مجوباتوش طلعاتو و نزلااتو و مشات تمسح الماكيااج مغددة
جبداات ليكوتون ذييسك و بذات تمسح فوجها معصبة كتخبط هنا و تلوح هنا و هوا مرباااع ايدوو وحاط كتفو على جنب البااب و كيشوفيها الله ايستر مجعورة
لاحت دكشي لي مسحات بيه وجهها و ضارت غادا جيهت الباب
عثمان(صفر عليها) : فين غاذا ا زين
وجدان(ضارت عندو مغوبشة) : ايلا سمحتي لينا انمشيو عند البنات للبيت واخاا (ضحكة صفرة)
عثمان:مم اوكي سيري
حلات الباب و مشات كتلوز ب ترمتهاا معصبة
ضحكاتو بهاد العصبية ديالها و كون سمعها شنو قالت عليه فالذريسينغ احوي مها من گااع التقابي ههه
تعمد انه احبسها حيت شاف بلي حمزة حالفها فيها و مزااال ايضرب دقتو خاف عليها ولكن هيا مكتسمعش كون زعما تقوليه غيير خرجني ايخرجها ولكن باش تخرج راسها راه البارح على شوية كانت اتودع
مشا للدريسينغ جبد سلييب هابط مبين ليه جنابو شوية و نازل ديال السبوور فيه القب و شورط اديداس فالنواغ و سبادري هز ليكيت بلوتوت ديالو و خرج للتحت بغا ايدير شوية السبوور
مبغاش ايمشي ليوما للخدمة باش ميكونش حگاار هيا متخرجش حتا هوا ميخرجش
عند البناات
دخلات وجدان معصبة كتهرنن و خبطت البااب
وجدان: شاريني من سوق الجووطية بالمخنن لاخر (كتعيب فييه) مغادييش تخرجي بلا بلا هدرة وحدة ا وجدان.. وا تا سييير انخرج هيا انخرج سوا بغيتي سوا لا مدوز عليا خط الزناتي
عاد ضربت على البنات باقين ناعسيين و البيت مضلم
وجدان:تبااارك الله باقيين ناعسين هادو (بقات ساكتة شوية و هيادير ضحكة شيطانية)
وجدان(كتغوت): وييلييي بااااقيين نااعسيييييين نوووضيي ا رحااااااب راه عثماااان بغا ايزووووججكككك ويييلييي نووووضضضيييي (كتنخض فيها ماشي كتفيقها) فييققييييي
فاقت مسكينة مفزووعة
رحاب(مقلوبة بالنعاس) : ها..شنوو
وجدان(كضرب ف حناكها و دوي): واك واااك ا الحححقق حلف تيزووجك ب التهامي ا رحاااب قاليااا لييوووم تزووج و غداا تووولددذ
رحاب(خايفة عارفة خوها ايديرها و بدات دمع) : هئ اويليي
وجدان:وياااااه نوووضضييييي فيقيييي
سلمى سمعات الغووات معرفت باش تبللت ناضت مشقلبة
سلمى:مااالكممم...مال رحاااب كتبككيييي
وجدان:راااجلي قرة عينيي بغا ايزوووجهاااا.. بالتهااامي و قاليها غداااا توولذييي
سلمى:اويليي تسطااااا
وجدان:معرف(هزات كتافها)
رحاب(كتبكي): هئ لا انا مباغاش نتزوج هئ حشومة علييه والله هئ ا انوض نقوليه لا.. هئ لا لا انهرب انا
وجدان صافي مقذرتش تكمل مزاال و بدات ضحك :
واااااع كرشيييي😂😂😂😂 متبكييش ميزووجكش هههه قالتك اتهرب ههعههه
شيرات عليها رحاب ب مخذة
رحاب:اينعل طاسيلتك ا الخانزة هئ.. تفوووو خرجي قاودي علياا..
