မူဂျီအယ်လ်
🌸pann
Part (32)
နိုနို စိတ်မကြည်နေ.. ။
ကိုကိုတို့များ အလုပ်တွေများနေတာလေ.. အဖေနဲ့ညီနဲ့အချိန်တွေမျှပေးနေတာ ။
အိမ်ကနိုနို့ကိုတော့မေ့နေလေရဲ့..
အိမ်ရောက်တာနဲ့အလုပ်ကိစ္စအတွက် ရှုပ်နေတာမပြီးတော့ဘူး.. ။
သူ့လောကထဲမှာ နိုနို ရှိနေသေးတာကို မှတ်ရောရသေးရဲ့လား မပြောတတ်ဘူး.. ။
ဒီနေ့လည်း အိမ်ပြန်နောက်ကျမယ်တဲ့..
ကောင်းပါ့.. ကောင်းပါ့ မိသားစုနဲ့အဆင်လေးပြေတော့ အရာရာမိသားစုကထိပ်က ။
နိုနိုတို့ကချောင်ကပ်လို့..
" မုန်းချင်စရာ ကောင်းတဲ့ လူ.. "
နိုနို ပါးစပ်က တီးတိုးရွတ်ရင်း နောက်ဖေးဘက်ဝင်လာတာ.. ။
တစ်ယောက်ထဲ ဆိုတော့ ပျင်းပျင်းရှိတာနဲ့ တစ်ခုခုစားဖို့လုပ်ရသည်..
" ဟင်.. ဒါက ဘာကြီးလဲ "
မုန့်လေးစားဖို့ လာတာပေမယ့် ပုလင်းလေးတွေ့တော့ ယူကြည့်လိုက်သည်.. ။
အနံ့လေးခံကြည့်တော့..
" ဘာလဲ.. ဝိုင်ကြီးလား "
ဘယ်တုန်းက ဒီနားရောက်နေပါလိမ့်.. ။
သူ့နေရာသူ ပြန်ချပြီး မုန့်သာစားဖို့ ကြည့်နေရင်း မျက်လုံးလေးက ပုလင်းဆီပြန်ရောက်သွားသည်..
' နည်းနည်း သောက်ကြည့် ကြည့်ရမလား.. '
မုန့်လေးကို ချရင်း ပုလင်းကိုပြန်ကိုင်ရသည်..။
" ဟီးဟီး.. စမ်းသောက်ကြည့်ရမယ် "
နိုနို ပုလင်းလေးကို ကိုယ်မှာပိုက်ထားရင်း..
" ဒါမျိုးဆိုတာ အထာကျကျ ဝိုင်ခွက်လေးနဲ့ သောက်ရမှာ.. "
အလှသပ်သပ် သဘောကျလို့ ဝယ်ထားတဲ့ ဝိုင်ခွက်လေး နှစ်ခုရှိတာကို နိုနိုထုတ်လိုက်သည်..
" အိုခေ.. မုန့်လည်း နည်းနည်း ယူရမယ် "
နိုနို လက်ထဲဝိုင်ပုလင်းနဲ့ မုန့်တွေပြည့်လို့..။
" တစ်ခါမှမသောက်ဖူးတော့ မူးအိပ်ပျော်နေမှာစိုးရတယ်.. တစ်ခါထဲအိပ်ရအောင် ကုတင်မှာအဆင်သင့်သောက်ရမယ် "
ဇာတ်လမ်းတွဲတွေမှာ မြင်ဖူးတယ်.. ။.
မူးပြီး ပုံပျက်ပန်းပျက် လေးအိပ်မပျော်အောင် အဆင်သင့်လေးပြင်ရသည်..
" ငါလေး တော်တော် တော်တယ်.. "
ကိုယ့်ကိုယ်ကိုယ် ခေါင်းလေး ပုတ်ရင်းချီးကျူးနေတာ.. ။
ကုတင်မှာ ငုတ်တုတ်လေးထိုင်ပြီး သောက်ဖို့ပြင်လိုက်သည်..
နိုနို ပုလင်းအဖုံးလေး ပွင့်အောင် တော်တော်ဖွင့်ယူရသေးတယ်.. ။
နည်းတွေဘာတွေတောင်ရှာယူပြီး ဖွင့်ရတယ်..
" အမလေး.. နင့်သောက်ဖို့ကလည်း တော်တော်အချိန်ပေးရသေးတယ် "
နိုနို ပုလင်းလေးထဲ ငှဲ့ထည့်ပြီး ...
မြင်ဖူးနေတဲ့ ဇာတ်ကားတွေထဲက ဝိုင်သောက်ခန်း အတိုင်း.. ဝိုင်ပုလင်းလေးအသာလှုပ်ရမ်းလိုက် ပြီးညင်ညင်သာသာလေး နှာခေါင်းထိပ်ဝလေးမှာကပ်လိုက်သည် ။
" ခိခိ.. "
ရုပ်တည်ကြီးနဲ့ ကိုယ့်ကိုယ်ကိုယ် လိုက်လုပ်ပြီး တစ်ယောက်ထဲ သဘောကျရယ်မိရသည်.. ။
ပြီး ဖြေးဖြေးချင်းသောက်ကာ လျှာအရသာခံနေလိုက်သည်..
" အင်.. သိပ်တော့ မဆိုးပါဘူး "
ဝိုင်လေး နည်းနည်းစီ သောက်လိုက် မုန့်လေးစားလိုက်လုပ်နေတာ.. ။
" သိပ်မမူးပါဘူးဟဲ့.. "
တစ်ခွက်ကနေ နှစ်ခွက် ဆက်သောက်ဖြစ်သည်..။
" ဟယ်.. အိပ်ယာပေါ် (မုန့်)အမှုန့်တွေကျတယ် ပုရွက်ဆိတ်တွေတက်လိမ့်မယ် "
နိုနို ကုတင်ကနေဆင်းပြီး ကြမ်းပြင်မှာ ထိုင်ကာ တစ်ယောက်ထဲ ပွဲလေးကျင်းပနေတာ.. ။
" နည်းနည်းရသေးမယ် ထင်တယ်.. "
ကိုယ့်ကိုယ်ကိုယ် ပြောရင်း နိုနို နောက်ထပ်တစ်ခွက် ထပ်သောက်ဖြစ်ပြန်သည်.. ။
" ........... "
ဒီလိုနဲ့ တစ်ခွက်ပြီးတစ်ခွက်..
