أنتقام الضابط نمر

بارت 19

أنتقام الضابط نمر

الكاتبة الاء محمد

لاتنسوو التصويت +التعليق بين الفقرات
+ متابعه الحساب✅♥

أحياناً نتفوة بكلمات، ندفع ثمنها كثيراً

ميرهان: طلعت من بيت أهلي
وهاي المره الثانيه الي أطلع بيها مكسورة،
وموجوعه مغلوب على أمري
كامش ايدي ويسحب بيه ورا فتح الباب
وصعدت، افتر فتح الباب وصعد حرك السياره والسكوت سيد الموقف، اني دموعي ما وكفن كلبي يم بابا عفته بموقف صعب، والله مادري شنو السويناه حتى هيج نتعاقب، وكف السياره يم
البيت الي دمرني بي كتله

_ هاي شنو شنسوي هنا اذا تريد تكعد بي روح
جيب مرتك واكعد اني شكوو

نزل فتحلي الباب ومدلي ايده وكال
_ نزلي
_ نمر ماريد اختنك من هذا البيت

_ زفر الهوى وجرني من ايدي ردت اوكع
سحبني وراه، وشي طبيعي ما يسمع كلامي
ويسوي الي يريده هو ويمشيني بأمره، فتح الباب ودخلت، احس روحي حتطلع ماريد ادخل الهل
بيت وكفت يم الباب

_ نمر حباب ماريد ادخل

_ هذا راح يكون مئواج

ميرهان: ياا مئوة تحجي عنه انت، نـمر طلعني مناا

نمر: ماكوو طلعه دخلي يالله

ميرهان: ما.. ماادخل

نـمر: هسه ليش تعاندين، دخلي

_ دخلنه للبيت ومأثثه، اثاث ملكي
بلون الذهبي والاسود، كال..

نمر: لا تتفاجئين بـ الألوان الذهبي يدل ع لونج والأسود انيي شلون اختيار هاا

_ ضحكت وكتله

_ كلشش صح انت عباره عن غيمه سودة
احتلت حياتي

نـمر: انا الغيمه وانتي الگمر يابه، شنو رئيج بلبيت

ميرهان: ههه هاي بـس العائلة السعيدة هيج
يهتمون بتأثيث البيت بس احنا مو سعداء

_ التفت عليه مسكني من وجهي
وقرب وجه عليه وهمسس

نمر: بدونج ما انام الليل تعذبت هل كم يوم
بدونج، كل يوم يمر سنه عليه گمر كحليه

_ باوع بعيوني وكمل حجيه

نمر: لا تعيدين السويتي بيه، ترا فراكج أكبر
أنتقام بلنسبه الي

_ باوعت بعيونه وكتله

ميرهان: وأنت وجودك اكبر أنتقام

_ وخر من يمي وسحب جكاره

نـمر: مو جاي نحجي بلطف ليش
تخربين عليه

ميرهان: أنت دمرتني ودمرت أهلي
وتريدني ابقى يمك، واحس بالأمام
انيي يمك مثل الطير المذبوح انت خسرتني
طفلي الي بعده ما شاف
الحياة بسبب انانيتك وحقدك،
وكرهك الي عمى على كلبك
ضحيت بأبنك الي من دمك ولحمك
وبسبب انانيتك وكرهك حضحيي اهووايه

_ نفخ الدخان بوجهي، صرت اكح، كال..

نمر: منو يكول الطفل أبني؟؟

_ فتحت عيوني على وسعهن هذا شديحجي شديكوول، حجيت واني مصدومه من الي سمعته

ميرهان: شهل حجي هذا، احترم نفسك
لك لووما أنت الي اغتصبتني واخذت الي تريده
مني وبأبشع الطرق

نمر: وشنوو تسوين وي سلمان وحدكم بنصاص اليالي وتحجين ويا علواتساب
شنوو هذا شيسموو؟ وتحجين وي فيصل
بنفس الوقت شنو شفتيني مكرن واسكت
هاي هي عادي امشي الموضوع، وهسه نصفي الحسابات ونجيهن وحده وحده

