انتقام الضابط نمر
الكاتبة الاء محمد
لاتنسوون التصويت +متابعه الحساب
+ التعليق بين الفقرات
ــــــــــــــــــــــــــــــــــــــــــــــــ
الرغبَة عميقة في الشرود، في الذهاب
عن كُل شيء و كأننِي يوماً لم أُكن بالوجود
_ميرهان: راح نمر وكعدت يم عمتي
_ ام نمر: يمه هم تعاركتو أنتي ونمر
_ هااا.... لا عمه
_ لعد شبي ضايج والله يايمه ما صدكت يزوج ويستقر وانتي هم يا بنتي اعذري ادري بي ديأذيج بس من حركه كلبه وهذا نمر محد يعرف بـشنو يفكر
_ اني هم مالي ذنب عمه شي من الماضي
ليش يعاقبني على شي اني ما مسؤؤله عنو
_ والله يايمه ماكول غير الله يهدي
_ ميرهان: بتسمت بوجها وراحت للمطبخ
سوت العشه وتعشينه وصعدت الغرفتي
تمددت وخليت ايدي على بطني واني احجي
ويا ابني او بنتي
_ حبيبي ماما اهوايه تعذبت وشفت مصاعب
من ابوك وكلشي اتحمل بس مال يبعدوك عني مستحيييل انت الي حتصيرلي سند
_ اختنكت كلشش مجرد فكره انو
اولد ويبعدوني عن طفلي امووت
بين تفكيري بـطفلي و نمر الي يريد
يلتحق للموصل... معقولة لان ضوجته بكلامي
اوووف ياكلبي تعبت والله تعبت
ليش كل هل شي يصير وياي انيي
شنوو الي سويته... اخذتني النومه
واني بين افكاري
حسيت على شي يتلمس بطني فزيت
من منامي شفته نمر والعيون حمر
دنك وخله ايده على وجه مبين تعبان
كعدت وخليت مخده وره ظهري هو ساكت
واني ساكته
_ نمر: ميرهان تعبان اني حيييل
_ نقهرت عليه بس شسوي شبيدي كل الصار
من ايده هو الي ولد كل هل كره بـگلبي
اله وهسه يجي يشكيلي حاله
زين اني من جنت اتئلم واتعذب ليشش
ما نطاني وقت اشكيله
_ شافني ساكته وما أنطيت
اي رده فعل كال
_ نمر: اريد شي واحد منج قبل لا أروح
_ ميرهان: هزيت راسي كام افتر من جهة الجربايه خله راسه على صدري وحضني
صحت بي
_ نمررر
_ نمر: اشششش تره حاظن ابني
ما ميت عليج
_ ميرهان: شدد حظنته الي واختنكت كلشش
دفعته بس مثبت نفسه
حجيت بصوت نااصي
_ وخررر نمر
همسلي
_ اشش اريد انام
صحت بصوت عالي
_ وخررر راح امووت
طفر من يمي وكمش وجهي
_ شبيج شنوو اليوجعج
نترت ايده
_انت الي توجعني كلبي راح يوكف حل عني
ما اكدر اتقبل وجودك يمي بعد السويته بيه
معاني وجهه ماتتفسر غصب على صدمه من كلامي هز راسه وكال وهو داير وجه عني
_ يعني أنتي ضايجه من وجودي يمج
او بل احره علاقتيي بيج
_ ايي وياريت تحررني منك
ضحك ولتفتلي
_ عمرج كله تبقين تحت رحمتي وتشوفين شراح اشوفج بـ الأيام الجايةة
ضحكت وكتله
_ اووو علساس انت مقصر ليش شنوو الشي الماسويته انتت
ضرب المزهريه الي بـ الباب وتفلشت
سديت اذاناتي بأديه طلع وركع الباب كل قوته الا فززني اصنمت من الخووف
رجعت تمددت تفكيري مشتت كلشش
نمت وكعدت باوعت للساعه بـ11
نزلت شفت عمتي ضايجه وعيونها
مدمعه صبحت عليها
_ ميرهان: عمه شبيج شوو ضايجه
تئفئفت وكالت
