اسيرة قدرك

البارت 83

اسيرة قدرك..
بقلمي رسل..
البارت الثالث والثمانون..
واتباد rasolaa7

شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك تكتل الحرگه..

-صور من رقم غريب وحدة تبوس بي و
هو نايم والصورة الثانية كتفها على كتفه
والجكارة بحلكها وكاعدة ويا بالسيارة بالصدر
آخر صورة حاضنته ولابسه بس اتك هنا فقدت عيوني بقيت ما اشوف بيها..

-نزلت دموعي بقهر بشنو قصرت ويا
حتى هيج يجازيني رغم كل الي سواه بيه
رجعت اله وكلت انطي فرصة لخاطر حبنا
ولخاطر هدية ربي فضل ومنسه الي الله عوضنا
بيهم ورحم بحالنا شعور صعب وحقير
كلش الي احسه بهاي الصور حسيت نهانت
كرامتي و تم بيع مشاعري برخص..

-مسحت دموعي مو وكتها اضعف خليني اتصرف دزيت كل الصور الجهازي بهاي الاثناء
اجت رسالة من نفس الرقم مضمونها..

-" مو بيدي حبيتك والله لا تحرمني منك
اركان طولي عمري ما حبيته بس لا تحرمني
منك"..

-اشتعلت بنار والغيرة عمت عيوني واني
اشوفها شلون تتودد رجعت رسلت اكثر
من رسالة تتوسل بي حركت كلبي الله لا ينطيج
ولا ينطي امثالج تجرن الزلم من نسوانهم
بهذا رخصجن ودلعجن رجعت انتفضت
لا والله الغلط من الي عدنا هم بثانية يبيعون
عشرة عمر وبحجج رخيصه وما يتقبلها
المنطق
بحجه مرته تعبانه ومقصرة ويا
بحجه مرته والدة طفل جديد وهو مخليها
يم اهلها ومتونس
وحجه انو مو حلوة و هيج يبررون الروحهم
وهواي من زلمنا هذا حالهم
ليش هيج مهاب ليش مجرد كتلك تعبانه
وما اريد اروح كفرت خوما كفرت خليتني
اتندم لو رايحه وياك ولا الي جاي اشوفه..

-بكلب محروك جاوبتها جنت اغلط وحتى
فشار وصلت بيه فشرت عليها رجعت مسحت
كل شيء وحضرتها واخذت رقم اركان اساس المصايب وذبيت  الجهاز وداخلي يغلي..

-شوي واجه مهاب دخل يضحك ويتغزل
واني نظرتي عليه بحقد اشوفه شيطان
وغادر بيه شمئزيت من شكله هو من شافني هيج اباوعله اجه عليه..

-شبيج الخاطر الأنبياء شبيج ترى خبلتيني ابتليت رحت من ساعة السودة الي طلعت بيها
سويتيها سم مو كتلج تعالي وياي بعد شكو
بقى يحجي واني فاصله اصلا اخر كلامه
ما فهمته ما بالي غير بس الصور وكلامها
اباوع على وجهه اكيد باسته وهو هم مثل
ما يسوي وياي
اكيد توسدت حضنه الي ارتمي بي من تعبي
دفعته بقوة وصرخت صراخ عليه والله لدرجة
ما نسمع غير الباب تفلش هو خزرني وطلع من
رجع صاح.. لج فضحتينا رعنه عبالهم
احد مات شنو هذا صوت ال**** ما تستحين
شبيج تخبلتي..

-وكفت بوجه وجسمي يرجف.. لا تغلط ميحقلك اصلا  تباوع بعيني ضليت ادعي عليه واتحسب فقدت كلش هو بس صافن ومستغرب..

-لزمني من اكتافي ويهز بيه.. احجي شصاير  شبيج نورهان حبيبتي شكوو غير افهم
اخذتيني بصوتج من اجيت الهسه بس
فهميني شبيج..

-سكتت بس دموعي نزلت بقهر فتحت الجهاز
وكعدت للكاع بعد ما عندي قوة رفعت الموبايل
وخليته بيده هاك شوف وعود كولي حبيبتي
وشبيج وانتي مخبله..