_سحبني ورا، دخلني لغرفه وقفل الباب
باوعت علجربايه وشفت منظر يقزز
زهراء متعريه ونايمه علجربايه نزع ملابسه
بقى بس بلشورت وراح تمدد بصفها وكال

_ شعندج دخلتي لهنا

ميرهان: وجهلي الكلام ولا عبالك هو الي دخلني للغرفه، كلبي اشتعلت بي ناار
يااربي ليش هيج يصير بيه مو ما احبه
مو اكرهوو ليش اختنكت باوعتلهم بأشمنئزاز،
باوعت بعيونه وكتله

_أكررهك

_ أبتسم صفح،غمزلي وكال

نمر: مشتاق الحبيبتي شويه
واجي احجي وياج

ميرهان: طلعت من الغرفه واني مشمئزة منهم
رحت كعدت بلمطبخ
التفكير أكل راسي اكل ونار كلبيي توجر
أبتسمت بسخريه واني اذكر كلامه

"حبيبتي أني وياج للموت محد يفرقنه"

ههه طبعاً اذا أنت الموت نفسه، معقولة هيج
جنت مخدوعه بي كله مجرد تسفيط حجي
وبسس واني، انيي الثولة الي صدكت بي حبيته
و وثقت بيي

لشوية واجه اباالي

عزااا صدك هو كال حاجيه وي سلمان علواتساب!! بـسس هاي شوكتت اني محجيت ياربي هو
صح التلفون ما شايفته عند احد قبل بـس محمل
بي البرامج واني من غبائي ما فتحته ودورت بي بسرعه استخدمته، معقولةة اكوو شخص اله أيد بيهاا !! قطع تفكيري صوت الباب انفتح التفتت واجن عيوني بعيونه درت وجهي عنه
دخل للمطبخ، وكف بلباب باوعلي
واجاني صوته يكوول

نمر: تدري بيه من تغيب
تغيب شمسي والفجر ما يطر ليلي
تدري بيه... تدري بيه.. تدري لو لحضه تمرني
بيها أعيش سنين عمري بشوك تدري تدري بيه..
تدري لو ساعه تغيب عليه ما يلحك طبيب
تدري بيه ياحبيبي الروح بيك تولعت
تدري بيه تدري بيه....

ميرهان: كلبي دك كلشش واحس فراشات دتركص ورغم هل شي ضحكت بستهزاء وكمت اريد اطلع قطع طريقي، صار مقابيلي ومخلي ايديه بجيوبه وعيونه بيهن نضرته الحاده الي تخلي الدم يجمد بجسمي، واني واصله الصدرة

نمر: شبيج نخطف لونج وتخربطت احوالج

ميرهان: تئفئفت وكعدت علطبله وكلت..
مابيه شي وشكوو اتخربط

_ تقرب يمي، هو ويحجي

نمر: شوو ايديج يرعشن

_ دنك المستواي وهمس

نمر: لجذبين لسه تحبيني

_ كمل كلامه وغمزلي، عزاا مفضوحه
حجيت بكلبي: شلون هسه احرك كلبه هففف كتله

_ أني ما احبك اصلاً لو أحبك چان ما قبلت
بـفيصل يصير زوج ألي و وصلنه للخطوبه

_ كمشني من دلاعه التراك ورفعني

نـمر: شنوو كلتي؟

_ وجه احتقن احسه راح ينفجر

ميرهان: مثل ما سمعت

_هزني حييل وصااح

نـمر: شنوو كلتي

_ بلعمت من الخوف ياكلمه ردي المكانج
امداني غير اطيح نفسي بمواقف طايح حظها
صااح بوجهي

نـمر: احجييي الحجيتيي

_ احب فيصل

_ ضربني راشدي بكف والكف الثاني كمشني
من شعري صك اسنونه وكال

نـمر: والله الا اندمج على هل كلمه

_ خنكني بيده وكمل حجيه

نـمر: طالعلج كلب ثااني اني ألج

_ دفعني وراح اديه يرعشن وجسمي يختض
من الخوف كعدت واني اهدي نفسي، ما صار شي
ما راح يصير شي اهدي، احسن السويتي
حتى يكرهج
بـس ما جنت ادري السويته راح يدفعني الثمن

