البارت الثالث والعشرين
صلوا على الحبيب المصطفى
عدا ايام جميله عليهم يوسف ومرام في شهر العسل واحمد لسه مسامحش وفاء
في يوم جديد يوم كشف اميره وياسمين
أكرم /ياله ياروحي رعد وصل انزلي
نزلت ياسمين من العربيه
اميره بابتسامه هادئه /عامله اي
ياسمين /الحمد لله ياروحي وانتي
اميره /بخير الحمد لله
رعد /ياله علشان نطلع
طلعوا للدكتوره لاكن استغربوا ان مفيش حد موجود
اميره بصت لياسمين باستغراب وبصوا لاكرم ورعد
رعد ببرود /خير عاوزين اي
ياسمين تتجه لاكرم /فين الناس يااكرم
أكرم بخوف مصتنع /اصل ياحبيبتي انا قلت تيجوا لوحدكوا
اميره بعبث /ليه كده يارعد افرض ان في حد تعبان اوي
رعد وهو يحتضنهاويده علي بطنها /متخافيش ياروحي ياله بقا
أكرم /احنا هندخل الأول
رعد /انا مراتي حامل الأول
وخد اميره ودخل الأول
الدكتوره /اتفضلوا امال فين المدام يارعد بيه وبتبص لرعد ببحب واغراء
رعد /احممم وبيشاور علي اميره المدام
الدكتورة بصدمه /دي مراتك دي صغيره اوي
اميره /هو انتي هتفتحي محقق
الدكتوره /افندم
اميره /انا المدام ممكن نخلص بقا
الدكتوره بغيظ من جمالها/اتفضلي
بدأت الدكتوره تكشف علي اميرة وكان رعد فرحان اوي باحساس انه سامع نبضات قلب بنته او ابنه
رعد بفرحه /نعرف ولد ولا بنت أمته يادكتورة
الدكتوره /لسه شويه المدام لسه في نص الشهر الثالث علي الشهر الخامس او في نصه هنعرف ان شاء الله
اميره بصوت واطي /دا لو كملنا معاكي اصلا
ضحك رعد علي كلام اميرة
طلعوا من عند الدكتوره ودخلوا ياسمين وأكرم
الدكتوره /اتفضلي يافندم
كشفت علي ياسمين وياسمين في الشهر الأول لسة
واعطتها فيتامينات
عند رعد واميرة
اميره /رعد انامش هكمل مع الدكتوره دي
رعد بخبث /ليه ياروحي مالها دي شاطره جدا
اميرة /هو كده مش هكمل
رعد شدها قعدها علي رجله /يسلملي الغيور
اميره بخجل /انا مش بغير وبعدين انا في العياده نزلني لحد يدخل
رعد بيقرب منها بتملك /انتي عارفه انا مش بيهمني حد
وراسه في عنقها يستنشق راحتها الورد
أكرم /خف شويه ياعم الحبيب
رعد ومازال علي وضعه /امشي يااكرم بدل ما اقوملك
أكرم /عيب عليك البت شبه الطماطم
رعد بعد عن اميره وقام
أكرم بخوف /انا عاوز اشوف ابني الله يخليك
اميره وياسمين في صوت واحد /انا عاوزه اغير الدكتوره دي
رعد /ليه ياروحي هيا الدكتوره مالها
أكرم باستغراب /مالها
اميره /كده عاوزه دكتوره تانيه وياسمين معايا صح
ياسمين /اه سوا
رعد بقله حيله /حاضر
أكرم /ماشي
🌿🌿🌿🌿🌿🌿🌿🌿🌿🌿🌿🌿🌿🌿🌿
المجهول /انا هنزل مصر بعد يومين علشان انفذ
المجهول /لا انزل ماشي بس تصبر شويه لحد اقولك
المجهول /حاضر
المجهول /عاوز رعد يدمر نفسيا عاوز ميسواش حاجه في السوق كل حاجه تكون ليا
المجهول /طب وامراته
المجهول بسخريه /مراته اللي بتخاف من خيالها
🌿🌿🌿🌿🌿🌿🌿🌿🌿🌿🌿🌿🌿
عند يوسف ومرام
صحيت مرام علي همسات يوسف ويده علي خدها
مرام /صباح الفل
يوسف /صباح الجمال علي عيونك
مرام /هنروح الشركه انهارده
يوسف بتردد /مرام
مرام /نعم ياروحي
يوسف /هو انا لو قولتلك تسيبي الشغل هتسبيه
مرام بستغراب/ليه