وجدان:وااااا ههههههه
سلمى:تي مال مك مفيقانا هاكا فالعسكر حنا طحتي على مخك
وجدان : سيرو تخرااو مفيقين حتال زك النهاار نوضو تگعدوو
فاقو البنات و وجدان مشات جبدات تشيبس تشهاتها بغات تاكلها ربعات رجليها فوق الناموسية كتشوفيهم كل وحدة و شكاديير
وجدان(كتاكل و دوي) : اتخرجو ليووم
سلمى:(كتشوف شنو تلبس من عند رحاب) ااه
وجدان:متخرجووش
رحاب:هااء و لااش
وجدان:خوك ا ختي قاليا متخرجيييش شنديير
سلمى:هاي هاي الحكاام ا لالة (شافت ف رحاب)
رحاب:الحكام ا سيديي
وجدان(خنزرت فيهم) : كطنزو عليا دباا (سكتات شوية و دوات) ليوما شحال فالشهر العربي
رحاب:9 علااش
سلمى:اوااه هيا ليوما ليلة العوااشر
وجدان:ااه نااري انا راه مكيدوزش عندي العام بلاما نزها فعيشوراا
رحاب:اويلي على تزهاي فين ا صگعة
سلمى:ههههه ماشي هكك ا لهبييلة كنمشيو لدربنا القدييم و كنشطحو مع العيالات بالطعاارج
وجدان:ااه تمشي معانااا
رحاب:(بطنز) تيخليك عثمان بعداا
سلمى:ااه نسيييت الاخت مزوجة
وجدان:ايمشي اخرا انا غادا غادا اويلي عيشورا و منمشيش للدرب ناكل كسككو و الفاكية و نشطح مع خالتي هنية ويلي حتال هادي لااا
رحاب:ههههه اوا قوليها ليييه
وجدان:ااه انا غادا نقولها لييه باش نخرج نشري شي لعيباات
رحاب:بحالاااش
سلمى:ا كنشريو الفاااكية و الطعاارج ههه و جلالب جداذ زعماا
رحاب:اووه انا عيشورا كدوز عندي عااادي
وجدان:اويلي مكتشطحووش فيهاا
رحاب:تؤ مكنشطحو مكاناكلو فاكية مكنشريو والو
وجدان: مهم انا غادا عندوو نقنعو واخا مخاصمة معاه انا دبا ولكن متخافوووش ا وجدو راسكم انخرجو
سلمى:(كتمشط فشعرها) الثقة فالنفس
وجدان(كتجمع شعرها حيت تخصر ليها) : ا سكتو نتوما شكتعرفوو
هزات كمشة ديال شيبس فايدها و خشاتها ففمها و كدوي و فمها عامر
وجدان:يلاه انا غاذا
رحاب:ا تي بشوية عليك دبا توحل لك الله ايستر
خرجات من البيت كتندغ بزربة هههه صرطت شنو ف فمها و دخلت للبيت لقاتو جالس فالكرسي لي فالبالكو و شعرو فازك باين فيه عاد مدوش خدام ف شي ورااق مشات عندو و وققات ف جنب البالكو
وجدان:احم بغيت ندوي معااك
جوبها بلاما ايهز راسو فيها : دوي
وجدان:وا شوفياا
عثمان:الودنيين لي كيسمعو ماشي العينين دوي شعندك
هزات ايديها بحالا اضربو 👊و هيا تنزلها كتخنزر فييه
وجدان:بغيت نخرج
عثمان:هدرة وحدة راه قلتها
وجدان:ليوما ليلة العوااشر و انا كندوزها ديما ف دربناا القدييم
عثمان:(ضار كيشوفيها) و من بعد
وجدان:عثمان ولفت كل عام كنمشي من مورا ماتت ماما كنمشي ديما تمك متخصرهاش ليا عفااك
عثمان:حتال ليل و ندييك
وجدان:وا لا بغيت نخرج دبا نشري الفاكية و (سكتت)
عثمان:شنو اخر
وجدان:طعريجة🙄
عثمان:من صغيرااتك
وجدان:وااء /: (هبطات شفيفاتها)
عثمان:سيري تلبسي حويجك انا انقولها للكارد ايمشي معااك
وجدان:ههه واخااا
مشات طيراا للدريسسنغ لبست عليها سيرفيت باش تبقا مرتااحة حيت اتبقا دوور
خرجت عندو لقاتو باقي غارق وسط الورااق ممشاش الخدمة و الخدمة جات تال عندوو
مدارت تاحاجة فوججها غير ايكغو ديال الشمس و چلووز لفمها رشات ريحتها لبسات سبادريتها و خرجت فرحانة عند البناات
حلت الباب بلاما دق مدرمة لقاتهم لابسين و جالسسين
وجدان:يلاه يلاه
سلمى:خلاااك
وجدان:اوييي خلاننيييي
رحاب:ههه و العجب يا ختي كي درتي ليها
وجدان:اوا سر المهنة هادييك 😁
خرجو البنات و ركبو ف طموبيلت سلمى مجوعيين مخدمين الاغاني نااشطين ههه
وصلو للسوق الشعبي لقاوه كينغغل ها طعارج ها الالعااب ديال الذراري الصغاار الجلالب القفااطن
مشات وجدان خذات تشكيلة ديال الفاكية و خذات وحدة اخرى للدار عندهم...