فتح الباب الخارجي وطلع
كمت اريد ادخل وتلكتني زهراء
وكفت اباب المطبخ و تخوصرت

زهراء: أنتي وجه النحس ما راح اخلص منج
ولا من شوفتج

_ باوعتلها بطرف عيني وكتلها
انييي !! اذا اني وجه النحس لعد أنتي شنوو
لا صدكين نفسج بابا ترا انتي مجرد وحده من الشارع ملفيج ﻧـمر يمي

جانت شايله بيدها كلاص كزاز، أني حجيت هيج وهي رفعت الكلاص شمرته عليه، راد يجي بوجهي، غطيت وجهي بديه، صديته بيدي ونكسر دخل
الكزاز بيدي اتخربطت احوالي واني اشوف الدم

بهل اثناء انفتح الباب رجع نـمر، صاح

نـمر: زهراء جيبيلي تلفوني علجربايه

_ أنتبه ماسكه ايدي وتنزف اجه يركض
كمشني من ايدي شافها لو تخبل

نـمر بلهفه: هااي شبيج

_ اخذني للمغسله غسل ايدي، وجرني للتخم كعدني عقمها ألي ولفها بلباندج وهو يتفحص بيها
باوعلي بستغراب وكال

نـمر: شلوون تعورتي

_ اجتي زهراء وكالت

زهراء: نـمر والله هي رادت تضربني بلكلاص
واني كمشت ايدها وتعورت بيدها

_ باوعلي وهو مضيق عيونه كال

نـمر: صدك !!

_ هزيت راسي بنفي

نـمر: لعد شنوو احجي

_ حجيت واني كاتمه العبرة: زهراء ضربتني و...

_ بعدني ممكمله صد على زهراء ضربها براشدي وكمشها من شعرها وصاح بيها

نـمر: احرك عشيرتج نفر نفر وانفيج من الوجود اذا اذيتيها ولوو شعره لو نزلتي دمعه من عيونها

_ هد شعرها وهاي زهراء راحت تركض لغرفتها مسويه نفسها بـفلم والله ياالله
اجه كعد بصفي صدد وجهي عليه، وكاال

نـمر: ليشش ضربتج

_ غمضت عيوني بئسى وكتله
تكلي انتي وجه النحس وتغلط عليه

نـمر: أيي

_ واني رديت عليها انتي لفاج نمر من الشارع

_ باوع بعيوني وضحك، حجه وهو رافع حاجبه

نـمر: صاير عندج لسان وتتعاركين صايره لبوه

_ ضحكت وهاي يمكن أول مره اضحك يمه
قربني عليه وهمسس بأذاني

_ ماكوو احلى من غمازتج

_ وخرت من يمه كمت وكتله
اريد نروح لبيت اهلك ماريد ابقى هنا
واذا حاب تبقى انت ومرتك هنا بكيفك بعد بس
اني اريد ارجع لهناك احس هذا البيت مثل القبر

نـمر: ماشي بـس..

_ مكمل كلامه وكف وخلاه يديه بجيوبه ورجع حجه

_ اريد نصفي حسابتنا

_ غمزلي وكال

نـمر: تأذيج ايدج

ميرهان: هزيت راسي بنفي
مشى رجع التفتلي وكال

نـمر: راح اجيب غده واجي مو هم الكاجن متعاركات

_ كلبت عيوني وهو ضحك راح ودخلت للمطبخ لميت الكزاز، وطلعت زهراء متحضره على اخر حبايه من مكياج وشعر وفوكها لابسه ملابس نوم عووع جسمها جنها هايشه ولا يكول هسه اكلت كف
اجتي وكفت وكالت

زهراء: مولبالج من يضربني ازعل هاي احسه
من كد ما يحبني يضربني

_ اني اباوعلها بطرف عيني، معرف شدتحس
وهي اذل بنفسها

زهراء: موو نفسج تزعليين وتتبجبجين
وسوين نفسج شريفه علينه وانتي من جوة الجوة وتشردين بنصاص اليالي

