اخر ربيع

٦٤

٦٤
مساء الخير
اخر ربيع
......
ضربني راشدي
هاي وأول مره يسويها
ويمد ايده عليه
كعد علئ حيله واني طلعت بسرعه برا
اجتي امي ورايه وهي تهديني
وتصلي علئ النبي
شنو الي صار لنا
عين وماصلت علئ النبي
يمه هاي انت العاقل
علئ شنو هل العصبيه
ليش ترد عاى ابوك
اني ساكت وهي ملتهيه تحجي
وتفرك بجتفي تخفف عصبيتي
يمه حبيبي ابوك مايقصد
بس هو عصبي ماتعرف طبعه
حبيبي لاتنقهر
هزيت راسي
يوم عفيه عوفيني  وحدي
اي يمه بس عفيه مو تطلع
ابقئ هنا
حظنتها يمه تعبان
سوده عليه حبيبي
بيه ولا وبيك.
ردت اكوم اريد اطلع
ماقبلت  لاابني مااخليك تروح وانت هيج
تروح تسوي حادث
اوك اروح بدون سياره بس خليني اروح
خليني
اطلع مخنوك كلش
اوكف بس خلي اجيب الك
محفظتك. وفونك
اي
طلعت برا
انتظرها
اجتي تركض
جابتلياهم الي أخذتهم ورحت امشي
مسافه بعيده عن بيتنا
هواي يالله أجرت تكسي
صعدت واني ماعرف وين
صعدت واني اكوله اطلع
سألني وين خويه
علئ النهر
تمام
وصلني حاسبته
ونزلت بقيت افتر
كعدت علئ جهه
وظليت احجي  ويه نفسي والومها
اني شنو الي داسوي علئ شنو هل العصبيه
والأنفعال
زين اني ألوم علئ أبويه لأن عايش بلماضي
واني هسه شنو مو نفسه ماذي  نفسي علئ
قصه يجوز صدك أو كذب
أو اخترعها عقلي
بدال ماانصح أبويه يعوف الماضي وبرجع النه
خلي اني انصح نفسي اول
خلي اني اتحرر من قيود الماضي
واعيش لنفسي
سحبت نفس عميق
وقررت اعوف كلشي وراه ظهري
والتفت لشغلي ولدراستي
وبس
كافي لهنا اني اذي  نفسي
علئ شنو ماعرف
امي إله جانت خاينه لاسامح الله
هي عد ربها هو يحسبها
وآله أبويه مظلوم هم ربي يوكف وياه
اني عليه بنفسي وبس
حتئ نور راح اختبر نفسي واشوف حبي الها صدك.
لو شنو تعلق بيها لان كدام عيني من الزغر
ماريد اظلمها أو اخدع نفسي
اريد اعرف شنو هي بالنسبه الي
إلي بيني وبينها حب لو   لأن  بيها شبه من امي
لو لأن متربين سواه
قررت وأخذت قراري
اعوف نفسي فتره  ابتعد عنها
واتفرغ لدراستي وشغلي
وهاي راح تجي امتحانات نص السنه
وهم منها اشوف نفسي  وتأكد من حبي الها
دك فوني
امي
فتحته هايوم
شونك. حبيبي
زين يوم  لاتقلقين عليه
انت وين
اعرف أبويه يمها ويسمعني
اني علئ نهر دجله
راح اجي مااطول
اجانه صوت أبويه
ابقى مكانك اني جايك.
مايحتاج يأبه هاي ارتاحيت وراح ارجع
لا ابني اني وَاخوانك جايين
اوك انتظركم
خطيه أبويه باله عليه مايهون عليه يزعلني
بقيت انتظرهم
ماطولوا عليه بسرعه اجوا
شفتهم رحت عليهم سلمت علئ أبويه
يأبه اني اسف.
حطني حبيبي اني هم قيست عليك.
ايدي تنكسر إله انمدت عليك.
اخذتها وبستها لاتحجي هيج
اسم الله عليك
رحنا نفتر وكعدنا مطعم تعشينا
واخواني تفننوا بلطبات 
كل واحد شكل
بس أبويه ماياكل حتئ لويطلب هيج.
بس، يبقى كدامه
تالي ياكله فاروق
كملنا وابويه يأمرنا مثل عادته
لازم نقرأ الفاتحه للروح امي
يرد هي تشوفنا هي فرحانه بيكم.
اذكروها