-هو يباوع على الصور احسه جمد  بمكانه
بحيث عينه ثبتت بس عليهن..

-حجيت بقهر.. انطيني سبب واحد يخليك تخوني سبب واحد
مقصرة وياك
مقصرة بالبيت لو الجهال
تطلع الصبح واني نايمه وما مهتمه الك
بس احجي وساعتها وعيونك لحضه ما ابقى على ذمتك وانطيك الحق تزوج وتعيش مثل متريد
بس كولي  ليش بقيت اصيح ليش بعلو صوتي واكررها..

-هو كعد بمستوايه حضني يبوس بوجهي.. نورهان لا تتسرعين حبيبتي وداعت جهالي و
تعرفين غلاهم عندي ما اعرف شنو هاي الصور  ولا أتذكر بقينا بمكان وحدنه اني وياها كل
الي اعرفه هاي وحدة صديقي عاقد عليها طلب مني اخذها ويايا أوصلها للشمال لان هو
هو ما يكدر يأخذها بسيارته اخو واصدقائه ويا كال سيارتك فارغه اخذها هي وامها واني اخذ اخوي واصدقائنه يعني ما طخيتها ابد وغلاتج وما صعدتها وحدها لا امها وياها مجرد وصلتهن
للشمال وامنت عليهن بفندق وعفتهن
لا كاعد وياها ولا متقرب منها وعيونج وغلاتج
عندي ما طاخها لا هي ولا غيرها..

-حجه هواي وفهمني بس ما اقتنعت
انعمى على عيوني بعد عفته وركضت بغرفتي قفلت الباب بقيت ادز رسايل الها كلها مسبه هي دزتلي رسالة استفزتني بيها..

-"  شكو بيها الشرع محلل اربعة يتزوجني وانتي تبقين على ذمته هو عناد الاحسن اتقبلي الموضوع اني احجي المصلحتج ترى مثل
ما انتي تحبينه اني هم"..

-بقيت اغلي اتصلت على رقمها ضليت اعيط عليها.. حقيرة **** يباوع عليج انتي يا بلا شرف ولج بعدج ما تعرفيني اوصلج وين تروحين مني احجي وياها ومني كلمة ومنها كلمة
هو فلش الباب عليه.. لج كلبه افتحي الباب
لا اكسره شنو هالالفاظ..

-بسرعة دزيت كل شيء الصديقتي اريد دليل عليهم وحلفتها ما يطلعن لاي مخلوق بعدها مسحتهن وفتحت الباب صحت بي.. عوفني لا
تتقرب  عمري كله اني اثق بيك ادري متخوني 
جنت ما اخلف و متجرأت وسويتها رغم سوايتك بس ما خنت ليش هسه ليش هيج نوب ويا
وحدة ذرة اخلاق ما عندها كافي طاقتي خلصت بس روح عني روح يا خاين..

-هو باوعلي بنظرة عتب وطلع ما اسمع
غير بس صوت الباب الخارجي الي نسد بقوة..

-رحت على الجهال جانوا كاعدين  يلعبون
كعدت يمهم مقهورة بقيت ابوس بيهم وابجي
اخذت موبايلي دخلت على فيس مهاب بحثت بالاصدقاء بقيت ابحث لحدما لكيت فيس
اركان ومن عنده لكيت فيس هالحقيرة جانت خافيه اصدقائها نزلت بالمنشورات لكيتها مشاركة
منشور دخلت على التعليقات شفت حساب
امها معلقه دخلت لصفحتها تعجبت امها مديرة مدرسة ابتسمت مديرة وتربي اجيال ما كادرة
على بنتها لا والنوب تروح وياها
استغفر الله ياربي..

-دزيت رسالة لامها..يا معلمة الأجيال الي الطالب ياخذ التربية منج قبل أهله طلعتي انتي اتعس خلق الله وتكودين البتج الي ما عدها تربية ومن حضن
لحضن جان خجلتن من نفسجن على هاي سوالفجن حجيت الي ما ينحجي من قهر كلبي  دزيت الها صور..

