ملوك الجندي
الحلقة السابعة
€€€€€€€€€€€
في قصر الجندي
€€€€€€€€€€€€
نزلت البنات الي الاسفل و جلسو فى انتظار الشباب حتى يتوجهو الي الشركة
و لحظات و ستمع الجميع لصوت صراخ شديد فاسرعو الي مصدر الصوت
وجد الجميع اسد و مهران ينامون على السلم و هم يتالمون بشدة
مهرة : مالكم في ايه
اسد بالم : منك لله يا فيروز
مهران بالم : عينك وصلت يا شيخة
فيروز ببرود : قوم منك ليه لمو اللي وقع منكم
اسد بالم : باردة و الله لحرمك من الاكل بس اقوم الاول
مهران بالم : تعالي ياض ساعدنا
فهد بضحك : و الله منظركم عسل
ايهم : قوم ياض منك ليه
مهران بالم : ااااااااااااه و نبي تعالي ساعدنا ينوبك ثواب
ايهم : و انا مالي
مهرة : تعالو حبايبي اساعدكم
ايهم و هو يضمها لحضنة بشدة : تساعدي مين دول عجول و الله مش عارف خلفتي دول اذاي
مهرة بكسوف : ايهم ابعد
اسد : مش وقت حب ارحمونا
شامل بضحك : تعال يا حبيبي تعالي
وقف الشباب و هم يتالمو بشدة من الواقعة و كانت فيروز تنظر لهم ببرود
فهد : يالا فيروز
نظرت له فيروز ببرود و خرجت خلفة
فهد : يا رب صبرني
ايهم بضحك : خلاص انت لبست ملناش دعوة
فهد : بابا انا ابنك ساعدني
شامل : مليش دعوة
فهد بجدية مضحكة : اذا انا ادبست و مفيش تراجع يالا سلامة عليكم
خرج فهد و هم يضحكون عليه
€€€€€€€€€€€€€
في سيارة فهد
€€€€€€€€€€
كانت فيروز تجلس في السيارة بكل برود و عظمة و ركب بجوارها فهد و نظر على ملابسها
فهد بغضب : انا كام مرة اقولك اللبس ده يتغير
فيروز ببرود : انت تحكم اختك و بس انا ابويا لسه عايش و ليا اخواتي الرجالة وبس
فهد بغضب : ماشي يا فيروز ماشي هنوصل الشركة ممنوع تتكلمي مع حد ممنوع تضحكي ممنوع تقفي مع حد مفهوم
فيروز بسخرية : ايه رايك متنفس بردو
فهد : يكون احسن بردو
فيروز بسخرية : و نبي متعيش جو سي السيد
فهد : ايه اللي حصل لبطنك
فيروز : ملكش دعوة
فهد بغضب : و عزة و جلالة الله لو متعدلتي لعدلك انا الظاهر ان دلع الكل ليكي بوظك و انا اللي هربيكي من اول و جديد
فيروز بغضب : انت اهر واحد تتكلم علي التربية لاني تربية ايهم الجندي اللي هو نفس الراجل اللي مربيك يبقي يا بيه يا محترم ربي نفسك الاول و بعد كده فكر تربي باقي الناس
فهد بغضب : قسما بالله يا فيروز لوريكي و هعلمك التربية
فيروز ببرود : لما نشوف يا بن الجندي
فهد بغضب : هنشوف يا بنت الجندي
جان : طيب يا ولاد الجندي وصنا و كملو خناقة فوق علشان الواحد صدع بصراحة
فيروز بابتسامة : سلمتك من الصداع جان يا مان
جان بضحك : و الله يا صديقتي كنت اتمني ابقي هو بس يالا بقي
فيروز بضحك : و الله انت احلي منه هو طويل على الفاضي لكن انت عيون و شعر و حلاوة
فهد بغضب : هو انا مش قاعد و لا مليش لزمة
فيروز ببرود : مش عجبك انزل
فهد بغضب : انزلي قدامي هو يوم باين من اوله غوري يالا
فيروز : غورة تاخدك
فتحت فيروز باب السيارة و نزلت تجري الي الشركة
فهد بجدية : بلاش فيروز علشان منخسرش بعض
