#أّلَجِمَأّلَ_ أّلَمَشٍوِهِ
بِقِلَمَ أّوِتّأّر حٌزِّيِّنِهِ
أّلَجِزِّء _أّلََّسأّبِعٌ
،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،
اماه،،،،،كبرت ولم اكبر
اصبحت امرأه،،،،، ولكن في
داخلي طفله تصرخ،،،،،،
اماه،،،،،،،،،،،،،مدي يدك الي
فانا بدأت،،،،رويدا رويدا اغرق
والظلام،،،،والخوف سكن
قلبي واصبح لايجد له
مخرج
اماه،،،،،،ااين انتي
وكيف السبيل اليك
اقبلي لاتشيحي بنظراتك
عني،،،،فانا في حاجه
اليك
دعيني اعود
لاحشائك فالعالم رأيته
اشد ،،،، ظلام منه
وزاد بالقسوه
دعيني،،،هناك وانسيني
وقولي لمن سال عني اني
مت والموت كان
لي ارحم
،،،،،،،،،،،
نازك
بس طبيت للغرفه الدمعه
فلتت من عيوني
من وره اخو هاجر الجبير الي
صاح بيه وفشلني لان انطيت
اخو شربت،،،،وظليت اروح
واجي بالغرفه واني امسح
بدموعي،،،،،
جنت فشلانه من صياحه عليه
وبنفس الوقت كلت خاف هاجر
تزعل
وتفهم تصرفي وي علي اخوها
غلط
هزيت راسي بلااا وجاوبت
نفسي
«لاااا هي كل مره تشوفني انطي
وماتحجي شي،،،،هو الي ضاج
اخوها الجبير،،،،،،افتهم تصرفي
غلط
« نازك بدلي وتعالي اغسلي
الطرمه
سمعت صوت امي،،،،وجاوبتها
كوه
« اي هسه
بدلت،،،،هدومي وخليتهن بمكانهن
واخذت جواريبي وقميصي
حتى اغسلهن،،،،
جنت اتحرك مثل الواحد المضروب
براسه وماعنده ادراك،،،،واحس
بضوجه مو طبيعيه من وره
الصار
كنست الحديقه،،،،وذبيت
الوصخ مالتها بسطله
وبعدين بديت اغسل بالطرمه
كملتها،،،ونشفتها زين
لميت الصونده وخليتها
بمكانها
رجعت للمطبخ،،،،وبديت الم
بالهوسه مالته
امي من تطبخ الغده
تگلب الدنيا
وتسويها حرب البسوس
عگسي،،،، اني الي جنت اشتغل
واغسل،،،،،،، يعني مااترس
السنك مواعين وصخه
اني واكفه ليث طب وهو يدردم
ويحجي
«هاا شبيك بس لا هم بطلوك
من الشغل
امي حجت وهو كعد بالمطبخ
وكام يسب بابو الشغل
« اي بطلوني من انعل ابوهم لابو
اليشتغل بعد عدهم ،،،عبالك بس
اني كدامهم بسهم يكربون
براسي
«اي ادري غير انته عامل يمهم
ولازم تشتغل حتى ينطوك
حقك
«انتي معليج انصلمي لااكوم
اطلع قهري بيج
امي ماحجت شي ويا من
تجاوز عليه وبدت تحجي
بعصبيه
« ولك،،،، ابوك بس يجي ويسمع
بيك مبطل من الشغل الا يتخبل
ويگلب البيت على راسنا
«شسويله يعني اخليهم يگربون
براسي وهم الهم الصافي
«ابن الزفره المال مالهم
شنوو الصافي الهم
وشنو يكربون براسك
شتريد بعد امك تكعد وتجيك
اليوميه ليم حلكك الفاهي
« اهووو كامت تخربط بالحجي
خلي اكوم احسنلي
ليث حجه وكام وامي صاحت
بي
«ولك بس فهمني انته مو تريد
تزوج مو تريد بنت خالتك سعاد،،،،،
ماتشد حيلك وتلم وي ابوك حتى
نزوجك ونخلص منك
فگيت عيوني من سمعت هذا
الحجي وظليت اباوع لامي
الي لحكته للهول
« اي اريد ازوجها وغيرها مراح
اخذ ومااعرف دبروا رواحكم
واحجي وي ابويه يخطبها
الي
«ومنين يزوجك ابوك يبعد
عيوني
من الفگر مالته ،،،ولك هي
العيشه گوه مدبريها،،،،منين
انجيبلك حتى نزفك على
المدلوله
«كتلج مااعرف دبروا رواحكم
بيعي الذهب مالتج وانطيني
فلوسه حتى ازوج بي
« ولك اني شعندي هي تراجي
ومحبس وقلاده ولحكتني
عليهن
ظليت اسمع مجادله امي واخويه
ومن سمعت الباب انفتح
رحت اركض عليها وحجيت
بخوف
« يمه ابويه اجه،،،،
امي سكتت،،،،ومشت من يم
اخويه الجان كاعد ومو
