အိပ်ယာနိုးထချိန်မှာ ကျေးငှက်သံတွေလည်း မကြားရ။ ပဲပြုတ်သည်သံတွေလည်း နားစွန်နားဖျားလေးတောင် မကြားရပါ။ လူသံတစ်ချို့နဲ့ သီချင်းသံသဲ့သဲ့ကိုတော့ ကြားနေရသည်။
မျက်ခွံကို လေးလေးလံလံဖွင့်လိုက်တော့ စူးရှနေသော နေရောင်ခြည်က ကိုယ့်အတွက်စိတ်အနှောက်အယှက် ဖြစ်စေသည်။
" ကျွတ် "
စုပ်သတ်ရင်း ဘေးကိုကြည့်လိုက်တော့ နေရောင်ထက် ပိုတောက်ပသော အလင်းတန်းလေးက ကျွန်တော့်နား အိပ်မောကျနေသည်။ အလင်းတန်းလေး ဆိုပေမယ့် မျက်စိထဲမစူးရှပဲ အေးမြကြည်လင်နေသည်။
ထိုအလင်းတန်းလေးကို ကြည့်နေရင်း ကျွန်တော်စိတ်ပါလက်ပါ ပြုံးလိုက်မိသည်။ နှဖူးထက်ဝဲကျနေသော ဆံပင်တစ်ချို့ကို ဖယ်ရှားပေးကာ ကျွန်တော့်နှာထိပ်လေးနဲ့ ကြာကြာလေး ဖိကပ်ထားလိုက်သည်။
" နိုးနေတာ ကြာပြီလား "
မျက်လုံးမဖွင့်ပဲ အိပ်ချင်မူးတူးအသံနဲ့ ကျွန်တော့်ကို မေးနေသောမမကို ခါးလေးကနေ ပွေ့ဖက်ထားပြီး အနားတိုးလိုက်ကာ
" အခုမှ နိုးတာ
အရမ်းချစ်တယ် မမ "
" အင်းအင်း "
" ကျွန်တော့်ကို ချစ်လား "
" morning ဒိတ် "
ကျွန်တော်ပွေ့ဖက်ထားသော လက်များကို ဖြည်ရင်း အခန်းထဲမှ ထွက်ခွာသွားသည်။ ကျွန်တော်သာ အခန်းထဲမှာ ငူငူငိုင်ငိုင်ကျန်ရစ်ခဲ့သည်။
ကိုယ့်အတွေးနဲ့ကိုယ် သဘောတွေ့ကာ ပြုံးမိပြီး ရေချိုးခန်းဘက် ထွက်လာခဲ့သည်။ ခြံထဲကိုလည်း မရောက်ဖြစ်တာမို့ ဒီနေ့တော့ သွားဖြစ်အောင် သွားရအုန်းမည်။
" ဒိတ် ဘာစားမလဲ ဘာမှတော့မရှိသေးဘူး "
" ကျွန်တော်ခြံထဲသွားမလို့ လမ်းမှာပဲ ဝင်စားလိုက်တော့မယ် မမရော လိုက်အုန်းမလား "
" အင်း လိုက်ခဲ့မယ် "
နှစ်ယောက်အတူတူ ခြံတံခါးများကို သေချာစွာသော့ခတ်ရင်း ဆိုင်ကယ်နှင့်ခြံဘက်သို့ ထွက်လာခဲ့သည်။
" ထမင်းဆိုင်ရှေ့ ရပ်လိုက်မယ်နော် "
" အင်း "
မမလက်ကို ဆွဲရင်း ထမင်းဆိုင်ထဲ ဝင်လာခဲ့သည်။ ဆိုင်ထဲက တစ်ယောက်ယောက် ကိုယ့်ကိုကြည့်နေရင်တောင် မကြည်ကြည့်နဲ့ ပြန်ကြည့်သည်။ ကိုယ့်စိတ်ကိုယ်မှ မလုံတာ။