ويقينا نسولف ونضحك.
ورجعنا لبيتنا
ماطولنا هواي
الحمد الله رتاحيت وابويه 
........
الايام الي وراها امتحانات نص السنه
قربت ولازم
دراسه
اخواني قبلي امتحنوا
بهاي الفتره انقطعت  كلش، علئ بيت خالتي
حتئ مخابره مااخابر
ولااروح الهم. بس خالتي ابد ماقاطعتني
على  طول تراسلني حتئ لو ماارد وتسأل عن
دراستي
نفس الشي ويه اخواني
من غير الادعيه إلى دزها
احب اسلوب خالتي ابد ماتهتم ارد أو لا
بس حبها واهتمامها وياي مافرق ابد حتئ من اني انقطعت عنهم.
هي ظلت تسأل عليه
اخواني يرحون الهم
بس اني

نور نفس الشي تراسلني
بس اني ماارد عليهم
ابد يجوز اني غلطان بس هيج اني اختاريت َاريد
اشوف  شنو يريد عقلي
ظلت خالتي هي تجي تشوفني
ماطول  شويه زتروح تختار وقت إلى يكون أبويه ماموجود
ماعرف ليش،
صح هو مرات مايقبل نروح الهم.
بس هو يرحب بيها من تجي ابد مايضوج
تشوفني وتسألني إله محتاج شي
وتروح
بس ابد ماتعاتب او دكول ليش مااجيهم
بدت الامتحانات وبيتنا دخل طوائ احتئ أبويه ماراح للشغل
يبقئ يمنا حتئ ندرس
خصوصا هيثم كلش، ضايج.
بس أبويه كل ساع يذكره بس تخلص تسافر
وترتاح. هو يتحمس، ويرجع يشد نفسه
فاروق شاطر
واني هم قليل اروح للشركه أبويه مايقبل حتئ
مرات اكمل شغلي بلفون
وهما يراسلوني
مااطلع
الى ان
كملت الامتحانات
والحمد الله اخواني قبلي و
اني بعدني كم امتحان
واخلص  اني هم.

بهاي الايام صرت انام من وكت
مره كعدت وقت متأخر
نزلت جوه
لكيت البيت مقفل كله

علئ اساس اطلع بلحديقه
بس أبويه وين عنده البيت كله ينقفل علئ ايده
حتى  بيت رائد هم يتأكد منه مقفول يالله ينام.
وآله مسافر يخابر يتأكد
رجعت صعدت مره لاخ للغرفه
البيت هدوء
ظليت افتر بالغرفه
فتحت اللابتوب مالي، خلك
للشغل
سديته
صفنت
كلت خلي اطلع كتاب امي اقراء فتحت  الكنتور
بس عاهدت نفسي أقره قصه وبس
ابد ماتتاثر
كل إنسان عنده أخطاء وكل انسان عنده خصوصيته
وربي إلى يحاسب
يجوز امي جرئيه وكتبت ذكرياتها
بهاي الجراه بكل سلبياتها
. وماجانت تخاف من أحد
شكد شجاعه
يجوز اني ماعندي هيج شجاعه مثلها
فتحته واني مخلي مكان إلى. وصلت ذيج المره
شون تشتغل بعد الدوام
وتروح وترجع بلكليه
يعني لحد الان أبويه بعده بعيد عن حياتها
طلعت صورتها بالابتوب وكبرتها

