بارت ٥٠
#أماً_لهُن
#مريم_السعدي
ازل....
يومين مرت وام راكان لكيتها بالباب العصر
جنت داسوي كهوه يحيى وعمو انور بره وعسل تروح وتجي تاكل باضافرها وتباوع من شباك المطبخ عالحديقه وترد تجي يمي
- ازل تتوقعين كله
- مادري والله
- شون اعرف حموت
- اثكلي عسل هاي شبيج بقيت اباوع بعينها وكانما عرفت سوالي
- اهووو اي اي اعرف صعبه بس احبه واريده اله ماريد غيره
- ابتسمت المهم راحتج وانج متاكده من قرارج المتخذته انه هذا الانسان الصح
- ازل اني تره حاولت انسجم وي غيره مكدرت صوته يدك براسي النوبه كدام عيني
- شون حاولتي يعني
- يعني نطيت مجال لولد سولفنا شوي الله يرحمه راح. بالمضاهرات بس والله اني مكدرت من اول دكيت طابع اله ومتجرا اكثر
-اختيارج عهذا عسل
- واني المسووله عنه بس ادعيلي
- ان شاء الله قابل شنو العوارض
- مادري بس تعقدت من لوز
- الله يساعدها ميندري شنو حالتها
- اكيد زينه تزوجت بعد بلكن الله تحب رجلها يحبها
- يكون يموت عليها
- ان شاء الله فارت فارت الكهوه
- اي لحكت جيبي الفناجين
- صبت ودكت على عمو اجه اخذها واني عيوني عليه واكل باضافري ابتسم وغمز متت خجل طبيت راسا لغرفتي
دزيت
- حياوي
- ها كلبي رد راسا
- كتله
- اي بعدين نحجي عيب كاعد يمه
- شكال
- غزالي بعدين
- اييي تعبت من الانتظار
- واللي يحب الحلو شيسوي
- ياكل المر
- لا يصبر حبيبي يصبر
- اوك باي
دز اوك وراح
ادري شديحجون مؤتمر سان ريمو استغفر الله
شوي اندك الجرص طلعت من غرفتي شفت ازل مدت راسها عمو يحاجيها للومه تسكت بزيودي وتباوعلهم
كالت للوم
- يعني كلتلك تريد ازل اي خل تفوت.
انور : افوتها يعني
- اي قابل تضل بالباب
- ماشي
طبت واباوعها ام راكان
- اهووو للوم ام راكان هاي
- اي معليج انتي طبي جوه
طبيت اني وعسل واسمع لغوتها بس مصيحت. كالت
عيب عليها خل تطلع احاجيها مو سوت المصيبه وضمت راسها
للومه : يامصيبه خيرج ام راكان
- انتي عمتها مو
- اي
- اريد احجي وياها ماعدي حجي وياج
- اني مثابه امها
- لمن بمثابه امها معلمتينا معقلتيها مفهمتيها عيب تاخذ ولد من امه اني الربيت وتعبت بله رجال صرت ام واب وتجي الخاتون عالحاضر حاولت وياه شافته ممنه منشده وياها كالت لصاحبتي ليش يروح للغريب موعيب هاي سوالف السحارات موعليه
- احترمي روحج لحد الان ساكتتلج وابنج بالطريق يجي يشوف امه داشوف يرضى بهالكلام
- اي انتي شوفي روحج ليش تغشمين روحج لعد رجال شكبره يباوع لصديقه بنته حتى عيب لج ياهو السمع بالعشيره خرب ضحك وكال لافت لافت حدما اخذته عيب وخزي
- هسه شتردين عيوني انتي مو داريد انيم الولد وكلسا فاز من صوتج
هنا عله صوتها اني من اول مطبت خابرت راكان كال جاي بالطريق بذت تعيط وتصيح وتدفع بللومه وعمو انور يصيح اطلعي يخاف يلمسها وتسويله هوسه اخر كلمه كالتها
- بنات شوراع هي واختها ذيج. حاولت وي الاب مفاد. دزت اختها. شمدريني شتخبط بالكهوه والجاي تسكي تصخمه