جان بجدية : فيروز اختي الصغيرة و انت عارف كده كويس و عقل كلامك قبل متقولة
نزل جان و توجه الي الشركة حتى يجلس فى مكتبة
نزل فهد و هو زعلان لانه زعل صديقة و السبب تلك الصغيرة الملعونة
فهد بغضب : و الله يا فيروزتي لوريكي و علمك الادب
دخل فهد الي الشركة و عد الي مكتبة و جد تلك الصغيرة تجلس على الكرسي الخاص بيه و تلعب
هز فهد راسة بياس منها و خلع جاكت البدلة و رفع أكمام القميص
فهد بجدية : شكلها ايامك فل و عسل
€€€€€€€€€€€€€€
في سيارة اسد
€€€€€€€€€€
كانت مليكة تجلس بجوار اسد و هي مكسوفة بشده
اسد بحنان : تعرفي اني بحب بابا اوي
مليكة بابتسامة : صح انا كمان بحب خالو ايهم اوي
اسد : لا ملاكي حبيني انا و بس
مليكة بكسوف : ظهرك لسه بتوجعك
اسد : اه بيوجع اوي حتي شوفي
مليكة بكسوف : بس اسد بقي
اسد بحنان : قلب اسد و روحة و عقلة من جوا
مليكة : تفتكر فهد هيعمل ايه مع فيروز
اسد بضحك : هيولع فيها بس متقلقيش
مليكة بخوف : ربنا يستر الاتنين مجانين
اسد :: نفضي ليهم يالا وصلنا
مليكة برقة : حاضر
اسد : بت من اولها ممنوع تتكلمي مع حد
مليكة برقة : حاضر
اسد : ممنوع تقفي مع حد
مليكة برقة : حاضر
اسد : ممنوع الضحك و الهزار
مليكة برقة : حاضر
اسد : انزلي مليكة انزلي الواحد مش ناقص حرقة دم
مليكة برقة : بعد الشر عليك
اسد : بسكوتة بسكوتة و الله انزلي يا روحي انزلي
نزلت مليكة و نزل اسد و سارو بجوار بعضهم
€€€€€€€€€€€€€
اما الوضع عند مهران فكان مختلف
وصل مهران الي الشركة و توجه الي مكتبة
دخلت سكرتيرة مهران و هي حزينة
ماري بزعل : مستر مهران حضرتك طالب سكرتيرة غيري ليه
مهران ببرود : مزاجي كده عندك مانع
ماري : بس انا معملتش حاجه
مهران ببرود :مش مهم تعملي انتي هتتنقلي A . T
ماري و هي تضع اديها على ايده : بس انا معملتش حاجة
مهران ببرود كالجبل : لو خايفة على حياتك و عمرك شيلي ايدك
ماري برشة : انا اسفة مستر مهران مكنتش اقصد
مهران : برا و بعتي ليا وليم
ماري : امرك
خرجت ماري وجدت أمامها الكثير و الكثير من البنات التي تضع كمية كبيرة جدا من المكياج و يرتدون الملابس القصيرة حتى يناولو إعجاب ذلك البارد
وصل وليم و هو الحارس الاول لمهران و نظر على البنات بارف و دخل الي مكتب مهران
وليم : امممممممم
مهران : هو ايه اللي اممممممممم
وليم : عاوز ايه
مهران : بعيد عن اسلوبك عوزك تجمع ملفات البنات اللي برا و دخلهم واحدة واحدة
وليم بضحك : اجيب معايا لب و شوية سندوتشات علشان اتفرج على البنات و هي بتتهزق
مهران بغيظ : و الله العظيم انا اللي ههزقك باراااااا يا بارد
وليم بضحك : بلاش تظلم البرود ده انت و تؤامك ملوك البرود القضب الشمالي بنفسه قاعد قدامي
مهران : مش بيقولو اتقي شر الحليم اذا غضب و لا ايه
وليم : طيب انا هجمع من الموزة اللي برا دول الفايلات
خرج وليم و جلس مهران يباشر شغلة
€€€€€€€€€€€€€
في مكان أخري نذهب له لأول مرة
فى إحدى الجامعات
