✳ الجزء 71 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
جالسة مع صفاء و سيف الفوق كي سمع ليهم و مبتاسم من هذه خيتي لي معاهم خصوصا مني سمع سميتو
جات الخدامة و حطات ليهم الماكلة حنات أمنية كتاكل بيدها
امال:تبغي تخرجي في العشية
أمنية:مكرهتش لكن معندي ما نلبس
آمال:نعطيك من عندي
أمنية:شحال في عمرك
امال:20 سنة و انت
أمنية:18 العام
امال:مزيان خديتي الباك ديالك
أمنية:اه خديتو داكشي علاش جيت لهنا ندير الفندقة لكن الوليدة ديالي الله يرحمها مكانتش باغاني نجي لهنا لاگادير
امال:الله يرحمها علاش
أمنية:قالت ليا فيها غير الدياب و داكشي غير حطيت رجلي هنا و هما يطيرو ليا الصاك ديالي كان عندي فيه 3000 درهم
امال:مشي شي جاجة دابا تعوضيها
أمنية:لا مشي هكدا انتوما عندكم ساهلة اما حنا لا راه مي كانت كتخدم فيهم باش جمعاتهم
امال:اوا دابا ربي قولي ليا عندك شي حبيب
امنية(هزات العصير كتشرب):لا معنديش لكن دابا لقيتو
امال:كيفاش
أمنية:انا في الحومة مكاينش لي كي قد عليا
امال:علاش
أمنية:حيت عندي الصمطة سودة كنت ديما محيحة عليهم في الحومة داكشي مكاينش لي يعمر العين
امال:دابا لقيتيه
أمنية(ضحكات):اه و معاكم
امال:كيفاش متقوليش ليا عمار
أمنية:داك المعقد سمحي ليا اختي وخى خوك لا كنهضر على لي دخل دابا طول و تجريدة و حجرتو تقيلة
امال:ااااه سيف الدين
أمنية:علاش سميتو سيف
امال:اه و راه هو و حلم مكيتفارقوش ردي بالك يكون بيناتهم شي حاجة و تصدقي في المشاكل معاها
أمنية (سمعات حلم هي تجمعها):لا لا لا اختي البنت دارت فيا خير نردو ليها بو مزوي مقادا على مشاكيل معاها الله يكتر خيرها
امال:غير هضرت و صافي
أمنية:نساي لي قلت ليك والله انا غدا غادي بحالي من لهنا گعمة نبقا نشوف كمارتو
امال:واش بصح
أمنية:زعمة عنمشي مع حلم قالت ليا عتعاوني حتى نوقف على رجلي
امال:كون غير تبقاو معانا
امنية؛انا كرهت
بقاو كي هضرو و سيف عجباتو أمنية بصراحتها بغا يشوف قصحيتها و واش تصلاح ليه و تنسيه في حب الاول لي حرقتها مزال شاعلة في قلبو لداخل✳ الجزء 72 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
دخلات الطواليط و سدات الباب و شافت راسها في المراية ضربة لي دار ليها في لوطو كيفاش بانت زرقة و تحت عينيها حتى هما زراقو غمضات عينيها مدات يديها حيدات الحمالة و هبطات دراعها كنشوف واش تقدرت تحركها حسات براسها شوية وخى معگورة شدات الحمالة و خرجات من تما بعد ما رجعات شعرها القدام باش تخبي الضربة لي عندها في عينيها و جبهتها
هودات القاعة الحفلات لقات ارسلان واقف بتسمات و مشات عندو حطات يديها على كتفو دار عندها
حلم:مالك معايا
ارسلان(بنفخة):مبغيش تقلق راحتك
حلم(فهماتو):امم مشي شي حاجة اخرى
ارسلان:صرحة معنكدبش عليك
حلم:شنو
ارسلان:شنو بينك و بين سيف
حلم(بتسمات):خويا الكبير لي معنديش صندوق اسراري
ارسلان (وسع عينيه):مبيناتكم والو
حلم (بتسمات):لا والو علاش عيكون
ارسلان:و علاش كتجمعو كتبقاو توشوشو
حلم:عادي العشرة ديال 5 سنين
ارسلان:اواااه فراسك هذه المدة معمرو جا المغرب ليها
حلم:عارفة حيت خدام مع خالد هذاك لي تلاقيتي معاه
ارسلان:امم عارف فراسك فرحتيني
حلم:علاش
ارسلان:حيت انا معجب بيك بزااف ا حلم و انت
حلم(حنات راسها)
ارسلان (مد يديه و هز ليها راسها):شنو نفهم
حلم: وصافي خليني نخدم
ارسلان (جرحها عنقها):نتغداو بجوج و هذه المرة تكوني حدايا
حلم:صافي واخا لكن عتوحل معايا على حساب يدي
ارسلان:مشي مشكل
باس يديها امام الجميع لي مقبيلة حضينهم كملو خدمتهم و هودو تغداو ارسلان مقاداه فرحة حيت سيف خوه كبحال خوها رتاح و هو لي فهم غلاط
كملو و كل واحد مشا الشغلو منين سلاو مشات حلم مع ارسلان القصر دخلات ليه و حيدات حوايجهت بدلاتهم مشطات شعرها حتى كي تفتح عليها الباب و دخل منو تصدم منين شاف دراعها و وجها كيف داير✳ الجزء 73 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