وخليتها كدامي
ظليت اقراه هواي قريت إلى صار الصبح
اسمع الأذن يأذن
يالله هاي شكد قريت اني وهاي الوقت كله كاعد
كمت صليت وابويه هم طلع من غرفته الخاصه
رايح للحمام من شافني رجع للغرفه قفلها
سلمت عليه
ورحت للغرفتي
ماعرف ليش هيج تيصرف
علئ الرغم احنه ابد ماعنده فضول لاامي او اخواني
حتى  غرفه امي الجوه ماندخلها إله هاي ماوجوده
وندك الباب بس هاي الغرفه
من زغرنا وهي مقفوله
رحت صليت راجعت محاظراتي

امي دكت عليه دكعدني لأن مابيها تصعد
سلمت عليها
اليوم كاعد
ظلت تدعيلي ربي يوفقني وانحج

تشكرتها ورجعت ادرس
نزلت بس اني أبويه اخواني باقين نايمين
لان عطله

تركيناو وطلعت لدوامي وابويه هم راح للشركه

كملت َامتحاني
وخابروني أصدقائي
كالوا تعال راح نجمع كلنا
اول ردت اعتذر تالي كلت
خلي اروح الهم.
اتفقنا  بكليه الصيدله نلتقي

اني هم ماشايفها
خابرت ابويه طبعا
ورحت والهم وعرفوتي علئ
كروبهم  جان ا كلش حابيبن
ومرحين ولد وبنات
طلعنا تغدينا
كلش، تونست ماتلام امي من دكول دافن روحي بلشغل  والدراسه
حانت اكو بنيه كعدت قريب عليه
وظلت تسألني عن تخصصي
وين اشتغل

جانت جميله كلش
شعر طويل احمر ولبس فري كلش
بس اني طبعي هاءئ
اجاوب علئ كد السؤال
يعني هي بنيه إجراء مني
هي  تسألني مو اني
ماعرف اني اختلف
يعني هذول  الشباب الي بعمري شون عايشين
عمرهم علئ رغم حالتهم أكثرهم
حالتهم عائ كدهم
بس متونسين وفرحانين
رجعت العصر بعد مابيه علئ الشغل
رجعت للبيت
سبحت بدلت  وكعدت بلحديقه
اجتي امي وظلت تسألني ليش
بالبيت
ظليت احجيلها
وهي فرحانه
اكلج. يوم
اني اعرف الأمهات تحب الولد الي يشتغل
والي يرجع للبيت من وكت اشو انتى
عكس
هههههه لاياابني بس هم أريدك تفرح
ترتاح
يعني شوف شون اليوم مرتاح
لأن طلعت وغيرت روتينك.
اي صح  اليوم غيرت شويه

يالله والاهم خلصت من الامتحانات
يعد فصل  وتخلص السنه
يارب والسنه الجايه  تتخرج ونفرح بيك.
أن شاء الله يارب
صار وكت العشاء ودخلنا جوه

تعيشنا بس اني وامي فاروق وهيثم ماهما 
بعد انطلق هو بلعطله
ثاني يوم الصبح محد كعد من وكت
عطله
واني متعود اكعد من وكت طلعت وظليت اقرا
بكتاب امي
تعلمت عليه اقراه للفجر واصلي وارجع انام
اول يوم كعدت الساعه تسعه أبويه
طالع قبلي
رحت للشركه اشتغل وأريد اطلع
للمشروع
بس أبويه دز عليه
رحت  عليه ظل يسألني عن الشغل
وشنو سويت
هاي
واحنه نححي دك.
هيثم عليه
مارد عليه
رجع دك
أبويه ضاج
شكو  يأبه
اكو غيره  هيثم وسوالفه مالت السفر
شكو صاير جديد
لاماكو جديد. بس؛ شون تأخرت عليه
بلفيزا
هذا خابصني
يالله يأبه فيزله  بعد انت وعدته
اي ان شاء الله اليوم أكملها إله. اخلص
هههههه بلعفل  ماتخلص منه

