✳ الجزء 221 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
عند حلم دوزات النهار في الدار دخلات الكوزينة و جلسات الخدامات كي ديرو الفجور هذه الجو غريب عليها شدها الملال دورات راسها و ناضت التلاجة جبدات الدجاج و البيض البصلة و العطرية شافت فيهم قالت ليهم بغيت اللوز و يصايبو ورقة بسطيلة صايبوها ليها و مصبات قوام بسطيلة و دارت صايبات الحريرة و الابتسامة على وجوها رداتها الطيب و دارت كتكمل بسطيلة دارتهم صغار سلاتهم و دارتهم في الفران صيبات ملويات و صلاد الخص حيت كتاكلها هي صلاد فروي و الخدامات معاونينها سلات كلشي تقريبا فات العصر شوية دارت باش تاخد الطحين دور الحريرة و هي تشوفها يسرى صدماتها حاملة و متقلة و كتصايب الفطور و هي عاد داخلة دير لولادها لي كي بغيو مشات عندها حيدات ليها الجبانية من يديها
يسرى؛شنو كديري ا بنتي
حلم:كنصايب الفطور
يسرى:و انا شنو كندير و البنات
حلم:مشي مشكل
يسرى(غوتات):مشكل گلاگ مشي مشكل انت راك حاملة و متقلة ما خاصكش تديري الشغل بزااف سمعتي
حلم:ولكن انا ممولفاش هكدا في رمضان
يسرى:مهضرتش معاك على هذه الشي لكن الاقل اجي عندي انا نوض نعاونك
حلم(حنات راسها حابسة دموعها): وعلاش كتغوتي عليا
يسرى(تنهدات و عنقاتها): مكنغوتش عليك ا بنتي انا خايفة عليك
حلم(ضحكات): عمار
حيدر(دخل):الوليدة خليها على خاطرها دير لي بغات
يسرى:انا خايفة عليها و على صحتها
حيدر:هي لا عيات عتجلس ياك
حلم:اااه
حيدر:خليها على راحتها
يسرى:لي بان ليك الحريرة انا ندورها انت جلسي و لي بغيتها صايبيها و انت جالسة
حلم:اوا صاافي
ارسلان(مشا طل على الفران):هاي هاي مرات خالي تبرك الله عليك موجدة البسطيلة لي كتعجب ولدك و حنا
يسرى؛مشي انا لي درت عاد دخلت
حلم:انا لي درتهم
ارسلان:وديك معگازة ديال ختك مالها لي متعلميها لي ينفعها
يسرى:نعسو
حلم:اش بقا ليهم من صيام
حيدر:سير فيقهم
حلم:انا نكمل هدو
حيدر:اوكي انا طلع نصلي و نرتاح
يسرى (فرحها ):الله يتقبل ا ولدي
حيدر:امين
ارسلان(باستغراب):من امتى
حيدر:هذه 4 شهور
حلم:سير رتاح شوية و هبط عاد
حيدر:اوكي
طلع توضى و صلا و تكا شوية يرتاح عاد هود التحت لقا البنات كي جريو و كل وحدة شنو كدير ضحك على حلم لي حالة و كتلوي الرغايف و البنات كي خبزو مشا هز ريمود و خدم القرأن يسرى معطرة الدار و جو رمضان هو هداك مع المغرب كان كلشي واجد فوق الطبلة جلسو و ارعد عاد هود شافوه فيه مستغربين
✳تتمة الجزء 221 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
كي شوف فيهم مصدومين
ارعد:سلام رمضان كريم
حيدر(كي شوف فيه):عاد فايق بالسلامة
ارعد:لا عاد دخلت طلعت نيشان بدلت و هودت
حلم:فين هي صفاء
ارعد(جلس وخدا تمرة):غديا تولد هذه الايام خليتها في دار مها
يسرى:وانت اشنو كدير هنا مخليها بوحدها
ارعد:راها مع واليديها
حيدر:واش مريض في مخك
ارعد:مالك
حيدر:نوض سير عند مراتك
ارعد:راه عندها ختها و مها مقابلينها
حلم:ارعد نوض اخويا متخليهاش راها غديا تنتفك و انت مزال ما فكيتي دوسيك معاها
ارعد(خرج عينيه):كيفاش
حلم(جرأت كرسي و جلسات):راك عارف
نوضاتو قافز هز قرعة الما و تمرة خرج من تما و هو يأدن المغرب خدات تمرة فرقات الصيام هي و العائلة و مشات صلاة مع حيدر و يسرى و أمنية و رجعو جلسو كملو فطورهم