داير بال
« نااازك
رحت بسرعه من ابويه صاح
من الحوش،،،
« نعم يابه
« تعالي نظفي باب الحوش
من غسلتوا الطرمه غير
تنظفون البره
« اي يابه هسه
ابويه وكف من شاف البايسكل
مال ليث وسالني
« شنو اخوج جاي من الشغل
«اي يابه اجه قبل شويه
«خيييره بس لا هم بطل
مثل كل مره
مجاوبته وهو طب معصب،،،
ويدردم
اخذت المكناسه ،،،والمكرافه
وطلعت بره،،،،،،،،اني بيه
طبع اكعد من اكنس،،،،لان استحي
ادنك كنست،،،الوصخ بسرعه
ورحت خليته،،،برميل
صغير من رجعت باب بيت
هاجر انفتح وطلع منه اخوها
ايوب،،،
من ديسده باوع عليه واني
بسرعه طبيت وسديت
الباب
،،،،،،،،،،،
ايوب
من رجعت اني وعلوش
شفت بنيه
واكفه وي اختي،، هاجر
اني موتي وسمي وكفه البنيه
بالباب، ،،،،
يعني شعدها تكف واكو بيت
تكدر تطب وتحجي بي على راحتها
من خزرت اختي جرت
صديقتها،،،،،،، وطبن جوه
طبيت،،،،، وراهن وانه مدنك
وعلوش،،،رفع ايده ليفوك
وحجه بضحك
«هلو ساره
« هلو علوش،،،
طببت اخويه قبلي،،،،ورحنا
للغرفه،،،،نزعت قمصلتي
ومالته هم،،،،وعلكتهن
«ها يمه سكت
هزيت راسي لامي من طبت
علينا
وتمددت علي جربايه هاجر
وانه عاكد الحواجب،،،،واحس
بضوجه،،،،
السويته بصديقه هاجر
غثني،،،،وخله يومي يتخربط
مكدرت اظل بمچاني
كمت واخذت الجگاير وامي
سالتني
«هاي يمه وين رايح
« راح اصعد للسطح
حتى اشوف وين
اسوي القفص،،مالت
الحمامات
« اي والله ياريت لان خبصنا
جوه
«لاتخلين علوش يصعد وراي
تره بردت
«البس قمصله قبل لاتصعد
«مايحتاج هسه انزل
جاوبتها،،،،،ورحت صعدت الدرج
جان داخلي،،،وبي بيتونه صغيره
كلش،،،فتحت الباب وطلعت
للسطح
تمشيت چم خطوه،،،،واخذت نفس
طويل وذبيته،،،،عاينت للمچان
وشفت الحايط من جهه
سطح الخرابه
ناصي كلش،،،،تمشيت ليمه
وعاينت علي،،،،
سطحنا و سطح الخرابه
وسطح بيت ابو ليث متصل
يعني ماكو فراغ بينا،،،،
عاينت لبيتهم،،،،،وبعدين للخرابه
وشفتها،،،،،، وصخه وصايره
هوسه،،،،،،،، والحديقه جانت
شكبرها،،،،وبيها نبكه ونخله ظلها
جان على الحوش مالتنا
رجعت ،،،،،،،عاينت للسطح مالتنا
وكلت ،،،،،اسوي القفص يم البيتونه
مالتنا لان ظل،،،وتجيها الشمس
بس ساعات قليله،،،،بعد
مااستقريت
على المچان كلت
الجمعه اسوي،،،،،،،،،من اكعد
طبيت وقفلت الباب بالسرگي
ونزلت جوه
جانت هاجر كاعده يم الصوبه
وتقره،،،،وعلوش يمها ويشخبط
بدفتر كالعاده
عفتهم،،،،وطلعت بره
من داسد الباب،،،التفت على
جهه بيت ابو ليث،،،،وشفت بنتهم
وهي بس شافتني
شردت بسرعه
وسدت الباب،،،،
عكدت حواجبي وضجت من
نفسي لان فشلت البنيه،،،،
وهمه صاحبين
واجب ويانا،،،،وهم لان صديقه
اختي،،،،
تمشيت بالشارع وطلعت جگاره
ورثتها وجريت نفس طويل
منها،،،،،،
انه دامشي،،شفت قيس وفارس
جايين على بيتهم
« شلونك عمو ايوب
«هلا فارس،،،
جاوبته وقيس سلم
«الله يساعدك ايوب
ابتسمت،،،،من صاحني باسمي
وهزيت راسي اله وجاوبته
«ويساعدكم شباب
من مشوا من يمي سمعت فارس
حجه
«قيس جبت لنازك الدفتر الرادته
«لااا،،،،، والله نسيته هسه
اروح اجيبلها
من المكتبه الي براس الشارع
قيس جاوبه وراح يركض،،،
ظليت اعاين علي،،،،،الما وصل
وبعدين رجعت من شفتها كامت
تمطر
،،،،،،،،،،،،،
نازك
قبل الغده صارت مشكله من وره
ليث الي جان مايستقر بشغله
ويريد يزوج انغام
