أنتقام الضابط نمر
الكاتبه الاء محمد
لاتسوو التصويت +متابعه الحساب✅
ـــــــــــــــــــــــــــــــــــــــــــــــــــ
ميرهان...
في بعض الاحيان ندفع ثمن اشياء لم
نقترفها وندفع ثمن ذنوب ليست ذنوبنا...
وندخل في متاهات معتمة لانعرف الى اين ستأخذنا لكن في النهاية هناك معركـة اما
نربحها او نخسرها ولا مجال للأستسلام فيها
ـــــــــــــــــــــــــــــــــــ
ميرهان _ نمت وكعدت تقريباً
بـ 4 الفجر
صليت وكعدت افكر بلجاي
بعد يومين واصير يمه
بعد يوميين ونصير اني ويا بمكان واحد
للحظه تذكرت الي مريت بي والأفكار
داهمت عقلي
ليشش هيج سوا !!!
معقولة ما حبني!!
لعد ليش يكلي گمر گحلية!!!
وشنوو تفسير ألمعه الي جنت
اشوفها بعيونه!!!!
هوو مو يسميني بنيتي
شون يكدر يأذي بنته
مو يكول لو اخر يوم بعمري ما خلي
احد يأذيج
ولا يبچيچ
مو يكول الي يبچيچ الله ما خلقة!!!
معقولة كله چذب بچذب كله تمثييل!!!
نزلت دموعي وسط متاهات افكاري
مسحتهم بقووة واني اقوي نفسي
واكول النفسـي لااا ميرهان
لاا مستحيل تضعفين مستحيل
اصير مثل مايريد هو
انتي رايحه تنقذين اخوج حبيبج
وهو كل الي يريده يبعدني عن أهلي
بعد شيريد اكثر
بقيت وسط افكااري
لحد ما ندك الباب
ودخل اخويه حسان وبابا
بسرعه جريت حجابي
وكلولي صباح الخير
اجه بابا باسني براسي
ابو حسان _كبرتي بنيتي
وصرتي عروس والله
ما ريد اطلعج مني بس شسوي
هاي قسمتج
واني متأكد الولد يحبج بس هو دمه
فاير على أخوة وهاي اني اكلج شوكت
ما يضوجج لو يسمعج كلمه بس دكي
عليه واني اجي اخذج
ميرهان _ هزيت راسي
واني بـ داخلي مكسورة
حسان _بويه انتي صرتي چبيرة
والمرة الزينة هيا التكسب الزلمه
وانتي اريدج كدها والله مابيدي شي
بس شسوي هاي أنتي حبيتي النمر
وهو يحبج وصح جانت نيته أنتقام
ولحد هسه نيته أنتقام بس الله يصبرج وايصبرنا واني اوعدج اذا صار شي او مس شعره منج اخذج منه واحرمه منج كل العمر
ميرهان _ بست ايد بابا
_ لا تخافون عليه
واني ادري بـنمر يحبني
واني بداخلي صرخاات ألم متكررة
تمنع تصديق الواقع على أمل
انو اكعد من هل حلم المر الي
بي لوعه گلبي بسس اخخخ
ما كلشي نريده يصير ولازم الحياة
تنطينا مطبات وصدمات حتى نقوة
نزلوو واني نزلت وراهم
لكيت ماما محضره الريوك وصبا موجوده وفرح هم والجهال صايره هوسه
اخر ايامي اهنا بوسط اهلي وضحكاتهم
وحنيتهم وحنانهم شكد
ما تعيشين يم اهلج يمكن ما تمليهم
لان الأهل لا راح يكرهوج ولا أنتي
راح تكرهيهم وشما غلطتي حيكونون
هما السند الج وشما
طولتي يمهم تتعلقين بيهم أكثر
بوستني صبا وكلتلي
صبا _ حجزتلج يم الصالون ونمر ما قبل
أله بلصالون الي يعرفها هو وهسه شويه
ويجينا
ميرهان _ اني سمعت اسمه
لوو روحي طلعت
معرف شون يتفقون ويخططون
واني مثل العبه يكلولي سوي هيج اسوي ويحركوني بكيفهم
فرح _بااعي ميرهان ديري بالج تخليهن