وصل ليل لي كان كينتاضرو بفارغ الصبر ناض خرج من تما و ركب لوطو كسيرا نيشان المستودع فين كاينة المراة شد طريق الغابة دخل ليها و بقا غادي كتسمع غير صوت دياب في ديك الجهة قلب الطريق بعد مدة وقف قدام واحد الباب ديال لحديد ترفعات السما و دخل ليها بلوطو زاد وسط الشجر و دخل واحد باب المستودع نزل و مكيتسمع غير قطرات الماء في ديك الجيهة
توجه الداخل و خطوات الصباط كي تسمع صداه لي كل مكان حدو كي قرب كتبان ليه مرا كبيرة في العمر جالسة على واحد الناموسية و متوسدة مخدة جا حتى الوجها و زعزعها تنوض
المراه حلات عينيها و شافت فيه و هي نضر ديالها ضعيف شوية تقادات و جلسات مقابلة معاه
حيدر(بتخنزيرة و صوتو لي كي جيب الرعدة):مرحبا بالحاجة فنيدة
فنيدة:شكون انت اولدي
حيدر:مشي مهم الحاجة عرفتي علاش جيتك
فنيدة: اولدي علاش عنعرف كنت جالسة معليا ما بيا حتى كتجي واحد البنت قالت ليا بلي شي مرا عتولد و مضت مشيت معاها حتى كنشوفهم حطو ليا شي حاجة على وجهي و نعست حتى فقت عطاوني ناكل و انت دخل
حيدر:غير بشوية عليك عتفهمي كلشي انا محتاج عقلك ا ميمتي
فنيدة:واخا اولدي
حيدر:قبل 18 السنة جات عندك واحد المراة و كانت طلباتك على واحد العائلة تربي بنت صغيرة عاقلة عليها
فنيدة:شكون اوليدي
حيدر(عرفها معتعقلش جبد صورة بيسان):هذه الا عرفة قولي
فنيدة(خدتها كتحقق فيها حتى نطقات):هذه البنية ماشاء الله عليها
حيدر(قفز):واش كتعرفيها فين هي
فنيدة:صرحة لي عنقول ليك انت معرفهاش فين كاينة لكن لي عارفة انها عائشة مزيان حيت الناس لي خداوها لباس عليهم
حيدر(تعصب):كييييفاااش عوديلي لي كتعرفي
فنيدة:المراه جات عندي و طلباتني على بنت يتيمة كانت ديك الساعة جالسين عندي في الصالون جوج ديال العيالات وحدة كانت حاملة وقيلة و كانت معاهم ديك البنت و هضرات معايا حيت وخا كان عندي الصالون كنت كنولد و شحال من وحدة ماتت و خلات التربية منين سمعت ليها مكتولدش بقات فيا و انا نواعدها الا لقيتها نعيط ليها
داز الوقت حتى كتصوني ليا نمرة معرفتهاش كتهضر معايا مخلوعة على ود المرأة لي جات هضرات و قالت ليا انها تعطي بنتها لدوك الناس و تربيها بعيدة حيت ناوي شي واحد يقتلها هي و بنتها في الاول خفت لكن قلت ندير حسنة و نعتقها صونيت المراه جات عندي هي و راجلها و تلاقات المراه كانت ما شاء الله زوينة و أية في الجمال عطاتهم العنوان و قلت ليهم وحدة أخرى عتخرجها عندها داكشي دازت يوماين الصلات بينا المراه خرى و عطاتهم العنوان و قالو ليها عيلقاوها في واحد الحي شعبي في كازا لكن كدبو عليها كيف قالت ليهم المراه لي مشات عندها و تفاهمو حتى واحد ميعرف بلاصتها وفاة بوعدهم و مشاو من تما معليها حتى خبار هذه الشي لي كاين اولدي
حيدر(مسح وجهو بعصبية):و هذه المرة اكيد خلات ليك شي حاجة باش تواصلي معاها
فنيدة:لا اولدي مخلاتش حيت ام البنية سنات ليها على التنازل و كان فيها جوج ستيات يمكن ديال راجلها و حلفات ليها عتردها أميرة عندها
حيدر:فين كانت هنا لي كازا بضبط
فنيدة:معقلت اولدي الاحياء تبدلو بزاف راه 18 العام
حيدر(جا يجاوب سمع تيلي كي صوني شاف ليها):سمحي ليا لكن الا بغيتك عنجيبك عندي الدراري عيوصلوك
فنيدة:الله يرضي عليك خليها تعيش
حيدر:يكون خير
خرج البرا و ولا صونا:مالك مصدعني شنو كاين
سيف(معصب و كشاكشو خارجة): كنتسناك في هذه العنوان قسما بالله حتى تخلص لي درتيه و بدوبل
قطع عليه قبل ما يهضر خلاه كي غلي ركب و كسيرا فين قال ليه ساعة بالكامل كان عندو شافو نزل حتى هو مخنزر✳ الجزء 74 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
دخل و حل الباب عليها كيف شاف المضر لي قدامو تعصب يديها زرقة و صباع اليدين باينين جبهتها منفوخة و زرقة و و عينيها حتى هي قرب عندها و يديه عروقهم خرجو بلا منهضرو على نواضرو لي كيسنيو و باين عينين حمرة كيف الجمر تقدم عندها هي كترجع بلور مفهما ولو شد يديها و زهزها ليها
سيف(من تحت سنانو):شنو هذه الشي
حلم(عاد تواعات نتراتها):والو
