نوفيلا مستذئبي
الحلقه 8
انهي ازار اجتماعه
ليعلم من الخادمه ان ايلول لازالت بلحديقه
فصعد لاعلي ليبدل ثيابه لاخري مريحه
واكمل نزوله ليري ماذا تفعل بدونه
جلست ايلول تتأمل المكان وتتزكر قرب ازار المهلك بلنسبه لها
نفضت اللفكار من مخيلتها
وعزمت علي النزول الي المسبح
ظلت تلهي نفسها وتلعب متناسيه اين هيا
دخل ازار ليجدها تغطس طاره واخري تضحك وترمي ب الماء امامها
اثر ذالك المشهد في قلب ازار
فقد كانت تلهو وحدها كلاطفال
ليقرر مشاركتها مرحها راميأ تحذيرات عقله من اقترابهم
فزعت ايلول عندما وجدت ازار غطس داخل المسبح اقترب منها
محتضنأ اياها
ومشدد مانعأ اياها من الفرار منه
ازار بخبث : لما كان نفسك تنزلي كدا منزلتيش معايه ليه لما قولت ليكي
ايلول بتوتر : لا ما اناا مكنتش حابه بس لما قعدت لوحدي قولت العب شويه
ازار بنبره خبيثه : طب حلو اني خلصت بدري علشان نلعب معي بعض
ايلول بضحكه متوتره وهيا تحاول التملص من بين يديه : نلعب اي بس هوا احنا عيال انا هطلع انام
ازار : توء توء مفيش نوم ياروحي احنا دلوقت هنلعب
ايلول : نلعب اي يا قليل الادب انتاا
ازار بضحكه مثيره : يااا انا من يوم ما جيتي وانا بسمع الكلمه دي كتيرر معي اني معملتش حاجه لسا
ايلول بسخريه : بتتكلم بثقه وكأنك هتعمل بعدين يعني
ازار بخبث : لا ياحببتي انا هعمل دلوقت
ايلول بصدمه وقد علمت ما عزم علي فعله فظلت تفكر بسرعه في طريقه للفرار من براثن هذا الذئب
امسكت بمعدتها
وظلت تتألم وتصرخ بتمثيل ممتاز
قلق ازار
واخذ يحادثها : ايلول انتي كويسه
فيكي اي
ظلت ايلول تمثل
حملها ازار بخوف يعتريه
صعد لجناحه
ووضعها فوق السرير
اخذ يتحسس جبينها بخوف وقلق حقيقي
شعرت ايلول بلذنب
فامسكت يده : انا بخير اهدي
جلس جوارها ضاغطا علي يدها بقلق : ازاي بس كنتي بتصرخي من الوجع تحت
ايلول باعتذار : مكنتش عارفه انك هتخاف كدا انا بس كنت عوزه
ولم تكمل حديثها لنظرات ازار المؤنبه
نظرت ايلول ارضأ
ازار بهدوء : تمام ياريت متكرريش الي عملتيه دا تاني
ايلول بسرعه : حاضر
بس انت مترخمش عليا
ازار : انا رخمت عليكي امتاا دا
ايلول : لاولله اومال كنت بتعمل اي تحت
ازار : لا دا موضوع يطول شرحه
ايلول : انا هقوم اخد شاور علشان انام
ابتعدت عنه لتأخذ حمامها
خرجت ايلول تنشف خصلات شعرها الغزير
لتجد ازار يجلس داخل الشرفه
ناظرا للسماء بشرود
شعرت ايلول ان مزحتها ازعجته كثيرا
فذهبت اليه وجلست امامه
: ازار انت لسا زعلان مني صح
ازار افاق من شرود علي حوريته الي لاحظت هذا فظنت انه منزعج منها
ازار بمشاكسه : اممم انتي شايفه اي
ايلول : ولله مكنت اقصد انا بس
قاطعها ازار فهو يعلم انها تهاب قربه فكل ما حدث يصعب تصديقه
ازار وقد امسك بيدهاا بحب : متخافيش مش زعلان انا فاهم انك مش جاهزه ويمكن خايفه مني
ليكمل
اكيد بتقولي كل دا حلم ولو حقيقه ف انا ب النسبه ليكي وحش حد عمرك متطمني وانتي معاه
تعرفي اني كنت دايما لوحدي ف المكان دا مليش غير ارغد
مفتكرش اني ضحكت من وقت ما عيلتي ماتت