_ ام نمر: يمه نمر التحق ومدري شكد
بعد يله ينزل... يمه روحي تريكي خليتلج ريوك
_ تريكت وصعدت للغرفه سبحت وعزلت الغرفه بين ما خلصت اذان صليت وكلت انزل اساعدهم بلغده
طلعت من الغرفة شفت غرفة نمر الخاصه مفتوحه دخلت وشفتها بدرية بوستني وكالت
_ يمه فدوة شهل عيون يحرسج الرحمان
ابتسمتلها
_ ميرهان: حبيبتي خاله، روحي ساعدي عمتي
جوة واني اكمل تنظيف أهنا
_ لا عيني استاذ نمر مايقبل تشتغلين وبعدين مانع الكل ما يدخل لهنا غيري انظفها وقفلها شوفي الكامرات مراقبة
_ ميرهان: ايي بس انظفها نزلي حبيبتي خليها عليه
_ هاي هي حبيبتي
_ميرهان: نزلت وبقيت اعزل بالأوراق ومسحت المكتب شفت الحزام الي ضربني بي اختنكت
عفت الغرفه ونزلت
شفتهم محضرات الغده تغدينه وغلست المواعين وكعدنه نشرب چاي عباس ماموجود وساره كأنو ما شوفني ولا تحتك بيه دنباوع علتلفزيون ودك تلفون عمتي من كالت هلا يمه يبعد روحي
عرفته نمر كلتله يمه ديري بالك
باوعت عليه وكالت
_ مرتك وابنك زينين.. اي يمه هاي
وياك مرتك
_انطتني التلفون
_ ألووو
_ أبني ثم أبني اهتمي بي زين
ولا صيرين مهمله وجاهل
_ ميرهان: كمل كلامه وسده بوجهي
_ ام نمر: ها يمه شبي
ابتسمت بوجه وكتلها
_ يكول ادير بالي على أبني
_ عفتهم وصعدت الغرفتي اخذت علاج ونمت ما كعدت للعصر سبحت وبدلت ونزلت لكيت بيت حسن وصابرين وياسمين جاايين سلمت عليهم
_ ياسمين: اكوول سوزان صدك ميرهان حامل
_ سوزان: يااا شو ما سمعت
_ميرهان: يحجون ويباوعولي ابتسمت على عقولهن ورحت للمطبخ احضر العشه ويا عمتي وبدريه وعمتي تصيح عليه عوفي هاي وذبي هاي ولا تتحركين
_ ام نمر: وج بنتي اكعدي ما نريد منج شي
_ ميرهان: عمه تره الطفل ما معلك بشعره
_ ام نمر: يمه روحي فدووة
_ ميرهان: عفتهم وطلعت كعدت علتخم يم صابرين
_ صابرين: حبيبتي الف مبروك كلش فرحت
لمن سمعت بيج حامل
_ ابتسمت وكتلها الله يباركلج
ياسمين اجتي يمي وكالت
_ اكوول ميرهان انتي صدك تعوفين الطفل وتطلكين
_ جحضت عيون صابرين وكالت
_ صابرين: هاا لا وين اكو هيج
_ انتفضت وكتلها
باعي تره ابني ما انطي لو شو شيصير
فتهمتي
صارت كدامي وكالت
_ ايي عيني ايي متتحاجين اصلاً سئلي ساره
وسئلي سوزان وتبارك كلنا ندري بلصار حبيبتي والطفل نمر يحرمج منه ومالج طفل يمنه
_ ميرهان: اختنكت وبعد ما اعرف شنو أحجي
صارت دموعي تنزل رحت العمتي
وكتلها عمه وين تلفونج
_ ام نمر: شبيج يمه
_ مابيه اريد احجي ويا نمر
_ ام نمر: يمه منو مضوجج
_ عمه انطيني تلفونج حبابه
_ ام نمر: اي يمه اخذي
_ ميرهان: انطتني تلفونها ورحت اتصلت بـنمر
اول ماكال الوو صرت أبجيي كتله
_ ليش تريد تاخذ ابني مني هاا
_ نمر: شكوو شبيج تبجين ومنين جبتي هلكلام
_ انت كايل هيج
_ نمر: اهووو صدك تحجين اني مستحيل