سيف (شدها من كتافها):متجنينيش شنووو هذه الشي
حلم:سيف كتقصحني حيد
سيف(غوت):حووووولم جااااوبييي
حلم(عينيها دمعو شافت فيه):سير سول ولد خالك لي داخل منجم عليا
سيف:كيفاش عمار
حلم(نترات يديها): حيد عافاك خرج نسا انا هنا على قبل هدف واحد نساليه و نخرج بحالي
سيف (من تحت سنانو):علاااش ساكتة علاش مكتهضريش ااااه مخلياه دايرك تحت الصبااااط
حلم(شافت فيه):مكاينش لي يديرنيي تحت صباط و بالنسبة لعمار انه يعرفني شكون انا و اهانتو ليا وقت ما سنحات ليه الفرصة اكبر عيقاب حيت معيلقانيش ديك الساعة
حنات راسها كتمة لبكية ديالها هز ليها راسها بين يديه و شاف فيها وخى شاعل لكن عيبردها في جيهة خرة
سيف:غنسولك و جاوبيني بصراحة
حلم (كتشوف فيه و رموشها فتزگين)
سيف:انت كتبغيه ياك رغم كلشي عهدكم و وعدكم و انتوما صغار مزال بيناتكم ا حلم شي لي مقدراش تستحمليه هو هدا رغم كلشي كتموتي عليك
حلم(شافت فيه صدمها):كنزمر عليه هانت عرفتي دابا بغيت نرتاح خرج
سيف(باس راسها):كنواعدك عنخليه يندم انت حداه و ميقدرش يقرب
حلم:شنو ناوي دير
سيف:لي كان خاصو يدار
ناض خرج و هي تابعات :سيف وقف بلاتي سيف
مسمعهاش نزل كي جري ضهص في امال و أمنية لي عاد داخلين و زاد ركب لوطو و صونا العمار يجي عندو قطع عليه مشا فين دار معاه نزل و بقا كي شوف قدامو حتى وقف عليه بلوطو شافو و نزل توجه عندو هو جمع القبض ديال يديه و زاد✳ الجزء 75 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
وقف و جمع قبضة يديه توجه ليه و عطاه نيشان الحنك حيدر معطلوش ورجعها ليه و بقاو مني منك مني منك حتى تخلط وجهم بدم و حبسو كي نهجو
سيف(كي غوت):شنو دارت ليك شنوووو علاش كتعامل معاها هكداك علاش
حيدر(شاف فيه مخنزر):قلت ليك في الاول معنديش مع القحاب لي يدخلو القصر سمعتي
سيف (تجنن ولا عودو عوتاني):هذيك مشي قحبة سمعتي مشي قحبة ديرها في راسك
حيدر(رجعها ليه):زدتي فييه بزاااف شكووون تكووون بنسبة لييك حتى دير عليها هذه الحالة
سيف (مسح فمو من دم و شاف فيه): مكتعنيش ليا قد ما كتعني ليك
حيدر(قوس حجبانو)؛كيفاش شكتخور عليا في الهضرة
سيف (غوت):مكنننننخورررررش البنت نفراااااااتتتتتتك و تهررررربااااااات مننننننك معداااااا تجيييي عنننننددددك و تعااااااونها و تتتتتعييييييشها تتتحتت جنااااك ووو تقووووليك شننووو ضاااارهااااا
ااااانتت ليييي كاااان خاااصك تكوووون في بلاااصتتتييي تسمعهااااا و تفهمهااا توقف بجنبهااااا و تقول ليها حبيبتي انااا معاااك
(رجع لور و فتح يديه):لكن معامن عتكون مع واحد اصلاا قلل منها ضربها و هانها و كان غيتكرفص عليها
قرب عندو و شاف ليه في عينه نيشان مفيكسيين و حيدر كي شوف فيه مصدوم من كلامو شنو كي قصد بيه تلف و اول مرة
سيف:عرفتي اول ما رجعات ليها الداكرة الصغر شنو جا فبالها انت اول واحد لي كان كيواعدها بحمايتها لكن كان خاصو يحميها من راسو هو الاول
حيدر(تجنن دفعو و شاف فيه): علاااامن كتتتهضر بلاااا الغاااااااااااز
سيف(غوت):على حلللم او نقول بيسان ا حيدر بيييسان
حيدر تصمك منين سمع سميتها تلف و حس بدنيا كدور بيه ممتيقش لي كيسمع رجع جوج خطوات لور و رجليه فشلو عليه هز راسو و شاف فيه يأكد ليه واش لي سمع صحيح سيف معطلوش هز راسو باه
حيدر(عروقو خرجو و برزو تزير شاف فيه): شنو لي يخليني نتيق ااااه
سيف(زاد جعر):معنكدبش عليك انا عودات ليا منين عتعرف على عائلتها هذه الشي كامل و الطريقة باش مات كانت كانت كتشوفهم و هما كي تحرقو بسباب داك الحادث دخلت في صدمة نسات كلشي حتى جات لقصر و شافت باك و البلاصة فين ماتو والديها تما رجعات
(شاف فيه) :عرفتي كتقول تمنيت كون بقيت في امريكا و منرجعش لهنا
حيدر تفكر نهار لي سخفات بين يديه و داها لدارو تما هانها و قلل منها و كان قريب يغتاصبها باش يشفي غليلو فيها عاد عرف علاش كان كيتملكو شعور من جيهتها و قلبو كي حسب بين كي نبض شوية تفكر كلامها و جملتها لي قالت ليه*و ما ضرني غريب يجهلني لكن اوجعني قريب يعرفني* دي ساعة كانت عارفاه هو شنو دار معاها غمض عنيه و ولا حلهم شاف فيه و نطق
