بارت ٤٦
#أماً_لهُن
#مريم_السعدي
عسل...
دوامنا انقطع حدما نطونا انذار جماعي صار لازم نراجع الجامعه اسبوع من يوم الاجه لليوم مفك الحضر عني شسوي قسه كلبي عليه وانقهرت منه داومت اول مطبيت الجامعه شفت بنات قسمنا اثنين منهم يبجون واكفين يم نعي تقربت منهم اقره وانصدم باسم
مصطفى ...
ماعرف شصار بيه انسان حباب عطوف ومحترم مات غدرا بساحه التحرير شطت احترك دمي كعدت ولزمت راسي اباوع البنات وحده منهم تحبه وهو متجاهلها بجت بجي بجينا على بجاها ساعه ونص والطلاب طشو غضب انجمعو ولمو فلوس واجرو كيه لساحه التحرير محسيت بروحي الا واني وياهم غضبي اخذني روحي الوطنيه اللي عمري محسيت بيها فاجئتني بغير عالم رحت حد ما اركز يحيى يمشي سريع بالعكازه وياشر الي
ويين وين رايحه عسسسل
وتحركت الكيه البنات كالو
هذا يحيى ابو الاستنساخ تره صاح عليج مهتميت نسيت كلشي كل الردته اكون حالي حال هالشباب شنو اني كاعده بالبيت وهناك بدم بارد ينقتلون. شنو فرقي عنهم
وصلنا اول مطبينا طونا كمامات لبسناها والمشي اخذنه اتفرج صور الشهداء واصوات الحماسيين شبان مثل الورد مصخمه والتكاتك تركض صوت
ضحك
وبجي
جمال متوصخ بصخام مزيدهم حسن
من كل اصناف الشعب
اطباء
صيادله
مهندسين انترنت
والعالم توزع وتركب وكانما بيت واحد مو قلب العاصمه موساحه التحرير
الجوعان شبع بيها
والماعده احد صار عده اهل
بس اتلفت ودموعي تنزل هناك علكت رمي وصوت قنابل وكلها تصيح ارجعواا بناتتت ارجعوا واحد يصيح للخ لاهل التكاتك
تعال اخذهم بعيد منا
توني اتراجع خوف والمح بنيه تركض نزلت من التكتك توزع اقنعه واقيه من الدخانيات
والولد يصرخون يابهههه رووووحووو روحووو صرخت رهف اللي تحب المرحوم مصطفى
- ماررروووح مارروح حالي حالكم هناااا
صرختها كزبرت جلدي البنات والشباب كلهم نفس رايها
الولد اللي قريب الجسر يحجون
شتسوون هنا هاهي وصلتو صورتو رجعو
وهي تصرخ بوجهه
ماارجع اهنا ضاله اقاوم حالي حاله تعرفني اني منو اني زميله مصطفى جاوبها يبتسم
باليو م ٥٠ مصطفى يروح مننه روحي الله يستر عليج زلم محصنه بشارب تارس وجهه دتوكع وتسبي اهلها روحي اكيد اهلج ميدرون بيج طالعه
بساحة التحرير اني مثل المبنجه جنت الدخان ترس الشارع ولد وكع مختنك سعفوا اتلفت حايره انترس الشارع سواد البنات صعدو بالتكتك انترس مبقالي مكان حتى نص الشباب طشو اني بس اتلفت. وصوت الرصاص الحي مرعب وصراخ الله واكبر
اول مره احسه مو مصدر امان
اتلفت خايفه اني شجابني حسيت روحي تورطت خفت ونفس الوكت اكول حالي حال هالشبان الحلوه
محسيت اله احد جرني قوي من ايدي فزيت والكاه
يحيى !!
جرني حتى عكاز بيده ماكو يعرج ويسحل برجله ومعبس وجهه من الدخان ملابس كمام جرني لتكتك دفعني بقوه وصعدت وطلع ابو التكتك طاير اباوع للعالم
وانهاريت بجي عالم باعت روحها قضيه لو بيها لو عليها اريد اهدا واشوف موقف اصعب يخليني انهار حدما شفت كدامي
ولد ببطنه طابه الدخانيه صفنت عليه فكيت عيني وضربت وجهي
صرخ يحيى
لتباعين لتبااااااااعيننننن
وجر راسي جوه كتفه بكل قوته كلبه يدك سريع ويرتعش يردد الله لاينطيكم
وصلنا ذبنا التكتك ورد التاف ورجع نزلت كوه واكفه شفت جماعتنا نطو ليحيى عكازته همس
مشكور باوعلي وباوع لولد جان ويانا
همس
وياكم ترجع امانه علاوي
كال
اي اي هو كلنا راجعين يله بنات وانت متجي
لالا باقي ساعه ارجع
بقيت اباوعله ارتعش وجهي مصخم ووجهه هم باوعلي بعتب اشرلي بحاجبه
روحي ولتسويها بعد
اانت رجفت الحروف من طلعت وبجيت
