#انكسار
#انكسار
عزيزة .. شن تبي قول من هنا
عادل ... متخافيش معاي امي باهي خششي امي ع الأقل
عزيزة ... لحظة لبست محرمة صلاة وفتحت باب تفضلي
سالمه .. يزيد فضلك ي بنيتي
عادل ... نا لوطه ياامي
سالمه .. تمام
عزيزة ... شن تشربي ياابله
سالمه ... قعمزي هنا ياابنية مانريد نشرب لا شي
كيف حالك انتي يمي
عزيزة ... ابتسمت الحمدلله
سالمه ... نا كيف مينتك عدتك وحدة من بناتي
عزيزة ... بارك الله فيك
سالمه ... شريتي لوازم ولا مزال
عزيزة ... اي لوازم ؟!
سالمه ... حاجات الفرح
عزيزة ... مش ع أساس مافيش فرح
سالمه ... من قالها انتو مزلتو صغار ومن حقكم تفرحو ولو ع الفلوس شوري هيا صبي
عزيزة ... وين
سالمه ... هيا صبي
مشن لسوق لقطن أرواب وحاجات الفرح
قبل ميبوش يديرو عشان عزيزة م عندهاش
إمكانية بس يبو يديرو ع حساب هل العريس
سحر .. قاعدة ف مكان يشبه للخرابه وادير ف غداء
صلاح ... خش وجه اصفر
سحر ... كنك
صلاح ... المؤجر قاللنا اطلعو
سحر ... ي نعلي وين بنمشو
صلاح ... مش عارف مش انتي عندك ام
سحر .. اها عندي بس مستحيل نا هربت منها
ولي سنين م شفتها خايفة
صلاح ... خايفة وكيف تبينا نعيشو ف شارع نشحتو
سحر ... كله من زفت اللي تشرب فيه كملت فلوسك عليه
صلاح .. مش كنت عاجبك ايام كنت نشرب
سحر ... طيش مراهقة غبية
صلاح ... هيا نمشو ل امك الأم مهما كان تسامح
سحر ...
احلام متكيه والباب يطق تفتح سحر
سحر امي وتخش ف حضنها تبكي
سامحيني ياامي سامحيني
احلام كنك ي ابنيتي كنك
سحر سامحيني وطليت تبوس ع رجلها
احلام تحول فيها خلاص معش تبكي
سحر رايفت عليكي ياامي
احلام حتى نا رايفت عليك وااجدددد ي عيوني
سحر صلاح يرجى برا م عندنا مكان نقعدو فيه
احلام
سحر بابا مش هيعترض صح قصدها راجل امها
احلام طلقني له وين من يوم هربتك
سحر سامحيني ياامي
احلام خلاص مش مهم هيا خشو ماعندي وين نهرب منك بنتي شن ندير
عزيزة نزلت ب الأكياس شكرا عمتي سالمه
سالمه ... هاه نزعل منك را هيا عادل ساعدها
عزيزة لا تمام شكرا نقدر نشيلهن
عادل نزل يساعد فيها حط حاجات ف صالة
تبي حاجة
عزيزة ... شكرا تعبتك
عادل ... عزيزة
عزيزة ... تصبح ع خير نعسانه والوقت تأخر
عادل ... تمام اوكي
عزيزة ... صكرت باب وتشوف لدبش
احلام وسحر يشربن ف قهوة
سحر ... نفس ماهو م تغير شي
احلام ... اي هو يدزلي ف مبلغ كل شهر سمعت انه تزوج وعنده اوليد وأبنية
سحر ... مزال يحبك
احلام ... جتني عزيزة
سحر ... عزيزة من
احلام ... حوتك قبل نطقتها اختك
سحر .. بالله عليك ياامي متقوليش اختي
احلام ...
