بارت ٤٤
#أماً_لهُن
#مريم_السعدي
ازل ....
اما انا فحتى ضلام الليل قد مل غفوتي
شتات نفسي تبعثر داخلي
لااستطيع لمه تعبت وانا امثل عدم الاكتراث
ارهقت وانا اداري عيناي عنك
كيف لا وكنت يوم مهجه قلبي وسرور وجداني
كبرت في شيئا فشيئا صرت عشبا متشعبا اصلي وفرعي
.
.
يارب اذا لليتيم خاطر عدك اجبر كسري بابويه بي لو تطلعه من كلبي على غفله مثل مطب على غفله
لحد الان اتختل منه احاول ماكون وياه فد غرفه احاول ماشوفه وكت الدوام مرتين راكان اجه يتاكد وجودي واني اعرفه يدزه شوفها جتي لو لا
راكان الغلس على موضوع وسناء ولااني السالته ولاحتى هي سالت شعجب مجيتو.
اربع ايام مشايفته ولامره كلها اكضيها بغرفه وسناء اكمل شغلي. هنا واسلمه بيد عون ادزه. بس على اعصابي هذا صوته من اسمعه كلبي يروح
باخر الاسبوع لود الشغل علينا تكدس بقيت اني ووسناء للاربعه البنيه طلعت لان خطها اجه وضليت اكمل وحدي وراكان كلسا متصل
- يمعوده مخلصن الاوراق
- بعد فد ربع ساعه يابه المكينه دتخربط شسوي
- اهووو راكان روووح ثبرتي لعنة الله عالشيطان
سده وبقيت اشتغل حدما كملت يله فكت شدت اعصابي توني ادز الاوراق بيد عون واكعد ارتاح لزمت الفون دكيت لابو الخط يجي كملت مكالمه خليت راسي عالميز بس اريح اعصابي من صوت المكينه مال استنساخ وتعب ايدي ورجلي بس ارخي اعصابي واطرافي
كمت اغفي بين النايمه والكاعده حسيت الباب انفتحت على كيييف ورجعت ونتها الهادئه تعلن اغلاقها
توقعت راكان مد راسه وراح
مشلت راسي رجعت اغفي وترس انفاسي عطره فكيت عيني سمعت صوت نفسه يم الميز يايابه مدري شصار بيه رفعت راسي على كيفي شفته يعاينلي بنضره اشتياق والله نضره اشتياق
بس صارت عيني بعينه بلع ريك ورفع راسه مبعد عينه رفعه يباوع عالشبابيك كان بتك ايد لازم طرف الميز الاني نايمه عليه والايد الثانيه مخليها بجيبه مرتبك متردد ماعرف شوصفه عدلت ربطتي وفركت وجهي وعيني بقيت اباوعله ساكته وهو هم ساكت
رد باوعلي واستقرت نظرته بوجهي بعيني يباوع جن مشتاق لملامحي كلش واني جنت ميته شوق حتى لعصبيته وتجاهله الي ابتسامته اللي يغلفه بنظره ابويه كلهن افتقدتهن هالاسبوع كلش بقه تقريب الدقايق واني حتى تفكيري وكف دك تلفوني نصيت عالشاشه وهو هم نظرته صارت عليه مكتوب خط باوعله ورجع باوعلي بطرف عينه
وكفت الم بالغراض واباوعله وارجع انصي الملم بالغراض اخلي بالجنطه واباوعله رفع راسه عالشبابيك ميباوعلي وعيونه تتحرك عليه ويرجعها عالشباك حدما مشيت خطوتين داروح للباب
ووصلها قبلي خله ايده وغمض رفع راسه ليفوك
كمت احس بنبض كلبي باذني تدك متت احساسي الحسيته جمع عاطفه. ميت شخص شيريد يكولي
رفعت عيني بعينه مدري ليش دمعت نزل عينه بهدوء بهالقرب طفو اضاءه الشركه. يعلنون تعزيلتها ضوه خافت من برهه الشركه يدخل للغرفه صار واني واحساسي وخجلي وحبي اله وعطره بهالقرب الترس ريتي
عبس وجهه وغمض ورد فتح بهدوء همس
دتدتحجين وي اوس
ايده عالباب مانعني اطلع منها ويريد الجواب يله اطلع
هزيت راسي بالرفض حبالي الصوتيه رخت وي اعصابي دمعت عيوني.