يلعبن بحواجبج لو يخففنهن فد نوب
صبا _ لاا عيني اني اروح وياها
وبعدين نمر
كال ممنوع تكص شعرها
ميرهان _ اباوعلهم يحجون واني ساكته
كلت بكلبي هيا ضلت على شعري وما تحكم
بي هي بس هااي بقت
تريكت وصعدت ابدل لبست صايه طبعاً
من صارت وياي الحادثه لحد الأن مالي نفس بلبس اني ماما كلما تسافر تجيبلي صايه
وبابا جايبلي من الخليج
هم فـ عندي هواي صعدت فرح شافتني
وكلتلي
فرح_ تعاي اخليلج شويه مكياج
ميرهان _ ماريد
فرح _تعاي ومعليج بس شويه
قابل تروحين بصخامج هذا
ميرهان _ شبيج ماريد والله
لفيت الشال على ركبتي حتى ما شوف
الأثار وكعدت علميز خلتلي مكياج خفيف مسكارة وحمره بناتيه
_ شنوو هاي تره اني بيضه
شنو مخليتلي مكياج طالعه چني چن
فرح_ امداج يلعايبه هسه بس تعرسين
وضلين بهاي سوالفج يزوج عليج
ميرهان _ كبل كلت بكلبي أميين
وأخلص منه
صعدت صبا وجايبه وياها
جنط سفر
_ هااي شنو
صبا _نوخر بيها ملابسج
ميرهان _ هاي هيج مستعجلين
صبا _ حبيبتي ترا باجر الحنه يروحي انتي
يله لحكيني نمر خابر أمي
وكللها شويه واكون يمكم
ميرهان _ طلعوو ولبست شيله
ماروني وحذاء شويه كعب اسود
ونزلت واني اصلاً متوجعه كووة أمشي
من وره هل حقير واحس شي دينزل
عليه حار وصلت للمطبخ شافتني أمي
ام حسان _ يله حبيبتي وصل نمر
ميرهان _طلعت للحمام
وشفت طايح عليه دم
اطلعت كعدت على كرسي
وماكو احد بلبيت بس نسوان
ام حسان _ هاا ميرهان يله كومي
ميرهان _ شافتني اتلوه كالت شبيج ماما
_مابيه بس دايوكع دم شهكت
وكالت الشهريه
_ لا مو موعدها
طلعت امي وشويه
وشفت نمر دخل حسيت دمي
نشف ويبست
_كومي اوديج للمستشفى
كمش ايدي يريد يسندني
جريت ايدي من عنده
والتفتت الماما
_ماما خابري بابا يجي ياخذنه عفيه
نمر _شنووو اني ما اصرف
بكيفج يله امشي كدااامي
_ ما امشي ومابيه شي مو تجرح
وداوي يله عوفني بحالي
ام حسان _ شبيج يمه امشي
أجتي صبا وسلمت على نمر رد السلام
جاان بااارد كمش ايدي
_ يله أمشي
ميرهان _ سحبني وراه وصلني لسياره
فتح الباب وكلي صعدي
_ ماروح وياك فهمت تعرف شنو
مااااروح وياك
كاام يستغفر ويتئفئف
نمر _ بابا بس اوديج للطبيب
ميرهان _ اني الوجع موتني
ما اكدر اوكف حتى
_عووفني اني أرروح
اجتي امي
_ يالله بنتي صعدي
ميرهان _ دخت وما شفت أي شي
غير جلبت بقميص نمر
صحيت اني بلمستشفى معلكيلي مغذي ونمر واكف يحجي ويا الدكتورة واسمعها تكله
_ أنت مغت*** مو زوجها
لان لو صدك تحبها
وتخاف عليها متئذيها هيج
بقيت اسمع الكلامهم اخير شي
شوفها العقد مالتنه ومدري شحجو
واني كوة اشوف
الواحد ثنين غمضت عيوني
وما حسيت بشي بعد
فتحت عيوني نص ونص واني لسه
بلمستشفى وماما ونمر واكفين يم راسي والدكتورة تحاجيني كلتلي
_هسه صرتي زينة حبيبتي
_ هزيت راسي وكعدت عدل
والدكتورة كالت النمر
