#أّلَجِمَأّلَ _أّلَمَشٍوِهِ
بِقِلَمَ أّوِتّأّر حٌزِّيِّنِهِ
أّلَجِزِّء_أّلَأّوِلَ
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رغم عنا وفي
اي لحظه قد تعود
بنا الذاكره للوراء
صوره قديمه،،،،او اغنيه
تعود للتسعينات،،،،تجعل
المشاعر
تفيض حنينا لذاك الزمن
الذي جمعنا مع احب الناس
لقلوبنا
وبنفس،،،،،،، الوقت نشعر بالحزن
لانه مره بسرعه،،،،ولاننا فقدنا فيه
ناس،،،،، كانوا بلسم في حياتنا
وجزء لايتجزء منها
ورغم عنا ايضا،،، ومن الذي رأينه
والذي عشناه،،،،، بدأنا نقارن
حاظرنا الذي نعيشه،،،،،بالماضي
الذي مضى بدون رجعه
وبين حين واخر
بدأنا،،،،، نسمع هنا وهناك،،،،،
جمله،،،،،،
نحن كان لنا ماضي
اجمل من حاظرنا،،،،،،
كلمات،،،،،،، لها وقع اليم في
نفوسنا ،،،،،وصداها قويا في
اروحنا،،،وتجعل المها،،،،
يتغلل في ذاكرتنا ،،،،،ويأن
بوجع،،،
وماضي انا،،،،
كان جميلا لانه كان
فيه ابي واخي ،،،،،ورغم الذي
حصل فيه،،،،،،،،وفقدانهم بصوره
بشعه،،،،تمسگت به بقوه،،،،،
ورفضت ان انسى اي،،،،
جزء فيها
واحتفظت بذكرياتي معهم
هناك في قلبي،،،،،،،
وفي ركن خاص،،،،،لم يستطع
لا الزمن ولا الذي عشته
اني يمحو اي جزء منه،،،،،ورغم
الذي حدث فيه،،،، كنت ارى
ماضي الذي عشته
اجمل من بشاعه حاظرنا
الذي،،،،، بدأت اراه
يمضي من سيء
لاسوء
،،،،،،،،،،،،،،،،،،
ركبت،،،، السياره وطلعنا
من بغداد لديرتنا بالجنوب،،،،
جان المطر
يزخ بقوه والجو مغيم والسما
جانت تبرج بقوه
سندت راسي،،،، على الجامه
وغمضت عيوني،،،،، وزفرت
نفس طويل ،،،،،
فتحتهن،،،،وره لحظه وطالعني
بالجامه نص وجهي
المحترگ،،،
المطر والجو،،،،،
واحداث هذا الاسبوع
رجعوني بذاكرتي،،، سنين ليوره
وتحديدا سنه1992،،،،،
ومن هاي السنه راح تتعرفون
على
قصتي شلون بدت
،،،،،،
اني ايوب عباس كاظم التاجر ،،،،
الابن الثالث
لاهلي،،،،قبلي اخويه جعفر 18
سنه،،،ووراه زينب 16
واني 15 وهاجر 10
وعلي 6 الي
اجه وبي نقص بالدماغ،،،،،،،،
جان يتصرف تصرفات مو واعيه
ومرات،،،،،،من تجي النوبه يصير
عصبي ويكوم يكسر بالغراض
ومايسكت الا تروح
منه ،،،،عيشتنا بذاك الوكت رغم
الحصار،،،،،،جانت بخير والكل
يحسدونا عليها،،،،،ابويه
جان تاجر جبير بديرتنا
وعنده املاك
چثيره،،،،،سمعتنا طيبه والكل
جانوا يحترمونه،،وكلمته جانت
الها وزن بالسوگ،،،،،،
جنا عائله متفاهمه والحب
مبين بعيون
ابويه من يعاين لامي
لان حلوه كلش،،،،،،ابويه حبها
اول ماشافها،،،،بغداد جانوا
بيت جدي يصيرون
جوارين ،،،،بيت صديقه ،،،،
هو من،،،،،،،،،، اول نظره عشگها
وخطبها رغم معارضه اهله
واخذها غصبا ما عليهم،،،،،،،،
عاشت وياهم بضيم،،،،، وماحبوها
لان غريبه عنهم وطبعها مو مثل
طبعهم،،،،وظلت
سنين اداري بجدي وجدتي
بعد ماعمامي الاثنين تزوجوا
وعزلوا كلمن بيت وعماتي ال3
التهن ببيوتهن
من مات جدي ووراه بسنه جدتي
ابويه اشتره البيت الجبير
الكاعدين بي من اخوته وخواته
وعمره ،،،،لان ماقبل يروح
لغريب
جانت غرفتي،،،،اني وجعفر جوه
وغرفه البنات فوك،،،،،وغرفه
ابويه وامي چدام غرفتنا،،،،،،
المطر والجو رجعوني بالذكريات
سنين ،،،ليوره لذاك اليوم الي
سمعت ابويه يحجي بشي جبير
سمعه من عمامي،،،،،واني
عرفته بالصدفه
بيوم الجمعه
كعدت،،،،، واني افرك بعيوني
ودفعت اللحافه الثگيل،،،
من فوگايه كمت من فراشي،،،،،
حرگت جسمي،،،،،شويه حتى
اتنشط،،،،،،،مشيت بخطوات
ثگيله للشباج ،،،،من سمعت
صوت المطر
وخرت البرده،،،،وشفت
الجو مغيم،،،،والمطر يزخ بقوه
نفخت على الجامه،،،،،ومن
صار ضباب كتبت اسمي
ايوب عباس ،،،ورسمت
طير ماد جناحه،،،،
ظليت دقائق اعاين للحديقه الي
فاضت من مي المطر وانه اشتم
ريحه الجاي،،،،،