يالله يأبه اني رايح محتاج شي
لاابني بس دير بالك.
من الطريق
أن شاء الله
رحت وأخذت وياي َمهندس وموظف
بقينا نشتغل للوقت العصر صار غدانا هناك.
كملنا ورجعنا للشركه خابرني أبويه  كال احنه بيت عمك. اني اخوانك.
وامك حتئ رائد وربئ هم
تجي كلته من اكمل يس هو كال عيب
عوف الشغل علئ باجر وتعال
تمام
يأبه
قفلت الشركه ورحت لبيتهم.
بيت عمي عايش أركان وعائلته
زياد بيت وحده
بس فرق بين الاثنان
مو عبالك اخوان
حتئ عوائلهم تختلف
أركان مرتبين وحبابين هو زوجته واطفاله
وذاك. الله يستر منهم من الاب للأم للأولاد

تعشينا عدهم وهيثم يحوس ساعه
يكتبلي بلفون
وساعه يكول اطلع بلحديقه. احجي وياك.
ولك شبيك
تحوس
همس بأذني اليوم من نرجع تحجي ويه أبويه
واريدك. تساعدني
خير ناوي تخطب
ضربني بعكسه
هههههه لعد شبيك.
ولك. علمو د السفر
شبيه النعل ماتمل انت
أبويه مغلس وخلص كم يوم هو ماكو
لاتخاف اليوم كال راح افيزله
صدك. الله. كمز
ولك عيب
الكل انتبه عليك.
باوعنا لابويه وعمي يحجون
أبويه يبا وع عليه
رائد وأركان هم يسولفون سواه على اساس اني كاعد يمهَم
بس كلشي مااسمع من هذا
كعدت هو يضحك. ويرجع يحلفني
اي َالله قابل مجذب عليك.
اني
يالله شكد  احبك.
ا
هههههه شبي هيثم كال رائد
بعد ماتعرفه لابن عمك سوالف السفر مالته
يوميه دوله شكل

ولك انت شنو
مخلين سرك بلسفر
ههههه
يجوز والله

ثقيل دم  طالع علئ اختك. الصخله
أنجب لك.
انتم شنو ناصبين عليها  لو شنو
كام وضربه علئ راسه
ابد اختك كلها عقل ورزانه
ظلينا نضحك.
والله الصخله ارحم
منها
لاتجي وتسمعك.
والله تخنكك
بقينا نضحك وابويه عمي يباوعلنا. هم يضحكون
فرحانين بلمتنا
صبوا العشاء احنه وحد
وامي وربئ بلهول ويه مرت عمي ومرت أركان
وفارق ساعه يمنا وساعه يلعب ويه جهال اركان
بس بالأكل يكعد يم أبويه
اصلا هو مايكدر ياكل  إله هو يمه
شربنا جاي
ورجعنا
وصلت للبيت فوك. العشره هيثم صعد وياي
وابويه وامي فاروق وحد
والطريق كله يحجي بلسفره
ويخابر بجماعته
يكولهم  أبويه موافق
يالله الكل يجهز نفسه
لك انت شنو
أنى مدير الكروب
والله
اخوك. مو شويه
والله اشوفك. متهيه الولد لو مضيع كم واحد بجبال.
وتالي اقبض يا مدير
بقينا نضحك
جنه نمشي سواه
السيارات مع بعض عبالك زفه
وهذا فاروق كل ساعه فتح الجامه
وصاح علينا
بالله شبي
خطيه فرحان
مثل انت فرحان بلسفر هو فرحان بلمتنا.
كل واحد يعبر عن طريقته بلفرح

وتجيب فرحه السفر للفرحه هذا الخبل
أنجب والله احسن منك.
مارد عليك لأن فرحان ماريد اكسر فرحتي
وصلنا للبيت
قبلهم
دخلت السياره
وأريد اصعد فوك.
وين ريح
ابدل وانت
انتظر بابا
بابا احجيها واني ارفع حواجبي
اي اكيد بابا  مو هي ماليزيا
ههههه سفره سعيده مقدما
اكولك ليش ماتروح
ويانه
أن شاء الله من اتخرج ناوي اروح
ههههههه لابلله خليها فد مره من تأخذ التقاعد
هههههه
هم خوش فكره يجوز اسويها
بأي اشرتله بأيدي
وصعدت فوك.

