لُقياك (عشك الذيب)

﮼البارت﮼الواحد ﮼والثلاثون

البارت السادس من الجزء الثاني .
الكاتبة:ليَّل..

قصة.. لُقياك (عشك الذيب)
حب / غموض ..
البارت الواحد والثلاثون ..

- تعبت من اللاجدوى ولم يبق لي ما أقوله لحياة قلقة
لم تعد تأبه بي كثيرا، ولا تسمعني جيداً ولا تتذكرني
إلا بمزيد من الأمراض والمآسي.

فجر
سديته من عشق كمية الخنگه الصايره عندي فضيعه
ذبيت ملابسي ولبست تراك ثخين وروب رتبت الغرفه
وصليت قريت قرآن هواي اشياء سويت وقصي ماكوووو
شغلت ايبادي وضليت اشوف فلم واني متمدده ..

انفتحت الباب دخل قصي كمزت كدامه مثل الطفله
:والله صدك تحجي طكتتت روحي طكتتتت والله
مليت ע شغل ע اهلي لا اي شي اسوي بس اكل
وانام ملـ ... سكتني باس طرف شفتي خزرته
واشرت بصبعي ..

فجر :ديربالك تعيدها وتسكتنيي ترا داحس نفسي
معوقةةة .. انتبهت حاط ايده بجيبه ومبتسم سكتت
وانداريت داروح حضني..

قصي :ليـشـہٰ سكتتي كملي داسمعج .. حطيت ايدي
على صدره وصعدتها للرتبه الي على متنه مسحتها
بخفه ..

فجر :اَنَــتْ تضحك عليه والله ضجت ..
قصي :ممكن بله زحمه تلبسين وتسويلي لگمه اكلها
واگع من الجوع ووراها تـعـآلييہ للصبح احجي ..

شكله تعبان حيل هزيت راسي ذبيت الروب ولبست
عبايه دخل للحمام طلعتله تراك خفيف ونزلت حميت
اكله لان عزلتله عنهم تمن ومرگه ودجاج حضرت صمون
وكم شغله رتبت الصينيه وصعدت شفته لابس وكاعد ينشف
شعره رفع راسه اجه اخذ الصينيه ..

قصي: اخ جيبيها تسلم ايدج..
ذبيت العبايه جنت لابسه نص ردن داخلي :الف عافيه..
لبست الروب وكعدت يمه بلش ياكل دغيت چتفه مبرطمه..

قصي :شو تعالي..سحبني الحضنه مثل قبل شلون چان
يكعدني :يا ههههہ قصي وخرني..

قصي:خل اكل لضوجني ادبسزز..گرصته من زنده..
فجر :جلدك قوووي خرب ..

ضل ياكل ويضحك واني ادردم وخرني وگام
يغسل نزلت الصينيه نضفتها وصعدت ..

ذبيت العبايه فتحت شعري وحطيت عطر خفيف
شفته لازم فونه ورافع عينه اليه صافن : نار مو بنيه..

رجعت شعري من چتفي :اعرف..
رحت للفراش تغطيت وانداريت اكمل الفلم حسيت بي
تقرب نام على شعري وايده حضنتني..

قصي: اااخ يمي انتي..
فجر : على كيف ايدك خنگتني..

بس حچيت هيج حضني اكثر حته الفلم نسيته جسمي
نحل بسبب دفو جسمه وحضنه انداريت عليه وجهه تعبان
مغمض عينه ضليت امسح على وجهه وشعره دفن
راسه بچتفي ووزع بوساته بخفه ..

فجر :قصي ..
قصي:ممسوي شي بس ذني ومابيه احجي اصلاً مو ا*** ..

ابتسمت وضليت حاضنته هو غفه عجبني شكله سحبت
الفون واخذت صورة اله ضليت اراسل البنات والفون
وايدي على ضهره ..

قصي: كتمي الاشعاراات والكيبورد ضهري صار هزاز..
فجر :ههههههههههه اسفه ماقصدي يلا نام نام ..

قصي :فدوه لضحكتج ممم فجر حجاها بنعس ورفع نفسه
تلمس خدي وطرف عيني ..

