البارت الثاني
(جمر الانتقام )
للكاتبة sheikh_i#
......................................
شكد مرت عليه عيون ماجاستني بس عينج🍃🦋.
اسد طبعاً حجولكم عن تفاصيل حياتي اني حياتي جانبين جانب عائلتي وشغلي وجانب الثاني عليلة قلبي اوففف بوية هذي الانسانة شكد ماكول احبها واعشقها تكولون جذاب احب تصرفاتهة احب اسلوبها احب كلامهة لبسها مشيتهة رغم كلساع اكلهة مشيتج كلامج بس ابد ع كولة امي مابيهة لولة احس هاي الانسانة ملاك من تمشي والله حبيتها من عمرها خمس سنوات اوف كلبي من حضنتها ودخلتهة للبيت ذاك اليوم اتمنئ ينعاد احب نظامها نظافتهة محافظتها ع كلامهة كلشي بيهة ينعشق جانت قبل تسولف تضحك بس من مات اخوها تغيرت جذرياً صارت منعزلة الا بعد حد تحجي كلمة وتكوم صارت صارمة بشكل وعمتي الي هية امهة دائماً تريدها بس تحجي حتئ تتعارك وياها بس ابد ذيج الايام الله لايعودها ابوها من انفصل من امها كام يسافر ويرجع شغل دائماً يكلي دير بالك عليهة هاي امانتي اذا لاسامح الله متت انتة ابريلهة مثل ماهية بنتي هية بنتك يوصي بيهة اكيد عرفتوها منو يسموها شيخة اني اسميهة شيخة كلبي لان فعلاً شيخة بوسط كلبي
شيخة
خلص الاسبوع الاول واجة الاسبوع الثاني من العرس اسد ماشفتة من ذيج الحضة ثاني يوم كالوا مسافر يوم الاثنين كالت المديرة انو عدنة مهرجان يوم الخميس يبوو قبل الحنة بيوم كتلهة أن شاءالله نفس روتين الدوام رجعت للبيت حللت ونزلت تغدينة ثاني يوم كلت الجدي لان ابوي مموجود كلي روحي الاسد هوة يروح وياج اني ماعندي مانع كلت عادي كال روحيلة فوك واحجي وياه اتفاجئت ثول هذة شبسرعة اجة صعدت دكيت الباب اول مرة ثاني مرة ثالث مرة طفح الكيل دكيتة حيل صاح
اسد،،،،،منوووووو بصياح
شيخة،،،،،،انييييي شوهذة مدري شبي كام يصيح يعني شنوووو طرشان مانسمع مبين جان نايم شعرة مخربط خلص الصايح مالتة كلتلة خلصت
اسد ،،،،، خلصت شنوووو احجي عدل وبعدين شتردين جاية احجييي
شيخة،،،،،يي علمود المهرجان الي اتفقوتوا علية انتو والمدرسة
اسد،،،،، والمطلوب شنوو
شيخة،،،،،،اروح وياك كال جاسر
اسد،،،،،، أن شاء الله بس اطلعي وطفي الضوة نريد ننطمررر وبعد اذا دكيتي الباب هيج والعباس ابو فاضل مجتف للعباس الة اعلكج بالباب افتهمتي
سويت نفسي ماسمعة طبكت الباب حيل يمكن نكسرت جامتة لا جان كزاز هوة كام يصيح يغلط حتة كفرر كبررر كون واجة يوم المهرجان الي هوة يوم الخميس كعدت الصبح محضرة كلشي لبست هذة 👇
بس الردان مبطنة مو هيج
وياه باتة بيضة وشيلة خليجية سودة والعصابة بيضة والجنطة هماتين نزلت لكيتهم مجهزين شوي واجة اسد الضاهر جان بييته جان لابس قميص ابيض وفوكاه سترة بيضة كعدنة ع الاكل كال هيج تروحين خزرني
شيخة،،،،،مبيه شي لبسي .. شنو وين رايحين جنازة غير مهرجان
اسد،،،،،اهااا اذا كملتي اطلعي بسرعة بين ماطلع السيارة
صدك طلع وطلعت وراه فتحت الباب مالت السيارة كال اصعدي والله مسحته عاد صعدت وهوة فاتح دعاء حرك السيارة وابتسم وكال
اسد،،،،صبحهم الله بنووور
شيخة،،،،ههه صبحهم الله بالنور والعافية شنو اتذكرت كال
،، لا لان انتي مدكولين صباح الخير فنكلج هيج كمنة نسولف سوالف بايخة وكلساع رزالة محصلة وصلنة للمكان وقبل لا ننزل كال
ماوصيج بعد حجي سوالف ماريد امشي تمشين وياي اكعد تكعدين وياي
.