حنت نضرات عينه ويستفهم بملامحه
- مدتحاجي مو
همس متوسل
رجعت هزيت راسي
جر نفس براحه وغمض رجع دك تلفوني واني مكطعت نضرتي رافعه راسي اباوعله وهو منصي يباوعلي باوع للجنطه التلفون بيها ديدك واني اباوعله
نزل ايده وابتعد
منصي فتحت الباب وعيني عليه رفع راسه باوعلي ورد نصه
فاقد صيغ الحيله تعبان احس ميعرف شيسوي هيج نشاز علاقتنا هيج ميصير اكون وياه بنفس واحد واحساس واحد وصلت للسياره رجلي راخيه رجيت راسي عالشباك وغمضت لمحت راكان شافني ديحجي بالتلفون عاكد حاجبه من شافني دك عالشباك مال سياره هي وتمشي صاح
- هيوو شبيييج
اشرتله ماكو شي وصلت بيتنا ونمت هواي نمت لل٨ يله كعدت باجر جمعه والسبت عطله للاحد رتبت غرفتي نضفتها واني فكري يروح ويجي بيبي تدزلي. تسبيحات توفيق واسبحها. بيدي واشتغل بس بالي يمه ليش هيج سوه ليش ديسال ليش هلكد نظراته خايفه وحنينه
اخاف حتى اتامل تعشينا سوه كعائله حبيبتي عسل كلش تقربت مني. نوبات احس روحي امها رغم الفرق العمري البسيط بيننا بس اليوم حسيتها. بوعي اكبر وهدف واضح حسيت من بعد حركه اقرباء عمو انور حددت. قرارها ونهته من حياتها خلص رغم من اشوفها تصفن على عمو انور انقهر عليها وحتى هو يباوعلها يبتسم لو يغمز تخجل وتنصي امنت عليها نامت ورحت لغرفتي صفنتي بكل ذكرى حلوه ومره وياه ووي اساور شي مينحجي ويزيد اشتياقي لبيبي
دزيت رساله الها
بيبي كاعده كلش محتاجتج
شفتها راسا مراي جانت ساعه٢ بالليل توني ارسل الها رساله لخ
دك تلفوني هو
بقيت صافنه عالاسم
عمو رائد --- ههه عمو رائد متنهضم ابد الكلمه ميوالم احساس كلبي ودكته
رديت بس محجيت ردته هو يحجي
محجه شي عرفت هو القره الرساله بتلفون بيبي
دقايق قليله وكال بجره نفس غميجه
- الو
جاوبت
- الو وياك
جر حسره وهمس
- مو بالغلط هالمره
ضحكت بكل هدوء
- ههه اوك
جر نفس ثاني وسكت
شوي وكال
- ولاحتى ذيج المره تره
- امم اوك
- هواي دااكذب وياج
- ليش
جز حسره همس
- اخخخ مااعرف ماعرف لتسأليني شي
- اوك
وخلص بقه ساكت
وكان بسكوته ويايه طفه وجاوب عن كل تساولاتي وحيرتي
وكانه كان يتغنى ببيوت شعريه غزليه تناسب غروري
وكانه حسيت روحي مو مجرد كوني انثى عاديه صرت احس روحي منفى اله غار ينهزم بي من اوجاع ماضيه وضغوطات حاضره واشتياق كلبه لناس عزيزين عليه بحضني اني
واني محتاجيت اكثر من هالشي اساسا كان مكالمته الي اكبر من امنياتي وياه
والاحساس الحلو راح يومين انتظر يرجع يتصل متصل وماريد اتصل بي اتصل ببيبي ونسولف وتتوسل تعاي يمي تغدي واكولها غير مره امرلج وكلبي يتمنى يسمع صوته حدما سالتها
- لعد ابو اساور ماكو
كالت
- طلع الجمعه الصبح لاربيل صاحبه داز عليه فاتح مطعم وعزمه بالافتتاحيه
- ها
- اي يصير كرايب سيدار
- اوك الله يوفق الجميع
- امين ديله روحي دياذن بوسيلي عسوله
- وصل بيبي
سديته منها صفنت الغيره بدت تاكل بحيلي اكل بس ردت العطله تخلص للسبت بليل اني روحي طلعت للومه. وعمو انور طلعو يفترون واني وعسل بقينا للومه كانت النا احلى تسلايه دلال عمو الها وشقاه وهي عصبيه من وحامها والمها يخربون ضحك
وهو يتداهر وياها
مره رجعوا من الدوام فاتت هي تعبانه كعدت عالكرسي مال مطبخ وهو وكف يمها لازم كتفها تتنفس كوه
وهو يهمس شربي مي بيده الكلاص ويفرك بكتفها
حبيبي هاي شوي مي شربي
انور ماريد تلعب نفسي
لاكلبي والله تتحسنين بس شربي
نترت
اي ماااريد ماريد معطشانه
اندار علينا فشلان نتر
لتلحون لتلحونن متريد دتكولكم متريد اني اشربه وجره الكلاص يابه كوه كتمنا ضحكتنا كامت للغرفه دتفوت وهو وراها نترت
انور فدوه اله يخليك لتضغط عليه
باوعلها صافن وباوعلنا ابتسم ضام ضحكته كال
هاا ابقه انام بالحديقه حك راسه للومه والله موبزون اني
يابه خربنا ضحك حتى هي ضحكت عاد تقرب منها حضنها وباس راسها باوعلنا
يابه شعدي غيرها اني
جاوبته
اي موداكولك تعبانه وانت تلح بالاكل والشرب واني روحي تطلع من اذبه
اي حقج يله شسوي نحس على ابوه يابه هذا من يجي الا اسمي صفر واذا بنيه الا اسميها كركوعه من كد ماتعبتي بحملج
همست بس خل اخلص بسلامه.
