#أّلَجِمَأّلَ__أّلَمَشٍوِهِ
بِقِلَمَ أّوِتّأّر حٌزِّيِّنِهِ
أّلَجِزِّء_أّلََّسأّدَِّس_عٌشٍر
،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نازك
نجحت اني وساره وهاجر،،،،،هم
وجانت هاي العطله
احلى عطله مرت،،،عليه لان عشت قصه
حب ويه ايوب ،،،،،،،،حبي اله كتمته وجنت اتصرف بحذر
حتى لاتضيع فرحتي ويا
عشت ويا الردته،،،،حب وتفاهم ونظرات
جانت تاخذني للسما
بفرح،،،،نسيت كلشي ويا وماحجيت اله اني شبه مخطوبه
لعلاء
وهذا اكبر غلط ارتكبته بحقه جان المفروض احجي واكله
بس مكدرت،،،،،،،،،لان خفت لا يعوفني من يسمع
اني مخطوبه لابن عمي ،،،،
كم مره ردت احجي،،،،،واصارحه بس اتراجع
باخر لحظه خوفا لا اخسره،،،ويضيع حبنا من وره واحد
اني مغصوبه علي،،،ومن شي انفرض عليه
بحكم العادات والتقاليد
عشت بامل علاء يشوف غيري
ويخطبها،،،،وجنت اكول اني يجوز مجرد نزوه
مثل غيري ويجي يوم ويعوفني من
يمل مني
قنعت روحي بهذا الشي،،،،خصوصا وهو بعد مااجه
ولا بين،،،،،،،علينا
ليله وره ليله جنت اصعد على الحايط واحجي
ويه ايوب الي تعلقت بي،،،وصار روحي
والهوه الي اشتمه
بليله تاخرت علي،،،،من وره اخوتي وطلباتهم
الماتخلص،،،،،،
كملت وصعدت بسرعه،،،،،،،،،،،،رديت باب البيتونه
حتى من واحد يجي ويفتحها اسمع الصوت،،،،
واخذ حذري منه
تمشيت للحايط واني اضحك ويه روحي
واكول خلي افززه مثل ماهو سوه بيه
ذاك اليوم
صعدت بهدوء على الحايط،،،،مديت راسي وشفته
نايم بمكانه،،،،بسطح الخرابه
رأسن حجيت بحنيه
«اووي يگلبي نايم من التعب ،،،
سكتت ورجعت ليوره من انتبهت هو ،،، لابس بس الفانيله
وشورت رياضي،،،گلبي كام يدك بسرعه ونزلت واني احس،
بمشاعر خوف خلتني الزم گلبي واتنفس بقوه،،،
ردت اكعده وترددت بس بعدين
صحته بدون مااباوع،،،،
«اايوب ،،،،ايوب
مره ومرتين وسمعته جاوب
«نااازك اجيتي
حجه ومد راسه وباوع عليه وجاوبته
واني اتهزم بعيوني منه
«اي اجيت تاخرت عليك من وره طلبات
الفرقه مالتي ،،،
صفنت عليها وسكتت من شفتها ماتعاين عليه
وحجيت
«عايني عليه شبيج منزله راسج
وتحجين
ماباوعت وظليت مدنگه
عكدت حواجبي وابتسمت،،،،،وسالتها
«شبيج اليوم احسج مو على بعضج
«اي روح البس شي بالاول وبعدين نحجي
حجيت بنرفزه واني اشر علي،،،بايدي
عاينت لروحي وضحكت وجاوبتها
«ههههه شبيج تره لابس فانيله
جنت خايفه ومتوتره ،،،ومااعرف شحجي
وجاوبته بضوجه
«روح نام هسه اخوتي يصعدون ،،،
حجيت ومشيت من يمه وهو صوفر
بصوت ناصي وكال
«تعالي نزاكه وين رايحه ولج صارلي ساعتين
منتظرج وهاي تاليها تعوفيني وتمشين،،،
وكفت وبدون مااباوع علي وجاوبته بعصبيه
«اهووو ايوب رررروح
