السلام عليكم ورحمة الله وبركاته ♥
اخباركم ايه يا قمرات؟ 😇
اسفه جداً علي التأخير 😢
يلا نكمل روايتنا من جديد 🤭
بس الاول نصلي علي رسول الله صلي الله عليه وسلم 😍
♡________________♡
سنلتقي يوماً وإن كان اللقاء بعيداً
♕__________________♕
في بيت نور بالتحديد غرفة نور
مجتمعين نورهان واميره مع نور بيذاكروا لامتحانات نهاية العام الدراسي
نور : بنااات انا تعبت من الدراسه يلا نتجوز😇
نورهان: اه والله التعليم معتش بيأكل عيش😅 انا بقول نتجوز ونستقر
اميره:بس يا معنسين روحوا دوروا علي عرسان لنفسكم انا خلاص ضمنت مستقبلي 😍
نور: ايوه يا عم ومين قدك كله اسبوعين وهتروحي الحرم 😍
نورهان: اه والله، ميروو انا عايزه اروح معاكي😢
اميره: ما انتي لو مش طويله كنت حطيتك في الشنطه بس انتي ما شاء الله مفيش شنطه علي مقاسك 😂
نورهان: بس يا اوزعه قال تحطني في الشنطه قال 😏 انا متحطش في شنط انا مكاني في القلوب 😌
نور: اه والله يا بت يا نورهان يلا شوفي لك قلب يسترك بدل مرمطة التعليم دي😂
نورهان: بقي هي كدا 😒 اين انت يا قرة عيني تعالى انقذ قلبي المنكسر من هؤلاء المزعجين😢
اميره: 😂😂 حالتك ميؤس منها 😂
وهكذا استمر اليوم يذاكرون قليلاً ويمزحون مع بعضهم قليلاً فما اجملها من صحبه 😍
♡----------♡
بعد انتهاء اليوم ليلاً في منزل نور
هيثم يدق على باب غرفتها
نور: ادخل يا هيثم
هيثم يدخل الي الغرفه ويبدوا عليه الاحراج
نور بنظرة شك: ما شاء الله ايه الاحترام دا من امتى وانت بتستأذن علشان تدخل 😅
هيثم 😊: من يوم ما قررت استقر 🤭
نور بإستغراب: قررت تستقر هو انت مش مستقر ولا ايه حاساك غاز خامل 😂
هيثم 😒: نتكلم جد شويه بقى عايز اتكلم معاكي في موضوع مهم
نور: خير يا هيثم
هيثم: احم بصراحه كدا انا عايز اتجوز ☺️
نور: ها 🙄
هيثم : بصي انا معجب ب نورهان وعايز اتقدم لها بس كنت عايز اعرف رأيها في الموضوع دا الأول
نور: ها 🙄
هيثم: في اي يا بنتي مالك
نور: انت ونورهان إذاي؟
هيثم: هو أي الي اذاي، فيها ايه يعني
نور: هيثم يا حبيبي انت مش فاكر انت ونورهان كنتو بتعملوا اي في بعض قبل ما ربنا يهديكم للإسلام 😅
هيثم : ايه يهديكم للإسلام دي هو إحنا كنا كفار ولا اي 🤨
نور: لا مش القصد بس اقصد قبل ما تلتزموا دا انتو مش كان بيفوت عليكم يوم غير وانتو متعاركين ولا المقالب الي كنتو بتعملوها في بعض انا كل ما افتكر كدا اموت من الضحك😂😂
هيثم: اه والله يابت يا نور كانت ايام جميله 😂 بس خلاص احنا كبرنا وعقلنا اعتقد 🤭
نور: طيب ياعم الكبير هشوف رأيها وارد عليك بس بعد الامتحانات علشان مشغلهاش عن المذاكره
هيثم وهو يقبل نور من خدها: حبيبتي يا نور طول عمرك اصيله وجدعه ☺️
نور 😒: مصلحجي كله علشان مصلحتك بس يلا امري لله
هيثم وهو يخرج ويغلق الباب خلفه: يلا اسيبك تذاكري بقى يا دكتوره عايزين تقدير 😑
نور بتفكير: والله طلعت مش ساهل ياواد يا هيثم وعينك من صحبتي 🤭 تفكتروا البت نورهان ممكن توافق 🤔 بس متوافقش ليه دا انا اخويا قمر 🙂بس والله حاجه حلوه علشان نكون مع بعض واتفرج عليهت هي وهيثم وهما بيتعاركوا كل دقيقه😂
