قصة جديده كاملة ارجو ان تنال اعحابكم
_ لا تنسو متابعة حسابي واضافة الكتاب للمكتبه
اسمي ياسمين عمري 17 سنة صف خامس اعدادي من عائلة غنية ابوية يشتغل تاجر وامي ربة بيت وعندي 4 اخوان يشتغلون بمحلات الذهب.
حياتي اليومية عبارة عن مدرسة وبيت وفيسبوك وسناب چات وانستگرام و اكثر شي مسلسلات تركية اعشقها حيل ودوم اكول ويا نفسي ممكن احب ولد؟ ممكن تصير قصتي مثل قصة هاي المسلسلات.
ابوية واخواني مچانو يرجعون للبيت لحد المغرب لان محلاتهم مشهورة والناس تروحلهم و من يرجعون نتعشه سويه واخواني يبدلون ويطلعون ويا اصدقائهم مقاهي و سوگ و مولات و هاي الشغلات الشبابيه وابويه يبقى ويانه بالبيت ويشاقيني ويحچيلي عن يومه و يبوس بيه و يگلي شنو الي ناقصچ حتى اشتريه الچ .
چنت مدللة ابويه لان البنت الوحيدة بين 4 ولد واصغر وحدة بين اخواني.
چان اكو واحد ولد عنده محل براس فرعنه كلما اروح الصبح للمدرسة چنت اشوفه منتظرني ويباوع عليه ويبتسم ويطب للمحل مالته و اني چان يعجبني هذا الشي لان هذا الولد صارله سنة يبتسملي وكـنما ديگٌلي صباح الخير و من چنت ارجع چنت اشوفه بالمحل وعنده زبائن بس راسه فوگ دائما ويحچي ويا الزبائن وعينه عليه ويبتسم.
چنت ارجع للبيت واتغده و اروح لغرفتي و اخلي السماعات و اشغل اغاني و اسرح بالخيال واتخيل الولد الي براس فرعنه واتخيل هو حبيبي ونعيش قصة حب وسعادة و زواج وهدايه وضحك وبعدين انام شوية و اگعد العصر ادرس وبعدين اتصفح ع الفيسبوك وبعدين اطگ صورة ونزلها على السناب چات واحچي ويا صديقاتي وعندي صديقة تؤام روحي اسمها ( مريم ) ويايه بالمدرسة ونگعد على نفس الرحلة وبالليل اباوع مسلسلات تركية وراها انام.
صارت فترة الامتحانات و چان اخر يوم للامتحان وامتحنت ورجعت للبيت وبالطريق لگيت الولد صاحب المحل الي براسنه فرعنه ينتظرني واني مشيت من يمه و گلبي يدگ بسرعة عرفت راح يحچي شي وبالفعل حچه و گلي:
الولد: ممكن دقيقة اذا ماكو زحمة؟
ياسمين: لا اسفة
الولد : تمام براحتج واسف لان سببتلچ احراج بالطريق
ياسمين : عادي مصار شي.
الولد : ولآن نحن بالطريق وما اگدر احچي وياچ هاچ حسابي على الفيسبوك .
الولد خله الورقة بالگاع وراح بسرعة لا احد يشوفه واني خفت كلشي لا احد يشوفني باوعت يمين ويسار ماكو چان احد غير الطالبات الي چانو يرجعون للبيت فرحانين ومشغولات بالحچي واني وگفت بمكاني وافكر اشيل الورقة لو لا اشيله لو لا
اجت مريم تركض وگالت :
مريم: وينچ ولچ صارلي ساعة ادور عليچ؟
ياسمين: طلعت والله لان تدرين اخر امتحان وراح ارجع للبيت وصير حرة
مريم: اي زين لعد خلي نرجع للبيت امسكي ايدي حبيبتي.
ياسمين: مريم اجه هذا الولد الي حچيتلچ عنه وذبلي هاي الورقة الي ع الگاع هسه
مريم: واخيرا واخيرا مبروك مبروك دشيلي الورقة يالله خلي نشوف اشكاتب.
ياسمين: ولچ استحي والله اشيل الورقة.
مريم: تمام راح اوگع القلم الي بيدي وبحجة القلم راح اشيل الورقة هم.