سحر ... وشن تبي
احلام ... تعزم في ع عرسها
سحر ... وتبي تمشي
احلام ... لا بس حسيت ضميري انبني مهما كان نا جبتها
سحر ... لا امي نا بنتك بس هيا الله اعلم بنت
يمكن ملخبطين فيها ف مستشفى لو درنا
تحليل DNA
احلام ... مش لهدرجة عاد
سحر ... ها لمن طالعه بوي الله يرحمه مش هك نتذكره ولا انتي ولا حد من أقاربنا
احلام ... تذكر زمان كانت اتنمر ع ناس
وتضحك عليهم
يوم العرس
عزيزة لبست ڤيلو الابيض وطالعه نزيكة بكل ❤️
وخطفت الأنظار وكلهم حبوها ب طلتها الباهية
شافت ام عادل وهيا تحضن فيه وتبوس فيه
كان خاطرها تجي امها وتشاركها ب سعادتها
كانت فعلا كاليتيمة رغم اهتمام ام عادل
بس مش نفس الأم ياريت اجديدتي عايشة
محد حضر العرس مالهش ف دنيا غير امها
وأختها حست ب قلبها واجعها عيونها دمعن
بس عادل نساها كل حاجة ورقصو وضحكها
وغيرلها جوها ❤️
سحر تمشط ف شعرها قدام لمرايا
صلاح سحوره
سحر همم
صلاح الحوش هذا لبوك
سحر اها عليش
صلاح يعني لك نصيب فيه
سحر لا
صلاح كيف يعني
سحر هذا حوش راجل امي قصدي طليقها بوي راقد ريح منتف نا نقول لراجل امي بوي عشان
كان مدللني كل حاجة نبيها تجيني
صلاح وينه هو
سحر طلق امي كله مني نا سبب
صلاح مطلقها ومسيبها ف حوشه
سحر هو غني بعدين امي جايبتله ذكر
صلاح وينه خوك
سحر ف امريكا والحوش باسم امي عشان جابتله ذكر عطاه لها هدية
صلاح بأسم امك
سحر اي
صلاح شن رايك نخلو الحوش بأسمنا
سحر عليش وامي عايشة وخوي عايش
صلاح مش قلتي عندك اخ
سحر اي
صلاح ي غبية هو هياخذه ونحنا نقعدو ف شارع
سحر بدت تشقلب ف عيونها تفكر
صلاح هاه
سحر انت صح
قعدت عمتكم تزن كل يوم ع وذن احلام
لين احلام استسلمت اوافقت وتنازلت
بعد سنوات
سحر ... شن تقول
صلاح ... مش عندك اخت وعندها شقة
سحر ... اختي متزوجة واكيد عايشه مع راجلها
صلاح ... امك تسكن معاهم انتي بس بنتها
خليها تعاني شوي معاك
سحر ... صح معاك حق
خذو احلام ومشو بيها لقو شقة مصكرة ومافيها
حد وعرفو ان عزيزة انتقلت لحوش خاص ب راجلها
بس مش عارفين العنوان
صلاح نا معش نتحملها كل يوم مستشفيات
خلاص خلاص
سحر وطي صوتك امي تسمعك
صلاح امك تعبت منها
سحر عشان خاطري ي صلاح
صلاح توا هذا نأخذها نعزقها ف شارع وكر احلام
من يدها وسحر تجدا فيه ندخيلتك ي صلاح
صلاح اختاري نا ولا هيا
سحر تشوفلهم باهي عندي حل اسمعني
صلاح
سحر تأخذوها لدار الرعاية
اكبر كف ل احلام خذاته ف حياتها
صلاح تمام
سحر بنمشي نودعها
صلاح هيا
سحر نزلت وحطت امها سامحيني ياامي
احلام متسيبنيش بروحي نخاف نا
سحر مسحت دموعها وركبت سيارة
في المستشفى
على بوابة المستشفى ، تجري بسرعة ، ممرضة .. '' دكتور عادل , هنا ف حالة خطيرة ... وحدة عزقت روحها قدام سيارة '' ..
يجري دكتور عادل لغرفة العمليات .
بعد يوم
المستشفى كلها تحكي عن ، الحادث ، ..
عزيزة تحكي مع موظفة الاستقبال وسمعت هدرزتهم ، حرام مسكينة، زعما ليش انتحرت ..
الممرضة قال بتاع الامن لدار الرعاية شاف بنتها
او مرت ولدها وحدة مش كبيرة مهم حطتها قدام
رعاية ومشت ولما عدت سيارة مشت العجوز ع طريق قاصده الموت الكل لا حول الله دنيا جابت م فيها
عزيزة ... عيونها دمعن وهيا كويسة
الممرضة اي كيف م قالكش عادل
عزيزة لا امس جا تعبان رقد
الممرضة ع مهم هيا قاعدة ف غرفة اللي ع اليمين
كسور بس مافيها شي
عزيزة مشت وقالت نمشي نحمد ع سلامة
ب ابتسامة خفيفة هلا حمدلله ع سلامتك
إنشاء الله هذا حد السو
وتشوفلها احلام الله يسلمك
عزيزة عيونها توسعو من صدمة
حطت يدها ، ع كتف احلام ! ..مش مصدقة ..
