيف ودمج ناقص

ميرهان:- نمر طاير من الفرح
حار شيسوي كل شويه وكال للدكتورة

شسوي؟، شنو لازم تاكل، شنو لازم تشرب
كلت هاهيه بعد راح يستلمني، اجه تقرب يمي
كمش كصتي وكال:- شلوون صرتي

ميرهان:- زينه

نمر:- نكدر نطلع موو

_ اييي تكدرون تطلعون

ميرهان:-دكتورة اني، قبل شوي جنت انزف
معقولة ما سقطت

_ لا حبيبتي تصير عادي بكل حامل بس
أنتي شويه داري نفسج لان مو زين

ميرهان:- تمام دكتورة، كملنا الأجرائات وطلعنا

نمر:- ديري بالج،حبيبي
امشي علكيف وانتبهي على طريقج

ميرهان:- ايي مو ابنك عصبي بسرعه يطفر من بطني

نمر:- ايي غير على ابو

ميرهان:- هم صدك بس هذا أبني وبسس يعني اني امه وابوه

نمر:- هاا خاف بلعكس اني اصير امه وابوه، هسه دمشي لانتقاسمه من هسه
خلي يجي وهو يختار

_باوعتله صفح فتحلي باب السيارة
وكلي:- تفضلي ام شهم

صعدت واني ادردم ام شهم حتى
الاسم مختاره والله يالله، صعد وكتله

_ ليش ما قبلت اروح

نمر:- ولج بويه تعرفين شنو اغاار انيي اغااار
عليج ماريد احد يشوفج غيري حتى من
الهوة اغار فلا تسئليني ليشش

ميرهان:- جان خسرنه الطفل الثاني بسببك
مره ثانيه، التفت خزرني

نمر:- شنووو اليي بسببيي انتي ثولة
ما تنتبهين على طريقج

_ سكتت، وصلنه البيت راجعين والناس كلها داتتعشه وخبصه عمتي شافت بيدي كانونه اجتي تركض كمشتني

ام نمر:- شبيج يمه شجاج

نمر:- حيجيج حفيد يمه

_صارت تهلهل، جابت چكليت وطشته عليه والنسوان كولها تباوع، بوستني واجتي صابرين والفرحه تلمع بعيونها حضنتني وكالت

صابرين:- واخيراً تحقق حلمي وحشوفج احلا أم

ميرهان:- حبيبتي

صابرين:- متصورين شكد فرحت

_ كمش ايدي نمر وكال:- من رخصتكم

صعدنه للغرفه، جرني لحضنه

نمر:- گمر كحليه ماتصورين شكد فرحتيني

_ بوسني من كل مكان بوجهي احسه
مثل الطفل فرحته بعيونه

نمر:- عدنه حنه هسه، راح اسبح طلعيلي دشداشتي النيلي والچراويه النيلي حبيبي

ميرهان:- ماشي، طلعتله ملابسه، وطلعت اليه ملابس، فستان اسود وشال اسود

طلع شعره ينكط ماادري ليش مينشفه

ميرهان:- ليشش متنشف شعرك

قرب وجه ونفض شعره بوجهي، تنرفزت، اخذت ملابسي ودخلت للحمام لفيت ايدي
غسلت وبدلت، طلعت لكيته لسه يتعطر
عيونه صارن بلون الدشداشه بقيت واكفه
بلباب التفت غمز وكال:- هاا شنو عجبتج

_ هاااا

_ ضحك وكال :- تعااي

_ تقدمت صرت مقابيله رش عطر على ملابسي نترست ترس، حضني وكال:- اريد عطرنه يختلط

ميرهان:- صدك تحجي

نمر:- اي والله

_ الدشداشه معرف شلون داخله، عضلاته تريد تنفجر

نمر:- يله حبيبي كملتي حتى ننزل سوة

ميرهان:- ليشش شنو معناها!