فجر : شنو ..
قصي : رغم عينچ هيچ دگم صغار بس من اعاين عليها
احس الدنيا كلها بيها افرح واحزن بسبب نضره عيونج ..

ابتسمت احس حلگي تشنج رمشت جر الفون مني ورجع نام
واني نعست هو عدل نومته وجرني الصدره غفيت على الواهس..

كعدت على صوت حچي فتحت ؏ــينيہ شفت قصي كاعد
على المكتب ويحجي برموز بس بعصبيه وشكله معصب
وجگاير يحش ..

ضليت متمدده وصافنه عليه يهز رجله بعصبيه خفت عليه
ليصعد ضغطه مشيت بهدوء يمه ومسحت على راسه لف
ايده على خصري وگعدني بحضنه وهم يحجي عجبتني
السالفه ضليت حاضنه رگبته وامشي أبهامي عليها
شفته تشنج والجكاره بحلگه ..

عضيت شفتي واخذتها منه جريت نفس منها طلعت
طيبه واللــہٰ يخزر ويگرص بيه متت ضحك بداخلي
اني اعرف ادخن اني والعنود جنه نجيب ههههہ ..

كملت سحبها من شفتي ذبيت نفس هزيت جتفي
وكمت غسلت وفرچت اسناني ماعرف ليـشـہٰ لزمتني
الضوجه اكثر ..

شفته بباب الحمام :شسويتي قبل شويه ..
گلبت عيني:دخنت نص چگارتك..

قصي: اذا تنعاد وحق الله تشوفين المشاايفتته بابا تدمرج..
فجر : ليـشـہٰ تخليني اشتري واشرب من ورا خو كدامك..

لزم حنجي قوي :ע كدااامي ولا ورايه فجر وداعتج املخج..
فجر :اي عادي وخر لتلزمني هيجج..

نترت ايده ورحت اخابر امي صدك متت قهر من حجت
:الكل متجمع بنيتي مكانج خالي والله وسوالفج مشتاقيلج
كلنه ..

خنگتني العبرة وعيني غرغرت:اني هم حيل مشتاقه الكم
احم اني اروح صاحوني .. سديته وداطلع للبلكونه اختنگت
كام من مكتبه وجر ايدي عينه تتفحص وجهي :شبيج مــنــﹻـو
وياج حبيبتي ماقصدي الزم وجهج قوي بس اخاف عليج ..

ماريد ابچي گدامه : بس هدني..
قصي : غيررر اعرففف شبيج..

غمضت ؏ــينيہ ونزلت دموعي :لصييييح عليه لصيححح
اصلاً كلشييي من وراااك ..

رحت بره كعدت على المرجوحه صغيره طگيت بچي
وكمت اناشغ حته صدري وجعني شويه وطلع يمي
جرني وراه :كافي بچي دمرتي عينج كعدي هنا واحجي
شبيج بس كليلي الي ترديه ...

نطاني مي شربته مسحت دموعي :مخنووووگه
ضااايجههه ممتعوده على كلشي هناااا ע فراشي
ע بيتي ע طلعااتي لا شغلي كلشي مو نفسههه
ومشتاااقك لأهلللي اريدهممم والله اريدددهم
اريد بيت جدو العنود رواد رسل جوان
هنااااا مو جوي ولا مكااااني وانت اَنَــتْ ماااعرف
شنووو اريد منك بس الي اعرفه ممستعده لأي شيي
ويااااك ابد احس حياتي دتمشي ورا سراب شي
مو وااضح تايههه ومخنوووگه وضاايجهههه ...

كعدت ورجعت راسي لزمني صداع قوي شفته
سحب غراضه وفونه باوعلي ضحكت من بين دموعي

:ايييي روح تهرررب عمركك كلهههه مارح تكدر توااجهني ..

ركع الباب وطلع حسيت جسمي كله تكسر وبردت رحت
عدلت الغرفه ومسحت وجهي تعودت بـ؏ـد شبيدي اسوي ..

عشق
روحي راحت من انفتحت الباب شفت وارث جسمي
كله ارتخه ووكعت على الچربايه عماد وجهه كام
يذب الوان وراد يطلع بسرعه  ..