'' من !! ، عزيزة ؟!! '' ... ،
تجي الممرضة ، '' الدكتورة عزيزة , الدكتور عادل يسأل عليك! '' ..
احلام منصدمة ، انتي دكتورة ...
عزيزة : باابتسامة خفيفة اها دكتورة حلم اجديدتي .. هنرد عليك شوي اخرى .
مشت لراجلها، و قالتله اللي صار ..
عادل باه نا توكتي اليوم منقدرش نطلع
عزيزة جيت ب سيارتي
عادل حط يده ع كتف عزيزة ديري بالك ع روحك
عزيزة متخافش نا سواقه😎
عزيزة ... خلاص عاد بلا دلع وهيا نمشو لحوشنا
احلام ... م عنديش حوش حتى شقة امي بعتها
عزيزة ... من قالك شقة اجديدة هيا حوشي جديد
احلام ... بعد كل اللي درته فيك بتاخذيني لحوشك
عزيزة .. تلم ف دبش امها هيا نمشو بسرعة مزال
وراي العشاء
احلام ... سحر كسرتني اللي رعيتها كسرتني وعزقتني
وانتي سيبتك وهملتك راعيتيني
عزيزة ... مش وقته هيا هيا
احلام ... ناضت مع عزيزة
عزيزة . فتحت شقتها وتجيها بنتها تجري ماما
عزيزة ... روحي وطبيت وحضنتها شوفي شن جبتلك
بنتها فتحت فمها ايس كريم
عزيزة ايس كريم
احلام ب ضحكة تشبهلك واجد وانتي صغيرة
عزيزة اي
احلام ممكن نحضنها
عزيزة هيا احضني اجديدة هيا
البنت حضنت احلام
واحلام خذتها تخيل فيها عزيزة
عزيزة نمشي نكمل باقي العشاء
احلام شن اسمك
البنت مليس
احلام عاشت الأسامي اسمك حلو زيك
ف البلكوني
عزيزة عطت ل امها كباية شاهي تهدرز على حنها
واحلام تبتسم
عزيزة وانتي كيف كانت علاقتك مع سحر
احلام كانت كل شي لي رغم مشاكسة بس
نحبها وتسامحها على اي شي كنت نشوف
روحي فيها لما كنت صغيرة ب زيادة حطت
يدها ع وجهها وتبكي نا شن دزتلها الا كل خير
ليش دارت في هك وتخلت عني وعزقتني
عزيزة وجعتها امها وحضنتها سحر طيبة
وتحبك اكيد يمكن كانت مضايقة بس
هتجي وتأخذك
احلام صح
عزيزة اي متأكدة نا
ثاني يوم
قاعدة عزيزة تهدرزلهن كيف تعرفت على عادل
عزيزة نا كنت طالعه طالبة امتياز وقتها وهو شافني
كان دكتور له 3 اسنين قاعد يلحق في واجد
مودة كيف طيحتيه ي دكتورة
عزيزة لقطته ب رجلي شوي طاح هاه
البنات ههه
عزيزة السر ف البسبوسة نبصر معاكن خفة دمي
هيا اللي خلاته يعجب فيا
ريما ي ثقة انتي😚
عزيزة ايوا هههه
مودة أوف امي ترن علي ها باهي أني جاية خلاص جاية قتلك
عزيزة تذكرت امها نا نستأذنكن وطلعت عزيزة
وصلت عند حوش رنت جرس لتحتلها الباب
سحر ... تفضلي
عزيزة ... اهلين سحر كيف حالك مدت يدها
سحر ... تشوفلها ومبتش تمد يدها اممم شن تبي
عزيزة ... امك
سحر .. مش قاعدة
عزيزة ... عارفة هي تبيك
سحر ... مشيتلها ف دار الرعاية 😏
عزيزة ... مش عيب عليك تعزقي امك هك تعرفي انها انتحرت
سحر ... وأخبارها
عزيزة ... كويسة كسور بسيطة قاعدة عندي
سحر ... عندك اوووو تصرف يليق بيك يا لقاقه
