နဖူးပြင်ထက်ခံစားမိလိုက်သောနွေးထွေးမှုတစ်ခုကြောင့် လွမ်းကမ္ဘာမျက်လုံးဖွင့်လိုက်သည်နှင့်တစ်ပြိုင်နက် အမြင်အာရုံထဲဝင်လာသည်က မိမိကိုငုံ့မိုးကာပြုံးကြည့်နေသည့်အမျိုးသမီးတစ်ဦး။ မိမိ၏ချစ်သူ ချစ်ခြင်းအလင်္ကါမှမဟုတ်ရင်မည်သူဖြစ်နိုင်မည်တဲ့တုန်း။
''ကမ္ဘာငယ်လေး~ ထချိန်ရောက်ပြီ ''
သူမ၏စကားသံဆုံးသက်နှင့်တစ်ပြိုင်နက် မိမိလည်းလှဲနေရာမှထထိုင်ပြီးလေပြီ။ မေမေ့ကိုဖွင့်ပြောပြီးကတည်းက သူမ မိမိကိုယခုလိုမနက်တိုင်းလာခေါ်နိုးနေကျပင်။ စစခြင်းတုန်းကတော့လှုပ်နှိုးမှနိုးတတ်ပင်မယ့် အချိန်ကြာလာတော့ အကျင့်တစ်ခုဖြစ်သွားသည်ထင်..မိမိနဖူးပေါ်သူမ၏အနမ်းရောက်လာသည်နှင့်အလိုလိုမျက်လုံးဖွင့်မိလျက်သား။ လွမ်းကမ္ဘာ၏ချစ်သူက သူ့အတွက်နှိုးစက်လေးတစ်ခုဖြစ်နေပြန်သေးသည်။
''ဘာတွေတွေးနေတာတုန်း 'ကမ္ဘာ' ရဲ့ ထ ရေမိုးချိုးပြီးအဝတ်အစားလဲတော့ ကိုယ်ထမင်းစားခန်းထဲမေမေနဲ့စောင့်နေမယ်''
ခေါင်းအသာငြိမ့်ပြလိုက်တော့ မိမိခေါင်းလေးကိုပွတ်ကာအခန်းထဲမှထွက်သွားသည်။ လွမ်းကမ္ဘာတစ်ယောက်ရေမိုးချိုးပြီးအဝတ်အစားလဲကာ ထမင်းစားခန်းထဲထွက်လာတော့ မိမိကိုထိုင်စောင့်နေကြသည့်မေမေနှင့်သူမ။
''အမယ်လေး မလွမ်းကမ္ဘာရယ် ကြာနေလိုက်တာညည်းမလဲ ငါ့သမီးလေးကဗိုက်ဆာနေလောက်ပြီ''
''သမီးကအမေ့သမီးပါဆို''
ဆူအောင့်ကာဖြင့်သူမ၏အနားမှခုံပေါ်ထိုင်လိုက်ပြီးမနက်စာကိုစစားတော့သည်။ထို့နောက်ပုံမှန်နေ့အတိုင်းမေမေ့ကိုနှုတ်ဆက်ကာကျောင်းသို့ထွက်လာခဲ့ကြသည်။ထိုနေ့က
စာမမေးသော ဒေါ်ချစ်ခြင်းအလင်္ကါကြောင့် သူမ သင်သောကျောင်းသား၊ကျောင်းသူများအဖို့ ကျောင်းထဲတွင်အံ့သြစရာကောင်းသောသတင်းတစ်ခုဖြစ်သွားသည်။ အံ့သြစရာကောင်းဆို သူမက ပြောပြီးစကားကိုမမေ့တတ်၊စာမေးမည်ပြောထားလျှင်လဲ တခြားကိစ္စများရှိနေလျှင်တောင် စာကိုမေးဖြစ်အောင်မေးတတ်သည့်သူဟု တစ်ကျောင်းလုံးကသိထားသည်ကိုး။
တစ်ချို့ကျတော့ဒေါ်ချစ်ခြင်းအလင်္ကါစိတ်အခြေနေမကောင်းလို့၊တစ်ချို့ကျပြန်တော့ ဒေါ်ချစ်ခြင်းအလင်္ကါမေ့တတ်စပြုလာလို့ ..စသည်ဖြင့်ထင်ကြေးအမျိုးမျိုးပေးတတ်ကြပင်မယ့်
ထိုနေ့စာမမေးသည်က ဒေါ်ချစ်ခြင်းအလင်္ကါ၏ချစ်ရသူ လွမ်းကမ္ဘာ စာမရသောကြောင့်ဆိုတာကိုတော့ ကာယကံပိုင်ရှင်နှစ်ဦးမှလွဲ၍မည်သူမှမသိခဲ့ပေ။
ရက်များတစ်ရက်ပြီးတစ်ရက်ကူးပြောင်းသွားခဲ့သည်။ အရာရာတိုင်းဟာလည်းပုံမှန်အတိုင်းလည်ပတ်လို့နေသည်။
...........