افرط بيج وبأبني افتهمتي يله مسحي دموعج ومعليج بلكلام التسمعي واني لمن اجي انهي الموضوع ومحد يكدر يحجي وياج بهل موضوع بعد
_ ميرهان: طمني بحجيه اهم شي أبني ماريد انحرم منه سديته وطلعت وشفت عمتي تصيح على ياسمين وسوزان عفتهم وصعدت الغرفتي ولحكتني صابرين
_ صابرين: يمعودة شبيج أنتي لا سمعين منهن تره ميتات منج شوفي خليج قوية وقهريهن الأنسان لمن يبين للناس هو ضعيف ياكلونه ويستغلون ضعفه صيري قوين و واجهي الدنيا بزينها وبشينها وخليج واثقه بنفسج
_ ميرهان: تعبت
_ صابرين: احجي الي بداخلج واني راح اصيرلج ا
م واخت وصديقه
_ ميرهان: دمعن عيوني حضنتها
صح هي الوحيده الي دائماً توكف وياي
احسها مثل صبا اخخ صدك مرات تلكه شخص يحسسك الدنيا بعدها بخير
_ صابرين: ميرهان نمر يحبج
_ ميرهان: ضحكت واني دموعي تنزل
نمر ما حبني بعمره اخذني حتي ينتقم ويكون
مرتاح بتعذيبي
_ صابرين: أنتي تحبي؟
_ ميرهان: غمضت عيوني وكتلها
لوعت كلبي وندبته هو الم روحي وشريان كلبي الأبهر الي گطعه بيده هو النفس الي خنكني من الهوى
جرت حسره وكالت
_ صابرين: بس يحبج
_ ميرهان: ما اعتقد نمر ما حسسني بلحب يمه
نمر جان يدرب ايده بجسمي وختم اسمه على انحاء جسمي
_ وخرت الشال من صدري وشوفتها اسموو
المختوم الي صاير بلون الازرك ومحدد بأحمر جحضت عيونها وشهكت
_ صابرين: هاااي شنوو!!!
_ ميرهان: ابتسمت وغمضت عيوني بأسى
هاي لا شي كدام الي سووا بيه حضنتني وكااالت
_ صابرين: والله أنتي شجاعة مو ضعيفه وهذا
الي سويتي و اجهتي نمر وتحملتي كل هل شي
يدل على قوتج وما اكول غير الله يفرجها عنكم
_ ميرهان: هزيت راسي ونزلنه نتعشه
تعشيت واني اسمع كلام يسم البدن ومرات
يسونها بحجه شقه كالت ياسمين
_ياسمين: حبي ميرهان اذا ماتريدين تبقين يم نمر عادي نزوجه هناء تموت عليه وهي تربي طفلكم
_ ميرهان: تئفئفت وسويت نفسي ما سمعتها
_ ام نمر: اوووو ياسمين تراج مصختيها شلج
غرض انتي لا تدخلين فتهمتي
_ ميرهان: كملنه عشه وشربو چاي وراحو صعدت الغرفتي نمت صايره اهوووايه احب النوم وكل خمس دقايق اتقيئ ولازم اليمون ما يفارك ثلاجتي الي بلغرفه ترستها عمتي ليمون على ابو هيه من جانت حامل بـنمر هيج تحب اليمون
كعدت الصبح نزلت صبحت على عمتي
واجه عباس هم وكعدنا نتريك قطع الصمت صوت عباس وهو يكول
_ عباس: احممم يمه اريد اكلج شي
_ ام نمر: كول يمه
_ عباس: يمه اريد ازوج
_ التفتنا اني وعمتي عليه
_ ام نمر: اي يمه بلمبارك منيه البنت
_ عباس: وحده يمه اني احبها من زمان
_ ام نمر: اي يمه وين بيتهم
_ عباس: يمه يجي نمر ونتفق
_ ميرهان: كمل ريوك باس عمتي وكال
_ عباس: ميرهان تريدين شي اجيبه وياي الج
_ ميرهان: هزيت راسي بنفي
_ عباس: يله اني رايح
بقينه اني وعمتي نحجي وكتلها
_ عمه ليش نمر ما ازوج هناء وفصخ الخطوبه منها