.
ဗိုရမ် ဒီနေ့အလုပ်များတော့ ညနေမိုးချုပ်နေမှ အိမ်ရောက်တယ်.. ။
ကိုယ်အိမ်ရောက်ရင် အောက်ထပ်မှာစောင့်နေတတ်တဲ့နိုနိုကိုဒီနေ့မတွေ့..
" ခွေးမလေး.. ဘယ်သွားနေတာလဲ "
အောက်ထပ်က တစ်နေရာမှာများ ရှိနေမလားလို့ ရှာကြည့်ရသေးတယ်.. ။
မတွေ့..
" အပေါ်ထပ်မှာများလား.. "
ကိုယ့်ကိုယ်ကိုယ် တီးတိုးရွတ်ရင်း အပေါ်ထပ်တက်ရသည်.. ။
ဝရံတာမှာလည်းမရှိ.. အပေါ်ထပ်လည်းရှိနေမလား လိုက်အကဲခတ်ကြည့်တော့ပျောက်နေလို့။
" ခွေးမလေး.. ဘယ်ရောက်နေတာလဲ "
ဗိုရမ် ကိုယ့်အိပ်ခန်း ဖွင့်ဝင်လာလိုက်သည်.. ။
အခန်းထဲ မျက်လုံးဝေ့ကြည့်တော့ အရိပ်ရောင်မတွေ့ရ..
" ရေချိုးနေတာလား.. "
ရေချိုးခန်း အိမ်သာဘက်သွားကြည့်တော့ တံခါးကဟစိ.. ။
တံခါးဖွင့်ကြည့်တော့လည်း မတွေ့..
ပြန်ပြီးအခန်းဘက်လှည့်လျှောက်တော့.. တစ်ဖက်ပြတင်းပေါက်နားမှာ ဆံပင်လေးတွေ့ရသည်..
' ငါ့ကို သပ်သပ်နောက်ဖို့ ကြံစည်နေတာ နေမှာ.. '
ဗိုရမ် တစ်ချက် တီးတိုးလေးရယ်ပြီး အနားတိုးကပ်သွားလိုက်သည်.. ။
ကိုယ်ကအရင်ပြန်ခြောက်လိုက်အုံးမယ်.. ကြည့်နေ ။
ဗိုရမ် ခြေသံတိုးတိုးလေး လျှောက်ကာအနားကပ်သွားမှ..
" ဟင်.. "
သူက ခေါင်းငိုက်စိုက်အနေထားကြီးနဲ့.. ။
မျက်နှာလေးတောင် မမြင်ရဘူး.. ဆံပင်တွေနဲ့အုပ်နေတာ ။
ဘေးမှာလည်း ဝိုင်ပုလင်းကြီးနဲ့.. ။
ဝိုင်ခွက်ကလည်းရှေ့မှာ.. မုန့်ထုပ်တွေကလည်းရှိသေး
" ဟေ့ နိုနို.. "
" ဟွန် "
အံမယ်.. မျက်တောင်စင်းစင်းလေးနဲ့ ခေါင်းလေးမော့လာတာ ။
" ကိုကို.. ကိုကိုလား "
မျက်လုံးတောင် ကောင်းကောင်းမပွင့်ဘဲ လူကိုမေးနေတာ.. ။
ကျွန်တော် သူ့ရှေ့ ဒူးတစ်ဖက်ထောက်ထိုင်ချလိုက်သည်.. ။
" ဒါ တစ်ယောက်ထဲ သောက်ထားတာလား.."
ဗိုရမ် ပုလင်းကို မကြည့်တော့ တစ်ဝက်ကျော်တောင်ကျိုးနေပြီ.. ။
ကိုယ့်ကို ဟိုရှေ့တစ်ရက်ကမှ လက်ဆောင်ပေးထားတာ.. ကိုယ်တောင်မထိရသေးဘူး ။
" မင်း တစ်ယောက်ထဲ သောက်ထားတာလား.."
" ကိုကို ပြန်လာပြီလား.. ဘယ်ချိန်တောင် ရှိနေပြီလဲ ဟွန် ဟွန် "
မျက်လုံးလေးပိတ်ပြီး ခေါင်းလေးက နာရီရှာသလိုပတ်လိုက်ကြည့်နေတာ.. ။
တွေ့အုံးမယ်.. နာရီကတော့ ။
" အဟက်.. "
ပုလင်းလေး ပြန်ချကာ..
" မင်းတော့ တော်တော်ဖွထားတာပဲ.. "
ကျွန်တော် ချစ်စနိုးနဲ့ နိုနို့ဆံပင်လေးကို ဖွလိုက်သည်.. ။
" ကိုကို.. "
" အွန်.. "
" ကိုကို နိုနို့ကို ဘာလို့လက်ထပ်တာလဲ ဆိုတာ နိုနိုသိတယ်... "
" .......... "
" ကိုကိုက ဂွန်းနဲ့နိုနို လက်ထပ်မှာစိုးလို့ လက်ထပ်ပစ်တာမလား.. ဂွန်းကိုမကြိုက်တိုင်းသပ်သပ်အနိုင်ယူချင်လို့ နိုနို့ကိုယူတာမလား "
" .............. "
ဗိုရမ် နိုနိုကို မျက်လုံးလေးမှေးစေးပြီး စိုက်ကြည့်နေလိုက်သည်.. ။
" နိုနိုက ကိုကို့ကို ချစ်လို့ လက်ထပ်တာ .. ကိုကိုကတော့ သပ်သပ်အနိုင်လိုချင်ရုံနဲ့လက်ထပ်တာ ဖျတ် "
" အ့ "
ပါးနှစ်ဖက်လုံးပေါ် သူ့လက်ကြီးက ရောက်လာတာ.. ။
ဒါတောင်ဖြေးဖြေးမကိုင်ဘဲ ပါးကိုခပ်ဆတ်ဆတ်လေး ရိုက်သေးတာ.. ။
" နိုနိုက ကိုကို့ကို စတွေ့ကတည်းက ကြိုက်တာ.. ဒီခပ်တည်တည် မျက်နှာထားရော "
ပါးကို လက်ညိုးကြီးနဲ့ ထောက်ထောက်ပြီး ပြောနေတာ.. ။
" ဟော့ဒီလို ခပ်လှောင်လှောင်ပြုံးပြတာရော.."