غمض وجاوب انتظر ولد هسه شوي ويجي انطي شغله وارجع
- خاف خاف يصير شي
- لالا مااتقرب للجسر روحي عسل فضيييهاااا
نتر
مشيت عيـوني عليه حايره صعدت بتعب متروسه قهر و هم اني موكده رجيت راسي على شباك الكيه واعاينله يتلفت يدور الينتضره حدما باوع على الكيه مالتنا شافني جر حسره وهز راسه متحسف تحركت السياره وغمضت
كبل للخط وي حسن نتر بيه
- شوداج متكوليلي لينا وياج
بجيت بقه هزيت راسي لاا الطريق
كله ابجي مسيطرت المنضر انحفر براسي دك تلفون حسن رد وباوعلي
- حتموت مبقالها شي هاي
لك وين لكيتهم
ادري مراحو مراحو يرحون للجسر مخابيل مخابيل زلم مدبرتها النوب نسوان
اي هسه حوصل انت وين رجعت يله فضها هله
سده واني راسي وجعني غمضت من التعب الا وكفت السياره يله حسيت نزلت وحدي بالبيت من وكت رجعت
سبحت وطلعت تعبانه منحله وارجف تمددت صافنه
هسه يمكن مات هذا الولد
يمكن اهله تخبلو عليه من راح
دك تلفوني رقم غريب مابيه احجي اندزت رساله
- شون صرتي لتضلين تبجين
عرفته يحيى مكدرت حتى ارد ولافرحت لان رفع البلوك الشفته اكبر من كل المريت بي
كوه غفيت روحي جبرت نفسي عالنوم ساعه وكعدت فازه من حلم شفته بي نفس الولد ونفس المنضر
كعدت بس اريد اصبر روحي واهديها طبت ازل تركض وكانما تعرف كلشي حضنتني واني شعدي بجي بجيته واحجي مخربط عالشفته طلعت جابت حبايتين كالت بلعيها بلعتها وتمددت للومه بس صافنه عليه طلعت ازل وبقت للوم يمي تتلمس شعري وتباوعلي بعتب
مكدرت احجي غفيت بعمق
مر اسبوع كامل هو مرسل شي بعد ولااني الرسلت جنت بجو المضاهرات اراقب اتابع ابجي بكل شهيد ينزف والوب اريد اروح وازل وللوم مانعيني دوام ماكو
اجه يحيى مره ثانيه لبيتنا وهم جاب كومه كرواسون بحجه ديشوف ابوه بس هالمره ماكان الي نفس اطلع واشوفه تعبانه روحي حيل عالديصير ولد اربعه من قسمنا استشهدوا هناك وره مصطفى
هيج ومر شهر عالحادثه للومه بالسابع دخلت ومرتين نزفت واخذت اجازه بس نايمه على ظهرها
خاله اميره ضلت يمنا تداريها ويانا
ازل...
مابين رائد وبيتنا التهيت بحياتي رائد نطاني مهله اجباريه حدما تكوم للومه بسلامه واني وافقته الراي
داومت بس ببعد عنه لان عيوننا مفضوحه هو من اصير بوجهه يتعب يتعب حيل يصير بحيره بين مشاعره الابويه والعاطفيه
متناقض والتناقض تعبه كونه انسان واعي وواضح وفاهم روحه شيريد بس هالمره كالها بصريح العباره
- اول مره بحياتي اريد شغله هالكد ومااعرف ليش رايدها اول مره اكون بحاجه شخص وماعرف ليش محتاجه
جان يحجي وعينه بيها حزن وتعب
رائد كلما اكول اسمه يغمض احسه يغضب ونفس الوكت ترتخي اعصابه التعبانه
- رائد اني وياك بالتريده وشون متريده اضل وياك لتخاف وخليها ببالك هاي اكبر امنياتي.
- ليش بس كوليلي حتى ارتاح
كالها وقرب روحه عالميز الكاعد بي واني عالجهه المقابله
- اكولك بس لتفهمني غلط
- اني الوحيد الافتهمج ازل
- لان بس وياك احس روحي مره بس.وياك احس بامان احس نفسي ماكو داعي اكون بهالقناع الالبسه كل يوم كدام اهلي والشارع حتى محد يفكر يعترضلي وياك مامنه واحب اكون ضعيفه ونازكه ومدلله مثل مامن جنت صغيره وابات عدكم
غمض عينه مبتسم همس
- تتغدين عدنا اليوم
- لالا للومه مدتقبل من فتحت موضوع وياها لليوم منعتني بعد وماريد اكسر كلمه الها عيب تعبت علينا هواي
- حقج كالها ونصه جر نفس رفع راسه باوع بعيني وابتسم يعني من تجين عدنا ارجع الصبح اسمع الضحك وفيروز تغني احنا والقمر جيران
- امم وبيبي تسب بينا طفو حرام عليكم علكو دعاء الصبح