မမနဲ့ကျွန်တော်စားဖို့အတွက် ထမင်း ဟင်းများမှာနေချိန် မမက သူ့ချစ်သူနဲ့ စာပို့နေသည်။
" ဒိတ်
မိုး မမကို vc ခေါ်နေတယ် "
" အင်း ကိုင်လိုက်လေ "
မမက ခေါင်းတစ်ချက် ညိတ်ပြသည်။
" Hello
ချစ် အပြင်ရောက်နေတာလား "
" ဟုတ်တယ် မိုး
ဒိတ်နဲ့အတူ ခြံထဲသွားမလို့ လမ်းမှာမနက်စာ ဝင်စားနေကြတာ "
" ဒိတ်ရော နေကောင်းလား "
မမက သူ့ဖုန်း ကျွန်တော့်ကိုပေးပြောသည်။
" hello မမမိုး နေကောင်းလား "
မမက စကားမှားမှာစိုးလို့ ထင်သည် ကျွန်တော့်ကို စိုက်ကြည့်နေ၏။
" ကောင်းတယ် ဒိတ်လေး
အဲ့မှာနေရတာ ပျော်လား "
" ဟုတ်ကဲ့ အဆင်ပြေပါတယ် "
" ဇာခြည့်ကိုလည်း သေချာကြည့်ထားပေးပါနော် မမဒီကိုရောက်နေချိန် တခြားသူ ဦးမှာစိုးလို့ "
အတတ်နိုင်ဆုံး စိတ်ကိုငြိမ်အောင်ထားပြီး မမကို မကြည့်မိအောင်နေသည်။ မမမိုး စိုက်ကြည့်နေပုံက ငါသိပါတယ်ဆိုတဲ့ အကြည့်တွေ။ ကျွန်တော် တံတွေးကို မြိုချနေမိသည်။ အာခေါင်တွေ ခြောက်လာတာကြောင့် အနားက ရေဗူးကို လှမ်းယူကာ ဖုန်းကို မမအား ပြန်ပေးသည်။
မမလည်း အတတ်နိုင်ဆုံး အဆင်ပြေအောင် ပြောနေပေမယ့် အနေထိုင်ရ အထိုင်ရ ခက်နေတယ်ထင်၏။ စကားကို တိုတိုပြတ်ပြတ်ပြောကာ ဖုန်းချလိုက်သည်။
.......................................................
" ဟာ မမဇာခြည်တို့ လာတယ်ဝေ့ "
သီဟက ပျော်ရွှင်နေသော လေသံဖြင့် တစ်ဖက်သို့ လှမ်းအော်သည်။ ကျွန်တော် ဆိုင်ကယ်ရပ်လိုက်တော့ မမက တဲဆီသို့ တန်းသွားသည်။ သီဟက ကျွန်တော့်အနားလာပြီး
" ဒိတ် "
" အင်း "
" ချစ်သူတွေ ဖြစ်နေကြပြီပေါ့ "
" အင်း "
ကျွန်တော်လက်ပိုက်ပြီး သူ့ကို သေချာကြည့်နေသည်။
" မမမိုး သိရင် ဘယ်လိုနေမလဲ မသိဘူးနော် "
" ငါ့ကို ပြောဆိုမှာပေါ့ "
သီဟက ခေါင်းလေးတဆတ်ဆတ် ညိတ်နေသည်။ ပြီးတော့ အပင်တွေကြား အတူတူသွားရင်း
" မမဇာခြည် ဘယ်သူ့ကို ရွေးမလဲ မသိဘူး "
" မိုးကိုပဲ ရွေးမှာပေါ့ သူတို့က ကြိုက်တာ ကြာပြီလေ ငါဆိုတာက အရံဇာတ်ကောင်ပဲလေ "