.
اباوع عليهة ابتسمت وهزت راسهة بمعنئ اي كتلهة يلة امشي وصلنة لمكان شلون المسرح حلو مرت اباوع عليهة مرتبكة ومنزعجة بنفس الوقت كتلهة شبيج
،،،لاهيج مبية شي بس المكان احسة وصخ كلش
،،،،يبووو رجعنة ع نفس القوانة اكعدي بوية كعدي اباوع عليهة الدمعة بطرف عينهة هذا كلة علمود المكان وصخ وماتكعد بت اخخخ بوية كالت والله نسيت الكلينس بسيارتك اذا عندك نطيني طلعت كليسن ومسحت المكان الهة كتلهة يلة كعددي
،،،، مشكور
،،،،الشكر لله بوية كملنة مهرجان وكامت القت لقاء بس شنو كل الانضار بالقاعة احسهم يردون ياكلونهة بعيونهة وهية مامقصرة عيني بصوتهة ولبسها كملنة كتلهة شوي واجي كلتلي ماشي التقيت وية اصدقائي بس عيني عليهة شوية واجة يمهة استاذ هم مشاركين بالمهرجان
،،،،،،جنت احجي وية الاستاذة واجة شاب مبين استاذ اوهيج كام يحمد واني واني بعدين مد ايدة كال اني استاذ رائد صديق الاستاذ اسد اني مامديت ايدي لان ماحب اسلم اصلاً مديت ايدي ع صدي ويد ورة ضهري كتلة تشرفت بيك هوة ضل متفاجئ ادري يفشل بس اني طبعي هيج خطية شوي وراح ضليت ادورة ع اسد لان قرب يخلص المهرجان بس ماكو
،،،،، اباوع عليهة من بعيد شلون ماسلمت ع الاستاذ بوووية بودي احضنهة كدام الكل والله عجبني تصرفهة اخر شي كامت تدور مدري ع شنو رحت لزمت ايدهة كتلهة ع منو تدورين بسرعة نترت ايدي
شبيج
،،لامبية بس حسبالي شخص غريب
،،،لاتخافين منو اليكرب صوبج واني يمج شحدة كالت
،،،والنعم يلة نمشي وصلنة للكراج طلع سيارتة صعدت كال
،،،اذا غير شخص تسالمين وياه لولا
،،،منو
،،،.الي سلم عليج من جنة بالمهرجان
،،شي اكييدد لا اولاً لان مااحب اسلم ع احد مصافحة ثانياً كلش مطقتة ثقيل ع المعدة وثالثاً اني بنية واكو ناس شايفتني ويمكن تعرفني اروح اسالم شخص ماعرفة والله شنو اجة سلم علية ومابيهة شي الكلمة تجي ع اهلي مو علي
ة
،،،،والله والنعم منج اصيلة وبنت اصيل اكول يبنية
،، نعم
،،احد كلج انو اسلوب كلامج حلو
،،اي
،،،منو كالت اني دائماً اكول لنفسي انو كلامي حلو فمالاداعي للمدح
الله الله الله ع الغرور زين طلب
،،،أمررر
،،، نريد بيت دارمي حلو مانريد نعاوي اني اشاركج بيه ابتسمت وكالت
برهاوة وياي من تحجي يولن
الليالي للمثل شخصك يولن
علي لتبيعهن خلهن يولن
علئ الجابوك بايعهن علية
يرد اسد
يهمتة بعيني لاجن مايهمني
ويرشني بماي يحسب مايهمني
يولن ما يولن مايهمني
بيع شماتبيع الزود آلية
شيخة
الوكت بايعني مرة وبايعاني
لهسة صوابة يدي بايعاني
عليك شكد سوالف بايعاني
ترد تبيع مالاتي علية
،،،،،،كام يضحك كال ولج ولاينكدرلج
،،،،،،،تردين كهوة ابتسمت كالت
ي يابة الله عليك
..نزل ع محل وجابلي كهوة بس شلون كهوة تخبل كال ها اطيب من مالت المضيف موو