အိမ်ထဲသို့ပြေးဝင်လာသော မိန်းကလေးတစ်ယောက်။ မျက်နှာပြင်တစ်ခုလုံးစိုးရိမ်စရာအတိနှင့် ထိုမိန်းကလေးက လွမ်းကမ္ဘာ၏အခန်းထဲသို့ တစ်ဟုန်ထိုးပြေးဝင်သွားလေသည်။
''ဘာဖြစ်တာလဲ !?ဘာဖြစ်လို့လဲ? ဘယ်နားကထိခိုက်မိသွားတာလဲ လာဆေးရုံသွားမယ်''
''ဟာ.. အဲ့လောက်ကြီးမဟုတ်ဘူးလေရှင်ရဲ့ ချပါအုံး လွမ်းဘာမှမဖြစ်ဘူး ဆေးရုံလဲသွားစရာမလိုပါဘူး''
ဝင်လာကတည်းကတစ်ယောက်တည်းဇွတ်ပြောကာမိမိကိုဆတ်ကနဲပွေ့ချီလိုက်သည့် ဒေါ်ချစ်ခြင်းအလင်္ကါ ကြောင့် လွမ်းကမ္ဘာတစ်ယောက်ပြာပြာသလဲတားလိုက်ရသည်။
''မဟုတ်တာ ခုဏဖုန်းပြောနေတုန်းက အား!!!အမေရေကယ်ပါအုံး သေပြီသေပြီလို့အော်နေတာလေ စကားများနေမယ့်အစားဆေးရုံပဲသွားရအော်''
''အဲ့တာက ဒဏ်ရာရလို့မှမဟုတ်တာ..''
လေသံတိုးတိုးနှင့်ပြောလိုက်သောသူမကြောင့် ချစ်ခြင်းအလင်္ကါမျက်မှောင်အနည်းငယ်ကျုံ့ကာကြည့်လိုက်သည်။
''ဒါဆိုဘာဖြစ်တာလဲ?''
''ပုရွက်ဆိတ်လေးပဲကိုက်တာ''
''ဘာ!!!!!!! ပုရွတ်ဆိတ်ကိုက်တာအဲ့လောက်အော်စရာလား ငါဘယ်လောက်တောင်စိတ်ပူခဲ့ရလဲသိလား?!''
ပြောနေရင်းပွေ့ချီထားရာမှလွတ်ချလိုက်သောသူမကြောင်း
''အမလေးတကယ်သေပါပြီ ဖြေးဖြေးလည်းအော်ပါ ပုရွတ်ဆိတ်ကနာအောင်ကိုက်တာကိုးအော်မှာပေါ့!!"
လွမ်းကမ္ဘာမိမိတင်ကိုပွတ်ကာရှုံ့မဲ့နေသောမျက်နှာနှင့်ထရပ်လိုက်သည်။
''လွမ်းကမ္ဘာ!! မင်းငါ့ကိုအရူးလုပ်နေတာလားဟမ်!! ဘာဖြစ်လဲမေးတုန်းကပြန်ဖြေလိုက်ရင်ငါစိတ်အေးသွားမှာကြောက်လို့လား!"