وارث تقرب عليه ودفعه من صدره :بيا ايد لزمتهااا ..
كام يحجي ويتأتأ :ااا شو..ف هي هي صاحتني دتحجي
وياي لان نقذتها وتكلي احسنهم انت ..

احس نار مفتوحه بعيني گوه كعدت عدل وطلع صوتي
:جذذاب اخ وحق الله جذاب هو دخل حته مكتله ادخل بس
سألت مــنــﹻـو وهو هو دخل والله بابا والله وارث لصدگ بي ..

وارث :بيا ايد لزمتها ..حجاها بصرخه قويه ..
عماد :بس افهمك اني وهي واحد يحبـ..

وارث : Ϫ ههه حلو وتريد اصدگك واجذب تربااات ايدي.

هي لحضات ووارث ضربه على خشمه مده على الگاع ولوه
ايده طكة العضم سمعتها لزمتني الشهگه وگلبي دگاته بكل جسمي
ذاك يصيح سد وارث حلگه باوع عليه :شسووووالجججج احجي ..

ابو عشق :احجي بنتي لتخااافين نطيح حضه ..
سعد :ششش ششش احجي ..حضني بلگوه حچيت..

عشق:كملت مكالمة وي فجرر وو...

حجيت كلشي انتضر رد فعل وارث الي گومة لعماد
وهو يرافس  من الوجع راح سعد عليه سحلوه ثنينهم
وكلهم طلعوا وراه ضل صوت صياح وعياط دموعي تجري
ومحد يمي اجتي بنت كرم الچبيره عمرها تسع سنوات هي وسمر.

سمر :تعالي كعدي معليج بيهم يَـروحيـہۛ ..
عشق :لج واللــہٰ اكرها مابيناتنه شي ولا حاچين..
سمر :ليـشـہٰ مانعرفج احنه هسه رجلج واخوتج يجيبون حقج..

عشق :شبيكم..
سمر :احجي زمرد حبيبتي..
زمرد :عمه اعرف شغلة بس الله عليج لتخليها تضربني...

سمر :غير اموتها اذا تمد ايدها ..
بلعت ريگي جتي كدامي جسمي كله يرجف واختنگت ..

سمر :لحضه احطلج هذا آلــچ .. سوت الاوكسجين
واني بالي كله يمهم اشرت بيدي احجي ..
زمرد :ريتاج هي قفلت عليج الباب وفتحت السبلت
وهي تعرف السبلت خربان ..

عگدت حاجبي داريد احجي سكتتني واندگت الباب
وارث : ماعرف انتي هنا خيتي ..

سمر:تـعال خويه تعالي ماما زمرد صيحي
عمامج وجدج ..احسه نار اخاف ارفع عيني اله..

اجه بابا واخوتي الغرفه انملت زمرد حضنت سمر
:يلا ماما احجي ..

ابو عشق :شكو شصاير ..
زمرد :اففف ريتاج هي قفلت الباب على عمه اني عرفت
لان جنت رايحه الها حته انطيها اكل لان مماكله ريتاج
قفلت الباب وشغلت السبلت لان تعرفه خربان من عرفت
شفتها ضربتني وسالفة ه‍سه ..

سمر :سالفة هسه عمتكم هي دازته لان تكله علاقتها
برجلها موزينه استغل الفرصه وخرب بينهم .. احس
تفشلت وخاطري انكسر متت من الخنگه الكل صارو
اعصاب زيد بس سمع ريتاج نزل واسمع صياحه على
مرته ..

ابو عشق :هااااي عمتكم اذا ماربيهااا مااتسمه ..
كرم :كافي بچي بنتي كافي كلينسس سمر ..

مسحلي وجهي ورجع الاوكسجين طلعوا بره بقه
وارث سكت ويفتر بـ الغرفه شويه واجه يمي ..

:شتحسين..
عشق:لتخوووفني منك والله مو برضااتي غصبب لزمني
ومن طلعني من الغرفه البارحه مشاافني واني اكرهه
مِہטּ اني وصغيره ماطيقه صدگني وروح ابني الراح ..

لأول مره احلف بي محسيت بس بسحبته الي وايده
على ضهري حضني قوي عرفته يطلع حرگته بيه سكتت
وتحملت الوجع ماعرف شكد ضل بس الى ان صدك تأذيت..