_ ام نمر: بنيتي نمر انحرج من عموو هو الي كله اجتك هناء اخذها بعباتها وبعدين بنات عم نمر كلهن يريدنه وميتات بي واكو منهن هنا عرضن رواحهن عليه بس يايمه نمر ماهمته وحده غيرج ترا حتى نهى اخت سوزان تحب نمر وتتمنى ينطيها وجه
بس نمر مثل أبو اناني وعصبي
_ ميرهان: زين عمه نمر ماحب
_ ام نمر: ايي حب حبج انتي يايمه
_ ميرهان: ضحكت وكتلها
عمه نمر عمره ماراح يحبني اني الي حبيته
وتالي خسرت اهواي اشياء وأولهم أهلي الي ما اعرف عنهم اي شي
_ ام نمر: يمه عوفج من هلحجي وكومي
اخذي علاجج
_ ميرهان: عمه اريد تفاح اخضر تره ابنكم
اهواي يتأمر هههه
_ ام نمر: اي يدلل الشيخ ابن الشيخ شعندي
غيره هسه اروح اجيب واجي
_ ميرهان: لا عمه ماريد هسه شوكت ما تطلعين
عود جيبي.. عمتي كلش حبابه وطيبه صرت
وياها مثل بنتها واكثر
_ ام نمر: أنطمي يمه اروح اجيب واجي
_ ميرهان: ابتسمت بوجها وراحت جابت عباتها وطلعت بيتنه صاير علشارع موقعه راقي ومنطقه هادئه ولاسواق يمنا
شلت المواعين وغسلتهم واجتي عمتي
_ ام نمر: تعاي حبيبتي تعاي
_ ميرهان: كعدت اغسل واكل لحد ما نتخمت ههه بستها وشكرتها وصعدت غسلت ملابس وعزلت الغرفه ونزلت تغدينه وساره مالها دخل بيا اليشوفها يكول ماخذه رجلها استغفرالله
للعصر وفات عبااس يركض وجه ذبلان وعيونه مدمعه صعد الغرفته بدل ونزل صاحت بي عمتي
_ ام نمر: ولك يمه شبيك
_ عباس: يمه انا طالع للنجف صاحبي مات
_ ام نمر: يايمه الله يرحمه ديري بالك على نفسك يمه
_ ميرهان: راح عباس وبقينه بس اني وعمتي وساره والدنيا ليل نباوع مسلسل شويه وندك الباب طلعت عمتي دخلت ودخل وراها سلمان عزاااا هذا شعنده هنا
شلوون بلووه هاي ياربي
_ سلمان: شلونج ميرهان
_ ميرهان: هزيت راسي بأبتسامه
_ سلمان: اءءءء سمعت محد يمكم بلبيت كلت
ابات يمكم اخاف عليكم وحدكم بس نسوان
_ ام نمر: بس يا سلمان تره نمر
_ قاطع عمتي وهو يباوعلي
_ سلمان: مومهم المهم انتو عمه
_ ميرهان: أترخصت منهم وصعدت لغرفتي
كعدت وطلعت كتاب اخذته قبل فتره من عباس بقيت اقره شويه واجتني عمتي
_ ام نمر: هاج حبيبتي هذا نمر عل خط
_ ميرهان: اخذته منها وطلعت وسدت الباب
_ الووو
_ هلوو، شلونج
_ تمام
_ وأبني
_ تمام
_ ايي، يابه ماشتاقيتيلي
_ لاا
ضحك وكال
_ امممم نشوف
_ شنوو
_ ودي التلفون الأمي
_ ماشي
_ اكلي زين وعلاجج لاتنسي
_ ايي، وصلت الصاله كاعده هي وسلمان
_ عمه هذا نمر يريدج
_ سلمان: هاا نمر شوكت يرجع
_ ميرهان: يمه عزاا بعده التلفون بأذني صااح بيه
_ نمر: منووو هذا
_ ميرهان: ها سلمان.. كلتله هيج وصار يرعد رعد
_ نمر: لجج شعنده هذااا هااا احجي
_ميرهان: حجيت واني ابلعم
مااا اعرف
_ نمر: انطي التلفون الأمي وتروحين اصعدين للغرفه وياوويلج ياويلج تنزليين لو يشوف طولج ادفنج والله
_ ميرهان: انطيت التلفون العمتي وصعدت
نمت من الخوف كعدت نص اليل ميته عطش
فتحت الثلاجه مالتي مابيها غير فواكه وعصاير
