JeongGuk p.o.v
Ka bar ngainat na deuhah chuan kal in zu ka in ṭawk a.
Ka bula rawn kal te pawh ka chhawn peih lo, ka hnawt bo zêl. Nula chhelo tak tak pawn min ti hlim zo lo chu nia huh...
Ka rilru ah hian Taehyung ringawt a awm a chu chu ka duhloh vanga zu in ka ni a mahse min pui vak lo khawp mai. Ka rilru na zual zawk mah in ka hria
Taehyung thlalak ka hmuh tirh a ka danglam dân kha ka la hria. Amah vang liau liau in ka vacation nuam tak chu thlahthlam in Korea ah ka let nia. Ka hmuh chak em vang chauh in
Ataka kahmuh hmasak ber ni khan ka hma a angel duhawm zet khan ka lungphu hi a ti ri dup dup thei nia.
Chutah pawh chuan Jungkook min ti lehnghâl, tinge ani ai khan ka lo hriat hmasak zawk loh. Ka ta tur ka neih theih nan hian ka tlai deuh em ni
College a ka hmeichhe duh em em Jungkook an min chhuhsak tak ṭang khan tumah hi ka duh leh tawh ngai miah lo. Midang hi chu Nawmchen nan a hmang mai chauh ka ni, mahse Taehyung hi chu a dang zar mai, ka hmuh hmasak ber na in min duh tîr ngawih ngawih tawh bakah a mizia kawlhrawng ve tak khan min hip em em bawk nih kha.
Ka bula awm an chak theih teh reng nen ani chuan min hlat tlat te, he a chezia duhawm tak tehian ka duh a a ti zual takzet. A chang hi chuan min duh ve thin emaw tih chang ka ngah thin
Ka thlah ṭum pawh khan a muhil lai kha a duhawm em vang khan ka insum thei lo a ka fawp tawp kha nia.... Heti khawp hian tumah ka la atchilh ngai miah lo, keia tih mi pawh hi ni chiah lo mahse Taehyung tan chuan ka inpumpek tlat a ni
Khami ni a ka fawh-na a chhan let khan ka hlawhtling ta ah ka inngai a, mahse a ni hauh lo tih tunah ka chiang ta. Ka bul ṭanna tur zawk a ni
Tu dang mah nilo in ka unaupa nen an inngaihzawn a, huh ka ta nih zia ka hrilh hnu pawn tinge hetia a la tih cheu ni....
Ka duhte min chhuh sak hi chu Jeon Jungkook hian a lo thiam ber a nih hi.... Mahse ka tlawm lo ang Taehyung hi ka ta chauh a ni, tudang nen maha in ṭawm ka duhlo.
Jungkook a melh dân ka hmuh khan enge maw duhna chu a nei tih ka hria chuvanga Minjung kha Jungkook bialnu anga sawi ka ni. A thawk emaw ka ti kha nia mahse a thawk lo chu nih hi.
Atân chuan engkim tih ka huam in a theih ang ang chuan ka pui sin tumah hi min duh theh nân ka la bei ngai lo tunah a vawikhat nan ka bei ve a ka hlawhchham ang maw. A teuh lo chaklo zawk nih ka tum lo, engtin nge i nun ka chawhbuai dâwn i lo en dawn nia Baby, ka duh na che a dik zia ka hriat tîr dawn che lawm.
Mahse tûnah chuan i ṭawngkam in ka chunga nghawng a neih nasat zia i hriat nan ka kalbo ang.
Min lo nghak dawn nia
Khi suk pah chuan ka hmaa zu inthli sa chu ka tlak pawp a.
Ka ding a,. Ka chhuak san ta nghal
**************
(THLAKHAT HNUAH TI DAIH ANG AW)
Taehyung p.o.v
Jimin nen chuan hun rei tak hnuah kan lengchhuak dun a, hun hi ka neih lo em vangin chhuah hi ka hman ngai lo em a hetia kan chhuak dun leh hi ka lawm takzet. A bula awm hi chu engtik lai mah hian ka hne ngai lo, hetiang ka thlen theih nachhan bulpui ber chu Jimin hi ka ti lo theilo
Jeon Ent. A ka thawh hma a kan bazarna hmun ah bawk khân kan kal leh a.