طلعت من الغرفه،،،،ورحت غسلت
وجهي،،،،،،،وبعدين
رحت للهول بس طبيت
رأسن حسيت
بدفوا الصوبه
الجانت مشتعله وخالين عليها
قوري الجاي والكيتلي،،،،،
اول ماشفت ابويه كاعد يمها
رحت وكعدت يمه ولزكت
بصفحته
« ها ولك شبيك عبالك
بردان
حجه وحظني بأيده وجاوبته
«اي والله يابويه
وجوعان كلش،،، وين الريوگ
«دسوي امك،،،
كمت من يم ابويه الي سألني
« هااا وين رايح
«اريدن ثريد حليب ،،،،اروح اكللها
لامي حتى تسوي الي
،،،،،
على الريوك التمينا كلنا،،،،،،،،
وعلي مد ايده لماعوني
«اكل وياك
حجه گوه
ومد ايده قربت الماعون ليمه
وهو كام ياكل وويوكع على
هدومه،،
« مو هيج علوش
حجيت وهو كام ينود وامي مسحت
وجهه بالخاولي وكامت توكله
«اووف
سمعت صوت ابويه وعاينت اله
وشفته طلع جگاره وسند روحه
ليوره وكام يدخن وره دقائق
امي حجت
« اصبلك جاي ابو جعفر
صفن صفنه طويله
على اخويه وبعدين هز راسه لامي
وهي
اخذت ستكان
وماعون من المعجانه البصفها صبت
جاي وانطته اله
اخذه منها وحجه وعيونه على
علي
«كملي اكله لعلي،،،،لاتخلي
جوعان
«اي هسه ،،،،،
«بوويه مااظن ابو حيدر يجيبلنا
البضاعه اليوم
جعفر حجه،،،،وابويه هز راسه
وجاوبه
« لا يابويه مااظن الدنيا دتمطر
ومحد يطلع بهيج جو ،،،
جعفر هز راسه،،،،وابويه كمل
« كمل ريوكك وجيبلنا السجلات
خلي نشوف الي النا
والي علينا ،،،،
« اي هسه،،،،بس اروحن اجيب
من يم عم مهدي الشغلات الرادتهن
امي
ابويه هز راسه وهي
حجت وي اختي
« زينب يمه اخذي علي وغسلي
ايده ووجهه ولا تبللين هدومه
« اي يمه
زينب كامت وكادت علي وراحت
للمغسله
كمت وره ماردت هي ويا
غسلت ورحت اخذت جنطتي من غرفتنا ،،،، ورجعت يم
الصوبه
كعدت وبديت احظر بدروس باجر
اني داكتب، ،،،،سمعت
ابويه كال
« احلام العصر
اذا وكف المطر نروح لبيت
اخويه حمزه
عيوني راحت لامي وشفتها عگدت
حواجبها بضوجه وبعدين جاوبته
« انته روح اني مااكدر،،،،
ابويه عدل كعدته وعاين الها
بترگيز وبعدين حجه
« شبيج ماتگدرين مو هيانج كاعده
چدامي ومابيج شي
«عندي شغل،،،،،ولازم اراجع لهاجر
دروسها
« كمليها وره الغده ،،،وخلينا
نمشي الهم نشوفهم ونرد
قبل المغرب
« عباس
هم ليش مايجون علينا،،اشو بس
احنا نروح ونسأل عليهم
ابويه عگد حواجبه بضوجه وعاين
لامي بعتب وحجه
« ام جعفر
انه جم كتلج بطلي هذا الحجي
ذوله اخوتي الصغار ولازم انه اروحن
عليهم واسأل
«اي بس مابيها شي اذا هم اجوي
بيوم وسالوا علينا
امي جاوبته وهو حجه بضوجه
«استغفر الله يارب،،،،بويه انتي
شبيج ماتملين من هاي السالفه
كتلج انه الجبير ولازم اروحن واسال
عليهم كل فتره
امي سكتت،،،واني ظليت مدنگ
واكتب،،،،هي جانت ماتحب
تروح لبيت عمامي
ولا عماتي ،،،،،من وره تصرفاتهم
والماضي الي،،،،،،ماكدرت تنساه
العاشته امي وي بيت جدي
جنت اسمعه
تحجي مرات لخالتي نعمه من
جنا نروح الهم بالعطله رفض
امي جنت اسمعه
اكثر من مره
وابويه جان ما يرضى
لان جدي وجدتي
من ماتوا وصوا على اخوته
وخواته
عبنه الجبير
وهو ظل وفي لوصيتهم
رغم عمامي
وعماتي مايجون ولا يسألون علينا
الا نادرا،،،،،
ظليت كاعد واسمع ابويه يحجي
بهدواه وياها عبن يضوج من
زعلها
« ام جعفر انه اريدن صله الرحم
وي اخوتي يعني، ،،،اريدن ولدي من
يكبرون يسون مثل ماانه
داسوي
«براحتك عباس،،،،بس مانطول لان
انته تعرف علي يتعب زينب ويظل
يدور عليه
«ناخذه ويانا مانخلي هنا
« لا خلي هنا احسن،،،مااريد
اظل اسمع حجي علي،،،يقهرني
عاين لامي من حجت،،،بقهر
ومن شفت عيونها غورگت،،،،،
درت راسي لابويه،،،الي جاوبها
وهو يهز راسه،،
«براحتج بوويه،،،،
من كامت امي،،،علي اجه وكعد
يمي،،،وحجه كلام اني افهمه
« ورقه وقلم
طلعت اله دفتر خاله اله،،،وقلم
