أنتقام الضابط نمر
الكاتبة الاء محمد
لاتنسوو التصويت+متابعه الحساب✅♥
تنويه /قد تكون الحلقه غير ملائمه للبعض♥
اتمنى ما تخلون هل مشاهد تأثر عليكم
خلوها متعه بدون تأثير جانبي♥
ــــــــــــــــــــــــــــــــــــــــــــــــــــــــــــ
ميرهان تكول:-وجه تُحفة انتيِكيا♥
ميرهان: لجج ياسه صدك تحجين مستحيل
اخذه اذا شافه نـمر يكسره على راسي
ياسه: معليج خلي يمج، وأنتي ضمي بصدرج
ولا شوفي الأي أحد ومن يروح نـمر نبقى نحجي
اني وياج على الاقل اعرف اخبارج، وانتي
لا صيرين ثوله من يجي ضمي زين
ميرهان: تذكرت لمن لكه التلفون عندي قبل فترة وشصار بيه:- لج ياسه والله يتخبل بس يشوف عندي تلفون، شسوي لوشافه عندي
ياسه: معليج، بس كليله جابتليا صديقتي
اتواصل وياها
ميرهان: بـس..
ياسه: أششش لابس ولاهم يحزنون
لج ماما شوكت تصيرين مره، براسج خير
وانتي الثول راكبج
ميرهان: اخذته منها :- ياسه أني اعرفه شكاك،
يشك بلهوه
ياسه: هسه تفائلي وكولي أن شاء الله تمر
على خير، اني اريد احجي وياج تفضفضيلي، ادري محد بقالج غيري
_ حضنتها وصرنه نبجي ثنينه
ياسه: يالله اني لازم اروح
ميرهان: ياسه الله يخليج شوكت ميصير
بيدج مجال تعاي
باستني وكالت:- والله اجي بس شسوي امي ما تقبل
ميرهان: بوستها وراحت، سديت الباب
ودخلت جوة خايفة من التلفون
خايفه يشوفه نـمر ويعلكني والله ولايرحمني
هو من غير كولشي صاير بارود ادور يلكه عندي تلفون حتى فد مره تكمل كملت تنظيف البيت وداكلب بلتمن وسمعت الباب نفتح التفتت شفته
نـمر رجعت سويت نفسي ما شفته صاح:-يمااا
نـمر: شو محد بلبيت، وين راحوو؟
_ ما جاوبته صاح بصوت:- انتييي طرررشه
التفتتله وجه تعبان وعيونه ذبلانه ومثل الدايخ :- عمه راحت للسوك والباقي بدواماتهم
_عافني وراح اوووف مدري شبي بس يصيح يعني ماريد احجي وياك شنوو هي كووة، طلعت كعدت بلصاله وخايفه كلش
من التلفون الي بصدري.. يمه عزااا حتى نسيت
اضمه بغير مكان يمه شسوي وشحجي اذا شافه
نزل وجه مايتفسر اجه عليه ويمشي سريع، اني صرت اجر النفس كووة
كمشني من زندي..
نـمر: شعدهاا هاي الكح** يمج اليووم
_ عزااا نسيت البيت كوله كامرات يمه
سوده بوجهي انفضحت
نـمر: احجييي شوو صفنتي
ميرهان: هاا نـمر والله مادري هي اجتي تشوفني
نـمر: شترررريد
ميرهان: اا مشتاقتلي
نـمر: اكسر راسج اذا التقيتي بيها بعد، صاار فترة ماشوف الكاميرا وهاملج كمتي
تكود** بكيفج
ميرهان: نترت ايدي :- شبيييك شنوو تخبلت تره ماسويت شي صديقتي واجتي
تشوفني شلون اطردها
نـمر: لا هاي هي صديقتج تريد توكع
أيسر بشباكها على كد ما كح***
ميرهان: اووو نـمر الله يخليك عوفني بحالي
حتى ماريد احجي وياك، صار فترة مرتاحه...داحجي ويا وخشمه طك دم
كمشته من زنده:- هااي شبيك نـمر
صار يفقد توازنه سندته واخذته علقنفه
تمدد، ركضت جبت بطانيه غطيته وجبتله كلنكس مسحت الدم من وجه، حرارته مرتفعه، جبت محرمه ومي بارد، خليت راسه على رجليه وصرت اسويله كمادات