و هكدا دوزو رمضان و ايامهم كيف هكدا لي زايد غير ولادة ديال صفاء لي فرحات ليها العائلة و فرحو مع ارعد لي تزاد عندو ولد فرحان بيه و سماه نادر✳ الجزء 222 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
نهار العيد حلم فاقت الصباح هي الاولى دخلات الشهرها السابع و ولات كتزيد غير بشوية عليها دخلات الحمام دوشات بزز و خرجات لبسات فراشة زوينة في الخديدر دارت عند حيدر مشات كتبوسو و تفيقو
حلم:عمار نوض
عمار(دار عندها):صباح الخير
حلم:صباح النور نوض الحمام موجود توگد اليوم راه العيد و خاصنا نمشيو عند صفاء نباركو ليها
عمار:عاد فيقنا او لا شنو كنقولو نهار العيد ا عمري
حلم(باستو):مبروك العيد
عمار:الله يبارك فيك
حلم:يالله نوض
ناض باس راسها و دخل الحمام دوش و خرج مشا الدريسينغ بدل حوايجو و خرج عندها كانت كتقاتل تمشط شعرها
عمار:مالك
حلم:اووف اجي مشط ليا شعري
عمار(خدا المشطة):شنو بغيتي ندير ليك
حلم(ضحكات):شوف عتبوكليه ليا بليي على ليمن و اللخرى بليي على ليسر و القصة خليها سامبل
عمار(ضحك عليها و دار ليها ضفيرة): هانتي ديريها بليي فين ما بغيتي
حلم(ضحكات عليه):جاتني زوينة
عمار(دور يديه على كرشها):جيتي زوينة وليداتي صبحو مزيان
حلم:خاصهم العيدية ديالهم و متنساش ديالي
عمار:كلشي ديالك
حلم:لا العيد بوحدو
عمار:ياك ا لالة نعطيها ليك علاش لا
ضرب يديه الجيب و جبد منو 1000 درهم
عمار:هذه ديال ولادي قسموها
حلم(ضحكات ليه و دارتها في لمجر): والله حتى نعطيها ليهم باش يكبرو
عمار(مشا المجر لي حدا سرير جبد منو واحد الورقة و عطاها ليها): وهذه ديالك
حلم:شنو هذه
عمار:هذه ملكية اكبر اوطيل كاين في أكادير في اسمك
حلم(كتشوف في السنية):ولكن فوقاش انا سنيت
عمار:نهار لي سنيتي على الطلاق
حلم(شافت فيه كتحرك راسها بلا):عمار انا منقدر***
عمار (حط يديه على فمها):ششش منبغيش اعتراض
حلم(عنقاتو):الله يخليك تاج فوق راسنا
عمار:الله يرضي عليك
شد يديها و هودو عند العائلة باركو ليها فطرة معاهم في جو الضحك حتى كي صوني لحلم تيلي غير شافت شكون بدأت كترعد كلها و العرق كي نزل منها✳ الجزء 223 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
هزات تيلي و ناضت بشوية عليها خرجات الباركو تحت انضار حيدر لي بقا كي شوف فيه مستغرب لكن مبغاش يسولها خلاها على خاطرها
بدأت تنفس بشوية طلع النفس و تهبطو عاد جاوبات و خايفة
حلم:خالد خويا
خالد(معصب): فينك
حلم(توترات): انا انا عند سيف في القصر
خالد:مالك متوترة
حلم(ببتسامة):لا ممتوتراش ا خويا
خالد:اجي انا في الفيلا كنتسناك
حلم(خافت و الوجع شدها في كرشها): كيفاش
خالد :حلم انا كنتسناك
قطع عليها و بقات كتحك في يديها بتوتر لدرجات قفزات فاش حطات عليها يد على كتفها دارت لقات رمسيس
رمسيس:مالك متوترة
حلم:خويا خالد جا و باغيني في الفيلا معمرو خدهضر معايا كبحال هكذا ا صحبتي
رمسيس:سيري باركي ليه العيد و رجعي
حلم:منقدرش شوفي غدي يشوف كرشي و يغوت عليا علاش تزوجت بلا خبارو
رمسيس:من حقو يغوت عليك راك مدرتي فيها مايصلاح
حلم:الحل
رمسيس:انت قوية و سيري و واجهيه بالحقيقة و هني بالك
حلم:معرفتش خايفة
رمسيس:في النهاية عتهناي
حلم:عندك الحق ولكن عمار
رمسيس:راه خرج مع سليمان و سيف و ارسلان لاوطيل شي خدمة خرجات ليه من الجنب