"Ka thusawi dik zia kha i hria em. I chungchang hi chu ka sawi dik zat zat nih hi tiraw Jungkook thlengin" a ti malh malh a
"Ni e Jimin, mi bawn tak chu I lo nih hi. Chuan vawiin payback hun aw ahma khan min lei ṭeuh bawk si a. Tunṭum chu keima'n a man ka pe ve tawh ang"
"Lutuk ringawt chumi atân a hruai che lawm ka nih. Ka ei da vek dâwn che nia lo inringrawh " a ti a, kan nui dun var var mai
Jimin nen chuan kan han vei kual tak tak mai a, kan la ṭeuh a, ahnuah kan han ha chhin leh te te phawt a.
Ka sawi lawk tawh ang in tunṭum chu kan thil lei man keima'n ka pe vek. Ni e ka lo hausak tak chinah tihtur hrang hrang ka nei tih ka hria Yoongi chu hmanni khan zanriah ka eipui tawh bawk. Jimin hi titua nasa ngang mai zui a
"I zarah ka Yoongi chuan mit tla lek lek lo in min en phah leh dawn nih hi" a rawn tih chuan kan nui dun ṭiah ṭiah
Kan shopping na bul chiah a restaurant lian leh changkang zet ah chuan thil ei kan tum a. Kan lut chu min lawm viau mai ni e South Korea ah hi chuan ka lar ve hat hat tawh bawk a. Khawlai ah ka thlalak an tar chuai chuai bawk a, fans te bihruk san zuk zuk ka ngai ve hial tawh mai.
"Helai hmun hi chu an thil siam hi tui ngei mai" ka ti hliai a
"I kal thar na piangah kha thu kha i sawi. Tui tih loh tak tak pawh i neilo e a" Jimin chuan a lo ti vat a. Ka men khum hmawn
An siam thiam vek lawm kawngkama thilzuar te hlei hlei hi tui ka ti mai.
Kan ei zawh chuan haw tumin car ah chuan kan ṭhu lût a.
Ka message tone a lo ri ral ral a. Ka en chu Jungkook a ni
*Baby vawiin chu ka rawn tlai dawn a, zanriah pawh ka ei hman lo ang aw. Kan buai lutuk a meeting ka la nei dâwn bawk sia. I duh chuan Jimin bulah pawh khan i lo awm mai dawn nia*
Tih a ni ka chhiar zawh chuan ka thaw hak a. Chhang let chuang lo chuan ka ak ṭha leh a
"Jungkook ni maw" Jimin chuan a ti vat a
"Immm meeting a nei dâwn a. A rawn haw har tur thu mawle"
"Pawi hleinem kan pahnih in hun nuam deuh kan la hman chhunzawm zel mai dawn lawm" a ti a, car a ti nung a a khalh chhuak nghal
Jungkook nen hian tunthleng in kan la in kawp a. Hlim pawh kan hlim takzet, JeongGuk kalbo hnu lawk khan Jungkook hian a bula cheng turin min sâwm a mahse ka lo hnar thung. Kan inngaizawng tih hi tun thlengin kan la thup a mahse rumors hi chu awm deuh reng tho, inngaizawng angah chuan min ngai a mahse keimah ni hian kan confirm lo mai chauh a ni.
Jungkook hian a in bula in ṭha tak pakhat chu min pe a, ka hnial nasa viau na in i thawhrah a nih hi a ti tlat pek a. Ka la ta hram, chuan car min leisak thlap bawk.
Hetia thil min tihsak hi ṭha ka tilo, tunah chuan keipawn leina te chu ka nei ve tawh lutuk mahse ka la buaipui hman lo mai kha nia.
Kan han in ṭhenawm chiah chu ka inah a tal tam daih zawk tawh. Jungkook in ang em em chu nilo mahse ka in pawh hi ka duh ai chuan a lian mah mah a mahni a awm nan chuan mahse tûnah chuan Jungkook nen hian kan chengdun tluk hi ni tawh.
Mahse Rumors tam tûr lutuk chu kan veng thei tho. Ṭhenawm kan nih tlat vangin thawkho chu an in hmu ve ang chu tih ring an tam viau a. Lawmawm takzet
Tun kar chho ṭang khan Jungkook hi a hnaah a buai thar em em a, ning thei ka nilo tih ka hria mahse ka ning tawp a ni mai...
Ka mood fuh lo zeuh zeuh ṭan, a hna atchilh lutuk hian min theihnghilh lek lek ten ka hria. Mahni a zanriah ei ka ngai ta fo te hi ka kham tawh takzet, ka Jungkook kha ka ngai a ni.
