أنتقام الضابط نمر
الكاتبة الاء محمد
رجعنا بعد غياب🫀♥
لا تنسوو التصويت+متابعه الحساب✅♥
تنوية/قد يكون البارت غير مناسب للبعض
اقتضى التنبيه
ـــــــــــــــــــــــــــــــــــــــــــــــــــــــــ
كان الله في عوني هذا الليلة.
نـمر: حبيبي كل نفس ذائقه الموت
ميرهان: اني هناا صرت أبجي
واضحك:-نـمر منووو ماات منووو
نمر: البقية بحياتج عمج أبراهيم
وبيبيتج توفو بحادث
ميرهان: هي صرخه وهي لطمه، ملخت نفسي
وهو ماسكني تهسترت، كلشش
راح يصير سنه ماشايفتهم وكلش اعزهم
ممصدكه بيوم هيج يعوفوني وثنينهم
بنفسس اليووم
_ نمرر هسسه اروح
نمر: اخذج بس اهدي حبيبتي
استهدي بالله، كلنا على هل طريق
ميرهان: صرت املخ بنفسي بدون وعي
ونمر يحااول يهديني، واني اكله:- ودينيي
خلي اشوف بلكي چذب
ام نـمر: بنيتي كلنه انموت وهذا قضاء ربج
كولي يالله، وصبري وقوي نفسج بنيتي
ميرهان: لبست اسود وعباتي وطلعت
واني احاول اجذب السمعته، اووف
والله بيبي
جانت تعزني اكثر احفادها، يالحنينه
ليشش عفتيني، طول الطريق ابجي
وصلنه وشفت الناس مجتمعه يمهم نزلت
بسرعه، رجلية ثكلو واني اسمع صياحاتهم
وبجيهم، ركضت وصرخت:- بيبيييي
شافتني عمتي ركضت عليه حضنتني
وصرت اصرخ
_ عمه صدك بيبي وعموو ماتوو
_صارت تبجي، صدك بنيتي صدك راحت
بيبيتج ونطفه شمعه بيتنا راح عمج
ونكسر ظهرنه يبنيتي
ميرهان: دخلت وشفت توابيتهم ركضت
حضنت التابوت وصرت اصرخ بكل صوتي
عماتي موتن ارواحهن ومرت عمو والبنات
ملخن وجهن، اجوي كالو:- يله نشيلهم
_ صحت لااا الله يخليكم لاا بيبي تخاف من الضلمه
_ شالوهم، وملخت نفسسي، اخخخ خسارتهم
صعبه والله، اجتني ماما كمشتني من زنودي
حضنتها وهي تكلي:-ولجج يمه كاافي لا تموتين روحج موزين عليج ترحميلهم بنيتي واقريلهم
سورة " يس" اليوم اول يوم الهم بلقبر
_ ماما هااي بيبي، ياربي ليش تختبر الانسان
بأصعب شي، شعوور الفقدان كلشش صعب
، اصير تتمنى ترجع الايام
حتى تعيش كل لحظه وياهم تكعد تشبع
منهم، شفت صبا، حظنتها وصرنا نبجي
رحت كعدت يم عمتي أم نمر
أم نمر: كافي بجي بنيتي ترحميلهم،
هاي عود نمر وصاني بيج
ميرهان: هزيت راسي، ورحت كعدت
يم النسوان، الناس صارت تطب وتطلع
صاار الليل واني لا اكل ولاشرب وبس
بچي، صوتي اختفه اجه بابا وجه تعبان
ركضت عليه حضنته:- بابا حبيبي لا تعب نفسك
_ هز راسو وطلع
رحت كعدت يم ماما وحضنتها:- أووف شكثر مشتاقتلها، أجتي عمتي كالت
أم نـمر: يله حبيبتي نـمر يكول يكول يله
ميرهان: عمه أريد أبات
أم نـمر: ولج يمه غير يكلب الدنيا، مايقبل
ميرهان: أني اطلع احاجي
أم حسان: روحي حبيبتي وتعالي باجر
ميرهان: لا أريد أبقى هنا، اجه فيصل شافني
وأبتسم رغم حزنه، رحت وكفت يمه مقابيل الباب، كمشته من جتفه وكتله:- الله يصبركم
_ هز راسه ومسح على خدي،بدون ما يحجي،
اجه نـمر يمه عززا غير لمن شفته
احس الدم نشف بجسمي صاح على عمتي
وأشرلي، رحت تقدمت وكفت يمه كتله:- أريد أبات