دازو لعند مول الجلالب لي طاالعيين سخفووه مسكين ايقيسو و ايحيدوو
شي ثلاتة السويع و هوا غير كيقيصوو
خدات وجدان جلابة لرحمة زعما زعما ههه.. جلابة فاسية مطروزة من الجنب فاللون الشيبي جايا مخزانية و زويينة و الطرزة فالكحل و خدات ليها شريبيل كحل و زييف كحل
خرجو البنات من عند مول الجلالب و مشاو لعند مول الطعاارج كل وحدة خداات طعريجة و وجدان تاني شرات لرحمة طعريجة زويينة.. تغداو البنات فالسووق بالضحك و الناشاط و الكارد لي كلف عثمان تابعهم
مرجعو للدار حتا ضلام الليل
وجدان:دوشو و لبسوو انا انمشي للبيت واخا متعطلوش ا البنااات
رحاب :صافي ا سكتينا
كل وحدة دخلات رحاب و سلمى دخلو ايدوشو
و وجدان مشات للبيت حطات جلابتها فوق الناموسية مصلوحة وفوقها ساكها و الطالون لي اتلبس معاها
ملقاتوش فالبييت دخلت للدووش عامت و خرجت نشفت راسها و شعرها بالسيشواار
لبسات جلابتهاا لي كانت فالبلونكاسي و مخزانية فيها طريزاات فالقهوي فالجنااب مع طالون بييج
جمعات شعرها كيف الشكل لي فالصورة و دارت مكياج سامبل
ايلاينر و فاغاجو و عكر فلون الفم لبسات سنيسلة و دارت ساعة فايدها
هزات ساكها يلاه بغات تخرج و هوا ايدخل لابس عليه سيرفيت كحلة مزيرة على صدرو و سبادرية
كيشوفيها باعجاب امرأة مغربية بكل معنى الكلمة الجلابة جاتها خطييرة و الماكياج لي دايرا مكثيرش بزاف
وجدان:فين كنتي
عثمان:(مقرب لعندها) كنت خاارج
وجدان(باقا هازة خنافرها للسما) : مم اوكي
وقف حداها كيشوفيها باعجااب
عثمان:اتمشي دبا
وجدان:اه انا غادة
عثمان:و مالك كدوي بحالا كتخلصي على الحرووف
وجدان:دويت وحلة سكت وحلة
مشات مخلياه كيشوفيها و فترمتها لي كتلعب اللور ههه وقفات كتشوف فالباب حلاتو شوية و داارت عندو و على فمها ضحكة مشرارة
شافها رجعت عندو قال دارت عقلها ف راسها
وقفات قدامو كتشوفيه
عثمان:(كيشوف ليها ف عينيها هايم فييهم) مالك رجعتي
كتشوف ليه ف عينيه فشلاتو شوية هبطات لفمو و قالت
وجدان:ماشي حيت قلتي ليوم ممنوع الخرووج راه انبقا ديما محبووسة و لا تصحااب دوزت الغوات لي غوتي عليا الصبااح مع الماا (كدوي بغنج و بشوية)
هبطات عينيها ل فمو و بسرعة حطات ايديها على المعلم كدوزها بشوية علييه تاهواا علا سبة وقف