عكدت حواجبي من شفت عصبيتها وصحت بصوت
مكتوم
«نازك شبيج
جنت متعلمه من يحجي وياي يصيحني نزاكه
ومن جنت اعانده او اضوجه،،،،يصيح نازك
درت روحي،،،وجاوبته بتردد
«البس شي،،،والله استحي اباوع عليك
ابتسمت وبدون مااحجي شي،،،نزلت لبست القميص
وصعدت،،،واشرت بايدي
«تعالي من فدوه اروحن لليخجل
خوفي جان اكبر من خجلي،،،هيج جان عندي رده
فعل من جسم الرجال،،،،صح اني احب ايوب واموت علي
ومااخاف منه،،،بس هاي الحاله شفتها
صارت بيه من شفت جسمه
تردد،،،،وروحي انعصرت من تذكرت
جسم سفيان والسواه بيه
صح ماكو مقارنه بس،،،،بداخلي كرهت
اشوف جسم الرجل
احبه وبنفس الوقت اريد حبنا عذري
ومابي اي شهوه
هيج جان حبي لايوب ،،،،،حب بريئ وعذري
مشيت اله وهو حجه بهمس
«ااحبج نزاكه
«امووت عليك ايوب
«اووف يابووويه،،،،شكبر حظي،من سمعتها منج
وانه جنت عدالي هاهي لچمتي گلبي وانتهيت
حجه ولزم ايدي،،،سحبتها منه بس هو لزمها بقوه
وكمل بصوت مخنوك
«نزاكه صدگ تحبيني يعني اني موش داحلم
ابتسمت من سمعت لهجته وجاوبته
«لا ايوب انته موش دتحلم انه هم احبنك
واعشگك عشك مسودن
سكتت وظليت صافن عليها بهيام شلون حجت مثلي
وجاوبتها كوه
«اووف يابوويه انه وين اولي هسه ،،،،جنتي
تحجين ،،،بغدادي ومدوختني بي النوب
گلبتي تحجين جنوبي وبنزاكه انه التسودنت
ومراح انامن هاي الليله
ضحكت بصوت وجاوبته
«لا واضح ماتنام الليل دسكت عيني منو الجان نايم
قبل شويه وفاتح حلگه
«ههه بله صدگ جنت فاتح حلگي
اشرت بأصبعي بوجهه وجاوبته
«عنوني موو هوايه
«هههه هاي شنوو العنوني،،،،
«يعني فاتح حلگك شويه
«خرررب ولج صنفتني،،،،،،تصنيف اكشر
:هههه حتى بعد ماتنام،،،،،
«حقج بوويه بس،،،،والله تعبان ومااعرف شلون غفيت
وراح اراضيج باجر بهديه
رأسن حجيت
«كلشي مااريد منك،،،،كفي اهلك شوفتك
كافيه عندي
«اووف يااابويه شلون كلام يرد الروح
سكتت وظليت مبتسمه،،،،وهو كمل
«نزاكه،،،،،،،مو هاي السنه سنه الخ اتقدم الج
انه بعد مااصبر،،،،اريدنج يمي
سكتت وگلبي كام يرجف من الخوف وهو كمل
«انتي بس اصبريلي ،،وانه ان شاء الله مااقصر وياج بشي
«ايوب براحتك ولاتستعجل اني هم اريد اكمل
السادس،،،،
عكدت حواجبي، ،،وردت اكول اني اريدها تبطل
بس سكتت وخليتها الما اخطبها،،،،،وجاوبتها
«كملي السادس،،،،ومنا لوكتها الله كريم
بس اريدن احجي وياج بموضوع
«شنووو
«الحجاب نزاكه اريدج تلبسين حجاب
ابتسمت بوجهه وجاوبته
«يعني اتحجب،،،،،
«اي اريدنج محجبه ومحد يشوف شعرج
غير انه،،،
هزيت راسي وجاوبته
«تفرح من تشوفني لابسته
عاينت بعيونها ولشعرها وجاوبتها
«اي افرح اذا لبستي وافرح بعد اكثر اذا سمعتي چلمتي،،،،
«هاهيه ايوب راح اتحجب
