چنت اسكت
و تگلي السكته حافظها
و اجذبك والمصيبة
ادريك حافظني ..
و هسه احچيلك البيه
و تردلي بكلمة المدري
يولفي شغيرك عني؟
البارت العشرين
نيران غياهب الانتقام
ليلى محمد
نار بصياح : جدك حرگ ابوية
وگف بصدمة يباوعلي ممستوعب اللي دا احچي : ششلون
نار بصياح والدموع تتسابق على خدودها: لك ابوية رماااد حتى جثة ما اله
اتقدم مني وحاول يلزم ايدي حتى يهديني دفعتة بعصبية
- لا تلمسني لا تمد ايدك علية واني اللي چنت حاسبتك مو وياهم وكارههم من ورا شغلهم
باوعتلة بحدة گلت انت مو مثلهم صحيح ابنهم بس الشوك الا ما يخلف ورد مو معقولة يكون دمهم فاسد الهلدرجة
غيث : اني مو هيچ والله مو هيچ
نار بقهر : ابوية ضحى بعائلتة وحياتة حتى لا يسكت عالظلم وانت
باوعتلة بكره انت اشتغلت وياهم حتى تتزوج حبيبتك
عيونة حمر وايدي گامت ترجف : لا تصيرين قاسية كافي علية ضميري
ابتسمت باستهزاء : ليش عندك ضمير
غيث بتوسل : نار لا تحچين هيچ
نار ببرود : تعرف شغلة الفهد المجرم اللي شكلة شكل السفاحين احسن منك
باوعلي بقهر وصدمة
نار : اي لتباوعلي هيچ هو مچذب علية متلون بلون غير لونة انت مو بس مجرم چذاب ومحتال هم
لزمت صدري بوجع وگحيت بقوة حسيت روحي راح تطلع من جسمي بهاللحظة اليأس تملك كل خلية بجسمي اني وين عايشة شهالعالم القاسي التالي ويا الحياة ما راح ترحمني ما راح يجي يوم ارتاح بي
وگعت عالارض وبچيت بكل الم وقهر حسيت بالغدر الدنيا غدرتني مرة اللخ
نار : اااااه
صحت بقهر واني اتمنى الموت بدال مگاعدة ويا مجرم تيتمت وعشت بعذاب بس حتى يتعاقبون والتالي شنو خسارة بخسارة
ضرب الحايط بقوة اعرف انو اللي سوا مو برضاتة بس ما اگدر اتقبلة احنا مستعدين نموت ولا كرامتنا وانسانيتنا اتوقعتة هيچ لمن اجة وضحى بحياتة متوقعت انة مثلهم وديسوي هذا الشي حتى يرضي ضميرة براسي
مسحت دموعي وگمت بتعب واني اتنفس بصعوبة جسمي كلة ديوجعني مشيت طالعة من الغرفة ما اريد اضل هنا ما اريد اشوف واحد منهم
اللي شفتة كلش كافي من هالعائلة مضل عندي قدرة اتحمل اكثر من هيچ
وصلت الباب ردت افتحة اجاني صوتة خلفي
غيث : وين رايحة
نار ببرود : على مكان ما بي مجرمين ما بي قتلة وتجار مخدرات ما بي ناس باعو ضميرهم
اجة يمي خلة ايدة عالباب باوع بعيوني بنظرة ندم اخترقت اعماقي
غيث : انطيني فرصة
- معندي هذي القدرة تعبت غيث تعبت
غيث : ادري وعيونچ ادري واني هنا هسة وياچ راح اسندچ واحميچ وادافع عنچ حتى لو كلف هذا الشي حياتي
نار بهمس : ما اگدر اثق بيك
حط ايدة على راسي
غيث : حرارتچ مرتفعة نار مراح تگدرين تمشين خطوتين احنا بغابة وزلمهم منتشرين بكل مكان وانتي تعبانة ومريضة باعي علية
رفعت راسي وباوعتلة بتعب حسيت ديحاول يسحب تعبي وقهري ويأسي