وهو اخذهن وكام يشخبط،،،
ويحجي وي روحه ويضحك
رجعت احل بواجب الرياضيات
الجان،،،صعب كلش،،،،
وسمعت ابويه حجه
« بويه ايوب،،،،ديربالك على اخوك
علي ولاتخلي يحتاج شي تره هذا
مكسور وماله احد غيركم
ابتسمت لابويه، ،،وهزيت راسي
اله وهو عاين لاخويه الجان ينود
ويكتب،،،،،ويضحك ببرائه
وجاوبته
« بعيوني اخلي بويه لاتشيل
همه
جوابي خلاني اشوف ابتسامته
والراحه انرسمت بوجهه
وره دقائق،،،،اجه جعفر
«يله بويه اكعد خلي نشوف المن
نطلب
من صارت هوسه،،،،،يمي
اخذت كتبي وكمت للغرفه،،،وعلي
لحكني
كعدنا اني ويا،،،،على الزوليه
هو التهى بشخابيطه،،،،واني عصرت
مخي حتى اگدر احل المسائل مال
الجبر جنت بالثالث متوسط،،،،
وبكلوريا،،،،ولازم اشد حيلي حتى
اكدر انجح،،،من اول دور،،،،،
كملت الي اعرفهن،،،،،وخليت الباقي
اخذهن من صاحبي
حسين النابغه،،،
رجعت كتبي،،بالجنطه،،،وكمت
وعلي كام وياي،،
،،،،،،،
الغده اجه،،،،،
والاهل تغدوا مطبك سمج،،،،لان
ابويه
لازم كل جمعه ياكله لا مشوي لو
مطبك،،،،
وانه ،،،،،،اكلت تمن وزلاطه
خبط لان،،، مااحب السمج وعلي
هم اكل نفس اكلي
جنت شسوي هو يسوي،،،،
مرات جنت اضوج منه،،،،،لان
يلاحكني،،،،،، مثل ظلي ويقلدني
بكلشي،،،،ومرات اكول علي
خطيه،،،،،،،لان جان محبوس بالبيت
ومايطلع للشارع
من وره خوف امي علي،،،
هي وابويه
وهم ،،،،،من وره نظره الناس اله
والجهال الي،،،،كلما جان يگعد
بالباب
يضربوا ويصيحوله
علي المخبل،،،،،،،،وجانت طلعته
وي ابويه بس،،،،،، من يروح للشط،،،،
ياخذه بسيارتنا،،،،،السوبر
يفره بديرتنا،،،،،ويرجع وهو محمل
كومه حلويات،،،،،ويضحك بفرح
جنت احسه مثل عصفور
ومحبوس
بقفصه،،،، ويريد بس الحريه
وجان محد يفهمه من يحجي
بس امي وابويه وزينب
اختي واني ،،،،،،
اني كاعد بالهول وي اهلي،،،
دنشوف مسلسل تحت
موس الحلاق
الصوره بالتلفزيون،،،،راحت وجعفر
حجه
« ايوب ،،، ماتصعد تفر الاريل هذا
بس لا افتر من وره الهوه وروح
الاشاره
«اي جعفر هسه بس خلي هاجر
تكف بره حتى من تطلع الصوره
تنده عليه
« اي اصعد انته هسه وانه اخليها
تكف بره
هزيت راسي باي ورحت صعدت
للسطح فريت الاريل وندهت
بصوت عالي
«هااا طلعت الصوره
«لااا بعد شويه،،،،
هاجر جاوبتني
وسكتت وبعدين وحجت من
جوه
«ايووب. ،، جعفر يكول على
بيت حسين خلي يفره
فريته بهدواه،،،حتى ماتروح الاشاره
واختي صاحت
« اييي،،،،، طلعت ايوب
عفت الاريل وسمعت جعفر
صاح من جوه
« ايوب ثبته بطابوگه حتى مايفتر
مره الخ
« ايي هسه
صحت ورحت،،،،جبت طابوكتين
ثگلت الاريل،،،ونزلت لجوه
كعدنا كلنا،،،،نشوف
المسلسل،،، الي شگد مانشوفها
مانشبع منها،،،
خربنا ضحك من عبوسي بدل
الدوه. بالعرك
وابويه حجه وهو خربان
ضحك
«ولك عبوسي شلون دگه هاي
راح بيها حجي راضي وبدل ماتطلع
بطنه راح يسگر ويكوم يحجي
شيش بيش،،،
«ههههه اي والله يابويه بس مو
صوجه صوج ابو خمو هو الاخذ
الدوه مال حجي راضي،،،
جعفر حجه وهو خربان ضحك
وابويه عدل المخده وسند ايده
عليها ،،،وكمل
«هههه اي والله صوج خمو بس
براس عبوسي راح تگع
ظلينا نضحك وي ابويه وامي
على سوالف حجي راضي
وعبوسي،،،ومن كملت المسلسل
ابويه كام من يمنا وكال
« يله ام جعفر الجو صحى خلي،
نتوكل لبيت اخوتي حتى نرد من
وكت
«ايي،،،، ابو جعفر هسه
امي جاوبته من كامت ،،،
وصت زينب على
اخويه،،،،علي الجان نايم
يمنا،،،،،،وابويه هم حجه
وي اخويه
« بويه جعفر عينك على اخوتك
انه طالع وي امك،،،ورايح
لبيت عمامك
وعماتك،،،وديربالك على علي
لاتخلوا يطلع احنا مانتأخر
قبل المغرب يمكم ان
شاء الله
« اي بويه،،،،
جعفر جاوبه،،،،،،،،،وهمه طلعوا
زينب وره ماراحوا راحت جابتلنا
لبلبي،،،،،وكعدنا ناكل
ونشوي كستنه