ကျွန်တော့်ပါးနှစ်ဖက်လုံးကအသားကို သူ့လက်မလေးနဲ့ဆွဲလိုက် ကျုံ့လိုက်လုပ်နေပြန်တယ်..။
" ဟော့ဒီလိုလေး မျက်မှောင်ကျုံ့ပြတာရော.."
ကျွန်တော့်မျက်နှာလေး ကို သူ့အလိုကျကစားနေတဲ့နိုနို.. ။
ကျွန်တော် ဘာမှမပြောသေးဘဲ သူ့ကိုငေးစိုက်ပြီး ကြည့်နေတော့...
" ခိခိ.. ဒီလိုအကြည့်လေးရော နိုနိုသဘောကျတာ "
ကိုယ့်ရဲ့မျက်နှာကို မပြောမဆိုလေးနဲ့ ရှေ့ကိုဆွဲယူတော့ ကိုယ်ဟန်လေးပျက်ကာရှေ့စိုက်ထိုးလဲကျမှာစိုးလို့ လက်လေးနဲ့ထောက်ထိန်းထားရသေးတယ်.. ။
" နိုနိုကသာ ကိုကို့ကို ကြိုက်နေခဲ့တာ.. ကိုကိုကတော့ ဟွန့် "
သူကပဲ နှုတ်ခမ်းတွန့်မဲ့လိုက်ရတယ်ရှိသေးတယ်.. ။
နိုနိုရဲ့ စူပုတ်ပုတ် မျက်နှာထားလေးကြောင့် ကျွန်တော်အသည်းယားကာ ခေါင်းငုံ့ပြုံးမိသေးတယ်.. ။
" ခဏဖယ်အုံး.. ငါ အင်္ကျီလဲလိုက်အုံးမယ် ပြီးမှပြောချင်တာပြော "
ကျွန်တော် သူ့လက်ကို ဖယ်ချကာ ထပြီး ကျောပေးတော့..
" အယ်.. အယ် အဲ့ "
ရုတ်တရက်ကြီး နိုနိုမြန်မြန်ထတော့ ခြေယိုင်သွားရသေးတယ်.. ။
ယိုင်သွားတော့ ကျွန်တော် လှမ်းဆွဲဖို့ရှေ့တိုးပေမယ့် သူကတော့သူ့ကိုယ်သူပြန်မတ်နေပြီ.. ။
မျက်လုံးလေးကို ဖွင့်လိုက်ပိတ်လိုက်လေးနဲ့ သူ့ကိုယ်သူ အလုပ်ရှုပ်နေတာ.. ။
ဗိုရမ် အသာလေးပြုံးရင်းခေါင်းရမ်းကာ ကျောပေးတော့..
" ကိုကို.. ကိုကို ဘာလို့ နိုနို့ကို မချစ်တာလဲ "
" ............ "
ဗိုရမ် လှမ်းနေတဲ့ခြေလှမ်းတောင် တန့်သွားရသည်.. ။
" နိုနိုကတော့ ကိုကို့တစ်ယောက်ထဲကိုပဲ ချစ်ခဲ့တာ.. ကိုကိုကဘာလို့နိုနို့ကိုမချစ်ရတာလဲ နိုနိုက ဘာလိုအပ်နေလို့လဲ ချစ်ဖို့ကောင်းတယ် ရုပ်ချောတယ် အသားဖြူ တယ် .. ပညာတတ်တယ် တော်တယ် နောက်ဘာရှိသေးလဲ "
ကျွန်တော် ခေါင်းငုံ့ပြီးပြုံးကာ နိုနို့ဘက်ပြန်လာကြည့်လိုက်သည်.. ။
" ဘာလို့ အဲ့လိုရယ်နေတာလဲ.. နိုနိုက တကယ်ချစ်ဖို့ကောင်းတာပါနော် သေချာကြည့်ပါလား"
မျက်နှာလေးပဲရှေ့တိုးပြနေတဲ့ နိုနို.. ။
" ဟင်.. ဘာလို့ နိုနို့ကို မချစ်ရတာလဲလို့ "
ကျွန်တော် နိုနို့ကို အပြုံးရေးရေးလေးနဲ့ အတန်ကြာရပ်ကြည့်နေခဲ့တာ.. ။
" နိုနိုကို့ ကျောင်းမှာဆိုလိုက်တဲ့သူအများကြီးပါနော်.. ဒီလိုချစ်ဖို့ကောင်းတဲ့ မိန်းကလေးကို ကိုကိုမို့ အင့် "
" ချွမ်.. ခွမ် "
ဗိုရမ် နိုနို့လက်ကို လှမ်းဆွဲလိုက်တော့ နိုနို့ခြေထောက်တွေနဲ့ ဝိုင်ပုလင်းနဲ့ဝိုင်ခွက်တိုက်ကာလဲကျကုန်ပြီ.. ။
" အွန့်.. "
အနားရောက်လာတာနဲ့ နိုနို့နှုတ်ခမ်းလေးကို အမိအရနမ်းလိုက်သည်.. ။
ဝိုင်နံ့လေးနဲ့ နိုနို့ဆီကနေပန်းနံ့လေးရနေသည်..။
နိုနို့ကိုယ်လေး လွှတ်ထွက်သွားမှာစိုးလို့ခါးလေးကနေဖက်တွယ်ထားလိုက်သည်.. ။
ခဏလောက် နမ်းနေလိုက်ပြီးမှ.. ကျွန်တော် နိုနို့နဖူးလေးနဲ့ကျွန်တော့်နဖူး ထိတိုက်ထားလိုက်သည် ။
" မင်း ငါ့ကို ဘယ်လောက်ထိ ပြုစားနေအုံးမှာလဲ နိုနို.. "
" ကိုကို.. ကိုကို နိုနို့ကို "
" အဟက် "
ဗိုရမ် နိုနို့ကိုဖက်ထားရင်း ရယ်မိသည်..။
" မင်းကို ချစ်တာ ကြာနေပြီ.. မင်းကသာ မသိတာ "
" ဟင်.. နိုနို့ကို "
မျက်လုံးလေး ပြူးတူးတူးလေးနဲ့ ကျွန်တော့်ကိုမော့ကြည့်လာတာ.. ။
" အိပ်တော့.. ဝိုင်ကို ဘာလို့တစ်ယောက်ထဲ အဲ့လောက်သောက်ထားရတာလဲ "
" ကိုကို စောနက နိုနို့ကို ဘာပြောတာ.. "
" အပြင်ကပြန်လာတာ အဝတ်လဲအုံးမယ်လို့.."