- ههههه وانتي تتوسلين بيها بس خل تكمل اغنيتي
- ايييي هههه واسو من توصل اغنيتي تطفي تكولي تجيبلي الكابه
- جر حسره وابتسم حترجعين الحياه لبيتنا حترجعيها وياج
نصيت راسي ابتسم الله كريم
- اخذي راحتج راكان اجه شبي هذا مكلوبه الجهره
طب راكان نتر
- السلام عليكم
رائد : اخاف اجاوب وتكتلني هو سلام لو عركه
راكان : اذا تعز ابويه سويلي جاره وياها
- اسمع كلام امك
- مااااسمع مااسمع والقران اليوم اروح اخطب غيرها واخزيها تجين ويايه لجج
ازل : صفنت عليه انت بعدك عاللحن القديم
ذ تجيييين لو لاا
رائد : انت شو متحترم كدامي تعيط بيها
- عمي لخاطر الله اني وازل ميانه وهي فاهمتني هَـا ازل شكلتي
- اوك تمام بس اهده خل نفكر شون نروح شون نحجي بلله موافقت
- لاتخافين توافق يله عمي اترخص
كمت وراه عدنا شغل وسناء كانت تعدل الميز مالتها كملو ريوك توهم وطبينا باوعلها وباوعلي
كال
- صار اربع ايام ممداومه شعدج
رجعت وكفت باوعتله وباوعتلي همست
- ماخذه اجازه من المدير سست ازل تدري
- راكان المدير يدري واني طلعت الاجازه شبيييك
فرك وججهه بعصبيه وطلع
باوعت لوسناء وجهه اصفر اكعدي معليج
- هو اكو شي ست
- لالا مويمج بلشنا شغل وطلعنا للبيت لل٤ اتصل راكان
تروحين
- منو ويانا وحدنا
- لالا بيبي الحجيه وعمي
- يلله مرلي
- تندلين بيتهم
- اي اندل هو نفسه تره رممو مشالو
- خوش لعد دتحضري
- اوك
بدلت وجوي عليه ورحنا
اول مدكينا الباب محد رد وره شوي طلعت بنيه تطلع متوسطه كالت تفضلوا ملابسها بسيطه حيل مبين ثوب الفقر بيهم
كتلها صيحي وسناء كوليلها ازل
طبت وطلعت وسناء ركض تلف بشالها باوعتلي وتفاجأت من باوعت ورايه بلعت ريك همست تتفضلو
اشرت للبنيه
لمى فتحي باب الهول بسرعه
طبينا وهي عيونها حايره بيبي الحجيه بس صافنه عالبيت وبساطته حصران فارشين بالهول وكرويتات بس خرب ببليسهم شكد نضيفين حتى الطابوك الطالع من الحايط يلك لك من النضافه
طبت اختها وتسالمت ويانا ووي بيبي رغم ضعف الحال بس ابد منزلت نفسهم سلمو بهدوء وترحابهم ثكيل
قدموا جاي وكليجه يابه شكد طيبه باوعت لاختها
- هاي بالتنور مسويتها ابتسمت اي
- وج عيني شكد طيبه
- هسه من ترحين اخليلج
- لا لا ماريد ازاحمج
- عيب عليج انتي صديقه اساور واهلها انتم بعيوني اداريكم
- الف رحمه على روحها
وبدت بيبي تحجي
- اليوم احنا جايين على وسناء البنيه معدله وعاقله ومحبوبه وحليوه نريدها لولدينا
جاوبتها اختها وكان تعرف عن الموضوع وماهيته
- حجيه انتي والدته للمحروس
- لا بس انه الربيته مثل ابني
- يعني والدته متوفيه لا سامح الله ٠
كالت
- لالا عدله بس ان شاء الله تجي تجي بس ردنا نعرف رايكم
باوعت لوسناء المنصبه راسها راكان كلشي منطق ولا عمو وسناء بس اختها باوعتلها طلعت راسا
وكملت الاخت
- حجيه انتي ببيتي ومعززه مكرمه يشهد الله وحيطان هالبيت اني بتكم المرحومه بمساعدتها جهالي دفو بالشتاء وبالصيف رحمهم من الحر من طتنا. مساعده ودزت واحد رمم البيت تصدكين اني فاكده ولد عمره سنه وشهرين لان مطرت اربع ايام وبيتنا غركان وضل مريض خدما طاج عمره ولوما ستر الله وبتكم اني البقيه هم يرحون من ايدي واذا عالشغل مال وسناء فبتعبها احنا ناس نخاف نباوع لفوك حجيه لاتنكسر ركابنا
بيبي كالت
- الولد يعرف ضروفها وموافق احنا الجينا دكينا بابكم يوم وهالتربيه المربيه اختج بيها منلكه منها بعد
- والنعم من اصلج حجيه بس بصراحه اني ووسناء فانحين موضوع قبل فتره كالت يردون يجون وعرفنا ليش انتي والاستاذ وازوله على راسي بس طلبتكم موعدنا اعتذر منكم حيل اختي عزيزه عليه وي معزه جهالي اموت وماخليها تنذل