على الصوبه ونتفرج على
البرنامج
،،،،،
المغرب اجوي اهلي،،،،،وجانت
امي مو على بعضها،،،،
وشكلها مغثوثه
مثل كل مره تروح بي لبيت عمامي
من كعدنا على،العشه هي مااكلت
شي،،،وظلت توكل علي
ثريد مال شوربه،،،،،
ابويه هم اكل شويه
وكام لغرفته
عيوني راحت لجعفر،،،،الي
جان متابع الوضع وياي،،،،،،من
سالني شكوو شصاير
رفعت جتفي باشاره ماادري
الموضوع نسينا وره دقائق،،،،،
وقبل لاانام تذكرت، ،،اني محتاج
دفترين واحد للرياضيات
وواحد للقواعد
رحت لغرفه ابويه وامي حتى اخذ
فلوس منه
وتوني اريد ادك الباب وسمعتهم
يحجون،،،وكفت وظليت اسمع
ابويه يحجي بعصبيه
« ولج احلام لوما عيب جان كتلته
بعگالي لهذا حمزه،،،،انه يوكف
بعيوني ويكلي انته معليك
انه مو صغير
واعرف شداسوي وكافي نسكت
عن حگنا
«ابو جعفر وروح عمي جسمي كزبر
من سمعته يحجي على الحكومه
والحزب هذا شجاه هو مو يعرف
اليحجي عليهم شيسون بي
« مدري احلام عگلي ضرب من
سمعته يحجي هيج وخفت علي
وعلينا،،،وعلي لو يسمعوا الا نروح
بيها كلنا ،،،،
«وهسه شلون ويا،،،،اخاف الحجي
يوصل لذوله بالمقر
«باجر اروحن علي واحجي ويا
ولج انه القاهرني حتى باقر واكف
ويا ويحجي مثله
« اي والله وحجيهم يخوف واني
كمت اخاف عليك من وراهم
« بوويه قليلين عگل واكو واحد
لاعب بعگلهم،،،،وعبالهم الحجي
مراح يوصل لذوله
ابويه سكت وكمل وره لحظه
« ربي سترك مااريدن انفجع
باخوتي واريدنها منك تدفع البله
عنا وعنهم،،،،
« امين،،،عباس
امي حجت وانه وخرت من يم الباب
والسمعته افتهمته لان بذاك الوكت
چثير اوادم انعدمت من وره
كلامها على الحكومه
والحزب،،،،
السمعته ماحجيته
لاخويه جعفر
وخليته بگلبي،،،،،ومن تمددت
ظليت افگر بهذا الكلام،،،،،،وبعدين
عفته ومادرت بال،،،،اله
لان كلت مو معقوله عمامي يظلون
يحجون بشي هم يعرفون عقابه
شنوو،،،،
حياتنا مشت،،،،،مثل كل يوم
السبت الصبح
كعدت من وكت
بدلت ملابسي
بقميص رصاصي وبنطلون كابوي
وستره كابوي مبطن بفرو
تريگت،،،،بسرعه
وي ابويه وجعفر،،،،،
وطلعت لبيت حسين،،،،،،،
دگيت الباب وكمت افرگ بايدي،
من وره البرد والضباب الي جان تارس الجو
وره دقائق،،،،طلع صاحبي وهو
ياكل بلفته
« ولك شبيك مستعجل بعد وكت
خلي الواحد يتريك براحته
« امشينا ابو بطن لانتأخر واستاذ
مفيد يصير مضر ويشبعنا رزايل
مثل ذيج المره
« ديطير انته ويا خلي اترس بطني
هسه وبعدين افكر برزالته
« ولك فضها عاد مو جمدت
بهل البرد
« جااايك من خفت هلخلقه
ابد ماتخليني اتريگ براحتي
ابتسمت وحسين،،،،طب لبيتهم
ورجع وره دقائق وهو يعلف بلفه
الخ
«خايب شنهي سالفتك اربعه
وعشرين ساعه بسك تعلف
« ولك ايوب مااشبع واجوعن
بسرعه
« ههه اليكول شاد مگينه جاروشه
ابطنك موش معده،،،
«هههه يجوز مدري،،،،،
سكتت للحظه وبعدين سالته
« حليت المسائل مال الرياضيات
كلها
« اي حليتها كلها وانته
« ظلت جم وحده ماحليتها وبالفرصه
انطيني دفترك حتى احلهن
« اي انطيك بس بشرط تشترلي
طاسه لبلبي من نطلع
من المدرسه
« هههه ادلل ابو بطن ،،،بس هااا
طاسه وحده موش اثنين
حسين هز راسه وهو
يضحك وظلينا نحجي ونسولف
الما وصلنا للمدرسه ،ذبينا الجنط
وطلعنا اصطفينا بالساحه
قرينا
النشيد الوطني،،،واستاذ مفيد
انطانا محاظره طويله عن تحضير
الدروس ورفع مستوانا التعلمي،،،،،
والمحافظه على نظافه المدرسه
والصفوف،،،،وشلون الي يشرد من
المدرسه راح يتعاقب
بالفصل النهائي من المدرسه
من كمل وره دقائق ،،،،
طبينا للصفوف
وبدت دروسنا،،،
،،،،،،
بمكان ثاني
وتحديدا بغداد
جان الزمن يكتب غير
قصه قصه طفوله بدت بالم
وانحفرت بالذاكره كل لحظه مرت
بحياه نازك،،،،،،
طلعنا،،،،،، من المدرسه من انتهى
الدوام
ودمعتي،،،،،، بعيوني ومدنكه