ابتسمت من سمعت جوابها وردت احجي بس الباب
تحرك وهي نزلت رأسن،،،وانه هم
،،،،،،،،،،،،،،،،،،،،،،،،
نازك
سمعت كلام ايوب وتحجبت رغم معارضه امي
الي كامت تعيب عليه ،،،،
«ولج شنوو تلبسين حجاب قابل صرتي عجوز
امشي ذبي طلعتي مو حلوه
«لا يمه طلعت بعد احلى بي،،،،،،وبعدين
هو مفروض علينا بعد شكو هالحجي
«مو هسه من تكبرين بعد،،،،ولج دشوفي وجهج
شلون ضاع بالربطه
مدرت بال الها،،،،،،،ورتبت الربطه فوگ شعري
واني اريد ايوب يشوفني،،،حتى يفرح
بحجابي،،،
بليل من خلصت شغلي ترخصت من ابويه حتى اروح
لساره لان جانت مريضه،،،،وهو وافق
لبست الربطه مالتي،،،،وطلعت من بيت
اهلي عبرت الشارع
وراشد طلع من بيتهم،،،،واول ماشافني
صفن عليه وصاحني
«ناازك
وكفت وهو تقدم مني،،،وحجه
«قيس موجود
بدون مااباوع علي جاوبته
«لا طالع،،،، ،،،،،،
مشيت وهو حجه
«نازك عندي حجي وياج،،،،بس اوكفي شويه
باوعت للشارع وشفت عمر ديلعب ويه ولد بس بعيد
وهو حجه
«انتي شبيج وياي وليش من تشوفيني تضوجين،،،،
سكتت للحظه وتقدم ومد ايده وكمل بتوسل
«نازك والله اني احبج،،،واريد بس رضاج
انتي بس وافقي عليه وباجر ادز امي عليكم
تخطبج الي
عكدت حواجبي وخزرته رأسن،،،وجاوبته
بعصبيه
« انته شدتحجي،،،،شنو تحبني وشنو رضاج
اني مخطوبه هذا الحجي بعد لاتعيده
عليه،،،تره تسمع حجي مايعجبك
حجيت ومشيت من يمه،،،،،وطبيت لبيت ساره
بذاك اليوم قصدت اني مخطوبه لايوب،،،مو غيره
ماحجيت الصار اله لان اعرفه عصبي ويجوز
يتعارك ويه راشد،،،،وانفضح بالمنطقه
كعدت يم ساره بغرفتها الفوك ،،،، وشفت بيتهم
هوسه وترتيبات وعرفت ايهاب راح يزوج
بعد اسبوعين
« ولج ذبحتنا شكد طلبت ،،،،،اريد هذا
ومااريد هذا
واصبغ هذا اللون وجيب هيج بردات
تصدكين الفرشه اربع مرات رجعتها وجابت غيرها
« هههه وانتي شبيج ضايجه منها من هسه عروس
وخليها براحتها
« اي مو هيج ذبحتني وهي تتنعوص،،،براسه
ولج حتى ايهاب ضاج وتعارك وياها
بالتلفون ورزلها
«يااا صدك تحجين ،،،من هسه تعاركوا
«اييي ناز كل فتره يتعارك وياها،،،،،وابويه
تخبل وكله هاي بعدك مو ماخذها وبدت المشاكل لو
تعيش وياها بيت واحد شراح يصير
سكتت وهي كملت وهي تأشر بوكسات
«والله راح تشبع بوكسات من ايهاب ،،،
«ههه انجبي اخوج فقير
«منووو عيني ايهاب،،،وداعتج من يطبكن عنده
يكوم يطيرن بيهن للكلمات السوقيه وتصير بفلس
ونص بسوك الجمعه،،،
«يمممه متت
تمددت يمها على الجربايه،،،واني خربانه ضحك
وهي كرصتني من ايدي وكملت
«ولج اشو صايره كلش حلوه
وبس تضحكين بعد ماجنتي وجهه الارمله وبس
تبجين خير اشوف المزاج متعدل،،،،
وهااا تعالي كوليلي اشو لابسه ربطه شنو تحجبتي
