✦✧✦
CLENG
Joon Villamontano? Hindi ako gano'n kapamilyar sa mga Green Giants pero alam kong sikat nga sila. I guess even athletes go to parties from time to time.
"Mare, si Joon nandito!" kinikilig na sabi ni Jeb.
"Oo mare, narinig ko!" Malaki rin ang ngiti sa mukha ni Bey. "Nandito rin kaya si Kyle? Crush ko 'yon eh!"
I sighed. I really want to go home right now, kaso wala akong choice dahil wala akong kotse at wala ring pang-Grab. Napatingin ulit ako doon sa mga nagkukumpulan na mga babae. I guess this is better than being there in the middle of that mess.
Dahil busy pa makitsismis ang mga kaibigan ko, lumayo muna ako para hanapin ang CR. Nasaan nga ba 'yon? Dapat pala ay nagtanong muna ako kina Bey. Hindi naman ako sanay sa mga ganitong lugar.
Sa sobrang sikip at dami ng tao, kung saan-saan ako napadpad. Ilang minuto na ang lumipas at hindi ko namalayan ay natulak na pala ako papunta sa bar counter.
"What drink are you having, Miss?" tanong sa 'kin ng barista.
"Oh, sorry! I-I don't have money to buy a drink," I answered nervously.
"Ako na magbabayad ng drink niya. Give her anything."
Paglingon ko, may isang makisig na lalake akong katabi. "Naliligaw ka yata? Para kang pupunta ng birthday party," aniya. He gave my body a full look from head to toe.
Napasalumbaba na lang ako roon sa counter. "Sorry naman, I didn't mean to stand out like this. Akala ko kasi birthday talaga ang pupuntahan ko."
Natawa siya nang malakas. Tingin niya yata ay nagbibiro ako. Medyo cute siya tumawa kaya napangiti ako.
Dahil medyo komportable ako sa kanya, tinuloy ko ang pakikipag-usap. "At least I don't stand out like some guy over there." I used my thumb to point to the direction behind me without looking.
"Bakit, sino ba ang nag-stand out doon?"
"Joon daw? Joon ata or John, 'di ako sure." I shrugged.
Dumating na ang drinks na nilibre niya. Itinulak ko 'yong baso sa kanya dahil hindi ako umiinom. "Sorry, wala akong pambayad for this drink."
"Hindi mo ba type ang mga gano'n?" tanong niya habang nilalaro ang stirrer ng cocktail. "'Yong mga lalakeng tulad ng Joon na 'yon?" Itinulak niya pabalik sa'kin 'yung baso. "Don't worry, it's on me."
Tila mayroon kaming magkaibang topic na sabay pinag-uusapan. I had to bite my lip to stop a smile. I found our two-way conversation cute.
"Oo. Hindi ko pa nakikita ang itsura niya pero sigurado akong mayabang 'yon." Ngumiti ako at dahan-dahang ginuhit ang aking daliri paikot sa rim ng baso. "Gano'n naman lagi kapag sikat at mayaman."
"Mayabang agad? Grabe ka naman." His chuckle was bright, almost melodic. The glass is now in the middle between us. Slowly, his finger traced the curves of the glass. My throat throbbed, finding his little gesture... sexy. "Malay mo, mabait pala 'yon," dugtong niya na nagpagising muli sa akin.
"For sure, mayabang 'yon." Nilipat ko ulit ang baso at nilagay sa harapan niya. "Spoiled, entitled, and most likely a playboy! Gabi-gabi, iba-ibang babae ang kinakama!"
"Akin na lang 'yan kung hindi niyo iinumin!" Biglang may kumuha ng baso na kanina pa namin pinagpapasahan. Katabi ko na pala si Jeb at sumingit siya sa gitna namin.
"Joon! Nandito ka pala, bro!" May lumapit sa lalakeng kausap ko at inakbayan siya. "Tara, maraming naghahanap sa 'yo."
My heart suddenly skipped a beat. What?
"Yes, going!" Kinindatan niya ako bago umalis. "By the way, may isa kang mali. Hindi ako gabi-gabing may kinakama."
Nilapit niya ang bibig niya sa tenga ko at bumulong, "Pati sa umaga rin." Ngumisi siya at tuluyan nang umalis.
Namula ang buong mukha ko sa sobrang hiya.
"Oh my god, Cleng! Si Joon pala 'yong kausap mo!" Jeb shook me while stating the obvious. "Sorry mare, hindi ko napansin agad kasi madilim!"
Waah! I just humiliated him directly! Teka, ako nga yata ang na-humiliate. Sa sobrang embarrassment ay bigla kong inagaw 'yong baso ng alak kay Jeb at inubos ito nang isang tunggaan.
"Whoa, chill!" Nagulat siya sa ginawa ko. "Dahan-dahan, Cleng! Alam mo naman ang nangyayari 'pag nalalasing ka!"
"OMG!" Bey finally saw us and joined in. "Is Cleng Kerengkeng coming to town?" she yelled excitedly.
Hindi ako umiinom ng alak dahil nagbabagong-anyo ako kapag nalalasing. I become a total flirt when I'm drunk, the exact opposite of Cleng the Virgin. Nawawala ang lahat ng mga inhibisyon ko at sinasaniban ako ng isang malanding espiritu.
"Wassup, bitches!" Itinaas ko ang basong inubos ko nang pabaliktad.
"Wooh! Cleng Kerengkeng is in the house!" Kinuha ni Bey ang isa ko pang kamay at itinaas din ito.
"Uh-oh," nag-aalalang reaksyon ni Jeb. "Oh well, time to party!"