حلم:مزيان تمشي معايا
رمسيس:واخا
شدات في يديها و خرجو بلا ميقولوها شي حد ركبات معاها و ديمارات رمسيس الفيلا نيشان بعد دقائق كانت تما نزلو و هي متوترا شداتها غير رمسيس زيداتها الداخل دخلات و شافتو واقف كي تسناها و داكشي لي شاف أكد ليه لي عرف
خالد:مرحبا بختي او نقول مدام سلطان
حلم(عينيها طاحو بدموع): خويا خليني نشرح ليك
خالد:معندك ما تشرحي لا منين مديراش ليا اعتبار و مزوجة ولا من الفوق حاملة بلا خباري
حلم(شدات ليه في يديه):مشي هكدك كنحف ليك بالله خليني نشرح ليك
خالد(نتر يديه منها):معندك ما تشرحي ليا ابنت ناس من اليوم نساي عندك خوك
خلاها واقفة و الوجع شدها في كرشها شافت فيه خارج و هي محطمة حتى غوتات بحر جهدها الوجع لي شدها و جهاد عليها دار عندها مخلوع و رمسيس مشات عندها هزها خارجها المشفى خايف عليها بعد دقائق كانو تما نزل و نزلها في يديه دخلها الطبيبة فحصاتها و دگات ليها يبرة و خرجات عندو
الطبيبة:انت راجلها
خالد:لا خوها شنو واقع مالها
الطبيبة: معندي ما نخبي عليك الحمل ديالها صعيب و خصوصا انها عندها الاعصاب في المعدة على شوية كانت عطيح جنيناين
رمسيس:واش عندها تويميين
الطبيبة:اه ردو بالكم احتمال تولد في اي لحظة
خالد:شكرا
مشات و هو فتح الباب دخل عندها و حط يديها كي دوزها على شعرها حتى فاقت شافت فيه و بدأت كتبكي عودات ليه كل ما جرت معاها من نهار حطات رجليها في القصر باش تنتاقم حتى هذه النهار حط وجهو بعصبية و عنقها في النهاية كتبقا تربية يدو و مدارتش شي حاجة في الحرام لي تخليه يوطي راسو عنقها و فرح ليها بقات تما حتى خوا السيروم و ناض خرجها من تما و داها لوطو ركبها بشوية و ديمارا القصر نزلات حلم هي الاولى و دخلات لقات كلشي كي صوني ليها مخلوع مشات غير شافوها غوتو
حيدر لي دوز نهار كامل مخلوع عليها كي صوني ليها و مكتجاوبش غير شافها ناض عندها كي البرق وقف قدام عينيها و غوت غوتة وحدة
حيدر(مخنزر حتى طيح فيها النص): فيييين كنتييييي
خالد(لي سمع غوتو عليها معجبو حال تعصب كثر ما هو معصب): اييييه حدك تم متغوتش عليها؟✳ الجزء 224 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
خالد عدوه لي يغوت على حلم او يطيح دمعة من عينيها هي ممعتابرهاش ختو لا بالعكس بنتو لي كبرها على يديه و كبرات معاه كاتم اسرارها و سندها في هذا الحياة شاف في حيدر بشوفات ممفهومينش لي فهامتهم غير حلم لي حافظاه شدات ليه في يديه بمعنى تعدن
حيدر( كي شوف فيها و كولو كي نهج حي خرجاتها منو هذه النهار):دوي ا حلم فيييين كنتي
خالد:هضر معايا انا مشي معاها
حيدر(شاف فيه و دوى من تحت سنانو): انا و مراتي انت مالك
خالد:هذه راها ختي بنتي قبل ما تكون مراتك مكاينش لي يغوت عليها او يهينها محدني عايش سمعتي
رمسيس:خويا راه كانت معايا
حيدر: مشي شغلي
(شاف في حلم):علاش طافية تيليفونها من قبيلة و انا كنتاصل عرفتي انني مخلوع عليك
خالد(غوت): انااا لي قلت لها اجي و حسابك معايا انا لي تزوجتيها بلا خباري شنو يحساب ليك معندها حد
حيدر(غوت كثر منها):هذه مراتي بشرع و القانون و مكاينش لي يدخل في شغلي
خالد:منين كتعلق المسألة بختي كندخل و هذه مغداش ندوزها ليك انت بداث
حيدر:شنو عندك ما الدير
خالد:غدي نربيك على فعلتك بيدي ا سي حيدر