نزعت القميص بقيت بس الفانيلا
وتمددت بفراشي اباوع للسكف
سمعت طككه فاروق علئ الدرج
مو يصعد بايه بايه
اثنين اثنين
ركض ودائما أبويه وراه ويحجي عليه
علئ كيفك لاتوكع شويه شويه

فتحت الفون ولكيت خالتي هم مراسلتي
وهي تباركلي على عطله  تدعيلي اتخرج

يالله والله عيب منها  شكد حنينه واني اعاملها
هيج.
خلي أخابرها
بس دكيت بسرعه ردت
الووو  خاله
هلو يابعد روح خالتك.
شونك حبيبي شخبارك
الله يسلمج يسلم عمرج.
زين الحمد الله
ظليت اسولف وياها

ورسالتها عن أولادها كالت خلصوا امتحان
وارتاحينا
ظليت اخجي وياها
وهي دكلي خلي نروح يوم تنعشذ
براه اننا واخوانك.
تمام شرفي يوم ونتفق
حسيت براحه من حجيت وياها
ظلت تسألني واني هم
منطلق بالحديث وياها
نسيت نفسي الئ أن أسمع
العياط جوه
اصوات أبويه وهيثم
عاليه
حتئ امي هم صوتها عالي
يالله مانخلص احنه. من المشاكل
خالتي تحجي وياي واني فاك حلكي

ماعرف شنو. اسوي
تالي كتلها خاله أبويه يصيحني جوه
اروح إله
وتالي ارجع اخابرج.
الله وياك.
بأي
بأي سديته ونزلت ركض وامي لكيتها تصبح عليه

حتئ انزل
هاي يوم شكو
تعال يامعود علكت  بين ابوك. وهيثم
رحت لكتيهم يهول أبويه يحجي وهيثم يرد
الأصوات ماشاء الله

إله كدرت اميزه من خلال الهوسه
أبويه حاجز إله بس اسبوع
وهذا متخبل شنو بس اسبوع انت كلت 
اسبوعين
تالي ترجع بكلامك.
لو اسبوعين لو مااسافر
أبويه يكوله يابني اخاف عليك.
ديره بعيده
لاهنا وهنا شنو تروح هلكد
اي وآله اسبوع ماتخاف عليه
بس اله أكثر تخاف
روح لغير دوله روح لبنان لتركيا
اخليك تروح اسبوعين بس هاي ماعرف شنو اسمها
اسبوع ماكو غيره
والله هذا إلى عندي ياهثم تريد ماتريد كيفيك
. أي اكيد بكيفك.
بس اني مااقبل اغيرها شنو طلعني طفل كدام جماعتي
متفق وخالص تالي تكلي هيج.
واني حرت اصير ويامن مره اهدي بابويه ومره
بهيثم
اثنينهَم هل للمره راكبين رأسهم.
احس راسي صدع

اخر شي أبويه قفل وانطئ قراره
هو اسبوع لو تغير  الدوله
هيثم ظل يعيط باعلى  صوته
وطلع من الهول
يالله خلي يزعل بس خلي تفض
بس هل المره مبين حيل انقهر
حتئ وجهه احتقن احمر من العصبيه
الكل ساكت بس هو منفعل كلش،
ويصيح باعلى صوته
راح صعد الدرج كم بايه وكع هو يجر النفس
كوه
طفرت عليه
شبيك. هيثم
هيثم
ياشرلي هواء
لك شبيك
مايحجي بس نفس الاشاره
ظليت اهفي عليه وانفخ بوجهه
اصعدك. فوك

مايكدر يحجي
يأبه تخربطت احوالي ماعرفت شنو اسوي
احس جسمي كله يرجف
كوه صحت علئ امي اجتي تركض

هي شافته هيج ظلت تعيط
بهجت
الحك.
هم. أبويه اجه

. من شافه هيج.
ابويه  لزم
حافه المحجر
نحجي وياه مايفيد
تالي امي
كالت اسنده َابني اخذتها وياها
وهي تاشرلي صوب الحمام.