€€€€€€€€€€€€€
كان هناك بنتين يجلسون فى الكافتيريا
البنت الاولي : عرفتي انهم طالبين سكرتارية فى مؤسسة الجندي
البنت الثانية : اه عرفت بس هنعمل ايه
البنت الاولي : نروح نقدم
البنت الثانية بسخرية :نقدم فين يا ماما انتي مش شايفة طريقة لبسنا و لا سخرية هناك و هنا كمان
البنت الاولي : انتي بومة قومي يا زفتة أصحاب الشركة مسلمين و اكيد هيوافقو قولي يا رب
البنت الثانية : يا رب يالا نروح و اللي فيه الخير يقدمه ربنا العباد
توجه البنات الي الشركة
€€€€€€€€€€€€€€€
في مؤسسة الجندي
€€€€€€€€€€€€€
فى مكتب مهران
€€€€€€€€€€€€
تعب مهران و وليم من البنات التي تدخل فهم اتو من أجل الوقوع فى غرام ذلك المهران
وليم : انا تعبت انا نفسي افهم انا شغال ابه هنا بالظبط
مهران ببرود : دراعي اليمين
وليم بغيظ : با بارد انا مجرد حارس و بس
مهران : شوف في حد تاني برا
وليم : مالها ماري بنت حلال
مهران بضحك : انا بخاف منها ديه ممكن تغتصبني
وليم بضحك : يا روحي خايف على نفسك
مهران بضحك : هو شرف الراجل بيولع مرة واحدة
وليم : هطلع اشوف حد برا
خرج وليم و جد بنتين كانو يخرجون من المكتب
وليم : لحظة انتم مين
ماري بتلثم : كانو بيسالو عن مكتب المحاسبة
البنت الاولي : لا حضرتك احنا كنا جايين علشان الشغل بس هي قالت انكم خلاصتم
وليم بغضب : حسابك معايا بعدين
و بابتسامة : مين فيكم عوزة الشغل
البنت الاولي : هى سكرتيرة و لو في اي حاجة تانية غير السكرتيرة يبقي انا
وليم : اتفضلي يا انسة
دخلت الفتاة الثانية و هي مرعوبة من ذلك الشخص حتى لا يهنها بسبب ملابسها
مهران بجدية : اتفضلي اقعدي
الفتاة : السلامة عليكم و رحمة الله و بركاته
رفع مهران عيونه و وقعت على اجمل ما رأت عينة فتاة تقف امامه خافضة رأسها الي الاسفل و كانت ترتدي فستان باللون الأخضر و طرحة باللون الابيض
مهران بهمس : سبحان الله مهو في بنات محترمة ظهرت
و بصوت عالي : اتفضلي اقعدي
جلست الفتاة امامه و هي مازالت خافضة رأسها
مهران : C . V
الفتاة : اتفضل
مهران : هو انتى بدوري على حاجة فى الارض
الفتاة : لا حضرتك بس حرام ارفع عيني
مهران : بس انتى منقبة
فرح : هو في مشكلة عند حضرتك
مهران : لا طبعا تمام مبروك انتي قبلتي فى الشغل
الفتاة بفرحة : بجد و نبي
مهران بابتسامة لأول مره : اه مبروك اسمك ايه
الفتاة : اسمي فرح
مهران : تمام مبروك فرح من بكرا هتنزلي الشغل
فرح بفرحة : شكرا شكرا
خرجت فرحة تجري و هي سعيدة لأنها قبلت فى العمل
وليم : مهران حلوة البنوتة تعرف ان الزفتة اللي برا كانت عوزة تطردها
مهران : كده كفاية عليها نزلها A . T
وليم : تمام
خرج وليم و امر ماري باخذ اشيائها و الخروج من المكتب
جلس مهران يعمل و لكن في لحظة قظف امامه اسم فرح فبتسم على أخلاقها
مهران : يا ترا فعلا محترمة و لا ايه يالا الايام بينا
€€€€€€€€€€€€€€€
في مكتب فهد
€€€€€€€€€€
كانت فيروز تجلس بكل راحة على الكنبة و أمامها علب الطعام و تاكل بتلزز