ياسمين: تمام يا مخبلة.
شالت مريم الورقة وانطتني اياه شفت كاتب بيه حسابه على الفيس واسمه واخيرا عرفت اسمه ( خالد ) ابتسمت وباوعتلي مريم وهي هم تبتسم.
رجعت للبيت وساعدت امي بالبيت وحضرنه غده واكلنه و گلت لامي:
ياسمين: ماما اليوم اني اغسل الصحون.
أمي: عجيبة انتي اليوم ساعدتني بالغده وهسه تغسلين الصحون!!؟
ياسمين: اي حبيبتي اني اغسل ميصير لو تريدين اروح لغرفتي؟
أمي: لا لا حبيبتي اني اليوم اصلا تعبانة اغسلي الصحون و وراه هذا الابتسامة شيء ما احچيلي شكو؟
ياسمين: ماكو شي ماما اشگد ضنچ وحش وبعدين ميصير الوحدة تبتسم يالله روحي
غسلت الصحون وصعدت لغرفتي فتحت الحاسبة وكتبت اسم خالد على الفيسبوك وطلعلي حسابه وباوعت على صوره واني مبتسمة گلت يالله راح ادزله رسالة وبعدين اتراجعت گلت لا ما ادزله .
وراها بساعة دزتلي مريم رسالة وكاتبة بيها:
مريم: ها بشري اشسويتي لگيتي حسابه لو لا؟
ياسمين: اي لگيت حسابة وشفت كل صوره.
مريم: اي وبعدين دزيتيله رسالة لو لا؟
ياسمين: لا ما دزيت ولچ استحي شلون ادزله؟
مريم: دنچبي اجه الصيف ونحن معطلين يالله دزيله بلكت تكضوها حبيات هههه
ياسمين: تمام تمام راح ادزله اشگد تلحين .
فكرت شنو راح ادزله واني خايفة المهم تجرأت ودزيتله:
ياسمين: هلاو خالد اني ياسمين...
خالد: يا ياسمين اختي؟
ياسمين: الي اجيتني للمدرسة وانطيتني حسابك.
خالد : انتي حلوة واسمچ ياسمين هم فوگاته والله اني محظوظ اسف شلونچ؟
ياسمين: الحمد لله اني زينة واحب اگلك ما اگدر ادزلك طلب صداقة لان كلهم عرف.
خالد: عادي اقدر ظروفچ تعرفين صارلي شگد منتظر هذا اليوم تعرفين اول شخص يفتح المحل بالسوگ هو اني حتى بس اشوفچ والله حتى ابوية متعجب اشلون افتح المحل من ساعة 7 الصبح ههههه
ياسمين: ليش تنتظرني من الصبح وليش انطيتني حسابك جاوبني بصراحة خالد؟
خالد: لان حبيتچ الله شاهد حبيتچ من اول نظرة وتعلقت بيچ لهذا گمت اخلي المنبه ساعة 6 ونص الصبح حتى ابدل واكشخ و اشوفچ والله العظيم صدگيني واحب اكون علاقة وياچ وتكونين شريكة حياتي.
ياسمين: ما اعرف خالد اني بحياتي ما حبيت واخاف احبك وتضحك عليه؟
مر 10 دقائق وخالد مجاوب!؟ وبعدين وراها جاوب:
خالد: اسف لان أتاخرت عليچ لان اجولي زبائن وخلي اگلچ شي اني مجاي اضحك عليچ والله واذا تحبين مراح اكون وياچ علاقة لحد ما اتقدملچ ولا راح احچي وياچ بعد شتريدين!!؟
ياسمين: بكيفك خالد.
خالد : براحتچ ياسمين.
ماحچينه لمدة شهر وفد يوم اني وامي رحنه للسوگ حتى اشتريلي ملابس رحنه للسوگ باوعت لمحل خالد ما لگيت خالد المهم رحت اشتريت ملابس ورجعنه وباوعت للمحل مرة ثانية ما لگيت خالد و گمت اتحجج بالبيت كلما امي تريد شي اني اروح اشتريه وباوع للمحل وما الگه خالد!! ليش ياربي شكو شصاير لخالد!!؟
رجعت للبيت ودزيت رسالة لخالد وكتبت:
-هلاو خالد شخبارك اليوم صدفة مريت يم المحل ولگيتك ما موجود ان شاء الله خير لان ضل بالي عليك واسفة اذا ازعجتك برسالتي ..