هنا سمعت صوت راكان من الطرمه
- يوووم اطلعي
لايكدر يفوت المطبخ للوم بله حجاب ولايكدر يبقى يسمع كلامها
دك الباب قوي وصاح يوووم
طلعت امه واخيرا اخذها وطلع سمعت شحطه سيارته لغرفتي غمضت طبت للومه باوعتلي بعتب ونصت راسها وطلعت
لشوكت اضل اسمع هالخررريط لشوكت شوي ودك التلفون
رائد
قريب دتخلص الدكه رديت خلك ماعدي
الو ها رائد
ها ازل شنو سوسن جتي لبيتكم
جريت حسره وسكتت
ازل
همم
احجي من داسالج
ايه
كلتها وجريت نفس مخنوكه
كال
بيج شي خو ماا
حارت شحجت
كلتها واختنكت حيل صوتي تغيرت نبرته
رائد اني لفت عليك
وانتي تسمعين حجي هاي رجلها من ضيمه حط اسه ومات
لالا صدك اني لفت عليك
بقه ساكت
احجي ريحني شسوي بكلبي حبيتك بعد شسوي
معليج بالكل يابه كالها بصوت ناصي يحاول يهديني.
ازل سمعيني
هااا اي مو لعبت روحي
ازل داحاجيج
والله طكت روحي فشله من للومه وعمو انور يوميه شكول شكول ساعه اختج ساعه صاحبتج
اززززل كالها معصعب
هااا هااااا
جر حسره كال بصوت هادي
واحد بالشهر زواجنا
شنو شون اليوم ١٢
اي واحد بالشهر الجاي
بقيت ساكته
عدج اعتراض
جج
عدج شي نقص
لابيبي اشترت كلشي
هاهي لتضلين حجايه تجيبج وعشره توديج
لا
ديله الله وياج
سده وطلعت للوم كتلها كالت احسن شي عسل بعدها متوتره خلصت اضافرها تنتظر دورها
لليل كاعدين جننا ناكل جبس ونسولف بغرفه عسل كلمن تحجي التتذكره واني احجيلها عن بابا وماما لان متتذكر اي شي عنهم حجيتلها شكد جانت مدلله حجايتها متتثنى عد بابا وابد ميكوللها لا جانت تبتسم بلا مشاعر فاجئني سوالها من كالت
- شنو تحسون تجاها مثل متحسين تجاه عمو رائد جفصت من كتلها
- ماكو مثل احساس الاب وحبه
صفنت عليه غابت ابتسامتها.
- يعني بحياتي مراح احس بي توقعت من اتزوج يحيى يعني يعوض هالشي
بقيت اباوع بعينها نصت راسها وباوعتلي
- يعني شون تحبي شون جان يعني يعاملكم ههه ادري اني سائله هالسوال الف مره بس احب اسمع
- بابا جان يطلع نقليات سفر فيبقى يومين هيج ويرجع من جان يجي ممخلي شي مجايبه وبحضنه يخلينا احنا الثلاثه وانتي متقبلين تدفعينا تردين وحدج بالتالي انتي تربحين من يحضنج و ينام
- شون حلو اتمنى يعني اتمنى اتذكر شي يعني نوبات احس ماعدي ام واب
- لالج لتكولين هيج عابتلج
- والله لو ما للومه يعني تره هواي تعلقت بيها اني بس بفتره مراهقتي تركتها من تعلقت بيحيى هي هم صارت عدها حياتها الخاصه
- اي اعرف
- ازل تتوقعين رسل تشتاقلنا
- جريت حسره وباوعتلها والله مادري
- تدرين شكد مشتاقتلها يعني بغض النظر عن كلشي بس اتمنى اشوف طفلها اللي اجه من اشيل زيودي اتخيل ابنها اتمنى ترجع والله هاديها حتى لو للوم مصالحتها اني اصالحها اكيد متزوجه وعدها بيت تخيلي ننجمع فد يوم وحدنا ببيتها ونسولف بس مو بحقد وكراهيه قبل لكون يعني هي اخذت كلشي تريده مو بله
جريت حسره وباوعتلها