ميرهان: اوووي عيني نـمر لو يحبج جان
اعترف بيج كدام اهله من زمان وجان هسه عدكم اطفال بس نمر ما يريدج بس تفريغ شهوة، واني اشرف منج حبيبتي

عفتها وطلعت كعدت على كرسي بلطارمه
هفف شهل ضوجه الي ما تنحمل عاد هناك اكوو عمتي غرفتي اغير جو بيها شويه اقره كتب هنا كلشي ماكو بيت شكده شكبره بس اني والحيه، مر وقت ودخل نمر شايل علاليك صاحني اتلكاه، اخذت منه ودخلتهن بلمطبخ

نـمر: ميرهان حضري الاكل بين ما اغسل

_ هزيت راسي فتحت العلاليك واني تك أيد
جايب سمك مشوي ومقبلات وببسي وبطل
غريب اعتقد شرب وييع عفته بلعلاكه

خليت الاكل واجتي زهراء هي وملابسها كعدت وكالت

زهراء: شنوو هاي فديته حبيبي يدري بيه احب السمك

_ اجه نـمر شاف زهراء كال

نـمر: هاي شنو ست زهراء منو كال مفتح هنا دعاره؟

زهراء: ها حبيبي موو...

_ قاطعها وكال

نـمر: كومي ماريد اشوف خلقتج كدام بهل منظر

_ يابه شرتاحيت، شافني مبتسمه، ابتسم

نـمر: كعدي

_ كامت زهراء دخلت جوه روحه بلا رده،
كعدت

نـمر: يله أكلي

_ جريت خبز واني مو كلش احب السمك
اكلت شويه وعفت الاكل

نـمر: هاي شنو كملتي

_ هزيت راسي

نـمر: صدك

_ والله

نـمر: ليش هو شكلتي انتي

_ ما حب السمج

نـمر: اكلي حتى تتقوين وراج تعب

_ حجه وغمزلي، مفهمت شنو يقصد
أكل السمجه، عزاا ولا يبين بيه الاكل ما عنده كرش بس عضلات زين شلون خرب حضي، كمل وشافني اباوعله

نـمر: ها عجبج

_ كلبت عيوني، ومارديت

نـمر: سويلي چاي

_ خليت القوري، علنار وبقيت ادور علجاي
اجاني صوته

نـمر: جبت هسه وياي شوفي بلعلاليك

_ طلعت الجاي وسويته، غسل ايديه وكعد صاح الزهراء واجتي

زهراء: ها حبيبي

نـمر: تعاي ازقنبي

_ باوعتلي بأستحقار واني اقابلها بأبتسامه بدت تاكل تخدر الجاي صبيتله
صار يدخن ويشرب چاي كملت غده الصخله وراحت ونـمر بقه كاعد يمي
اني وين اروح، نزعت شالي
لان ما اعرف اغسل مواعين واني لابسه حجاب
لميت المواعين وصرت اغسل
بيهن، واني لافه ايدي بعلاكه عزلت المطبخ
وهو كاعد كال

نـمر: راح اطلع

_ جر تلفونه شاف الساعه رجع كال

نـمر: ساعه بـ 3 راح اطلع اودي زهراء للبيت

ميرهان: وانيي

_سحب نفس من الجكاره وكف على
حيله نفخ الدخان بوجهي وكال

نـمر: راجعلج بس اوصل زهراء وارجع
لان امي راح تاكل راسي، تريدني ارجعج لهناك
بس هسه اودي زهراء وانتي بعدين تماما

ميرهان: شنوو ليش تودي زهراء واني
بعدين خلي نطلع كلنا

نـمر: لا بعد ما خلصنا احنا ورانه حجي

ميرهان: شتريد مني

نـمر: تؤؤ مستعجله ارجع وتعرفين

_ راح وعافني وي تفكيري الي ما يخلص
والخوف البده ينزرع بكلبي، هففف ياربي سترك شيريد مني، وره دقائق طلع هو وزهراء، وهاي تتعارك مدري شبيها تريد تبقى، هسه اني كتله وديني الي وبقيها هي شو هذا سوا العكس