بنت خالتي سعاد جانت اصغر منه
بسنه هو راح يطب با19
وهي 18عرفت من كلام امي
هم عدهم علاقه واخويه
كل فتره يروح الهم
بيت خالتي جانوا نفس
عيشتنا،،،،،،،،،بس
انغام،،،،،،من النوع المتكبر
وشايفه نفسها،،،تصرفاتها مثل
تصرفات،،،،،،عفاف هي
وياها علاقتهم كلش قويه
انغام حلوه حنطاويه وشعرها
جوزي وجسمها
متروس واخويه جان قافل
ياخذها ومن وراها
المشاكل علگت بيتنا وهو مو ناقص
جنت واكفه واباوع لابويه
شلون كاعد ويصيح على ليث
وامي تدافع عنه
« طه الولد يريد يزوج
ومابيها شي،،،،خلي نزوجه ونخلص
منه
« ولج المن نزوج ابنج الي روحه
مو مدبرها،،،،وبعدين تعالي اكلج
هوو،،،،،، وينه وين الزواج،،،،
كله عمره 19 سنه
ابويه حجه هيج وكمل كلامه
وي ليث بعصبيه
«شكو مستعجل يابه على
الزواج من،،، العلاليك
الجبتها الي،،،لو من المصرف
الي تخلي بأيدي كل اسبوع
« ايي من ازوج اكوم انطيك
مصرف،،،،
« ااانجب ابن القندره هو انته
هسه مابيك خير تريد من تزوج
يصير براسك خير
« اهووو اني معليه كتلكم اريد
ازوج انغام يعني ازوجها
بالقران اذا ماخطبتوها الي
الا اهج من البيت وبعد ماتشوفون
خلقتي
ليث،،،،حجه بصياح وطلع
«شفتي لابنج خاتون شلون صاير
مايحترم،،،كله منج انتي السبب
طلعتي عينه بدلالج
« هااا طه هم ذبيتها براسي
ماتجوز كل سالفه تصير بهل
المهجوم،،،، تخليها براسي
اليكول ،،،،،،،،،ذوله مو ولدك
جايبتهم من الشارع
وخالتهم براسك
«انجبي بنت القندره
من انعل ابوج لابو ولدج
لابو الساعه السوده
الشفتج بيها
« كافي تغلط واحترم نفسك،،،،
تره مصختها وانته ماتدري
بروحك
جريت امي من يم ابويه لان اعرف
شنو نهايه كل مشكله
وهي ظلت تحجي وتستفزه
وقيس صاح بيها
« كااافي تره ملينا منكم يوميه
مشكله،،،،فضحتونا بين الناس
وكمنا حتى مانكدر نرفع راسنا
بينهم
امي انهدت،،،،وكامت تغلط
علي
«فارس اخذه وروحوا للمطبخ
صحت باخويه،،،،وهو اخذه
وراحو
للمطبخ ووياهم عمر
«يمه كافي رحمه لاهلج تره
ابويه حقه
«امشي ولي من وجهي
انعل ابوج لابو الساعه الشفتكم
بيها
حجت وطبت لغرفتها وركعت
الباب بقوه
«اااوف ياربي شوكت نخلص
من هاي العيشه،،،والله تعبنا
صحت بصوت مكتوم،،،،،،
ومشيت للمطبخ،،،
اخوتي جانوا كاعدين يم الصوبه
وضايجين ،،،،،،
« ناز جوعان
عمر من حجه قيس انهد بي
« سم وزقنبوت شكد ماعندك
احساس مثل ذاك بس
همه روحه
« قيييس
صحت بصوت ناصي وخزرته
هو دنك راسه وظل يدردم
اخوتي الصغار،،،،جانوا يحترموني
كلش وزعلي عدهم جبير
ويخافون علي،،،،ومافد
يوم واحد،،،،،، منهم اذاني او
وكف بوجهي
«هسه اصبلك عمر بس خلي
اسويلكم ،،،،زلاطه مال
رمان
هز راسه وهو مبتسم،،،،واني
بديت احظر بالغده،،،،
كملت وصبيت لابويه ورحت
وديتله الصينيه،،،،ورجعت ليم
اخوتي بالمطبخ،،،،
صبيت،،،،الهم وكعدت احمي
الهم الخبز وانطيهم
قيس وفارس
من التعب والجوع،،،،اكلوا
بسرعه،، وكاموا حتى يرجعون
للفرن
«قيس اخذ الشمسيه من فوك
الكنتور تره دتمطر
«مايحتاج ناز لابسين قمصله ام
الكبوس
«ولك تتبللون المطر زاد اووكف
صحت بي ورحت بسرعه جبت
الشمسيه وانطيتها لفارس،
فتحها وخلاها علي
،وعلى قيس وطلعوا
سوه
«الله وياكم ،،،
دعيت الهم ورجعت ليم عمر
جان بعده ياكل،،،،
عفته براحته يكمل ورحت
لابويه من شفته كمل
شلت الصينيه،،،،