A Company a nih ang in mawhphurhna nasa tak a nei tih ka hre ve tho bawk si vang hian ka lungawiloh na hi sawi lan a rem chiah in ka hre silo.
In zau tak a mahni lel a awm hi ka la thiam chiah lo a ni. Jungkook tello chuan ka khua a har thin viau. Jimin ka ṭhian a ni hi ka lawm na a zual leh phah viau engkim ka hrilh na a ni a min hrethiam viau bawk.
"Khawnge Kan kal ang, kal chak na te I nei em" Jimin chuan min zawt a, ka hriat loh thu leh a duh duh na hmuna min hruai Turin ka hrilh zui nghal
"Ṭha lawm, inngaihtuah nan coffee kan in lawk dawn nia. An siam tui deuh na ka hre thar nia" tih pah in a tlân chhuak ta nghal a
Min hruaina hmun chu a changkang reuh reuh tak tak. A lian lutuk lo a chhûng a nuam phian bawk
Mi pawh an lo awm ve nual mai
Kan luh lai vêl a an hla play lah kha mawi ka tih em em a la ni zui
Ka lût chiah na a ka ngaina nghal em em in ka hria...
A hmun hi tlemin a sâng deuh a, khawthlir a nuam hle bawk
Cold coffee kan chah a
"Min lo hrethiam la V i ni tiraw" kan coffee min rawn pe tu nu chuan a ti a
"Heyy Ṭhiannu zawh pawh ngai mi kha a hmel i hmuh khan a hriat vek mai lawm. Vânnei in ti hle rawh hetia hnai taka hmuh mai mai theih hi nilo nia" Jimin chuan a lo ti vat a
"Awwi ka van lawm tak V ka duh lutuk che a, khawngaih in thla min lak pui thei ngem" a ti nghal chiam a
"Ee... Khaih khaih ṭawng zawi deuh ta che. Mipuiin an rawn chim luai luai i hlau lo mi, chuan thla chu I lak pui thei ang mahse i tlangzarh tur a ni miah lo nia. Chubâkah heta i hmu hi i sawichhuak tur a nilo bawk aw" Jimin bawk chuan a ti leh a
Chunu chu thla ka lak pui a, a lawm ngei mai.
Fans te hi ka tawng fu leh nawlh nawlh thin. Jimin thusawi kha a awih ngei ka beisei. Tunah tak hi chuan fans han buaipui tûrin ka chau deuh mah mah tawh ni....
Coffee chu kan in a. An siam tui khawp mai.
"JK a lo lêt dâwn an ti sin" Jimin thu rawn sawi vang chuan ka thil in chu ka hak lo chauh
"Maw!! Engtikah" ka ti vat
"Ka hre chiang bik chiah lo. Yoongi khan a sawi a, karleh a party lian tak lo awm turah hian a rawn tel ve chu ka ring" a tih chuan ka bu nghauh a
Khapa mawl zet kha tinge heti em em a ka ṭawng kha a huat le. Khatih hun lai khan min ti buai nasa hle mahse a ngaihawm ve reng, News lamah hian a hlawhtlin na ka lo hmu ve reng thin a, a ngaihawm takzet hetiang em em a a lâk nat ka ring lo sin
Kan in partner loh ṭang khan ka tan a lo ṭangkai zia te ka hmuchhuak thar leh in ka hria. Khatia ka ṭawng khum vang khan ka inthiamlo a a kalbo chhan hi keimah vang a ni hian min ti inthiamloh tîr zual viau bawk.
A thusawi hnuhnung ber kha ka la theihnghilh hauh lo bawk, ka hua ti a ka sawi kha ka ti tak tak lo tih leh khami kha chuan ka thinrim em vang a sawi chauh ka ni tih hrilh ka duh takzet bawk...
******
Awii Zanin chu ka rawn ti vel mai mai ni e... Min lo chhiar sak vang in ka lawm viau a ni😘😘😘
Happy Gandhiji Day😘🤗🥳🥳 🤣🤣🤣🤣🤣🤣 ti deuh tawp mai teh ang ..
Zanin mi hi chu Gandhiji tan liau liau ka hlan ni rawh se aw🤣🤧🤗 ka lawm em em e
BORAHAE 😘💜
Bye bye