تخلص وتصير سوالف
جانت نقاشاتهم وديه. تنتهي دوم بلمسه كف او تمسيده عالشعر عمو انور رومانسي لابعد حد من اباوعلها احسه عوض الله الها تجسد بي
دوامه دخلت دوامه تناقض ساعه اكول اني دااتوهم الداحس بي او دااحس بي وحدي هو مجرد حاسبني بته وارجع اتذكر شون وكفني والله غار عليه والله جان قلق لااكون احجي وي اوس
ثاني يوم داومت جنت بس اريد التقي بي اريد اشوف شحيكول اذا سوه نفسه كلشي ماكو شون والله حيره والله دوخه اني موكعه روحي بيها اني بنيه. حالي حال البنات ديتقدمولي عرسان ليش موقفه حياتي عليه ليش بس هو يفتر براسي وبكلبي. هذا هذا شارع شكبره ياهو الاشوفه يباوعلي احس اريد املخه ماريد غيره ينظرلي نظره وحده وكانما متزوجه واني مشايفه منه غير نظرات مادري شحسبها كمت اخاف اتامل واعيش روحي بحلم
داومت وطبيت لغرفه وسناء
اللي ابد مسالت
ها ست ليش مجيتو ولا راكان الرجع فتح موضوعها مدري شبي من اجه من السفر ليهسه
كعدت وطبت ورايه بابتسامتها الصباحيه الكلها نشاط
- صباح الخير ست
- صباح الخير وسناء
- ها تتريكين
- لا والله سوتلي عسل خطيه بيضتين وياها
- بالعافيه زين جاي
حتى جاي شربت عاشت اديج تريكي معليج مني
كعدت تبتسم وتتريك وتعاين بالحاسبه وتدقق شنو وراها شوي واجه المحاسب ينطي الرواتب الحلو هنا المحاسب بنفسه يوزع الرواتب
جانت دتحسب براتبها وسناء مبتسمه وكفت كبالها الباب مفتوحه
- ها
- ها وسناء شناويه عالراتب
باوعتلي تبتسم
همست
- ثلاجه لو طباخ شنو رايج ست
- ياهو البعد بي عمر اكثر
- الثلاجه
-لعد اخذي طباخ شهر اللخ ثلاجهة ان شاء الله
همست تبتسم
- هو هم هيج
جننا ناطين ضهرنا للباب جاني صوت راكان
- صباح الخير بنات
باوعتله عرفت بي سمع ردت وسناء
- صباح النور تفضل
و وكفت تطلع
باوعلها
وباوعلي كال
- رايدج بموضوع تجين للمكتب عمي بعد مجاي
يله امشي
اشوف عيون وسناء منصيه ورفعتها علينا ونصت بسرعه
طلع هو بمشيته المغروره ورفعة شعره بالجل كالبه مثل الممثلين اباوع لزيانه وترتيب لحيته المايله للون البني مرتب حيل بس لومو هالكسره اللي بكلبه اللي عاكسه على ملامح وجهه
حزينه تكون
طبيت للمكتب وراه سديت الباب هو شمر سويجه عالميز ولزم راسه
- شكو شبيك
- تجين ويايه اليوم نخطبها
- واني شنو امك اختك
- انتي وبيبي الحجيه نروح
- ليش امك وين
غمض عينه وفرك وجهه
- امي شكت حلكي كالها وباوع للميز ياشر وعصيبي نار
تصدكيتن رايحه خاطبتلي بت بت عمتي واني ماعرفهاااا ماعرفها تكولي اي هاهي رحت اني وخواتك حضر نفسك نروح نتفق عالكعده
خليت ايدي على حلكي عصبي نار جان همست
- تالي شسويت
- شسويت لبست ورحت بيت عمي رائد طلعنا الفجر لاربيل ورجعنا البارحه خليها هي تتزوجها
- بلعت ريكي وهسه شون
- مدتفتهمني لج حتخبلنيييي
اكولها اني حالي حال اليتامى
تكولي لتصير درامي زايد عن اللزوم مو اول ولا اخر واحد تجي غيرها بكلبك وتتربع بي خواتك يردن يفرحن بيك اني اريد اهوس واهلهل شنو ضال هيج