ورجعتها للمطبخ صبيتله جاي
ووديته اله
« شفتيها لامج شلون توكف
بالباطل وي اخوج عليه
هاي بدل مادكوله اشتغل
وساعد ابوك بهايه العيشه
الصعبه
ابوي سكت ومسح وجهه وكمل
«الدايح كاعد،،،، عاطل وباطل
ومكابلنا ،،،، مثل البنيه ويريد
يزوج كله من امج هي الي خلت
براسه بنت سعاد من انعل
ابوها لابو بنت اختها
«يابه امي حجت ويا بس
هو ماياخذ
كلام
«ديخلي يولي الدايح ،،،،
يريد يزوج وهو ماعنده فلس
وتعال ياطه زوجه واصرف علي
هو والخاتونه مرته
سكتت وابويه،،،ظل يحجي
ويغلط،،،،،، على ليث وامي
عفته ورجعت للمطبخ
« عمر اصبلك بعد تمن ،،،،
حجيت وي اخويه من شفته
ماكل الماعون كله،،،
« لا ناز شبعت
«كول الحمد لله ،،،،
عمر هز راسه وابتسم الي
وكال
«الحمد لله والشكر
«عفيه بالبطل،،،،ظل يمي،
لاتروح حتى تاخذ الوصخ وتذبه
بالبرميل
«اي ناز
المشاكل تعودنا عليها،،،،وحياتنا
جانت تستمر رغم الجو المتوتر
اني جنت احاول اسوي،،،
لاخوتي جو طبيعي،،،،،،
وانسيهم
الي ديشوفوا من امي
وابويه من مشاكل
وانضاف النا، ،، على الكبر
ليث،،،،ومشاكله
كملت شغل المطبخ ورحت
للغرفه حتى ادرس،،،
شغلي جان كله بسرعه
لان ماالحك
اجي انظف البيت
واصب الغده
واجلف المواعين وراها اكعد
ادرس وبعدين المغرب
ابدي بالعشه،،،،
وهم بس يتعشون
ويكملون ابدي،،،،،اجلف المواعين
وارجع اقره لل12 ،،،،،
جنت اتعب بس مااكدر احجي
لان بس اكول هاي الكلمه
امي تجاوبني،،،،،،
«بطلي واكعدي انتي حالج من
حالنا هم تزوجين وتلتهين
بالجهال
كلام جنت رافضته بقوه
لان فكره الزواج ،،،جنت لاغيتها
من راسي،،،، ومجرد التفكير بيها
جان يسببلي الرعب،،،ويرجعني
للماضي،،،
،،،،،،،،،،،
ايوب
السالفه،،،،محجيت
بيها لاختي
والظاهر هي هم محجت شي،،
لان هاجر ماسالتني، ،،،
والصبح من جنت اطلع
للشغل كمت اشوف صديقه
اختي ،،، اسمها ساره
تجي عليها
بنيه سمره وحلوه
عيونها وساع وشعرها كاري
جانت بس تضحك،،،،وصوتها
من تحجي عالي،،،، تجي ليمنا
تاخذ اختي ويمرن
على بيت ابو ليث ياخذن
نازك ويروحن للمدرسه
ساره اكثر من مره
شفتها بيتنا
بس نازك ابدا ماشفتها،،،،
ولا جنت المحها بالباب،،،،بس
ذيح المره شفتها وبعد
مالمحتها
الجمعه،،،،اجتي وراحت
ووراها هم راحت جمعه الخ واني
مكدرت اسوي القفص،،،
من وره الشغل والتعب،،،
بس من امي كامت
تحجي وتهدد
تبيعهن كلت هاهيه حكمت
الشغله
الجمعه الثالثه،،،
صعدت وره الريوك،،،،،وبديت
اشتغل بي،،،،
اخذا القياسات،،،وكمت اكص
بالخشب،،،،
،،،،،،،،،،،،،،،،،،
نازك
الجمعه،،،،
حميت الحمام واخوتي كلهم
غسلوا،، من كملوا
كعدت اغسل بهدومهم
جان ماعدنا غساله وبايدي
جنت اغسل،،،
كملت هدومهم،،،وي الظهر
وصعدت الوجبه الاولى للسطح
شريتهن على الحبل،،،،
ونزلت جبت الوجبه الثانيه
شريت قسم،،،،،ومن شفت ماكو
مكان رحت شريتهن على الحايط
كملت،،،،واخذت فره بالسطح
مثل كل مره
باوعت لبيت ساره من بعيد
وبعدين رحت صعدت على التنكه
دنگت ،،،،،وباوعت على الخرابه
جانت فروع النبكه علينا،،،،
وبلبل يغرد بصوت كلش حلو
ظليت ادور علي بعيوني،،،،
واصوفر اله،،،،،،
جان يرد واني اصوفر اله
ومبتسمه،،،،،
عيوني،،،،راحت لبيت هاجر
وانتبهت لاخوها،،،،
يباوع عليه وهو عاكد
الحواجب
شهكت ونزلت بسرعه،،، واني