نمر:- ماتعرفين هاي السوالف يله فضيني

ميرهان:- نمر لا تخبصني تريد انزل منو كامشك

عض شفته وكال:- أنتيي

ضحكت وهزيت راسي، مشطت شعري وخليت مكياج باهت وخفيف لفيت شالي
نمر كاعد علچربايه يكلب بتلفونه

نمر:- خلصتي حبيبي

التفتت:- ايي

_ رفع راسه اخذله صفن بوجهي، تقدم
وكال:- ولا مره حلت بعيني غيرج

كمش ايدي ونزلنه عافنه نمر وطلع والنسوان جايبين فرقه يطبلن ويغنون، الركص والهلاهل، اجتي هناء

هناء:- بلخييير عيني

ميرهان:- شكراً

هناء:- شنوو راجعه علاقتج بنمر ما عندج كرامه

ميرهان:- وأنتي شعليج شهل تدخل، عفتها
ورحت يم صابرين حضنتني

صابرين:- احسج اكثر من اخت وحتى اعتبرج بنتي

ميرهان:- والله حتى انيي احسج اختي

صابرين:- يروحي ادري بيج

_ كامن يركصن ويسون اغاني وكولات وكلساع يريدون يركصوني، بس اني مالي خلك، شويه وسكت الطبل وصارت هدوء
عمتي كالت:- تعالن سمعن نمر حيغني

_ استغربت اول مرا اعرف بي يغني
كلت:- معقوولة

صابرين:- ايي والله صوته حلوو، تعاي

_ رحنه للأستقبال والحنه بلحديقه، الزلم
مسوين فره مال جوبي ولابسين دشاديش
ونمر ماسك المايك

نمر بارز بينهم شخصيته واضحه كامش المايك ويهز بلسبحه جان ابدايه الدبكه يمه نمر يغني بجرئه وسيطره وصوته يجنن النسوان اكلنه اكل ديغنيي

وكال تحيه " للملكة الكاعده على عرش گلبي ام شهم"

_ عمتي طكتها هلهوله وانيي صرت حمره من الخجل، كمش المسدس بيده وصار يرمي وجماعته يرمون وياا صاحت عمتي:- يله كاافي تعالن رجعنا كعدنا

ساره:- نمر يصيحج بلمطبخ

_ طلعت للمطبخ، هااا نمر

نمر:- جيبيلي فلوس من القاصه مالتي الرمز****

ميرهان:- ماشي شكد اجيبلك

نمر:- مليوون

ميرهان:- صعدت للغرفه فتحت الغرفه وطلعت فلوس وقفلت الباب، لان نمر محذرني اقفل الغرفه، نزلت انطيتهن اله

نمر:- بااعي

_ صديتله وكلتله هااا،  بااسني بشفتي وكال:- أفييش هسه أرتويت، يالله رجعي حبيبي

_ متت خجل عزاا هذا ولا يستحي بس لا احد شافنه هستوني طلعت من المطبخ شفت هناء واكفه قريب من الباب باوعتله صفح ورجعت المكاني

كملت الحنه وكلمن رجع البيته اجوي عباس وحسن ونمر كعدو بلصاله وياسمين وصابرين يعزلون بلصاله، دانضف المطبخ
سمعت شخص وراي كال:- احمم

التفتت سلمان احس كلبي راح يمه هذا شيسوي هنا بسرعه طلعت، نمر شافني طلعت وعيونه صارت بكصته، صعدت الغرفتي بسرعه هستوني اريد ادخل للغرفه حسيت ايدي نخلعت التفتت نمر

_ نمر شبيك

نمر:- شنوو جان يسوي بلمطبخ يمج

_ حجيت واني اتلعثم:- هاا والله ماادري
اجه واني بسرعه طلعت والله

نمر:- اذا لمحت ظلج بلصابه جوة
افنييج فتهمتيي

_ هزيت راسي

نمر:- دخلي الغرفتج ولاتنزلين ابد

ميرهان:- دخلت للغرفه يمه متت خووف ناقصنيي سلمان، طلعت ملابسي دخلت تحممت وطلعت، نشفت شعري وتمددت علچربايه بديت اغفه ودخل نمر

نمر:- تعاي نزعيني الدشداشه

_ جنت لابسه ملابس نوم، رحت اليمه
طبع بوسه بركبتي وكال:- شنوو هل گمر

كشت روحي من شواربه:- موتريد تنزع ملابسك

نمر:- ايي

_ نزع وسحبت الدشداشه لان ضيكه من يم اديه

نمر:- راح اناام تعباان كلش، ما تجين تفرجيلي ظهري

_تمدد على بطنه فركتله ظهره

نمر:- كاافي حبيبي

_ كمت تمددت بمكاني شويه بعيده عنه
سحبني لحضنه

ميرهان:- نمرر وخر خباب اريد انام

نمر:- هسه شمسويلج الدنيا بارده، وانيي بردان لايروح بالج بعيد ونيتج تشطح
ترا اني انسان صالح مو مثلج