- عسل اللي مثل رسل متكتفي ابد
- ليش هيج هي صارت
- والله مادري يعني اتذكر للومه شكد جانت تنطينا تنطيها
- عزه هاي اذا عرفت دنستلم راتب تقاعد مال ابويه يمكن تنحرنا النوبه اذا عرفت عدنا بيت باسمنا يمكن تذبحنا
- ماكو داعي تعرف واذا جتي محتاجه ذاك الوكت غير حجي
- الله يهديها
- امين اكولج جعت مو كتيلي اسويلج بشاميل شو ذاكه التبسي مطعج عالسنك
- لا سويت بالبايركس مال هديه خاله اميره للومه
وينه
- بالفرن عم بيصير بس باعي هاي مو تضمين منه للريوك تره داريد ادز لحياوي عجبه
- نعااالات احسن كوليله يجيب جبن وكريمه وسويله واحد جديد
- لاخطيه حبيبي مو يجيبلي كرواسونات
- اي كرشتي من وراهن ديله امري لله عود اني كلت اودي لراكان ورائد طلعلي استاذ حياوي
- هو عمو كلج احبج
غمضت عيني غابت ضحكتي هزيت راسي مبتسمه
- عسل علاقتي بي تختلف عن كل العلاقات الشايفتها بحياتج متعلقه بيه متعلقه باثره
- اووي تقهر حجايتج ماراح اسالج بعد حسكت .. اكولج صدك
- شكوووو بعد
- تتوقعين هسه عمو ديحجيلها للومه
- يمكن .. هو يحيى كلج حيفتحون موضوع؟
- اي كال اليوم الحجي يفتح موضوع
- جوز ديحجيلها هس بعدني ممكمله حجايتي وطبت للومه عاكده الحاجب وسدت الباب باوعتلي بغضب وباوعتلها لعسل عسل كبل نصت
كالت
- عسل يحيى ابن انور متقدملج واني رفضت بس عمج كال سالي البنيه اول يله تنطين رفض.
باوعتلها عسل وباوعتلي برطمت تخجل تحجي
ازل : ليش رفضتي للومه
للومه : ازل اريد اسمع منها ليش عمج كال ساليها اول لترفضين راسا
عسل : للومه ااني يعني اعرفه تدرين هو بالجامعه ويايه حاجيتلج اني
للومه : ليش كل اللي بالجامعه كبلات يعني حضرتج منسقه ويا مووو
- لا اني .. ونصيت راسي ماريد اكذب بعد هزيت راسي بله صوت
للومه كعدت وفركت وجهه همست
ذ ليش هيج تفشليني عسل شون هيج تسوين شكد عيب
- للومه اني قبل لتتزوجين اعرفه ووجنت احجي ويا بس والله ولامره طلعت لو سويت غلط
حجيتها وبجيت نظره للومه الي قهرتني
كالت
- ملكيتي غيره ياامي وج هذا معاق
نترت بغضب
- يحيى مو معاق للومه يحيى واعي وفاهم شنو يعني اذا رجله عالعكاز عادي حياته احسن من اللي صحته ممتازه
- عسل شون حتكدرين تكملين حياتج ويا كالتها وبجت تمسح دموعها وتبجي ماما انتي متعرفين شون الحياة صعبه ابسط شي اذا تعبتي شون حيكدر يعينج اني عمج اذا تعبت شال زيد عني حار بي شون ماما شون
- للومه ومنو كلج هو ميسوي كل هذا يحيى متوكفه رجله يحيى شاب صعب تره منو مثله رغم معاناته فتح بيت ومكتبه عمه اني كلش مقتنعه بي
- يعني متفقين وخلصانه السالفه وللومه متدري مو عسوله
- لا كلتها ونصيت مردت اكذب جرت حسره كالت
- المهم انج مقدره صعوبه واختلاف وضعه ماما
- اعرف والله ومتفاهمين
- هاهي هذا الاهم لعد اني شريدلكم غير الراحه كالتها وباوعت لازل تردون تعوفوني بنات
دمعت عينها من كالتها
بالجمله تطلعون منا البيت يفرغ