_ صارت زينة تكدرون اطلعوها ولا تخلوها تشيل شي ثكيل ولا تتقربلها كم يوم لحد
مصير زينه
ميرهان _يبووو أني هنا ضعت بهدومي
سندتني أمي راد يكمشني نترت ايده
ومشيت وصلنه للسياره فتح الباب
وصعدت وامي صعدت بصفي خليت راسي
على جتفها وبدت دموعي لا أرادي تنزل
حتى هو لاحظ يباوعلي بلمرايه وكف السياره
ونزل جاب مي ومعلاك شوي وماعرف بعد شجايب كال الأمي
_ وكليها لان تحتاج تقوي دمها
_ اني بقيت ساكته وصلنه
زنزل فتح الباب ونزلت
نمر _اوكفي احجي وياج
_ ماما يله نروح
ام حسان _ حبيبتي بين ما افتح الباب
شوفي شيريد
ميرهان:- اني مالي خلك حتى اعاندهم
نمر:- شوفي زواجنه عكب باجر
باجر الحنه ورها العرس العصر
اجيبلج الصالون للبيت ماريد اي تأخير
_خلصت
_لازم تتعودين على حياتج الجديده
وياي وتغيرين سوالف الجهال زين
_عفته ومشيت
دخلت للبيت اول ما شافتني
صبا وفرح اجوي بوسوني وتحمدولي
بلسلامه صعدت الغرفتي رتاحيت شويه
واجني جايبات الشيره صبا وفرح
كتلهن هاي شنوو
_ يله ماضل وكت شويه وام الصالون تجي تحفلج والبدلات توصيل من اربيل نمر مختار على ذوقه
_ أهوو اني شكوو عليه
بس اصير عروس واستاذ نمر متولي الأمور
فرح:- ايي عيني غير يموت عليج ويحبج
هو شوو كل شوية يخابر أمج يسئلها عليج
ميرهان _كلت بكلبي ماتدرن كلشي كله تمثيل ماكو شي حقيقي
بدن يسولي شيره ويضحكن ومصدكات
هل فلم صارت الساعه تقريباً بـ 3 وأجتي
ام الصالون و وياها غراضها شافتني وبقت صافنه وكالت والله مرت الضابط صدك
خوش منقيها تنقي
صبا _ ايي عيني هو على حب ماخذها
_عوجت حلكها وكالت حضوض
ميرهان _ على شنون حضوض على نمر؟؟
_عيني متدرين هذا الف وحده تتمنى
منصب وجاه وجمال وفلوس
طاكين شتريدين بعد
ميرهان_ كلت بكلبي السعادة بيش الكيلوو
حفتلي حواجبي شمرتهن واني حواجبي
ثخانفـ من سوتهن بقت صافنه بوجهي
وعيوني كالت
_ اني مره وهيج اباوعلج
الضابط شيسوي
ميرهان_ ضحكن كلهن
اني بقيت أتئفئف
_كملي يله حبابه وجهي يحركني
الدور رجعت الشعري
_ عيني ست ميرهان أبو شهم يكول
ممنوع تكصين شعرها
ميرهان_ كصي كووله عسه
ما ازينيني صفر
ذني عبالهن اشاقة ميتات ضحك
ميدرن احجي صدك شكو شي يحبه
نمر راح اكره سويت شعري خصل سلڤر
ومن شفت وجهي بلمرايه صدك طالعه اخبل
سوتلي منظفات وتقشير لعبن بيه طوبه
ياخذني منا يرجعني منا شافتني امي
هلهلت
ام حسان_ صلووووات شهل گمر
ميرهان _ ابتسمت
خلصنه الساعه بـ 7 وراحت أم الصالون
ما قبلت تبقى على عشه شويه وصار أنقلاب
بلبيت نسوان عمامي والبنات شويه يركصن وشويه يسئلني اجتي نباء كالت
_ هاا ميرهان راح تعوفيني
باتن يمنه
نصهن ونصهن مشن
ما نمنه لحد الساعه 2
كعدت ثاني يوم ورغد وشهد وعنود ونباء والبنات صايرات بغرفتي مثل الدود
وفوك كل هذا تارساتها جياس
حب ونساتل وجبس
بااوعت الغرفتي ودعت عيوني
هاي هي راح افاركها هنا مكان
حزني وفرحي اذكرت