كمل كلامة بجدية حتى لو مواثقة بية معندچ غير هالحل راح تضلين وياي الى ان اوصلچ الاهلچ وبعدها اللي تريدين تسوي اني حاضر بلغي عني اقتليني سوي اليعجبچ اما هسة اني السبيل الوحيد الطلعتچ من هنا
ردت اوگع سندني ومشاني للغرفة سكتت معترضت كلامة صح بحالتي هاي وين اگدر اطلع من هنا صحيح مواثقة بي مس فعلا معندي غير حل
اتمددت عالسرير وغمضت عيوني بتعب غطاني وراح فتحت عيوني يا ترا يمتى راح توگف الحياة ويانا يمتى راح يصير الحظ من نصيبنا ،،،،،
اجة بيدة طاسة مي حطلي كمادات چان ديهتم بية بكل حنية مبين مو بس حتى يرضي ضميرة بس اني اتعمدت اجرحة بالحچي يمكن حتى اخلي يتوجع مثل وجعي يمكن اني حاقدة على كل الناس حاقدة حتى على نفسي
حچيت بتعب وعيوني بصعوبة فاتحتهم السخونة اللازمتني كلش قوية : و بعدين شصار
باوعلي بتساؤل
بهمس : مو گلت اشتغلت وياهم حتى يوافق على وجودها شصار بعدها وليش فقدتها مدام جدك خلاك تخسر ضميرك الخاطرها
نفخ انفاسة بتعب وابتسم بقهر : وخسرتها مثل ما خسرت ضميري بقيت معلگ بين السما والارض لا اني اللي مسامح نفسي ولا اني اللي حصلت عليها حتى تخليني اسامح نفسي واسكت ضميري بوجودها بريحتها بعيونها ......
فتح الباب چانت گاعدة عالتخت منتظرتة گامت عليه بلهفة
ريم : ها شصار وافق
هز راسة ببرود: اي وافق
ريم بقلق : بس شلون يعني
سحبها الحضنة
غيث : اششش بس انطيني الامان محتاجچ كلش ريم اني ما اگدر اعيش من دونچ ما اگدر اكمل بهاي الحياة بلا ريحتچ ريمتي
بادلتة الحضن وهي تطمنة بهدوء : اني وياك ما اعوفك للموت
بلع ريگة وابتعد عنها عقد حواجبة مزعوج : لا تحچين عن الموت بعد مشفنا شي بعد الحياة كلها گدامنا راح اعوضچ على كل ساعة وكل دقيقة خفت بيها وابتعدت عنچ
ريم بحب : يروحي انت ادري وحتى اذا مسويت شي كافي وجودك يمي
اقتربت منة وحجت قريب اذانة بهمس وهي تنزل على رگبته طابعة بوسات رقيقة : انفاسك عندي بالدنيا كلها
ابتسم الها وحصنها بكل قوتة وكأنو يدري باللي منتظرهم .....
باوعلي بجمود : اتزوجنا بعدها مطولنا اسبوع وسوينا العرس مچان عدنا شي ننتظرة چنا متحمسين للحياة وشلون راح نعيشها سوا ونستغل كل دقيقة منها
نار بشفقة على حالتة : وبعدين
غيث : اتعينت بالمستشفى وبسبب معارف جدي اتعينت ريم هم محللة بنفس المستشفى وبعدها فتحلي العيادة المكان اللي ظاهرة عيادة طب اسنان بس هي مكان لبيع المخدرات بالمعنى الاصح و تسهيل الاتفاقيات ويا باقي التجار حتى متنتبه الشرطة
نفخ انفاسة بعمق كلامة عن الموضوع ديخنگة مبين انو ضميرة ديوجعة بس يستاهل خسرنا هواي حتى نرضي ضميرنا لمن ندير ضهرنا عنه ومنسمع اله هذي هي النتيجة
نار : معقولة محد انتبه عليك
غيث : صارت مشاكل بسيطة جذبت انتباه الشرطة بس الشيخ گدر يحلها عن طريق الرشاوي ومعارفة وچانت الملفات مثل ما انفتحت تنسد وميضللها وجود ..........