،،شنووو
،، بالعافية ابوية انتي
وصلني للبيت وهوة راح لبيتة جنت تعبانة كلش نمت كعدت بلوحدة باليل لان رجعنة ب٣ الضهر صدك تذكرت باجر الحنة جهزت ملابسي الالبسهن باجر اشوو جعت نزلت باليل ع كيف للمطبخ كضيت سجين بيدي خاف اكو احد يجي كرفست يم الثلاجة وبيدي السجين حسيت خيال فوك راسي بسرعة حركة سريعة خليتهة ع صدرة اباوعلة هم اسد يربي ما نخلص جاوب يرص ع سنونة
اسد،،،، شتسوين نازلة باليل
جعت ونزلت انتة شتسوي اباوع علية لابس بنطرون وقميص
اسد،،، طالع لبغداد عود الصبح كلي الجدي أو اني اخابرة يلة ولي روحي نامي ونزلي السجين من ايدج وعود باجر ماوصيج هم البسي وركصي اني ماموجود والله ثم والله لعلكج بالدرج
شيخة،،، رصيت ع السجين بحيث يمكن طبت بصدرة حجيت
وانتة شعليك امي ابوي انتة ع فكرة لاتاخذ زايد علينة جي جدك كلك ع البنات باوع شوف تؤمر البنات كلهن ترة شيخة لا شيخة شيلهة من قاموسك
اسد،،،،، من حجتت هيج لويت ايدهة كتلهة اني الج اتامر علج مو ولج والله لكسر هذة خشمج المعليتة علينة ارجع ويحصل خير ان شاء الله والله لندمج ع كل حجيج دفعتهة وكعت أو يمكن تاذت بس ماحجت كتلهة
ولج والله كوية وعينج صنفة
شيخة ،،،، من دفعني اخ بوية ردت اكوم احط السجين براسة خزرتة وطلع كلت كون روحة بلا ردة بسرعة صاح
اسد ،، لاتخافين ولخلقج ارجع ارجع واكسر خشمج
،، واثق من نفسة هواي حجيت بهمس ماعرفت طبعة مرة زين مرة موزين وياي اجة يوم الحنة طلعت اخبل شوف الثقة ورجعت شعري كلة ليورة من البداية فرك وخليتة ورة ضهري وسوو الحنة وشكد ارتاحيت لان محد تدخل حتئ ركصت الكل تفاجئ لان اول مرة اركص اجت علية مياس
،،،،، ولج عزة عزةةة ضي ركصج يخبل
،،،، غلاي غير اني معروفة اني اخت ساجدة عبيد
،،، احمممم كامت تهيض
،،،تهيض شنو شنو هاي الالفاظ الغير مليقة
،،،نهجم بيتج يام الالفاظ
شيخة ،،،
امين هيج وينهجم بيت جدج الجاسر
،،،برد حيلج كون جا وين نروح
بهاي الاثناء اجت قبس ي عيني حظ النفسيات يمشي جاشمالة حضنة درت عليهة
،،عفواً شبي حضجن
كامت تسربت من كلامهة عود شايفتني مرة لهناك وخاطبتني لابنهة وابني هيج وابني هيج رجعنة للبيت وهم شغلنة الديجي يمة مادري شكد ركصت اجت امي علية كرصتني
،،،ولج يمة كعدي يمي ولاتكومين بعد
،،،شبيج ماما خيرر
،،،ولج هذة المسودن داك ع عمتج يكول خل تصبرلي شيخة المشيخينهة علينة تتمركص موووو والله اذا مااجي الة اسحلها عرفت انو المصورتني هية اختة كتلهة
،،،،يمة خيولي شعلينة بيه موهاي اختة اشو يجي بس ع ضي مادري شمسويتلة انييي
،،، وانتي هم ماقصرتي جنج ساجدة عبيد
،،،، يمة غير فرحانين ماتشوفين اول مرة اركص خلينة الله عليج وعوفج من هذة المسودن لاتجيبين سيرتة خي ولي