راسي بالكاع وكلام البنات
يتردد صداه براسي
من ،،،،،اجتي الفرصه وطلعت
للساحه رحت كعدت
بجهه بيها شمس حتى ادفي
روحي،،،،،لان جنت بردانه كلش
من شافني،،،،، طالبات صفي
وحده منهن اسمها نغم
صاحت بيه
«امشي ولي منا لاتكعدين
قريبه علينا،،
باوعت عليها من حجت وهي
كملت
«كوومي ولج وصخه ام الهدوم
المشككه وولي من يمنا
جريت صدريتي القصيره
كلش ليجوه وعيوني صارت على
كالوني المشكك،،،وكمت
واني حابسه دموعي كوه
كلام تعودت اسمعه،،،،،
وتكرر هوايه
وجوابي،،، جان البجي والانسحاب
من يمهن،،،،اني مجان
عندي صديقات،،،،،
وعازله نفسي عن اي اختلاط
من وره الكلام الي جنت
اسمعه،،،،،،
من وصلت،،،، فرن الصمون الي
براس،،شارعنا
عثرت ووكعت كمت كوه
واني ابجي واشهك،،،،،،،،
«الله يابه خوما تأذيتي،،،
سمعت صوت،،،،،،،عمو شهاب
ومن لزمني وكام ينفض
بصدريتي زدت بالبجي
وهو حجه بحنيه
« كافي بنيتي لاتبجين
وتعالي غسلي هذا
وجهج الحلو
اخذني للبوري اليم فرنه غسل
وجهي وحجه
«ليش ملابسه ستره شلون امج
طلعتج بهل البرد والمطر
غصيت بالبجي ومسحت دموعي
وخشمي بردني
ومن ردت امشي من يمه
هو حجه
«بسرعه روحي للبيت تره راح
تمطر
هزيت راسي،،،،ومشيت بهل البرد
واني ارجف ومن كامت تمطر
خليت جنطتي على راسي
وكملت مشي،،،،،بسرعه
قبل لاواصل بيتنا،،،،،،شفت
سفيان ابن جوارينه،،،،،
طلع من بيتهم
وهو شايل شمسيه
جان الشارع فارغ،،،،ومابي احد
هو شافني،،،،، ابتسم واجه عليه
ووكف گدامي وخله الشمسيه
عليه وعلي وحجه
« هاي شصاير بيج،،،هدومج
كلها مبلله
حجه ومد ايده على جسمي
ولزمه بقوه من جهه صدري،،،،
رجعت ليوره وخليت ايدي على
جسمي وباوعت علي بخوف وهو
حجه وهو مبتسم
«لاتخافين مني نازوكه
تره اني احبج
حجه ولزم خدي،،،،وكمل
«تعالي وياي خلي انشف
هدومج
بيتنا،،،
سكتت ومن لزمني وراد ياخذني لبيتهم ،،،،سمعت
صوت اخويه ليث
« ولج قندره
شكوو واكفه هنا ماطبين
للبيت ماتشوفين السما شلون
زختها مطر
سفيان من سمع صوته وشافه اجه
علينا عافني واني مشيت للبيت
وره اخويه الجان جاي
وراي
اني ويا جنا ندوام سوه بمدرسه
مختلطه هو بصف السادس ابتدائي
واني بصف الثالث،،،،،، هو
مجان معترف بيه كاخت
وجان ياذيني ويضربني
ويحرك امي وابويه عليه
لاتفه سبب،،،،
طبيت للبيتنا
وكالعاده امي جانت
عصبيه وبس تدردم وتحجي
« يله بسرعه بدلي هدومج وامشي
الزمي اخوج تره تعبت من الشغل
ومن طلباتكم الماتخلص
ماكلفت نفسها تباوع
عليه ،،،،،،،،،،،،ولاشافت
هدومي المبلله ولا اثر الجرح بايدي
وبرگبتي وبس همها ابدل واروح
اساعدها بالشغل
رحت للكنتور فتحته،،،،وضميت
روحي وره الباب بدلت
هدومي ،،،بسرعه
لان جانوا كلهم كاعدين،،،،،بغرفتنا
العايشين بيها
بيت جدي،،،وجان عمامي الاثنين
ويانا،،،، مزوجين وزواجتهم
مايحبون امي
رغم هم اقرباء ويوميه
جانت تصير
مشكله بينهن،،،،وابويه وعمامي
يذابحون ،،،،بيناتهم من وراهن
بالاضافه لمشاكل امي وي ابويه
الي من فتحت عيوني
ووعيت للدنيا
هم اربعه وعشرين ساعه
متعارگين وماكو اي تفاهم بينهم
خليت هدومي يم الصوبه
حتى تنشف
وليث اجه وشالهن وشمرهن
بعيد
« هاي ليش،،،،سويت هيج
« اسكتي ولج صفيره
من صاحني هيج،،،،
وهذا لقب طلعته امي
علي وكمت
اسمعه منها ومن ابويه
من يصيرون
اعصاب وليث بالبيت وبالشارع
كام يصيحني بي
ضجت منه جاوبته
بحقد
« صفيره ولا سوده مثل
وجهك
اني حجيت هيج هو لزمني
من شعري
وكام يضرب بيه على راسي
« اييي عوفني چلب ولج يمه
الحكيني
امي اجتي وجرت ليث مني
وهو غلط عليه وضربني برجلي
جلاق اجه بصفحتي
«ولك كافي وعوفها ،،،،
ولج شسويتله
من الله لاينطيج بعد ما طبيتي
تعارگتي ويا
امي حجت هيج
وجرتني من شعري،،،،،من حلاه روحي لزمت ايدها