رائد كال
- حشاها من الذله واذا على راكان اني اضمنه الج
- العفو ابو اساور مو
- اي نعم
- والنعم من تربايه ايديك الناس تفخر بالولد وانت طاري بنيتك بعشر ولد رحمه الله عليها
هنا راكان كال
- شنو السامعته عني وهيج تحجين
- سامعه هواي استاذ راكان تحجي ومتباوعله
كال
- اني غلطت بس جيتها للباب اعتذر واعتقد جتي واكفه صح لو لا
- اي استاذ فعلا سامحناك بس ماتنسي وداعت هاي طبتكم علينا فليش اخليها تعيش بذله احنا شكد مرت علينا ايام مره بس وحدنا لوحدنا ماحسينا بذله ولامدينا ايدينا لاحد
راكان : اني رايدها ستر وغطه تعيش ويايه حلوه ومره
- واختي مو حمل ذله اعتذر
- زين ساليها
- سائلتها وكاعدين سوه وحاجين وفكرت بالموضوع وقررت قبل طبتكم هاي من ذيج النوبه من كلت جاييكم خطار
بقت بيبي تقنع وراكان ساكت واني منطقت خفت اكون سبب بتعاستها تالي بيبي سكتت حتى هي خايفه من ام راكان ومضامنه راكان بالذات من شافت ضعف حالتهم رجعنا راكان ساكت
حجيت وياه
- راكان نشوف غيرها او اقبل ببت خالتك
- شوي سكتي
- كيفك بس لتوصل لوسناء ولاتعتب بعد
- معليج انتي
يحجي ويعاين للطريق رائد كال
- تالي شوووون حتضل هيج البنيه تشتغل عدنا
- عمي ممسوي شي ممسوي شيييي
رجعت عصبيته و ذبوني ببيتنا وراحو
ثاني يوم داومنا وسناء الحمد لله داومت دترتب الاوراق طبيت توني اكولها صباح الخير وطب راكان
كال
- وسناء ممكن احجي وياج شوي
باوعتلي ونصت
- راكان شبيك خزرته
نتر
- مابيه شي بس ردت احجي وياها حاكلها ورد باوعلها كوه لازم روحه
- ممكن كلمتين وياج
باوعتله ععدي شغل
- عوفي الشغل ساعه ونرجع
- اني ماكدر اطلع وياك عفيه ست ازل كالتها وخافت منحرجه
نتر بتوتر
- هنااا هنا شبيييج ساعه وارجعج
شو هاي راسا لمت غراضها وجنطتها ودتريد تطلع
وكف بوجهه فاك عينه
- هاي شبييج مو داكولج كلمتين وياج وخلص
- واني ماررريد نترت
واذا عالعمل ماداوم بعد ابتعد عن طريقي رجاءا
بقه صافن على قوتها وثباتها برايها همس
- ليش هالكد كارهتني
نترت وصوتها معله
- اني مااكره احد بس اكره احد يستعبدني اني بشششر موحيوان استاذ واني داشتغل بتعبي مو انت دتتصدق عليه
اول مره اشوف راكان يرتبك بلع ريك وباوعلي منحرج ماعرف شسوي اطلع ابقه حرت
جاوبها
- كل الردته منج احجي رياج وخلص
- واعتقد اختي كالتلك ردي ٠
- اوك هاهي كعدي
بقت تباوعله بغضب كالت
- ماريد يتكرر الموقف ان تكرر ماراح ابقه ثانيه هنا
- اوك هاهي كالها ودار وجهه طلع من الغرفه
كعدت مزنبره تشتغل بغضب حتى اني خفت احجي وياها اشتغل واباوعلها
يومين بالشغل وسناء متحجي وي اي احد بس تشتغل وهو كلسا يطب يمي يباوعلها يحجي ويايه شوي ويروح وهي متباوعله ابد
حدما مر اسبوع اخر يوم دوام قبل العطله الاسبوعيه طبيت قبل وسناء للمكتب مالتنا وطبيت للحمام مال مكتب سمعت فتحه الباب وصوت الغلايه اشتغل عرفت جتي بقيت بالحمام توني اطلع وسمعت راكان طب
همس
- صباح الخير
- ردت صباح النور
باوعت من فتحه الباب الخفيفه متدري بيه بالحمام وخفت اطلع صوت خلي وحده يحجي وياها بلكن يوصل نتيجه
كال
- ممكن تعزميني على جاي
باوعتله ونصت كالت
- من تجي ست ازل
كال
- ميخالف هسه واحد ومن تجي ازل واحد
صبتله ومتباوع
قدمته وكعدت عالحاسبه متباوعله
باوعتله مد ايده داس الدكمه طفه الحاسبه باوعتله
جان يحجي بصوت هاديء
- اسمعيني واذا معجبج اطرديني بس اسمعي
غمضت عينها وغطت وجهه وبده يحجي
راكان ...