حلم(خافت تنوض بيناتهم و العائلة معاها): تهدنو عافاكم
خالد وحيدر : انت سكتي مهضرناش معاك
حلم:واخا
حيدرك(مخنزر فيها): انت خارجة بلا متعلمين معرفنا شنو وقع ليك عاد داخلة ليا في هذه الوقت شنو بغيتيني ندير ليك ااااه نتلقا ليك بالتمر و الحليب
خالد:علاااااش خارجة بلا كتقوليها لشئ واحد امم رجليك خرجو لشواري نيشان
حلم:انا والله منين صونيتي ليا خرجت بلا عقل
حيدر:ديك الساعة علمي اااا زمر لي مزوجة بيك راه خارجة عند خويا متخلينيش عنحماق
خالد:دابا راك تزوجتي واخا مزال ما قبلت بهذه الزواج كتبقاي ما محسوبة عليا ديري عقلك سمعتي
حلم:حنات راسها
حيدر(شاف في خالد):ختك شنو خاصها
خالد:نهار لي تولد ديك الساعة توالاها دابا راها واحلة في روحها
حيدر:صافي مشات اجي فوقاش نجي نخطب على حساب الاوصول
خالد:نهار لي تولد دير العرس عرس مشي خطوبة عائلتنا كبيرة خاصنا نعلنو على زواجها
حيدر:هذا هو الكلام
حلم:بلاتي بلاتي واش انتوما مصالحين و عارفين و مخبيين عليا
حيدر:انت سكتي سمعتي دخلي الداخل حتى انجي و نتفاهم معاك
حلم:و خالد
حيدر:دددددخخخخلللللييي
حلم(شافت في خالد)
خالد:سمعي الكلام
حنات راسها و هو باسو ليها راسها و دخلات مع البنات سلم على العائلة وخى شدوه يتغدا معاهم مبغاش خرج مع حيدر لبرا
خالد (فتح لوطو و شاف فيه):حلم حملها صعيب رد ليها البال واخا
حيدر: متوصينيش
خالد:عاود ليا سيف عليك و قداش كتبغيها داكشي لي شفع ليك معايا اما منخليهاش ليك متخليهاش بوحدها منين لقات عائلتها
حيدر:كون هاني من هذه الناحية
خالد(سلم عليه):نتلاقاو في السبوع ان شاء الله
حيدر:عتبقا هنا في اگادير
خالد:اه
حيدر؛اوا صافي نتلاقاو
خالد:مرحبا
ركب و مشا اما حيدر ضحك و على حلم و رجع لتغوبيشتو دخل عندها لقاها مع العائلة جلس ما هضرش معاها حطو الغدا و بدأت تاكل كملات طلعات البيتها و تجبدات نعسات هو تبعها و طلع شافها ناعسة مبغاش يفيقها حيت خاف عليها بالمعقول خلاها
✳ الجزء 225 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
في العشية فاقت و حاسة بشوية ديال الوجع لكن مهتماتش بزاف دخلات الحمام دوشات بشوية عليها و خرجات لبسات حوايجها هاودات التحت شافت العائلة مجموعين على الطبلة سلمات عليهم و خرجات الجردة جلسات على الربيع و تبدات كتشوف في النجوم و مبتاسمة حتى جلس حداها حيدر
حلم :دارت شافت فيه و ولات شافت في سما
حيدر:قالت ليا رمسيس كنتي في الطبيب عاد خرجتي
حلم:كون سولتيني معدا ديك الفضيحة كنت غنجاوبك
حيدر(حيد خصلة من شعرها): سمحي ليا لكن من خوفي عليك
حلم:امممم مزيان
بقاو جالسين في الجردة هي كتشوف في نجوم السما و نافخة ريشها ممعبرهاش و هو داير جهدو تسامح ليه حتى كتحس بالوجع غوتات ربي لي خلقها خلاتهم كاملين ينوضو معاها
حلم(كتبكي):عمااااار عتقني عنولد
حيدر:كيفاش واش متأكدة
حلم(دموعها هبطو):عمار ولادي ا عمار الوجع
حيدر:ششش تهدني
جرها العندو هزها بين يديه و خرج بيها لوطو العائلة شافوها هزها خرجات معاه خائفين عليها ركبها و ديمارا في اقصى سرعة و شاد يديها
حلم(شادة في كرشها):الوجع الوجع ا عمااااار
حيدر؛صبري ا عمري صبري
حلم:متقولش ليا صبري ولادك عيجيو
حيدر:هانتي كلشي عيدوز
حلم:الا وقعات ليا شي حاجة ربيهم احسن تربية واخا
حيدر:سكتي متقويش هكدا