-الظاهر بعدج متعرفين نورهان بتج تنشر على كل المواقع افضحكم فضيحة يا ما تستحن
بقيت اهدد بيها وهي ترد ببرود ولا مهتمه
الظاهر هاي شغلتهن يحبن الجيبه مليان
انقهرت بالزايد اذا امها ما مهتمه لعد طبعا
البنية بزودها تحجي..

-عشيت الجهال نومتهم يمي بالغرفة قفلت الباب مردت اتصادف ويا لحد ما اكتشف الحقيقة طول هاي الساعات الي بقيتها بالغرفة  اني وامها نتراسل هي ساعات تنكر
ساعات تستفز
اني ابقى افور رجعت بتها دزتلي.. حرام عليج تفضحيني والله حبنا شريف هو كال زوجة ثانية امام الله وحرام الي جاي تسوينا..

-هي هيج تكتب واني داخلي يغلي وارد بتهديد مجنت اعرف نيتهن وانو فعلا وكعني بشرهن
وانو هالشيء هن مخططات اله بانو يستفزني
بس حتى احجي واهدد..

-ثاني يوم الظهر كاعدة بغرفتي مهاب جوه يم الجهال سمعت صوت الباب تفلش خفت كلش
ركضت اباوع من شباك شفت اربع زلم كبار طلع مهاب الهم وما اعرف بشنو يحجون ويا صار مصايح واحد منهم طلع الموبايل مدري شنو شوفوا المهاب بحديث دخل للبيت وهو كتله
من الاعصاب..

-صاح بكل صوته خفت كلش.. نورهان لج بس خلي ارجع اليوم اخلص عليج جنازتج تطلع منا
حقيرة اني الج سكتت كلمة ما حجيت لان خفت
من اعصابه..

-دخل بدل واخذ هوياته واتصل على اسر
خزرني.. اني اعملج حتى حبج ما يوكف بعيني هالمرة حلفتلج وكعدت حجيتلج وكتلج ما عندي
شيء وياها الظاهر ماعجبج تصدكين الا
تسويها دم دفعني وأخذ موبايلي ونزل مستعجل..

-احس جسمي يرحف من الخوف لا عندي موبايل اخابر احد اشوف شكو بقيت بقلق وخوف من وعلى مهاب الي طلع بعصبية للعصر ندك الباب شفت بالكاميرات جانت ام سجى ركضت
فتحت الباب الها هي اتلكتني تعاتب..  ولج شسويتي بنفسج مهاب راح يموتج خلي تفيدج عرامتج  كل تهديداتج والصور مسويات لعبة بيها ومبقيات بس تهديداتج هن مطلعات نفسهن منها
ومخليات الحق وياهن شلون هيج تنزلين
المستواهن..

-اني كل شيء مسكرنته يولن مو بكيفهن
فوك ما **** نوب الهن عين ويفرنها عليه..

-هي صفكت بيدها شيفيد مهاب متخبل
لج شلون سويتي هيج الولد حتى سكره صاعد
من وراج وكوه واكف اجه علينا اخذ عمر وفارس وراح تصير كعدة دز على عمامه..

-ليش هو شعليه هي حقيرة عمامها بمكان
ما يجتمعون خليهم يادبون بتهم الي بلا اخلاق..

-اش الغبية البنية ذابه بلاها على رجلج
ناكره كل كلامها وتكلهم.. ما اعرفه اصلا بس مرة جنت امشي وسيارة وكفت نزل منها مهاب تحارش بيه واخذ رقمي بقى يهددني ويطلب مني سوالف مو خوش وكله بالتهديد واني من خوفي
منه ساكته..

-كل هذا علمود تجبره يتزوجها وانتي الغبية
فرحانه رادة عليها ولج ذني اتعس من ابليس
شلون هيج سويتي..

-ضربت على خدي.. صديقة العار وينه الي ورطه شلون يعني اني ما اخلص من هال**** والله اطيح حضها وما تاخذه مو هي بكيفها..