وارث :كافي شششش ششش كسرته ومابردت ناري..
عشق: والله حته مگتله ادخل ..

وارث :اعرف شنو مربي انه بنيتي احطج بنص جيش
ماخاف عليج بس اكرة اليطخجججج خاصة هذا العينه
وصخه ..

باس راسي هديت شويه حطلي شي بـ الكانونه ..
عشق: خل نرجع ماريد ابقه هنا ..

وارث :ارتاحي هل ليله والفجر نطلع خوش..
هزيت راسي واخذتني الغفه مر اليوم كله نوم ووارث
يوكلني وماطايق احد يكره يبات بغير بيته نزلت يم بابا..

ابو عشق:صدك جذب ترحووون عشق احجي ويا..
لازمني من ايدي وواكفين دنگلهم حنروح ..
عشق:هو اني كتله نرجع وهو عنده دوام ..

سعد :بنيتي تعبانه يروح وارث وانتي ضلي
..ضغط ايده على ايدي..
عشق : ע حبيبي ارجع احسن والله..

ابو عشق : جييها يمي وارث تعالي يروح ابوچ ..
رحت يمه حضني وباس خدي: احجي شبيج..

نزلت دموعي :لج حته رجلها ضربها على سوايتهم
وهل بيت تحرم على الكل حته نسوان اخوتج هنه يروحن
لأهلهم .

عشق: احبك والله الله لايحرمني منك بس وارث..
وارث :عمي مرتي اريدها ببيتي مامتعود بدونها ..

باوعت عليه گلبي دگ بقوه جريت نفس هز بابا راسه
سحب وارث الجنط سلمت عليهم ورحت للسيارة
جابلي اوكسجين وقتي استخدمه لمدة ساعات مايحتاج
لاكهرباء ولا قنينه لان احس اختنگ بدونه مددني باس
راسي ..

طلعنه ساعه ١٢ بليل سيارته دافيه وسوالي شي يريحني
حط بطانية جوايه ورجع الكرسي فتحت فوني مابي شحن
:وارث ..

وارث :ها تعبانه اوگف .. غمضت ومسحت شعري
عشق : لا ياعيني بس فوني طفة نطيني جهازك ملل..

وارث :شگد مشتاق لكلمه عيني منج اوووف..
نطاني فونه اعرف رمزه صعب اخ فتحته تركت
كل الرسايل ورحت لليوتيوب حطيت اوكسجين حسيت
اختنگت لان متمدده ضليت اشوف افلام وشوي غفيت
فزيت من أذن الفجر..

فركت عــينيہ شفته كاعد وراسه على الستيرن
:وارث شبيك..

وارث :مابيه حبيبتي ننزل تاكلين وترتاحين ..
عشق: اي عفية احس يبست ..

وارث :يله.. اجه حط كبوس الكوت على راسي
ولزمني نزلنه الجو هسه بي ضوه رحنه للقسم
العائلي :بس اعدل اللفاف واغسل وصي أي شي
بس فدوه گهوه ..

هز راسه رحت چتفي يوجعني ذبيت الكوت واللفاف
بلگوه فتحته للسحاب مال تراك ولفيته الباند عدل غسلت
ايدي ووجهي مأساة فد مره نشفت ولبست الكوت ورحت
يمه..

ايدي بعدها بيها الكانونه لزمها وضل يفرك مكانها بهدوء
لان توجعني وماكدر اشيلها عندي ابرتين بيها نزلوا ريوگ
كامل منضره لطيف حيل ويشهي بس اني بصعوبة اكل
لان الكانونه بأيدي اليمنه..

وارث: بيض تاكلين وانتي ساااكته ولا حرف ..
عشق: ماحبه ..

خزرني وضل يوكلني الاكل كلش طيب حته البيض الي
ماحبه اكلته وشربت چاي اكو ناس وعوائل بس نايمين
على روحهم اني هم نعسانه لان علاجي بي منوم ..

كملنه اكل :وارث روح صلي .. هز راسه وراح توضه
وللمسجد كمل واجاني اني وصيت گهوه ورا الاكل
شربتها وكملت وطلعنه ..