- لا للومه زيودي عدج واحنا كل اسبوع بايتين يمج والله كالتها ازل وتقربت باست راسها
والله للوم السويتي متسوي زلم ربيتي ٣ وتعبتي عليهم دراسه وتربيه يكفي انج مسيطره علينا وعلى مصرفنا وفوك كل هذا تقاعد ابونا ملاعبه بي منو يسويها
هزت راسها ومسحت دموعها تساعدها ازل وتمسح بوجهه
للومه اللي وصلناله بوجودج انتي لوما انتي احنا نضيع لميتينا لم
- بنات اخويه كالتها وعيونها مغرغره عفيه بنات خاف شفتو مني تقصير عذروتي والله هاي كل قابليتي
عسل : للوم تقصيريش اني لحد الان عدي تسع قطع ذهب مال كل سنه نجاح من غير البيت اللي نصه باسمي انتي امي الاعرفها للوم نسيتي من جنت انام بحضنج هسه زيودي ماخذ مكاني الحكير
تباوعلي صافنه ابتسمت همست
- عسل ماما متاكده من قرارج اني خايفه عليج
قربت وجهي الها وهمست
- للومه احبه والله لتخافين
ابتسمت كفختني بخفيه همست
- وج عيب ثوله
- اي شسويلج غير مدتفهميني
- ديله حروح ارد خبر لعمج مادري بعد شون ملون يجيبون منو مادري والله
طلعت من يمنه دك يحيى ازل طلعت سالفه احجي ويا كدامها جانت كلش ضايجه منها كل حجايه وكالت
تره واكفه تحجين وي صاحبج واختج الجبيره تدري
ازل لوما تعرفيني شداحجي متخليني صح لولا لو مواثقه من اختج ومن الولد تجرين التلفون مني وتضربيني صح لو لا
هزت راسها وطلعت
رديت
- الو
راسا كال
- حبيبي لتديرين بال اني اجي احاجيها لعمتج
- ها شنو علشنو
- حقها متوافق بنيه مثل الورده ليش ياخذها انسان معاق
نترت
- وهووو منو كال رفضت
- خابرت انور هسه كال شوي للومه انعقجت
- وليش تكول عروحك معاق فد يوم واحد كلي اذا الكلمه منها حقيقه لتكوليها صح لو لا
- صح كتلج هالشي
- لعد من تكولي اني انسان كامل والكمال لله وان الله من عليه بالعقل واختبرني بساقي ليش تغير هسه
- اني داكون بمكان عمتج حقها
- لا مو من احق احد يتدخل بقرارتي هاي حياتي
- فدوه رحت لحجيج
- اني عصبيه لتخليني اهدا
- ابقي يله عصبيه
- اي داتعارك تره
- اني داترزل ههههه. اترزل من عسل يله الحمد لله والشكر اليوم الاترزل بي يله ميهم فدى عيونج
- اي هاهي شمنتضر بعد
- دانتظر الرد من عمتج ويخابر انور ونشوف الخطوه الوراها شنو
- ازل بوكتها جوي بيت عمو رائد وجماعته
- بابا جماعتيش اني بس حسن عدي وعثمان الهندوسي مكرود خوالي و انور يجيب وعمه ها شتكولين
- وخوالك يعني خوال حسن
- ماا شسمه هاي
- شسمه
- اهو عسل اني مقاطعهم تره
- معليه شنو اريد هواي ناس
- استغفر الله ماريد ذيج تدري
- منو امك
- عسل حروح شوي واخابر معاميل عدي
- اوك
سده وراح طلعت يم للوم عمو انور جان رايحله دااحجي وياها وكتلها ميريد يكول لامه كالت
هيي صار كم سنه تحاول تتصل بي وهو ميقبل
- صدووك للوم عليج الله
- انتي معليج عسل بينهم ماما هذا جرحه جبير
- للومه بلكن ترجع علاقتهم خطيه يضل بله ام
- بعد انتي وامكانيتج
للومه....