حيدر:هي لي كدير لعمتي هكداك ياك
سيف: اه هي
حيدر(حط يديه على راسو لي قرب ينفاجر):علاااش مهضراتش علاااش
سيف:سول راسك اولد خالتي راسك عتعرف الجواب
سمح فيه ركب و مشا بحالو خلاه غارق في تفكيرو نزل على ركابيه لي فشلو عليه و غمض عينيه متألم ما حلتو لحبيبة قلبو لقاها ما لحلتو يكره راسو على معاملتو معاها تأكد دابا انها كتكرهو و بزاااف گاع
شاف في سما و طلقها بواحد الغوتة تسمع من مراها في المكان لي كان فيه :اااااااااااااااااااااااااااه✳ الجزء 76 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
بقات جالسة ليل كامل على جمر كتسناه يجي والو هزات تيلي كتصوني ليه بقا شوية و جاوب
حلم(بنرفزة):فينك ا سيف
سيف:في البار فين عنكون
حلم:عنجي عندك
سيف:لا حلم حلم سمعي ***
شاف في تيلي طفا ليه تعصب
سيف:تفوووو على زهر
وقف عليه شي خيال هز راسو و شاف فيه و ولا حنا على الكاس حتى هو هز كي شرب و راسو مرفوع
سيف:شنو لي جابك
حيدر:لي جابك حتى انت
سيف:شنو عدير
حيدر:اول مرة نتلف كون عرفتها في الاول مستحيل نأديها
سيف(شاف فيه):و دابا
حيدر:كنبغيها بزاااف ا خويا
سيف:صلح غلاطك معاها
حيدر:صعيب تسمح ليا شحال من مرة ضربتها و هينتها نعتها بالقحبة و مكتسواش عاقل اول مرة شفتها بانت ليا ضعيفة (بتاسم) خصوصا منين شافت في رجلها و هضرات معايا بطريقة و زوينة انا كنت معصب دفعتها و طاحت الارض مقصحة
سيف(شاف فيه):حلم مشي قاصحة
حيدر:معايا عتكون قاصحة ا خويا و زيد عليها كتكرهني
سيف:و الا قلت ليك كتبغيك رغم كلشي
حيدر (سمعها دور راسو شاف فيه): كيفاش
سيف:كيف سمعتي
حيدر:مستحيل منتيقش
سيف:كتبغيك شي لي مقدراش تعتارف بيه هي راسها
حيدر:باش عرفتي
سيف:حيت كتخبي هذه الشي لي كدير فيها اما كون فضحاتك شحال هذه خصوصا أن ولد خالتها خدام في المخابرات والله حتى تغرقك انا لي كنعرفها
حيدر:كيفاش واش متأكد
سيف:جمع ها هي داخلة
حيدر(دور راسو شاف فيها كانت غزالة فوق القياس هضر مع سيف):مبغيتهاش تعرف انني عرفت واخا
سيف:كون هاني
عند حلم ناضت لبسات كسوة طويلة حد الركبة و دارت مكياج خفيف ركبات هزات صاكها و خرجات من تما ركبات لوطو ديالها كسيرات نيشان البار بعد ساعات كانت تما و الساعة كتشير 1 ليل دخلات ليه و الاعين عليها شافت فين هو بان ليه هو و حيدر جالسين كطلب الله ميكونش قال ليه شي حاجة تقدمات عندهم و عينيها على حيدر لي كيشوف فيها بطريقة مفهماتهاش
سيف(غوبش):شنو قلت ليك انا
حلم:كالم طوا
سيف:جلسي
حلم(جلسات حيدر حاضيها):فين كنتي علاش خرجتي
سيف:راك عارفة
حلم:معرفاش منين كتكون معصب كتفقد السيطرة على راسك
سيف:صافي تهدني جلسي شوية و يالله نمشيو
حلم(تنهدت):واخا
جا سرفور و شاف فيها:بغيت فودكا
حيدر تعصب انها تشرب شد في رجل سيف لي بدورو جنناتو
سيف:تحطيه في فمك نقلب عليك هذه الطبلة
حلم(شافت فيه):اوووف زدتي فيه هذه النهار ا سيف مناقص من هذه الجلسة الله يعاونك
وقفات و غادة بحالها و هو يوقف حيدر شدها من دراع لي مريضة دارت شافت فيه مقصحة✳تتمة الجزء 76 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
شدها حيدر من دراعها لي مريضة دارت شافت فيه و صدرات انين منها
حلم:طلق كضرني
حيدر(سمعها خاف طلقها و باقي مغوبش):جلسي لارض
حلم:لا
حيدر(غمض عينيه بعصبية و ولا حلهم): جلسي
حلم(شافت في سيف):بسلامة
حيدر(تعصب من قصوحية راسها): قسما بالله و تزيدي خطوة وحدة حتى عيهزوك من لهنا الإنعاش نيشان
سيف:حيدااااار
حيدر(غوت):جلسي
حلم شافت فيه و ضغطات على يديها جلسات البارمان غير حال فمو فيها شي لي معجبوش
حيدر:جيب عصير
البارمان:واخا
مشا و هي جلسات فوق خاطرها معاهم بجوج حيت مكتحملش لي يفرض عليها شي حاجة
سيف(عرفها معصبة شاف في حيدر كذلك): مهضرتيش مع صفاء
حلم(صمت)
سيف:حلم كنهضر معاك
حلم(صمت)
حيدر(بتاسم شاف فيه و غمزو يسكت)
حلم(جاب ليها البارمان العصير و حطو): شكرا