مره من بابا غير ديكور بيتنا وكلي اختاري ديكور غرفتج وسويتها تصميم اميرات بابا كلشش مدللني وعلاء ماكوو منه اووف والله مشتاقتله واريد اشوفه احضنه يوميه ماما اسويله اكل وتودي بيد بابا
تكول أبني حبيبي يحب اكل ايدي
علاء ماكوو منه طيب وحنون ولا مره اذاني بكلمه جان يجيبلي اي شي اريده
دخلت عمتي سماح وعمتي سرى يكعدن بلبنات وشافني اجتي كعدت عمتي سرى يمي كلتلي
_ كومي حبيبه كومي بدلي وحضري روحج حتى تروحين للصالون مابقى وقت وحاجزين والحنه بـ 4 يله حبيبتي كومي
ميرهان_ طبعاً الحنه راح اصير بلقاعه
حسب طلب استاذ نمر
_عمه ماريد اعوفكم
_ حبيبة وين عايفتنه قاابل شوو هاي انتي شمرت عصه بس تكولين أخ احنه يمج
بعدين يملعونه وين لكيتي هذا الضابط
العيون والخَلجة شمحلاته چنه العافيه
دحكي عليه زين لا يروح منج
ميرهان_ عمتي تعايشت وي اهل ديالى
عدهم كلمات شويه مختلفه
_ ايي عمه أن شاء الله
كعدن نباء ورغد والبنات اجن
صارن دايره عليه كالت ريم
_ميرهان العرس يرادله جهد
وأنتِ فاهيه
_شنووو!!!
كامن يضحكن حجت عنود
_معليجن من السكوت وراه دكايك
ضلن يضحكن وصارو يبدلون
ديرحون لصالون
صبا:-٠يااا صدك لسه ميرهان لج كومي يله
البيت انملى نسوان عمامي وخوالي
من الحله اجوي همين وخالتي من البصرة
سلمت عليهن ويباركلي ويهلهلن وفرحانات
واني مايمي الفرح اصلاً لبست صايه وحجاب
ورحت للصالون الي اختاره نمر
الاخ يختار وعليه التنفيذ والله يالله
مصدك نفسه والله اخلي يندم لان ازوجني
اجه اخذنه نمر طول الطريق وهو خازرني بلمرايه ومشغل اغاني وفرحان
ولايمه السالفه اصلاً
وصلنه للصالون نزل البدلات
انطاهن الصبا دخلنا كتلهن اريد مكياج
هادئ اذا هوسه اخليجن تعيدنه
سمعتني بنيه داتحف التفتت عليه وكالت
_ لا حبيبتي هذا الصالون يخبل شغله
يعجبج أني زوجي ضابط ودائماً يحب
التغير الي اسوي بشكلي بهذا الصالون
ميرهان_ ابتسمتلها مجامله
الابنيه الي تشتغل كلتلي حبيبتي
بس اكمل حفافه لهاي الابنيه
واجي ابلش بيج
_براحتج
ألتفتت صبا للبنيه الي حجت وياي
_ أيي عيني اختي هم زوجها ضابط
وهو الي اختاره
_ هاا ما شا الله هيه البنيه حلوة
كالتلي
شسمج ياحلوة
_ميرهان
_ هااحلو
_اني زهراء
ميرهان_ اشرفت بيج
زهراء_ شسم زوجج
ميرهان _ كلت بكلبي استغفر
الله شكد تسئل
_ نمر
زهراء_ شنوو نفس اسم زوجي
ميرهان _ ابتسمتلها وكتلها.. اهااا
زهراء_ زوجي كل النسوان تتمنى
العيون رصاصي والطول العضلات
ميرهان _ احسها تقصد نمر بكلامها
_هاا تمام الله يحفظه الج
صبا_ ايي عيوني حتى رجل ميرهان عيونه رصاصي والعضلات والكشخه حتى اخذها
عن حب
زهراء_ معقولة هيج صدفه حلووة
لو شنوو
ميرهان_ حبيبتي اذا خلصتي كلامج خليه الابنيه اشوف شغلها ما فارغتلنه
زهراء_ اني كملت تعاي كعدي
ميرهان_ مادري ليش احسها
تتقصد بكلامها نمر شنوو يعني!!