كلتها وصفنت مااخفي خوفي من رجوع العلاقه ويرجع انور يلتقي بيها لحد اليوم اذكر بالمطعم من شاف صديقه شون رجف عاد لوشافها الها شون
عسل...
طبيت اتصلت بي رد
- ها حبيبي.
- هلاو ههه اي مكملنا حجي
- همم طلعيهن غزالي شتردين
- من الاخير
- اي من الاخير
- اريد امك هم تجي
- لعد ابطل مااتزوج احسن
- شبيك حتى تشوف انك من دونها ممتت عادي صار عدك بيت ومكتبه جبيره وكملت دراسه ومرتك كيكه مثلي
- ههه اموت عالكيك اني غزالي تردين خاطري هالسالفه تنسد توجع كلبي والله العظيم ومااعتقد تحبين تاذين حياوي
- لا ماريد ااذيك بس حياوي تدري اتمنى احس يكون عدي ام اني محاسه هالشي اتمنى اجرب ولو للومه مشكور تعبها مقصرت خطيه هم هم تمنيت اجرب هالاحساس
- غزالي همزين مجربتي
- لا ليش
- لاكلبي اخاف عليج تنقهرين مااتحمل شي ياذيج باحساسج
- تدري كل فتره اسال ازل عن بابا لان همه يعني لحكو عليه ويتذكروا. هواي
- امم
- فه ف. فف سالتها شون تحبي يعني مثل متحبين عمو رائد
- عمو رائد منو!
- رجلها خطيبها يعني
- ها ابو اساور الله يرحمها
- اي فكتلها نفس متحبين رائد جنتي تحبين بابا
- اممم شكلتلج
- كلتلي لا ماكو مثل حب الاب انكسر كلبي يحيى يعني كل حياتي لا راح احس بام ولا بأب
- واني وين رحت غزالي ليش تحسسيني بنقص كلبي
- موهي كلتلي ماكو
قاطعني ب
- شششش. هادئه همس
اني ابوج واخوج وحبيبج وابو بيتج عسل اني تجايتج وانتي تجايتي لتخافين اذا الله طاني عمر وعافيه اصوغ عافيتي وروحي لخاطر ضحكتج
- اوك
- واذا تحبين صيحيني بابا من يعجبج تدلعي ببيتج مثل متحبين محد يسمعنا
- اوك جريت نفس مسحت دموعي سكت واني سكتت شوي
- احبك
- هه اموت عليج
- اروح انضف بليل نتخابر
- ماشي اني هم عدي طباعه كتب مدرسيه
- اني سويت كيكه
- اممم يله بليل امرلكم
- ليش بله شعدك
- علمود زيودي شتاقيتله حيوان
- واني
- اي طبعا انتي الحصه الاكبر بس اطب للصاله اشم ريحتج وارتاح
- يله حتى اضملك كيكه
- ماشي. يعني عشايه عليج اليوم
- اوك تدلل
- ديله كلبي اجيبلج شي ويايه
- نو
- قصه نازله جديده روايات سحر
- رومانس
- اي مرتبه
- اوك جيبلي
- اخليها جوه الكوشه بالصاله
- اوك هههه باي
- هله كلبي
سديته وركضت ازل دتحجي وي للوم عالتحضير وترتب بالغراض وللوم تعددلها بعد فالان شي وفلان شي جانو معصبين ومتوترين يمكن ميلحكون يكملون تجهيز ازل مدايره بال بس للومه تريد كلشي مثل مالتها كلشي تمام
خابرت عمو انور يسال عالذهب لان كالت بعد بس محبس ويكمل تخمها حتى تلبسها للومه ذهب تخم
راحت خطيه للسوك اخذت برانص وملابس نوم اشكال ازل تباوع ببرود مكياج وعطورات وشامبوات كلابيات وووو اووه