" အချစ်က အချိန်ကာလနဲ့ မဆိုင်ဘူး ၁၀နှစ်လောက် ကြိုက်ပြီး မပေါင်းရသူလည်း ရှိသလို တစ်နှစ်လောက်ချစ်ပြီး ညားကြသူတွေလည်း ရှိတယ်လေ "
မှတ်မှတ်ရရ အဲ့အချိန် ကျွန်တော်ပြုံးနေပါသည်။ မိုးနဲ့ကျွန်တော် နှစ်ယောက်နဲ့ပင် တိုင်ပတ်နေတဲ့အထဲ နောက်တစ်ယောက်က ထပ်တိုးလာသောကြောင့် ဖြစ်သည်။
" သီဟ "
" အင်း "
" မင်းပြောချင်တာက လူတစ်ယောက်ကို မြင်မြင်ချင်း ချစ်နိုင်တယ်ပေါ့ အဲ့လိုလား "
" အင်း ဟုတ်တယ် မြင်မြင်ချင်း အချစ်က ပိုလေးနက်တယ် "
" သြော် ငါမမကို ချစ်တာထက် မင်းချစ်တာက ပိုလေးနက်တယ်လို့ ပြောချင်တာလား "
သီဟ ကျွန်တော့်ကို အံ့သြပြီး ကြည့်နေသည်။
" မင်း မငြင်းဘူးလား "
" အချစ်နဲ့ပတ်သတ်ပြီး ငါမငြင်းချင်ဘူး ဒိတ်
ဒါနဲ့ မင်းဘယ်လို သိတာလဲ "
" မြွေမြွေချင်း ခြေမြင်တယ်ပဲ ထားပါ
ငါက မမအနားက အရာမှန်သမျှ သေချာဂရုစိုက်ကြည့်တယ်
လေပြေလေး မမပါးကို ထိတွေ့ရင်တောင် ငါက အူတိုနေတဲ့ ကောင်ကွ "
ကျွန်တော်တို့နှစ်ယောက် သဘောကျကာ ရယ်မောကြသည်။
" ဒါနဲ့ ငါ့မှာကောင်မလေးရှိတယ်
မင်းမမအတွက် မစိုးရိမ်နဲ့ ငါကသူ့ကို ပန်းလေးတစ်ပွင့်လိုပဲ မြတ်မြတ်နိုးနိုးနဲ့ ချစ်နေချင်တာ
မကြွေတဲ့ ပန်းလေးဖြစ်ပါစေလို့ ဆုတောင်းတာ ဆုတောင်းမပြည့်တော့လည်း
တန်ဖိုးထားသူလက်ထဲ ရောက်ပါစေလို့ ဆုတောင်းနေရတယ်
မမဇာခြည်က မင်းနဲ့ဖြစ်ဖြစ် မမမိုးနဲ့ဖြစ်ဖြစ် ဘယ်သူနဲ့ယူယူ စိတ်ချမ်းသာရမှာပါ "
" မင်းကောင်မလေးကိုပဲ အာရုံစိုက်ပါ "
" သူ့လည်း ငါချစ်ပါတယ် "
ကျွန်တော်တို့နှစ်ယောက် မြေကြီးပေါ် ထိုင်ချရင်း မြေသားများကို တုတ်ကလေးနဲ့ထိုးဆွနေသည်။
" ဘယ်လိုပဲဖြစ်ဖြစ် နောက်ဆုံးကျရင် ငါတို့နှစ်ယောက်လုံးက ဥယျာဥ်မှူးတွေပါကွာ
ဟင်းးးးးးး "
" မင်းက စိတ်ဓာတ်ကျနေတာလား "
" တော်ပါပြီကွာ တခြားအကြောင်း ပြောကြရအောင် "
ထိုအချိန်တွင် သူတို့အနောက်နား ဇာခြည်ရောက်နေသည်ကို နှစ်ယောက်စလုံး သတိမထားမိပါ။
ဆက်ရန်............
December. 20