خالد: هلاو ياسمين شلونچ شخبارچ فرحت برسالتچ كلش والله ابوية باع المحل لان چِنه محتاجين فلوس حتى نسوي عملية قيصرة لامي والحمد لله نجحت العملية.
ياسمين: وهسه شتشغل؟
خالد : والله گاعد ادور على شغل.
ياسمين: لعد ليش ما تدرس؟
خالد: اني مرحلة ثانية ادارة واقتصاد بس مسائي.
ياسمين: حسبالي ما تدرس اسفة.
خالد: لا عادي بس اشتغل هم حتى اساعد ابوية بمصاريف البيت.
ياسمين: ليش ما عندك اخوان واخوات بس انت تشتغل و ابوك شنو شغله.
خالد: عندي اخ واحد عمره 9 سنوات واختين عمرهم 12 و 14 واني اكبر واني اكبر واحد بالبيت وابوية يشتغل سائق تكسي وبعنه بيتنه وشترينه المحل وهسه بعنه المحل لان محد انطانه دين لهذا اني هم اشتغل و گاعدين ايجار وامي تعبانة كلش
ياسمين: اسفة لان زعلتك والله اسفة ذكرتك بالمواقف الصعبة.
خالد: لا عادي مصار شي اليوم او باچر چان لازم تعرفين قصة حياتي.
حچينه اني وخالد لمدة سنة وتعلقت بيه كلش وحبيته من كل گلبي وهو ايضاً حبني كلش و چان ينصحني دائماً ويگلي كافي ادرسي وعوفي الموبايل لان هالسنة وزاري واني اگُله عفية حباب بس 10 دقائق اسمع صوتك واروح ادرس.
نجحت من السادس و چان معدلي 85 وقدمت كلية اداب انكليزي وانقبلت.
وصار خالد يجيني للكلية و نگعد ونسولف ونضحك اتعلقت بيه مثل المجنونة ومرة رحتله للكلية وشفته واگف ويا بنات وغرت كلش وعصبت عليه و گلي:
خالد: حبيبتي والله ذولي مثل اخواتي.
ياسمين: ماااااااا.
خالد: والله حبيبتي مثل اخواتي تعالي اعرفچ عليهم.
ياسمين: اخاف تطلع وحدة منهم حبيبتك؟
خالد: حياتي مو داگلچ تعالي اعرفچ عليهم .
ياسمين: تمام حبيبي عرفني عليهم
خالد: هلاو شباب وبنات اقدملكم حبيبتي الي احچي عنها دوم الكم .
ياسمين: !!!!!!
رحبو بيه صديقاته واصدقائه واني خجلت كلش باوعت لخالد گبل خالد مسك ايدي و گال للجماعة اترخص وگلي:
خالد: هسه عرفتي شگد احبچ حچيت لكل الناس اني عندي حبيبة .
ياسمين: يااااااا شگد عيب خالد خجلت والله گدامهم.
خالد: وليش تخجلين بالعكس لازم تفرحين لان الكل عرف انتي حبيبتي وما اريد انسانة ثانية بس انتي احبچ بس انتي دنيتي وانتي حياتي وعمري وروحي وشلت من گلبي احب ثاني
احبچ كون بس انتي
طيفج بالحلم جاني
يبوس بيه من شفتي
حبيبة گلبي اصيح اني
وامي تصيحلچ چنتي
حبچ وين وداني اسولف بيچ خلاني
ياسمين: اروحلك فدوة حبيبي الشاعر احبك
مر سنة ونحن نحب بعض ويزداد محبتنه لبعض اكثر واكثر وجنت اراعي خالد حتى منروح مطاعم وهاي الشغلات لان هو على كد حاله بس منتظر يتخرج ويشتغل بـ بنك او محاسب بشركة.