دخلنا ه للحمام هو صار مثل اللحمه  بيدنا
ناخذه منا ونجيبه منا
أشرتله ادخله بلجاكوزي
وفتحت الدوش عليه  هو بملابسه

اول مي بارد
تالي شويه دفته إله

هو أول يجر النفس كوه تالي بد يتفس
طبيعي
وجهه دايرجع لونه
حاجته اني انت زين
اي رد عليها بس صوته تعبان
أبويه اجه هم وكف بلباب
بس مايجحي.
كالت امي روح جبيله ملابس هاي غدا شره
مابي شي

رحت جبتله ملابس ومنشفته.
ورجعت بسرعه
هو كام علئ حيله واخذهم.
اساعدك.
لا
تكدر تبدل وحدك.
اي بس اطلعوا
تمام.

طلعنا بس أبويه اشرلي كلي

لاتخلي يقفل الباب
تمام
كلته
وأخذت ابويه إلى واكف محني
دخلته للهول وهم كمت رحت جبت اله  قياس
الضغط واقيسه إله

وهاي السوالف إلى صارت روتينيه بيتنا
أبويه ساكت بس، صافن  ابد ماعلق
ولانطق بلكلمه
أنى اشتغل بيده وانطيته الحبايه هو
بغير عالم

هيثم طلع من الحمام وصعد لغرفته هم
بدون كلام.
ولااحنه نحجي تعبنا من كلشي
لابويه يقنع ويسوي الي يريده
ولاهيثم يفهم قوانين أبويه
يوميه مشكله ويوميه هوسه