-هي بقت تلومني بعدها كالت ادعي ما يصير
شيء ترى مهاب متخبل وماما دزتني عليج اهدي الوضع كالت لا يرجع رجلها ويأذيها
جان اخذتج وياي بس ما يقبل وخاف يكبر الموضوع لان من طلعت هو كالي نورهان
لا تطلع من البيت اريد اجي الكاها هناك..

-خاف اني عايزة خوف بهذا كلامها خوفتني
بالزايد طلبت موبايلها كتلها بس اخابر صديقتي هي انطته الي بعدما حلفتني بلا مشاكل
صعدت فوك اتصلت عليها من جاوبت كتلها..  دزيلي الرقم اليمج..

-دزته اني اتصلت عليه هو جاوب حجيت بسرعة.. بسببك راح تخرب بيتي هي مو زوجتك عاقد عليها ليش متحجي حق الله ليش ما تكلهم هي الي هو كال..

-بيتي يخرب خويه واني كلت المهاب ما اعوفك اشهد وياك بس خلي اضيع الموضوع على مرتي روحي خوية اني ويا.. فلت الساني غلطت على البنية غلط مو حلو بعدها خجلت منه الحقيرة
حتى فكر ما خلتلي..

-رجعت يم اختي والثمانية بالليل ماكو خبر  وره نص ساعة اتصل مهاب على ام سجى
يمه اني سمعته هيج يعيط رجفت عمري ماشايفته بهل عصبية خصوصا وياي دوم هادئ يتغزل يضحك اسمعه يكلها.. بس خلي ارجع شيخلصها مني مخابره صديقي الكحبة يابه اذا هسه اجي الا
اجرم بيها..

-هي خطية ضلت تهدي بي واني ارجف
عفتها وركضت اخذ السويج وطلعت بدون
ما تنتبه عليه جانت تحجي ويا خايفه وما اعرف وين اروح بس مستحيل ابقى بعد
الي سمعته وهذا الحقير شبسرعة وصله
ردت اروح لاهلي بس خفت منه وهم يبقون
كلها تلوم بيه رحت على صديقتي واني
ما اعرف اتصرف بس كل الي اعرفه اريد
اخلص وابعد لان مبين من صوته اذا يرجع
يخلص عليه..

- وصلت الها دكيت الباب بعد ما فلشته يلا فتحت اتفاجات بيه بعدها باوستني ولج فوتي شجابج
بهذا الليل..

-حجيت الها مختصر هي كالت ابقي يمنا لحد ما يهدء الوضع مر ساعة ساعتين واني نفس كعدتي آخر شي طلبت موبايلها دكيت على ريا بس كلت
الو اجاني صوتها يرجف.. ولج وينج نورهان ارجعي هدمتي بيتج شلون تطلعين ولج شلون طلعتي وتعرفين رجلج مخبل ساعتين صارلهم من يدورون وكلبوا الدنيا انتي مو طفلة نورهان
شلون هيج سويتي لج شفرقج عنها شجاج يا عيني..

-لا احد يدورني كله بسببه طلعت احجي وارجف حلفتها متكول وسديته ل12 بالليل  دك موبايل صديقتي جان بس رقم اني من شفته عرفته ريا جاوبتها هي كالت..

-نورهان ولج ارجعي راح تكبر مهاب اخذ امة و عمر واسر و سرى وام سجى وهدوا على
بيت البنية وهذا المخبل مهوس يم بابهم لان عمامها رايدين كعده وهو متخبل عليهم وسرى ضربت البنية همزين سرى وام سجى راحن جان شخلص رجلج اكيد يكولون ندس شرفنا وهن كاعدات مشتمل وحدهن والله كلها تصير
وياهن ويطلعن بس هن وبس ارجعي يا
عيني ليش تكبرينها ونصير بمصيبتين
وترى باي لحضه توقعي يجي عليج لان
رقم سيارتج منطي لصديقة الي يداوم
بالمرور وجاي يدورون عليج اني الي عليه
نبهتج والباقي عليج ارجعي لا تهدمين بيتج..

-ترددت وخفت حسيت الي سويته جبير
كلش بس والله خفت منه كلش.. ريا خابري 
على ديمة ورجلها خلي يجون لبيتي حتى بس
اخذ الجهال واروح وياهم..