اضرب على خدي واحجي
وجسمي يرجف
«عزه هذا بس لا عباله جنت
اصوفر ،،،،،اله عزه العزاني
اذا صدك
كمت اضرب علي وجهي
ونزلت بسرعه ،،،
خفت خوف مو طبيعي،وكلت
هسه ياخذ عليه نظره
مو زينه،،،ويجوز بعد مايخلي
هاجر تروح وياي،،،،
روحي لابت،،،،وتوترت كلش
وايدي كامت،،،،،،، ماتاخذ شغل
ومااعرف شلون صبيت
الغده
ومن كعدنا مااكلت شي،،،،
وظليت اردد وي روحي،،،،
«لازم افهمه اني،،،،مجنت
اصوفر اله
زين شلون اكله واني اخجل
واخاف احجي وي ولد،،،،
واذا سكتت شلون،،،،،،،،هسه
يكول علي هاي الحركه،،،،،
واخاف يكول لو لابويه لو ليث
فگيت عيوني بخوف وباوعت
لابويه ولاخويه ودنكت راسي
بسرعه وكمت اطحن بروحي
من وره الخوف والقهر
«اووف ياربي منين جانتلي هاي
وشلون راح اتصرف،،،
الغده ماافتهمت منه شي،،،،
من الخوف،،،،،،،،والرعب
وجنت اكول هسه يدك الباب
ويفضحني،،،، كدام،،اهلي
من خوفي منهم،،،،كلت خلي
اروح افهمه هذا الشي
مو علي
من جلفت المواعين،،،،
طلعت حجه بدفتر اريد
اخذه من
هاجر ورحت عليهم،،،،
،،،،،،،،،،،،،،،،
ايوب
اني داشتغل سمعت صوت
بلبل،،،،يغرد،،،
وبعدين وره دقائق صوت
واحد يصوفر اله
كمت من يم القفص،،،،،
ودورت بعيوني،،،،على الديصوفر
من شفت نازك،،،،،
ركزت عليها وانه عاكد الحواجب
جانت تضحك وتدور علي
وتصوفر اله
منظرها خلاني،،،،اظل واكف
بمچاني،،،واعاين الها باعجاب
من دارت ،،،،،وجهها عليه
وشافتني شهكت،،،،ونزلت
بسرعه،،،،
عيوني ،،،،ظلت على مچانها
وماتحرگت الا وين،،،،
رجعت للقفص،،،وانه احس
بحالي مخربط،،،،وگلبي،،، مو هو
هاي ثاني مره يصير بيه هيج
من اشوفنها،،،،،لهاي البنيه،،،
ايدي مكدرت تاخذ شغل
كمت وعاينت لبيتهم،،،،
مره ثانيه،،،،والبلبل راح
مثل ماراحت صاحبته
عفت الشغل،،،،ونزلت جوه
غسلت،،،،ايدي ورحت كعدت
بالهول
«ها يمه نصب الغده
هزيت راسي باي،،،،وامي راحت
هي وهاجر للمطبخ
سندت روحي ليوره ورفعت راسي
ليفوك ومن تكرر المشهد
نزلت راسي،،،،،وفركت وجهي
بقوه ،،،
«شمالك ايوب
عدالك مو شايف بنات
حجيت وي روحي بعصبيه
وواخذت الجكاير من
علوش من
طلع وحده وراد يخليها بحلكه
« ذبها ولك هو انته ناقص
امراض
حجيت وي بضحك وهو كام
يسوي بأيده مثل الجكاره
« ههه موزينه عليك تمرضك
وانته مو عايز
حجيت وجريته يمي،،،،
من هاجر جابت الصينيه
تغدينا،،،،،وراها كعدت اشرب
جاي ونحجي اني وامي،،،
الباب من اندك وره ربع ساعه
انه كمت ورحت علي
،،،،،،،،،،،،،
نازك
ترددت يم الباب هوايه وبعدين
دگيته،،،
دقائق،،،وطلع هو
جنت مدنكه وسمعت صوته
وره وين
«هسه اصيحلج هاجر
تقدمت خطوه وحجيت بتوسل
واني اباوع يمنه ويسره
« اني مو جايه على هاجر
جايه عليك
من اندار عليه وباوع عليه
صفنت بعيونه،،،
جانت حلوات كلش،،،،زيتوني
فاتح والعين شكبرها،،،
وشعره جان متروس شيب
من شفته،،،،مااعرف،،،ليش
لساني انعكد وتوترت بعد اكثر
دنكت بسرعه وكمت افرك ايدي
بقوه وبعدين حجيت بتردد
«الظهر من جنت اصوفر
تره مووو،،،،، ااالك
سكتت ووخرت الكذله من عيوني
وكملت بسرعه
للبلبل انته سمعته من
جان يغرد موو يعني الله يخليك
لاتفهم الموضوع غلط
ظليت ساكت واعاين الها
شلون تحجي بخجل وماتعاين
عليه،،،،خجلها عجبني وتصرفها
خلاها تكبر بعيوني،،،
من سكتت انه حجيت
«مايحتاج،،،،،،افهمه غلط