نـمر: يحجي وهو صاك على سنونه:- بدوون لغوة تعالي يله ماريد فضايح هسه، عالم فشله
ماروح يله شتريد اسوي سوي، بااوع بعيوني
بغضب اجتي عمتي شايله جنطتي وصايتي
، اخذتهم ولبست الصايه، كمشايدي ومشى
فتح باب السيارة وصعدت، طنكرت وهو
يباوعلي بلمرايه، وصلنه للبيت نزلت قبلهم
وركضت صعدت لغرفتي وسديت الباب
مخنووكه والله، عفت أهلي بنص حزنهم
فتح الباب شافني، اريد أبجي تقدم عليه
رفع وجهي بيده سوا طنكورة بشفته عوود
يعيب عليه، ضحك ودنك باس كصتي
نـمر: باجر أوديج لا تبجين كافي
_ كعد بصفي وسحبني لصدره ويمسح على
شعري:- كومي نامي يله حبيبي
_ هزيت راسي، طلعت تراك لونه أسود
اجه سحبه من أيدي:- هااي شنو لاتلبسين اسود
_ شنوو نمر صدك تحجي
فتح شعري وكال:- الاسود يزيدج جمال
واخااف أحسدج حبيبي
_ جريت التراك ورحت للحمام سبحت
ولبست التراك وطلعت، دامشط وصارت تنزل دموعي، نمر جان متمدد ويلعب بتلفونه:- تعاليي حبيبي
_ وييين، اشرلي على حضنه، رحت
لي يمه، جرني خلاني بحضنه وحاوط
جسمي بيده احس محتاجه لحضنه، احتضنته
ودفنت راسي بصدرة وصرت أبچي بصوت
نـمر: كاافي يروحي البجي ماراح يراد الراح
ميرهان: صعبة ثنينهم بيوم
نمر: هي صعبة،بس الله من يأخذ شي غالي علينا ينطينا الصبر ، لازم نكون اقوياء ونصبر، لان البجي لو ينفع جان الناس بجت لحد ماخلصت دموعها، وهسه نامي بنيتي وكافي تفكير
ميرهان: اني حاضنته وهو حاضني غفيت
بحضنه، وما حسيت الا على ايد تتلمس
وجهي فزيت وصار مقابيلي
نـمر: صباحوو حبيبي
_ أبتسمت:- صباح الخير كتله:- يله أروح
نمر: ايي يله
_ كمت أبدل، طلعت جبه وشيله لبستهم وهو
لبس ملابسه، كمش ايدي:- يله ننزل نتريك ونروح
_ هزيت راسي، نزلنه شفت عمتي محضره
الريوك صبحنا عليها وكعدنا تريكنه وكملنه
ونمر كال يله، صعدت يمه بلصدر وطلعنا،
وصلت لبيت عمي وكال:- أبقي هليومين
كملي الفاتحه واجي اخذج بعد يومين
_ تعجبت بيني وبين نفسي، معقوولة هذا
نـمر، نزلت والبيت ملياان نااس رحت
سلمت عليهم اووف حالهم مايسر لاعدو
ولاصديق الناس تجي وتروح تاخذ من خاطرهم
مشى الوقت وصار الليل، دنوزع أكل للناس
الي بقت علعشه، عشيناهم شفت
صبا تنضف بلمطبخ رحت ساعدتها
وصارت الساعه مايقارب الـ11 طفيت من النعاس رحت لغرفة فارغة فرشت الي وال أمي تمددت واجتي أمي تمددت بصفي خليت راسي بحضنها
ام حسان: حبيبتي شعجب بتي؟
ميرهان: نمر قبل ابات هنا
ام حسان: هل نمر يحبج
_ ضحكت بوسط حزني كتلها:- ماما تدرين شكد عمري؟
ام حسان: حبيبتي 17
_ واني احس نفسي عمري 100 كبرت
كلشش اهواي اشياء صارت وكبرتني تفكيري
قبل ويين وهسه ويين
ام حسان: بنيتي صبري هذا نصيبج من الدنيا
، ( وأرضو بما كتبهُ الله لكم) توكلي على الله
وألف حلال يحلها
ميرهان: ابتسمتلها وبستها براسها:- شلونه سكنكم الجديد
ام حسان: صح غربه بس اتحسيهم احسن
من ناسج، ناس طيبين وعلى نياتهم
_ ماما وين بلضبط بيتكم
_ بأربيل بمنطقة كلشش حلوة