دخل للبيت بيدة علاليگ متحمس الشوفتها روحة محتاجتها اليوم النهار كلة مشافها من الشغل هو يرجع من المستشفى الظهر و يطلع للعيادة العصر بس اليوم مگدر يرجع ولا شافها بالمستشفى بسبب الشغل ومباشرة طلع للعيادة
ريم بابتسامة كلها لهفة وحب ركض علي وتعلگت برگبتة : حبيبييييي مشتاگتلك هواااااية
باسها من خدها بابتسامة : واني يروحي خلصت طاقتي بدونچ
ام غيث : ريم كم مرة حذرتچ من تصرفات الاطفال
ابتعدت عنة وهي تعض شفايفها باحراج : ااا مو قصدي
جذبها من خصرها وحچى بانزعاج : ليش دتحچين وياها هيچ مسوت شي
ام غيث : ممنوع هالتصرفات هنا عدكم غرفة سوو اللي تردو بس هنا الشيخ ميقبل
بعصبية مبالغة : الشيخ الشيخ الشيخ هذا ممنوع وهذا ممسموح وهذا غلط وهذا لتسوو والتالي مراح نخلص من ممنوعات الشيخ المتخلص
اتقدمت علي ولزمت ايدة : حبيبي اهدى لتتعصب مصار شي
بعد ايدها عنة واقترب من امة
غيث بحدة وهمس : كافي اللي دا اسوي حتى يرضى شيخكم لتضغطون علية اكثر من هيچ
گدرت تسمع كلامة رغم صوتة الناصي استغربت اللي ديگولة لزم ايدها وسحبها ويا الغرفتهم سد الباب ودفعها ناحية الباب حاضنها بقوة وكأنو طفل خايف من قساوة الحياة وديحتمي بحضنها بحضن الانسان الوحيدة اللي يشعر بالامان بوجودها طردت الافكار من راسها وهي تبادلة الحضن
ريم : شبيك اليوم
غيث : تعباان
ريم : بس هاي مو اول مرة تشتغل بيها بدون استراحة شصار اليوم
غيث بابتسامة: مصار شي لتشغلين بالچ وتعاي اشوفچ شجبتلچ ......
غيث : مچنت ادري انو كلامي ضل يدور ببالها ومنسيتة چان لازم اكون حذر اكثر خاصة انو هي هواي سألتني شلون اقتنع جدك ووافق على ارتباطنا ضليت اخترعلها قصص وكذبات الكل چان يدري الا هي منعت انو تعرف شغلنا شنو وشنسوي منعت الكل انو يحچي بالموضوع نهائيا بس هذا كله مچان كافي
نار : غيث احنا النساء مو غبيات صحيح مليانين حنية ومن نحب ننطي ونضحي بس عقلنا موجود والشك اذا يدخل عقلنا ما يهدأ الا يعرف كلشي احنا دقيقين ميضيع شي مننا
باوع علية وهمس بحنية بصوت بي بحة حلوة : مو الكل بس مبين اني انجذب الهلنوع
اقتربت منه وحچيت بتلاعب : يمكن لانك تتعمد هالشي
اقترب اكثر مني لدرجة صارت انفاسة تلامس بشرتي يا ربي هذا الانسان مدري ليش احس بالامان ويا
غيث بهدوء : ناري
نار : مممم
غيث : أعان المُعين عيناً عاينت عَيناكِ
دگ گلبي بقوة وحسيت بشعور غريب وحلو بس فجأة استوعبت اللي اني بي ابتعدت عنة وبلعت ريگي بتوتر
حچيت مغيرة الموضوع : ااا وشصار بعدين گدرت توصل الشي
ابتسم بفهم التصرفي رجعت ملامحة اكتست ملامح البرود مكمل كلامة : اي عرفت كلشي عدا اهم شغلة
بتساؤل : واللي هي
بجمود : انو غيث جزء من هذا الاجرام
رفعت حواجبي باستغراب فعلا هي شلون عرفت كلشي عدا هالمعلومة المهمة ..........!!