" မဟုတ်ပါဘူး.. ကိုကို ပြောလိုက်တာ တစ်ခုပါ"
အခုကျ ခေါင်းမမူးနေဘူးထင်ပါရဲ့.. ။
" မင်း အမူးပြေနေတာလား.. "
ကျွန်တော် နိုနို့မျက်နှာလေးကို လက်နှစ်ဖက်နဲ့ညှပ်ကိုင်ကာ မျက်နှာကိုမော့ယူပြီးသေချာလိုက်အကဲခတ်ကြည့်ရသည်.. ။
" ............... "
မျက်လုံးက မပြေသေးတဲ့ အရိပ်ယောင်ပါ..။
ကျွန်တော် သူ့မျက်နှာလေးလွှတ်တော့ ကျွန်တော့်ခါးကိုတွယ်ဖက်လာသည်..
" ဘာလဲ.. "
" နိုနိုကို ချစ်တာတကယ်လား.. "
ခါးကိုလာဖက်ပြီး ခေါင်းလေးတိမ်းကာ လူကိုလာချွဲနေတာ.. ။
ကျွန်တော် သူ့ပါးလေးကို အသာဆွဲဆိတ်ပြီး..
" ဒီလို ချစ်ဖို့ကောင်းအောင် ခဏခဏလုပ်.. ငါကယောက်ျားတစ်ယောက်ဆိုတာလည်း မမေ့နဲ့အုံး "
" နိုနိုကို ချစ်တာတကယ်ပေါ့.. ဟင် ဟွန် "
မျက်မှောင်လေးတွန့် ပါးလေးဖောင်းပြကာ လူကိုပြုစားနေတာ.. ။
" အဟက်.. "
အသည်းတွေယားကာ ရယ်မိပြန်ရော..
" ဟွန်.. ဟွန် "
" ငါက ချစ်တယ်ဆိုရင် မင်းက ဘာလုပ်မလို့လဲ.."
ခေါင်းလေးပိုငုံ့ကာ မေးလိုက်သည်.. ။
" ဘာလဲ.. မင်း ငါ့ကို ခဏခဏပြောသလို ငါ့ကိုပြန်ချေပြမယ်ဆိုတာ လုပ်မလို့လား ".
" .............. "
ကျွန်တော့်ကို ငေးစိုက်စိုက်လေးကြည့်နေရင်းက..
" မင်း.. "
စကားတောင် ပြီးအောင်မပြောလိုက်ရ.. နိုနိုကခြေဖျားလေးထောက်ကာ ကျွန်တော့်နှုတ်ခမ်းမှာဖိကပ်နမ်းလာတာ ။
ကျွန်တော် တခဏတော့ ကြောင်ကြောင်လေး ဖြစ်နေမိပေမယ့် နိုနို့ကိုယ်လေးကိုမတွန်းဖယ်ဘဲပြန်လည်ပွေ့ဖက်ကာ အနမ်းခရီးဆက်လိုက်သည်.. ။
နိုနို့ဆီကဝိုင်နံ့လေးနဲ့ ကိုယ်သင်းရနံ့က ကျွန်တော့်ကိုပိုဆွဲဆောင်လို့..
ကျွန်တော် အသည်းယားလာကာ နိုနို့နှုတ်ခမ်းစွန်းကို တစ်ချက်ဖိကိုက်လိုက်သည်..။
" အ့ "
" နာသွားလား.. "
" နိုနို့ကို ကိုက်တယ်.. "
" နိုနို.. "
ကျွန်တော် သူ့ကိုလက်တစ်ဖက်က ဖက်ထားရင်း နောက်တစ်ဖက်က သူ့ဆံပင်လေးကိုသပ်ပေးနေမိသည်.. ။
" ချစ်ဖို့ ကောင်းနေလွန်းလို့ မင်းနားမကပ်ရဲဘူး.. ငါအသည်းယားလွန်းလို့ မင်းပေါ်ချစ်မိလိုက်ရင် ငါ့အနားကနေပြေးသွားမှာစိုးလို့.. ဒါတွေမင်းသိရဲ့လား "
ကျွန်တော် နိုနို့နဖူးကို အသာတိုက်တော့ သူက မနာဘဲ အော်ပြသေးတာ.. ။
" အဟွင်း.. မင်းကတော့ ငါ့ကို တော်တော်ကစား ပေါင်ပေါ်တက်ထိုင်ပြီးကွေးရတာနဲ့ ချစ်ဖို့ကောင်းအောင်လုပ်ပြတာနဲ့.. မင်းငါ့ကိုမကြောက်ဘူးလား ဟမ် "
" ခိခိ.. "
ကျွန်တော်ပြောတာကို နားရောလည်ရဲ့လား မပြောတတ်ပေမယ့်.. ပခုံးလေးတောင်လှုပ်ပြီးရယ်တောင်ရယ်နေသေးတာ ။
" ဟွန်.. မကြောက်ဘူးလား "
" သိဘူး "
ဖြေတဲ့ပုံလေးကစ ချစ်ဖို့ကောင်းအောင် ပြန်ဖြေနေတာ.. ။
" မင်း စခဲ့တဲ့ ဇာတ်လမ်းကြောင့် ငါအခုစိတ်ထိန်းမရဘူးနော် နိုနို.. ဘယ်လိုလဲမင်းငါ့အနားမှာပဲနေအုံးမှာလား တစ်ခြားခန်းငါသွားပေးရမလား"
" နိုနိုကို နှင်ထုတ်နေတာလား.. "
" ငါနဲ့ အတူနေမှာလား "
" နိုနိုက ကိုကိုနဲ့အမြဲအတူနေမှာ.. "
ရင်ခွင်ထဲကို ကိုယ်လုံးလေးသေးသေးလေးက တိုးဝင်လာသည်.. ။
" သေချာတယ်နော်.."