هزيت راسي باي واني لازمه لعابتها واعدل بشعرها
وهي كملت
«مااتحجين ولج صاير شي اني ماادري بي
كعدت واني خاله اللعابه بحظني وجاوبتها بجذب
«لا ماكو شي وقابل شيريد يصير،،،،،اني ارتاحيت
من نجحنا
وشكلي تغير من كعدنا بالبيت ،،،،،
والحجاب من زمان اريد البسه ولبسته هسه
ساره صفنت عليه بتركيز وجاوبتني
«يولي خاف كمتي تحبي لعلاء،،،،
بس جابت اسمه گلبي انقبض،،،،وبالي راح لايوب
هزيت راسي بلاااا وجاوبتها
«لاااا ساره اني مستحيل احب علاء
هو وين واني وين،،،،،اني حتى مااتحمل شوفته
من يجي علينا
«زين اذا ماتحبي شلون راح تزوجون،،،شلون راح تعيشين
وي واحد انتي ماتتحملين شوفته
سكتت وعيوني غوركت ،،،،وهي انتبهت وحجت
«ناز والله مو قصدي اقهرج بس انتي لازم تحجين
ويه اهلج وترفضي لعلاء وماتخليهم
يفرضوا عليج
جنت مااعرف شلون افكر،،،،وحسيت بروحي
مشتته وضايعه،،،،منا علاء الي انفرض عليه
ومنا حبي لايوب،،،،الجنت مااريده ينتهي بزواج
حتى مايعرف البيه،،،،
هاي الاسرار خلقت بداخلي فوهه سوده
خلتني،،،،اكثر من مره من احجي ويه ايوب
اصفن علي،،،واسأله هناك بداخلي
«هذا حبك راح يظل نفسه من تعرف الصار بيه
لو راح تعوفني،،،،وتنهزم
راح تصدگ اني ضحيه،،،،لو عبالك انطيت شرفي
لواحد،،وضحك عليه
بكل مره اضحك بوجهه واني بداخلي موت
وخوف من المستقبل،،،،،خوف لا هذا الحب الي جنت
احسه صار ادمان الي،،،،يروح من ايدي
بلحظه من تنكشف الاسرار
خصوصا واني يوم وره يوم اكتشف شي بايوب
صح هو هادئ ،،،وكتوم بس بداخله نار
وعصبي وغيور كلش،،،،،،،،، اكثر من مره شفته
يفقد من يلزم واحد ويأذي،،،،وهذا الشي خلاني اخاف
من رده فعله اذا سمع بلي ضامته بگلبي ،،،،،
،،،،،،،،،،،،،،،،،،،،،،،،،،،
ايوب
الصار بيني وبين نازك ماحجيته لامي ،،،،
لان كلت من ارتب اموري يله احجي،،،،،الها
وافتح موضوع زواجي،،،،،،وياها
الايام مشت،،،واني قصرت
على روحي بكلشي حتى اكدر اتزوجها بفتره قصيره
كمت ادور شغل وارده اكثر من
الفرن،،،،،،بس مالكيت لان الشغل قليل
والا العنده صنعه يله يشتغل ويجيب فلوس
جنت احجي،،،،،،،،،،،،،واضوج وهي لااا
جانت ساكته وتهون عليه،،،،،العيشه والتعب
من مشت بينا الايام خفت
لاتمل مني،،،،وتعوفني من وره الفقر
وقله الحيله،،،،بس لااا هي يوم وره يوم
تثبت هي تحبني.،،،،،،،،وصابره وياي،،،،
كل هذا خلاني اتعلق بيها بعد اكثر واحبها
بجنون،،،،،ومن حبي الها وقله حيلتي
كمت اغار عليها بخبال. ،،، ،،،،
غيرتي عليها جانت بمرض،،،،،،،وجم مره تعاركنا
من وره طلعتها لبيت ساره ،،،لو من تروح
لبيت خالتها
جنت مااريد احد يشوفها ،،،،،،وهذا الشي جان
يسبب النا هوايه مشاكل،،،،،،