لان انه اعرف انتي مجنتي
تصوفرين الي،،،
تنهدت براحه،،،،وظليت ساكته
ومااعرف،،،،،،، شحجي بعدين
مشيت ووكفت درت وجهي
وشفته واكف ويباوع عليه
مااعرف ليش كلت
« الله يحفظك لشبابك ويستر
عليك دنيا واخره
حجيتها ومشيت بسرعه
وطبيت لبيتنا
ظليت واكف بمچاني واعاين
لبيتهم،،،،،،، والگلب بس شافها
مااعرف ليش حس براحه
طبيت وره دقائق،،،،وماحجيت
لاي احد هي اجتي او
صار هيج
بينا
،،،،،،،،،،،،،،،،،
نازك
هاجر وندى مجنا نعرفهن اني
وساره الا،،، من عادن السنه ويانا
وجنت اشوف هاجر قريبه من
ندى كلش،،،بحكم الصداقه
وهم لان غزوان،،،،اخو ندى
ماخذ زينب،،،،اخت هاجر
وي الوكت عرفت،،، من ساره ورغد
ندى معجبه بايوب اخو هاجر
وتحبه،،،،
«يعني هي تحبه وهو هم
سالت ساره من اجتي يمنا
وهي تربعت فوك الجربايه
وجاوبتني
« ولج ميته علي وادكول لو هو
اخذه لو ماازوج،،،
« صدگ تحجين
«ولج اي ،،،،،،،وحقها تحبه
انتي شفتي،،،،،،،،شلونه حلو
اسمر وطويل،،،،،صح ضعيف
بس يلوك اله وفوكاها
عيونه خضر
ساره تحجي واني كملت
بشرود
«اي ومشيب وهو بعده صغير
«اي والله اني سالت هاجر وكتلها
اخوج شكد عمره وكالت راح
يطب ب22 هاي السنه
«زين اكلج ساره هم يصيحوهم
بيت ابو جعفر، ،،،يعني عنده
اخ غير علي وينه هو وابو
« ولج ميتين بحادث،،،من
زمان هاجر ،،،،كالت الي من
سالتها
«الله يرحمهم شلون مصيبه
« اي والله وام هاجر صاير
بيها سكر من وراهم
« يااا خطيه ماتستاهل والله
خوش مره وحبابه،،،هسه
عرفتها،،،،،،، ليش لابسه اسود
طلعت لابسته على رجلها
وابنها
« اي يولي،،،،الله يساعد
گلبها شلون تحملت هاي المصيبه
هزيت راسي،،،باي
وره نص ساعه،،،،ساره
راحت لبيتهم،،،،
،،،،،،،،،،،،
ايوب
وره ايام،،،،،سمعت من امي
اختي زينب حامل،،،،
فرحت الها ودعيت من الله
يتمم الها الحمل على خير
ومن اختي هاجر امتحنت
وكملت،،،،،،كعدوا بمنطقتنا،،،،
ناس من البصره،،،، ،،،عائله
بس ،،،،،،ام واب وولد اثنين
فهد وراشد،،،،،
بيتهم يصير اكبالنا،،،،،من
شفتهم دينزلون الغراض،،،،رحت
سلمت عليهم
«الله يساعدهم
«هلا والله
«وبيك انه ايوب
عرفته على اسمي وهو
مد ايده وحجه وهو مبتسم
« انه فهد وهذا راشد اخويه
الصغير
«هلا بيكم بالمنطقه محتاجين
فزعه
« ههه والله ياريت لان انكسر
ظهرنا واحنا انزل بالغراض
الي مو قابلات يخلصن
ابتسمت اله ومديت ايدي
وكمت اساعدهم بتنزيل
الغراض،،،،
من طبيت ابوهم طلع، ،،،
وسلم عليه،،
وامهم مره جبيره ،،،،وهم اكلتني
بالسلام وكامت تدعي الي
من كملنا تنزيل،،،،ترخصت منهم
ورجعت للبيت،،،،
وره ايام اختي طلعت ناجحه هي
وساره ونازك،،،بس ندى
رسبت،،،للمره الثانيه وسمعت من
زينب غزوان بطلها وكعدها
بالبيت،،،،
جانت كلما تجي اختي تجي
وياها،،،،،،
تصرفاتها،،،،،وحجيها وياي
وهي تضحك خلتني اعرف هي
تحبني،،،امي اكدت هذا الشي
من حجت وياي وره فتره
احنا كاعدين،،،،الظهر
وحدنا
« يمه ايوب اريد احجي وياك
بسالفه
«اي يمه كولي،،،
«اكول يمه شنو رايك بندى
حماه اختك زينب
سكتت ورجعت ليوره وعاينت
لامي بترگيز وبعدين
جاوبتها بدون لف ولا دوران
« يمه الي بالج شيلي انه
ماازوج
«ليش يمه شناقصك ،،،،
حتى ماتزوج
« ناقصني هوايه شغلات يمه
بيت ملك شغله بيها خير
ووارد ثابت موش،،،هاي الشغله
الي مااعرف شوكت تروح من