رفع نفسه وخله راسه على صدري واحتضني، يجر النفس بصعوبه وتعب
كلشش نقهرت عليه
شكد اذاني وخسرت اشياء بسببه، بس استصعب اشوفه تعبان او مريض
شدد حضنته ورفع راسه على ركبتي ثبتها وكال:-
راح انام لاتحاولين تكعديني
_ خليت ايدي على شعره وصرت العب بي
حسيت بي غفه نفسه ثگل،قربت راسي من جسمه واستنشقت عطره
مادري ليش سويت هيج بس احس نفسي اريد اشبع منه وبنفس الوقت أكرهُ شعور متناقض، سمعت الباب تنفتح
عزااا هسه يشوفوناا بهل منظر، دخلت عمتي شافتني،أبتسمت وعيونها صارت تلالي
رادت تحجي اشرتلها بصبعي على شفتي بمعنى أسكتي همستلها :- هستوه نام مريض
اني كلت هيج، واجتي تمشي ميه وتسعين بدون بريك ههههه كمشت كصته:- يمه هاي شبي وليدي
_ نـمر نومه خفيف بسرعه يحس رفع نفسه
باوعلي وكال :- كومي اكمل نومتي بلغرفه عمتي صارت تضحك :- تره خنكتني وخر هاي امك ونام بحضنها شنو ذنبي أنيي
باوع بعيوني وبتسم وخر مني:- اروح أنام واليضوجني يحسب نفسه مطرود
أم نمر: ولك يمخ روح للطبيب
نـمر: تؤؤ مابيه شي
_ صعد للغرفه واني حرت بتصرفاته، اجه عباس :- هلاا عباس
عباس: هلا بيج مرت الغالي
ميرهان: ايي مرت الغالي، يعني اني موغاليه
عباس: لا عمي أنتي، نـمر شنو خليطير
_ ضحكنه واجه باس عمتي وكال:-كلشش جوعان
ام نـمر: هاي صاير الغده مابقى شي
_ رحت اصب الغده وسمعت ساره تسلم على عمتي، داصب غدة وما حس غير ايد
دفعتني، همزين ما نكلب الأكل عليه التفتت واشوف ساره
ساره: اووف حبي أسفه ماشفتج لبالي حشره
ميرهان: وأنتي فيل لو شنو
ساره: لاتمظ*** زايد وهاي صديقتج ام الولد اذا طلع الي أبالي صح احركج أنتي وياها فتهمتي، ياويلها والله اموتها
ميرهان: عافتني وراحت، هاااي شبيها ناقصني مزعطه والله يالله، همزين ماحتركت، صبيت الغده وكعدنه ناكل
كال عباس:- يمه تره مايصير صار أشهر من كتلج على الأبنيه الأريدها ويوميه تكليلي باجر تره مايصير حتى صارت ماصخه السالفه
ام نمر: ولك يمه شلون موفشله من خالتك أبنها ترابه اخضر وتريدني اسوي اعراس وحفلات، ومرت اخيك حزينه واروح اخطب شلوون
ميرهان: عمه تره بس خطوبه مو زواج
ام نمر: حتلووو يمه اني مو بس اخطب ا واعوف البنت معلكه الناس تريدني املج و وره الملجه عرس مووو
عباس: للأربعين وراها اي تأجييل ماكوو
ام نـمر: الله كريم حبيبي
_ كملو اكل لميت المواعين وغسلتهم وصعدت الغرفتي لكيت نـمر نايم على بطنه ونازع ملابسه تقربت عليه غطيته
وخرت، اخذت سجاتي صليت، وكعدت اقرا قرءان، دك تلفون نـمر اكثر من مره
رحت شفته المتصل زهراء مادري ليش احس الدخان راح يطلع من عيوني فتحت الخط واسمع صوتها تبجي كالت:- حبيبي نـمر وينك والله ماتحمل فراكك خلي نجدد العقد، نـمر دتسمعني؟
ميرهان: حبيبتي زهراء نـمر نايم وما اعتقد يكعد علمودج، سديت الخط بوجها
شنوو جدد العقد!! يعني يمكن زواجهم متعه، ويييعع شكد رخيصه هاي
_ خليت تلفونه بمكانه ونزلت جوه:-هاا عمه