رجع أبويه لبس ستره وأخذ باكيت
وسويجه
وفونه وفتح باب الاستقبال يريد يطلع

كالت امي وين حجي
عاط لجنهم
زين
لزمتها من جتفها بمعنئ اسكتي
مالكم شغله وين أولى
اريد اهججج
اريد من الله واحد مكم يدك عليه
لو اجي والكاكم  منتظرين  الكل تنام
هسه
وتنقفل البوب والاظويه تنطفي
شنو ماترجع ؟؟
مالج شغله
اش يوم.
طلع وركع الباب قوي
يمه شبيج ليش تسالي هاي وانتي إلى توصينا
كافي يوسف
تعبنا هاي  مو حاله
هاي
حسوا شويه انتم كبرتوا  ا صرتوا شباب
شويه تحملوا مسؤوليه
تعلمتوا علئ الدلال وكلشي جاهز
وكلشي إلى تدروا يجيكم.
بدل ماتحمدون ربكم انتم تتعافون
يوميه سالفه يوميه عركه والله شنو
هيثم مايعجبه إله يسافر لآخر الدنيا
شدعوه هل البطر إلى انتم
انتم ماتشوفو ن الجهال إلى نازله للشارع
دور لكمه خبز مالكيه
وانت يوسف شكد شباب بعمرك وبعمر اخوانك تشتغل عندكم عمال
وانتم اجيتوا للدنيا بحلك كل  واحد ملقعه من ذهب وماعاجبه
هسه كلنا ا يتامئ
بشنو قصرنا  وياكم
ماتراعون الله بهذا الرجال
إلي صار عمره بلستين هو يركض وراكم
والي يزعل هو يراضي والي يضوج هو
يفرحه
كلتوا ابونه رجال جبير
يردله مداره يريد
راحه من ركض الشغل للطلباتكم
إلي ماتخلص
كافي تحملوا مسؤوليه شويه
تصرفاتك تصرفات أطفال
تحجي بحركه
حتئ اني تعجبت هاي اول مره تحجي هيج.
بجفاف ويانه
وصوتها عالي
ورجعت تحجي علئ هيثم مامتربي
مغرور
منا وهيج اني اوكف بوجه
مو بس ابوك
حاله حال الولد الي بعمرك شكد يصرفون شنو ياكلون ماكو أكثر منهم
استغربت. من حده كلامها صح هيثم يجوز زودهابس هو واكع واختنك ليش تحجي
المفروض تصعد يمه تهدي مو تحجي عليه
عفتها تحجي  وصعدت اشوف هيثم
لكيته متمدد مكرفس، بنومته
ظليت اباوعله من بعيد
مقهور عليه
اعرفه كلبه شكد طيب بس هو هيج طبعه
يحب يعيش علئ كيفه
مايحب احد يضغط عليه
بس هلشي صعب بعالمنا
يجوز اكو  أشياء بداخله مايعرف يعبر عنها 
أو يطلعها إله هيج
يجوز مايحب البيت لهذا يريد يطلع
غطيته  فز خطيه
لاتخاف هاي  اني نام حبيبي
هز راسه ورجع سحب العطا
غطا حتئ راسه
وطفيت  الضوء وطلعت
اريد انزل اسمع امي بعدها تحجي
والنبره مالت الصوت زادت
صارت اعلى
وظلت تحجي بكل المواضيع
حتئ اني حجت عليه ماعرف  شبيها
نزلت لكيت فاروق لازم فونه يلعب ومخلي سماعات
بذانه ومايدري عن الدنيا
ههههه بس انت فاهم الحياه صح
أشرتله يصعد فوك.
كام بدون كلام
مرتب وهادى
رحت قفلت الباب المطبخ والهول وطفيت الاظويه
وصعدت وامي بعدها تحجي
شون بركان وانفجر بداخلها
طبعا اني مقابل علئ كلامها اكثريته بس شنو ارد عليها خليها تبرد كلبها
بس ضوجتني من جابت سيره امي اسيل
وهي دكول اني صوجي أنى إلى
دخلتها لبيتي
وخليتها تلهف الأول والتالي
حطمت حياتها
بس ربج بالمرصاد
قصف عمرها وحرمها من شبابها
وخلصني
من دلعها ولبسها
بس َوين ارتاح طلعلي هيثم نسخه منها
كلش ضجت منها ومن كلامها
صعدت فوك بدون كلام
ورحت لغرفه فاروق لكيته بعده يلعب
كتله نام
الوقت تأخر
وابويه   ماعرف يجوز مايجي
لعد شون انام شنو تخاف تعال عندي بالغرفه
لا ما اخاف بس بالي يم أبويه
لايظل بالك عليه