-عرفت انو سمر يم الجهال اطمنت تشكرت من صديقتي وطلعت  رغم ما قبلت اطلع بهيج وكت رادت أخوها يوصلني بس ما قبلت خفت  لا يروحون يلفقون مصيبة عليه هي بقت توصي 
بيه وعلى  كيفج اتصرفي..

صعدت بسيارة ارجف خوف قلق افكار
سلبيه كلها تجمعت براسي تعبت كلش مشيت
بالافرع خفت امشي بالشارع العام وتصيرلي
مصيبة لو يتعرضون الي عبالهم وحدة مو زينه
شمدريهم اني هاجه من خوفي ومصايب رجلي
وصديقة ابو النسوان..

-وصلت للشارع الي يطلع على بيتي وجان اشوف سيارة مهاب اجتي سريع ارتبكت كلش
وايدي كوه مثبتتها على الستيرن سيارة فارس تمشي ورا ردت الوف  مهاب ساق كل سرعته سد طريقي بسيارته الاشويه افوت برصيف
نزلت ركض هو نزل وحتى سيارته عافها مفتوحة ركض وراي فارس وراه ويصيح
عليه يعوفني ويحلفه بداعة الجهال..

-اتقرب عليه وحاوطني بثنين ايدي واني
جسمي كله يرجف حسيت راح اوكع هو صاح
على فارس وسرى الي جايه ويا..

-والعباس ما اضربها  بس وخروا يحجي
ومخليني على صدره  ضامني منهم استغربت ليش هيج ديسوي خفت منه حس بيه كاعد الهث وايدي ترجف حالتي حالة جانت رفعت
راسي عيني صارت بعيونه الي الشر يطاير
منهن وحمر دم حجه بقهر..  بس اسألج بداعت حبنا ليش هيج سويتي ليش هيج
تردين تنزلين راسي ولج اطلع من مصيبة
اجي الكه مصيبة اكبر تنتظرني والله مرتي
ماكو بالبيت ليش نورهان ليش ولج شهالجرأة
شلون هيج تطلعين وحدج بهالليل..

-ما جاوبته بس ابجي وارجف احس روحي
منهارة وكل تصرف تصرفته بدون وعي مني  صارت مناقشات بين فارس وسرى ومهاب
هم يردون ياخذوني وهو ما يقبل
ويحلف الهم ما يسويلي شيء..

-سحبت روحي منه وركضت حضنت فارس.. فارس لا تعوفني فدوه اخذني وياك
اخاف والله اخاف احجي بهستيريا..

-هو حضني وطمني مهاب صاح..لا تصيرين  جلبه من تزوجنا لحد هذا اليوم شوكت مديت ايدي عليج جسره صلفه وتراددين وعايفج براحتج واكول مرتي واحبها ميخالف اتحمل هسه
صرتي تخافين مني هيج صارت نورهان..

-تقرب وهو يحجي ويا فارس.. ابو الفوارس عوفها حلفتلك ما أذيها لك هاي روحي شلون
اذيها عوفنا خويه وتوكل..

-فارس حجه ويا يهدي الوضع.. اذا هيج لعد اليوم اني وسرى خطار عدكم بايتين ترحبون بينه..

-مهاب كله افا  تنورنا البيت بيتكم..

-قنعني اصعد ويا صعدت بس ارجف وابجي
دموعي يتسابقن منو تنزل اكثر هو صفن
عليه..  ليش ولج هيج صارت نورهان
تخافين مني وتشكين بيه ولج عمري ماخنتج وداعت فضل وغلاته عندي اي جنت اراسل بنات على مواقع التواصل واحجي بس توصل
اتقرب منهن ابد لج اصلا تلعب روحي اتقرب لغيرج انتي راحتي حضنج بيتي وفهمتج
وكتلج ما اعرفها هاي لصديقي وانتي بخبالج
وصلافتج كبرتي السالفة هيج احسن عاجبج
هذا الوضع هسه..

-كلمة ما حجيت خايفه منه وتعبانه هو
حس عليه اخذ ايدي باسها.. لا عبالج مراح اعاقبج عقابج بعدين..

