الحياة مش كلها مشاكل وصراعات ومش كلها حلو بس اللحظات الحلوه بتنسينا الصعب اللي عيشناه مهما تعبنا بيهون اي تعب واحنا مع ناس بيحبونا وبنحبهم
علفكره ده مش كلام روايات لا ده بجد من تجربتي انا وتجربه كل اللي حواليا
مهما وقعنا بنرجع تاني ونقف ونستقوي من حقنا نضعف وندمر ونفقد الثقه ف نفسنا وف كل اللي حوالينا بس بعد يوم بعد شهر بعد سنه لازم نرجع ونكمل حياتنا
انا قبل ما ابدأ البارت كنت عايزة اشكرك بجد جدا انا لولاكي مكنتش هبقي هنا ياسندي SanoDemo0
شكرا بجد
.......................................
#حياه وعز
حياه: طيب بعد كل الكلام الحلو ده ممكن تفضل تلبس عشان هنتأخر وورانا حاجات كتير
عز بدلع: توء هناخد انهارده اجازه ومال علي وجنتها وقبلها برقه: خلينا نقضي اليوم انهارده مع بعض
ابتعدت حياه قليلا لتخفف من تأثيره عليها: مااحنا هنبقي مع بعض صدقني
عز: اممم افكر وتحرك خطوتين تنفست حياة فرجع مره اخري يقول بدلع: ماتفكري كده والله مش هتندمي
حياه: بطل دلع بقا ياعز
عز: براحتك انتي الخسرانه والله
وتحرك وهو يغني وادحرج واجري وتعالي علي حجري ده انا حجري حنين اه والله 😂 بكره تندمي والله
حياه بتحاول تكتم ضحكتها بصعوبه واكملت ملابسها
وعز ايضا بعد ان انهي ملابسه احاط خصرها وقبل خدها: اسمعي كلامي سيبك مالشغل ونقضي احنا اليوم سوا
حياه: بس بقا والله انا هموت واعمل كده 😂 بس عشان خاطري نخلص بسرعه ونقضي اليوم سوا وكلمه زياده وربنا ماهستحمل
عز: يلا يامغلباني نخلص اللي ورانا ونقضي اليوم اجمل مفاجأة في الدنيا
#شروق وعبدالرحمن
شروق: عشان خاطري بقا فك الكلبشات دي انت اشتغلت ظابط من ورايا طيب قولي بس
عبدالرحمن: اه
شروق: هنهزر بقا
عبدالرحمن: انا بتكلم بجد هوا مش انا خريج حقوق باين
شروق: ايوة اي العلاقه بردو
عبدالرحمن: 🤦🏻♂️🤦🏻♂️🤦🏻♂️قدمت ف الاختبارات ونجحت وهروح الاكاديميه ست شهور وبعدها ارجعلك ظابط بنجمه هنا ونجمه هنا
شروق: الله وامسكت بوجنتيه ياتوتي اي العسل ده هتبقي ظابط وليك هيبه
عبدالرحمن: اه شوفتي هبقا ظابط واشخط فيكي تيجي قدامي وانتي مرعوبه
شروق: حبيب قلبي الحمش بحبك ياقلبي
عبدالرحمن: ايوة كده وانا كمان بحبك بس بردو مش هيتفكو انهارده ويلا بقا نغير هدومنا عشان ننزل ناكل
شروق: انت عايزنا ننزل الشارع كده
عبدالرحمن: هناكل اي مفيش اكل هنا
شروق: يبقي تفك دول
عبدالرحمن: توء توء تعالي بس ونبقا نتفق
#عاصم وبيري
عاصم: مالك!