يوسف /عادي يعني مش عاوزك تشتغلي
مرام بابتسامه /موافقه
يوسف بفرحه /بجد
مرام /اه بس ممكن بعد شهر أو شهرين لما الصفقه تخلص
يوسف /ماشي موافق ياله نلبس وننزل
مرام لبست فستان باللون الpinkوخمار ابيض
ويوسف بنطلون اسود وقميص ابيض
ويوسف مسك ايد مرام ونزلوا من العمارة
وبعد مرور الوقت وصلوا للشركه
ودخلوا
حلا بدلع /مستر يوسف الف مبروك
يوسف بقرف /الله يبارك فيكي
ودخل المكتب وقفل الباب
الموظفين بيتكلموا
موظفه /محدش شاف مراته
حلا بغيظ/الصوره اللي نزلتها الصحافه كانت العروسه بظهرها ومشها مش باين
موظفه /طب متعرفوش من عيله مين
موظفه اخري/شكلها كده من نفس الطبقه المخمليه
حلا /معتقدش
جت مرام
مرام /السلام عليكم
الموظفه /عليكم السلام ورحمة الله اي محدش شافك
مرام بمزح /معلش بقا كنت بتجوز
حلا بقرف /هو حد بصلك بالخيمة اللي انتي لبساها دي
مرام /اه شوفتي بقا بصلي وحبني
حلا /ومين بقا ان شاء الله
مرام بصوت عالي /يووووسف
بصولها الموظفين بصدمه وطلع يوسف من مكتبه
يوسف ويتجه لمرام /اي ياروحي في حاجه
مرام /لا ياروحي اصلا انسه ولا مدام حلا بتقولي مين اللي بصلك وانتي لبسه خيمه كده ها اي رايك جوزي يكون يوسف السويدي
يوسف يوجه كلامه لحلا /معلش انا باخد حاجه غاليه مش رخيصه بتفرض نفسها عليا ومسك ايد مرام وقال مرام بتكون مرات يوسف السويدي وحلا سكيرايره رعد بيه بتكون مرفوده
حلا بصدمه /°°°°°°°°
يوسف /اتفضلي استلمي بقيت حسابك من الحسابات ومش عاوز اشوف وشك هنا تاني
لسه حلا هتتكلم
يوسف بصرامه/ولا كلمه برااااا كل واحد علي شغله
وخد مرام ودخل المكتب
🌿🌿🌿🌿🌿🌿🌿🌿🌿🌿🌿🌿🌿🌿
رعد /يابنتي رجلك علي الفرامل
اميره /يارعد انا معرفش انت بتعلمني كل دا ليه
رعد /ياله ياحبيبتي علشان لو اتعلمتي بسرعه هجبلك عربية
اميره بعبث /طب ما في عربيه بسواق
رعد وهو يرجع خصلات شعرها /لا مش عاوزك تعتمدي على حد
اميره /حاضر ياله نكمل
رعد /ياله Rبترجعك لورا اما Dطول ما انتي ماشيه اول ما تدوري العربيه رجعلك علي الفرامل وتشيلي رجلك وحده وحده وتظبطي المرايات وانتي بترجعي تشوفي في حد وراكي ولا لا
اميره بصدمه /اي كل دا
رعد /ياله ياأميرتي وحده وحده
بدأت اميره تسوق ورعد بيعملها وحده وحده
رعد /ياأميره لفي براحه
اميره وهيا بتبصله /اهو يارعد
رعد بصراخ /بصي قدامك هتموتينا
اميره /حاضر حاضر
رعد /بصي دوسي بنزين جامد
اميره بعمليه /اهو
رعد /دوسي
اميره /اهو يارعد العربيه ماشيه سريع
رعد /دوسي
اميره /اهو وبدأت ادوس بسرعه عاليه جدا
رعد /وقفي
اميره وحده وحده
رعد /كده حلو اوي طول ما المسافه قدامك توقفي براحتك مش مره وحده
اميره بتعب /لا كفايه كده
رعد بحب ويقبل يداها /كفايه ياله انزلي وانا هكمل
كمل رعد سواقه وصلوا البيت
احمد /حمدلله علي السلامه انا جيت ماشوفتش غير جنه
رعد /كنا عند الدكتوره والله ياعمي
احمد /وقالت لي
اميره /الحمد الله
بصوا لجنه اللي مكشره وغضبانه
رعد بهمس لاميره /هو في اي
اميره /سبناها وقت كتير
جنه بغضب /انتوا قولتوا وقت صغير علثان (علشان) النونو وياثمين واكلم (ياسمين وأكرم) جم من بدري كنتوا فين