قبل لاتخلص العطله،،،،،بشهر
بليل،،،،انتظرتها وتاخرت جنت اعرف خالها يمهم
وعرفت هي ملتهيه ويا،،،،،،،
ساعه وساعتين وماكو،،،،ضجت وصرت اعصاب
وتوني كمت وسمعت الباب انفتح
عاينت للحايط،، وهي صعدت
«هلو ايوب
سكتت وماجاوبتها،،،،
باوعت اله واني مبتسمه وحجيت
بدلال
«زعلان حبيبي،،،،لان تأخرت علي موو
«والله انتي اشايفه،،،،
سكتت وصفنت علي،،،وجاوبته بضحك
«زعلان الحلو ومنو يراضي،،،،
ابتسمت رغم عني وجاوبتها
«نزاكه الحلوه تراضي،،،،،،
«اووف فدوه اتروحلك نازك هي وروحها
سكتت وظليت صافن بوجهها والشوگ الها
نار اشتعلت بجسمي
«تعال شوف شجبتلك
نزلت وصعدت مره ثانيه،،،،،ومدت ايدها
بماعون بي فواكهه مقطعه والشوكه وياهن
«هاك اكل،،،هاي حصتي مااكلتها وكلت من اصعد اكلها
اني وياك
«اكلي انتي واني بعدين اكل
«ااايوب بعدك زعلان،،،،،مني
«لاااا مو زعلان
«لعد دخذ الماعون مني تره راح اوكع،،،،ليوره
اخذت الماعون وخليته يمي وحجيت
وانه اعاين لعيونها
«كلت نستني اليوم من شافت خالها
«شلون انساك،،،وانته هنا وهنا
عيوني تتبعت ايدها من اشرت علي گلبها وعقلها
وجاوبتها بصوت مخنوك
«تحبيني
ابتسمت اله وجاوبته
«امووت عليك شنوو احبك هاي قليله بحقك
«اووف يابوويه ،،،ولج شلون بيه
راح يصير بيه شي من وره هذا الكلام الحلو
:هههه شيصير
عضيت شفتي من شفتها تضحك
وتقدمت ليمها
وجاوبتها والنفس صار ثگيل بالصدر
«جيبي ايديج
حجيت ولزمت ايدها وخليتها على گلبي
ارتبكت كلش من شفت وجهه تغير وعيونه هم
ومن لزم ايدي بقوه وخلاها على گلبه
شفته يدك بسرعه
حجيت وعيوني والشفه تريد تبوس هذا الوجهه
الحلو باكثر من مكان
«بس انتي اضعف كدامج هيج
الروح تروح والگلب تختلف دكاته بس يشوفج
چدامه،،،
دنكت راسي،،،وابتسمت وجاوبته كوه
واني هم اضعف كدامك بس انته
حجيت وسحبت ايدي منه،،،،وكملت واني اريد اطمن
روحي وروحه
«ايوب من اكلك احبك صدگ انته الوحيد
الهنا
اشرت لگلبي وكملت بحزن
«عمري كله مراح احب واحد بكثر ماحبيتك
انته وبس الي اخذت روحي وگلبي،،،،
ومن بعد حبك اني انتهيت،،،،
من سمعت كلامها
الجسم رجف والگلب ويا،،،،والحواس كلها خدرت
ولااراديا لزمتها من جتفها وجريتها علي
ودنكت وردت الثم هاي الشفه
الدوختني
فزيت ورجعت ليوره من شفته شراد يسوي
وباوعت علي بعتب وقهر وعيوني غوركت رأسن
مشيت وهو صاح
«نازك لاتروحين مو قصدي والله
مادرت بال اله ورحت للغرفه طبيت وسديت الباب
وهناك كمت ابجي
بلحظه ضيع كلشي وخلاني اخاف منه ،،،،،جسمي
من الخوف كام يرجف وتشنجت اعصابي،،
وحجيت كوه ويه روحي واني اشهك
معقوله هو هم مثل سفيان ويريد مني نفس الشي
سكتت ورجعت راسي بين رجلي
وظليت ابجي والوم بي واحجي بقهر