بعذات منو خلاتو مصدووم و المعلم داير خيمة تحت السرواال
وجدان(واقفة حدا الباب و كضحك ):هههه وا دبا شوف كيتبردو ا بب
خرجت كتجري ليشدها و ايبردو فيهاا
مشات كضحك بحال الهبيلة
عثمان بدا ايضحك على هاد الجرأة لي فيها و دخل للذوش ايكب عليه الما بارد باش ايبردو ههه
مشات وجدان عند البناات لقاتهم لابسيين و وااجدين
سلمى لابسة جلابة فالباج غامق شوية و فيها طريزاات فالكحل فالجنب طلقات شعرها ساامبل من ورا ضهرها و دارت مكياج خفييف حتا هيا عكر حمر شوية و ايلاينر ماسكارة
لبسات طالون كحل و صويك صغير ف الكحل
رحاب لي لبسات جلابة فالموڤ حتا هيا مخزانية و فيها طريزات فالوصط صيبات شعرها وايڤي و لبسات طالون فالموڤ غااامق كيبان بحال كحل
وجدان:بابابابا صافي خصني نزوجكم
رحاب:لا ختي عمرني نعاود الزواج انا
وجدان:هههه ا تي سكتي لمك.. يلاه يلاه
هزو البنات الماطيريال فواحد السويك و هبطو للتحت ركبو ف طموبيلة د وجدان كاااملين و موراهم طوموبيلة الگاارد
وصلو للذرب بلاصات وجدان الطموبيل بعيد شوية على الدرب حيت مع القنبول و دكشي
هبطو البنات من الطموبيل ا التيتيزة على ختهاا و الكارذ موراهم
شافت وجدان الكارد تابعينهم و لابسين الكحل كيبانو كيخلعو
وجدان:(مع البنات) صبرو اانا جاياا
مشات لعند الكارذ
وجدان:سمحليا شنو كانت سميتك
الكارد:عدنان ا لالة
وجدان:اه خويا عدنان عفاكم متبقاوش فين مشينا تبعونا حيت الدرب ا صغيير و الناس بسطااء تقدرو تخلعوهم بلبسكم
الكارد:فهمتك ا لالة انبعدو
وجدان:صافي شكرا سمحليا
الكارد:الله يا ودي ا لالة ماشي مشكييل
ابتاسمت ليه وجدان و مشات عند البنات
رحاب:مالك
وجدان:ا مشيت قتليهم ميبقاوش تابعينا بزااف و لولاذ الصغار هنا ايخافو منهم و هوما تباركالله كون واحد يا واحد
رحاب : ااه بصح
هزو البنات داك سوييك و مشاو داخلين الاجواء كانت زوييينة كل واحد جالس قدام باب داارو و كيضربو فالطعاارج و كلشي ضاحك كلشي ناشط
لي دازت من حداه وجدان تسلم علييه
وصلات وجدان للزنقة لي كانو ساكنين فيها و دارت ضحيكة منكااسرة هنا فين تولدت و هنا فين لعبت هنا فين كبرت و هنا فين بكاات هنا فين دارت جنازة واليديها(شافت واحد الحويط صغيير و تفكراات شحال جلسات فيه من مورا مماتت ماماها و باباها و شحال بكات فييه..)