رعد /اي البيت الغربيه دي
طلع أكرم من المطبخ وفي يده تفاحه /اه صحيح كنتوا فين
رعد /اله واحد ومراته انتوا مالكوا فين مراتك
أكرم /بتاكل في المطبخ
رعد /انتوا احتليتوا بيتي
اميره/طيب ياله ياجنتي علشان تاكلي
جنه /ماشي يامامي بابي انا لثه (لسه) هعرف انتوا كنتوا فين
رعد /صبرني يارب اتفضل ياعمي نتكلم في المكتب
دخل رعد واحمد المكتب
رعد/وبعدين ياعمي
احمد /بعدين اي مش فاهم
رعد /ياعمي ارجع لوفاء هانم
احمد /لا يارعد انا معنتش عاوزها
رعد /ياعمي ربنا غفور رحيم وبعدين كل إنسان بيغلط وحماتي عرفت غلطها واميره سامحتها سامحها ياعمي واكتب عليها
احمد /مش قادر انسي يارعد دي خاينه
رعد /عارف بس اكيد لسه في مشاعر نحيتك ليها صح
احمد /مش عارف يارعد
رعد /انا بقا عارف تعال معايا
احمد /اجي فين
رعد /تعال بس
خد رعد احمد وطلعوا بره الفيلا وراح جاب وفاء
احمد /انا عاوز اعرف انت بتعمل اي
رعد /دقيقه وتعرف وقف قدام مكتب ونزلوا
وفاء /في اي يارعد
رعد /كل خير
ودخلوا
رعد /اتفضل ياشيخنا اكتب الكتاب
وفاء واحمد بصدمه /اييييه
رعد /ياله ياشيخنا
احمد /اي المهذله اللي بتحصل دي
رعد /هتتجوز ها ولا في حد تاني يتجوزها
احمد /اكتب ياشيخنا
رعد ضحك علي كلامه وتم كتب كتاب احمد علي وفاء من جديد وخدها احمد لبدت حياه جديده بدون مشاكل
🌿🌿🌷🌷🌷🌷🌷🌷🌷🌷🌷🌷🌷🌷
اميره بضحك /لا مش قادره بجد دا اللي حصل
رعد /اه والله وقفت قدام الماذون وكتب الكتاب في وقتها
اميره /هههههه متخيله منظرهم
رعد يدخلها في الحضانه يده علي بطنها التي بدأت في ان تظهر /حبيبتي عامله اي
اميره بحب /بخير طول ما انت بخير
رعد /وبنوتي حبيبتي
اميره بعبث /تؤتؤ انا بس اللي بنوتك
رعد بضحك بصوت عالي /بتغيري من بنتك
اميره /اه
رعد/هاتي يابت الكتاب علشان نقرا الرساله الجديده
اميره /ياله
قعده اميره في حضن رعد وبداو في القرائه
اول (بحبك)
هل تتذكر شعورك هذا اليوم، اليوم الذي قلت فيه اول كلمه بحبك، الذي سمعت فيها اول بحبك، الحب ليس شيئا سهلا، لايمكن تعويضه، لايمكن تكراره، فما شعورك الان، بعد أن خسرت اول حب، بعد أن طردت اول مشاعر عاشت بداخلك، هل ستتمكن من ان تحب مجددا، ان تقول كلمه احبك مجددا، من الأكيد انك ستحب وستقول، ولكن ليس بمشاعر الماضي، لن تفرح كفرحه امس
رعد بعشق /وحشتيني ياأميرتي
اميره اديها علي عنقه /انت اكتر يارعدي
رعد بيقرب منها اكتر ويقبل كل انش في وجهها دفن راسه في عنقها يقبلها قبل متفرقه ويضع علامته ملكيته واميره
تايهه في همساته وقرب اكتر وبين كل قبله وقبله يقول بحبك
وسكتت شهراذاد بكلام الغير مباح وذهبوا الي عالمهم الخاص علم العشاق لايوجد سوا رعد واميره فقط في هذا العالم المختلف
🌷🌷🌷🌷🌷🌷♥️♥️♥️♥️♥️♥️♥️
عند احمد ووفاء
وفاء /سامحني ياأحمد
احمد /ليه ياوفاء وصلنا لكده
وفاء ببكاء /سامحني
احمد /مسامحاك
وفاء /بجد ياأحمد
احمد وهو يزيل دموعها /بجد ياعيون احمد
🌿🌿🌿🌿🌿🌿🌿🌿🌿🌿🌿🌿🌿🌿🌿🌿
في منتصف الليل
قامت اميره من النوم مفزوعه
اميره /رررررعد.