دخل للغرفة چانت عيونها حمر ودتبچي بقهر منتبه عليها صارلها فترة ملامحها تعبانة وكئيبة مو ذيچ ريم اللي تشع حيوية وحماسة اخذت اجازة من الشغل بحجة تعبانة عفتها على راحتها بس طولت هواي شبيها مدا اعرف ، گعد جنبها عالسرير وحط ايدة على شعرها ومسد علي بحنية
غيث : شبيچ ريمتي ليش هيچ ضعفانة نوم مدتنامين اكل مدتاكلين وحتى الشغل اللي تحبي هم ابتعدتي عنه
گامت حضنتة بقوة وزاد نحيبها
ريم بشهگة: ما بية شي بس مكتئبة وضايجة
غيث : زين شرأيچ نطلع
ريم : مبية حيل
غيث : لا مقصدي هسة يعني نطلع الاربيل نغير جو كم يوم واخذ اجازة من شغلي
سكتت شوية وكأنو دتفكر بعرضي بس فجأة صرخت بانفعال غريب : لالا ميحتاج
باستغراب : مو انتي صارلچ فترة تفترين وراية تريدين نسافر المكان ومن شهر العسل مطلعنا واني محبوسة شغير رأيچ هسة
مسحت دموعها وحچت بتعب : مو قصة غيرت رأيي بس هالفترة تعبانة وما بية حيل سفر خلص أجلها الخاطري ما اريد اني فترة واصير زينة
غيث : كيفچ حبيبتي اللي يريحچ اني حتى اطلعچ من هالحالة
ابتسمت بحب : ادري حياتي متقصر بس هاي هرمونات عادي يعني فترة وتعدي
گرص خدودي : فدوة الچ والهرموناتچ
ضحكت بسعادة متجاهلة كلشي ونامت باحضان بامان رغم الحرب اللي براسها بس حاولت تبعد الافكار حاليا وتهدأ حتى تعرف شلون تتصرف ...
ثاني يوم گاعدين يتغدون متسمع غير صوت الملاعق چان الهدوء مسيطر عالمكان من الاشياء الممنوعة الحجي عالاكل الا اذا الشيخ حچى او راد ينطيهم اوامر
الشيخ : ريم
چانت دتگلب بصحنها وصافنة بي بلا متاكل قاطع صفنتها صوت الشيخ جفلت منه وحچت بارتباك: ااا نعم
الشيخ : شو مدتاكلين
ريم : لا هياتني دا اكل
الشيخ : لعد غيث وينة
ريم : بالشغل اتصل بية وگاللي راح يطلع مباشرة عالعيادة لان عندة مرضى هواي
الشيخ : امممم
بلعت ريگها بتوتر و نزلت راسها رجع كمل كلامة
- تعالي للمكتب بعد ما يخلص الغدا
- حاضر
سمر بهمس: يا ترى شيريد منها جدي
هبة : ما اعرف بس طريقتة بالحچي وياها مو مريحة تعرفين
سمر : شنو
هبة : خايفة عليها
باوعتلها بصدمة : شتقصدين
هبة : ريم مدتگعد راحة واحنا شگد مدنحچي وياها مدتعقل
سمر بخوف : يعني تگولين عرفو سوالفها
نفخت انفاسها بتوتر : كلشي ممكن الشيخ ذكي وماكو شي يفلت منه
باوعو اثنينهم عليها بخوف وقلق من المجهول ....