_ اخذتنه السوالف لحد ما غفينه ثاني يوم
كعدت هوسه وتعزيل وناس تنضف وناس طابه وطالعه نضفنا البيت والحديقة وغسلت الطارمه
متت تعب احس ظهري راح ينكسر من التعب
وخطية كلها تشتغل
ومحد كعد حتى الزلم تشيل بلجدور
تعبت من التنضيف كلت اروح اتمدد شويه،
هستوني اريد ادخل صاحوو ميرهاان نمر اجه ياخذج سحبت نفس بضوجه هسه مو كال
اجيج وره يومين
اجه على بالي التلفوون عزااا بعيني
خاف لكاه جريت صايتي وطلعت كلي:- هلا بوية
_ هلا بيك
نمر: يله بوية نمشي
_ نمر تره كتلي يومين
نمر: يله انتضرج بلسيارة
_ رحت اجيب جنطتي وسلمت على ماما
امشي وتوصي بيه، صعدت واني
ضايجه كلشش مشينه واني ما منتبها
للطريق وكفت السياره انتبهت هذا البيت مال نمر
شكدد اكرهوو كتله:- نمر شنسووي هنا
_ نزلي حبيبي
ميرهان: نزلت فتح الباب ودخلنا كمش
ايدي وجرني وراه للبيت مليان ورد جوري
ونفاخ ودنيا ضلمه وشمووع كلشش
حلوو المنظر:- هااي شكووو نمر
_ كل عاام وأنتي الحب گمر كحلية
كل عام وأنتي سيدة قلبي و حبيبتي لـ نهاية العمر
ميرهان: بس اليووم ماا عيد ميلادي
نمر: ايي حبيبي، بس اليووم عيد الحب
ميرهان: وليشش احنى حبايب وماا ادريي
_ لا ياابوية أنتي مريتي
ميرهان: خله ايده على خصري وسحبني
عليه بااسني وكال:- تعااي
كمش ايدي وجرني وراه دخلت للغرفه مال النوم مسويها عباره عن ورد وصوري بكل مكان جاب بوكس هديه فتحها وطلع كلاده ذهب عباره عن قلب ومكتوب أسم نمر وحرف أسمي لبسنيها واني مثل اللعابة يحركني بكيفة، مشاعري متخربطه
باس كصتي وكلي:-أقسم إني تجاوزت الحب
وبدأت أتنفسكِ أحبج گمر كحليه
ميرهان: نـمر أنت شارب موو
نمر: اصحى من الييوم ماكوو أبد صاحي فد مره
بس اذا تكليلي سكرت بيج أكلج ايي لان
ملامحج اقوة من الخمر
_ ببلوتوث الغرفة فتح اغنية أليسا مكتوب ليك،
خله ايديه على متنه وخر حجابي وفتح شعري دنه وجه يم ركبتي اخذ نفس وصار يدندن وي الاغنيه
يركص بيه على انغام الموسيقى
كال:- راح نبدي من جديد ونخلي الماضي ورانه ونعيش بحياة مليانه حب وأني أسف على السويته
ميرهان: مخلي راسه بركبتي ويحرك بيه
نمر: أسف حبيبي ئذيتج
ميرهان: أريد اخلي كلشي وراه ظهري
وابدي وياة حياة جديدة بس اجه
أباالي كل الي سوا بيه، اليالي الي جنت مانام بيها من الألم دفعته بقوة كتله:-ما اسامحك ولا تقنعني بهاي الاكاذيب مالتك ولا راح يجي يوم اتقبلك، تدرري أنت شسووويت بيه هاااا
_ يباوعلي بعيونه حزينه وندم، واني
اختنكت صرت أبجي وأحجي:- نمر أنت
شسووويت بيه أنت أكثر شخص حطمني أنت حطاامي أنت موتتتنيي أنت ذلييتني
هيج الي يحبك تجازي هيج أنت غدار
_نمر أنت غدرتني ما أثق بيك بعد، أكثر من الحب الي وهمتني بي قبل زواجنه، وطلع كله اكاذيب
بس حتى تنتقم من شي مالي علاقة بي،
حرمتني من دراستي ومن أهلي وما بس أني
حتى أهليي خليتهم يكعدون على حديدة طلعتهم
منا وتريدني هسه أسامحك عمررري كله
ياانمر مراح أسامحك ولا راح اتقبلك