ဒေါသများနှင့်မိမိကိုအော်နေသော သူမကြောင့် လွမ်းကမ္ဘာဝဲတက်လာသောမျက်ရည်များကိုထိန်း၍ခေါင်းငုံ့လိုက်မိသည်။ ပို၍ခံရခက်သည်က မိမိ၏နာမည်အပြည့်အစုံကိုခေါ်ကာ ငါဟုပင်သုံးနှုန်းလိုက်ခြင်း။
''ဟုတ်...တောင်းပန်ပါတယ်''
ခေါင်းလေးငုံ့ကာအသံတိုးလေးနှင့်တောင်းပန်စကားဆိုလာသောသူမကြောင့် ချစ်ခြင်းအလင်္ကါ၏ဒေါသစိတ်များ ကြက်ပျောက်ငှက်ပျောက် ပျောက်ဆုံးသွားသည်။ ချစ်ခြင်းကမ္ဘာက ဒေါသကြီးလွန်းသည်။ သူ၏ဒေါသကို ဆုံးသွားသည့်သူ၏မိဘများနှင့် ယခုရှေ့တွင်ရှိနေသောချစ်ရသူကသာဖြေဖျောက်ပေးနိုင်ကြသည်။ ယခုတော့ မိမိ၏မြတ်နိုးရသူကို ေအာ်လိုက်မိခြင်း။
''ကိုယ်...ကိုယ်တောင်းပန်ပါတယ်''
ရင်ခွင်ထဲထွေးပိုက်ထားရန်လက်လှမ်းလိုက်တော့ သိသိသာသာနောက်သို့ဆုတ်သွားသောသူမ။
''ရပါတယ် ကျွန်မအမှားပါ''
တိမ်ကာဝင်သွားသည့်အသံလေးကြောင့် မည်မျှဝမ်းနည်းသွားမည်ကိုမျက်နှာမမြင်ရရင်တောင် ချစ်ခြင်းအလင်္ကါခံစားမိနေသည်။
''ကိုယ်တောင်းပန်ပါတယ် ကိုယ်အရမ်းစိုးရိမ်မိသွားလို့ပါ ကမ္ဘာငယ်ကိုယ့်ကိုရိုက်ချင်ရိုက် ကြိုက်သလိုအပစ်ပေးပါ ငိုတော့မငိုပါနဲ့နော်''
''ဟင့်အင်း''
ခေါင်းခါကာတစ်လုံးတည်းဆိုလာသည့်သူမကြောင်းချစ်ခြင်းအလင်္ကါသူမရှေ့ဒူးထောက်ထိုင်ချလိုက်သည်။ မိမိဘဝတွင်ဘဝမဦးဆုံး ဒူးထောက်ထိုင်ချဖူးခြင်း။
''ဘာလုပ်တာလဲထပါ ကျွန်မမငိုပါဘူး ကျွန်မမှားတာပဲလေ''
သည်ကောင်မလေးဟန်ဆောင်နေသည်မှာသိသာလွန်းသည်။ မိမိလက်ဖမိုးပေါ်ကျလာသည်မျက်ရည်တစ်စက်ကြောင်း ချစ်ခြင်းအလင်္ကါရင်ထဲမြှားအစင်းတစ်ရာစူးဝင်သွားသလိုပင်။
''မထဘူး ကိုယ်တောင်းပန်ပါတယ် ငိုတော့မငိုလိုက်ပါနဲ့နော် ကိုယ်ဒေါသမထွက်ခဲ့သင့်တာပါတစ်ကယ်ဆိုကိုယ်ကအကြောင်းရင်းသေချာမသိဘဲ စိတ်ဆိုးမိတာ အားလုံးကိုယ့်အမှားပါ''
''ဒီလိုမလုပ်ပါနဲ့ ကျေးဇူးပြုပြီးထပါ ကျွန်မငရဲကြီးနေပါ့မယ်''
''ကိုယ်မထဘူး''
နှစ်ဦးသားတိတ်ဆိတ်သွားလေသည်။ မတ်တပ်ရပ်ကာအသံတိတ်ငိုကြွေးနေသည့်မိန်းကလေးတစ်ယောက်နှင့် ဒူးထောက်ကာအံတင်းတင်းကြိတ်ထားသော အမျိုးသမီးတစ်ယောက်။
တိတ်ဆိတ်နေသောအခြေအနေကိုအသံတစ်ခုကဖြိုခွင်းသွားသည်။ထိုအသံက....