نام انت وارتاح
اي تمدد
ردت اغطي بس ماقبل كال ماأحب اتغطئ
لاتطول بلفون
شويه وعوفه
سديت الباب ورحت على
هيثم
كعدت علئ طرف جربايته وبعد ماتاكدت هو نايم
مسحت علئ شعره بس ماهو مايدري عني جان غافى
ونزلت دمعتي
هسه لو امي موجوده مو هي الي تحطنه وتغطي
ويجوز اصلا ماتخلي يوصل لهاي الحاله
حتئ من يريد شي
سفر ....مصرف
المفروض يكول لأمي وهي إلى توصل لابويه
وتعقنه بطريقتها
و تقنع هيثم بس خطيه هو الي يطلب هو الي يواجه
شكد يترزل شكد يحجي عليه أبويه
بس يرتاح ويفرح من يكوله هاي روح
ينسئ كلشي
اووووف اووف
مسحت دمعتي وكمت والله بنظري الاهل إلى
مايكدرو ن علئ الحلقه شكو يخلفون
أو إلى عمرهم كصير بلدنيا
المن يحبون أطفال ويعوفهم
ماعرف هذا كلامي نابع من كلبي أو اني. قريته
بكتاب امي وهي تعبت علئ ابوها إلى
إلي مات بلحرب وعافهم زغار
نفس الفكره اجتي بالي
رحت للغرفتي
وامي منطقه بكلام.
كان لسانها جان مربوط وهسه انفتح
وكل كلمه وكالت مايداورن ابوهم يكولون رجال رجال
ماعرف منو مخليها محاميه عنه
او هو شاكيلها
سديت  غرفتي بس الصوت بعده يجي
لبست سماعه
وشغلت بيها
قرآن. احسن وتمددت
ماريد اسمعها كلامها هواي احسه يجرح
بس مامتعلم ارد عليها
ولاهذا طبعي
ظليت فتره طويله يالله نمت
اطلعت كتاب امي وظليت اقراه
بي
الئ أن نمت
الصبح كعدت صليت ورجعت نمت الئ وقت الدوام
بدلت واليوم امي مادكت عليه
يجوز بعدها عصبيه
رحت للغرفه أبويه لكيت بس، فاروق
هو ماهو يجوز بغرفته
رحت لهيثم
وكفت باب غرفته
لكيته على  نومته اترددت اكعده أو لا
رحت كعدته طول يالله رد
شكو
اكعد هيثم
اهوووو شنو تريد يوسف من صباحات
الله
ضربته علئ ناس دكول صباح الخير
صباح النور
كول شنو تريد
شونك زين انت
اي شبيه اكيد زين
تمام
لعد امشي وياي
وين
هيج نفتر نروح جم
للشركه اي
مكان
كعد  على حيله
ليش

هيج. لأن ضايج.
عاط بصوت عالي هو مخلي اصبعه
كدام وجهه ويحجي وياي بنظره تهديد
دير بالك يوسف تعاملني هيج
اخوي الجبير علئ. عيني وراسي بس ماأحب احد يعطف عليه
مابيه شي وآله اريد اطلع
اني اطلع مو مكسر
تمام علئ راحتك.
عفته ونزلت اعرف طبعه عنده عزه نفس حتئ من يتمرض
مايقبل واحد يكو له شونك

أويخدمه
نزلت جوه اسمع امي تحوس بالمطبخ بس طلعت من الهول
للسياراتي مو زعلان  بس  ضجت من كلامها
علئ امي
رحت للشركه أبويه هم ماكو ظليت اشتغل
وبالي يم هيثم وتخاف اخابر عليه
بقيت اشتغل
إلي أن دكت امي عليه
مارديت عليها اول
تالي خفت هم أبويه هو هيثم تعاركوا
رديت
بس جان صوتها طبيعي
وتحجي عادي يعني راحت العصبيه
سلمت عليه وكالت ليش، ماتريكت
كتلها ماشتهي
سألتها علئ هيثم كالت تريك هو فاروق وطلع
يعني هو زين
اي عادي مابي شي يضحك ويشاقى
ولاعبالك صاير شي
الحمد الله
سبقتني وسالتني عن أبويه
كتلها مو بلشركه
اكول يوم
نعم
هيثم هم بزغره هم هيج جايتله هاي الحاله
مالت الاختناق
لا ليش
لعد شون هيج فتحتي عليه المي بملابسه
لاهاي اول مره بس امك. اسيل
هيج جانت تجيها هاي الحاله
امي !!
اي وهيج تسوي حتئ ترتاح

ظليت احجي وياها
وظل بالي أكثر هن هيثم
من كالت نفس امك يخنتك

ظليت افكر شون اطمأن عليه بس ادك
اعرفه
يضوج.
ماعندي  غير نور تساعدني
. أي هي  تخابر عليه
وطمني
طلعت رقمها وهاي اول مره اخابره من كم
شهر
&&&&&&
يتبع
قراءه ممتعه
(عشتار بنت الرافدين )

بنات شايفين مسلسل
الام بديله
هي ماخوذه من روايه اخر ربيع