بالله هاي شحاجيها واللله العضيم اذا ماجيبلها وحده تستحي تسوي عرس من ورها اني مو راكان خلي تصبرلي مو تجبرني وتمشيني كيفها بسيطه
- اي والمن تريد عيني وسناء ليش يابه لان فقيره موووو
صفن بوجهي ونصه هز راسه ساكت
- لا مو لان فقيره
- اي لعد شنو عيني
- لان وسكت نصه ورد رفع راسه باوعلي
- لان ادري بيها تريدلي الخير تتحمل لخاطري
- حرام عليك لان تدري بيها تحبك هيج
- اني افيدها وتفيدني تتحمل لخاطري ازل افتهمي اريد وحده تتفهمني تتحمل تضل ويايه حاسه بالدااحس بي مو اكعد ابرر واتعذر
- ومنو كال تقبل
هز راسه مغمض حتى لو مقبلت اخليها تقبل
تشتريها بفلوسك مو
- انتي شخبصتيني فلوسي وفلوسي اليسمعج كاعد على كنز بابا شبييييييج هي هيييي افصلييي افصلللي
- راكان تقربت منه بغضب راكان والنبييي اذا حسيتك تستغلها لا اكلك بسنونيييي كلتها وشلت ايدي ااشر
ابتسم
انفتحت الباب واني كباله ضبط ووجهي دم وهو متبسم وايده بجيبه باعد اطراف سترته ومخلي رجل فوك رجل وكاعد على ميز بس مرجي ضهره
طب رائد
بقه يباوع باستغراب
همس
- السلام عليكم
- ابتعدت عليكم السلام راكان جاوب
- ها عمي عفتك نايم شفتك البارحه منمت
مرد عليه بس يباوعلي مستغرب وكفتي
واني نسيت عيوني صافنه على وجهه ونسينا راكان ويانا محسيت الا وراكان يطلع من الغرفه وسد الباب وراه
رائد مهتم تقرب بس عيونه مغضبه وكف كبالي ايده وره ضهره
- شنو شبي راكان شجنتو تحجون
باوعتله ونصيت
- هيج موضوع غثني بي
تقرب وايده وره ضهره
- وهالشي يخليج توكفين بوجهه بهالقرب
رفعت عيني بعينه
- يعني شنو قصدك
عاكد حاجبه رافع تك منهم داره وجهه متحسر
- انتبهي لنفسج روحي لشغلج
- يعني شنو انتبه لروحي
يعني كاله ودار وجه عليه صار وجه بوجه سكت ضاعت تفاصيل كلامه بس وجهه ينضح اساله
تقدم كال
- انتي يعني ممكن يعني فد يوم ممكن تميلين لراكان
يسال ومتحير
فكيت عيني
- انت شتشوف
- مادري اشوف ميانتج وانتو ثنينكم عانيتو
يحجي وياشر ويمسح وجهه سكت منصي راسه من شاف دمعتي غركت جفني وراح تنزل
همس
- اخذي راحتج
- تشك بيه ليش متعرفني اني منوو
رفع راسه حنت ملامح وجهه كال ويتامل خدي التمشي عليه الدمعه
- مشكلتي مااكدر اشك بيج لانج ربات ايدي
كالها وشال ايده ونصه راسه
كعد ولزم راسه همس
- والله اني تعبان والله جسد بس والروح بارض المقبره اني مافيدج والله مافيدج
مكدرت احجي تلجمت بس حنكي يرجف
رفع راسه يعاين بتعب عيونه مغرغره
والله خايف عليج حتى مني لازم تصحين موو حتى
- اني
وسكت
تقربت منه اريد احجي ومداعرف احجي
رفع راسه هو وكاعد
همس
احجي
- ماريد اصحى
غمض عينه وغطه وجهه بكفوف ايده
بقه بهالحال استجمعت قوتي كلها
وحجيت بنبره ترجف
- رائد
بعد ايده وفك عينه بس مكدر يباوعلي يباوع للابتوب المسدودكدامه
رائد عاينلي
كلتها وكل حرف يطلع يلعن بنفسيتي وكرامتي.