الشيخ : تعالي گعدي
دخلت گعدت بهدوء وببرود ظاهري
- شلون العيشة هنا
- زينة
-يعني ممتضايگة من شي
باوعتلة باستغراب : ليش الاسئلة
جاوبها بصوت عالي شوية : من اسأل تجاوبين
انصدمت من نبرتة الحادة : مماكو شي مدا افتهم ليش ردتني وليش دتسألني هيچ اني شمسوية
الشيخ ببرود : شغلچ شلونة
بلعت ريگها ومسحت وجهها بتوتر : زين
الشيخ : غيث شلونة وياچ
ريم : مرتاحة كلش ويا غيث احسن رجل بالدنيا
هز راسة بهدوء بس فجأة ضرب الميز بقوة وصاح عليها خلاها تجفل بخوف : لعد ليش دتلعبين بذيلچ
ريم : شششنو ااني ممسوية
الشيخ بجمود: يعني مو انتي اللي چنتي دتراقبين الزلم وهمة ديشتغلون بالليل
باوعتلة بصدمة : اااني
گام من مكانة متوجه ناحيتها
الشيخ ببرود : انتي شنو
ريم : مقصدي ااسوي شي يعني
لزمها من رگبتها وگومها من الكرسي صرخت بصوت ناصي وهي لازمة ايديه بچت بخوف : ععوفني
قرب راسة من اذانها وشاورها بهمس : ريمة گعدي عاقلة وكافيچ لعب
حچت بصعوبة وهي مختنگة : انتو مجرمين
ابتسم بخبث : انتو !؟ وزوجچ المسكين شنو لعد
ريم : ششقصدك شششنو يعني
الشيخ بحدة : اذا شفتچ مرة اللخ دتحومين حوالين المخزن او شغل الشباب صدگيني اكتلچ بايدي وما يهمني لا غيث ولا عشرة مثلة
دفعها عالارض بقوة وصاح عليها : طلعي برا وهذا اخر تحذير الچ يلاااااا
حركت راسها برفض وهي تزحف باتجاهة وگامت بصعوبة وهي تسعل بقوة : شنو يعني غيث شبي غيث
الشيخ بجمود : برا
دار راسة ومشى باتجاه مكتبة گعد عالكرسي بجبروت :هذا اخر تحذير الچ مرة اللخ مراح احذر راح اتصرف فورا
رجفت بخوف بس تماسكت وهي تباوعلة بقوة : راح تدفعون ثمن افعالكم غالي
ابتسم بخبث: انتي اول الناس الراح تدفع فديري بالچ ............
دخلت للغرفة مستغرب ما انتظرتني جوا مثل كل يوم
چانت واگفة عالشباك والغرفة ظلمة مابيها غير ضو التيبلام الخفيف
غيث : حبيبتي
مردت علية اقتربت منها وحضنتها بستها من چتفها
غيث بحنية : شبيها ريمتي اليوم زعلانة
ريم ببرود : غيث انت شنو شغلك
انصدم من سؤالها بلع ريگة بتوتر : شنو شبيچ هسة مدتعرفين شغلي
ريم : غيث جاوبني انت شدتشتغل
غيث باستغراب: دكتور اسنان
ريم : بس !
اندارت علية وجهها احمر والدموع مالية عيونها
ريم بحدة : جاوبني غيث بس هاي شغلتك
احتضن خدودها بايدة وحچي بهمس : شبيچ يروحي ليش هالدموع شنو اللي مضوجچ
دفعت ايديه بعصبية وابتعد عنه بنفور : لا تلمسني غيث لا تمد ايدك علية انت چذاب چذاااب كلك چذابين
غيث : اااني مستحيل اچذب عليچ شلون تگولين هيچ
ضحكت بهسترية : اي انت متچذب ابداا
ضربت فخذها بقوة وهي تدور بالغرفة بعصبية
غيثثث هو سؤال واريد جوابة وهسة
-گولي
ريم ببرود : اهلك يتاجرون بالمخدرات
غمض عيونة وفتحهم بهدوء : اي
ريم : وانت
غيث : شبيه اني
ريم : غيث وانت تشتغل وياهم
غيث : تفرق ؟
مسحت دموعها واقتربت منه : شقصدك
غيث : جوابي يفرق عندچ
ريم بدموع : غيث انت خدعتني
مجاوبها دفعتة بقوة وهي تصيح
ريم : ليش ساكت احچي انت گتلي اهلي معقدين اهلي ميرضون بغريبة بينهم واني صدگتك بس اهلك طلعو مجرمين غيث مو معقدين مجرميييين
ضل واكف بهدوء
هزت راسها بعصبية : ضل هيچ ساكت ضل رجعت عليه
ريم بصياح : غيث جاوبني انت تشتغل وياهم
غيث : ...................
يتبع ...
اعذروني مدا ارد عالتعليقات شوية مشغولة هالايام والتنزيل هم ديتأخر اسفة وبالنسبة للبارت التاسع عشر مچان كلش قصير نفس القبلة 😢 بس هسة طولت البارت اذا گلتو قصير انتحر ترا 💔
ارائكم❤️
ولا تنسون اللايك. ❤️❤️