اما فهد فكان يعمل شغلة و شغلها الي ان تعب
فهد بمجهود : خلاص مش قادر
فيروز : تعالي كل
فهد : و الله بجد فعلا الواحد جعان
جلس فهد امام فيروز و اكل معها
فهد : فيروزتي هو انتي جاية هنا ليه
فيروز : و الله ايهم هو اللي قال اجي اشتغل معاك بس مليش نفس اشتغل فسبت الليلة عليك
فهد بضحك : و الله كتر الف خيرك
فيروز : هو صحيح انا هقبض كام
فهد بضحك : مش الاول نشوف شغلك
فيروز : لا يا عم الحاج مش لاعبة قولي المرتب كام
فهد : المرتب يا هانم ٢٥٠٠ دولا
فيروز بغباء : فى الاسبوع
فهد بضحكة مكتومة : لا كل ٣ ايام
فيروز بفرحة : حلو كده تمام انا دايسة في الشغلانة ديه
فهد بضحكة رنانة : هههههههه هههههههه هههههههه يا مجنونة ٢٥٠٠ دولار فى الشهر
فيروز بصدمة : بس
و بردح : اه يا حرامية يا نصابين بقي بتكسبو ملايين و فى الاخر بترمو للموظفين ملاليم
فهد : بس يا بت هتفضحينا
فيروز : هتدفعولي كام
فهد : ٣٠٠٠ تمام
فيروز : ٦ و هسكت خالص
فهد : ٦ ايه معلش
فيروز : ٦٠٠٠ دولار قولت ايه
فهد : عند امك عرفاها
فيروز : اه امي مهرة عرفاها مالها
فهد : فيروز اطلعي برا
فيروز : بكرا تندم اروح لايهم اشوفه
خرجت فيروز و تركت فهد خلفها و لكن ابتسم على جنان فيروزتة
فهد بتنهيدة : اروح اعمل اللي ورايا افيد
€€€€€€€€€€€€€€€€
عند مهرة
€€€€€€€€
وصلت مهرة الي السفارة و دخلت و كان معها جو و حرس اكبر من كل مرة
مهرة : انا مش عارفة ايهم تاعبكم ليه
جو بابتسامة : علشان انتي روحة و قلبة و القلب الحنين لينا كفاية الاكل هو الاول كان بيبقي معجن و بايظ بس بعد كده بقي جامد
مهرة بزعل : يعني انا اكلي وحش انا زعلانة منك
جو بضحك : هتفضلي طفلة طول عمرك يالا اشتغلي
الباب خبطت فسمحت مهرة للطارق بالدخول
دخل الموظف و هو يحمل فى ايده بوكية ورد كبير
مهرة : ايه ده
الموظف : وصل لحضرتك دلوقتي
جو : تمام سيبة و مشي
خرج الموظف و ترك الورد علي المكتب
مهرة بقلق : عمو جو ايه ده
جو : متخفيش مهرة
امسك جو الورد و اخرج منه الكارت
مهرة : في ايه الكارت ده
جو : الصبر هقراة اهو
مهرة : طيب بسرعة
جو بصوت عالي : سيادة الدكتوره و السفيرة مهرة الجندي احب اطمن على صحة حضرتك و على العيلة الكريمة بصراحة زعلت من الهجوم بتاع امبارح بس رجالتي اغبية انا مكنتش عاوز اضركم انا بس بهدد ابعدي عن طريقي و صدقيني هنسي اي حاجة عملتيها بس علشان خاطر حضرتك بس لو فكرتي تعملي حاجة صدقيني هزعلك اوي سلام و طمني الملك الكبير اننا مش عوزين مشاكل و لو حابة تدخلي فى شغلنا خلينا نسلم على القمر ليلة او الجميلة فيروز و لا الفرسان اسد و مهران
مهرة بخوف : انا عوزة امشي عمو
جو : حاضر حبيبتي يالا
خرجت مهرة و توجهت إلي مؤسسة الجندي
€€€€€€€€€€€€€€€€
يتبع
الي لقاء جديد في الحلقة القادمة
من ذلك الشخص الذي يهدد مهرة ؟
ماذا ستفعل فيروز في فهد ؟
ما قرار مهرة لحماية عائلتها ؟
هل سيعلم الجميع هوية فيروز المخفية ؟