بقات كتفرج فالفيلم و دمووع نازليين متأثرة بموت البطلة
وجدان:كتمسح خناينها بايديها... هئ ماتت هئ و علاش تمووت علااش كيبغيو بعضياتهم هئ حشوومة
دخل عثمان و شافها كتبكي معرف باش تبلا مشا طاير عندها
عثمان:(لونو مخطووف خايف) ماالك وجداان اش واقع
وجدان: جاكليين (بطلة الفلم) هئ مااتت و بقاا اليس(بطل الفلم) رااسو هئ
عثمان مفهم تا خرية شككون جاكلين و اليس تا ضور راسو فالتلفازة عاد فهم لاش طالقة حلوقها كتغبن
عثمان:ششش كالم داوون غير فيلم
وجدان:هئ.. ولاش تمووت
عثمان:وا قصتو هكاا نضارب معااهم
وجدان:ولكن كيبغييها
عثمان(جلس حداها) : الحب ديالو مغادييش ايتبدل ليها واخا ماتت ايبقا كيبغيهاا
وجدان : بصح
عثمان: هههه اه الحمقة بصح
وجدان:ولكن هوا ايبقا ميمكنش ايبقاا العمر كااامل بلا ما ايتزووج
عثمان:وي سي ڤغيي ايتزووج و ايبغي وحدة اخرى لي اتخرجو من داك الاكتئااب ديالو ولكن حبو ليها ايتحفر ف قلبوو اينساها و لكن اعمااق قلبوو اتبقا محفوورة فيها سميتهاا
وجدان:و و ديك البنت لي ايبغيي باش اتعرفو نساها ممم
عثمان(عاق بيها كتلمح لييه على مرتو القديمة) : حيت اتكوون هيا السباب باش اينساها و تربع هيا على عرش قلبوو و ايولويو كگاااع اعضاء جسمو كيهتفو ب سميتهاا
وجدان كتشوف ليه ف عينيه مبااشرة محساتش براسها تا تلاحت ليه على فموو باستو بوسة حنيينة محركااتش شنايفها
حيدات فمها علييه و بقات كتشوفيه
عثمان(كيدوي ب صوت مبحووح) : اش كنقولك انا على هاد البوساات ممم ياك كنقووولك كمليهم
وجدان ا ساكتة و كتشوف فييه حتا نطقت : احم بغيتي كسكسو
عثمان:دوخيني لمك دوخيني
وجدان:مدوختكش او وا قولي دبا بغيتي كسكسو
عثماان: كليتو قبل منطلع
وجدان:كيجااك
عثمان(بطنز): مبيبهش
وجدان(دلات شنايفها) : واخا
عثمان:هههه يااه على جا زويين زوين
خلاها كتفرج و مشا ايبدل عليه
جاا و تكا حداهاا خاشيها فييه بحال المشة
وجدان:كدوي بزز... واا خنقتيني
عثمان:سكتي نخنق مك مالك
وجدان:اويلي على تخنقني
عثمان: ااه نخنقك و منخلي لي ايخنقك
وجدان:ههه حمق
عثمان:ممم قوليليا..
وجدان: هاا
عثمان:نصافرو
وجدان:(صدمها) هاا
عثمان:هووو صمكة !!!
وجدان:وا سمعتك ولكن واش داوي بصح
عثمان : اه مالنا كنضحكو هنا ولا اش
وجدان: ههه وااو يلاه كنت بغيت نقولك انا و البناات بغينا نصافروو واش تخليني
عثمان: لا
وجدان:و علاااش
عثمان:اتصافري معايا و لا تبتي ف داركم
وجدان: وايه نصاافر معااك ولكن بغيت نصافر مع البناات
عثمان:نووو
وجدان:واا علاش اووف
عثمان:هكك بغييت
وجدان:وا غير الويكااند و نرجعوو
عثمان:وجداان دوييت
وجدان:اوف اوكي
بغات تحيد من حداه ودور ل جيهة لاخرة و هواا ايزير عليهاا
عثمان:رصااي فين غادا
وجدان:نعس
عثمان:نعسي هنا
وجدان: (الصمت)
هز ايدو و بقا كيدوز ليها على شعرها ب حناان.. ماشي كيحبسها من الخرووج لا تخرج ولكن الوضع ممناسبش كيخاف عليها بزااف هديك الفكرة د تمووت و لا توقع ليها شي حاجة كتجننو باغيها تبقا غيير حدااه ايشووفها غيير هواا ميشوفها حتا حد من غييرووو او بالاحرى كيغييير علييههاا...
يتبع...