نزلت واني لابسه بجامه نوم وفاتحه شعري
فتحت الثلاجه وحسيت شخص احتضني
من وره مل ضني نمر كلت يجوز رجع من
دفعته والتفتت وشفته سلمان تخبلت
_ شلوون تتجرء يااحيو***
_ سلمان: اششش والله احبج من يوم الشفتج
حبيتج وما دتطلعين من بالي
_ ادبسز اشون تفكر هيج اني مرت ابن عمك
_ سلمان: والله مستعد اسوي اي شي تطلبي
بس ترضين وتوافقين بحبي الج
_ حقيييرر الا اكول الـنمر عليك
_ سلمان: ايي كليلن حتى يصدكج
_ صاار يضحك وكال
_ يحلووو مستحيل يصدكج بعد
_ دفعته من صدره ورحت الغرفتي حتى ما شربت مااي فكرة تاخذني وفكرة تجيني شوون ويه هل سلمان نمت
كعدت الصبح وما طلعت من الغرفه
لحد ما جتني عمتي
_ ام نمر: تعاي حبيبتي تريكي موزين عليج لسه بدون اكل
_ ميرهان: هزيت راسي ايي عمه هاي نازله نزلت تريكت واخذت علاجي واجتي ساره
_ ساره: اي عيني ماما تسوي ريوك وماما اسوي غده وماما كل النهار امداريتج ايي طبعاً بس شوفي لا تفرحين اهوايه تره مرتح تستفادين غير التكفخ من نمر
_ ميرهان: سمت بدني وراحت واني استغفر
_ ام نمر: يايمه ماعليج بيها جاهله
ونمر يحبج
_ ميرهان: ابتسمت بوجها كلها تكول نمر يحبج والى هسه ما شفت الحب وينه!!
لو الحب عنده ضرب ورزايل والله ياالله
للعصر واجه عباس مبين عليه الحزن
سلم وكعد يمنه كلتله عمتي
_ ام نمر: يايمه البارحه رحت ومافتهمنا منك شي شون مات صاحبك
_ عباس: يمه جان طالع ودعمته سياره
وبعد مواصل للمستشفى ونطاج عمره
_ ام نمر: يايمه سوده بوجهي اهله شلونهم
_ عباس: شلونهم محروك كلبهم
حركت كلبي امه والله يشيلوها من گبرة وهي ازت نفسها عليه وتبجي وصيح
_ ميرهان: صعد عباس يرتاح وكلمن راح الغرفته
مرت الايام على التنساه وكل ساعه واستفرغ اكل منا اذبه منا وما اخلص من سوالف سوزان وبناتها على ابو شلون اخذتي نمر وراح يطلكج وياخذ الطفل
واليكول ماخذه الوزير وصار على التحاق نمر 15 يوم لحد اليوم الي
مليان قليل من التفائل كعدت على صوت العصافير وريحه الريوك نزلت صبحت على عمتي وعباس
_ ام نمر: اليوم نمر كال ينزل
_ ميرهان: من كالت ينزل انخطف لوني ونسدت نفسي صعدت عدلت الغرفه ورتبت الملابس وسبحت ونزلت جوه دنسوي غده اني وعمتي
ندك الباب وعمتي كالت
_ ام نمر: ايي اجه نمر
_ طلعت عمتي واني بقيت اكلب بـ تمن
سمعت صوت سلام طلعت من المطبخ
وصار مقابيلي احس شخص ظربني على راسي وجحضت عيوني من الصدمه واني اشوف نمر ويا وحده كايدها بيدها ويضحكون وهي حاظنه ايده بثنين ايديها
بقيت صافنه وبس ارمش قطع صفنتي صوت عمتي وهي تسأل نمر
_ ام نمر: يمه ما عرفتنه علضيفةة منوو
_ نمر: لا يمه هاي مو ضيفه هاي جنتج مرت
ابنج مرتي يمه وحبيبتي هم....
للحكاية بقية....
لاتنسوو التصويت+ متابعه الحساب
طولت عليكم بس اني هم مشغولة والله
#روحاااتي♥
حسابي الانستا♥♥