انتي م عندكش كرامة الللي سيباتك وانتي صغيرة
واستعرت منك طول عمرها ومحضرتش فرح ولا
تخرجك خذيتيها عندك شن نقول كرامة نووو
ما عندكش بكل باردة من يومك
عزيزة ... عيب عليك هذي امنا وأي وحدة ه ادير هك مع امها مش بس نا مهما كانت دايرة
سحر ... باه اشبعي بيها مهم هيا تحب من تحبني نا
عزيزة ... درتي هك عشان راجل رجالة مافيهم خير
هيجي يوم وتمرضي ويسيبك واللي درتيه ف امك
يردوه لك عيالك ليش تغلضي ف قلبك عليها
را دنيا صغيرة ومش دايمة مايدوم فات عملك
كيف بتلاقي ربك وانتي غاضبة امك هذا عقوق
الوالدين من اكبر الكبائر
سحر تثاوب كملتي أحاديثك ي حضرة الشيخة
عزيزة هيكسرك اللي ديري هك عشانه
سحر خليه يكسرني انتي شن دخلك هيا سلام صكرت باب ف وجهها
عزيزة بدت تذكر مرة ف المدرسة قبل ما يموت بوهن
البنات ... سحر من هذي
سحر ... شافت العزيزة بنت الخدامة
البنات ... عندكم خدامة ماشاء الله
سحر هاك امسكي شنطتي ومشت تلعب مع البنات
عزيزة تشوف لسحر وماسكه شنطتها
عزيزة مشت ل امها وقعدت تقوللها ف اعذار
كل ماتسألها عن سحر تخلقلها عذر واحلام تصدق
عزيزة مشت لعادل لو مضايقينك نطلعو نا وامي
ل اي مكان عادي
عادل امك هيا امي وأي حد تحبيه حتى نا نحبه
عزيزة ربي يخليك لي
عادل ولي شوفي شن جبتلك
عزيزة وااو
كانت سلسلة ذهب مكتوب عليها عزيزة
لبسها وهيا فرحانة ب انه ربي عوضها بعد
العذاب اللي شافاته ❤️
أما عند سحر جت لحوش لقت دبشها وكل حاجة قدام الباب ف البداية استغربت بعدها مباش ينفتح
الراجل تفضلي ي ابلة
سحر من انت هذا حوشي
الراجل زوجك باعه لي له أسبوع واليوم جيت نستلم لقيت دبش مزال قاعد طلعته وغيرت قفل
سحر طلعت تليفون من شنطتها اكيد ف حاجة غلط هنتصل ب شرطة يجو يتفاهمو معاك
ولقت مسج صوتي ع الواتس خشت عليه
كان من صلاح حبي ماادوريش عليا خذيت لفلوس
بتاعت الحوش ونا ف روما تشاااو اقعدي فيها
سامحيني كان خاطري نقعد معاك اكثر بس
مملة ومافيكي خير طردتي امك خايف شي
يوم نرقد معش نوعى تقتليني ولا تعزقيني كيف امك
سحر لااا لااااااا وقعدت تضحك وتبكي تخالط شعورها مش بس هك خذا حتى رواتبها اللي
ف مصرف كلهن
عند عزيزة ف عايشة حياة سعيدة مع راجلها
وامها وعيالها وكانت حامل ف شهر تاسع
وطالعين ف زردة
عادل بشويش بشويش ايوا
عزيزة ي نعلي حاسه خلاص امتى نولد ونتريح
سالمه هانت ايام
عزيزة ان شاء الله
احلام ميليس تعالي هنا اصحي اطيحي
سالمه لصغار ديما هك
عزيزة ابتسمت وتذكرت حنها كيف كانت تخاف عليها عينها دمعت
عادل كنك ف حاجة
عزيزة حاجة خشت ف عيني
عادل قعد ينفخلها
النهاية
لا للعنصرية
قالَ رسولُ اللهِ "صـلى اللهُ عليهِ و سلـم " : ( لا فرق بين عربي و لا أعجمي و لا أبيض ولا أسود إلا بالتقوى )