بيري: انا كويسه اهو مالي
عاصم: بيري انتي خايفه من اي؟
بيري: اه بصراحه بس متشغلش بالك هبقت تمام
عاصم قبل كفها : لو مشغلتش بالي بيكي هشغل بالي ب مين قوليلي ولا ليا حد غيرك ف الدنيا يبقي اشغلي بالي ب البطل الصغير اللي جوا قبل مايجي
بيري: ياريته يترحم من العذاب اللي هيتولد يلاقيه
عاصم: عذاب اي؟ هوا انا عصبي وبكسر الدنيا هعذبه مثلا ولا حد في الدنيا دي يقدر يبصلكم وانا عايش
بيري: مقصدش كده ربنا يخليك لينا يارب
عاصم: يبنتي فهميني اي مزعلك بس وملكيش دعوه
بيري: ماهو دلوقتي البيبي ده لما يجي هيبقي عنده السكر زيي وهيعيش ف تعب اما ميهونش عليا اعمل فيه كده
عاصم: تمام ماشي كلامك صح بس في حاجه مخدتيش بالك منها
بيري: اي؟
عاصم: اولا مش شرط انه لما تخلفي ابنك ياخد منك الموضوع ده وثانيا ودي الاهم انتي اصلا معندكيش السكر يهبله في حد عنده السكر عشان نفوقه نديله سكر وحلويات انتي السكر عندك لما بيوطي بتتعبي عشان انتي مش بتهمتي بصحتك عارفه لو بتاخدي انسولين اقولك ماشي والصق جبهته بجبهتها لكن انتي عشان دلوعتي مش بتهتمي بصحتك عشان تقلقيني عليكي وتوجعي قلبي مش كده
بيري ضحكت بخجل: مش بابا لازم ادلع عليك
عاصم: ادلعي يروح قلبي طول مانا عايش ادلعي ولا يهمك حد في الدنيا
اميره ومحمد
محمد: اقسم بالله طفله في حد يلبس كده
أميرة: مش قولت هنروح الملاهي لازم البس حاجه بحبها
محمد: وانتي كل اللي بتحبيه فوق الركبه كده
أميرة: بتغير عليا ياماندو
محمد استغرب: ماندو! عرفتي منين اني بحب الاسم ده
أميرة عضت علي شفتها بحرج وتنحنحت: عادي يعني
محمد: قولي بس جبتيها منين
أميرة: يوووه خلاص هقولك بصراحه قلبت علي الاكونت بتاعك عالفيس والانستجرام
محمد: طيب اي رأيك ف صورى مز مش كده
أميرة 😒😒: متعملش كده يعني انت لو كرم بورسين مش هتعمل كده
محمد بغمز: اه انا قولت كده بردو هتجيبي منين فكره العقد من كرم بورسين
أميرة: والله قمر بس ميجيش ف حبيبي حاجه وتركته وخطت عده خطوات لداخل مدينة الملاهي
محمد بصدمه: دي قالت حبيبي... لا ده لو علي كده اعمل كل اللي تؤمري بيه
ونظر ل مكانها: استني هقولك
محمد: انا بجد بحبك اوى
أميرة: وانا كمان شكلي كده وقعت خلاص
محمد: اه يارب فاضل شهرين علي جوازنا وهي اللي عايزه تغضبك اهو
أميرة ضحكت: طيب مش ف العقد بردو انك تجيبلي شوكلت وشيبسي ومولتو وشاورما وبيبسي واي حاجه يكون نفسي فيها
محمد: شاورى وانا اجيب تاكلي اي
أميرة بتفكير: اممم ايس كريم وبعدها بيتزا
محمد: عيوني يلا بينا وامسك بكفها وسارا سويا يحقق لها ماتتمني ويشتري لها كل ما تعجب به
مرت الايام كما يجري الحال دوما يوم جيد ويوم سئ واتفق محمد واميره تأجيل الفرح قليلا حتي عوده عبدالرحمن حتي ولاده اميره كان محمد بجانبها كل يوم وقام بتوليدها وانجبت اميره تاليا وكريم
واليوم عوده عبدالرحمن واخر تجهيزات الفرح ل اميره ومحمد
عبدالرحمن دخل وهو يرتدي بدله الظابط ويقف بهيبه غير معهوده