" အွန်း.. "
အဟက်.. ။
ငါ သေချာပြန်မေးတယ်နော် နိုနို.. ။
မိုးလင်းကျရင် ငါ့ကိုအပြစ်မပြောနဲ့..
ကျွန်တော် နိုနို့ကိုယ်လေးကို ပွေ့ချီမကာ ကုတင်ပေါ်အသာတင်ပေးလိုက်သည်.. ။
ပြီးနိုနို့ကိုယ်လေးဘေး ဝင်လှဲရင်းနိုနို့နဖူးလေးကိုအသာနမ်းလိုက်သည်.. ။
နောက် မျက်လုံးလေး.. ။
ပါးလေးနဲ့..
နိုနိုကမျက်လုံးလေးမှိတ်နေတော့ ကျွန်တော်ပိုသဘောကျမိပြီး နိုနို့နှုတ်ခမ်းလေးကိုအပိုင်သိမ်းထားလိုက်သည်.. ။
" ကိုယ် မင်းကို ချစ်တယ် နိုနို.. "
" ခိခိ.. "
နား နားလေးတိုးကပ်ပြောတော့ နားယားလို့ထင်တယ်.. ကိုယ်လေးတွန့်ပြီးရယ်နေတာ ။
" လာ.. ဟိုဘက်မတိုးသွားနဲ့ "
တွန့်ပြီး ရှောင်တဲ့ကိုယ်လေးကို ကျွန်တော် ပြန်ဖမ်းဖက်ရင်း.. အနမ်းခရီးဆက်ရသည် ။
ကိုယ်လုံးလေး သေးသေးလေးက ကျွန်တော့်ကိုယ်လေးအောက်မှာ..
နိုနိုကိုယ်လေးကို ကျွန်တော့်ပွေ့ဖက်ထားပြီးရင်းပွေ့ထားမိသည်.. ။
သောက်ထားတဲ့ ဝိုင်နံ့လေးများရနေလို့လား..
နိုနို့ကိုပဲစွဲလမ်းမိလို့များလား မသိ.. ။
ကျွန်တော် ရစ်မူးရင်းရစ်မူးနေခဲ့လျက်...
.
မနက်မိုးလင်းတော့ နိုနို ခေါင်းကြည်ကြည်လင်လင်မရှိနိုးလာရသည်.. ။
ခေါင်းကို ဖိကိုင်ရင်း ကုတင်ကနေထကာ မျက်လုံးလေးမဖွင့်ချင်ဖွင့်ချင်နဲ့ဖွင့်လိုက်သည်..။
မျက်လုံး ဖွင့်ဖွင့်ချင်း မြင်ရတာက..
ဘာလဲ.. ဝိုင်ပုလင်းနဲ့ ဝိုင်ခွက်တွေကလဲလို့
မုန့်တွေကလည်းပြန့်ကြဲလို့.. ။
' ငါ ညက တော်တော်ဖွထားမိတာလား.. '
မုန့်တွေစားရင်း ဝိုင်သောက်တာတော့ မှတ်ရနေသည်.. ။
' ကိုကိုတော့ ငါ့ကို ဆူတော့မှာပဲ.. '
နိုနို တွေးရင်း ခြုံထားတဲ့စောင်ဖယ်ကာ ကုတင်ကနေ ခြေဆင်းထိုင်တော့..
" အမေ့.. "
ရှပ်အင်္ကျီကြီး နိုနိုဝတ်ထားလို့.. ။
ကိုယ့်ရဲ့ပေါင်တံလေးဖြူ ဖွေးဖွေးလေးက ကိုယ့်ကိုကြိုဆိုလို့..
နိုနို ကိုယ့်ကိုယ်ကိုယ် ပြန်ငုံ့ကြည့်တာ.. အားမရတော့ မှန်ပြေးကြည့်ရသည် ။
" ဘုရား.. "
မှန်ထဲက ကိုယ့်ပုံကိုယ်ကြည့်ပြီး လန့်နေရသည်..။
" ကိုကို့ အင်္ကျီကြီး.. "
နိုနို့ကိုယ်ပေါ် ရောက်နေတာ ကိုကို့ရှပ်အင်္ကျီ...
" ဟင်.. "
ကုတင်စွန်းမှာ ထွက်နေတဲ့အစ လေးတွေ့လို့ သွားကြည့်တော့.. နိုနို့မနေ့ကဝတ်ထားတဲ့အင်္ကျီ..။
" ကလစ်.. "
အမေ့.. ။
ရေချိုးခန်းက တံခါးဖွင့်သံကြားတော့ နိုနို ကုတင်ပေါ် အပြေးပြန်တက်ကာ စောင်ခြုံ လိုက်ရသည်.. ။
" နိုးပြီလား.. "
ကုတင်ပေါ် သေချာလှဲပြီး အိပ်ချင်ယောင် ဆက်ဆောင်ချိန်မရ.. ။
ကိုကိုက ဆံပင်စိုကို တဘတ်နဲ့သုတ်နေတာ..
ကိုယ်အပေါ်ပိုင်း ဗလာမို့ မျက်လုံးအကြည့်အမြန်လွှဲလိုက်ရသေးတယ်.. ။
ဒီနေ့မှ အရင်နေ့တွေကထက် ရှက်နေတယ်မသိ..