ايدي
«بعد امك اسمع كلامي وخلي
اخطبها الك البنيه مبينه تحبك
ومن تشوفك تظل بس تضحك
« وانه مااحبنها،،،،ولا مفكر ازوج
لا هسه ولا بعدين والله يخليج
سدي للموضوع تره مالي خلگ
اله
امي سكتت وانه اخذت باكيت
الجگاير وطلعت كعدت
على،،،،،،، صبه
بره،،،،البيت ورثت جكاره
واخذت نفس،،،،،،،،،
انه كاعد،،،،،شفت نازك
جايه هي وقيس،،،،،
من يم راس الشارع
بس شفتها الگلب رجف ،،،
والعيون
غصبا ماعليها ظلت تعاين
الها بلهفه
دنكت راسي،،،،من حسيت على
روحي وظليت هيج
ومن فاتوا
من يمي كطعت النفس
لاراديا وقيس سلم
« الله يساعدك ايوب
«هلا قيس،،،،
جاوبته ،،،،بصوت طلع كوه
ومن طبوا كمت واخذت نفس،
طويل وذبيته
عاينت لبيتهم وكمت اردد
بذهول
«شمالي وليش هيج اتوتر من
اشوفنها،،،،،
شمالك ايوب،،،،وشديصير
بيك
« الله يساعدك ايوب
درت روحي بسرعه وانه مذهول
من سمعت صوت فهد
وجاوبته وره لحظه
« هلا فهد
من اجه ووكف يمي،،،تمشيت
انه ويا،،،،لراس الشارع
كلامه خلاني انسه الجنت احس
بي وظليت اسولف ويا
على شغلهم. ،،،،،
فهد جان اكبر مني بسنه
يشتغل بمحطه مال بانزين
ببغداد ،،،،،ومن وراه اهله
عافوا البصره ،،،،واستقروا هنا
وراشد جان طالب،،،،،كليه
تربيه،،،حالتهم زينه
والبيت،،،،اشتروا وكعدوا بي
امهم،،،،،، ارتاحت لامي وبدت
تجي ليمها تكعد وتسولف
وياها،،،
جيرتهم جانت حلوه،،،،وكل
الجيران
جانوا اهل وواحد يحب
الخ ،،،
مجانت اكو طائفيه،،،،الشيعي
بصف السني والمسيحي
ويانا،،، هو والكردي
عائله وحده وگلبها واحد
والرحمه والموده جانت،،،،
مزروعه بينا ابا عن جد،،،،
العراق جان،،،،،حاظن الطوائف
كلها ولامهم مثل الاب الحنين
بحظنه،،،،،
،،،،،،،،،،،،،،،
نازك
وره نجاحي بشهر، ،،خالي كريم
اجه علينا،،،،،من شفته فرحت
كلش،،،،ورحت اركض
عليه
« اوووف يابه ولكم هاي
نازوكه صاير تخبل،،،،،
حظني لصدره وكام يبوس
براسي ووجهي،،،،
من وخرت انطاني علاكه
وكال
« هاي الج صوغه من ديالى
ابتسمت بوجهه وجاوبته
« تسلم خالو
« هلا ابو سلام الحمد لله
على السلامه
امي سلمت علي وبوسته وهو
باسها من راسها
طبينا جوه واني رحت بسرعه
جبتله مي بارد لان جان الجو حار
انطيتهيا وهو شرب وكال
« الخ نازوكه
شرب الخ،،،،ورجع الكلاص
الي
جان الوكت ظهر،،،،عفته يم
امي ورحت بسرعه طلعت كبه
من المجمده وبديت اگلي
جان عدنا تمن وتبسي،،،،،،بس
اني كلت مايصير،،،بس نخلي هذني
كليت بتيته وكبه،،،،،،،وطلعت
باميه،،،،بايته حميتها
ابويه جان بعده مو جاي،،،
ولا اخوتي،،،،،ومن اجه
وشاف خالي فرح بي،،،،،
وكعدوا سوه يحجون،،،،على
ديالى،،،
من ديشربون الجاي،،،،،خالي
كال
« ابو ليث جيب الاهل وتعال
يمنا جم يوم
« والله يابو سلام ،،،،،مثل
ماتشوف الولد كبروا
وصارت صعبه جيتنا عليكم
«يمعود لا صعبه ولاشي
كول انته ماتريد تجي،،،
«هههه لا والله وروح ابويه
هي هاي السالفه،،،،شيل وحط
وهم مثل ماتشوف صايرين فيلق
« الله يخليهم الك،،،
خالي حجه وبعدين باوع عليه
وحجه بضحك
« اني جاي اخذ نازوكه وياي
تظل جم يوم يمنا وارجعها بايدي
الكم
« لا شنوو تاخذها واني منو
يشتغل
الي ماأكدر وحدي
« اخذها ابو سلام اني وعدتها
من تنجح اخذها عليكم وهاي
اجتي من يم الله انته اجيت
وراح تاخذها وياك
جنت اسمع الحوار وگلبي يدك