رفع عينه باوعلي
اذا انت متريدني اطلع وماارجع ماكو غير حل كلتها وشهكت
وكف هز راسه بالرفض اشر باصبعه
- لا دير بالج اني اني ماكدر اعيش بدونج بعد انتي بنتي مثلها
يحجي ويرتجف متوسل بعيوني غمضت ونزلت دموعي اندكت الباب ابتعدت مسحت وجههي همس
تفضل
طب البواب كال
- استاذ اكو دوريه بالباب طلبوك يسالون عن موضفه تشتغل هنا
- شنوو عليمن يسالون
- ماعرف وياهم مره تطلع بالتلفزيون
- واني شنو وينهم
- بالباب ادخلهم
- لا طبعا هسه طالع
كالها وباوعلي
صيحي راكان وعون
- اوك
طلع كدامي مستغرب مشيت وراه خفت عليه ماعرف ليش وصل للباب كم موظف واكف والحرس مديخلون المره تطب
كال
- تفضلي ست
- انت المدير
- اي نعم اني تطلبينا شي
كالت
- اكو موضفه هنا اسمها ازل عمران
صفن فك عينه واني مدري شصار بيه السيارات العاليه والحرس راسا تذكرت رسل ماكو غيرها همس
- شعدج وياها
- مالك دخل انت سلمها الي
- وشنو السبب
-استاذي العزيز اذا ردت شركتك الاهلللليه بدون محاربه من السوك لتطول بالكلام وسلملي الموظفه اني ماعرفك حتى داضرك
- وانتي منوووو دتضريني نتر
فكت عينها رفعت تك حاحب ابو عون فرهد الموضفين كلمن لشغله واني محجه ويايه قطره دم مبقت بجسمي نشف من الخوف
التفت عليه همس
كلمن لعمله
باوعت بعينه برطمت ماروح
اشرلي بحاحبه وغمض
- فوتي بابا مالج دخل
- رائد ماروح رايدتني الي
- ختولي انعل ابوها لابو الرادها فوتي بابا فوتي
- ماه
كلتها وباوعتلها كالت
- يعني موجوده بشركتك صح
- اي نعم ومحد اله سلطه على اي موضف هنا
- كد الحجيته
- اي طبعا
يحجي بثقه
باوعت همست
- استاذ كتلك ماعرفك حتى اريد اضرك والبنيه عدي وياها شغله وخلص
- شغله ايش اكدر اعرف
- لا لهنا تعذرني ماكدر احجي بيني وبينها لاانت الابوها او اخوها واكدر احجي واامن
- تكدرين تكولين هي من اهل بيتي
صفنت
- شتصيرلهم انت تقدمت بغضب احجي شتصير خال عممم
- انتي المن رايده
- اني رايده وتلفتت لمحتني فكت عينها صفنت شوي وهزت راسها
- انتي ازل مو
هزيت راسي التفت رائد عليه جرني من ساعدي وره ضهره احساس القوه مدري منين اجاني
نتر
- احجي ويايييه ست والزلم الوياح رديهم لمكانهم عيب شركه هاي والها سمعتها
- لعد اذا هيج تفضل ويايه انت وياها نحجي
- ماشي شعدي اني باوع لداخل الشركه
صاح
- عوننن ساعه وراجع خاف يجي الوفد
جاوبه صار استاذي
همس
- جيبي جنطتج وسترتي وامشي
فتت عيون الموضفين عليه نصبت راسي اخذت جنطتي وسترته وطلعت ركض شفته ديطلع سيارته وصلت اله صعدت بالصدر طلع وطلعت ورانا سياره وكذامنا سياره
عمري بحياتي ماخيلت روحي فد يوم حمر بهالموقف طول عمرها بيبي تكول السياسيين يخوفون لتدكرون بيهم ولا تخليهم يعرفوك
فعلا كلامها صح وكفت سيارتها بباب الشركه
شركه رسل الودتني عليها فد مره توترت اعصابي متذكره كل لحضه همست
- مماطب هنا فدوه
ننتر
- هاي وين جايبتنا هاي وين اطببج كل عقلج اخليج تفوتين هنا سمعتها زباله هاي
طبكت بصفنا فتحت الشباك نتر رائد
- عيني شوفيلنا فد كوفي ماطبب اهلي هنااا انتي سامعه العالم شتحجي عنها بالسوك لو اسمعج
غمضت المره
- ماشي باشا امشي ورايه
مشينا وراها
جنت ارجف وافرك ايد بيد ورائد هاديء
همس
- شبيج بابا ماكو شي اكيد تسال عن رسل لتخافين
برطمت وغطيت وجهي ارجف خايفه ولاول مره
لزم ايدي بقوه همس
اني وياج ازل ماعوفج
بقيت اباوعله حتى دمعتي وكفت امنت بقه ايدي بيده حدما وصلنا بيت طبت طرمته طويله وحديقته شكبرها طبك ببابه اشرتلنا
- تفضلو بيتي هذا
- اكثر من نص ساعه ماابقى ست
جاوبت تبتسم
- صار استاذ رائد تدلل ماعطلك
نزلت وراه باوعلي همس