''အီးးဟီးး သူများနာမည်ကိုလဲအပြည့်အစုံတပ်ခေါ်တယ် ငါလို့လဲသုံးနှုန်းတယ် သူများအခန်းထဲဝင်လာပြီးတော့လဲသူများကိုအော်တယ်''
ထိုအသံလေးကြောင့်ဒူးထောက်နေသောအမျိုးသမီးမှာချက်ချင်းထလိုက်ပြီးထိုအသံပိုင်ရှင်ကိုရင်ခွင်ထဲဆွဲသွင်းဖက်လိုက်သည်။
''ဟုတ်ပါတယ်ကိုယ့်အမှားပါ မငိုပါနဲ့တော့နော် ကမ္ဘာငယ်လေးစိတ်တိုင်းကျအပစ်ပေးပါနော်''
''သွားပါအခုမှလာမဖက်နဲ့! သူများကိုအော်တုန်းကအော်ပြီးတော့''
''ကိုယ်တောင်းပန်ပါတယ် ကိုယ်နောက်တစ်ခါမအော်တော့ဘူးနော် ဒီတစ်ခါတကယ်နောက်ဆုံးပါ ''
''ဟင့် ဟုတ်လို့လား?''
မျည်ရည်ရွဲနေသောမျက်ဝန်းအစုံနှင့်မော့ကြည့်လာသောသူမကြောင့် ချစ်ခြင်းအလင်္ကါတစ်ယောက်သူမ၏နဖူးပြင်ထက်မြတ်နိုးစွာအနမ်းခြွေလိုက်မိသည်။
''အင်း ကိုယ့်အချစ်တွေနဲ့ကတိထားတယ် ဒါကြောင့်ဝမ်းမနည်းပါနဲ့တော့နော်''
''နောက်တစ်ခါဆိုကျွန်မရှင့်ကိုယုံတော့မှာမဟုတ်ဘူးနော်''
''စိတ်ချ!နောက်တစ်ခါဆိုတာမရှိစေရဘူး ''
''ပြီးရော''
လွမ်းကမ္ဘာ သူမ၏ခါးကိုတင်းကြပ်စွာဖက်ကာရင်ခွင်ထဲပိုမိုတိုးဝင်လိုက်မိသည်။
''တစ်ကယ်တော့လေ ကျွန်မတမင်သက်သက်အော်လိုက်တာ အဲ့လိုအော်မှရှင်ကရောက်လာမှာမို့လို့...''
''ကမ္ဘာငယ်ရယ် ကိုယ့်ကိုခေါ်လဲကိုယ်လာမှာပေါ့ နောက်တစ်ခါဒီလိုစိတ်ပူရအောင်မလုပ်ပါနဲ့နော်''
''ဟိုတစ်ခါချက်ချင်းမလာဘူးလေ.... ''
''အဲ့ဒီတုန်းက ကိုယ်အိမ်သာတက်နေတာလေ ကိစ္စမပြီးပဲဘယ်လိုချက်ချင်းလာမလဲ''
''ဟွန်း ရွံစရာကြီးလာပြောနေတယ်''
နှာခေါင်းရှုံ့ကာရင်ခွင်ထဲမှထွက်သွားသောကမ္ဘာငယ်လေးကြောင့်ချစ်ခြင်းအလင်္ကါပြုံးလိုက်မိသည်။
''ဒါနဲ့ ကိုယ့်ကိုလာစေချင်တာဆိုတော့ ဘာကိစ္စရှိလို့လဲဟင် လွမ်းလွန်းလို့လား?''