وكمت اتوسل
بيها
«يمه عوفيني هو التعدى عليه
شبيج وياي انتي ليش
ماتحبيني
حجيت هيج وهي ضربتني
على حلكي وطلعتني
بالطرمه وهي تسب بيه
« انعل ابوج لابو اليريدج يادايحه
من ساعه السوده الشفت خلقتج
بيها لو ميته حالج حال
خواتج ولا ضاله عله
على قلبي
«يمه هوو الضربني اني
ماسويتله
شي
«ااانجبي ادبسسز كل الصوج منج
انتي ام المشاكل ليث ماعلي
بيج ولا يضربج الا انتي
تتحارشين بي
صاحت بيه وضربتني على
راسي ودفعتني على الحايط
وطبت وقفلت الباب وراها
كعدت على الكاشي البارد
وكمت
اشهك وابجي واسمعها شلون
تغلط وتفشر عليه
دفنت وجهي بين رجلي
وكمت ابجي
بصوت قوي واردد وي
نفسي كلام تعودت اكوله بكل
مره اشوف قسوتها وياي واذيتها
الي
«امي ماتحبني وتحب بس ليث
واخوتي الباقين،،،اني مو بنتهم
اني يتيمه
جنا اربع ولد وبس اني
البنيه بنصهم
ليث الجبير ووراه بنيتين
ماتن هن صغار وراها
امي جابتني
ووراي،،،بكم سنه جابت
قيس وفارس ،،،،،وعمر الصغير
اخوتي جانوا مدللين يمها هي
وابويه،،،،بس اني جنت
ماشايفه منهم
غير بس الاذيه،،، وعدم الاحترام
وجانوا مقصرين وياي بكلشي
جنت من اصفن على
روحي واشوف باقي البنات
شلون يلبسن وشلون
امهاتهن معتنيات
بلبسهن وشعرهن والمصروف
بجيبهن واللفات
يطلعنها وياكلن بالفرصه،،،
ابجي بمكان محد يشوفني بي
لان اني جنت محرومه من كلشي،،،
ابسط الاشياء مجانت عندي
وكل يوم جنت اطلع بلا ريوك
ويظل الجوع ياكل بيه للغده،،،،،،
جان اليشوف ليث ولبسه،،،ومصرفه
يكول مستحيل
اني اخته لان جان اختلاف
جبير بيني وبينه،،،
وهو جان يستنگف يكول عليه اني
اخته،،،،،ويضربني باي مكان
يشوفني بي
ويتعمد يجرحني بالكلام
وامي ،،،،،،جان تعاملها اسؤ
تعامل
مو،،،،،كل بنيه وحيده تشوف دلال
يم اهلها وخصوصا من امها لان اني
شفت عذاب وعشت ضيم وقهر
ماشافه احد
وره نص ساعه
ابويه اجه من الشغل
جان يشتغل بمطعم اول ماشافني
حجه بضوجه
« هااا ولج اشو كاعده هنا
شمسويه،،،ام الفواين
مجاوبته وكمت بخوف
وهو دك الباب
من شافه مقفول
جان غرفتنا ديوانيه بيت جدي
بابها على الطرمه الخارجيه
والباب
الخ نطلع منه على جوه البيت
امي فتحته وهو حجه رأسن
« شمسويه هاي ومطلعتها بره
« بعد مااجت من المدرسه
تعاركت وي ليث وضربته على
عينه
« ولج ادبسسز ليش تمدين ايدج
علي اخوج الجبير،،،اكسرها
الج اذا بعد تعيديها
رجعت ليوره من شفت عصبيته
وجاوبته بخوف
« يابه والله ماضربته هو الي
ضربني
«يابه ليث هو الضرب ناز
بالاول
اخويه قيس من حجه امي دفعته
جوه وحجت بعصبيه زايده
«انجب ولك وطب جوه
بارده عليك
وانتي سليمه امشي طبي خلي نصب
الغده
قبل لااطب صاحت بيه
« شيلي حذاء ابوج وخلي
بمكانه من الله ياخذج شنو اظل
اعلم بيج،،،وانتي ماتتعلمين
شلته واني ساكته وخليته بمكانه
ورحت گبل يم الصوبه،،،اريد ادفي
روحي وعظامي الكامت ترجف
من وره البرد، ،،،ليث جان متمدد
على جربايه امي
يباوع عليه ويضحك من
جوه ليجوه والخبث جان مبين
بوجهه
مادرت بال اله وابويه صاحني
« نازك اخذي الستره مالتي وخليها
يم الصوبه حتى تنشف
«نعم يابه
هذا جان جوابي لابويه الي اذا جنت
اجاوبه باي يخزرني بعيونه
وتجيني ضربه منه
جنت احس روحي
خدامه الهم مو بنتهم،،،عيوني
راحت اله
وشفته شلون كعد وخله
اخويه الصغير عمر
بحظنه وكام
يبوس بي ويحجي
« يروحلك،،، فدوه البنات ،،،
هن واليحبهن،،،،،
عيوني دمعت،،،،ووجع
صار بمعدتي من سمعت كلامه
ابويه جان،،،، مايحب البنات
وجان يكرهن،،،ومن يسمع بوحده
من گرايبنا جابت بنيه يضوج
ويظل يسب بخلفه البنات
وعنده الولد معزز مكرم
وطلباته تجي،،،ليمه
تفرقه جبيره جنت
اشوفها بعيوني بكلشي،،،،،
وجنت اسكت لان اخاف من اذيتهم