နိုနို မျက်နှာလေး လွှဲသွားတာ ကျွန်တော်အမိရဖမ်းလိုက်သည် ။
" ဟိတ် နိုနို.. ဘာဖြစ်လို့လဲ "
ကုတင်မှာ ကိုကိုက ဝင်ထိုင်တော့ နိုနို စောင်ကို အတင်းကိုယ်မှာကပ်ဖိခြုံရသည်.. ။
" ဟွန်.. ငါ မေးတာ ကြားရဲ့လား နေမကောင်းလို့လား "
" ........... "
ကိုကိုက နိုနို့ကိုယ်ဆီ လက်လေးလှမ်းလာတော့ နိုနိုကိုယ်လေးကျုံ့လိုက်ကာ..
" နိုနို နေကောင်းတယ် "
သွက်သွက်လက်လက်လေး ဖြေလိုက်ရသည်..။
" အဲ့ဒါဆိုလည်း ထလေ.. ဘာလုပ်နေတာလဲ"
ကိုကိုက စောင်ကိုထိတော့ နိုနို အတင်းပြန်ဆွဲဖက်ထားကာ..
" ခဏနေမှ ထမို့.. "
" ............ "
ကျွန်တော် နိုနို့မျက်နှာလေးကို သေချာစိုက်ကြည့်နေတော့.. သူ့ခေါင်းလေးက တဖြေးဖြေးစောင်ပုံထဲဝင်ဝင်သွားတာ ။
" အဟက်.. အဲ့ဒါ ဘာဖြစ်တာလဲ "
" အမေ့ "
ကိုကိုက ရိုးရိုးမမေးဘဲ စောင်တွေနဲ့လုံးထွေးနေတဲ့ နိုနို့ကိုယ်လေးကို ကိုကိုကလှမ်းဆွဲဖက်တော့.. လန့်ပြီး အသည်းတွေတောင်အေးသွားရသည် ။
" ဘာလဲ.. ကိုယ့်ကို ရှက်နေတာလား "
ရယ်မြူးရိပ်လေးနဲ့ နိုနို့ကို ကိုကိုမေးနေတာ..။
သူ့ကိုယ်သူလည်း ' ကိုယ် ' တဲ့...
" ဟင့်.. အင်း "
စောင်ပုံအောက်က ခေါင်းလေးတစ်ဝက်လေး က အသာရမ်းပြနေတာ.. ။
မျက်ဝန်းလေးတွေကလည်း ကျွန်တော့်ကို ကြည့်တစ်ချက် မကြည့်တစ်ချက်..
ဒါလား.. မရှက်တဲ့မျက်နှာလေး
ကျွန်တော် ညစ်ကျယ်ကျာ်လေးပြုံးလိုက်ရင်း..
" ညက ဘာဖြစ်ခဲ့တယ်ဆိုတာမှတ်မိလား.. "
" အင်.. ဟင် "
အဟက်.. ဟက် ။
ခေါင်းလေး ညိတ်ပြပြီးမှ အလန့်တကြားလေးဖြစ်သွားတဲ့မျက်နှာလေး.. ။
" ကိုယ် မေးနေတယ်လေ.. မှတ်မိတာ ဟုတ်ရဲ့လားလို့ "
" ............ "
စောင်လေးထဲ ကိုယ်လေး ကျုံ့ဝင်သထက် ဝင်သွားနေတာ..
" ဘာလို့ အောက်ကိုချောချောသွားနေတာလဲ..နိုနို "
" အင်္ကျီသွားဝတ်အုံး.. "
" ဟမ် "
စောင်ပုံအောက်မှာ ဗလုံးဗထွေးပြန်ပြောနေတာ..။
" စောင်ကြီး ဖယ်စမ်းပါကွာ.. "
" ဟင့်အင်း.. "
ကိုကိုက နိုနို့ကိုယ်ပေါ်ကနေ စောင်ဖယ်တော့ နိုနိုပြန်ဆွဲယူထားရသည်.. ။
" ဟားဟား.. ဘာတွေ အဲ့လောက် ကြောက်နေတာလဲ "
" ကိုကိုနော်.. သိရဲ့သားနဲ့ နိုနို့ကိုမစနဲ့ "
" ဟင်.. ဘာလဲ ဘာကိုသိနေတာလဲ "
ကြည့်.. မျက်နှာက ခပ်တည်တည်လေးနဲ့ ပြန်မေးနေတဲ့ကိုကို့ပုံကိုကြည့်ပြီး ဆွဲကုပ်ပစ်လိုက်ချင့တယ် ။
" ဖယ်ကွာ.. ကိုကိုရာ အင်္ကျီသွားဝတ်တော့ သွား"
" ဟောဗျာ.. ဘယ်တွေ ဇွတ်သွားခိုင်းနေတာလဲ ဒါငါ့အိမ်နော် "
" ကျွတ်.. နိုနို့ကို မစနဲ့တော့နဲ့ "
ကိုကို စနေတာသိသိရဲ့သားနဲ့.. နိုနိုမှာမျက်နှာမဖော်နိုင် ။
" ကဲ ပြောပါအုံး.. ညတုန်းက ကိစ္စ မှတ်မိရဲ့လား "
" နိုနို့ကို ဘာတွေလာမေးနေတာလဲ.."
" ကိုယ် မေးတာ မင်းသိတယ်နော် နိုနို.. မရှောင်နေနဲ့ "
တွေ့လား.. လူကို ချောင်လာလာပိတ်နေတာ ။
" နိုနို.. ဖြေလေ "
" ကျွတ်.. ဘာလဲ ဘာလဲ ကိုကို့အင်္ကျီ ကြီးက နိုနို့ကိုယ်ပေါ်မှာ ရှိနေတာ နိုနိုမသိဘဲနေမလား..ဘာလို့ခဏခဏ လူကိုလာမေးနေတာလဲ"
" အဟက်.. ဟားဟား ဟက် "
ကျွန်တော် သဘောကျကာ ခေါင်းမော့ပြီး ရယ်လိုက်သည်.. ။
" ဟားဟား.. "
အရယ်မရပ်နိုင်တဲ့ ကိုကို့ကြောင့် နိုနိုနေရတာ ပိုကျဉ်းလာသလိုလို..