يوم من الايام چِنه نحچي ونحچي وصارت الساعة 1 بالليل وچِنه نحجي على افلام رومانسية وهاي الشغلات وخالد گلي:
خالد: تعرفين حبيبتي اشتهيت ابوسچ.
ياسمين: يا حبيبي من تصير حلالك بوسني براحتك.
خالد: شنو ماعندچ ثقة بيه؟
ياسمين: مو قصة ثقة حبيبي بس استحي والله.
خالد: فديت الي تستحي يلاا حبيبتي طگيلي صورة وانتي تبوسيني.
ياسمين: صدك انت مخبل هههه كافي حبيبي ميصير.
خالد: تره والله ازعل حبيبتي.
ياسمين: تم ارسال صورة
خالد: فديت ولچ فديت ولو وجهچ ميبين بس شفايفچ بس والله اشتهيتچ شوكت نتزوج واخلص من بطانية نفر واحد.
ياسمين: هههه من تخلص كلية وتتعين ان شاء الله.
خالد: حبيبتي اريد منچ صورة****
ياسمين: شنووووو خالد اتخبلت شي مستحيل.
خالد: لازم ما تثقين بيه والله عرفت انتي ما تثقين بيه.
ياسمين: خالد كافي عن يا ثقة تحچي تريد صورتي واني *****؟!
خالد: الكل تحچي كاميرا بالليل ويسوون كلشي مثل زوج وزوجة بس اني لا.
ياسمين: معلينه من الكل خالد المهم اني وانت وبس.
خالد: اريد صورة وحدة وبس بعد ابد ما اطلب منچ صورة والله حتى انفض ***** بيها.
ياسمين: ما ادري عن شنو تحچي بس اسفة ما اگدر.
ياسمين: خالد ميصير يا حبيبي خلي نتزوج وشوفني گبالك والمسني وبوسني بكيفك.... خالد وينك؟؟...... خالد لا تسويها فدوة لا تزعل تعال وينك..
خالد: اذا انتي ما تملين عيني لعد راح احچي ويا بنية و اگُللها دزيلي صورتچ.
ياسمين: شنووو هذا الحچي خالد ما اسمحلك تحچي ويا أي وحدة كافي.
خالد:لعد دزيلي .
ياسمين: ما ادز .
خالد: لعد راح احچي ويا غيرچ و اگُللها دزي صورتچ.
ياسمين: روح بكيفك شتسوي سوي باي... لا خالد لا تروح امانة بس صورة وحدة مو اكثر.
خالد: اي والله بس صورة وحدة فديتچ.
ياسمين : تم ارسال صورة.
خالد: اي هيچ يمه يمه فديتچ شوكت نتزوج اووووووف وجهچ وصدرچ يخبلون.
ياسمين: كافي خالد لا تحچي هيچ حباب.
خالد: تمام حبيبتي .
بعد مرور شهرين چنت نايمة و گعدني خالد بأتصاله سديت الاتصال لان چنت حيل نعسانة وبعدين گعدت الظهر و باوعت على موبايلي خالد متصل عليه 33 مرة وداز 10 رسائل خفت كلش لا خالد او واحد من عائلته صايرله شي اتصل بخالد بسرعة
ياسمين: الو خالد صباح الخير شكو
خالد: لحد هسه نايمة ونحن واگعين بمشكلة چبيرة
ياسمين: يا مشكلة؟؟
خالد: البارحة چنت احچي وياچ ساعة 3 الصبح
ياسمين: بس اني نمت الساعة 1 الصبح!!
خالد : اعرف خليني اكمل كلامي حچيت وياچ على الفيسبوك حسبالي انتي وبعدين گلتيلي دزيلي صورتك وانت **** وصور اخرى واخرى واني دزيت وبالاخير دزلي مقطع صوتي طلع واحد ولد مهكر حسابچ .....
ياسمين: شنووو وبعدين خالد مسحت صوري صح!؟
خالد : لا والله نسيت امسح صورچ وحتى صوري هم يمه الولد +18
ياسمين: تحچي صدگ خالد الله يخليك گول تشاقة
خالد: والله احچي الصدگ وهسه الولد جاي يهددني بصوري وبصورچ اوف يالله
ياسمين: خالد ارجوك حل المشكلة ارجوك والله راح يذبحوني والله خالد اترجاك خالد ابوس ايدك ورجلك انقذني من هاي المشكلة والله شتريد اسويلك.