اني ماعرفج جنت
بقت وسناء مغطيه وجهه كمل حجي
ماعرفج بس اساور جابت طاريج مره
كالت جر حسره وحجه
اول مره كالت محضوضه بيك اني
كتلها ليش كالت البنات بالكليه تخبلوا عليك حتى اكو وحده خطيه ابد متباوع للشباب اني اعرفها بس عليك باوعت وكانما شافت فارس احلامها وقبل لتوصل كتلها ليش هيج تباوعيله كالت والله مرتين شفته بالحلم والله متأكده
كالت عاد كتلها هذا خطيبي شون شفتي يعني كالت وجهه راسا صار اصفر كالت هاااها لا هو شفته خطيبج بس ادري كل مره تطب انت تباوع وتنصي تنهزم من يمي هالبنيه اني هواي اعزها هواي احترمها وانقهر عليها
هاي المره الاولى والمره الثانيه قبل لتتوفه يومين كلتلي اذا متت تزوجها
ازل ... متت قهر و اباوع لوسناء نزلت ايدها شوي شوي عيونها مليانه دمع تمسحه وترجع تنترس
راكان : ماعرف شنو ممكن تفكرين هسه بس من وفاتها لليوم احاول ابعدج من حياتي وترجعين تثبتين اكثر
سمعتها جرت نفس مسحت دموعها تحجي بعبره خنكتني
وسناء : مجنت اعرفها بس فد يوم وزعوا ملازم وحده ب٦٠٠٠ دينار كالتها ونصت تبتسم اليريد يشتري الوحيده اني المشتريت والوحيده هي انتبهت كالت مشتريتي شعجب
كتلها عود انقلها من رجعت للبيت لكيتها للملزمه بنص كتبي ثاني يوم رحت عليها ارجعها كتلها نقلتها كتبتها كلها وتوسلت بيه تساعدني مجنت اوافق ابد حدما لبست اسود بيوم وفاه حمودي ابن اختي جتي
كعدت يمي ماعرف شون عرفت بي اثر المرض مات من البرد كالتلي
اني امي توفت من جابتني للدنيا اني يمكن نحس عالدنيا والدي متزوج علمودي وهبلي كل حياته بس دوم احس بنقص رغم وجود ازل ويايه واليوم جيتج بطلبه لترديني بيها اني يتيمه وانتي يتيمه واتمنى تصيرين اختي ونتقاسم سوه كلشي بلكن امي وامج يتلاكون بالجنه وامج وتحجيلها لامي عني
بقيت صافنه عليها
كالت اذا تحبين امج وافقي لان كلبها يعلمها على اختج خطيه بجيت بيومها كدامها اول مره ابجي كدام احد
تحجي وتبجي تخنك خنك وراكان يعاينها ينصي يمسح بدموعه ويرجع يباوعله
كملت كلام
وافقت اول موافقت راسا جتي ويايه لبيتنا كالت للسايق وصل ازل لبيتها اول بعدين وسناء واني ذب ست ازل حتى متعرف انه هي دتساعدني مرادت تحرجني ابد حتى وي اقرب ناس الها وصلنا لبيتنا ربع ساعه وطلعت للعصر اجه خلفه اشتغل بي لل٣ بالليل ويا سبع ولد
اختي جانت فاصله من الدنيا لان توه ابنها متوفي كمل البيت وبيضو وخلص. اربع. صوبات نفطيه وترس تانكيين نفط جاوبو وياهم بحجه علمود البيت ينشف الجهال بيومها نامو دفيانين وخدودهم حمر واني الليل كله اقره بدون ماارتعش لدرجه اخذت درجه كامله ثاني يوم
من تمرضت ورحت. زرتها شاورتني كالتلي خطيه من يحتاجج لتردي تذكريني بي
راكان غمض عينه واني متت بجي خانكه نفسي حتى ميحسون بيه
حجه راكان
- واني اليوم جيتج محتاجج ويايه ردت سند استند علي روحي رفضت كل بنات حواء وماكدر اقترن بوحده انتي تفهميني تصبرين عليه تساعديني تعرفين المريت بي شنو تتحملين ويايه
نصت راسها ومسحت دموعها ردت رفعت راسها تقرب منها مقرب جسمه عالميز
يشهد الله وحق كل يوم تعذبت بي ببعدها ماراح تشوفين ذل مني
نصت راسها
احلفج بروحها لترديني اريد اعيش حياتي والله يعلم اني شكد متاثر بيج لدرجه حافظ حركاتج ومن اضغط عروحي بموضوع الزواج الوحيده التخطرين ببالي انتي
- والدتك ؟
رجع ارتجه وخله ايده على راسه
نتر
- رايحه خاطبه بدوني ومدتهتم لرفضي للبنيه واني تكش روحي منهم مو بديه ماكدرر
- شون تتقبلني وين تعيش
- ماعدي امكانيه اطلع وبيت اهلي فارغ خواتي مزوجات غصب عنها ترضه
- وان مارضت شون
- تحملي ويايه راح ترضخ وتتنازل بس طيني مجال
سكتت و نصت ادري بيها خايفه كاللها
- لتخافين اني وياج ابتسم
هزت راسها
همس
- موافقه
نصت راسها
- وسناء اروح احجي بحيل صدر لتفشليني
هزت راسها
- واختج
همست
- اني اقنعها وباوعت بعينه
- بيش تفكرين ليش حايره
- خاف منتوالم
- علميني عليج انتي محد اخذت عيوني بعدها غيرج
نصت تبتسم
- يجي يوم تاخذين كلبي ؟ تساعديني؟
هزت راسها بثقه ورفعته
- اعتمد عليه اوك
جر نفس براحه همس رايح ابلغهم انه اني خطبت حتى يكون عدها علم حتشب نار بس مصيرها تطفه