ထပြေးရအောင်လည်း ကိုကို့အင်္ကျီဝတ်ထားပြီးကိုကို့ရှေ့ကနေ ဖြတ်မသွားချင်.. ။
" ဘာလို့ အဲ့လောက်ရယ်နေရတာလဲ.. အမြင်ကတ်ဖို့ကောင်းအောင် "
" အဟက်.. မင်းကို ကိုယ်မေးတာက ညကကိုယ်မင်းကို ချစ်တယ်လို့ပြောတာမှတ်မိရဲ့လားမေးတာ.. ဘာတွေတလွဲထင်ပြီး ကိုယ့်ကိုပြန်ဖြေနေတာလဲ မရှက်ဘူးလား "
ကျွန်တော် တမင်သပ်သပ် နိုနိုကို စနေမိတာ..။
ကိုကိုကနိုနို့နှာခေါင်းထိပ်လေး အသာညပ်ကိုင်ပြီး စနေတော့..
နိုနိုမှာရှက်လွန်းလို့ ကိုယ်လေးသာပျောက်သွားလိုက်ချင်တယ်.. ။
" ဟားဟား.. နှာဗူးမလေး "
" ဖျတ် ဖျတ်.. ဖျတ် ကိုကိုနော် "
နိုနို မနေတတ်စွာ ကိုကို့ရင်ဘတ်တွေကို လှမ်းရိုက်လိုက်သည်.. ။
ကိုကိုကတော့ မနာတတ်စွာ သဘောကျရယ်ပြီးရင်းရယ်ရင်း...
" ကိုကို သွားတော့ သွား.. "
" ကိုယ်က ဘယ်သွားရမှာလဲ "
" မသိဘူး.. သွား "
" ဘာလဲ.. ကိုကိုက ချစ်ပြီဆိုတော့ ဒါ ပြန်ချေတာလား ဟင် "
" ဟာ... မသိဘူး သွား သွား နော် "
" အဟက်ဟက်.. "
ကျွန်တော် သဘောကျကာ ရယ်ပြီးရင်းရယ်နေမိသည်.. ။
" ကဲပါကွာ.. စောင်ပုံထဲကလည်း ထွက်ပါအုံး ဘယ်ချိန်မှ ထမှာလဲ "
" ကိုကို အရင်သွား.. "
" အဟွင်း.. ကိုယ်သွားမှ ထ မှာလား "
" ဟာ.. မစနဲ့တော့ "
" အဟွင်း.. ကိုယ်သွားပေးမယ် ထတော့ "
" အွင်း "
နိုနို စောင်ပုံထဲကနေ ခေါင်းတစ်ချက်ညိတ်ပြလိုက်သည်.. ။
" မင်းကို ချစ်တယ်.. "
ကိုကိုက နိုနို့ကို ချစ်တယ်ပြောပြီး နိုနို့နဖူးကို လာနမ်းပေးတာ.. ။
" ထတော့.. "
ကိုကိုက ပြောပြီး နိုနို့နားက ထ သွားသည်..။
ပြီး အဝတ်လဲကာ နိုနို့ကို ပြုံးပြပြီး အခန်းထဲကထွက်သွားပေးတာ...
" အား.. အီးအီး "
နိုနို အသည်းယားကာ စောင်တွေကြားမှာ အော်မိသည်.. ။
" ကိုကိုက နိုနို့ကို ချစ်တယ်တဲ့.. ခိခိ "
နိုနိုမှာ ကုတင်ပေါ်ကနေ တန်းမထနိုင်.. ။
ကိုကိုချစ်တယ် ပြောတာနဲ့ အသည်းယားကာကုတင်မှာ လူးလိမ့်နေတာ..
' နိုနို ကိုကို့အချစ်ရပြီ.. '
တစ်ယောက်ထဲ အခန်းထဲမှာ လူးလိမ့်ပျော်နေသလို...
အခန်းပြင်မှာနံရံကျောပေးရပ်ရင်း အထဲကအသံတွေကြောင့် သဘောကျကာ ရယ်နေတဲ့ဗိုရမ်.. ။
နိုနိုကတော့ တစ်ယောက်ထဲ အပျော်လွန်ပြီး စကားတွေပြောနေသမျှ...
ဗိုရမ်ကတော့ အပြင်မှာပြုံးရယ်နေလို့.. ။
' မင်းနဲ့ ကြာကြာနေရင် ငါ ရူးလောက်မယ်..နိုနို'
မင်းပြောသလို မင်းကိုချစ်ရင် ရူးရလိမ့်မယ်တဲ့..။
ငါဘယ်လောက်ထိဆက်ရူးနိုင်မလဲ..နိုနို
ဒါတော့မင်းပေါ်မူတည်သွားပြီနော်..
' ငါ အချိန်ကြာကြာ ရူးပါရစေ.. '
.
" အံမယ်.. ရုပ်က အခုတလော တက်ကြွလန်းဆန်းနေပါလား မျှပါအုံးဘာတွေဖြစ်နေတယ်ဆိုတာ "
ကျွန်တော့်ကို မြူးတူးတူး မျက်လုံးတွေနဲ့ ကြည့်နေကြတာ.. ။
" မင်းတို့က ဘာသိချင်နေတာလဲ.. "
" ဒီရက်ပိုင်း ပြောင်းလဲနေတဲ့အကြောင်းပေါ့.."
" မင်းမိသားစုကြောင့်လား.. ဒါမှမဟုတ် မင်းချစ်ဇနီးကြောင့်လား "
" ငါ့ကိစ္စ မှန်သမျှ မင်းတို့ကို သံတော်ဦး တင်ပြနေရမှာလား.. "
အဲ့လိုသာ ဂျစ်ကန်ကန်ပြောနေပေမယ့် မျက်နှာကတော့ အပျော်တွေပြည့်နေတာ ငြင်းမရ..။
မျက်နှာလေးက ကြည်လင်ပြီးပျော်နေမှန်းအသိသာကြီး..