بقا معاها كي صبرها حتى وصل المشفى يالله حل عيهبط و هي تنفس براحة
حلم:الله فاتني الوجع
حيدر(غير سمعها دار مخنزر):نعام ا مولاتي
حلم (ببراءة):فاتني الوجع
حيدر(تعصب):من القصر و انت كاسرة دنيا باش في الاخير تقولي ليا فاتني اااه شنو دابا نخلط مك هنا او نولدك قبل الوقت
حلم(غوبشات):مالك كتغوت زعمة علمت عليه راه حسيت بالوجه بصح
حيدر:حححححللللم عنملخ حسك هنا و عنسا راك حاملة
حلم:متغوتش عليا من قبيلة و انا مستحملة عصبية ديالك حتى لهنا و براك ولا عرفتي شنو راجعة القصر بوحدي
حيدر:حلم متجنيش طسلتي گلسي أرض
مسمعاتش ليخ نزلات من لوطو و تمات غادا و هو تنهد نزل و تبعها لقا لوطو ديال سليمان وقفات نزل شافهم
حلم(شافت في سليمان):ديني من لهنا
حيدر:سليمان سير من لهنا
سليمان: شاف فيهم مصدوم
حلم:لا ديني معاك
حيدر:راني دويت راك مبقيتيش كتسمعي الهضرة
حلم:شوف راسك و متغوتش عليا
حيدر(تنهد):واخا زيدي ا مراتي العزيزة
حلم:اوا هكداك سليمان سير سير شوف شغلك انا بيخير
سليمان دار و كي نگر عليهم
حيدر:زيدي
مشات بلا متقولها ليه ركبات و هو ركب و ديمارا و زاد بلا مهضر معها وصلو القصر و نزلات ردخات عليه الباب و طلعات البيتها نيشان بدلات حوايجها و تجبدات بلا عشا تستسلم لنوم ✳ الجزء 226 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
جالس مع العائلة و هو عقلو معاها و نافخة عليه خليها على خاطرها حتى تفش تعشا و طلع عندها شافها رجعات نعسات مشا بدل حوايجو و ستسلم حتى هو للنعاس
في نص الليل
فاقت على ركلة عندها في كرشها شوية حسات بالما هود و فزگ ليها الكسوة لي كانت لابسة حيدات الغطا تخلعات و غوتات غوتة وحدة و دارت كتفيقو
حلم(كتبكي بالوجع):عمااااار نووووض
حيدر:الله ينعل عمار و سنين عمااار كون درت ما دار سيف كون تهنيت
حلم(ضرباتو):نوووووض الحراااامييي رااه عنووووووولد
حيدر(سمعها قفز):كييفاااش راه مزال الوقت رجعي نعسي دابا يفوتك
حلم:واااااش عيتشاااااورو معااااااك نوووووض
حيدر(تنهد):واخا تنفسي انا نتاصل بالطبيبة تجي تفحصك
تاصل و هي كتقطع بالوجع:الله ياخد فيك الحق قول اميييين
حيدر:ماااالك دابا
حلم:انت لي وصلتيني لهذه الحالة
حيدر:غتاصبتك انا مشي بخاطرك
حلم(كتعصر):مشي انت لي فيك دودة
حيدر:هي لي عدير ليك دابا توجعي و زمي فمك راه عتفوتك
حلم:كيفااااش عتفوتني و انا كنتوجع حاسة الولد غدي يجي
حيدر(ناض كي لبس صندالتو):حلم هكدا درتي قبيلة في الاخير و موقع والو
حلم(بدأت كتبكي و كتماطا تحيد السليب):حيدر هذه المرة راه حاسة ان الراسو خرج ا عمار مكنضحكش
كان غادي الحمام حتى سمعها دار عندها لقاها كتقاتل باش تحيد السليب مشا كي جري مسح ليها دموعها جبد تيلي و صونا الاسعاف
حيدر:ششش متبكيش سمحي ليا عمري ميحسابش بيا عتولدي دابا
حلم:سير غوت على خالتي تجي
مجا فين ينوض دخلو رمسيس و يسرى شافو الما و هي مقاتلة معاه هزات ليها رجليها لقات راس الدري كي بان
حيدر:عنجيب الطبيبة دابا
يسرى:معيبقاش الوقت و راس ولدك غيخرج سير خرج من لهنا رمسيس جيبي الما السخون من الحمام و مقص و السرڤتة
حلم(كتوجع):لا بغيتو يكون معايا ميخلينيش بوحدي
حيدر(جلس حداها):معنخليكش بوحدك ا عمري انا حداك هنا
بدات كتوجع و هو معاها كتزحم حتى زلق الاول
حيدر(بفرح منين سمع صوت ديالو):واش ولد