''ရှင့်ကြီးတော်ကိုလွမ်းလွန်းလို့... ဒီနေ့က ရှင့်အပြုံးကိုပထမဆုံးမြင်ဖူးတဲ့တစ်နှစ်ပြည့်နေ့လေ''
နှုတ်ခမ်းလေးစူကာပြောလာသော ကမ္ဘာငယ်လေးကြောင့် ချစ်ခြင်းအလင်္ကါခင်မျာ အတသက်ရှူရပ်မတတ်ဖြစ်သွားသည်။ဒီလိုနေ့မျိုးကိုတောင် ကမ္ဘာငယ်လေးကမှတ်ထားမည်ဟုမထင်မိ။
''ရော့! လက်ဆောင်''
ပြောစရာစကားပျောက်ဆုံးနေသောမိမိဆီသို့သူမကဘူးလေးတစ်ဘူးကမ်းပေးလာသည်။ယူ၍ဖွင့်ကာကြည့်လိုက်တော့
''ဟင်.. အသဲပုံတစ်ပိုင်းပုံစံချောကလက်''
''ဟုတ်တယ်.. ဒါပေမယ့်မဟုတ်ဘူး ကျွန်မပြောတာက အဲ့လိုပုံစံဖြစ်နေတာမှန်တယ် ဒါပေမယ့်စလုပ်တုန်းကအဲ့လိုပုံစံမဟုတ်ဘူး ရှင့်အတွက်အများကြီးလုပ်ထားတာ ကျွန်မမြည်းကြည့်ရင်းနဲ့ အရှိန်တက်သွားလို့ အဲ့တပိုင်းပဲကျန်တော့တာ အသစ်ပြန်လုပ်ပေးဖို့ကလဲမမှီတော့လို့''
ချစ်ခြင်းအလင်္ကါရယ်ချင်မိသွားသည်။ သို့ပင်မယ့်လည်းမရယ်ရဲ...တော်ကြာစိတ်ထပ်ကောက်နေလျှင်ခက်မည်။
''ကမ္ဘာငယ်ကိုယ်တိုင်လုပ်ထားတာလား?''
''ဟုတ်တယ်.. ဘာလဲမစားရဲလို့လားဒါဆိုပြန်ပေး ''
လွမ်းကမ္ဘာပြန်လုယူဖို့ပြင်တော့ ချောကလက်ကိုယူကာသူမ၏ပါးစပ်တွင်းဆတ်ခနဲကောက်ထည့်လိုက်၍ ခေါင်းတစ်ငြိမ့်ငြိမ့်နှင့်ဝါးကာလက်မထောင်ပြလာလေသည်။
''ဒါနဲ့လေ ရှင့်ကိုတောင်းဆိုစရာရှိလို့....ရှင့်တိုက်ခန်းကိုရောင်းပြီးကျွန်မတို့နဲ့တူတူလာနေပါတော့လား...''
''ဘာလဲ ကမ္ဘာငယ်ကဆန္ဒတွေစောနေပြီလား?''
''ရှင်မဟုတ်တရုတ်ပြောဖို့တွေးမနေနဲ့ ဘွဲ့ရလို့လက်ထပ်ပြီးရင်လဲတူတူနေရမှာပဲလေ အဲ့တာကြောင့်မထူးတာနဲ့ခုပဲလာနေခိုင်းလိုက်တာ''
မျက်စောင်းထိုးကာဟောက်လိုက်တော့ ပါးစပ်ပိတ်သွားသည့်သူမကတစ်ကယ့်ကိုကလေးတစ်ယောက်ကဲ့သို့ပင်။
''နေမှာမလား မနေလဲမရဘူးလာနေရမယ်''
''ကိုယ်နေတာကဟုတ်ပါပြီ မေမေကခွင့်ပြုပါ့မလား''
''ခွင့်မပြုပဲနေစရာလားသမီးရယ် မေမေကဖြင့်လာနေစေချင်တာကြာပေါ့''
အခန်းရှေ့မှထွက်လာသောအသံဆီသို့လွမ်းကမ္ဘာနှင့်ချစ်ခြင်းအလင်္ကါတို့နှစ်ယောက်လှည့်ကြည့်လိုက်မိတော့ ဘယ်တုန်းကရောက်နေမှန်းမသိသည့်မေမေကာ ခုံတစ်လုံးပေါ်အခန့်သားထိုင်လို့။ ဘူးတစ်ဘူးကိုလက်မှလဲကိုင်ထားပြီး ကျန်တစ်ဖက်နှင့်လဲဘာမှမရှိတော့သည်ဘူးထဲနှိုက်နေသေး။