رعد قام من النوم بسرعة /اي في اي
حضنته اميره بسرعه وحضنته جامد تخشي ان تفتقده
اميره ببكاء /كابوس كابوس وحش اوي
رعد /معلش ياحبيبتي استغفري ربنا بجاحه هجبلك مايه
اميره بخوف ومسكه في رقبته /لا متسبنيش
رعد /ياروحي المايه هنا اي متخافيش
جاب رعد مايه لاميره وشربت وبدأت تهدأ ونامت ورعد بدا يقرالها بعد الآيات القرانيه وناموا
💞💞💞💞💞💞💞💞💞💞💞💞
اكرم /يابنتي حرام عليكي مانجه اي اللي 3 الفجر وعلى فكره انتي لسه في أول شهور الحمل مفيش وحم
ياسمين /والله تجبلي مانجه حالا
أكرم /ياياسمين حرام عليكي عاوز انام عندي شغل بكره
ياسمين /عاوزه مانجه
أكرم يمسح وشه بغضب /حاضر غير ملابسه ونزل يجيب مانجه
ولف كتير علشان يلاقي حد فاتح وجاب مانجه
أكرم /اتفضلي
ياسمين بفرح /الله جبت مانجه وجايه تاكل علي السرير
أكرم /لا كدة كتير والله ما في مانجه تتأكل هنا بره ياياسمين عاوز انام
ياسمين بعبث /انت رخم وطلعت بره الجناح
أكرم /كان مالي ومال الجواز وكمل نوم
بعد عشر دقائق دخلت ياسمين الجناح
ياسمين /أكرم...... أكرم.... اكرومتي
أكرم بنوم /نعم
ياسمين /عاوزه انام
أكرم /نامي
طلعت ياسمين علي السرير وبدأت تدخل بين ايد أكرم لحد ما بقت في حضنه ابتسم أكرم وقبل راسها
أكرم /نامي ياحبيبتي
ياسمين /حاضر ياروحي
🌷🌷🌷🌷🌷🌷🌷🌷🌷🌷🌷🌷🌹🌹
تاني يوم علي الفطار
رعد /انتي كويسه ياأميرتي
اميره بتوهان /اه كويسه
رعد /طب افطري كويس علشان انتي ضعيفه اوي
اميره /حاضر
جنه /بابي
رعد /عيونه
جنه /عاوزه الوح الملاهي (اروح)
رعد /عيوني لجنتي يوم الجمعه هنروح
رعد /انا هروح الشركه
اميره /وانا هروح الكليه وجهت كلامها لجنه جنتي هنقعد مع الداده لحد ما انا اجي ونلعب سوا ماشي
جنه /ماشي ياماميى
🌷🌷🌷🌷🌷🌷🌷🌷🌷🌷🌷🌷🌷🌷
في الشركه
أكرم بصوت عالي /لا يارعد مش هتتدخل الصفقه دي
رعد /هدخل هتمنعني ولا اي
يوسف /ايوه هنمنعك انت اتهبلت حرام عليك انت عندك بيت وابنك لسه مجاش على وش الدنيا
رعد ببرود /هدخل الصفقه دي وهكسبها
يوسف /الصفقه دي انت لو خسرتها هتنزل من سابع سماء لسابع ارض
أكرم /وانا بقولك مش هتدخل يعني مش هتدخل
رعد /وانت مالك
أكرم لكمه بالبوكس في وشه /لا مالي ومش هتدخل احنا الثلاثه لازم نوافق علي الصفقه نسيت اننا شركاء
رعد /الصفقه دي ياقاتل يامقتول
وسابهم ومشي
🌷🌷🌷🌷🌷🌷🌷🌷🌷🌷🌷🌷
المجهول /نفذ بعد 15 يوم بالظبط
المجهول /حاضر
💐💐💐💐💐💐💐💐💐💐💐💐💐
يتبع......
الي اللقاء في تكمله البارت؟
كلمه بقا والله التأخير مش بايدي معنديش متعه اني اخر البارت كل واحد وربنا عالم بظروفه فا بقول معنديش اي متعه اني اخر البارت ولا تكبر ولا غرور ياريت تقدرو تعبي انا بكتب 4 ساعات وإلقارء بيقرا في عشر دقايق ربع ساعه ادعولي