سيف:اهاه هو هضري و انا نخال ياك
حلم(شافت فيه):بغيت نمشي
سيف(ناض جلس حداها حط يديه على كتافها):متقلقيش مني عافاك
حلم(تقصحات):سيف كتفي
سيف:هانا سمحي ليا
حلم:علاش
سيف:حيت غوت عليك راه مكنحملكش تشربي
حلم:مزيان
سيف(شاف في حيدر):اوا
حلم(شافت فيه):تمالك وليتي كتهضر معايا بالالغاز و حدود
سيف(تلف):انا حشومة
حلم:بغيت نمشي
حيدر(شاف فيها):نوضي
حلم:عندي لوطو ديالي
حيدر (مفيه لي يتقابح ):سيف قول هذه صاحبتك انا برا تفكر تمشي بوحدها نهارها مايطلع فيه الشمس
سمح فيهم و خرج في حين حلم شافت فيه:قولتيها ليه ياك
سيف:لا مقلتهاش ليه جيت لهنا كنشرب حتى كي وقف عليا جلسنا جميع
حلم:مشي دابا عيعرف
سيف:امتى
حلم:منين نكون غادا لحالي
سيف(باس راسها):خرجي سيري معاه هضرت انا و وياه و واعدني معمرو عيحط عليك يديه
حلم:اوكي باي
مشات و هو شاف فيها:غير سيري ا بنت خالي غدي يخرج فيك العجب حتى تكوني ليه (ضحك)لعب بيناتكم عاد عيزها ياسلام (تفكر أمنية) شمكيرتي منعرف شنو عتكون كدير
خرجات البرا و شافتو واقف على لوطو و البنات دايرين بيه شافها و طول شوفة جر وحدة منهم دور يديه على خصرها و قرب شفايفو من شفايفها شرع في تقبيلها و عينيه عليها هي لي مصدومة فيه مرضياش تقرب ليه شي وحدة معرفاتش علاش تعصبات هكدا بدأت القردة كطلع ليها الراس لكن مبيناتش خلاتو حتى بعد عليها و تقدمات عندو
حلم:الا ساليتي مسخ ديالك بغيت نمشي
حيدر(خوا ليها الطريق طلعات و هو دار يركب و كي دوي في خاطرو):قالت ليك المسخ واخا ا لالة بيسان منين تكوني تحتي نوريك لمسخ كيف هو
ركب حداها ديمارا نيشان القصر و كي دور يشوف فيها✳ الجزء 77 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
في الطريق كلها كي شوف فيها و يحاول يروي شوقو ليها و هي ممصوقاش ردات راسها على الكوسان و داتها عينيها بلا متحس شافها وقف جنب الطريق و دار عندها شاف فيها كيفاش ناعسة كيف الملاك هز يديه حيد ليها الشعر من على عينيها و تفحصها مزيان
بعد منين هزات يديها كتحاول تحيد شعر لي على ودنها معنكشها بتاسم حيت عارف نعاسها تقيل بان ليه جيهة جبهة ديالها منفوخة و زرقة و عينيها كذلك غمض عينيه بعصبية ولا حلهم
قرب باس راسها بلاصة الضربة و عينيها لي زرقة نزل لخدودها و هبط لشفايفها لي كانت بارزاهم بگلوز دوز عليهم صبعانو و نزل لهم طبع قبلة خفيفة عليهم عاد بعد كي ولي يتفحصها
حيدر:كنواعدك غدي ندير ما فجهدي باش تنساي جميع اهاناتي ليك و عنخليك تعتارفي بحبك ليا و نعيشك أميرة وسط قلبي (قرب باسها في شفايفها) كنبغيك بزاااف ابنت قلبي
بتاسم بعد و رجع ديمارا و عينيه عليها حتى وصل القصر نزل و دار هزها بين يديه كيف الريشة و طلعها البيتها فتح الباب و دخل حطها في فراشها حيد ليها جاكيت حيت فهم علاش دايراه على قبل الوشمة حطو حداها و دار شاف يديها بانو ليه صباع يديه مصورين زورق زاد تعصب هز يقادها بانت ليه الوشمة بتاسم بزز منو نزل باسها جا حداها و تجبد خلا ريحة نسيمها يضرب فيه بالفريز بتاسم هز يد دارها تحت راسو و اليد لخرا على شعرها و كي شوف فيها بحب و متمني كون تفيق و تعنقو و تخشا في حضنو كيف موالفة غمض عينيه و رجع بيه زمان لور منين كانت كتجي عندو البيت
🔙🔙فلاش باك🔙🔙✳تتمة الجزء 77 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
كان ناعس و غارق في نعاسو محسش بالمشة لي جات و تخشات حداه عنقاتو ليل كامل في الصباح منين فاق حس بشي حاجة تقيلة على يديه دور راسو و شافها بتاسم مين بدات كتحرك
عمار:صباح الخير
بيسان(كتحك عينيها):صباح النور
عمار:علاش جيتي لبارح لهنا
بيسان(بصوت طفولي):حيت كنخاااف
عمار:مناش
بيسان:من الضلام
عمار:سيري عند ماماك
بيسان(ترمات عليه و عنقاتو):بغيتك انت
عمار (ضحك):اجي نغسلو وجهنا و نهودو
بيسان(ناضت كتجري):واحاااا
دخلات خلاتو كي ضحك عليها
🔚🔚 اوند🔚🔚
حر(كي دوز يديه على شعرها): مكنضنش انك مزالة كتخافي من الضلام داكشي لي كديريه (ضحك) معلينا المهم انت حدايا دابا يكفي اااخ ا بيسان و اش دايرة فيا كنموت عليك ابنت قلبي و ندير ما فجهدي حتى تسامحي ليا