تعبت من الترتيب هي وازل
واني صافنه دك تلفون للومه ردت
- ها انور سكتت شوي وفكت عينها عاطت
اي ادري شكووو اتفقت وياهم هالخميس والاحد حنه ازل اني شصير اربع اقسااام انور الغيها
شنو متكدر سبوع اليجي فدوه
اي شون شون بس فهمني شنو بعد اتفقت شنو العيب ارجع بحجيي اني ماكدر اني مخبوصه بالجبيره
هسه دتعال ونشوف شون
سدته وكعدت ازل سالتها
- شبي عمو
باوعتلي وكالت بتعب
- الكعده مال هاي الخميس كالتها وبجت
- هسه اني شلحك
ازل : عادي للومه ليش حايره هي كعده
- اي مادري شسوي وشنو ماسوي تبجي وغطت وجهه
تقربت ازل منها واني هم
- للومه عالبساطه حبيبي هي كعده بسيطه حتى حنتي كلها وكلايلها بالهواي فد٣٠ نفر ماعدنا احد
كامت تبجي اكثر ابتسم ازل وغمزتلي
كالت
- للومه تره كل اسبوع نجيج
كالت
- تلتهون بحياتكم وتنسوني
كالتها منصيه حضنتها ازل تبتسم باوعتلي تقربت حضنتها واني هم بجيت انقهرت عليها كالت
- تنسوني قابل اني امكم
ازل تعرف تحجي كالت
- انتي امي اللي اني اعرفها للومه انتي الونستينا وطلعتينا ووصلتينا بدراستنا انتي امنا وابونا للومه تقاسمتي ويانا براتبج وراتب بابا ضامته لمستقبلنا منو سواها لجهال اخو
- لتعوفوني كالتها وتباوعنا بتوسل طبيت بحضنها وشددت حضنها على راسي وكفختني
انتي صغيره الكوم انتي ام البلاوي مو تلتهين بييتج وتنسين للومه
- لالا ماانسى يوميه اجيج اني ويحيى هو اصلا ابو عمو انور
- ان شاء الله باوعت لازل كالت
- ازوله ماما ممحتاجه شي بعد ليش احسج مفرحانه
باوعتلي ازل ونصت
عسل : شنو تره صرت جبيره حتزوج بعد شهر شنو هم متحجون كدامي
غمضت ازل وهمست
ازل- : خايفه لكم عيني شون احس روحي تورطت وورطت كلبي بي
كعدو كبالي ثنينهم من كعدت
عسل : ليش شبيج
غمضت ونصت للومه كالت
- ها ازل شكلنا انتي كلتي اتحمل منه كلشي واوكف وياه حدما يكمل حداده على بنته ويشوفني زوجته مو بنته ليش هسه خفتي من صارت صدك نبطل
بقيت منصيه راسي واباوع لايدي باوعت لعسل صافنه عيونها مغرغره
هزيت راسي مبتسمه
- لالا بس خوف من الحياه الجديده
للومه : اساسا هالحياه انتي عايشتها اكثر من ما عايشه بييتج وبيبي الحجيه وياج لتخافين
- ان شاء الله
- دكومي لمي الهوسه وانتي خاتون باوعت لعسل كالت
لبسي دااخذج للسوك قبل لتليل حتى نشتري فد نفنوف بسيط للكعده
تحمست وطبيت ركض بدلت وطلعت لهنا عالشارع اخذنا ورجعنا جنت مستعجله لان حياوي بالليل يجي
طبيت شفته كاعد بالحديقه يم عمو وزيودي بحضنه باوعلي وغمز يبتسم دفعتني للوم واشرتله
- شونك يحيى ماما شون صحتك
وكف
- هلو خاله الحمد لله
طبيت اني واسمع للومه تحجي وي زيودي
-اوف حبيبي كاعد بحضن اخو هذا اخوك حزام ضهررك .