_ بقى صاافن بيه بصدمه:- شتريدين اسويلج بس أنسي الصار بينه
ميرهان: صحكت بصوت:- تحلمم وهسه يله اريد اروح لبيت اهلك، هزر راسه بأسى:- مااشي
_ لبست شالي وهو مبين عليه راح ينفجر
من الكلام الحجيته بسس جاان قليل بحقه
صعدت بلسياره وجهُ مايكصه السيف عاصر ايده علستيرن وساق بسرعه جنونية كلت
راح يكلبنه اشووف السيارات مخاطف، من
الخوف قريت ألف أية وهو وجه أحمر
وعيونه يريدن يطلعن
_ وصلنه للبيت واني بعداد الموتى
كلت ما نوصل ننكلب، يمه متت من
الخووف فتح الباب ونزل طبك الباب
بكل قوتة نزلت وراه دخلنه للبيت شفت
عمتي كاعدة تباوع مسلسل شافتني، بوستني واخذت من خاطري وكالت:- وين جنتو من
زمان نمر كال راح نجي
_ تعطلنه ازدحاماات، نمر صاح:- سووليي چاي وصعدو ورايه للغرفة
_ التفتلي وكال:- سمعتيي، هزيت راسي
رحت اسوي چاي احسن من مايسويله عركه
هسه، سويت الچاي وديته اله لكيته
يضرب بهذا مال الجيم مال بوكسيات، يمه عزاا لا يضربني كلتله هاك هاي الچاي اجه يمشي عليه اخذ الكوب مني وشمره بلحايط تفلش الكووب، اني من الخوف رجليه وحده اطك بوحده كمشني من حنجي وعصره بيده صرخت:- اخخ نـمر شبيك
نـمر: شنوو الي بالج هااا شنو الي تريدين توصليله أحجييي
ميرهان: مااريد شي بس عوفني
نمر: على موود منوو ترفضينيي أحجيي
_ اني أحس كلبي راح يطلع من مكانه من الخوف أجتي عمتي علصووت وخرتني من ايد نمر
أم نمر: شبيك تخبلت أنت هستوك جبتها، بدت رحمت الله وياكم مو بزعتونيي تره الله ياخذني واخلصص
ميرهان: اني رحت لغرفتي وقفلت الباب، وكعدت أندب حضي ابااوع اديه يرعشون من الخوف مر وقت واني شابكه رجليه ومخليه راسي بنصهم
، ندفر الباب طفرت فتحته
نمر: ليشش قافلته
_ هاااا
_ هز راسه وكال:- أنتي الي جنيتي على
نفسج ومنا وهيج شوفي الي حيجيج مني
ألج، تمدد علجربايه:- طلعي بره
_ بقيت صافنه رجع صااح:- يييله
نزلت كعدت بلهول عمتي نامت وساره اصلاً ماشفتها وعباس مادري وينه صارت ساعه بـ 1 بليل
واني ما كدرت انام ومنا البيت كبير فيخووف
شفت خيال نزل من الدرج يمه متتت
خووف طلع نمر اجه كال:- صعدي ناامي فوك،
كمت واني مامصدكه يكولي رحت وجاان اشووف مطلع التلفوون مالتي ومخلي على مخدتي
أنيي أهنا كلت بكلبي ياارب اوكفلي
، تقدمت علتلفون شلته من المخده التفتت
نمر واكف ورايه مبتسم ورافع حاجبه كال:- شكد شفت كح** بس مثلج
ما شفت أنتي حيرتيني مللتيني كرهتينيي بيج
لجج أنتي متووبين هااا
_ زمخ بيه:- منيييلج هذا
حجيت واني اتئتى من الخووف:- نمر والله هذا جبته حتى اتواصل وي أهلي وياسه
نمر: والله دنعل أبوج لابو ياسه لابو كل كح** مثلج
ميرهان: بس أفهمك، كفخني براشدي، كمشني من شعري ورفعني:- تحبيين اذلج وأهينج وأضربج، جسمج تعود على الضرب مووو
_ نمر والله، بعدني ممكمله، ضربني راشدي ثانيي كال:- أنتي ساقطه وادبسزز، فتح الخانه جر حزامه، اني صرت أرجف
نمر: أنتي يرادلج تربيه من جد وجديد