ام نـمر: هلا يمه، تعاي
_ رحت كعدت يمها وكالت:-ياسمين مسافره ومدري شوكت ترجع وبالي يمها
_ الله كريم عمه ترجع ان شاء الله
ام نـمر: بنيتي نـمر يحبج والله، انطي فرصه العلاقتكم والزواجكم، بنيتي لوين تريدون توصلون وأنتو بس عرايك ومشاكل بينكم وشوفت عينج هو شلون متعلق بيج
ميرهان: عمه اني تعبت من تعامله وياي، ايده والضرب
ام نـمر: يمه شسولفلج، اني بوكتي جانو اهلي
ناس فقره مو مثل ابو حسن جاه ومال، ومن
شافو ماله انطوني، حبيته وهو حبني بس
هم شفت المر من الضرب والاهانه اجاني
حسن كلت هسه يصير زين علمود ولده ويتغير، يكول صار عندي طفل، واجتي ياسمين وصابرين وهو ذاك هو ماتغير واني من اجيت عليهم
حتى خدم عدهم جان المرحوم جبير بلدوله
وهاي الخير كله منه، وجنت من احجي
الأهلي عليه يكلولي سكتي وسكتي
سكتت لحد ما اجاني نـمر وصار
يمووت عليه وجان نـمر يموت على ابوه
بزمن صدام هو يوكف على الاعدام والتعذيب
وجان نـمر بعمر صغير كلش ويروح وي ابوه،
يشوف هاي المشاهد
تعذيب وموت الى ان يوم اجاني كلي يمه
اريد اصير مثل بابا يكتل الناس واني اكله
لا ماما أبوك معليه هذا القانون يصدر
اعدام المتهم وابوك فقط مسؤؤل يأدي شغله
وبس، يكلي لا اريد اصير مثله ومن صار السقوط انقتل وي البعثيين ونـمر
بوقتها تعذب كلشش ودهورت نفسيته
من راح أبو، جان متعلق بي كلش ولمن كبر
وصار شاب شوفني الضييم بس يدور مشاكل ويعارك ذبان خشمه، دخل الجامعه بمعدل ملازم درس ودرس واليوم هو نقيب وتعرفين أنتي
شغله كله ضرب وقتل فصار قلبه قااسي كلش
_ قاطعنه نمر وهو يكول:- جوعان سولي غده
ام نـمر: اي يمه، هاي مريتك راح اسويلك
نـمر: ماريد تحمن غداجن
ام نـمر: هسه تكليلك كبه وكباب
ميرهان: رحت سويتهن وسويت زلاطه وطرشي داطلع بلكبه ودخل كشف الجدريه وشاف مركه باميه كال:- اريد مركه باميه وهذا السويتي كوله ماريده
_ باوعتله بأنزعاج:- لاوالله
نـمر: وداعت عبدالله
_ هزيت ايدي، كال:- هااا شنوو ماعجبج الحجي
ميرهان: كول من البدايه، اريد اتعبج وازعجج حتى يصير عندي علم
نـمر: وهسه صار عندج علم
_ فتحت النار جوه المركه وطفيت الطاوه
صبيتله وديتله، جان كاعد بلصاله يدخن
نزلت الصينيه زفر الدخان بوجهي استغفرت بصوت عالي ضحك وكال:- سويلي جاي بين ماخلص
خلص، شلت الصينيه وغسلت الموعين وديتله الجاي، حسيت شي ثكيل بصدري من دنكت.. عزاا التلفون امداني شكد ثوله
ما شلته بغير مكان، كال:- أني طالع
اخذ سويجه وراح، ركضت للغرفه قفلت الباب ركزت بلغرفه ماكو أي كامره فتحت التلفون ولكيت برامج وحتى خط مخليه بي ورسائل من ياسه كتبتلها، هلووو، وخليته علشحن، قفلت الغرفه ونزلت للحديقه مر وقت واضلمت الدنيا، انفتح الباب تلقائياً ودخلت سياره نـمر للكراج
_ يمه عزااا نسيت التلفون، اشرلي اروحله
رحتله كال:- هاج كمشي
انطاني علاليك نزلتهن وخليتهن بلمطبخ
صعد يريد يروح للغرفه:- يمه شسووي هسه دخيلك ربي شسويي