ماكان يحيى يرد بس يباوعله يبتسم نوبات احس يضوج من زيد ونوبات احس يشتاقله كطفل ونوبات مجرد المشاعر
سويت كهوه والكيكه ودزيتها بيد عمو كال
نشرب كهوة عرسج عسوله
- شكرا عمو بوجودك
وجهي احس نار من الخجل صار طبيت فرجانه بالثوب كان لونه تفاحي ناعم لبسته وافتر بي حليت شعري اللي قبل كم يوم ساوته ازل وللومه ساوت شعر ازل لان مذايل من جوه
طبيت لازل اشوفلهيا شفتها مغمضه تحجي وي عمو بالسماعه
ازل : امم ماشي ترجع بسلامه
اي كتلها وحضرت كلشي ماعدنا شي بعد
اي كتلها بيبي كالت بس زفه يم بيتكم وراها يروحون اعرف رائد مفتهمتك تره ماكو زفه يم بيتك عرفت خلص
طلعت من الغرفه مالتها مقهوره ومقدره وضع عمو هم
نزعت الثوب علكته رديت خابرت لوزه مغلق دمعت عيني المن اسال لعد هي جانت ويايه الله اليعلم حالتها هسه والله يساعد حسن اللي سافر لبيروت عده ترجمه كتب للعربيه وبقه مرجع يحيى يكول تعبان يختنك من شغل المكتبه بس يفوت يرد يطلع
طلعت من راسي كل افكار سلبيه ملكيت غيره وبصفه صورتي تضحك ابتسم ورن تلفوني
باوعتله هو
جنت ذايبه بكلماته قبل واتذكر كلمه كلمه روحي ترفرف رديت اول كلمه كلتها بكل هدوئي
- حبيبي
جر حسره وسكت
- احبك
كال بصوت هادئ
- وبعد
- كلشي حلو بدنيتي وكلشي بي احساس
- شوكت ينور البيت بيج
- الله كريم
- يجي يوم التلفون يصير مداليه بعد
- هه ليش
- انتي يمي عليمن اخابر بعد
- امممم خوش
- جنتي نايمه
- نو دافكر
- شدتفكرين اللي مخلي صوتج جنه صوت الهوا البارد الخفيف
- ههه دافكر بيك وبحياتي الجايه وياك
- لعد خل اكولج
- شنو
- اخذت للصاله تخم
- ليش مجان بيها
- ليش انتي مشايفه البي. وقطعها هاي مشايفته فتحي - فتحي كام
- شعري مخربط
- ميهم خل اشوفج التخم
- نوو ممستر لبسي
- لعد بس اني افتح وتفرجي
- اوك
جر حسره واسمع خطواته وخطوات العكازه كال
- ليش لابسه مشلتح
- مشلتح شنو اسمها مشلح
- اي هو نفس المعنى
- دانام
- ممم عايني وينج شو
- همم هلاو هههههه دتشوفين الصاله
- اي تجنن الله يخبل
- باع هاي الفاترينا هاي عجبتني شنورايج
- تخبل بس فارغه
- يابه غير ام بيتي تترسها
- الله اخلي بيها دباديب
- باع الله وج يادباديب صاله صاله يمعوده
- لعد شنو ها كلاصات
- اي هالسوالف كرستالات شوي شوي بعد
- كلش حلوه يحيى تخبل
- اشوفج زرعاتج صار كومه مشايفتهن
- يله
مشه لاحديقه وفرها بيته مو بناء جديد بس هو مرممه صابغه جديد مداوي رطوبه ومسوي فرفوري للمطبخ والحمامات ومبدل البواري والنقاط يعني ادامه هالكادرعليه بس طالع مرتب مبي نقص
- باعي شون كبرانه الزرعات
- الله حلوه بس ممرتبه
- ماعرف ارتب زرع غزالي هاي شغلتج
- اي من اجي ان شاء الله
- اي اخذج للمشتل اختاري شتردين بس راعي الله بجيبي ها
- هههه تدلل