بقيت افتر بلبيت، دخلت للغرفه مالته تخبل نـمر يحب الترتيب اهم شي عنده
يهتم بنفسه، شخصيته غامضه داخله مضلم عكس مضهرو الخارجي مشرق هيبته وطوله يخلن اكبر وحده تحبه
بقيت اكلب بلعطور لفت انتباهي عطر كلشش حلوو خليت منه،و فتحت الخانات
شفت تراكاتي مالاتي، هاي شيسون هنا بقيت مستغربه، سحبت برنص نظيف
اخذته ودخلت للحمام، سبحت وطلعت
اريد اروح للغرفه ابدل تلكاني نـمر تفاجات بوجودة، شعري ينكط مي والبرنص گصير بقيت اجرجر بي

_ يمتى جيت، مسمعتلك صوت

نـمر: هسه دخلت

_ ابتسم ورجع كال

نـمر: يله انتظرج بلأستقبال

_ ركضت للغرفه بدلت ولفيت شعري بلخاولي
ورحت للأستقبال اشرلي اكعد، كعدت

ميرهان: شتريد، بشنو نحجي نـمر

نـمر: شوفين هاي الملفات

_ شالهن بيده ويحجي وياي كتله
ميرهان: اييي، شنوو يعني

نـمر: هذني يطلعن علاء اذا اوديهن هسه
للمحكمه يطلع بساعتها

ميرهان: ايي وليش ما تقدمهن

_ ضحك وكال

نـمر: مو عندي شرط، اذا قبلتي بي اسلمه
يعني هسه اخوج حياته بأيدج لو اطلعي لو تعوفي يعفن بلسجن

ميرهان: شلون يعني شكدر اسوي

نـمر: راح احجي ولا تقاطعيني ابد

_ هزيت راسي وكال

نـمر: اول شي هاي الملفات اقوال وشهود وكلشي يخص برائت اخوج بيها، بس انطي هذا الملف للمحكه بشرط واحد
بس وهوو انوو..

_ كام جرني من ايدي وخله ايده على خدي
وبده يمشي اصبعه على وجهي ورجع كال

نـمر: انو اخذ حقي كزوج منج برضاتج
رايد طفل حلو مثلج ينسيني تعب سنيني وكلشي

ميرهان: وخرت ايده وكتله
_ أنت بيك شي لو شنوو شكد استفزازي

نـمر: باوعي لو اريدج غصب عنج بس ماريد تقاوميني اريدج تسمحيلي انتقم
منج بطريقتي الجديده وعلى مزاجي

ميرهان: أنت واحد حقيير مستحيل اتقبلك
ما اكدر افهمني ما اكدررر

نـمر: واخووج ؟؟

ميرهان: للمره الثانيه يخيرني بين حياتي وبين اخووي، حيرني شسوي هسه ياربي
شبيدي ما اكدر اتقبله واذا رفضت
اخووي يروح بيها واهلي يبقون يعانون
بعد صراع طويل مابين نفسي واخوي
للمرة الثانيه اضحي بنفسي الخاطر حياة
اخوي

_ ماشي موافقه

ضحك وكال
نـمر: اي هيج اريدج

ميرهان: بـس اكييد اطلعه

نـمر: اييي اطلعه

ميرهان: سكتت محجيت شي شنوو احجي اصلاً
‏نزلت دمعه على خدي اوشكت ان تفضحني
مسحتها بسرعه من دون ما ينتبه عليه
كل ما احاول اتخلص منه يطلعلي شي
وانجبر اضل يمه اتحمله
واتحمل اذيته، شكد ضعيفه البنت
دائماً تفضل سعاده وراحه اشخاص
تحبهم وتعزهم على سعادتها وراحتها....

للحكايةة بقية...

شوفوني تفاعلكم روحاتي حتى تطلع
القصه لليبحث عنها♥+ وجهوها يمكم

أحبكم♥

حسابي الانستا ضيفوني♥