صعدت وراه واصل نهايه الدرج صحت:-نـمر
التفتلي:- نعم
رحت يمه:-اءءء هاا شسمه اريد هذا
نـمر: شبيج بالعه حبايه مال تنعثل
ميرهان: ءءء هااا
نـمر: احجي شبيج
ميرهان: من الخوف مدري شسوي كمشت ايده استغرب من حركتي
نـمر: شبيج اكوو شي
ميرهان: لا بس اريد تروح تجيبلي حلويات
نـمر: ايي عود من اطلع اجيبلج، خلي ابدل هسه
ميرهان: مااا اريد هسه حباب
نـمر: شبيج، دتتنسين، حاامل؟
ميرهان: لا
نـمر: لعد بعدين اجيبلج وخري بابا، بس ابدل
ميرهان: كمشته من قميصه وباوعت بعيونه ببراءة
نـمر: اوووف على هل عيوون
ميرهان: روح جيبلي وتعال
نمر: اي، وبعدين شيصير
ميرهان: ناكل الحلويات
نمر: وبعدين
ميرهان: انام
نمر: وبعدين
ميرهان: هاي شبيك نـمر، نكعد
نـمر: وخري لعد
ميرهان: اوكف نـمر
نـمر: هااا
ميرهان: عمتي مدري شبيها مساع متخربطه، وجها اصفر
وخر ايدي ونزل، بسرعه ركضت للغرفه وايديه يرعشن ما اعرف حتى افتح الباب
افتحه ويفلت المفتاح من ايدي، فتحته وركضت
ضميت التلفون بملابسي وبعدني هستوني
اريد اطلع من الغرفه تلكاني اجه يمشي عليه ومضيك عيونه ومسلطهن على اديه اليرعشن
اني صرت ابلعم من الخوف يمشي بأتحاهي
واني ارجع ليورة
وصلت للجربايه كال:- شضامه
_ ءءشنوو
نـمر: شنوو الي ضامته عليه امي
مابيها شي وهاي حركاتح اليوم ما تبرر شي
ميرهان: ءءشبيك نـمر ما ضامه شي
نـمر: نشووف اذا عندج شي خافيته
عني، اكشفه بيوم ويومين، وتعرفين
شلون اصرف اني
فياويلج اذا مسويه شي من وره ظهري
ميرهان: هزيت راسي، طلع واني راح يغمى
عليه من الخووف اباوع الجسمي كله يرعش.. يمه الى متى ابقى ضامته عليه اذا مو اليوم باجر راح يكشفه وبهل حاله لازم اقره على حياتي السلام
مر وقت وصارت الساعه بـ 11 تقريباً جنت كاعده اصفط بملابسي دخل نـمر وسد الباب وراه:- هاي شنوو لسه مانايمه
_ لامانعسانه وماريد انام
نـمر: اوك براحتج بس اني اريد انام، فراح
اطفي الاضويه
_ طفى الضوة واني قررت انزل انام يم عمتي
اريد افتح الباب مقفووول، هو متمدد علجربايه صاح :-ووووين
_ اريد اروح انام يم عمتي
نـمر: تعاي هاج المفتاح
ميرهان: راحت اريد اخذه من ايده كمش ايدي وجرني عليه بحركه سريعه صرت اني جواه صحت بعصبيه:- نـمررر أرررريد اطللع
صار يقبلني بحنيه ولهفه حاولت ابعده عني بس
هو جبل شيهزة :- نـمر عووفني اروح
دخل ايده من جوه البدي مالتي وتلمس خصري :- وخررر نـمر لاتنسى انو احنه مايجمعنه غير أسم "زوجين"
نـمر: أشششش، ما يحقلج تصديني، واصلاً حرام هاي حقوقي الشرعية اخذه منج شما جانت نوع علاقتنه
_ دفن وجه بركبتي اخذذ نفسسس وحجه
بصوت ذبلان :- نفسييي بييج
صرت ابعد بجسمه بسس ماكوو مايتحرك عني:- وخررر نـمر ماتنام يمي ماريد وجودك يمي
صار يطبع بوساته ويحجي، غصب عنج... اجيج يوميه... اخذ الاريده... أنتي مرتي
قرب راسه يم أذني وهمس :- أحب العنف وياج
عض شحمه اذني، كمشته من ركبته:- وخررر حباب
نـمر: مااكدر بعد...