خالد: ديطلب مني مليون دينار عراقي واني ما عندي هذا المبلغ بس فكرت راح اگول للشرطة احسن شي.
ياسمين : شتكول للشرطة راح يگولولي تعالي وتحقيق وبعدين شتگُللهم والله صوري وصورها و مصلخين خالد تعال اني انطيك الذهب مالتي وروح بيعها
خالد: ما اعرف شأگلچ ياسمين اني هم بگت محبس امي الذهب حتى ابيعه.
وره ساعة اتفقنه اني وخالد نلتقي براس الفرع حتى انطيه الذهب واجه خالد وشفت وجهه مصفر من الخوف والتعب و منايم انطيته الذهب وراح وره ساعة اتصل خالد
خالد: ياسمين بعت الذهب طلع حگه مليون و 350الف تعالي ارجعلچ الباقي .
ياسمين: لا خالد ما اگدر اطلع هالگد خلي الفلوس عندك من تحتاجه اصرفها.
خالد: لا ياسمين اني ما اصرف فلوسچ من نتشاوف غير مرة انطيچ الفلوس .
راح خالد و دز المليون عن طريق اسيا حوالة ( رصيد ) واني واهس حچي ورسائل واتصالات ما بقتلي وصرت اخاف كلما خالد يتصل عليه اگول صاير شي و مر اسبوع واتصل المهكر بخالد وگله:
المهكر: اريد الابنية تجي يمي لمدة ساعة.
خالد: اخي انت ما عندك اخوات شلون تطلب هذا الطلب!!
المهكر: تمام لعد راح انشر صوركم.
خالد: امانة الله عليك امي مريضة بالقلب وتعرف البنات يموتون ولا يصيرلهم مشكلة امانة الله عليك لا تنشر الصور اني فقير ومابيدي اي شي.
المهكر: بس بيدك تطلب صور *** وتدز صورك ***** ها؟
خالد: نزوة و راحت والله العظيم بعد ابد ما اسويها والله العظيم ما اسويها اخوية الله يحفظك ويحفظ امك وكل واحد تحبه ابوس ايدك بعد ابد ما اعيدها.
المهكر : تمام راس الشهر راح ادزلك رسالة واذا سديت الحساب مالتك راح انشر صورك وصورها واذا گلت للشرطة هم عادي مراح يلگوني بـــــــــــــــاي .
مر الايام وكانما تمر سنة واني خايفة كلش وخالد خايف گمت ما اگدر امارس حياتي بشكل طبيعي وامي تگُلي تعالي اخذچ للدكتور وخالد بدأ ياخذ مهدئات وراها بفترة خالد دزلي رسالة وكتب بيها:
خالد: ياسمين لگيت حل واحد وهو اجي اخطبچ من اهلچ ونتزوج والمهكر شيريد يسوي خلي يسوي.
ياسمين: خوش فكرة خالد تمام راح احچي لامي اذا تحب.
خالد : تمام حبيبتي گولي لامچ وباچر نحن جايين .
گلت لأمي وامي گالت من وين هذا وشنو شغلة وشنو دراسته حچيت لامي عن خالد و گالت تمام خلي يجون .
اجو بيت خالد و گعدو وحچو ويا والدي و والدتي وامي گالت نردلكم الخبر راحو بيت خالد .
وامي گالت لابوية ها شتگول گال اكيد لا واني انصدمت و گال مو من مستوانه اتخبلت معرفت شگول
وراها بيوم دزو خبر الرفض واني صارت عندي انهيار صرت ما اكل اي شي صرت ما امسك الموبايل ولا الحاسبة ولا اباوع مسلسلات انتهى الشهر على خير رجع وجهي يبتسم لان ماكو أي تهديد فرحت كلش وصرت اكل شوية شوية الى ان خالد دزلي رسالة:
خالد: ياسمين المهكر هسه دزلي رسالة وكاتب بيها اريد مليون دينار.
ياسمين: تمام خالد تعال اخذ الذهب.