باس راسها و ناض خرج من تما مساخيش يخرج خايفها تولي تهرب ليه عوتاني
نزل التحت يتوجه البيرو حتى كي سمع توشويش جيهة الصالة مشا ليه نيشان و كي سمع الهضرة ستغرب
لتحت في الصالة كان راجل رمسيس جالس و كي هضر في تيلي مع شي واحد و شي لي سمع حيدر خلاه يشعل
سعد(كيدوي في التيلي):سمعني بغيت المنوم لي تخليها تتجاوب معايا في النعاس .... لا لا ا صاحبي البنت قرطاسة و كتحمق مستحيل نخليها تفلت مني .... شمن رمسيس كون شفتها قبل والله منتزوج بيها دابا في هذه التزوجة تزرفت .... المهم سمع الدوا بغيتو يكون عندي غدا انا غير كنشوف حلم كي قيم عليا السلطان ... صافي كون هاني فلوسك يوصلوك يالله تلاح
قطع عليه فرحان حتى كينوض يخرج من تما طالع بحالو ناشط فوق القياس حيدر تجنن ولا كلو كي غور بالاعصاب جبد تيلي و صونا
حيدر: سعد الياندوزي بغيتو يكون عندي في الديبو غدا في الصباح تهلاو ليا فيه مزيان
قطع عليه و طلع البيتو و سد الباب معصب و جنون كي لعبو ليه في راسو
حيدر:غدي نوري مك كيفاش تفكر تقرب لحاجتي و هداك لي كيقيم عليك غدي نطيرو ليك الزامل غير تسنا
تجبد في بلاصتو و عينيه في السقف حتى داه النعاس✳ الجزء 78 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
🍁 أصبحنا وأصبح الملك لله 🍁
فاقت دورات راسها هزات تيلي شافت الساعة كانت 7 وقفات و شافت الجاكيت محيد و هي ناعسة في بيتها ستغربات شوية خافت يكون هو شاف الوشمة ناضت دغيا دخلات الحمام طرفات حالتها خرجات لبسات دوني ابيض و سروال جينز اسود طلقات شعرها مع مكياج خفيف هزات جاكيت خفيفة جينز دارتها مع ساك ديالها و تيلي خرجات لكل تقة نيشان الجناح ديالو تعرف واش و تفهم منو
وصلات ليه حلات عليه الباب بلا ادن دخلات سداتها و تقبلات مع البيت كتشوفو كيف ما هو متبدل فيه والو كلشي باقي كيف ماهو زاد عليه غير لمستو الرجولية دورات راسها عليه كامل نتبهات لصورة لي عندو تما توجهات ليها هزاتها بقات كتشوف فيها مخشعة كانت هي و ياه جالسة على حجرو و كتشوف فيه مبتاسمة و حتى هو سرحات بتفكيرها لدرجة محسات بوالو
فاق صباح دخل الحمام مقاداه فرحة على حبيبتو لي حداه حيد حوايجو و تخشا تحت الرشاش كي هود عليه الما غسل و كي زرب باش يهود يشوفها سلا لوا الفوطة على نصو و هز وحدة أخرى فتح الباب و خرج كي مسح بيها جا يمشي الدريسيغ ضرباتو ريحتها في نيفو خرج كي شوف لقاها واقفة و كتشوف في صورة و عاطياه بضهر بتاسم و تقدم عندها هبط براسو كي شم ريحتها لي تغلغلات في اعماق قلبو دور يديه كأنه عيعنقها و شد يديها لي كانت شادة الصورة و دورها عندو كي شوف ليها في عينيها و حجبانو معقودين
حيدر:شنو كديري هنا
حلم(تلفات بقرب ديالو):صمت
حيدر(هبط يديه على يديها و شد من عندها الصورة كي شوف فيها):هذه متعوديش تشديها في يديك
حلم(كتشوف فيه): علاش
حيدر( حط الصورة دار عندها هي بقات راجعة بلور حتى كالاها مع الحيط هز يديه كي دوزها على خدها):حيت هذه مميزة عندي
حلم(تلفات مع لمستو ولات كتنفس بصعوبة):علاش
حيدر(بتاسم):حيت فيها حبيبتي و بنت قلبي
حلم(بقات كتشوف فيه و فتصرفاتو لحظة جاتها في بالها انه عارف):صمت كتحلل في دماغها
حيدر(تواعا انها عتعيق شدها بعنف و كاره راسو يدير ليها هكدا نطق من تحت سنانو):معامن تشاورتي دخلي لبيتي امم عارفة الخدامة حتى تاخد الادن عاد دخل
حلم(تواعات نترات يديها):جيت نهضر معاك ا بنادم
حيدر(جابت ليه ضحكة من عصبيتها لكن مبينش شدها من عنقها و كلاها مع الحيط قرب فمو لشفايفها كتفصل بيناتهم غير شي سنتمترات):انا معندي فاش نهضر معاك سمعتي دابا عتقودي من قدامي و اخر مرة دخلي لهنا
حلم(بعصبية):كأني مشتاقة نشوف خليقتك
حيدر(هز يديه كأنو عيضربها و جابها في الحيط):مبغيتش نحط عليك يدي خرجي من لهنا
حلم(ضربات ليه يديه):حيد حيد من طريقي
حيدر(باستفزاز):لا بدلت رأيي دخلتي البيتي عتخلصي
حلم(بتساؤل):كيفاش؟؟!