لما عرفت ان رفيقتي من البشر مكنتش مهتم اصلا الي كان يهمني ان قوتي تكبر علشان اخد حقي من كل واحد سرق حياتي مني او شارك ف دا
بس لما انتي جيتي قلبتي حياتي انا بقيت خايف اتحرك وانا عارف انك ضعيفه كرهت قوتي لما شوفت ضعفك
كرهت حقيقتي الي بتخليكي تخافي مني
بس حبيت كل لحظه
مضحكتش من قلبي غير معاكي وليكي
محستش ب الراحه الي بحسها وانا جنبك لما بحضنك بحس اني عاوز الزمن يقف مش عاوز اي حاجه من الدنيا غير حضنك
انتقامي هيحرق كل حاجه بس لازم علشان استرجع ملكي ومملكتي
لم تفهم ايلول معظم كلماته ولاكن شعرت بصدقه ومدي حزنه
ولاكن فضلت الصمت حتي يخرج كل ما بقلبه
اكمل ازار حديثه. وكانه يحادث نفسه
انا فضلت لوحدي ف القصر دا سنين طويله
باكل لوحدي وبعمل كل حاجه لوحدي
معظم وقتي بقضيه هنا ف الاوضه ف الضمله دي اتعودت اعتمد علي نفسي بس ومثقش ف حد اتعودت علي طبعي القاسي دا
يمكن مكنتش هكون ف المكانه دي لو كنت ضعيف كان لازم ميكنش عندي قلب
علشان اجيب حق اهلي من الي قتلوهم
تعرفي منمتش براحه من يوم ما اتقتلو قدامي غير لما اخدتك ف حضني ونمت
من بعدها مقدرتش ابعد عنك عارفه لما تبقي بتغرقي طول حياتك وفجاه تلاقي حد بيمدلك ايدو
طبيعي هتمسكي فيها ومتسبهاش
ايلول انتي كنتي النور الي ظهرلي ف السمأ الي كانت سوده
انتي ب النسبه ليا زاي القمر الي بيطلع بليل علشان ينور الكوكب الي الضلمه احتلته
امسكت ايلول بيده شاعره بكل كلمه تتألم كلما فكرت كيف كان يقضي ايامه قبل مجيئها
ف اكثر عذاب للانسان هوا وحدته
كيف انه لا يوجد من ياخذه بأحضانه ويربت علي ظهره
كيف تحمل كل هذا حتي سر مقتل والديه
كيف له ان يتحمل
ظلت ايلول ممسكه يده وناظره له دون ان تنطق فكانت عيناها تتحدث
نظر لها ازار وقربها لعنده
ليجلسها علي رجليه
احتضنته ايلول
وظلت تربت علي شعره بحنيه
بادلها ازار واحتضنها محاولا ان يخفف قبضته
ظلو هكذا بعض الوقت
الي ان ابتعدت ايلول وامسكت بيده
ليستلقي ازار وبجانبه ايلول
ونام وهوا يحتضنها بتملك كلطفل الخائف من اختفاء والدته عندما يفتح عينه
ظلت ايلول تربت علي شعره الي ان شعرت بأنتظام انفاسه
فا نامت بعدما نظرت له بحزن بالغ وشعرت بتمزق قلبهاا كلما كان يقص عليها ما بقلبه
حل الصباح
غاب القمر لتحل مكانه الشمس لتنشر اشعتها في كل انحاء العالم معلنه عن بدايه يوم جديد
استيقظت ايلول لتجد نفسها مستلقيه وحدها
سمعت صوت الماء المنبعث من الحمام
لتعلم ان ازار استيقظ
قامت ورتبت السرير
واخرجت ثياب ل ازار فقد اعتادت انه لا يأخذ اي من ثيابه عند استحمامه
واخرجت بيجامه من القطن الناعم
لتجد ازار قد خرج
ليقول : صحيتي امتاا صباح الخير
ايلول ببسمه : لسا صاحيه دلوقت هدومك علي السرير صباح النور
واغلقت باب الحمام ورائها
ابتسم ازار
وامسك بثيابه
في غرفه ارغد
استيقظت ساره لتجد ارغد نائم بعمق
لتبتسم وتتزكر اهتمامه وخوفه عليها فقد كان يوقظها في ميعاد كل وجبه ليطعمها و يعطها الدواء ويتركها لتنام مره اخري