-وصلنا للبيت الجهال سمر منومتهم جان الوقت متأخر فرشت الفارس وسرى ناموا لان وراهم دوام فدوه لكلبه فارس دومه حنين وسند النا
لوما هو يهدي الوضوع جان هسه مهاب بس
الله الي يعلم شسوه بيه بس هو كاله خافت منك شتريدها تنتظرك تنهيها رغم هذا ما قبل
على طلعتي ورزلني..

-صعدت الغرفتي شفت مهاب يلوب
رحت عليه بخوف.. مهاب شبيك عفيه لا
تخوفني عليك هو كال.. الحكيني بعصير
سوي حلو سكري هبط..

-رحت بسرعة الغرفة الجهال جبت من ثلاجتهم باكيت عصير واني مقهورة عليه كله مني
ومن القهر هو شربه ومدد ارتاح شوي
واشرلي اجي يمه اتقربت يمه هو كلبني
وصار فوكاي..

-قسى عليه بلمساته كلش وكانو يفرغ غضبه بهالشيء يبوس ويعض بيه ويعاتب واني ساكته ومتحملته ما ردت احجي شيء اندم عليه..

-دخل عصبي نار ما حجه غير بس.. الله لا يوفقج نورهان متندم عل الساعة الي حبيتج بيها  ماعرفت بيج هيج وحده ساقطة مايوكف بعينج بشر تقرب راد يضربني بعدها تراجع دفعني
وصعد صعد فوك قفل باب الغرفة واسمع
شيء نكسر بعدها صار هدوء..

-للعشرة بالليل هو منزل نومت الجهال بغرفتهم سديت الباب ورحت للاستقبال لحظات
وجان ينزل متخبل عليه ما اعرف شكو ولا
شصاير ضربني راشدي بقوة اني عفته
وصعدت اركض للغرفة لان جان يخوف
ملحكت صعد ورايه دفر الباب وكعت بالكاع
وهو..

-وحش نكلب عليه يضرب بكل قوته كل مكان
يصير كباله يضربه بدون وعي لاول مرة يضربني هيج بدون رحمة الهاي الدرجة
اريد اخلص نفسي من عنده مكدرت ادفع
بي بقوة وهو يزيد خله ايديه على ركبتي وخنكني
بقوة حسيت عيوني راح يطلعون من مكانهم
اريد احجي الكلمة ما تطلع..

-وخر ايديه وضل يضرب بيه راجديات
الى ان وكعت بالكاع لا حول ولا قوة بهاي اللحظات تحول وحش ولا عبالك هو نفسه
الي اعرفه و مامنه بي عافني متمددة والجسد
خاوي القوى وطلع شوي ودخل شهكت برعب
وضليت ارجف من الي شفته بيده مو معقولة
ياربي ما اصدك لا ما يسويها بيه ما معقولة
احد هيج ياذي محبوبه..

-اتقرب عليه وجردني من ملابسي ارافس
جواه وهو بدون رحمه يضرب وجسمي يرجف
من الي شفته بيده بعد شنو ينتظرني واني
جسمي تعب من قوة ايده....

-جنت اتلوى جواه وهو فاقد وبيده جلابتين
هاي مال كهرباء السيارة دموعي تصب
واتوسل بي بس هو ماكو ابد ما هزته دموعي ولا توسلاتي يضرب بدون رحمة وبس اريد افهم
ليش ما كدرت اعرف ولا كدرت انطق..

-ضغط على زروري بقوة حسيت نفسي متت ايدي ما اكدر ارفعها هو بقى يجرم بيه رجلي
احس لحمها نشلع آخر شيء عطت بصوت
تعبان من نتلني وفقدت بعدما اعرف شصار
غمضت وجسمي استسلم بعدما قاومت هواي....

يتبع....

لا تنسون تصويت وتفاعل حبايبي
اذا شفت تفاعل حلو اكتب الكم بارت باجر
ان شاء الله..

بارت واحد وتنتهي قصة مهاب ونورهان..

اللهم صل على محمد وال محمد❤️