معقولة صدفه ايي ليش لا صدفه عادي
تصير بلشت تمكيجني طولت بلمكياج والتسريحه ساعتين متت تعب
طبعاً طلعتني غير شكل لمن شافني الي يم الصالون بقن صافنات بيه انتظرنا شويه
بين ما كملت صبا هم وطلعت تجنن
طلعنه البدلات جايب ثلث بدلات وحده ماروني وبيها كرستال على كبر البدله
والثانيه بيجي يسموها ملكيه
ارداناتها بف على شكل سلفي
والثالثه جنها بدلت سنديرلا لونها سمائي
لبست الماروني طلعت كلش حلووة خابرت صبا على نمر كلتله تعال خلصنه لبست البركع
ونمر كال
_ خلي تغطي وجها زين ممنوع
اشوف شعرايه مبينه
لبسني عبايه واختنكت منها
طلعنه وهو ساعدني اصعد السيارة
والسياره مضلله
صعدني بالصدر يمه ه
والله دايخه بتصرفاته
_وخري البركع خلي اشوف
خاف اكو غلط
ميرهان_ وخرته وباوعتله
_لا ماكو غلط
مادام أنت المخطط الكلشي
هو ما حجه بس صافن بوجهي
طول الطريق
وهو كل شويه يباوعلي وصلنه القاعه
وجانت ملكيه وكلش جبيره
دخلت وبلشت الهلاهل النسوان كومه
واكو منهن ما اعرفهن بس ساره وام نمر
ذني الي اعرفهن
كعدت واجتي ياسه حضنتني
وصارت تبجي
_ شلون بيه هسه اني وين اروح بلياج
حضنتها
_ما عوفج والله
صار الركص والدبج صدك لو كالو
العرسان اثنين والمجانين الفيين
اختنكت واريد فلمهم يخلص
أجتي بنيه كعدت بصفي يطلع عمرها
مايقارب 30 او 28
_ عييني مبروك
_الله يبارك بيج
_عمري لا تفرحين هواي
_ عفووواً !!
_ مثل ما اخذتي نمر مني
ما خليج تتهنين
بس حسبت جم شهر واخذه منج
_هزيت ايدي وكتلها ايي بلعافية عليج بي
عافتني وكامت شبيها هااي والله
يالله علساس هسه اني كاتله روحي
عليه ما تعرف تأذيت منه ونجرحت
بداخلي وما عندي اي شعور اتجاه بعد
بدلت البدله الماروني ولبست البيجي
والنسوان هيج فاكه حلوكها
وخطيه ام نمر مبين عليها الفرح
بس بناتها وهااي ساره ولا يكلك
جانت صديقتي حتى مبروك مكلتلي
كملنه مراسيم الحنه
والنسوان كامت تروح وخف المكان
امي الدمعه ما فاركت عينها
واني احس هذا كابوس وانتظر افز منه
رجعنه للبيت بدلت وغسلت
ونزلت حضنت بابا وبقينه نبجي ويوصي بيه
_بنيتي ميرهان اني مابيدي شي
شوفت عينج وهاي اريدج اسامحيني
_ لا بويه على شنو اسامحك
انت ما غلطت بحقي واني بأيد امينه نمر يحبني ادري بي بس يريد يحرك كلبك بيه
حتى يرتاح بس الله موجود حضني
وبقى يبوس براسي وحسان هم اجه حضني
والله ماريد اعوفهم شافتنه بيبي
وكامت تبجي
_ ولج ميرهان صرتي عروس
وماتوصيني
على جوز ولوز وتمر هند
_لاشلوون بيبي هاي اضل جاريه حتلو
تزوجت رحت بست ايدها وهيه تبوس بيه
عماتي اجني باسني وعمتي سماح كلتلي
_ لا عيني لا تبجين اني جيران عيالج ولا