ظلت تستند علي الحائط محاوله الوصول الي الحمام
وقعت ساره لتصرخ من الالم
افاق ارغد بخوف
ليجدها واقعه ارضه وتبكي من الالم
اسرع ارغد اليها وحملها
ليضعها بحذر علي الفراش
ارغد بتأنيب : بتقومي ليه مش قولت ليكي تصحيني عجبك كدا
نظرت له ساره والدموع تملئ عيناها
ليحاول ارغد ان يهداء : انا اسف ياحببتي بتوجعك
ساره وهيا تهز راسها وتشهق ببكاء
احتضنها ارغد بخوف مؤنبأ نفسه : اسف خلاص متعيطش لما تعوزي تقومي عرفيني لسا رجلك متحسنتش
ساره : مردتش اصحيك انت منمتش امبارح بسببي لما لقيتك نايم صعبت عليا اصحيك وفضلت استند علي الحيطه علشان اوصل بس مقدرتش ووقعت
ارغد ببسمه فهي لم ترد ايقاظه لعلمها بتعبه : لا ياستي ملكيش دعوه انتي لما تعوزي تقومي تقوليلي
ساره : حاضر
ممكن تقومني عوزه اخد شاور
ارغد : حاضر يا ستي
وحملهاا الي الداخل
وخرج لخمس ثواني واحضر لها ملابس
ارغد : انادي علي ايلول تساعدك
ساره : لا انا هعرف متخافش ايلول لما تصحي هتيجي من غير حاجه
ارغد : تمام هستني برا لحد ما تخلصي
عند ازار وايلول
خرجت من الحمام
ونزلت لاسفل لتحضر الافطار
واخذت معها ازار الذي تزمر
وضعت ايلول امامه بعض حبات الطماطم ليقطعها
وقف امامها عاقدا يديه
ايلول بنظره وهيا تقطع بعض السجق : هتفضل باصص للطماطم كتير
ازار : مش فاهم ليه احنا الي نعمل الاكل الخدم ماليين البيت
ايلول : ياربييي اهو بنسلي نفسنا اخلص بقاا
ازار وقد شمر ساعديه : اما اشوف اخرتك
ايلول : اخرتها قمر زايي كدا
ازار بسخريه : طالما زيك يبقا قمر طبعا
هيا ايام سوده علي دماغي
ايلول : بتقول حاجه يا استاذ مستذئب
ازار : حببتي اعملي وانتي ساكته
ايلول : عيوني بس كدا
ازار بشك : مش مصدقكك
ايلول : بقولك اي هوا لو حطتلك سم وقتلتك وسرقت خاتم وسلسله الماس من الكنز بتاعك اي هيحصل
ازار بضحك : طب هنفرض انك سمتيني ومت زاي ما بتقولي هتدخلي الاوضه ازاي ومحدش يعرف يفتحها غيري
طب نفرض فتحتيها
هتهربي ازاي من القصر
ولو هربتي من القصر هتهربي من الحراس وارغد ازاي
ولو عرفتي هتعدي من الغابه ازاي دا لو حد شم خبر انك انسانه هيأكلوكي
ايلول : يشيخ يحرق الي يفكر ف اي حاجه تاني اصلا
اي الهم دا
ازار بضحك : يعني انتي هتموتي كدا علي الكنز ولا علشان تقتليني ولا علشان تهربي
ايلول : الكنز طبعا
ازار اقترب منها محتضنأ اياها : الكنز وصاحب الكنز والقصر كله ملكك
احمر خد ايلول اثر كلماته
: ابعد يا ازار علشان اخلص الاكل
ابتعد ازار وخذ يضحك علي شكلها الخجل
ليكمل تقطيع حبات الطماطم
بعد عده دقائق
وضعو الافطار علي المائده
اكلت ايلول
ونظرت ل ازار : انا عوزه اروح اطمن علي ساره
ازار : عارف خلصي اكل ونروح
ايلول ببسمه : تمام
بغرفه ارغد وساره
بعد خروجها
دخل ارغد وخرج مرتديا ثيابه
نزل واحضر الافطار
وانهو الطعام واعطي ساره الدواء
ليسمعو صوت ازار و ايلول
وضحكات ازار تعلو القصر
ليتفاجئ ارغد
------------
نكمل الحلقه الجايه رايكم يهمني 💖
#_نوفيلا _مستذئبي
#_الكاتبه _مي _محمد