استمرينه لمدة 4 اشهر على هذا المنوال واني ابوگ ذهب امي وانطيه لخالد و خالد يروح يبيعه ويحول للمهكر وامي كل يوم معصبة وتگول الذهب مالتي انباگ وتدور بالبيت وتباوع عليه وتگلي انتي وجهچ بيه شي صارلچ 4 شهور وانتي بيج شي
المهكر دز رسالة لخالد مرة اخرى وخالد دزلي:
خالد: ياسمين المهكر يريد مليون واني بعد ما اتحمل خلي ينشر الصور لان تعبت والله تعبت صرت ايامي ما انامه وبالكلية رسب وانتي هم رسبتي خلاص كافي شيريد يسوي خلي يسوي.
ياسمين: خالد اليوم راح انتحر وخلاص .
خالد: لا ياسمين شنو تنتحرين لا استهدي بالله
ياسمين: لان تعبت والله كله منك لانك خليتني ادزلك الصورة كله منك.
خالد: ياسمين اني ما ضاحك عليچ ولحد هسه اريدچ واريد اتزوجچ بس اهلچ!
ياسمين: خالد شنسوي والحل انت ولد ما تنفضح بس اني بنية والله يموتوني و گبل ما يموتوني خلي انتحر والله انتحر اليوم.
خالد: هششش كافي ياسمين زين خطرلي فكرة ليش مانهرب؟
ياسمين: هااا!!؟
خالد: اي ليش مانهرب وبعدين اهلچ يتقبلون الموضوع ونرجع متزوجين؟
ياسمين: اني راضية بأي قرار ولو هاي هم فضيحة بس مو اكبر من الصور.
خالد: لعد حظري نفسچ ولململي شوية ذهب لان لازم ناجر غرفة.
ياسمين: تمام.
اتصلت بأخوية وگتله اريد ذهب لمريم لان عدها حفلة وبعد باجر ترجعها اخوية گال تمام اتصلت بمريم گتلها محتاجة شوية فلوس ويا ريت متگُليلي ما عندي
رحت لغرفة امي دورت ما لگيت ذهب رحت فتحت الخزنة اخذت 20 ورقة واخوية رجع للبيت انطاني الذهب واتفقت ويا مريم تجي تاخذهم.
اجت مريم واخذت الذهب وصار الليل والكل نايمة طلعت من البيت بهدوء لگيت خالد منتظرني مسك ايدي ورحنه مشي لان خالد ما عنده سيارة رحنه لبيت مريم اتصلت بمريم مريم ذبت الذهب وشوية فلوس من الشباك مالتها
رحنه للشارع الرئيسي و گعدنه واجه دورية الشرطة وتخبيه وبعدين انتظرنه حتى يجي سيارة تكسي واجه سيارة التكسي بعد انتظار ساعتين ونص وصارت الساعة بال 4 ونص الصبح رحنه شوية افترينه لحد ما صار الصبح خالد جان عنده صديق اجرله بيت بمنطقة ثانية.
خالد راح يشتري ريوگ و گعدنه اتريگنه ونحن نباوع على بعضنه من الخوف الي عدنه صرنه نضحك اني و خالد وخالد گام يوكلني من ايده و گام من مكانه و گام يحظني ويبوسني من راسي واني بديت ابچي لان ما اعرف شنو نهايتنه.
چِنه گاعدين العصر دز المهكر رسالة لخالد وكاتب بيه:
المهكر: اريد مليون دينار عراقي باچر.
خالد: ماعندي فلس واحد گتلك يا اخي اني فقير وبعت ذهب امي و ذهب الابنية.
المهكر: لعد جيب الابنية يمي ساعة.
خالد: اكل خرا ما عندك اخلاق ما عندك عرض تعرف انت اشسويت بحياتنه.
المهكر: تمام اخوية راح انشر الصور.
خالد: براحتك.
المهكر: شنو براحتك اشو احسك ما تخاف جيب المليون لو انشر الصور .
خالد: ما عندي مليون وانته ويا الله تنجاز تنشر ما تنشر عود اكو الله فوگ يحاسبك
المهكر: تمام لعد شوف الگروبات والبيجات العراقية كلها راح تنشر صوركم بيها.