قفزت شروق لحضنه: كده اهون عليك تسيبني كل ده كنت خايفه من غيرك
عبدالرحمن ربط علي ضهرها: انا رجعت اهو متخافيش من حاجه ابدا وهحضر ولادتك كمان كنت بتمني احضرها والحمدلله
شروق: انا كنت مظبطه كل حاجه علي ميعاد رجوعك وانهارده هيكون الباشا شرف
محمد: حبكت تولدي انهارده والفرح بكره قسما بالله لو سمعت كلمه تأجيل ل هرتكب جنايه هنا
عبدالرحمن امسك بقميص محمد: انت عايز تعمل قلق ف منطقتي اي مش خايف طب حتي اعمل حساب للنجوم الي علي كتفي دول
محمد: يعم بقا نفسي اتجوز حس بيا
عبدالرحمن: ساعه زمن تولد بس وبكره هنحضر الفرح معاك
محمد نفخ بضيق والحمدلله وصل امير جديد
عبدالرحمن: هسميه سيف
عاصم: ايوه بقا ياعز ابني داوود وابن عبدالرحمن وابن احمد يعني في 3عرسان للاميره بتاعتنا
عز: مفيش الكلام ده انا بنتي مش هتبعد عن حضني دي لسه مكملتش سنه ولا حتي لو كملت 100سنه مش هتبعد عن حضني
ومر اليوم بسلام
عبدالرحمن: طيب علفكره انا بكره بس وبعد كدا هستلم شغلي ومش هبقا فاضي للمناقره دي انا ظابط بردو وليا وضعي
ريهام: يا اخي بقا فلقتنا ظابط ظابط نعمل اي يعني
عبدالرحمن: لم مراتك عشان انا عايز احضر فرح العيال الغلابه دي من غير ما ازعل حد
نظر احمد ل ريهام ف صمتت
عاصم: مسيطر بقا ومن بصه بتسكت انا لو بصيتلها كده هتعيط والله
لكزته بيري
حياه: طيب انا رأيي نسيب شروق وعبدالرحمن ونروح نخلص اللي ورانا
عز: اه بس في حاجه كنت عايزكم تعرفوها ياسين عايز يحضر الفرح
أميرة: خليه يجيي ويجيب نورا معاه
محمد نظر لها بصدمه: نورا مين؟ وانتي عرفتي ازاى
أميرة: دي حكايه طويله بس يعني هي واحده صحبتي من زمان عزمتني علي خطوبتها الجمعه الجايه والعريس لما شوفت صورته كان ياسين بس كده
حياه: ربنا يهديه يارب ويصلح حاله يلا بينا بقا
أميرة
شروق
عبدالرحمن: انتي هتنزلي كده ولا اي دارى رعاتك دي... انتي لسه هتبصيلي واقفلي الفتحه دي كلها سمانتك باينه
شروق بفرح: حمش... واطاعت اوامره
بيري
ريهام
حياه
ومر اليوم بطريقه رومانسيه وفي منتصف الزفاف
محمد واميره اندمجو في الرقص. بجوار حمام السباحه وكان محمد يمسك ب كف اميره حتي انزلقت قدمه ووقع ف حمام السباحه حاولت اميره المساعده ووقعت بجانبه لثقل الفستان
محمد بضحك: طب اي مش هنسكت وامسك بيدها واخذ يدور بها ف الماء ويكمل رقصتهم
حتي افرغ عز القصر من الناس
واحضرو لهم مناشف
حياه: مش هتضيعو وقت ف الشاور انتو خالص اهو اي خدمه
محمد نظر ل اميره: ولا حتي ف التنشيف وحملها واخذ يجري حتي وصل لغرفتهم
ريهام: بصي تاليا وكريم يتوزعو علينا
حياه: لا لا خدي كيراز كمان ويتوزعو علي شروق وبيري
ريهام: مجتش عليا انا كمان هسيبلهم عيالي
حياه: براحتكم انا مش فاضيه بصراحه
ريهام: اممم طيب ياختي ربنا يسعدك
حياه: انتي فهمتي غلط انا ورايا شغل كتير
ريهام: ربنا يكون عونك ياعز
......................... تمت..........................................