ضوجين ولا شي اني موجوده يمج
رحت صعدت الغرفتي
شفت غرفتي كعدت على الجربايه
واني مختنكه هاي هي باجر اروح يمه
والله مانام يمه حتلو يضربني ماصير
ويا كزوج وزوجه زواجنه حبر على ورق
وبسس ماريد يعتبرني زوجه اله
بعد فترة متواصله من التفكير هجمن عليه البنات بقينه نسوالف ونضحك وساعه نبجي
ما حسينه بلوقت نمنه كعدني الصبح
من الغبشه بدلت عسريع وطلعت اتريكت
والبيت مليان نسوان وجهال
كعدنه نتريك وبابا كال
_ باعي بنيتي لا اني ولا امج
ولاخواتج ماراح
نوصل يم بيت رجلج اليوم ياخذج
وانتي لمن تريدين تجين علينا
هو غصباً عليه يجيبج
ميرهان _ هاي حسب قراراته طبعاً
هو الي يريد هيج الغصه خنكتني
خليت ايدي على وجهي
وكمت ابجي باسني براسي
_ تنحل وداعتج وتتصافه الگلوب
ومايصير خاطرج الا طيب
_بست ايده بابا شلون اجيكم
وهو يكول انسو عدكم بنت
_ يابنتي كولي يالله جان ضايج يجوز
الله كريم تنحل يابنتي وجبتلج هديه
عرسج حلوة مثلج
ميرهان _ جايبلي تاج ذهب ناازك كلش
بست ايده
ماما جبتلي تخم ذهب وحسان
حجل وفرح محبس وصبا سوار تشكرت
منهم اوووف اخر يوم يمكم
شلوون بيه وين راح يصفه بيه الدهر
طلعت للصالون اني وماما وبلشت تسويلي مكياج والبدله مال العرس تخبل ما ملبوسه ابد مكيجتني مكياج فاتح وسوتلي شعري سحبته وشسورته
_راح اصعده كوله ليفوك
حتى يبين ظهر البدله
_ على راحتج
سوتلي تسريحه وكالت فدووة تخبلين
ما شاء الله امي كامت تصلي على النبي
كالت
_راح اكتبلج اسم نمر
_ لا ماكوو داعي لبست طخم كرستال
والبست البدله واني جسمي مخصر
وكفت والنسوان تعجبن
ام حسان_ يله نمر دزلنه اخوو
يكول مايكدر يجي
ميرهان _ كلت بكلبي همزين فتكيت منه
صعدت بلسياره بلكوة والسياره مليانه عطره اخوو عباس اول مره اشوفه سلم عليه
وباركلي كلي
_ ايي عيني وخري من وجهج لا تموتين
من العباة ولو وصاني رجلج الله يساعدج عليه
_ ضحكت على سوالفه مو مثل اخو حقنه
عباس شويه يشبه نمر بس نمر احلى بهواي نمر اسمر وعباس ابيض بس يشابهون بلون العيون وصلنه للبيت والجماهير ملتمه وناس تركص وناس تعبانه من الركص استقبلوني
بلهلاهل والجكليت وبدن يركصن
حسيت علمصيبه الطحت بيها
حسيت بـ الضيم الي راح يجيني
ماكوو امل بعد اجتي ياسه
ومبينه ضايجه والله هل صديقه
شما اوصفها قليل بحقها
_ صيري قويه هو حبيب الگلب
_ ياسه ماريد
_ بعديش خلص بعد ماكو مهرب
بس لا تنسين هو يحبج والي يحب
مايأذي محبوبه
راحت كعدت واني
جنت لابسه البدله وانتضر
يجي انتضر
موتي الي رحتله برجليه
بغباء مني
اجتي امي وصبا يهدون بيه
كلشش خايفه
ومتوترة واديه يرجفون