" ဘယ်လိုလဲ.. မင်းမိန်းမကို မင်း ချစ်သွားပြီလား "
" ............. "
ကျွန်တော် မဖြေသေးဘဲ နှစ်ကောင်သားကို စိုက်ကြည့်လိုက်သည်.. ။
" ဟင်.. ချစ်သွားပြီလား "
ထပ်ပြီး လူကိုလောဆော်နေကြတာ.. ။
" မင်းတို့က ဘာတွေ အဲ့လောက် သိချင်နေတာလဲ.. ငါ့မိန်းမ ငါချစ်ချစ် မချစ်ချစ် မင်းတို့နဲ့ဆိုင်လား "
" ချစ်ချစ် မချစ်ချစ်ရုပ်ကြီးက ဒီလိုဒီလိုရုပ်ကြီးဖြစ်နေမလား..ဟင် "
ကျွန်တော့်မျက်နှာတစ်ဝိုက်ကို သူတို့က လက်တွေရှုပ်ရှုပ်ယှက်ယှက်နဲ့ လုပ်ပြရင်းလူကိုအစ်အောက်မေးနေတာ... ။
ကျွန်တော်ကလည်း တမင်သပ်သပ်မဖြေဘဲနဲ့ကို အိုက်တင်တွေခံနေလိုက်သည်..
" ဟျောင့်.. ချစ်ရင်ချစ်တယ်ပြောလိုက်စမ်းပါကွာ မင်းယောက်ျားပဲ မပြောရဲဘူးလား အခြောက်လား "
" အေးလေကွာ.. ကိုယ့်မိန်းမပဲ ချစ်ရင်ချစ်တယ်ပေါ့ ရဲရဲမပြောဘူးလား "
ဒီကောင် နိုနို့ကို အခုထိ မချစ်သေးဘူးလား..ဘာလား ။
ချစ်ရဲ့သားနဲ့ အိုက်တင်ခံပြနေတာလား..
" အဟက်.. ငါယောက်ျားမှန်လို့ ဖွင့်တောင်ပြောပြီးပြီ "
" ဟမ် ဟမ်.. ဘယ်တုန်းကလဲ ဘယ်ချိန်ကလဲ ငါတို့တောင်မသိလိုက်ရပါလား "
" ဟာ.. ဖြေးဖြေးမေးပါကွာ မင်းတို့က ဘာလို့အဲ့လောက်သိချင်နေတာလဲ မင်းတို့ကငါ့မိန်းမလည်းမဟုတ်ဘဲနဲ့ "
" အဲ့လောက် အိုက်တင်ခံမနေနဲ့ကွာ.. ပြောစမ်းပါဘယ်ကတည်းကလဲ "
" မနေ့ညက.. "
" မနေ့ညက.. "
" ငါ ပြန်တော့မယ်.. နိုနိုအတွက် မုန့်ဝင်ဝယ်ရအုံးမှာမို့ "
" ဟမ် ဟမ် "
ကိုယ်တွေတောင် နှုတ်ဆက်ချိန်မရ.. ။
သူကထပြန်သွားပြီ.. လိုက်လည်းပြန်မခေါ်အားနိုင် ။
" ဟျောင့်.. ဘယ်နှလမြောက်မှာလဲ "
" ငါးလ "
" ဟမ်..ဒါဆို ငါနိုင်တာပေါ့ "
" မင်းနိုင်တယ်ရှိမလား.. မင်းက ခြောက်လလို့ပြောတာလေ "
" ခြောက်လတွင်းလေ.. "
" ခြောက်လတွင်းလို့ မပြောဘူး ဟျောင့်.. ငါ့ကိုဘတ်ကီးလာမရိုက်နဲ့ မင်းရှုံးတယ် "
" တောက်.. တစ်လလေးကိုကွာ "
" မင်းပြောမှာလား.. ငါလည်းတစ်လလိုသွားတာကို "
ဒီလိုနဲ့ ကျွန်တော်တို့ လောင်းကစားက တစ်လလေးနဲ့ ကပ်သရေကျသွားတယ်.. ။
" တောက်.. ခွေးကောင် နောက်တစ်လမှာ ချစ်တာမဟုတ်ဘူး "
" ဟုတ်ပါ့ကွာ.. တစ်လစော ချစ်လိုက်တာမဟုတ်ဘူး "
နှစ်ယောက်သား မကျေမချမ်းလေးနဲ့ကျန်နေခဲ့လျက်...
🌸pann
무지애...🍁
.........................................................
pann စာပြန်မစစ်မိဘူးနော်.. ။
အရေးသား မကောင်းလည်း မျက်စိနောက်အောင်လုပ်မိပါတယ်.. ။
ဖတ်ရတာအဆင်ရောပြေကြပါ့မလားမသိ..။
pann တို့က ro ရမယ့်နေရာဆိုပျားတုပ်ခံရတာပဲ.. ကျားမြှီးသာပြေးဆွဲရင် အဆင်ပြေအုံးမယ်ထင်တယ် (မဆွဲတတ်လို့သေရင်လည်း တစ်ခါထဲအပြတ်ကို 😅)
အဆင်ပြေသလိုသာဖတ်ပေးကြပါလို့.. ။
ကျန်းမာရေး ဂရုစိုက်ကြပါနော်.. ။
သတင်းတွေ အဆက်မပြတ်နားထောင်ကြတာ..။
အဘက်ဘက်ဘေးဒုက္ခတွေရှိနေလည်း ကြံ့ကြံ့ခံအားတင်းထားကြရအောင်နော်.. ။
မနက်ဖြန်တွေမှာ ငါတို့တွေရပ်တည်နေကြရအောင်.. ။
အချိန်ပေးဖတ်ပေးကြတဲ့ တစ်ဦးတစ်ယောက် ချင်းစီတိုင်းကိုလည်း ကျေးဇူး အများကြီးတင်ပါတယ်နော်.. 🙏