يسرى:اه مبروك عليك
حلم:رجعات كتوجع
يسرى؛مالك
رمسيس:حاملة بتوينز
رجعات كتوجع و يسرى معاها اما الدري داوه يدوشو ليه حتى كي تسمع الصرخة التانية حلم جهدها تسالة نعسات ليهم شي لي خلعو
حيدر:مالها
يسرى:نعسات حيت دارت مجهود كبير مبروك عليك البنية
حيدر(مشا هزها و راسها): بيسان روح و عمر باباك
(شاف في مو):ولدي عهد
يسرى؛قول موجد ليهم السميات
حيدر(بفرح): اااه ضروري
يسرى:عطيها الرمسيس تغسل ليها حتى هي و عاوني نهزو حلم الحمام نغسلو ليها
حيدر:هي الاولى
عطاها رمسيس غسلات ليها و هز عاونها دخلو حلم غسلو ليها و للسوها حوايجها خارجها عمار حطها في بلاصتهت و نعس حداها الوليدات
يسرى؛انا مشيت معتفيق حتى الصباح خاصني نوجد ليلة مقاداني فرحة بوليداتي لي تزادو رمسيس يالله
رمسيس:غير سيري انا عنبقا معاهم شوفي كيف صغيورين ما شاء الله
حيدر:صباح شوفيهم نوضي
رمسيس:اوووف شحال فيك المهم مبروك عليك
خرجات من عندهم و فرحو العائلة جاو يدخلو لقاو حيدر سد الباب بساروت مشا جلس حداهم كانو مغمضين عينيهم و ناعسين و حلم وجها مزنگ بالحمورية و ناعسة مع ولادها الفرحة كسات قلبو خدا ليهم اول صورة ليهم في هذه الدنيا و تجبد حداهم حلف النعاس ما يجيه
✳ الجزء 227 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
🍁أصبحنا وأصبح الملك لله🍁
صباح صباح جديد كلشي فرحان كلشي كي جري من لهنا الحهنا فرحانين بجوج ملائكة لي تزادو في عائلة السلطان ولدهم الكبير يسرى قائمة بالواجب مع بنت ختها و ولدها و فرحة عندها فرحتين و أمنية خاصها فوقاش تشوف ولاد ختها
رمسيس واقفة في الباركو و كتشوف بعيد حتى كتحس بيدين محاوطينها ونفس في عنقها عرفاتو شكون حاولات تفك لكن كان مزيرها
سليمان:تهدني
رمسيس:بعد مني
سليمان(دورها عندو):سمحي ليا على كلشي
رمسيس:علاش عنسامحك ا سليمان اممم علاش على انك تخليتي عليا او انك خليتيني حاملة و عطيتيني بالضهر ولا على نهار لي عرفات الام ديالي بززات عليا نتزوج حتى قررت نتاحر و مات ليا ولدي اااه
سليمان:حنا راسو
رمسيس(مسحات دموعها):كون عاش كان عيكون عندو 5 سنين دابا كي دور قدامي
سليمان(شد وجها بين يديه): كون عرفت هذه الشي غدي يطرا مكنتش نخليك بوحدك
رمسيس:ولكن طرا و تفضحت قدام خويا لي رباني عرفتي شنو قال ليا امممم شي لمعمري نساه باقي الدابا مكيشوفش ليا في وجهي ا سليمان
سليمان(شد يديها و باسهم):عنرد ليك الاعتبار و هدا وعد مني ا عمري سمعتي
رمسيس:منقدرش نرجع معاك
سليمان:و انا قلت ليك عترجعي و عنتزوجو يا بغيتي يا كرهتي سمعتي
رمسيس(جات تهضر قاطعها)
سليمان:راني هضرت و نهار سبوع حلم عتكوني مراتي بشرع و القانون
رمسيس:حلم
سليمان:امم عنحلم بليلتنا كيف عدوز
رمسيس:سليمان
سليمان:عمر سليمان انت
رمسيس:اوووف خرج بحالك
سليمان:ها هو
خرج و خلاها كضحك غير سد الباب حطات يديها على قلبها لي كي ضرب بالجهد و الفرحة والسرور داخلة ليهم
متكونش قل منو لي كي موت عليها و خاصة فوقاش يجي السبوع باش يكتب كتابو عليها✳ الجزء 228 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
بقا معاها في البيت و مزالة ما فاقت رجع عليها التعب ديال البارح هبط شاد يد حبيبو و حبيبتو كي بوسها ولادو طرف منو حداه كي تحركو و عينيهم مسدودين شافها بدأت كتحرك ضحك عليها حتى حلات عينيها و شافت فيه هو باس راسها بحب و يديها