بسرعه،،،،واكول هسه امي
تخربها،،،بس خالي من حجه
وباوع عليها سكتت وبعد
ماحجت
« نازوكه،،،حظري روحج حتى
نطلع باجر لديالى،،،اني بس اكمل
غده اروح لسعاد وساجده
وحنان شلونهن هنه
سال امي وهي جاوبته
«زينات والحمد لله،،،،وزياد
اجاه ولد الخ
« اي ادري خابرته من الدائر
وعرفت،،،انتن دتروحن
علي موو
«اي والله كل فتره امر علي
اني وابو ليث
« اي عفيه بيج،،،هذا اخونا
الصغير ولازم الواحد يسال
علي
«ابو سلام مالك واهس تتحول
يمنا بغداد
« هههه لا والله يبو ليث
لان اني مااكدر اعوف ديالى
روحي متعلگه بيها هي وبساتينها
« والله ديالى حلوه وبس نهرها
يرد الروح هو و البساتين
خالي هز راسه،،،وحجه
وياي
«كومي بدلي،،،،حتى نروح اني
وياج نشوف خالاتج
باوعت لابويه،،،،وهو اشرلي
باي،،،
كمت بسرعه،،،،ورحت
غسلت وجهي،،،،وايدي
وراها طبيت للغرفه،،،،لبست
كوستم. ،،،،،من خاله حنان
جان كشمير،،،،قميص نص ردن
وتنوره عريضه ،،،،،،وحزامها
هم ،،،،عريض ويضب الخصر
جانت ،،،،،،،،جوه الركبه بشويه
شعري عفته على طوله،،،،وخليت
بس طاگ،،،،
من طلعت وي خالي،،،،،
ضحك وكال
« ولج راح يحسدوج شنو
هالجمال بنت الاوادم
صايره تخبلين
ابتسمت لكلام خالي وهو كادني
من ايدي وطلعنا سوه
جان يعاملني مثل الطفله
ويخاف عليه،،،،،كلش ويسمعني
كلام مو سامعته من امي
وابويه
رحنا لبيت خالتي حنان وسعاد
لان جانن بمنطقه وحده
وبعدين،،،،رحنا لبيت خالتي سجوده
اني صارلي شكد مو طابه
بيتهم من شافني عمي خاطر
ابتسم وباسني من راسي
وهم كام يحجي وياي نفس
كلام خالي
بس،خالتي مدارت بال وظلت
تباوع عليه بضوجه،،،،
تعشينا يمهم وعلاء جان ماكو
وره نص ساعه،،،،سمعنا
صوت السياره،،،،وعمي حجه
« هذا علاء اجه
جنت كاعده يم خالي، ،،،
من طب،،،عيونه صارت عليه،،
ورأسن ابتسم،،،،وكال
« اليوم منور بيتنا
اجه ليم خالي،،،الي كام
وحظنه من رفعت راسي،،،شفته
يباوع عليه بنظرات خلتني اتوتر
دنگت راسي،،،،،ولهيت روحي
بتنورتي،،،
هو كعد يم خالي،،،،وجر المسدس
وخلاه على الطبله،،،،
وظل يحجي،،،وي خالي
كلما جنت ارفع راسي،،،جنت اشوفه
يباوع عليه،،،،
ضجت وردت بس،،،خالي يكول
يله خلي نرجع
ووره وين كام وكال
« اني اترخص يله نازوكه
«وين ابو سلام بات يمنا
خالتي حجت وهو جاوبها
«لا يابه ممنون وبيت العامر
اني لازم ابات بيت ابو ليث
حتي باجر نطلع اني وهاي الحلوه
لديالى
« هااا راح تاخذ نازك وياك
خالتي حجت بنغزه وباوعت
لعفاف الي عوجت حلكها وراحت
« اي والله كلت اخذها تغير
جوه شويه،،،،
«شكو بيها،،،اخذها بس رجعها النا
تره نريدها
عمي خاطر حجه وحظني
وخالي جاوبه
« هههه افكر ارجعها الكم
يله يابه خلي نرجع
«علاء يابه وصلهم ،،،،
اي يابه هسه،،،
علاء كام وشال المسدس
مالته والسويج ،،،،،وطلعنا كلنا
بالكراج ركبنا،،،،سياره عمي
اولدز موبيل،،،،،بوكتها
وطلعنا لبيت، ، اهلي
بكل مره من ادير وجهي،،،،
جنت اشوف علاء يباوع عليه
بالمرايه،،،،
اخر شي،،،،،،كمت مااباوع
وظليت اتفرج على الشارع
الما وصلنا،،،،،،،،،جانت الدنيا
ليل،،،،من وصلنا
شفت ايوب وفهد،،،، كاعدين
يم بيتهم
خالي نزل بالاول،،،،وعلاء وراه
فتحت الباب ونزلت،،،،
اني داطب هو دفعني بخفه
وطببني،،،،
لزمه ايده،،،،خلتني افز وامشي
بسرعه،،،،،
يِّتّبِعٌ