_ صار يتقربلي بحب ويرجع بعنف مثل ماكال
بحيث حسيت راح أمووت ابتعد عني من حس
بيه اتأذيت صرت أبجي طبع بوسه وراح للحمام، واني احس الألم حيموتني اجه كلي:-شبيج كافي
تره مو اول مره اتقربلج
_ لفيت نفسي ورحت للحمام سبحت وطلعت
لكيته متمدد ويدخن، اني بلبرنص
دانشف بشعري يباوعلي، لبست البجامه
ورحت اريد اسحب المخده كمشني من زندي:-ناااميي بمكااانج
بدون ما اجادل رحت نمت بمكاني خليت
راسي علمخده واطلقت سراح دموعي تنزل وبس صوت الشهكه ينسمع، صار يستغفر ويتئفئف صاح بيه:- كااافي تره ماسويت شي يستوجب كل هذا
_ يحجي وياي واحس نفسي بصراع على
كد ماحسيت بي استغلني ونسيت كلشي ويا
بهل سهوله وكأن مصار شي، هففف يااربي خاف
هم احمل والله أقتل نفسي
ولا أحمل ما أريد، احتضني وخلاني على
أيده وكال:- حبيبي تعودي
نمت من بعد صراع وافكار، كعدت واحس بثكل على بطني باوعت نمر بصفي صديت عليه وصرت اركز واتأمل بملامحه
وهو نايم حاولت اوخر ايده بس هو مثبت نفسه حركته من صدره:- شبيج متعوفين الواحد نايم
_ وخر عني وارجع نام، وخر ايده ورحت للحمام غسلت وطلعت لكيته كاعد يخابر من شافني سد الخط
نـمر: البارحه مخابرة زهراء
ميرهان: لاا
_ هز راسه بشك:- سويلي ريوك تأخرت
ميرهان: روح العمتي تسويلك
نـمر: لا صدوووك اووي ازعجناج ست الحسن
ميرهان: ايي شكوو اسوي وانت ماراح تتريك تسوي هيج بس حتى اتعبني، وتغثني
نـمر: اني اغثج!! اغث روحي وما اغثج حبيبي، يله روحي
ميرهان: نزلت واني احجي بصوت مسموع :- بسس يتأمر وهو مراح ياكل
_ صاح ورايه:- راح اجيج ام حلك لادردمين
ميرهان: أبتسمت بأستهزاء ونزلت لكيت عمتي كاعده:- صباح الخير عمتو
ام نـمر: هلا يروح عمتج صباح الورد بهل وجه الحلو
_ أنتبهت لعمتي تباوع الركبتي وتتبسم
عزاااا امداني شلون انزل بدون حجاب
كالت:- أبني واعرفه زين ما يفوت هل جمال، وصارت تضحك اني ياكاع انشكي وبلعيني، سويت ريوك وتريكو ونمر راح للدوام بقيت بس اني وعمتي كلت اصعد اخابر ياسه طالما ماكو احد، صعدت بسرعه قفلت الباب وخابرتها
سلمت عليها وسئلتها على احوالها
وبديت اححيلها على الي صار البارحه
ياسه: صدك تحجيين انتي شلون تسمحيله يتقربلج وين كرامتج، بعد كل السوا وياج تسمحيله يتقربلج
ميرهان: اني شبيدي ما اكدر اتنفس يمه، خايفه احمل
ياسه: ادفنج والله، باعي راح اجيبلج حب مانع تمام
ميرهان: بسسـ...
ياسه: اشش لابس ولا أيشي اليوم العصر اجيج
ميرهان: سلمت عليها وراحت، ضميت التلفون ونزلت اشوف عمتي لكيت يمها سوزان كعدت يمها مبين عليها الحزن العيون مورمه والوجه مخرمش تكسر الكلب، كمت اسوي غده اجتي تبارك
كالت:- شلونج ميرهان
_ هلا حبيبتي، شلونج، كعدت تسولفلي على صديقاتها وسمعت صوت نـمر صاح:-
ميرهاااان
كلت بكلبي ماتت ميرهان، طلعت:-هااا
نـمر: تعاااي وراي
_ رحت وراه كمشني من ايدي دخلني للغرفه
وسد الباب، كلت هاي هي انكشفت
نـمر: تأمنين بحكم وقضاء الله
ميرهان: شنوو مدافتهم شنوو تقصد
نـمر: تعرفين كلنا يجي يوم ونموت
وهذا كله مكتوبتلنا
ميرهان: شكوو نـمر خوفتني ليش
هيج دتحجي
نـمر: حبيبي كل نفس ذائقه الموت
ميرهان: اني هناا صرت أبجي
واضحك:-نـمر منووو ماات منووو....
للحكاية بقية...
لاتنسووو التصويت+متابعه الحساب✅♥
حسابي الانستا♥