خالد: براحتك اني راح اسد حسابي وحساب الابنية سديته.
المهكر: لا تسد حسابك بس شوف صوركم شلون تنشر بالبيجات العراقية.
خالد: ما اگلك شي بس اگلك الله ماينسى عباده ومراح ينساك بدون عقاب باي.
المهكر: نشرته روح شوفه.. وينك شوف صوركم شگد حلو طالعين.. شوف التعليقات طلعو اكو عرف يعرفوكم... وينك الوووو .
خالد سد الموبايل مالته و گام يدور على شغل ولگه شغل و گام يتشغل ويرجع تعبان لان چان شغله عماله بالسوك ويرجع متكسر تعبان وچان اكلنه كل يوم معكروني و اجبان.
لحد ما اجه يوم چانت الساعة 8 مساءا اندگ الباب بقوة مرة مرتين 3 وانكسر الباب خفت كلش وخالد ركض للمطبخ وشال سجينة ومسكني وخلاني وراه انكسر باب المطبخ وطبو جوااا اخواني وبيدهم اسلحة!!!
واني گمت ابچي اخوية الجبير سحب اقسام المسدس و گام يصيح ما عندك شرف وكرامة تختطف اختي
خالد باوعلي وابتسم و ماحچه شي اخوية الجبير ضرب خالد 7 طلقات واني اصيح لالالالالا تكتلوه لالالالالالا اخوية ركض عليه واني ركضت على خالد بسرعة وشلت راسه واگُله:
ياسمين: خالد لاتموت ارجوك لا تموت.
خالد: احسن شي اموت ويگولون عليه مختطفچ وشرفچ ينحفظ عليه واكون اني السبب فقط مو انتي.
ياسمين: لا خالد لالالالا افتح عيونك.
اخوية: شنو هذا الحچي ياسمين ..؟
ياسمين : هذا حافظ على شرفي من واحد گام يهددني بصوري..
اخوية شال خالد بسرعة وحطه بالسيارة وبسرعة رحنه للمستشفى واخوية يحچي ويا نفسه ويگول اني اعلمچ ياسمين اني اعلمچ تروحين تحچين لولد العالم يدافعون عنچ ونحن اخوانچ رجل كرسي لا علم ولا هم يحزنون اني اعلمچ
وصلنه المستشفى نزل اخوية وشال خالد وركض للاسعافات وحالات الطوارئ
و مر نص ساعة و طالو نعتذر منكم الولد اتوفى.. وگعت بالگاع و گمت اصبح ليششش ليششش خالد ارجع الله يخليك خالددددد ارجع بروح امك ارجع خالد..
اجو الشرطة و گالو منو اطلق النار على المتوفي اخوية گال اني ومد اايده وهو يبچي وگلي خليتيني اتعصب وخليتيني اكتل واحد بريء مع الاسف عليچ اختي مع الاسف نحن ما متربين هيچ اخذو اخوية للسجن وتم الحكم عليه 15 سنة سجناً.
عائلتي كامو يكرهوني كلش لان اني سببتلهم وصمة عار حاولت الانتحار 3 مرات وما نجحت مرة وحدة نجحت بس امي لحگتلي وخذوني للمستشفى.
صار وجهي شاحب وضعيفة كلش وما الي قوة حتى امشي صرت لا اكل ولا اشرب ماي فقط عن طريق ابرة المغذي فقط متمددة وما اسوي أي شي اسد عيوني
واتذكر الايام الحلوة القصيرة بيني وبين خالد اتذكر شلون چان يبوسني ويحظني اتذكر من گلي خلي اموت وانت مايسوولچ شي خلي يخلون اللوم بيه مو بيچ انتي
علمود شرفي وكرامتي وبقيت هيچ فقط بفراشي وابوية گال راح اسفرها لخارج البلد ويعالجوها بس اني چنت اصيح مااااا اريد ماااااا اريد عوفوني خلوني اموت اريد اموت ومر سنوات وانا على هذا الوضع .
ارجو ان تنال القصة اعجابكم متابعيني
ووووو شهل تفاعل
😡
<//>
_\\_