_ تئفئفت بضجر

نمر:- لا تتئفئفين وتبرزين شفتج كووه اسووي اغرائات

ميرهان:- ياااا هاااي اني

نمر:- لا ابويه، نامي حبيبي نامي

_ غفيت وما حسيت على شي بعد
كعدت واني بحضنه لسه باوعت للساعه
بـ 8 اتئملت ملامح وجه الحاده ورموشه الكثيفة وشواربه العدله هستوني مديت ايدي على شواربه  كمش ايدي فززني صحت:- يمه

نمر:- شلبالج صرنه ضباط حي الله، صباح الخير حبيبي

ميرهان:- تره اريد اكعدك

نمر:- ايي اعرف

_ طفر من مكانه اخذ ملابسه ودخل للحمام، اني بعدني بلفراش باوعت تلفوته ينفتح وينسد رفعت التلفون باوعت جانت رسائل كلام غريب ما عرفت افسره

كلت اكييد علمود شغله طلع من الحمام

نمر:- اليووم حاحز غرفه النا بلفندق وي عباس

ميرهان:-  انت ويامن

نمر:- اني وخالتي

ميرهان:- هاا خوش خطيه

نمر:- اي والله خطيه كلت اخذها اونسها شويه

ميرهان:- اي خوش الله ينطيك على كد نيتك

نمر:- انجبيي لج اخذج انتي شسوي بخالتي شصخم بيها

ميرهان:- شسووس بيه

نمر:- اونسج هم

ميرهان:- ماريد

نمر:- لا صدك هي بكيفج، يله انزلي اني راح انزل

غيرت ملابسي ونزلت،هوسه وجهال ناس طابه وناس طالعه، اجتي نسوان كوومه سوينه الغده وصبينا ونمر ما شفتا
كملو الغده وغسلنه المواعين اخس ظهري تكسر خطيه عمتي وصابرين ميخلوني اشتغل وأسوي شي يخافون عليه ونمر محذرهم بس عيب اكعد

سوزان وبناتها يكنسن ويلمن الكاسات محد فارغ كملنه تنظيف البيت الساعه بـ 3

كالوو يله يريدون يروحون للزفه اجه نمر
كلي:- يله حضري نفسج تروحين ويانا

ميرهان:- فرحت كلش نفسيتي تحتاج  هيج اجواء، ركضت الغرفتي ونمر يصيح
وراي:- ولجج لا تركضيين ما زيين

طلعت قميص وبنطرون وشال اسود وبشت اسود  سبحت بسرعه وخليت مكياج خفيف وشمرت شالي، سياره نمر مضلله فعادي، داخلي عطر ودخل نمر

نمر:- هلووو هاي شنوو شبسرعه كملتي

ميرهان:- ايي مو انت كلت عسريع

نمر:- طلعيلي القاط الاسود ورباط وقميص اسود

ميرهان:- شسالفه كله اسود

نمر:- الساعه الفضي هم

_ طلعتهم اله بين ما غسل واجه، لبسهن وتعطر، سمعت صوت هلاهل جوة
كمش ايدي وكال:- يله بابا

_ يله، رغم لابسه كعب بس واصله جتف نمر خررب شطولة،   نزلنه الهلاهل وعباس يركص والفرحه ماليه البيت طلعنا وكلمن صعد بسياره

اجه صعد نمر وكال:- ممنووع تنزلين الجام كله سيارات

_ تمام،  يسووق ويراوغ بسيارته، مشغل اغاني ردح، سحب المسدس نزل جامته ورمى بلجوو، نشف دميي من صوت الطلق

ميرهان:- نمرر حباب عووف الرمي

_ بطل يرمي بس جماعته يرموله وصلنه البيت العروس، دهل عباس ركص وياها
وهي الابنيه حلووة ناعمه وبيضه

كملو وطلعت الزفه، اخذناهم للفندق، باركتلهم وطلعت عمتي والبنات رجعو واني نمر اخذني للغرفه الحاجزها

دخلت، ودخل نمر وسد الباب شايل بيده ورد

نمر:- أريد نعيش ليلتنه بدون اي تراجع

ميرهان:- شنووو؟!