رحنه للسياره اخذ حبايه مال وجع راس اني عدلت وضعي
واباوع للسمه شلون دتضوي نمت ماعرف شلون بس
فزيت على ينزع مني الكوت ..

عشق: شدسوي..حسيت بشفته على راسي ..
وارث : بغرفتنه احنه عشق دانومج عدل.

ذبيت الكوت ونزعني حذائي : تعال نام..
وارث : حيل اتمنى بس مالحگ علما اسبح والبس..

عشق : بدلاتك الرئيسيه جاهزه والاحتياط هم ..
وارث : معدله مريتي يله نامي عود ادزلج نغم لو فجر..
غطيت راسي : اكل عود .. سمعت ضحكته ورحت
للنوم ...

كعدت على ايد تمسح شعري عرفتها نوروز من عطرها
فتحت عيني: مشتاقتلج ماما..
نوروز: گلبي نار عليج والله من الصبح اريد أصعد
بس فجر دخلت عليج اكثر من مره كالت نايمه..

داحجي فزيت على هجوم عليه من البنات كلهم حته
بهدوم المدرسه وضحكت متت على علا شايله ابنها
وتفتر وراهم ..

عشق: لج فجررر چتفي خررب ضحىى لج عمج
موتني تگرص وخري اخ ايدي الكانونه ماماااا..

اشوف نوروز تضربهم : ولكم خنگتوها البنيه زين
عايشه من ورا وارث ..
عشق : خربيكم جتفي انفتح اللفاف..

ضحى : لج والله متت بجي ..
فجر : انتي يرادلج حجه بعد..

نغم: شو نجبو شلونج حبيبي سوده عليه وجهج تعبان..
نوروز: اسويلج شي يرم عضمج لتجعصوها للبنيه
من ترتاحين نزلي الحجيه تريدج..

هزيت راسي وبستها كامت وذني كل وحده انبطي
وعلا مدت رجلها تنوم قيصر لزمت ايدها
: لج اموت على ايدج واضافرج وشعرج..

علا : فدوه آلــچ هه متعوده اطولها حته بلمدرسه
ﮪﮪۛـوِٰاي اتخالف جنت ..ابتسمت وشفت فوني محطوط
يم راسي على الشحن..

ديم مددت على قنفه: ديموو نطيني فوني.. نطتنياه
وارث ﮪﮪۛـوِٰاي متصل وداز مسجات : يلا عوومري
بدون مطرود برا..

فجر : يلا هاي مو شكول احترام ..
علا : أي شي ترديه الله عليه صيحي البنات لاعبالج
اكلج صيحيني والله ياالله خل احير بأبني..

ضحكت وراحوا كلهم دك الفون بيدي : لج شكد ادك
صدك جذب ..
عشق : تصدك اذا اكولك هسه كعدت والله ميته تعب..

ذب نفس : بويه غير بالي عليج اكلتي ..
عشق : ע واللــہٰ كتلك بس نايمه نوروز كالت حسوي
آلــچ شي تاكليه..

وارث : حاولي لتبدلين اجي انه اسبحج وابدلج عليج
الله ولا وحده تشوفج.. احس كزكزت عليه ابتسمت وسكتت
جريت نفس: زين الكانونه ترا مأذيتني..

وارث : بس ساعتين زمان انه يمج اضربها آلــچ والفجر
وحده ونشيلها..
عشق : يـ؏ـنيہ مو خفر اليوم..
وارث : غير اشعل يومهم عيني ملزگه اريد انام بحضنج..

عشق : خوش حنام بلفراش الدافي الحلو اللطيف
ابو نفرين والبطانيه ..
وارث : ههههہ خبيثه نامي ارتاح حبيبي دفيانه
ومرتاحه انه ارتاح يله اروح..

عشق :بآيـہِ ..

الكل بدهههه يحير بيه من الچبير للصغير وارث حته
اكل يوكلني مرت الايام بكل هدوء تحسنت ورجع
وارث لأسلوب الغصب بكلشي واحجي واعترض
يكلي ..

وارث :حقي  مرتي واريدها كفرت لو تعرفين ربج
على مزاجج .. يحجيها ببرود ويخليني اشيطططط
وانفر منه اكثر ..

يتبع .. تصويت  🖤