شدها من يديها و رماها على السرير جا فوق منها و هي مصدومة حيت غفلها✳ تتمة الجزء 78 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
بقا كي شوف فيها مطولا
حيدر:عتخلصي دخولك البيت بلا ادن
حلم(كدفعو):حيد خليني نمشي
حيدر(عينيه على شفايفها و هابط لعندها و كي دوي بصوت كيف فحيح الأفعى):لا
حلم(كدفعو):غدي نجمع عليك جميع لي فالقصر
حيدر(شاف فيها و جابت ليه الضحكة مبينش): شكون لي جا عند لاخر امم شكون
حلم (تلفات خصوصا حاط يديه على خصرها و هي اول نقطة ضعفها لي اكتاشفها حيدر و بتاسم عليها): انا جيت نسولك
حيدر(بتاسم و يديه كتلعب في خصرها): و انا معنديش الجواب لسؤال ديالك وزيدي عليها انا لي كنسول مشي انت و لي دخلات لهذه البيت كتخرج بمشية عوجة و معمرها كترجع ليه مزال
حلم (خافت لا يديرها بصح)
حيدر(شاف صمت ديالها ):شنو دابا نوريك واش شماتة او راجل اهناتك كاملين نفديهم فيك هذه الصباح
(هز يديه كي دوزها على عنقها العريان و هابط على شقة السدرها و هي تهز من تحت منو بلاما تعيق تاني نقطة ضعف شدها منها): منين نبدا امم منين شنو بان ليك نطلعو معاك ديريكت او نديرو تسخينات
(كيهضر و كي تفحص وجها لي ولا حمر و هذا طبع ديال حلم حشومي وخى قاصحة)
حلم(بلا شعور):سير عند القحبة لي بستي البارح و بداها من ما بغيتي وير معاها التسخينات انا منصلاحش ليك و مستحيل نعطيك راسي وخى تنطابق السما مع الارض و شرفي مخبياه لشخص المناسب مشي لي كي ضل نهار و مطال مع القحاب
طول فيها الشوفة حمقاتو حيت محافظة على راسها ليه بوحدو بتاسم و من اعماق قلبو فرح جا ينطق سمعو صوت التهراس و الغوت في الجردة تخلعات ناض عليها خرج لجردة كي شوف عمتو هرسات ماعن ديال الفطور و كتغوت خرج باش يهضر معاها لقاها طارت من حداه هودات لتحت بتاسم
حيدر(توجه الدريسيغ و كي ضحك عليها):تشيطين معرف منين جبتيه ابنت قلبي عرفتي منين تبداي و ضرباها صحيحة خففتي عليا المهمة
جبد حوايجو يلبسهم سمع الصوت تيلي هزو
حيدر(بفرح):ولد عمتي
سيف:فينك
حيدر:انا في القصر علاش
سيف:سمعني مزيان حلم مخصهاش تخرج من القصر و الا خرجات دير عليها الحماية بلا متحس حتى نشدوه داك القواد
حيدر(خاف عليها):كيفاش شنو كتخربق شكون هذا
سيف:عنتلاقاك في القصر و نشرح ليك الا عرفات جا تبعها لهنا عترجع لحالتها الأعصاب حتى تجيبها في صحتها عوتاني الا كتبغيها حميها هذه المرة ا حيدر حميها
حيدر(سعر):شكوون لي هذا لي باغي يأديها شكووون
سيف:انا جاي دابا القصر انت ديرها تحت عينيك ا خويا عافاك
حيدر:واخا
قطع عليه و شد راسو جبد تيلي و صونا الرجالو
حيدر:حلم التازي جميع معلومات عليها بغيتها تكون عندي من لهنا الساعة
الگارد:واخا ا شاف
قطع عليه و خلاه كي غلي هبط التحت باش يمنعها تخرج حتى يفهم توجه الجردة لقا الروينة نايضة✳ الجزء 79 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
منين سمعات الصداع ناض عليها طلات عليه و هودات كتجري تشوف شنو كاين كتلقى باهية جمعات الماعن ديالو الفطور كلها شعتراتهم في الارض و ناضت كتغوت عليهم و هما كي حاولو يسكتوها وقفات كتفرج فيهم شافتها أمنية مشات تخشات تحت منها بلا ما تشعر و حلم حوطاتها بيديها
رمسيس(خايفة):ماما عافاك ا ماما تهدني
باهية:بعدو مني شوفو شوفو قلت ليكم جالسين تما شوفو رجعو على قبلي شوفو
صامد:باهية رجعي الوعيك
باهية:لا اصلا كلشي بسبابك كلشي انت سباب انت
صامد (خاف تفرش كلشي تقدم و عطاها بصقلة حتى داخت):درتي شوهة قدام الناس يسرى
يسرى:نعام
صامد:طلعيها البيت ديالها و سدي عليها حتى نجي
يسرى:واخا
شداتها و هي كتنتر منها شافت في جيهة الطبلة بانو ليها وليدين حلم جالسين كي ضحكو
باهية(دموعها طاحو):سمحو ليا عافاكم سمحو ليا عافاك عاافاكم
تلاقات مع حيدر لي نزل و توجه العندهم شافها طالعة بيها بتاسم على تشيطين حبيبتو مشا الجردة لقا رمسيس محيحة
رمسيس(شافت في حلم):من نهار جيتي و ماما في هذه الحالة
حلم(شافت فيها):شنو قصدك