كملت الحفلة اجة ثاني يوم يوم العرس ولي هوة اليوم الغير حياتي صح جنت ابتسم بس يذاك اليوم اختفت الابتسامة من عندي لبس بدلة حمرة
وخليت مكياج شسورت شعري صاير يخبل واصل لحد الورك مالتي ولبست كعب هم صارت طكة وطيح ولا طببت وحدة لغرفتي كالو يلة ماشين نزلت شفت عمتي ام اسد بس هية كالت متانيتج مجهزين راح تطلع السيارات للزفة كلهة طلعت بقت بس امي وفاء يمي كتلهة امي بس اجيب جبتي لان الفستان قصير رحت ركضت علئ الدرج جبتهة من غرفتي واجيت وصلت للمطبخ ردت البسها جان انفتح الباب واني بعدني بفستاني وشعري محلول
اسد ،،،،متطلعين هيج امشي طبي جوة
شيخة ،،،،، انتة منين طلعت العالم راح تروح شو وخرر
اسد ،،،،تطبين تجيبين بوشية( نقاب ) وتخلينهة علئ وجهج لا بوكس افلش وجهج يلا بوية طبي جوة
شيخة،،،،،لتفتت علئ امي وفاء
ماما الله عليج هسة هذة وكته خليني اروح
ام اسد،،، ماما اسد حبيبي الناس راحت واحنة بعدنة عيب
اسد ،،،،،، بعصبية راص ع سنونة تروح تصعد لغرفتهة احسن عتبة الباب ماتطلع والله اكسر رجلهة اذا طلعت يلا بوية شيخة بنيتي امشي اصعدي ولاتنزلين
شيخة: بصياح انتة منووووو ودكلي اصعدي لالالا والله اكول اليوم لييش كل هل عصبية اثاري حبيبة الكلب كالبة وجههة عليك وجاي تثور علينة كل هاذة الحجي وامة تكرص بية وتكلي اسكتي يمة وهوة اكلب طنطل ماحسيت الا راجدي فر معاني وجهي شمراني يم الكاونتر مالت المطبخ
اسد : ولجججججج شو طولان السانج اخاف ع بنات عمج هيج علية لا افتهمتي دنكت لمستواهة وكلتلهة الة اندمج واسويلج اعادة تربية من جديد اسمعي زين انتي نهوة اسد افتهمتتي
شيخة: مااهتميت لكلمتة الاخيرة ههههه يحجي بالتربية اني مترباية احسن تربية روح ربي روحك ابوي انتة راد يلزمني بس ماما وفاء كلتلة ابني عيب وانتة شيخ اطلع هسة ماخليهة تطلع يلا امي واني الله ركضت الغرفتي وقفلت الباب هوة ضل يرعد جوة دووولي ضل ابالي بس لاينهي علية لايربي كفت الحفلة وزفوو العرسان للفندق صارت الدنيا ليل شوي واسمع صوت جدي واسد يصيحون اكثر اصوات اثنين مكروهين دكت الباب قبس
قبس ،،،،،،، يل مسعدة جددي يريدج
شيخة: وييعععع انتي الدكيتي الباب لازم الباب اغسلة بقاصر هسة جايييةةة يلا انزلي
قبس،،،،،، يام القاصر شمسوية اليوم انتي اليسووج قاصر
،،،،كامت تتمضحك خليت شال ع راسي ونزلت جان محلل مالامتة مابية حيل دكيت باب الديوان كال جدي
،،،تفضلي شيخة
،،دخلت الوجوه مكلبة ياستار جنهم شمباز ماعدة ابوي الي يخبل طالع هيبة صاح اسد
من اليوم ورايح شيخة اتسجلت باسمي ومن هلحضة اني ناهي علئ بت عمي محمد وسبق واني طلبتهة من ابوها وانطانياها فمالا داعي دار علية وكال حضري نفسج يوم الجمعة الجاية العقد صحت