- زين شنو معاجبج بالبيت
- كله حلو مرتب
- اي اليوم عمة انور جتي اخذت غراض اللزكه وخطيه جيت لكيته يلمع مخلت شي
- اممم صدك عدي حساب وياك
- ياستار
- اي وين جانت تنام
- بالصاله عيب حبيبي هاي عرضي مجرد نبره اتهامج مو حلوه بحقي اني رجال اخاف الله ببنات العالم خاف الله يخلي الاحبها بموقف لان كل ساق سيسقى بما سقى
- اسفه صح هذا هو سد الموضوع
- لا مينسد بعدني ممكمل حجي اذا قصدج عالموضوع مال رساله اني كتلج قبل رزلتها وامها حارت شسوت بيها وراحو
- اي اوك
- ماعدج شي بعد نسد موضوعها وميرجع ينفتح ابد
- اوك
- من كتلج احبج طيتج عهد من عفتج ضاعت بعيني الملامح الانثويه كمت اشوف كل النسوان بلا احساس من ناحيتي يعني بنيه واكفه بصفي احجي وياها ابد ابد ماحس انها بنيه الا انتي
ااااخ ياوجع كلبي ورنه دكته بس تفوتين بعد مترين ٣ وهذا كلبي ينشال من مكان يريد يطلع
- اني هم
- عمره احساسي تجاهج مقل ابد يزيد يربي يزيد كل يوم يزيد اكثر مصطفى من حاول يتقربلج الله يرحمه رحتله كتله راجعه الي بروح ابوك عوفلياها ولتكرب كالي يجرالك ورد كلي تره هي هم خاطرها بيك دير بالك عليها يتيمه
يحجي. اني دموعي تجري
- ها حبيبي رجعنا
- تاذيت حيل من توفى
- الله يرحمه
- بس والله يعني ماعدي شي وياه
- ادري كلبي
بيومها نهيت المكالمه وعدي اجوبه لكل اسالتي اتفقنا على كلشي حتى الذهب كالها بخجل
عسل شكد تردين ذهب يعني شكد يعجبج
- اني عدي ذهب
- لاحبيبي هذا مني وحد
- مادري كيفك
- مواني شنو شوي مديون داريد اوفي ديني مال بيت بس اوفي والله اعوضج.
- انت شتريد تجيب براحتك انت عدي اغلى من هالمضاهر الشكليه
- تمام يعني كلا ده وتراجي
- لا بس كلا ده اريد اسمك
- هم حلو وحلقه
- اي
- تمام
- مو تجيب بي ثكل يضايقني اريد نازك حيل
- حبيبتي انتي تتوزنين ذهب بس والله اكمل ديني اعوضج
- واثقه بهالشي
- الغرفه باذن الله وره العقد راسا
- شوكت العقد ناوي
- هو الخميس بيوم اليجون الزلم
- هااا
- اي الشيخ وياهم يجيبو حتى فد نوب نعقد
- يحيى صدك
- كلبي شعدنا ناجل اني تعبت وحدي اريدج يمي
- اوك تمام
- ماعدج اشكال
- لالا بس شو شوي ههه مادري صارت صدك انتقال مفاجيء
- لتخافين من حياتج ويايه عسل اطماني
- ان شاء الله
- زين هسه المهر شنو تردين
- ماعرف هالسوالف اسال للومه
- تمام وهو كذلك ديله كلبي نامي ارتاحي الطابعه كملت طبع خل اكوم لشغلي
- اوك
- تصبحين على خير
- وانت من اهله
- اوكف بس شغله
- هــا گلبي
- اني اتمنى اسافر وياك
- هممم يعني شهر عسل
- لا يعني اقصد اي من نتزوج
- بس اصبري عليه والله بس اوفي ديني شغله شغله انفذها
- وعد الحر دين
- اي بالله غزالي
- اوك باي
- هلاو
سديته وتنفست براحه حدما غفيت مبتسمه
.
.
يتبع
.
.
د