الي
مشيت واني مدنگه ودمعتي
بعيوني،،،،
من صاحتني امي،،،
جبت الخبز،،،وخليته يم الصوبه
والمي وراه،،،،رغم ضعفي وجسمي
الناعم جنت اشتغل شغل مال
كبار،،،،اغسل مواعين وانظف
الغرفه والم الهدوم من
الحبل واصفطهن
كلمن بمكانه
والزم اخويه الصغير
من امي
تطلع يم الجيران وحتى
ابدل لقيس ولفارس ولعمر
،واغسل الهم
جانوا يحبوني ويموتون عليه
عكس ليث،،،
الي ماشفت منه بس الاذيه
والكره
على الغده اخذت ماعوني،،،،جان
تمن وفوكاه سبيناغ،،،،،،
وكعدت بعيد وكمت اكل،،،،
« كملي غداج
بسرعه واغسلي المواعين
واياج اشوفج غاسله مواعين ذيج
العگرب،،،،مرت عمج
التحفه
هزيت راسي باي،،،وابويه حجه
« خير خيريه شصاير،،،،
«مرت اخوك عامر،،،،ماتقبل
اركب الغده قبلها،،،،وسوتلي مشكله
من الصبح واخوك وكف وياها
ورزلني
«اي مو البيت بيت ابوها
حتى تتحكم بيج والله انعل شيب
الخلفها اذا حجت وياج بعد
واخويه وياها
« ابو ليث لاتحجي ولاتسوي
مشكله اني تره مليت ،،،
جيبلي طباخ لوحدي
اخلي بالمطبخ حتى اخذ راحتي
ومحد يحاسبني
« اي ادللي،،،،اجيبلج
بس اصبريلي،،،،،للجمعه حتى
اشوفلج واحد منضدي،من
الشورجه
«براحتك بس المهم يجيني
واخلص،،،،، من هاي الشكول
ويومن،،،،،، اطلع بيت وحدي
حالي حال اختي سجوده
واخوك خاطر
« الله كريم
ابويه جاوبها،،،واني بس كملت
شلت ،،،،،اخويه عمر غسلت اله
ورجعته لامي الي
رأسن حجت
« غبيه ثوله شكو مبلله ردنه
عميه ماتشوفين من الله
ياخذج
« رفعتها ليفوك،،،من
غسلت اله
« لاجاوووبين امج ولللج
ابويه من صاح بيه وخزرني
سكتت وهي حجت
«امشي بدلي اله لايتمرض
من مديت ايدي لاخويه
ابويه
ضربني على راسي وصاح
« غبيه فاهيه ،،،،،،انتبهي مره ثانيه
من تغسلين لاخوج من
عابت هالخلقه
الصفره
دموعي نزلت وماباوعت لابويه
لان اعرف اذا خليت عيوني بعيونه
راح يكون عقابي،الضرب
اخذت هدوم من السله،،،،
وحصرت اخويه الجان
عمره سنتين
ونص بين رجلي
نزعته هدومه ودمعتي
بعيوني وبدلته اله،،،،وهو جان
يحجي ويضحك الي من وكفته
باسني وقيس الجان عمره خمس
سنوات هم اجه وكعد بحظني
وباسني،،،،وحجه
«ناز احبج
ابتسمت اله،،،،وحظنته وي
فارس من اجه،،،،،،،وكمت
ابوس بيهم
وره دقائق فرشت،،،الهم
وامي اجتي تمددت يمهم وابويه
راح تمدد على الجربايه وليث
ويا،،،
رحت للمطبخ،،،،،خليت التخته
وصعدت عليها،،،،حتى اكدر اوصل
للسنك،،،،وكمت اجلف بالمواعين
جنت نظيفه،،،،ودقيقه بالشغل من
اني صغيره،،،،،،كملت جلف المواعين
وخليتهن بالصينيه حتى ينشفن
وطلعت من المطبخ ورحت
للغرفه مالتنا،،،،
طبيت وكعدت احل بواجبي
يم الصوبه،،،،،مجان احد يساعدني
بدراستي واني اعتمدت على نفسي
جم مره ابويه،،،،راد يبطلني
بس خالي كريم جان
مايقبل ويحجي
ويا ويقنعه مايبطلني،،،،
عمامي وخالي جانوا يحبوني
وخالي الوحيد الي،
تعلقت بي،،،،لان
اجان يحبني كلش،،،،،وهو
الي سماني اسم نازك،،،،،،
لان جان يكول عليه،،،،انتي نازكه
وحلوه،،،وهسه من تكبرين
تصيرين تخبلين،،،
جنت ابتسم بخجل من اسمعه
يتغزل بيه،،، وهو جان من يطلع
ياخذني ويا،،،،،يشتريلي حلويات
وقرطاسيه ومن يسمع امي
ترزل بيه وتضربني،،،،يصير عصبي،
ويكوم يحجي عليها،،،،
وهي،،،، جانت تخاف منه وتسكت
وتظل تتحلف بيه بالختله
وصدك بس نرجع للبيت تملخ شعري
وتكتلني كتل مال كفار،،،
ومايفكني منها غير مرت
عمي الصغير
الي ادكوم تحجي عليها وامي
من عرامتها تسوي وياها مشكله
وتطردها من غرفتها،،،،
حياتي جانت ماساه يم اهلي
وجنت رغم صغر عمري
اتمنى الموت
حتى اخلص منهم،،،،ومن
عذابهم
،،،،،،،،،،،،،،،
شهر مر واجتي العطله
مال نص السنه،،،،احنا متعودين
بكل عطله ابويه ياخذنا،،،،كلنا لبيت
جدي بغداد،،،،طلعنا من الفجر