- التعرفي عن رسل احجي وهاهي
- اوك
طبينا شوي وجتي وبدت تحجي بعد ماتفحصتني. باوعلها
كال
- وكت ماعدي ست
- ماشي بس ردت اسالك
- حضرتك متزوج
- وليش هالسوال
- طيب شنو علاقتك بازل واختها
- كتلج اهلي
- اممم هزت راسها تباوع باستخفاف الي
- انتي هم مثل اختج تلوفين عالمتزوحين وتاخذيهم من عوائلهم
نتر عمو
- ماله داعي هالكلام اذا كانت رسل انسانه مريضه مو ذنب خوات يوكعون بشر اعمالها
- ماشي ماشي استاذ اعتذر سوال واحد ست ازل واريد جوابه
هزيت راسي
- تفضلي
- رسل وين
- والله مادري بس اخر مره خابرت كالت اسافر لعمان وداودعج
هزت اممم
- وبعد
- والله مادري لو ادزي اكولج
- غمضت بنفاذ صبر
- يعني مابينكم تلفونات
- ابد والله تبرينا منها
هزت راسها ممصدكه
- كتيلي اتصلت بيج
- اي
- عدج رقمها يعني
- ماعرف بس هذا الرقم الطلع فتحت تلفوتي ركض رائد يباوعلي تفاجات نضرته من شاف الخلفيه اساور ويا بصوره تخبل
باوعلي ارجف و افتح ادور الرقم لزم ايدي همس
على كيفج باوع بعيني امنت كال بصوت ناصي
- ماله داعي خوفج
هزيت راسي موافقه كملت بحث وطلعته
- ههذا الدكت منه بس صار كلش هواي
- شوكت يعني
- يعني قبل تقريب ٦ شهور
- هاا هذا الرقم وطتني الجهاز
- وبعد اي معلومات
- ماعرف
- ليش تبريتو منها
- ححامل كانت وعمتي طردتها كلتها ونصيت راسي بقت صافنه دمعت عينها غضب
- اختج اخذت زوجي وخلته ينفصل عني يله رضت تتزوجه
- اني معليه بيها
- عدي بنات اني بقيت اباوعلها
- حتى ميشتاق لبناته خلته اني بت —- تالي وحده مثل هاي تلوفه
نصيت راسي حجه عمو
- اعتقد منفيدج بشي بعد ورجاءا الفلم الهندي الصار بالشركه ليتكرر هذا مكان عمل مو ناقص مشاكل
هزت راسها نورتوني واعتذر عالطريقه الطبيتلكم بيها
وكفت طلعت وره رائد وصعدنا بالسياره بس طلع من يمهم
اختنكت خنكه حدما طلعت الدمعه باوعلي كال
- ازل انسي الصار
شهكت من كلب كلبي ابجي حنيت جسمي وابجي خله ايده على ضهري
كافي ابويه بس مصار شي
هزيت راسي بالرفض لا واباوع عالسما ردت بس اهدا احساس العار كلش كلش موذي
طلع بالسياره مرجعنا للشركه وداني لبيبي اول مطبيت شافتني كالت
- شبيها ازوله شبيج يوم
حضنتني وطلعت شكو بكلبي وجه احجي واشكي وهي تهز راسها متفهمه تعرف كلشي من اول الموضوع التفتت شفته كاعد يدخن ويباوعلي بتعب اشرتله اطلع طلع
نزعت حجابي ونمت عاى رجلها والشهكه بيه تتلمس شعري مثل الجهال حجتلي قصه
الحوريه والشاب الفقير صافنه بغير عالم بعالم بيبي مثل مجننا اني واسو نستمع حدما ننام
غفيت حسبت بدفو عرفت غطتني. بفراشها نمت براحه جنت محتاجه هالشي مومال اروح لبيتنا وتشوفني عسل بهالانكسار الصعب
لل٤ دك تلفوني
فتحت الجنطه كعدت من نومي
- هها عسل
- شنو وين انتي نايمه
- لالا كاعده دادا اشتغل
- لعد وينج
- هسه نص ساعه واجي
- تغديتي
- ها لالا
- يله حتى سوه اضوج وحدي للومه راحت لبيت اميره
اوك
سديته وفركت وجهي كمت لمست شعري انتبهت رائد بالطرمه واكف وايده وره ضهره صافن التفت شافني ضل يباوعلي من الشباك ميل ركبته يتامل شعري واني الفه نصه راسه واني ختلت وره الباب كملت لف شعري ولبست الحجاب عدلت روحي وطلعت
بيبي جانت دتكصكص فلفل اخضر
- بيبي حروح اني
- وين وين دنتغده
- بيبي خطيه عسل وحدها متاكل هاي الا اذا احد وياها
- هسه ندز السايق يجيبها كعدي
- مو محضره غده خطيه تنقهر
- ختجيب غداها واتجي
- لابيبي فدوه لتحرجيني
- اووف شكد جان عاجبني اتغده وياج دروحي يمه الله وياج سلمي على عسل وهاا ازوله
- نعم
- اخر مره نبجي ذبينا قهرنا هنا وبعد مننقهر ولا راحت بعد
هزيت راسي تقربت بستها من راسها وطلعت التفت عليه واني افتح الباب كال