هزت راسها طلع واني طلعت من الحمام صفنت عليه متفاجاه ونصت
- عذريني خفت اقطع كلامكم
- سمعتينا
- امم راكان ورده والله
- تتوقعين نكدر اني اخجل اكون فرحانه احس داخون روحها
- الحي ابقه من الميت الله يوفقكم يارب
- ادعيلي انتي هم مثلي يتيمه
- الله يسهل امركم
بيومها راكان جاي باين يم بيبي خابرتني تحجي الحلك يابس على امه وهو مو يمه متخربطه الام بالليل ونسيبها موديها للمستشفى راح راكان طاردته خفت على وسناء كلش
جمعه وسبت عطله والاحد داومت توني طبيت طب ويايه رائد ابتسمت
- صباح الخير استاذ
- هله ازوله صباح العافيه متريكه
- لا والله ملحكت
- دتعاي اني هم ممتريك الحجيه ضربتني بوري خل ندز على كاهي وكيمر
- يلله
طبينا للمكتب ودز بينما كملنا كم شغله عون ويانا جان منشتغل وحدنا من يوم انفتح الموضوع لليوم تريكنا وكملنا راكان ماكو ساعه تقريبا وكعدت يم وسناء اشتغل وطب عون كال
- ام راكان اجتي طلبت تشوفج
توني اكوله وينها وطبت وجهه مو مثل كل مره قطره مكياج مبي تعبان بس غاديه نار
وكفت تقربت اسلم كون عدي معرفه قديمه انفجرت
وخري لاسلام ولا هله وينها الخاطبها العاق ابني
باوعت لوسناء وباوعتلها
- عن شنو تحجين اني مادري كلشي
- ادري بيج رحتي وياه بيت هاي المكديه وخطبتيله وحده مو من ثوبه
- اني شعليه ام راكان تره هو موطفل
- اطلعي منها فاااهمه جايبلي وحده مكديه يابه شكو اساور موصيته عاطت
احد كلج فاتحين جمعيه خيريه انتتي لغفتتتتي علما كلتي كافي من عمه حاولتي انتي واختج تاخذو مكدرت
بلعت ريكي اختنكت لمحت رائد وراكان مشو سريع تجاه المكتب من جام المكتب شفتهم
وكملت كلام
- شفتي نفسج ايستي هسه تردين تزوجين صاحبتج اله شنو دار ايتاااااام فاتحين اني ابني ابن الحسب الننسب ياخذ وحده كاعده ب-- ليش يابه. عاكر مطططلك ابني زينه الشباببب
طبت رائد ركض نتر
- ام راكان مالج حق تتطاولين على ازل
- ابو اساور رجاءا لتتدخل اني اعرف هالمله شنو لافت عليك هي واختها شافت مامنك جاره دزت صديقتها على رااكان
راكان : يووووم اطلعي امشي ويايه للبيت يجرها وتنتر ابدها وتكمل الموضفين التمو يتفرجون من الجام وسناء شالت جنطتها طلعت و رائد وكف برجهه صيح عليها :
عيببب بابا عيب انتي مره شكبرج عقل ماكو براسج ابنج رجال فاقد عزيز مديكدر يعيش وي احد مصدك لكه راحته وي هالبنيه ارتاح الها. تجبببري انتي تجبري
- اي اجبره وحده شرشوحه شون اطببها بيتنا وعائلتنا لازم يتزوج وحده من ثوبة
راكان : يمه ماريد يمه حتى ثوب العليه اخذي بس خلصيييني منج
كالها وطلع ركض رائد جرني ودفعني عاط بالموضفين وهي تهربد بالحجي وداني للمكتب ويهمس
- ختولي معليج بيها
بقيت اباوعله بعتب ساكته
باوعلي ونصه رد باوعلي
نتر
- شبيج اني شعليه وحده ادبسز متستحي شسويلها
- منو كلها
- على شنو
- منو كلها اني احبك
نسيت واكف كدامي مو بالتلفون رفع راسه متفاجأ يتأمل ملامح وجهي القست كال
يتامل بهدوء دمع عيني
- راكان بوكتها من صارت مشكله بينج وبين اساور بوكتها يمكن سمعت
- هسه اذا عرفت بينا حنتزوج هاي شحسوي
بقه يباوع بوجهي همس
- خل تفتح حلكها واشوفج العجب بيها
- اني خايفه رد
- حاجي عمتج اليوم جايب الحجيه عدكم خلص بعد
- شنو يعني
- يعني حكمت واجه وكتها وماله داعي التاخير غمض وحجاها
جنت من اتامل عيونه من يحجي احسه خايف من ارتباطنا شايل هم لهل اليوم ونفس الومت ينتضر وكت جيتي لبيتهم بيومها رجعت للبيت حجيت للوم
وعسل البقت فاتحه حلكها عسل صار. فتره تعبانه حيل انسانه ثانيه منهكه سواد محاوط محجر عينها من يوم. الراحت للساحه نومها ضعيف حتى اكلها. شبه منعدم تعبانه حيل عايشه عالكرواسون والجاي اليجيبه يحيى اللي كثرت جياته هنا وكل مره جايب باكيت مليان كرواسون اني اكل وحده انتخم وللوم متاكل عمو انور كلش كلش وحده ياكل والباقي كله تاكله هي
تلفون مقفول صار اسبوع متشحنه حتى بس مكابله التلفزيون والاخبار وكلما ما اقترب منها تمسح دموعها
شافت شي كد سنين عمرها الراحت كلها عقلها متحمله وهي حيل ترفه ورقيقه. انتقاله غريبه بحياتها صارت للوم اقترحت نتركها براحتها
عسل ...