حتى نوصل من وكت،،،،
جنت متحمس كلش وفرحان لان
راح اروحن لبغداد،،،،
اني جنت احبها واموت عليها،،،،
وبس اوصل،،،،الها اخذ شمه
هوه بنفس طويل واذبه،،،
جنت احس
حتى هواها حلو،،،،، مو بس هي
الشوارع نظيفه والمرور بكل،مكان
وحرگه الاعمار جانت مبينه بكل ركن
وزاويه،،،،،
جان شعار الحكومه بذاك الوكت
يعمر الاخيار مادمره
الاشرار
عيوني جانت تعاين بفرح للشوارع
ووللناس،،،،،، وامي تظل تعلم
بينا على الشوارع والساحات
الي نمر من يمها،،،،،،
من افترت السياره من
يم ساحه
ابو جعفر المنصور امي حجت
« ياولد شوفوا تمثال
ابو جعفر المنصور
تره هو اسس مدينه بغداد
«هههه اي يمه نعرف لان كلما نمر
من يمه،،،،، ادكولين هذا الكلام
وتره درسنا بالتاريخ وحتى اسمي
نفس اسمه
« ههه عابتلك جعفر دخليني
اصير ذكيه شويه براسكم
ابتسمت من سمعت كلام امي
وابويه جاوبها بضحك
« معليج بيهم، ،،ذوله مزعطه
مايريدون يتعلمون احجي
وياي انه اريدن اتعلم
« بعد گلبي الي يفرحني
ومايفشلني،،،اتعلم من ابوك يول
وشوفه شلون يجامل بالحجي
ومايفشل الواحد
« ههههه
كلنا ضحكنا وهي حجت
وره دقائق
« ابو جعفر
«عيون ابو جعفر امري
«مايامر عليك ظالم جنت اريد
اروح لشارع النهر حتى اشتري
ملابس الي وولولد والبنات
شدكول
« اي ادللي ،،،شوفي
شوكت تردين ترحين وانه
اوديج
« مو اليوم لان مانلحك بس
باجر نطلع
وره الغده اني وياك ونعوف
الولد يم اهلي
«براحتج بويه،،،،
بيت جدي جان بالمنصور،،،،،
من وصلنا شفنا ابن خالي قاسم
عدي الي اصغر مني بسنه
ديلعب،،،،طوبه هو واصدقائه
اول ماشاف سيارتنا وكف وعاين
النا بتركيز وبعدين ضحك واشر
النا بايده وعاف اللعب ووكف
على يم باب بيتهم ،،،،،اول وكفت
السياره
مد راسه من الجامه وخربط شعري
وحجه بضحك
«ولك من الصبح كعدت وظليت
انتظركم بره ومن شفت سيارتكم
ماصدكت اجيتوا اخيرا
« هههه لا صدگ اجينا اخيرا
حجيت بضحك ونزلت وهو حظني
وبوسني وكال لابويه من
نزل وراي
« الحمد لله على السلامه
عمو عباس،،،
« الله يسلمك عدي
ابويه بوسه ووراه امي،،،،
وهو طب بسرعه حتى يكول
لبيت جدي احنا اجينا،،،،
امي طبت واحنا وراها وحجت
من شافت ابويه وكف بره
« عباس فوووت،،،،
« اخذيلي طريق حتى اطب
«هههه طب عيوني قابل انته
غريب
امي حجت بضحك وجرت ابويه
من ايده،،،،
راحه نفسيه جنت اشوفها بامي
من تجي،،،،، لبغداد ووجهها يورد
وتظل بس تضحك وتشاقه وي
خالي قاسم،،،،،،، وخالتي نعمه
الجانت تجي،،،،هي
ووبناتها وابنها
لمه حلوه والكعده تصير بعد احلى
بوجود جدي وجدتي الي جانوا
يفرحون بينا،،،
جانوا يحبون ابويه،،،،ويحترموا
كلش ويحبون امي لان هي
الجبيره ووراها خالي قاسم
وخالتي نعمه،،،،
بس طبينا،،،،،من باب الكليدور
جدتي اجتي علينا وهي تهلي
« كل الهلا يبعد جدتكم ،،،،
بوسنها كلنا وهي حظنت امي
وكامت تبوس بيها،،، بلهفه
هي،،،،وعلوش،،،
« هلا يمه نورتي بيتج كل الهلا
حجت وابويه طب ومن راد يبوس
راسها ماخلته وهي بوسته
من خده وهو حجه
« شلونج عمه عساج بخير
وعافيه
« مادام شفتكم اني طيبه وبخير
حجت واجتي مرت خالي
وسلمت،،،
وره دقائق،،،،كعدنا وجدتي
ظلت تسال بابويه على عمامي
وعماتي،،،
وانه كمت وي جعفر وعدي،،،
وطلعنا للسياره،،،،،نزلنا صوغه بيت
جدي،،،ووطببنها جوه
جان مخضر ومواد غذائيه وحلويات
بعلب
«ولك هاي شنوو. عبالك جايبين
الاسواق مالتكم كلها
عدي حجه بضحك وفتح علبه
نستله وكام ياكل
عيوني راحت لشجره التگي
الجانت يم باب. بيت جدي
،،،،الهوه جان
يلعب بفروعها،،،،،ابتسمت
وحجيت،،،وياهم
«بلكي نكدر نجي بشهر الخامس
حتى اكل من تكي مالتها لان
مايتفوت
كلام كلته والزمن كتبلي اجي
لبغداد واظل بيها عمر
بِقِلَمَ أّوِتّآر حٌزِّيِّنِهِ