ليش هيج سويت ليش خوفتني منك
ليييش،ايوب
،،،،،،،،،،،،،،،،،،،،،،،،،،،،
ايوب
بس راحت وعافتني شلت الماعون وركعته بالحايط
ورجعت للسطحنا واني الوم بروحي
واحجي عليها
خرب بيه هاي شسويت وشلون كدرت
اسوي هيج
اووف ربي زعلت عليه،،،وراحت
سكتت وظليت افتر بالسطح وانه اعاين
لسطحهم بقهر،،،وكملت بصوت مكتوم
ولك ايوب شجاك تخبلت شلون ردت تبوسها،،،
شلون كدرت هيج تسوي،،،وين جان عقلك
ضربت راسي اكثر من مره وكملت وانه
احس نار كبت بي من القهر
عقلي،يمها ضعت وضاع من سمع حجيها
ضعت ياربي وانته تعرف اليحب مايظل براسه عقل
اوووف يااابووويه،،،،،راحت زعلانه
مني ،،،وهسه اكيد دتبجي
صحت وضربت الحايط برجلي وعاينت لبيتهم
بحسره وحاجيتها من بعيد
نازك والله مجان قصدي اسوي هيج،،،،وروح ابويه
دخت وضعت من سمعت كلامج الحلو
ضعت يبنت الناس،،،،وردت،،،
سكتت ومسحت وجهي اكثر من مره ،،،،
وكملت
ارجعي الله يخليج ارجعي وشوفيني وجهج
تره الكاع بعد ماتلمني
ماشفتها ولا اجتي ،،،،والليل كله مانمت،،،،والصبح
ماطلعت للشغل لان مابيه لا حيل ولا خلگ
جنت اريد اشوفنها،،،،،،،
الصبح طلعت بره افتريت بالشارع
وبعدين رحت كعدت يم بيتنا ،،،،،،، ووره نص ساعه
بابهم انفتح،،،،،،،،،،،،،وطلعت هي وخالها
جانت شايله جنطه،،،،،، واول ماشافتني
دنكت راسها ،،،،،وبعدين رفعته
من عاينت عليه،،،، وسالتها براسي
وين رايحه
جنت اعرف وين رايحه بس،،،ردتها تشوفني
اني مو قابل تروح
اشرت الها ارجعي،،،،ماكو دنكت راسها
ومشت ويه خالها ،،،،الي
سلم عليه،،،وانه رديت كوه
وعيوني عليها
،،،،،،،،،،،،،،،،،،،،،،،،
نازك
قبل لا اصعد لايوب خالي رادني اروح ويا لديالى
رفضت لان مااكدر اعوفه
بس من سوه هيج،،،،اختنكت وروحي فرفحت
ومن نزلت جوه،،،،كلت لخالي غيرت رأي اخذني وياك
ثاني يوم طلعنا من وكت،،،،
من فتحت باب بيت اهلي شفته كاعد
بره اول ،،،،ماشافني اشر براسه وين
مادرت بال،،،،ودنكت راسي ومشيت وي
خالي ،،،،،
طول الطريق،،،،ظليت احجي ويا والوم
بي،،،لان سوه هيج
الامان الي حسيته ويا بلحظه ضاع
وهو السبب،،،،،،
جنت اريد اروح حتى ابتعد عنه وانسه السواه
وبنفس الوقت اباوع لليوره واحس بشي
ضاع مني،،،،،ومااكدر
اعيش بدونه،،،،
وصلنا قبل الظهر،،،،ونفس استقبال عمه فوزيه
الحلو
«كل الهلا بنازوكه ولج مشتاقين الج
«تسلمين عمه
بوستها هي ونبراس الجتي تضحك وفرحانه
بيه
«مبروك النجاح نازوكه
«وانتي هم نبراس ،،،،،
«شلون امج ابوج اخوتج
«الحمد لله زينين
لاول مره من اجي لديالى،،،احس بروحي
مو مرتاحه،،،ومالي خلگ وجنت من يسألوني
اجاوب بدون نفس،،،وبغير عالم
وره مشوار كمت بدلت،،،،وطلعت اني ونبراس