حيدر:صباح الخير جنت ولادي
حلم(بتسمات بتعب):صباح النور
حيدر:باش كتحسي
حلم:مشتاقة نشوف ولادي
حيدر:دوري وجهك
دورات وجها و شافتهم عينيها دمعو هزات يديها و دوزاتها عليهم نزلات باستهم و الفرحة عامرة في قلبها
حلم:هدو ولادي ياك
حيدر:اه ولادك و ولادي هدو
حلم: اااه ولادي شوف شحال صغيورين
حيدر(بتاسم):اممم
حلم:اجي مختاريتيش ليهم اسم
حيدر:انت شنو باغيا
حلم(بتسمات): معرفتش فكرت عيكونو عندي وليدات داكشي علاش ختاريت عهد و وعد
حيدر:اوا صافي نسميوهم عهد و بنتي بيسان
حلم:بيسان
حيدر:امم بيسان مشتاق لهذه الاسم نرجع نقولو يكفي تحرمت منو هذه السنين بغيتو يعيش معايا
حلم:داكشي علاش باغي بنت
حيدر: امم و الحمد لله عندي راجل لي نعول عليه و يصون ختو
ضحكات و عنقاتو فرحانة :الله يخليك لينا تاج فوق راسنا
حيدر(باس راسها): الله يرضي عليك و يخليك ليا
حلم(هزات عهد):خاصني نرضعو
حيدر؛عتعرفي
حلم:ضروري
حيدر(بدا يغير):متعطيهش بزاف
حلم:علاش
حيدر:خلي لبنتي و ليا حتى انا
حلم (ضحكات): لبنتي فهمتها و انت مالك
حيدر:حتى انا ا حلم
حلم:يعطيك عقل انا كلي ديالك مكاين لاش هذه الغيرة
حيدر:اوكي غير كنضحك
بقا معاها رضعات بيسان من مور عهد و نعساتهم فرحانة بيهم حتى كي صوني لگارد لحيدر خرج جاوب و البنات عاد دخلو عندها فرحانين
حيدر:شنو
الكارد:سيدي راه السيد جبناه من روسيا
حيدر:مزيان بغيتكم تعاونوه حتى يوصل القصر
الكارد:كون هاني
حيدر (قطع و شاف جيهة الباركو وحدة من البنات):عونتيني و عنرجع ليك سعادتك
✳ الجزء 229 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
في بيت حلم لبنات مجموعين عندها و كي شوفو في الوليدات و فرحانين و حلم مقاداها فرحة
رانيا:الحمد لله على سلامتك
أمنية:داك صعصع ديال راجلك سد علينا الباب لبارح و خلانا
رمسيس:واييه حتى انا جرا عليا
حلم:معندي ما ندير ليكم
امال:حباب عميتو الله يخليهم ليك
حلم:امين
رانيا:كون متصالحتش معاك مكنتش عنقدر نكون معاكم دابا
رمسيس:صافي متقوليش هكدا
حلم:متبكينيش
رانيا:صافي معنبكيش
فتحات الباب يسرى و شافتهم: ويلي ويلي
أمنية:يغيس فيه الشيطاااااان
يسرى:و هي لا نضتو راه عيكون عندنا النهار عامر حبابنا عيجيو يباركو و خاصنا نوجدو لحلم الرفيسة
حلم: نوضو نرجعها ليكم في ساعة الخير
أمنية:خليني نبوسهم
حلم:زيدي
حنات باستهم و خرجات بقات معاها امال
حلم: امال بغيت نهضر معاك
امال:حلم عافاك ا مرات خويا خلي بلاصتك عزيزة
حلم:لا معنسكتش سمعتي شنو فيها الا جربي و درتي العملية ربي ان شاء الله عيسهل عليك و تنجح لامتى عتبقاي كبحال هكدا اممم
امال(دمعو عينيها):حلم منقدرش نديرها خايفة ما تجحش
حلم:جربتي شي نهار الديريها امم درتي مجهود لا مدرتيهش ادن عديري التحاليل و العملية و ان شاء الله عتزيدي على رجليك سمعتي
حنات راسها و هو يتفتح الباب دخل منو حيدر لي جا مع هضرة حلم جلس على السرير حداها و شد يديها
حيدر:حلم عندها الحق جربي انا متأكد باغيا ديريها حتى انا باغي نشوف ختي واقفة على رجليها و تمشي فين بغات بلا متخاف
امال:ولكن
حيدر:فكري مزيان و ردي عليا و انا متأكد عتوافقي
امال(نسحبات): ان شاء الله
فتحات الباب و خرجات هو تنهد ناض شدو و دار عندها