الطلاب داومو واني مالي واهس بشي مضربه وي المتضاهرين لوزه اتصلت على ازل توسلت نهيت المكالمه بمريضه مابيه حيل
ثاني يوم اتصلت بيه بالليل على تلفون ازل
- ها لوزه :
- عسل اريد احاجيج على تلفونج فدوه
- اكو شي
- لا بس
- شكو احجي منو مات
- محد والله بس انتي اختي وصديقتي واني دامر باحاسيس محاسه بيها قبل محتاجتج والله وكعتج ومرضتج مو وكتها كالتها وبجت
- هسه حشحن فوني ليش دتبجين
- مادري خايفه عفيه خل نحجي
- ساعه واخابرج
- اي اوك بينما ما احط العشا واعشيهم
- اوك باي
سديته منها وشحنت تلفوني من انفتح لكيت يحيى شايل كل البلوكات عن كل البرامج الفيس والفايبر والواتس
دخلت على حسابه ناشر قبل يومين قطعه نثريه بسيطه بس كلش تشرح وضعي
( شمسين تضوي عيونج منو اللي طفه ضواها
انسى كل وعود نفسي واللي ضكته من وراها
رجعي ضوي وردي صبي المر اجرعه
وكأن روحي المريضه لكت بس بيدج دواها )
دك كلبي واختنكت احس روحي انانيه بلا مشاعر لان. العالم بيا حال باليوم بالميه ينقتلون واني بيا حال
دكت لوزه
رديت راسا
- ها لوز
- هلاو شونج
- زينه الحمد لله
- بعدج تعبانه
- اي والله مداكدر انسى
- زين تكدرين تصفين راسج الي
- تمام
- قبل كلشي تره يحيى يوميه بباب الجامعه ينتظر حسن بس يشوف السياره يتلهف يباوع ومن يشوفها فارغه وجهه يغيم
- امم
- موهامج هالشي
- جريت نفس والله مادري
- اوك عوفي بس تره تعبان بس كاعد ويباوع من الشباك حتى سنتر ميطلع والسماعات باذنه ضايج
- الله كريم
- يعني اسكت من يحيى اوك
- احجيلي عنج
' جايج الحجي
- اوك
- حسن
- شبي
جرت حسره وسكتت
- لوزه
- همم
- احجي
- بجيت همست احبه مداكدر
ا- حجيلي لتبجين فدوه تره بس تبزيني ابجي مال شهر
- لا فدوه ححجيلج
- اوك
- باعي اخر مره حجيتلج من جننا بالمكتبه وتجرات احجي وياه وابتسم بعدين من رجعنا بالسياره
- اي اي
- اا مر سبوع مداومت
- اوك
- داومنا اجه عليه من شافني طلعت وصعدت لو تدرين شون عاينني واني نصيت مكدرت احط عيني بعينه الطريق كله يتحسر حدما قبل لا نوصل كال :
- انتظرج بالمكتبه لتخليني انتظر هواي تره تعذبت هالاسبوع والله فاني هزيت راسي بس مباوعتله ونزلت طبينا للقسم بس ١٦ مداومين الدكاتره طب بس محاضره وحده وهاهي طبو المتضاهرين وطلعونا بقه كم طالب واني صعدت فوك هو جان عده شغل ديترجم عفته ضهره عليه ويترجم كعدت وراه مباشر واباوع على ترجمته وسرعه حركه ايده يباوع للكتاب ويترجم ويرتب كمل تقريب ساعه يترجم ممليت من مراقبته عسل كمل ورفع ايده يتمعصر صعد راسه ليفوك وباوع للساعه تكتف وكف ياخذ كتاب وكفت اني من صوت خطواتي التفت مبتسم وغمض شون تنهيده تنهد ترس كلبي حنان بقه يباوعلي اخذت كتاب شفته يتلفت اكو كم طالب بعيدين تقرب خله ايده عالكتاب اللي داجره منعني اخذه
واندار باوع بعيني نصيت اخجل موبيدي كال
ماخليج تسحبي اله تباوعين بعيني لحضتين بس اني درت وجهي مبتسمه متت احس خدودي نار يطلع منها كلي زين لحضه وحده
كتله ليش من دون ما باوعله كلي عقاب الج لان تاخرتي يله صعدتي عاد باوعتله ابتسم عيونه مدري شون صارت انترست دمع تنهد وغمض اخذت الكتاب من رخت ايده جوي طلاب تركني وكعد ببعد كم ميز
كعدت شفت عيونه تباوع للطلاب ويرد يباوع لكتابه بس. راحو افتر واجه كدامي اني عيني بالدفتر
كال بصوت ناصي :
انتي باعي بالكتاب ونسولف ماشي
هزيت راسي ابتسم وعيوني بالكتاب
كال
اريد اتواصل وياج شون رقمج عدي واخاف اتصل اخاف عليج
راسا رديت ولزمت الكتاب قوي
لالا لتتصل
اي ميخالف لامااتصل اخاف عليج بس مو والله يعني كلش وسكت جر حسره
باوعتله باوعلي وجفت عينه هيج مادري شون عبالك حينام عسل غمض وهز راسه بهدوء متحسر
كال
والله العظيم مااحس بروحي بشر بس من اكعد كدامج يبنت الناس اريدج عينيني
نصيت عيني هاي ايدي ورجلي كامت ترجف
كال
اريد اجيكم بس حاير المن اجيب
مرديت
اجيب الدكاتره جماعتي وانور ومرت عمه ومرت انور
باوعتله ابتسم همس
نصي ابويه نصي احجي وباوعي بالكتاب شاركيني رايج
اهلك وين كلتها كوه
جر حسره وابتسم