- ها اوديج
- للا هسه اكول للسايق
- لا خو اني اوديج امشي
طلع كدامي صعد واني وراه طلع بالسياره ساكت. قريب مدنوصل كال
- اريد احجي وياج
التفتت عليه ميباوع بعيني جر حسره
وباوعلي
- بالتلفون
- اوك
فتحت السياره دانزل كال
- ازل
- نعم
- لتبجين بعد لخاطري اذيتيني كلش. اذا عدي خاطر يمج لتنزل دمعه منج
هزيت راسي ابتسم
- اني كل خاطري خاطرك وغلات اساور
ابتسم بتعب وغمض هز راسه موافق واشرلي باي طبيت للبيت كملت غده وي عسل كلي حيويه ونشاط نضفنا كوينا الملابس سوه طلعنا تسوكنا ورجعنا قفلت الظاهر للوم حتبات دنتفرج ونكرز حب نباوع للفلم
والتفتت عسل عليه كالت
- شو مسألتيني شسويتي اليوم
- هههه انتضرج تحجين
- هو غير يزن رجع
- فكيت عيني شووون
- والله كلتها وغمضت براحه
- احجيلي
- اليوم من داومت كلت ابد ماباوعله بعد يعني ازل ولد ميريدني ابقى اتوسل بي شنو
- امم
- فشسمه طبيت وي لوزه عادي بقيت بالقسم شبه فارغ لان مضاهرات
- اي طبعا
- فكاعده وجوي بنات كالو تروحون لساحه التحرير نودي اكل اني راسا كتلها لا ماكدر ولوزه طبعا اخوتها ميقبلون مع العلم رادت بس تخاف
دااحجي وي البنيه وطب يحيى ونور و ولد ثنين من غير مرحله يردون كتب من عده وهو ديسجل اسماءها
باوعلي ودار وجهه بلا مبالاه عاد باوعت للبنيه عود اني واثقه من روحي وهاي
- امم
- كتلها تروحون بسياره لو شنو
كالت
- اي اجرنا كيه كم ولد وينيه كالو نجي بعد نفرين
وكفت ولوزه نترت
- وين موليه
- اريد اروح وياهم اني هم يعجبني اجرب الاحساس الوطني
- دكعدي بابا هبله انتي واشرت للبنيه روحي حبيبتي ترجعون سالمين احنا حتى وطن منريد وداعتج قجق
باوعت لصفحتي شفته يكتب ويرفع راسه يباوع للبنيه ويرجع ينصي
مستغرب
والبنيه باوعتله كالت
- منو يجي ويانا
كللها بثقه
- وين تريدون ترحون
جاوبت
- للساحة
باوعتله همس
- ساحه التحرير تقصدين
- اي
رجع نصه كال
- لا الله وياكم البارحه بليل جنت
اني من الدوده وكفت كتلها وترجعونا للجامعه
كالت
- اي اي هو للجامعه
شلت جنطتي وجلبت لوزه اكعدي
- اريد اروح وياهم حبابه وخري
البنيه كالت
- احنا دننتضر ب٩ نطلع تره اذا تردين تعاي بالكراج
- اوك
راحت واني ولوزه نتناكر
- اكعدي بابا شبيج
- اريد اروح وياهم
احجي واباوعله عكد حاجبه ويكتب نور تباوعلنا وتدردم مدري شتتبشبش وياه هو يرفع عينه يباوع ويرجع ينصي كمل شغل والولد راحو بقه كاعد يكلب بالموبايل وعيونه تتلصص عليه ويرجع يباوع عاللوحه
علساس مويمي
لوزه نترت
- والله اذا وحتي اخابر ازل
- خابريها معليه اريد اروح
- دتعاي تعالي
عاد حجه هو بصوت ناصي واني اطلع
- كوليلها خطره تره مو مال بنات
وكفت باوعتله
- شنو
مجاوب نصه تركته وطلعت ولوزه ورايه وصلت الكراج جانو رايحين
رجعت شفته طالع يدور بعيونه من شافني دار وجهه وكعد رجعت كعدت اكلب بالملازم وهاي تنك
كومي للمكتبه
- اي ماريد
- كيفج حصعد اني ماكو محاضرات اكيد
- اي روحي
بقيت كاعده اكلب بالملازم واشخبط التفتت عليه شفته كاعد والسماعات باذنه يعاين من شباك القسم عيونه التفتت عليه ورد عدلها راسا ويحرك بكف رجله واحد منهم
طلعت اختنكت بقت نور يمه كاعده بالسنتر اني بس وي لوزه امشي
- اممم
- هاي ساكنه المكتبه متطلع منها
- اي
- افتريت صرت بضهر قسمنا يعني الشباك الديباوع منه صرت كباله هاي اني كلت ماباوعله
وكعدت اكلب بقصه عاطفيه لبس نضاره شمسيه ميعاينلي نور يمه تكلب بالتلفون اندمجت بالقصه
اجه مصطفى كال
- صباحو مداومه الوطنيه
باوعتله ابتسم متدرين شصار بي من ابتسمت
راسا كال
- تشربين كوفي
- كتله لا