،،،،بابا داتسمع شنوو نهوة شنو عقد شكاعد يخربط شنو بت عمي بابا اني اكرهم كلهم فدوة بابا سكتة اباوع ع ابوي ضل ساكت لا يالله
جدي،،،، شييخووو لسانج لااكصة واسد هية بت عمك الك بوية
،،،لا والله لا لساني ولا شي بصياح بس كل هذة الشي من جوة راسك انتة الي خليتة ينهة علية مثل مكلت لبابا يطلك امة اعرفك بنفسج ياشيخ ال جاسر يامخرب العائلات ياكتال الارواح انتة كتلت اخوي وسويت روحك مو انتة لك انتة خربت عائلتي وجاي تخربني كمت اخربط بالحجي ماحسيت الة ع راجدي وكعني بالكاع رفعت راسي شفت ابوي الي هوة اخر انسان يمد ايدة علية كمت اضحك ع ابجي كمت اضحك بضوت عالي هههههههههههههههه
،،،، تماديتي هواي لاتخليني اندمج ع حجيج
،،،،،هههههه مشكوررر يبووووي بس والله لندمكم ع كل دمعة نزلت من عندي ع كل لحضة ماسات عشتهة بسببكم كام عمي علي واجة حضني كال
،،،،،بوية بسجج راح تموتين خيولون وهذة اسد طالبج يبوي من انتي وصغيرة هدي النفوس يابنيتي وانتي جبيرة وعاكلة دكومي هسة روحي يم امج واني احاجيه
كومني وكلهة سمعت الحديث كامت كلهة تتسائل عفت كلشي وصعدت فوك مرت ساعة ع كعدتي
انفتح الباب ودخل الي مايتسمة حجة
،،،،،الهل درجة مارايدتني اخاف عندج واحد
،،،،اني من كال هيج كمت رصيت ايدي اليمنة وضربتهة بجامة مالت الميز تواليت تقربت منة ولزمت ايدة بس وين ايدة وين تنلزم دخلت اظافري بايدة كتلة شوف واسمع خاف متعرفني زين
،،،،اني الشيخة ضي بنت الشيخ محمد ال جاسر طول عمري مراح اجيب الشينة لابوية ولاانزل اعكالة رزن كلامك عدللل يالشيخخخ
،،،،، اباوع عليهة دشداشتي صارت عبارة عن دم كتلهة ايدج بس ابد مو يمي بعدين ابتعدت كال
اطلع ... ولج شطلع ايدج مشكوكة امشييي اخذت جبتهة وسحلتهة
يحجي بخوف سحلنة ولبسني الجبة مشيت بس شافتني امي يمة بنيتي شبيهة ايدج
،، يووووم والله مبيهة شي
صاح هذا اليزءر يللللللة كلهم جانو بالديوان بسرعة شخط السيارة للمستشفئ اجة دكتور بسرعة صاح بي
،،،،اريد دكتورة ماخليك انتة تخيط ايدها
الدكتور ،،،،، صار بس اعصابك شيخ
من اجة عليهة الدكتور صحت بيه ويننن نزل شلون يباوع عليهة وهية مثل المصدومة بس ترمش اجت الدكتورة شافت الجرح كالت اخيطة بس بدون مخدر حجت
،،،بس خيطيه خل نخلص شوكت يفرجها الله
اسدد
،،،،،،،،،،،،، كتلهة ابوي خل يخلون مخدر كالت مو عملية كبرئ هوة جرح بسيط كالت بس اقترب شوي اقتربت عليهة
،،،كالت هاي كلماتهم(الكلمات نصاً ) تدري شكد اكرهك واكره جدك
.............................
كلمات البارت 2115 كلمة اتمنئ تدعموني عليها
للكاتبةSheikh i #
كلكم سبب دمعي &&&& واضحكتلك
صعب أصبح حياتك &&& واضحكتلك
اذا غرتك دنيا &&&&واضحكتلك
بغيابي بغيبتك جارت علية