حتا كيفيقها واحد الصوت ديال مرا ولكن غلييض شويا :وجدااان
ضارت وجدان و عارفة مزييان شكون مولات الصووت
وجدان(ضحكة عرييضة ف فمها) : خالتي هنييية
ضارو رحاب و سلمى ايشوفو لقاوها مرة كبيرة فالعمر شوية صحراااوية لابسة عليها بيجامة و دزارة و عاگدة زييف حياتي ف راسها
مشات وجدان عندها كتجري و عنقتهاا
هنية:الله على الكميشة ديالي كنت نصحابك متجيييش
وجدان:اويلي ا خالتي حتال هادي لااا نجي علاش منجييش
هنية:ههههه وقفي نشووف (كضور فيها) هانا علك الجلالب تاااني بصحتك ا بنيتي سمعتك تزوجتي
وجدان:اااه ههه
هنية:اوا ا بنيتي بالرفاه و البنين يا ربي
وجدان:امييين
جات سلمى و رحاب
هنية:اهلا اهلا بنتي سلمى كيف الحال
سلمى:ههه لابااااس ا خالتي
سلمت عليها
هنية(كتشوف ف رحاب) : شكون هاد البنت
وجدان:هادي ا خالتي طفلتييي
هنية:تباركالله زينة زينة
سلمت عليها حتا هياا
وجدان(مدت ليها شاصية ديال الفاكية) : هاكي حتا تفرقي لينا كي ديما
هنية:واخا زيدو راه جالسين للور
مشاو البنات من مورا دار هنية لقاو بزااف العيالات جالسيين فوق كراسا و حاطين طبق كبيييير الوصط و بزاف الشاصيات فوق منو ديال الفاكية
سلمو عليهم و جلسوو
هنية:عندكم الطعاارج ولا نعطيككم
وجدان:لا لا عندناا ههه (للبنات) الفتييات جبدوو الماطيرييااال
جبدو البنات الطعارج و بداو ايسخنو فيهم ههه
هنية(هازة طعريجة):اوا بنتي وجدان تزوووجت و مغنيت ليها ف عرسهاااا
(بدات دويي ب صوتها الغلييض ) يااو مبروك على لالة العروسة و ما حنات و بعداد وراق الحنة تسعدات و بعداد البيضات فرحات مبروك على مولاي السلطان و مادا الهما و الشان و المرا الكاااادة اراو ليا شي تزغريتة ا لعيالات
بداو العيالات ايزغرتو وجدان عينيها بداو ايبيرو بالفرحة هههه
رحاب بدات ضحك عجبها هادشي لي قالت و الزغارد لي سمعت
وجدان:خالتي هنييية غني على الصحابات
بنت من المجموعة:اااه ا خالتي هنية غني شنو قالتك وجداان
هنية:واخااا (هزات طعريجتها و بدات ضرب و البنات كيعاودو من موراهااا
💃وا صاحبتي يااه ياوردي بالك ليااا
كيردو عليها البنات و كيدربو دقة فالطعرييجة :وا صاحبتي ااااااه
💃وا صاحبتي و عزيزة علياا
البنات: وا صاحبتي اااااه
💃وا صاحبتي و ساروت بيووتي
البنات: وا صاحبتي ااااه
💃وا صاحبتي ريي و شواريي
البنات: وا صاحبتي اااااه
💃وا صاحبتي الرافدة هبالي
البنات: وا صاحبتي ااااه
💃وا صاحبتي الحاسة بيا
البنات:وا صاحبتييي اااه
💃وا صاحبتي و ردي بالك ليا وراني بحبابي و بعاد عليا وا صاحبتي هاااه
رحااب:(كضحك) هههه تباارك الله علييك
هنية:هههه الله ايحفضك ليا
وجدان(هزات الطعرييجة كضرب فيها ) :و ياا سييد القااااضييي
البنات:اهاا...
وجدان:ياااا فكنييي من هاديييي
البنات:اهااا...
وجدان:والله ما نرجع ليييه
البنات:اهاااا...
وجدان:واخا ايجييب واليدييه
البنات:اهااا...
وجدان:يمااا بغيبت زواجو
البنات:اهااا
وجدان:يماا ببحر و ماجوو
البنات:اهااا
وجدان:ضاالم و لاا مضلووم
البنات:اهااا
وجدان:غيير فكنيي من المهمووم
البنات:اهااا
وجدان:ما هنااني ما هنااني و هااد الرااجل ما هناااني 💃
البنات:ما هنااني ما هنااني هاد الرااجل ما هنااني
وجدان: ما هنااني ما هنااني بغييت نخرج ماا خلاانيي
البنات:ما هناني ما هنااني هااد الرااجل ما هنااني
وجدان:ما هنااني ما هنااني بغييت نعكر ماا خللانيي
البنات:ما هنااني ما هناااني هااد الرااجل ما هنااانييي
كملات وجدان من الغنا و البنات ماتو عليها بالضحك عرفوها كدوي على عثماان هههه
يتبع...