حيدر:كنت باغي نجبد معاها الهضرة و كنخاف تقلق
حلم:تعصبات علينا واحد النهار لكن بقيت تابعاها
حيدر:كنتمنى توافق اجي عندي
حلم(كحزات حداه بشوية): هانا
حيدر:بغيت نقول ليك غير يسالي السبوع غنمشيو لدارنا ان شاء الله
حلم:واش بصح معنبقاوش هنا
حيدر:لا مكنتش بغيت نمشي على حسابك حيت حاملة لكن دابا خاصك تكوني في فدارك ا عمري
حلم(دورات يديها عليه):لي بغات خاطرك معنديش مشكل
حيدر:الله يرضي عليك كاينة حاجة اخرى
حلم:شنو هي
سكت و بدا كيقول ليها شنو هي✳ الجزء 230 ✳
♥حـــــلـــــم حـــيــــدر♥
❄ عشق في جحيم عدوي ❄
💞 حياة جديدة 💞
☘ فاطمة الزهراء مبارك☘
لتحت كان سيف مكاينش حيت ضطر يمشي فى العشية الامريكا على قبل الخدمة علموه و فرح ليهم و العائلة كتجي تبارك غير الناس الهاي كلاس و الشيكي يسرى صيبات لحلم الرفيسة و كلاتها فرحانة و رغباتهم تهود لتحت منين مشاو الناس هزها حيدر و هبطها مع الويداتو حطاهم حداها فرحانة حتى كي دخل شخص في يديه العكاز و مع دريس يدو ليمنية علات راسها و شافت في حيدر بتاسم و مشا عندو شدو من يديه و باسها
حيدر:مرحبا بيك ا سي اسعد
اسعد:شكرا مبروك عليك الوليدات يترباو في عزك ان شاء الله
حيدر:شكرا زيد
دخل و شاف في حلم: مبروك عليك ا بنتي
حلم:ربي خليك
أمنية:مرحبا بيك
اسعد:شكرا ا بنتي
جلس كي دور راسو في القصر على الله تبان ليه حتى كي شوفها هابطة و حداها ارسلان كي هضر معاها و كي ضحك و هي الفرحة طاغيا عليها
ارسلان:دابا شنو قلتي
رانيا(ضحكات):مزروب
ارسلان:شوفي حتى من سليمان عيكتب كتابو على رمسيس
رانيا(حنات راسها): لي بان ليك
ارسلان(باس راسها):اوا صافي تافقنا انا نهضر مع مرات خالي و دير بحسابنا
رانيا:حشمانة من ختي والله نهار فرحتها عنزاحمها
ارسلان:مكاين حتى زحام ولا عنديك دابا تزوجي بيا و الله يجعل البركة
رانيا:صافي صافي لي بان ليك
ارسلان:يالله خاصني نمشي الاوطيل
رانيا:بسلامة
سلمات عليه و هو مشا رجعات عندهم الصالة غير دخلات و هي تصدم من شوفتو قدامها كيفاش وقع و هو عاهدة بيه مات عينيها متيقوش و فشلو عليها رجليها شدها غير سليمان في شافها عكيح
حلم:اجي ا رانيا سلمي على باباك
اسعد:بنتي
رانيا( مصدومة):بابا هدا انت ياك مكنحلمش
اسعد:لا ا بنتي
رانيا(مشات عندو عنقاتو فرحانة و الدموع في عينيها):قالت لينا ماما بلي متي منين كنا صغار انا و حتى
اسعد(عنقها كارز عليها):ماماك ابنتي مقدراتش تقتلني حيت كان خاصها لي يعاونها في مؤامراتها ضد في حيدر و سليمان و تطحيو من المنضمة لي كان شاد و انا نهار عرفتها خدامة مع المافيا قررت نبيع بيها لكن وصلاتها الخبار و غبراتني حتى جا حيدر و فكني منها
رانيا:واش هي خدامة مع المافيا
اسعد:اه خدامة معاهم و زعيمة ديالهم بلا منعرف كان هامها سلطة نهار لي وحلات قلبات لعند بناتها لخرين همها فلوسهم و انتوما ستعملاتكم ضد فيهم انت فقتي على الاعيبها و ختك الحقد عما ليها عينيها
رانيا:انا معنديش ختي
اسعد:المهم دابا راكم تجمعتو من جديد مع عائلتك ديال بصح و ختك عتعاقب على فعلتها
رانيا(مسحات دموعها): ان شاء الله يا ربي انت دابا معايا معتخلينيش ياك
اسعد:لا
عنقاتو كارزة و كلشي فرحان دازت 7 ايام دارو افضل سبوع لحلم و فرح بيها حيدر بحكم مدارش ليها العرس و ارسلان كتب كتابو على رمسيس و ارسلان كذلك