🔷 الجزء 125 🔷
♥فـــــخــــــــر افـــــنــــــــــــــان ♥
⚛ عشقك ظلام ⚛
✏ الفصل التاني ✏
🔥 الانتقام يجعل الضربة أشد قساوة 🔥
🌸فاطمة الزهراء مبارك🌸
دخلو المرأة الداخل و فنان منعات أميمة تدخل بقات واقفة لبرا دارت ليها الفحوصات الطبية و الراديو و تخطيط القلب دازت مدة طويلة حتى كملات و خرجات هازة في يديها تحاليل شافت في اميمة
افنان:أجي معايا
حنات راسها و تبعاتها شهقة كتخرج ليها مرة مرة وصلو الطابق لي فيه مكتب ديال افنان دخلات خلات الباب محلول سداتو أميمة و حطات الدوسي من يديها و شافت فيها
افنان:جلسي
أميمة(جلسات):شكرا
افنان:الام ديالك القلب ديالها ولا ضعيف بزااف عارفة
أميمة:عتموت
افنان:لا عتعيش عنديرو ليها عملية ان شاء الله تحسن حالتها
أميمة:واش بصح
افنان:اه بصح
أميمة:لهلا يخطيك الله يوقف معاك كيف وقتي معايا
افنان:كاينة واحد الحاجة بغيت نعرفها و بغيتك تكوني معايا صريحة
أميمة:خدامتك انا
افنان:قبيلة قلتي الله ينصرني على لي باغي يأديني
تخالطو الوان في وجها حيت مكانتش عارفة اشنو كتقول:كيفاش
افنان:أميمة انا عارفاك عارفة شي حاجة قولي
أميمة:معنعاود ليك والو حتى توقف كي على رجلها
افنان:علاش
أميمة:باش متقلبيش عليا وجهك كيف دارو عليا و سنا
افنان:أميمة انا مشي بنت الحرام باش نوقف في طريق مرأة محتاجاني المهم بغيتي تقولي مرحبا مبغيتيش انت و ضميرك غدا في الصباح الام ديالك عندها عملية تقدري تمشي تبقاي معاها هذه اليلة
وقفات أميمة و هي حانية راسها افنان عارفة انه كاينة حلقة مفقودة في هذه الاحداث حيت عليا متجيش و تأديها غير هكاك و التيلي لي ضايع الطبيب لي تقتل في الحبس زيد عليها هذه المجهول لي بان من بعد 10 سنين علاش مبانش من قبل و الجواب عند أميمة بالضبط رجعات ضهرها على الكرسي و كتشوف ناضت هزات صاكها و خرجات توجهات القصر دخلات ليه و مشات الجردة حتى كتوقف عليها شهرزاد