- شدتقرين
- هيج قصه روايه
- صايره تدورين روايات
- احبهن
امم كعد كبالي واني عيني بالقصه
كال
- تعاي نشرب كوفي واحجيلي القصه
- اوك
صدك دااوكف وصوت يزن كال
- هاي مو عسل لو غلطانه عيوني هههههه اي والله عسل
يحجي باستفزاز انداريت عليه وشفته كصني من فوك ليجوه وهز راسه كال
- والله يابه زين انتي تكملين واني انفصل
بلعت ريك مصطفى همس
- امشي لتردين
- دقيقه دقيقه كال وكف بطريقنا
- ازل متدرين شصار بيه لشتي ترجف كلت حيسويلي فضيحه لخ واني ماعدي احد
- ليش هيج تحجين بابا تلفون واحد اجيب ابو اساور واجي اطيح حضه
- مكدرت خوفي سيطر عليه
- اي تالي
- تالي تعديته ضل ديحجي وسكته فركت وجهي اضحك
- منو يحيى؟
- امم
- جذذذب شكله
- عاط بي من الشباك
- يززززن
وهو التفت عاكد حاجبه اني وكفت اباوع شحيسوي نتر
- تعال تعال
كال لصاحبه هذا مو يحيى
- اي معرفته
- لا والله ديداوم هنا
- تفاجئت بمعرفته بي افتر يزن وراحله اني وكفت بالشباك يحيى تقدم لباب القاعه ميدري بيه بالشباك وصل يزن مد ايده تصافح ويحيى مرد
كله بامر
- حبيبي تلملم جماعتك واطلع هذا مكان دراسه مو تطربك
- وانت منو سجل الجامعه باسمك كالها مستفز ويضحك يعاين على رجله كال
- دعزف امشي عدل اول بعدين هوبز
تقدم يحيى مثل الذيب على خوانيكه وجرو الولد نتر
- امشي اطلع بررره
- مو كيفك
لحظه واحده وطب رئيس القسم ويحيى حجه بأدب
- دكتور هذا مو مفصول مرقن قيده مو عده قضيه غش وقضيتين تحرش شون نامن على خواتنا وهو طاب طالع
والدكتور نتر
- تفضل بره الحرم الجامعي منو طببك انت
يزن مستفز يضحك ويباوع ليحيى وطلع يحيى اباوعله غمض وعدل بشعره التفت يرجع لمكانه اخر القاعه بصف الشباك ولمحني واكفه ارتبك ونصه سوه روحه مو يمي نطاني ضهره وكعد مكدرت افتريت وطبيت للقسم وحده كاعد نور مموجوده اخيرا وولد اسمه مرتجى شوي وطلع واني كاعده انداريت عليه منصي على كتاب شثخنه بيده والسماعه باذنه رفع عينه باوعلي هو كاعد ورايه
- اممم
- رفع عينه باوعلي ورد راسا نصاها بملامح جامده بارد
كلت لازم احجي
تتذكرين من كلي السند مو اله بالقوه نوبات السند عقل فد يوم ردتي مني شي وملكيتي فد يوم مريتي بشي يضوجج وملكيتيني
- اي اتذكر مره كتيلي
- اي تذكرت كلامه وسالفه الرساله توجع ليش مبينلي ليش مرد عليه بيها شنو اسوي بعد اذا هو هيج خايف عليه ومهتم شون يريد لصالحه
- امم وشسويتي
- مكدرت اسكت بعد قويت روحي وانداريت عليه وكفت مشيت كم خطوه تجاهه هو نصه راسه كلش ولزم الكتاب بقوه وبديت احجي
- ممكن احجي وياك
مرد بقه منصي ولارد
- اانت ليش دتدافع عني
جر نفس وكلب الورقه
جريت الكتاب بهدوء باوع لايدي وبقه منصي عاكد حاجبه
- ممكن ترد عليه
بس متجاوب ابد
وحجيت
- يععني انت من تدافع عني وتخاف عليه ليش متسامح لو غرورك ميسمحلك كلتها واختنك صوتي اباوع تفاحه ادم تصعد وتنزل وعيونه عالميز كدامه ابد مباوعلي
كتبت رساله اعتذار كلت حيحيفتح البلوك ولو يخليني اعتذر
عكد حاجبه
تتالي تدزلي وحده تفضحني بالكافتريا وتضل تلطش بالحجي
تلفت يمنه ويسره عاكد حاجبه ميرد بس حيل حيل مستغرب
جاوبني الي كلي ماسامحج وخلص
الوش تدزها الهااا ليش
وليش حاجيلها كلشي حبيتها انت بلشت حياتك وياها جاوبني حتى اقطع الامل بيك فد نوب
بقه منصي عاكد حاجبه
همست
يحيى فدوه
بلع ريك وخله ايده على كصته غمض عينه
انتظرت يرد مرد
هاهي اشكرك جزيل الشكر بس لتدز احد بعد عليه واني ان شاء الله انساك مثل منسيتني
كلتها وصوتي رجف رفع راسه ورد نصه راسا
تالي شلت غراضي دا اطلع من القاعه ركض وصلت للباب همس
- هاي يارساله
.
.
.
يتبع