سمعت صوت الطلق وهورنات
السيارات احسس نفسي رااح اموت
تلفتت الامي وعيوني كلها دموع
اطلب منها تنقذني بالشي
الي وكعت نفسي بي وادفع ثمن شي اني ممسويته جانت نظرات الأسف بعيونها تنطق
هذا الي انتي وكعتي نفسج بي
تحملي وصيري قويه
دخل بطلته الحلووة وكشخته
يضحك وفرحان وكف بصفي لبسني
البركع كمت ابلعم من الخوف صعدت
بلسيارة واني اقرا ايات
وصلنه لبيتهم جانت هوسه ويصفكون ويهوسون كعدت بلصاله كملو والمعازيم
راحت كلتلي
ياسمين اخته الجبيره
_ كومي روحي الغرفتج راح يجي
زوجح يدخل عليج
كمشت ايد امه وكتلها
_ خاله فدوووة بقيني يمج
ابوس ايدج ماريد اروح يمه
ولا اريد اشوفه
_ كولي يالله واني يمج لا تخافين
_ والله ما أصعد لغرفته
ولا اريد اكعد يمه
_ تعاي بغرفتي
_ رحت بغرفه امه
سمعت صوت يريد يدخلون العريس
وكفت امه بلباب وكلتلي لاتخافيين
مشوو الزفو العريس بقه بس نمر
سمعت صوت صياحوو ملا البيت
يغلط ويفشر
كمت اختض مثل السعفه
من الخوف وكف يحجي وي امه وكاللها
_ الها 10 دقايق تطلع لو احركها
امه واكفه مقابيله كلتله
_ يمه كول يالله يابني ترا ما تستوجب
هل عصبيه كلشي بلتفاهم ولابنيه خايفه
لان بعدها عروس استهدي بلرحمن
صااح بعصبيه
_ يمه لاتدخليين لايصير غير شي
اطلعيي يلله
_ وكفت وكتله ولا بحلااامك يانمر
اصير مثل ما تريد ولاراح تتقربلي مره ثانيه
امه نصدمت من كلامي شنو تتقرب
مره ثانيه هو خزرني
_ يمه شنوو شهل حجي
_ ماريده ولا اريد اشوفه بعد
جرني من وره امه
احس اسدي انشلعت
صرخت عووفني معليك بيه
كمشني من شعري وسحلني لغرفتنه
والدرج درجه اصعدها ودرجه انسحل بيها
فتح الباب شمرني علجربايه
_ هذا كبرج هنا تعيشين وهنا تموتين
_ بنت انخذلت ونكسرت
هاجمتهُ بكل ما لديها
من قوة ادافع عن اخر ما تبقى منها
لكن من يستطيع ان يقف بوجه
الاسد الذي
يحترق نااراً من العصبيه
اسد لا يعرف سوا انتقامه
وكفت كباله
_ انت انذل واحقر بشر اشوفه بحياتي
ضربني راشدي جان لابس محبس
انشكتشفتي وكعت علجربايه واطلقت
سراح دموعي صاارت تنزل بغزاره
هو قفل الباب وطلع
صرت ارجف من الخوف
شبيه ليشش اخاف منه
كمت باوعت بلمرايه
شنوو هااي وجهي صاير
خريطه دم ومكياج
كمت افتح افتح بتسريحه
وكعدت بلكاع
صرت ابجي مرت ساعه تقريباً
واني ابجي واندب حضي حسيت
احد صعد علدرج كمت
قرفصت روحي يم
الزاويه واني لسه لابسه البدله
دخل باوعلي
_ كومي سبحي وذبي هل مهزله
لاتفكرين نفسج صدك عروس
_ كمت وايديه ترعش فتحت الكنتور
واخذت ملابسي ودخلت اريد اسبح
َ
للحكايه بقية.....
روحاتي لاتنسوون التصويت + متابعه الحساب✅
ضيفووووني♥