نمر:- أشششش، لا تخربيها علينا، أحبج يااعطري، أحبج خلينه نبدي صفحه جديده ونطوي الي صار ونشمره ورانه
واحنا ولد اليوم

_ كمش أيدي باسها، ونزلت دمووعي بدون سابق انذار باس دمووعي

نمر:- أحبج يروحي، گمر كحليه شوو باوعيلي

_ رفع راسي، طبع بوسه بحنجي
وكال:- ليشش البيچي بنيتي، اعرف أذيتج بس والله متندم على الي سويته بيج، تعبت وراحتي يمج

ميرهان:- نمر شنسه منك شنسه أنت أذيتني وذليتني حرمتني من كل شي
حرمتني من أعز نااسي

نمر:- فداج نااسي يناسي أنتي، ساامحيني حبيبي وخلينا من هل يوم نبدي بدايه جديدة بحياتنا

_ميرهان:- عيونه تلالي حب، اشتياق، ندم
نظراته الي نفس نظراته اول من تعرف عليه  نسيت كل اذيته نسيت كل دمعه نزلت مني بسببه نسيت كلشيي وأحتضنته

نمر:- افيشش يريحه هلي، راح اعوضج عن الدنيا كلها

ميرهان:- شددت حضنتي على جسمه وكلتله:-‏فما أنت إلا ألذ بلاء أحبك نمري

_ شالني شهكت:- نمر نزلني

نمر:- شووو عيددي شكلتي

ميرهان:- ماااا نزلني

نمر:- عييدي لا اخليج تعيدينها بطريقتي

حجاها وغمز:- أحبك نمري

همس وانفاسه تضرب بوجهي:-انتي تلكَ ال‏هاوية التي رميتُ نفسي بها بلا خوف أو تردد

_ خلاني علچربايه وعشنا ليلتنا بحب وأشتياق واحد يعبر للثاني عن مده اشتياقه

بعد فتره طبع بوسه ودخل يسبح
عزلت الغرفه بين ما طلع، ودخلت سبحت
طلعت انشف شعري وارتبه

نمر:- تعااي حبيبي

_ رحت بحضنه غمز وكال:- هسه النونو شاف أبو وامه شسوو موو

_ ضربته بخفه على صدره:- عيبب نمر

_ مااكوو عيب حبيبي

_ كاافي نمر نعسانه

نمر:- شرأيج بشوط ثانيي

_ بطران

_ وبيومها بدت علاقتنه تزهو من جديد
كعدني الصبح

ميرهان:- صباحووو حبيبي

نمر:- شهل صباح الحلوو صباحك عسل ياعسل، يله بوويه ورانه رجعه للبيت

_ كمت غسلت وغيرت ملابسي
وكلي:- يله حبيبي

_ بسته بخده وكتله:- يله

نمر:- يبووو شلون تريد اكلها هسه بابا بوسيني بوسه حب مو بوسه عجايز

_ ياااا نمر انيي عجووز

_ لا يابه انيي، امشينا يله

_ ضحكت، ورحنا لسويت عباس بوست العروسه وطلعنه للسياره، نمر كامش ايدي ويغني وي الأغنيه وصلنه للبيت واستقبلونه بلهلاهل،  ذبحو خاروف على رجل العروس ودخلنه

_ من شافتنه هناء اني ونمر رادت تموت وجه انخطف، صعدت للغرفه غيرت ملابسي ونزلت، اساعدهم بدو يطبخون
والناس شكدهااا، تغدت العالم وصعدت الغرفتي أرتاح اخس نفسي تعبانه

تمددت ودخل نمر تمدد بصفي، خله راسه على ايدي كلتله:- ﻧمرري

_ عيوونه

_ مشتاقه الأهلي

_ زفر الهوة بعصبيه وخر راسه
وكال:- بعدين نحجي هسه خليني ارتاح حبيبي

الدبكه الي غناها نمر بس بدل ميكول
ام عيون السود كال ام عيون الخضر

للحكاية بقية....

تأخرت عليكم بس نزلت سبب
تأخري بلأنستا