رمسيس:راك فاهمة انت سباب
(تقدمات و شداتها من يديها):شنو درتي ليها شنو مين كتشرب داك الدوا و هي في هذه الحالة بسبابك
حلم(نترات يديها):انا معندي دخل الا كانت مك حمقة مترميش عليا مسبتها سمعتي
ارسلان(غوت):حلللم حتارمي راسك و عرفي اشنو كتخرجي على فكم
حلم(شافت فيه):نحتارمها تحتارمني هي الاولى لي جاية رامية مسبت مك عليا
شافت في رمسيس و دوات بالغوات:الا هي هارب ليها شي فيزيبل في مخها ديوها تعالج سمعتي
ارسلان تجنن من كلامها نعتات مو بالحمقة تقدم و رفع يديه يضربها على كلامها حتى قرب يعطيها تشدات ليه من جوج يدين و بجوجهم دور راسو تصدم
كان سيف لي دخل و سمع صوتهم كي غوتو على حلم مستحملش و مشا ليهم كي تصدم بارسلان غدي يضربو و تانية حيدر لي تجنن منين شافو غدي يضربها مشا شدها ليه
سيف(دفعو):نهار لي تفكر تمدها عليها نقطعها ليك
ارسلان:مسمعتيهاش عيرات الوليدة
امال:كون ما ختك تهماتها مكانتش تعايرها
حيدر(شاف فيهم):كنت حاضر على كلشي و سكت لكن توصل بيك تمد يديك مندوزهاش ليك دابا غبر من قدامي انت و ياها
ارسلان(شاف في حلم و هز صبعو السبابة كي هددها):مغديش ندوزها الا الوليدة و خط حمر احلم
حلم(صدمها بتصرفو سكتات مبغاتش ترد شافت في صامد):شكرا بزاف على حسن الضيافة ا سي صامد
(شافت في أمنية):أمنية يالله نمشيو
صامد:معندك فين تمشي عتجلسي هنا و لي معجبو حال الباب عرض من كتافو ا بنتي انت معندك دنب
رمسيس:خالي
حيدر(غوت):رمسييييبيس بيييتك بييييتكم كااااااملين
حناو رأسهم و مشاو الا حلم لي بقات كتشوف فيه مصدومة أمنية طارت خدات امال و مشات معاهم في حين سيف قرب و عنق حلم لي حتى هي بادلاتو العناق شي لي معجبش حيدر لكن سكت حيت بسبابو لقاها
يالله جلسو و هما يقفزو على صوت غوتة جاية من الفوق✳ الجزء 80 ✳
♥حـــــلـــــم حـــيــــدر♥
❄ عشق في جحيم عدوي ❄
🔥 شرارة الانتقام 🔥
☘ فاطمة الزهراء مبارك☘
كانو جالسين حتى كي قفزو على صوت كانت رمسيس لي غوتات ناضو طلعو كي جريو يشوفو شنو كاين دخلو على باهية لقاوها هازة فيديها طرف من زاج ديال المراية لي هرسات و شاداها في يديها و مجروحة حلم شافت داك المنضر على الاقل عجبها الحال الحالة لي وصلات ليها و هذه تهنات منها
سيف الدين كيشوف و مصدوم من الام ديالو و حيدر غهدا مهاموش
رمسيس(كتبكي):ماما حيدي الزاج من يديك
باهية(كتدوي كيف الحمقى):لا لا هي عتجي تديني انا خاصني نمشي باش ترتاح
ارسلان(كي قرب):الوليدة يهديك الله شنو كتخربق
باهية:سكت سكت شوف من موراك راها راها من موراك
سيف:الوليدة حيدي داكشي من يديك مكائن حتى واحد
باهية(كتبكي):متقربش العندي
امال جات هي و أمنية كي شوفو شنو كاين حتى كتصدم منها شافت في حيدر
امال:خويا نتاصلو بالطبيب نفسي يجي
حيدر(شاف فيها و رجع شاف في أمنية): ديرها و سيري انت وياها
أمنية:واخا
سمحات فيهم و مشات حيدر جبد تيلي و صونا السيارة الاسعاف و معاهم ديال 36 يجيو شاف في حلم و بتاسم ابتسامة خفيفة منين شاف الفرحة في عينيها لكن دغيا مشات منين تقدمات عندها
حلم(كتعامل معاها كيف الدراري الصغار): ماما اري داك الزاج
باهية(شافت فيها):لا لا شوفي ها هما عيقتلوني باغيني نمشي عندهم
حلم(شافت فين كتشوف و الكل مستغرب): نتقربوش ليها خليوها عليكم
باهية(كتشوف فيها):شفتيهم ياك شفتيهم
حلم:اه شفتهم غير اجي جلسي باش يمشيو
باهية(طيحات الزاجة من يديها و مشات عندها):معيديونيش ياك
حلم:لا معيديوكش
شداتها من يديها و جلساتها و الكل شاف تعاملها معاها معارفينش انها هي لي كتعطي دوى و عارفة كيفاش تعامل معاهم
بقات كطبطب عليها حتى بدا المفعول كي زول شوية بشوية بعد ساعة كتسمع صوت ديال سيارة الإسعاف حلو ليهم و طلعو يديوها الكل حنا رسو و سط جيت عرفو انها خطار عليهم الا بقات في الدار و تقدر تقتلهم واحد بواحد باهية متعاكساتش بالعكس مشات معاهم بلا هواها
ارسلان و رمسيس و سيف مشاو معاها و الباقي دخل الداخل و جلس على اعصابوا