نسيب نور مع افكارها الهبله ونروح مكان تاني بعيد (لا مش الي في دماغكم )😅
♕هنروح لشيماء وادهم
اتفقت شيماء مع ادهم انها هتقابله وهي حالياً بتجهز نفسها علشان تخرج
ام شيماء: خارجه ومتشيكه كدا على فين يا شيماء
شيماء: أبداً يا ماما هروح للخياطه وهعدي على البت حنين
ام شيماء: والي رايح للخياطه يتشيك كدا
شيماء بتوتر : اوووف يقى يا ماما هو تحقيق
ام شيماء: طيب يا شيماء بس متتاخريش علشان ابوكي ميزعلكيش
شيماء وهي تفتح باب البيت وتخرج: حاضر سلام
ام شيماء بعد. خروجها: مش عارفه قلبي واكلني ليه على البت دي ربنا يحميكي يارب يا بنتي ويوقفلك ولاد الحلال
خرجت شيماء من المنزل مسرعة لكي لا تتاخر علي موعدها مع ادهم
وصلت الي المكان المتفق عليه
ادهم وهو يحتضنها : شيماء حبيبتي وحشتيني خالص كدا تتأخري عليا
شيماء وهي تبعده عنها: ادهم مينفعش كدا احنا في الشارع وممكن حد يشوفنا
ادهم: اطمني يا قلبي وطول ما أنا معاكي متخافيش
شيماء بحنان: انا عمري ما اخاف وانا معاك انا سلمتك قلبي ومطمنه وعارفه انك هتصونه
ادهم: اكيد طبعاً يا حبيبتي ، بقولك ايه صح يا حبيبتي انا عملك مفاجأه
شيماء: بجد يا ادهم ، ايه هي اي قول بسرعه
ادهم: تعالي معايا وانا اورهالك
اخذها ادهم وذهب الي عمارة بعيدة قليلاً عن الانظار
ادهم اسفل العماره: وصلنا يا شوشو
شيماء بستغراب : ايه المكان دا يا ادهم
ادهم بمكر : يا حبيبتي انا اجرت شقه هنا وحبيت افرجك عليها علشان خلاص قررت اروح اطلب ايدك من ابوكي
شيماء بفرحه: بجد يا ادهم _ ثم احتضنته بسعاده _ ربنا يخليك ليا يا رب البت حنين حذرتني منك كتير وقالتلي انك بتلعب بيا بس انا مش سمعت كلامها لاني واثقه فيك وفعلاً مخيبتش املي انا بحبك خالص يا دومي
ادهم وهو يسحبها من يديها: طب يلا يا حبيبتي علشان افرجك على الشقه
وذهبوا معاً
نسيب ادهم وشيماء للاحداث القادمه
ونروح مكان تاني(ايوه هو الي في دماغكم ) اكيد عند حازم 🤭
طبعاً حازن بعد كلامه مع نور قرر انه ينفذ كل كلامها وفعلاً التزم بصلاته في جماعه وفي المسجد والكل لاحظ التغير الي حصل ليه منهم الي فرح ودعاله بالثبات ومنهم الي بقى شمتان فيه وبيقول كلها ايام وهيرجع تاني ذي الاول نشوف حازم هيعمل اي
حازم بعدما عاد. من صلاة العشاء من المسجد
دخل الي البيت فوجد صفاء (جدته) وعامر وزوجته واولاده يشاهدون برنامج كوميدي علي التلفاز
فالقا عليهم تحية الاسلام وجلس يشاهد معهم
صفاء: بجد يا حازم متعرفش انا فرحتي بيك قد ايه وانا شيفاك كدا الحمد لله ان ربنا استجاب دعائي
حازم: دعواتك يا صفصف ربنا يثبتني ويبعد عني كلام الناس
صفاء: بدعيلك يا حبيبي ربنا يصلح حالك
______
كفايه كدا النهارده على فكره والله بقالي اكتر من اسبوعين بحاول اكتب فصل جديد
من يوم ما خلصت ثانويه عامه وحاسه ان مفيش شغف خالص لاي حاجه حتي اصحابي الي كانوا معايا من طفولتي فرقتنا الكليه ومش بقيت بشوفهم غير نادراً
الله المستعان
انا اسفه على التاخير بس والله غصب عني دعواتكم بصلاح الحال ♥
إن شاء الله هحاول مش اتاخر عليكم تاني
واكيد في مفاجأت كتير في الحلقات الجايه بإذن الله انتظروني ☺️