للبستان،،،،الوره البيت
تمشيت وبين عيوني ايوب،،،،وكفت من سمعت صوته
باذني ،،،وعيوني غوركت
«نازوكه شوفي العش مال الدلمه
انتبهت لنبراس من حجت واشرت لشجره
نارنج بيها عش،،،،
«تعالي منا خلي نروح لذيج الساجيه ميها
بارد ويخبل
هزيت راسي،،،وتمشيت وياها للساجيه
كعدنا يمها،،،وخلينا رجلينا بيها
«نازوكه بيج شي،،،
«لااا ليش،،،تسألين
نبراس صفنت بوجهي وجاوبتني
«ماادري احس بيج شي ومختلفه عن كل مره
من تجين بيها علينا
ابتسمت كوه،،،،وجاوبتها
«مابيه شي،،،بس تعبانه من الطريق وراسي يوجعني
«هااا مو اكول ،،،،تدرين اني من تجين افرح كلش
لان انتي من دون بنات عماتي احبج واحسج
قريبه الي،،،
«واني هم احبج نبراس،،،وافرح من اجي واشوفكم
مالت عليه وحظنت خصري وحجت
«علواه تظلين على طول يمنا،،،،وماترجعين لبغداد
سكتت وصفنت صفنه طويله والگلب راح
يم بغداد والساكن بيها
ذبيت حسره،،،،والموقف من تكرر براسي
خلاني احبس النفس واغمض عيوني بقوه
مديت ايدي للمي،،،، ومن حسيت ببرودته فتحت عيوني
وغسلت منه واني اخذ النفس كوه
،،،،،،،،،،،،،،،،،،،،،،،،،،،،
ايوب
تخبلت من
راحت كدام عيوني،،،،وهي زعلانه
،،،،،،،،،والكاع مالمتني
واعصابي فلتت مني،،،،وطلعتها بالبيت
«جم مره كلت لااحد يخلي الباب مفتوح
حجيت وركعته بقوه وامي حجت
«شبيك يمه تصيح اني نسيت اسده
«سدوووو لاتخلو مفتوح تره راح اهجمه
«اسم الله ايوب يمه شبيك،،،
افتريت بالهول وانه احس،بروحي مخنوك
وجاوبت امي باعصاب ترجف
«مااابيه شي لاحد يسألني عووفيني
«شنوو مابيك شي،،،وانته من الصبح
مو على بعضك
«يمممه مابيه شي،،،رحمه لاهلج لاتلحين
عليه
حجيت وصعدت بسرعه للسطح
طلعت وركعت الباب وراي،،،،وعاينت للسطح
مالتهم بحسره وحجيت بقهر
«ولج ليش رحتي والله مو قصدي،،،مو قصدي الصار
وروح ابويه تندمت،،،،،،وكرهت نفسي لان سويت
هيج،،،
وكفت بمجاني،،،،،ونظرات الزعل والعتب الشفتها
بعيونها ذبحوني،،،وخلوني اروحن للحايط واسند
نفسي علي،،،
اخذت نفس،،،،،،،،طويل وذبيته
ورددت وانه اعاين لبيتهم
بيتكم مابي روح مات من رحتي،،،وانه هم مثله
ميت بلياج نازك،،،،وروحي اخذتيها وياج
ردي يبنت الناس وخلي الامانه ترد وياج
غيابها وزعلها بينوا،،،،، بيه وره يومين
ووكعت مريض بالفراش،، صخونه قويه لزمتني
وهدت حيلي،،،،،فهد وغزوان اخذوني للدكتور
وعرفت صايره بيه،،،،ضربه شمس قويه
اكل كمت مااكل ،،،،وكلشي يطب بطني اذبه
ووجع راسي خبلني،،وبرابع يوم امي راحت تجيب الدوه
وخلت يمي علوش وهاجر
انه متمدد بالهول،،،،،،،،والكمادات على راسي
سمعت الباب اندك،،،
هاجر طلعت،،،،ورجعت وهي تحجي
«تفضلي نازك
انه سمعت اسمها كعدت ووخرت الكماده وهي