كتلج اني حتى شجره ماعدي داانككطع منها
يعني شنو رفعت عيني
نصي عيونج انتي خاف ينتبهون
اوك
اني جر حسره ورد كمل كلام
عدي خوال اربعه وعمام ٣
والله احسن ناس بس اخجل
ليش الاهل عزوه
اي بالله عزوه بس اني ينخجل من عدي
باوعتله عمدت حاجبي ابتسم ودار وجهه كال:
ويكولك ليش تعشك اذا هي خنجر حاجبها يرعد بكلبي رعد
لج عسل كلمه وحده مناسيه من كلامه
دار وجهه وكام يحجي
حكون صريح وياج من البدايه
اختي تزوجت واني عمري٣ سنين انور اخذها والعشيره كلها تورجت على عشقه الها سنين انور طبيعته يبين حبه ميخجل يظهر مشاعره يعني كعده مال زلم وعلى غفله كام منها يابه اكعد وين يكول لا هاي كحه مرتي اني اعرفها طبعا كال لخالي وشبعوا ضحك عليه هاي هيج وحده من الوحدات
يعني العشيره كلها تعرف انور شسوه علمود اختي
المهم مرت كم سنه احنه جانت احوالنا بيت اهلي زينه احسن من أحوال انور دارت الايام وو
سكت عض شفته باوعلي كال
اخاف احجي وهالشي يخليج تنفرين مني
جج كلتها واني منصيه
جر حسره وكمل كلام
دارت الايام ووتطلك لسبب ما
وامي وكفت وياها وتركت زوجها وابنها وراحت
اني بذيج الايام حيل متعلق بحياوي ولان تطلكت انحرمت منه
امي فتره وراها تمرضت وخلت راسها وتوفت
جنت متوسطه والبيت انباع لان بيت ابوها جان
وتقسم الورث لخوالي اني اخذولي بي محل يجي اجار وارد الي واخذني واحد من خوالي عده رغم عمامي رادوني بس متحملت الحجي على اختي وامي من نسوان عمامي المهم خالي ارحم شوي
كامو يجمعون من وارد هالمحل الي فتره وتصادف انور رجع لبغداد كتلهم اريد اروح اشوف حياوي والله وداني خالي شفت حياوي تخبلت
كلت لانور اريد ابقى عده تقبل كال عالواه وكمت وياه ادرس وانور عده شغل سفريات يجي عمه يمنه هو ومرته من يسافر ونبقى اني صرت وي حياوي روحين بروح ندرس سوه نطلع دوام سوه وخوالي كل فتره يمرون عمامي هم يتصلون بيه يمرولي بس ميطبون للبيت اطلعلهم عالشارع ينطوني
ويتعملون لان باقي عد انور واني اغلس خوالي واحد منهم ضربني لان حبسني عدهم واني انهزمت من الشباك ورجعت يم حياوي وانور من اجه خالي عليه مقبل اروح كله مالك حق فتره مرت عشناها سوه عايش وي رجل اختي بل طليقها ليش حسسني اصلا طاير بيه اني وحياوي سوه ولده
دخلت جامعه وحياوي دراسته عليه ليل نهار يقره خطيه راد صيدله وباخر يوم امتحانات رجع واندعم خطيه واتسكط اتاصلت اكثر بيت انور بوكت جنت اكول بس اتخرج اروح لعمامي صرت ليحيى رجله شيريد يطلب مني يتنفذ
سياره اخذت من الفلوس الجمعها خالي اشتغلت تكسي اشتغلت بنه واخير شي ديبيعون محل عالشارع كبال المدارس امه حصلت ورثها مثلي بس يعني نص ورثي
كالها وباوع بعيني من شافني اباوعله من يحجي سكت ميل ركبته ويتامل عيوني
باوعتله هزيت راسي مستفهمه ورديت نصيت بالكتاب البيدي
- شبيك
كال بصوت بي بحه
- شنو انتي شون كدرتي تصيرين شخصين بشخص
- باوعتله ونصيت عالكتاب لزم الكتاب البيده زين تحسر وعيونه صارت بي كال بصوت ناصي
- جوي طلاب لتباعين
هزيت راسي كلبت الورقه كال
- احس اني اكتشفتج
باوعتله
- هم؟
ابتسم وكمل كلام
- جنت اشوفج يوميه وكحه سبعه تدافع عن حقها وحق صديقاتها محد يكدر يباوعلها حتى اني اخاف احجي زايد وياج واترزل
لحد ما شفتج
باوعتله ونصيت راسا
شخص ثاني رقيق وناعم وفاهم من جنتي دتقرين وملامحج تتغير وي كل سطر او موقف بالكتاب وغالبا اكون اني قاري اكثر من مره فتقريبا اعرفه وين صفنتي ورين ابتسمتي ووين فكيت عينج متفاجئه ووين عبس وجهج تستشعرين الالم مندمجه وتاركه ملامحج تلعب بكلبي
ساعه وربع اراقبج طلعت من كل العالم بيج رجعت قريت الروايه بلامح وجهج لينا
حجاها وابتسم بانبهار وكعت عينه
انتي شي خيالي مااعتقد راح اشوف مثلج بحياتي انتي اللي يكولون عليها انثى غير متكرره والاقسى من كل هذا من كملتي قصه وسديتي الكتاب وجتي عينج بعيني صفنتي ثواني
فززتيني ورديتيني بغيبوبه عقلي وكف اشر على راسه وصار الشغل هنا واشر على كلبه
نصيت عيني لزمت الكتاب قوي متوتره وكلبي يرجف بكلامه
.
.
.
.
يتبع ....