''မေမေဘယ်တုန်းကရောက်နေတာလဲ''
''ဒူးထောက်ကတည်းကရောက်နေတာ''
''ဒါကိုများဘာလို့ဝင်မဖြန်ဖြည်ပေးတာလဲမေမေရဲ့''
''ပြီးရင်ပြန်တည့်သွားကြမှာပဲကို ဘာမှဟုတ်တာလဲမဟုတ်ပဲနဲ့ ငါဝင်ရင်ငါပဲပင်ပန်းမှာ ဒါကြောင့်ပဲထိုင်ကြည့်နေတာ''
''ဒါဆိုအကုန်မြင်လိုက်တယ်ပေါ့''
''ဒါပေါ့''
(အမယ်လေးရှက်လိုက်တာ)
စကားပြောပြီးမျက်နှာများနီမြန်းသွားကာတစ်ဖက်သို့လှည့်သွားသောကမ္ဘာငယ်လေးကိုကြည့်ကာ ချစ်ခြင်းအလင်္ကါအူယားနေလေသည်။
''အခုမှရှက်မနေပါနဲ့အေ ငါလည်းထိုင်ကြည့်နေတာ ပေါက်ပေါက်တစ်ဘူးလုံးကုန်သွားပြီ သမီးလည်းဒီမှာပဲအိပ်လိုက်တော့ ငါလည်းအိပ်တော့မယ်''
''ဟုတ်မေမေ''
ခုံကိုသိမ်းကာထသွားသည့်မေမေကမိမိကိုတစ်ချက်ပြန်ကြည့်ပြီး
''တံခါးပိတ်ပေးခဲ့မယ် ကောင်းကောင်းမွန်မွန်နားကြ''
ဟုပြောပြီးအခန်းတံခါးပိတ်ကာထွက်သွားလေသည်။
''အဲ့တာရှင့်ကြောင့်!ခုတော့မျက်နှာပူစရာတွေ''
''ကမ္ဘာငယ်ကလဲ ~~''
''ကဲပါ အိပ်တော့မယ် ငိုထားရတာကျွန်မပင်ပန်းတယ်''
ပြောနေရင်းကုတင်ပေါ်တက်လှဲလိုက်သောသူမနား ချစ်ခြင်းအလင်္ကါအသာပြုံးပြီးလိုက်ကာတက်လှဲလိုက်သည်။ အောက်ခြေမှစောင်ကိုဆွဲယူကာနှစ်ယောက်လုံးလုံအောင်သေချာခြုံပေးပြီး သူမကိုရင်ခွင်ထဲထည့်ကာဖက်လိုက်တာ မိမိကိုမော်ကြည့်လာသည့်မျက်နှာလေး။
''ချစ်တယ်.. အွတ်!"
မိမိနှုတ်ခမ်းပေါ်ကျရောက်လာသည်နွေးထွေးနူးညံ့သောအထိအတွေ့ကြောင့်မျက်လုံးများပြူးသွားရသည်။
''လွမ်းလဲ 'မ' ကိုချစ်တယ်''
မိမိရင်ခွင်ထဲတစ်ဖန်မျက်နှာပြန်ဖွက်ထားသောသူမကြောင့်မျက်နှာထက်အပြုံးထပ်ဆင်မြန်းမိပြန်သည်။
''ကောင်းသောညပါကမ္ဘာငယ်''
''ကောင်းသောညပါမ''
(ဒီညတော့အိပ်မက်တွေပိုမိုလှနေတော့မယ် ကမ္ဘာငယ်ရယ်)
#############
ချစ်ခြင်းတရားက ထပ်တူကျမှပိုမိုလှပတာမို့
ကိုယ့်ရဲ့ချစ်ခြင်းတွေကို မင်းရဲ့ချစ်ခြင်းတွေနဲ့ထပ်တူကျခွင့်ပြုခဲ့တဲ့အတွက်...
ကျေးဇူးတင်ပါတယ်ကမ္ဘာငယ်
ချစ်ခြင်းအလင်္ကါ🖤
~~~~~~~~~~~~~~~~~~~~~~~~~~~~~~~~~~
အချစ်ရှိလို့အလွမ်းဆိုတာဖြစ်ပေါ်လာတာပါ
ဒီစကားကိုပြောရမှာ မေမေ့ကိုအားနာမိပေမယ့်
'မ' ရှိနေလို့သာ လွမ်းရပ်တည်နေနိုင်တာပါ
လွမ်းကမ္ဘာ💙
~~~~~~~~~~~~~~~End~~~~~~~~~~~~~~~
Dec16(2021)