طبت عاينت الها بلهفه
وهي تقدمت عليه وحجت بارتباك
«سلامتك ايوب ماتشوف شر
«ولج راح الشر بس شفتج
حجيت ويه روحي،،،،وابتسمت للوجه التمرضت
من وره غيابه ونسيت نفسي والدنيا كلها
وحجيت بصوت مخنوك
«الله يسلمج نازك
باوعت لهاجر الجانت صافنه علينا وهي مثل الحست
وطلعت من يمنا،،
«ناازك موو قصدي
هزيت راسي بقوه وتقدمت ليمه خطوه
وجاوبته
«لاتحجي بالصار الله يخليك،،،انساه وخليني
انساه
«مااكدر زعلتي مني،،،
سكتت وهو كام لحيله،،،،وكمل بوجهه احمر دم
«زعلج مرضني وهد حيلي
ابتسمت بوجهه،،،،وجاوبته بحنيه
«لو زعلانه مااجي عليك
روحي ردت بس ضحكت الي وجاوبتها
وانه اريدن تأكيد هي رضت
«يعني اشوفج اليوم
سكتت للحظه وبعدين جاوبته
«اي ايوب وكل يوم راح تشوفني
حبنا استمر ورسايله زادت بصندوقي ورسايلي
هم،،،،،وهاجر درت بينا وفرحت النا وصارت مرسال
الغرام مالتنا،،،،،من داومت بالخامس ليث اخويه تسرح
من الجيش،، وبده يسويلنا مشاكل من وره انغام
من كثرتها والحجي البدينا،،،،، نسمعه من خالتي،،،
امي باعت ذهبها وابويه فلوس الجامعهن
زوجوا بيهن،،،،،،،،،،غرفتنا اني واخوتي اخذها
واني صعدت فووك،،،،،،،،،،،،،بالغرفه الصغيره
اخوتي ماقبلوا ينامون وياي،،،،،لان كبروا
وصارت نومتهم بالهول،،،،،وغراضهم بكنتور امي
اني فرحت لان صرت قريبه من السطح
حتى براحتي احجي ويه ايوب
وليث تزوج ومن اول اسبوع عرفت،،،،انغام حيه وعگربه
وتغار مني،،،موت وبدت تحرك ليث عليه
حتى ابطل،،،،من المدرسه
جانت ماتشتغل ووصخه،،،،ولسان بس،حظها
كعد يم امي وليث،،،،وابويه جان يحجي بس امي
تسكته،،،،جنت اشتغل شغلها واني ساكته
حتى ليث،،،،مايبطلني من المدرسه،،،،
وفوك هذا كله من تحركه عليه يكتلني كتل مال كفار
ايوب مجنت اكله لان اعرفه عصبي،،،ويجوز اذا
عرف ياذي ليث،،،لان اعرف مايحبه ويكرهه
علاء جان بين فتره وفتره يجي،،، وامي
كوه وبالغصب تخليني اروح اكعد يمه
بيوم من طلع تعاركت ويه امي
وصحت
«ماااريده لاتجبروني علي،،،،تره راح اسوي شي
بروحي من وراكم
«اانجبي ولج المن رايده لعد اذا علاء مو رايدته
ماااريد احد ارريد اكمل دراسه،،،،عوفوني
الله يخليكم وكولوا اله هي ماتريد تتزوج
«ها خاله شكتلج اني عرفت هي ماتريده
من شفتها تتهزم منه
انغام حجت واني صحت بيها
«انتي معليج،،،،،لاتتدخلين
«هاي شبيج عيني كمتي ترجفين عليه اني
شحجيت
«خليت الرجف الج ست انغام اني مابيه سم
حتى ارجف
«كااافي ولج واحترمي نفسج لا من يجي ليث
هو يعرف شغله وياج
«اي عادي يضربني خلي يضربني،، زواج من علاء مااكو
لو تموتوني
حجيت هيج وجانت النتيجه ليث كتلني وكوه فكوني منه وابويه ويا
يِّتّبِعٌ