Panay inom at sayaw naming tatlo na parang wala nang bukas. Halu-halong vodka, tequila, at rum na ang mga pinag-iinom namin. Umakyat pa nga kami ng stage dahil wasak na wasak na kami, at sumasayaw na sa tabi ng DJ.
"Jeb! Dali, hanapan na natin ng boylet si Cleng habang nasa mood siya!" suhestiyon ni Bey.
"Ako bahala!" Tumango si Jeb sa kanya. "Expert yata ako sa pag-wing man!"
"Sige nga. Kung expert ka talaga, madadala mo ba rito si Joon?" Humahagikgik na ang lasing na si Bey.
"Sus! 'Yon lang?" Biglang sumigaw nang malakas si Jeb, "Hoy, Joon! Nasa'n si Joon Villamontano?"
Nagtinginan ang lahat ng mga tao sa direksyon ni Joon na panay inom na rin ng kung anu-anong alak.
"Hoy, Joon! Paligayahin mo 'tong best friend namin!" Tinuturo ako ni Jeb. "Sawi siya ngayon kasi anim silang tinuhog ng ex niya! Anim! Okay lang sana kung lima eh, kaso anim! Six!" Pumipiyok-piyok pa ang bruha.
"Pasiyahin mo siya kasi birthday niya ngayon! Birthday!" Tinataas naman ni Bey ang kamay ko.
"Hindi ko birthday! Hic!" Medyo wala ako sa huwisyo kaya hindi ko masyadong naiintindihan ang mga nangyayari.
Nagbigay-daan ang mga tao at lumapit sa 'kin si Joon. "Alright, I'll take care of your friend." Bigla niya akong binuhat mula sa stage, kinarga niya ako sa balikat at dinala ako sa dance floor. Nagtilian ang mga tao.
"Ikaw ba talaga 'yong inosenteng babaeng kausap ko kanina?" tanong niya sa 'kin nang kaming dalawa na lang ang nagkakarinigan. Lahat ng mga tao ay bumalik na sa kanilang pinagkakaabalahan. Ang mga kaibigan ko naman ay busy nang maghanap ng kaniya-kaniyang malalandi.
"Inosente? Walang inosente sa mundo!" Kinurot ko ang magkabilang pisngi niya. "Ano ulit pangalan mo? Shoon? Hic!"
"Sobrang lasing niyo nang magkakaibigan. May dala ba kayong kotse? You guys shouldn't be drinking too much."
"Sino ka ba, mommy ko?" I squeezed his cheeks with my palms, making him look like a fish. "Mommy Shark, doo-doo-doo! Hic!"
"Tipsy ka na nga!" Binunot ni Joon ang cellphone niya mula sa kaniyang bulsa at may tinawagan. "Oy, kailangan ko kayo! Punta kayo ngayon sa Revel ngayon din."
"Sino tinawagan mo? Dyowa mo?" Pinipisil-pisil ko naman ngayon ang ilong niya. "Tutuhugin mo rin ba kami?"
Napapailing na lang siya dahil sa sobrang kakulitan ko. Maya-maya ay may dalawang lalaking dumating sa club. Awtomatikong nagtilian na naman ang mga babae.
"Si Tobin! Nandito rin! Kasama niya si Anlex!"
"Anlex! Waaah! Pa-selfie, idol!"
Lumapit silang dalawa sa 'min at kinausap si Joon.
"Hoy, Joon. You better have a good reason for calling us out here," sabi ng isang lalaking may maskuladong katawan.
"Tama si Tobin! Bakit ka ba pumaparty ngayon? Nagbati na ba kayo ni Bastiel?" tanong naman ng isa pang dumating.
Nagbuntong-hininga si Joon bago sumagot sa kanila. "Kailangan ko ang tulong niyo. Ihatid niyo naman 'yong mga kaibigan nitong kasama ko sa mga bahay nila. Lasing na lasing na kasi. Ako na maghahatid dito." Inakbayan niya 'ko bigla. Kahit wala ako sa tamang katinuan, kinilig pa rin ako sa ginawa niya.
The guy called Anlex squinted his eyes and looked at me. "Miss, mag-ingat ka rito kay Joon! Kapag kailangan mong tumakas, weakness niya ang kiliti niya sa tagiliran! Don't ask me how I know."
Binatukan naman siya ni Joon. "Tumigil na nga kayo! Kung siraan niyo 'ko akala niyo kung sino kayong matitino!"
Nagtawanan silang tatlo. Tinuro na ni Joon sa kanila kung sino sina Bey at Jeb. Nang sunduin nila sila ay sobrang tuwang-tuwa ang mga bruha imbis na magtaka.
"Cleng! See you! May bago na 'kong Papa!" Nagpaalam na si Jeb habang nakayakap kay Tobin.
"Bye, Cleng! Bye, virginity!" hiyaw naman ng lasing na si Bey na inalalayan ni Anlex.
Nang makaalis na sila ay tinignan ko nang masama si Joon. "Can your friends really be trusted?"
"Oo naman." Nakita kong nag-book na rin si Joon ng Grab. "We're also going now. Saan ka nakatira para ma-pin ko?"
"Sus! Gusto mo lang malaman kung saan ako nakatira para mabalikan mo 'ko!" Lasing pa rin ako kaya pinipindot-pindot ko ang gitna ng dibdib niya. "Doon tayo sa place mo! Mas safe doon!"
Hindi makapaniwala si Joon sa sinasabi ko. Natatawa na lang siya sa sobrang kalasingan ko. "Sure ka bang mas ligtas ka sa 'kin kaysa sa bahay mo?"
I pouted my lips and nodded intensely. "Sure na sure! Final answer!"
"Fine, fine. If you say so, then I'll take you to my place."
#DrunkDiaryWP