_ نمر الله يخليك والله ما اعيدها بعد حباب،
بعدني داحجي وضربني على صفحت جسمي صرغت ولوعه الضربه مثل السجين الحاره
أجت على ظهري صحت بلكاع رجع ضربني،
أبجي واصيح واشهك الألم يذبح، صاار يضرب
بيه بدوون وجع گلب، أني أصررخ كمش حلكي:- أدبسززز صوتج لا مثل صوت الكح** بس صياح، جاب حجابي ولفه على عيوني وحلكي صار يضرب بيه لحد ما تعب واني تبندت من الألم صوتي مبح
من الصراخ والبچي دموعي جفت وخر الحجاب من وجهي:- قلييل بحقج، رفعني من الارض واني رووح احسها دتطلع جسمي ماا احس بي، طبكني على الحايط
وهمس:- راح يبدي تعذيبج والله، والله الا أخليج تتمنين المووت وما تلكي خنكني ورفعني بيده اني، بس الهوا يدخل ويخرج وما نطيت اي رده فعل
نمر: وياامن دتخونينيي احجييي
_ يصرخ بوجهي واني، رجليه يرافسن دالطقط انفااسي الأخيرة وخر ايده وطحت بلكاع صاار وجهي يم رجله دفر وجهي:- أنتييي هنااا مكانج جاب كلبجه وكلبج ايدي بلشباك وشد عيوني،
جسمي ينتفض صوتي اختفى عيوني جف الدمع بيهم اختنكت من الربطه الشد عيوني بيها،
وكلبجات وجسمي كووة كاعده احس بي،
روحي تريد تفر من الوجع
_صرخت صرخه البيت كله فز، يمكن
الميت هم حس بيه وهما محد حس ولا اجه خلصني من ايده، شووية واسمع صوت عمتي قربت عليه وخرت الربطه من وجهي ولطمت على وجها صااحت:- سووده بوجهيي
صارت تصيح على نمر يجي يفتح الكلبجه
ماقبل:- نمر أفتحه لاهسه أكتل روحيي هنا
نمر: يمه الخااطر الله عوفيها تموت أحسن
الها هي هاي الي تريده
ام نمر: ولك نمر لا تموتني ولك شلعت كلبي
الساعه بـ 3 الناس نايمه وأنت تضرب بهل مسكينه
_ فتح ايدي واني طحت بلكاع صاار غواش على عيوني الدنيا افترت بيه اصواتهم صرت اسمعها بعيده اغمض وافتح اشوف الجو صار يضلم ما حسيت على شي بعد، حسيت على عمتي
تحاجي بيه وتضرب على خدي شهكت أريد الهوى
ماجاي يكفيني دانازع صرت اصرخ:- اخخ عمه رااح أموووت، نمر وكف فوكاي كال:- شنووو يوجعج أني مكمشه بيد عمتي كلتلها:- عمه راح أمووت
أم نمر: ولك نمر الله عليك يمه خلي ناخذة للمستشفى
_ يباوعلي بكل بروود كال:- هسه تصير زينه
هذا مجرد عقاب بسيط الها
_ أبچي واحاجي عمتي:- عمه ليشش هيج
يصير بيه شنوو سوويت بلدنيا وهيج تسووي بيه
ام نمر: يروحي لا تكوليين هيج اسكتي لا تحجين شي هسه
_كومتني رحت للجربايه واني كوة يله
وصلت جسمي متبند من الألم نمت علجربايه
وعمتي كعدت بصفي، حاولت اغمض
عيوني الظلام عند أفضل من أي شي
طلعو من يمي ثنينهم والألم كاعد يزييد
ما يخف صرت اتلوى من الوجع
_حاول اكووم اريد اسبح بلكي يخف
الالم باوعت بلمرايه، فزيت من شكليي
هاااي شنو!!! تصدكون ما عرفت نفسيي
أثار الحزام على ركبتي وصدري وجسمي كله
خشمي طاك دم وجاامد وشفتي
متشككه وشعري مكفش فتحت
الدوش على جسمي، شهكت......
للحكاية بقية.....
لاتنسوون التصويت +متابعه الحساب✅♥
حسابي الأنستا ضيفوني
حنزللكم بي شي يخص البطلة
أنتو طلبتو من أهواية♥