مادام هيچ العشرة من اولها
خليني ارجع گبل لا اكملها
مليت احملچ وانتي ماتنحملين
وتدريني واحد روحي ما حاملها
هي الحبيبةه الطيبة من تلاگيك
تجبرك تبتسم لان تضحك كلها
ويومية ارد لفراشي منچ مغثوث
واصفن واگولن هاي شتحطلها ؟
ادري المشاعر ميتة عندچ بس عيب
ميصير اعوف الفاتحة من اولها .
♢♢♢♢♢♢♢♢♢♢♢
بنين..رفعت راسي شفته واكف يم الباب ويباوع عليه ومبين عصبي واحد سلم على الثاني باوع عليه وحجه
شاهين..يله جيت اخذجن
ام عباس..يا يمه مو علساس تبات يمنه
شاهين..حجيه اجيبها الج الخميس
ابو عباس..بويه شاهين امانة جيبها ترا مشتاقيلها ومشفنه منها شي اليوم
شاهين..دلل حجي نشالله الخميس هيه يمكم
بنين..باوعت عليه وعلى طيبه ماريد ارجع هفف كمت لبست جبتي وحجاب نزلت عباس اريد اضل
عباس..حبيبتي عيب اجه زوجج ياخذج والخميس اذا مجابج وداعتج عندي اني اجي اخذج
بنين..باسني من راسي ودعت اهلي وطلعت صعدت بلسياره كدام وطيبه ورا وهوا واكف يحجي ويا ابويه ورا شويه صعد طلعنه من بيت اهلي بلطريق ساكت واني وطيبه ساكتين حجه هوا
شاهين..ماشاللههه ستتت بنيننن اطلعين وطبينن براحتجججج
بنين..ضل يصيح واني ساكته ماريد اجاوبه وصل لبيتهم دخل السياره بلبيت دانزل اجه جرني من ايدي جانت ساعه 1:30بليل ضوايات البيت مطفيه نايمين اخذني فوك وطيبه متكدر تسوي شي دفعني بلغرفه وقفل الباب باوعت نزع لحزام مالته سوا طبكتين واجه ضربني على زندي احس ايدي نشلت شكد متأذيت ضربني على رجلي ورجع على نفس اليد ضربني كمت مااكدر احركها شكد مالضربه مالته قويه اجه الزمني من حنجي قوي
شاهين..اطلعييييننن وطبيننن بكيفج شكايليلج شاهييييننن شااااد كرووووون ساقط….
بنين..وخرر عنيي حرام عليك الي دسوي ويايه بعدنيييي عروس وتضربني
شاهين..انعل……. لابو حتى………
بنين..وخرر انت واحد مريض واحد مريض وخر ضليت ابجي بحركه كافي والله مأذيت احد اني الكل اذاني مو كافي خنتني البارحه مو كافي بيوم السبعه مالتي ضربتني مو كافي شتريد مني شنو السويته الك اني حتى ماعرفك كافي طبكت رجلي الصدري وضليت ابجي ندك الباب واجاني صوت خاله ام عامر وام طيبه راح فتح الباب دخلت خاله ام عامر وام طيبه هوا طلع اجتي يمي كعدت
خاله ام عامر..سوده بوجهي يمه شبيكم
بنين..خاله تعبت والله مسويتله شي حتى هيج يسوي ويايه
خاله ام عامر..كافي امي كافي ابويه انتي
بنين..ضلت يمي كومتني نزعت الجبه جنت لابسه دشداشه نص ردن اثار الضربه مبين نمت على الچربايه واني ابجي وهيه كعدت يمي تمسد على شعري
ام طيبه..سوده عليه حبيبتي عروس وضربج ليش هيج ديسوي شاهين
بنين..ضلت خاله ام عامر تقرا يم راسي قران وام طيبه تقرا على صدري الم نشرح الك صدرك الحد منمت
خاله ام عامر..سوده عليه عروسه وضربها
ام طيبه..يمه خاف رجعت هبه الحياته
خاله ام عامر..يمه هيه راجعه صارلها 3سنوات اريد اخلص ابني منها مداكدر زوجته هل طفله هاي وهيج سوه بحالها
ام طيبه..يله يمه يله نطلع الحمدالله محد نسوان حموينه موجودين جان ضلو يشمتون بيها وبيج الله يهدي سرهم
شاهين..رجعت للبيت ماهيه اجتي لحجيه للغرفه كالت راح البيت اهلها مكالت الك طلعت بدون ماجاوبها رحتلها البيتهم اني الج طالعه وطابه دخلت البيتهم شفتها كاعده بصف عباس وحاضنها ولابسه نص ردن العينتين اخذتها ورجعت للبيت ضربتها مصيحت ولا بجت بس صافنه كعدت بلكاع تبجي جبت وكسرت المرايه هيه فزت جبتتت مصيبهه النفسي فوك مصايبييييي ندك الباب فتحته وطلعت حتى مشفت منو جان موجود رحت للنهر صافن على دنياتي ويا هل مصيبه دك تلفوني جاوبت حجيت قبل متحجي انتي وين
هبه..بلبيت
شاهين..جايج
هبه..يمه حبيبي ياهله وميه هله بيك
شاهين..سديته بوجهه رحتلها للبيت كضيت اليل يمها اتخيلتها هيه ضربتها واخذت الي اريده منها وطلعت الفجريه ضليت افتر بلشارع لحد ساعه 7الصبح رجعت لللبيت جانو نايمين صعدت للغرفه شفتها نايمه تقربت منها شفت زندها صاير ازرك من الضربه دخلت سبحت وبدلت وطلعت نمت
بنين..فتحت عيوني ايدي تأذيني كمت شفته نايم يمي وحش ماكو بكلبه رحمه احس تندمت لين قبلت ازوجه لا اني داكدر ابني حياة جديده ويا وهوا ايده والضرب والاهانه حجيت بصوت نايم مرتاح بعد مضربتني تحرك وفتح عيونه صارت عيني بعينه درت وجهي منه داكوم جرني من ايدي وكعت على ايدي الي ضاربني عليها رأسا صحت ااخ هوا وخر
شاهين..كومي اخذج للمستشفى
بنين..ماله داعي شكرا
شاهين..انتي ليش تخليني اضربج كلتت كوميي
بنين..مجاوبته ضليت ساكته وفعلا اني جنت محتاجه اروح مستشفى لين الضربه مالته صايره على زندي وعلى العضم مال العكس مال ايدي مااكدر احركها بدلت وهوا بدل اخذني للمستشفى سولي اشعه وحضي الاغير سواها وطلعت ايدي مكسوره بس الزين بل موضوع ايدي اليسار الي نكسرت مو اليمين اريد ارجع للشغل المهم صبو ايدي وطلعنه من المستشفى عبالي راح نرجع للبيت شو هذا اخذني للشط وكف سيارته كبال الشط وباوع عليه
شاهين..بنين
بنين..باوعت عليه ضلينه ساكتين بس عيني بعينه احسه يريد يعتذر بس ميعرف شلون حجيت رجعني للبيت
شاهين..مو قبل منحل هل مشاكل
بنين..انت الي اجيب المشاكل اني ماسوي شي بكلشي كتلك اي
شاهين..طبعي صعب
بنين.. يوصل بيك تضربني وتكسرلي ايدي
شاهين..انتي غلطتي طلعتي بدون متكليلي
بنين..رحت الاهلي مرحت لاحد غريب بعدين انت ضربتني
شاهين..انتي متعرفيني
بنين..وردت اعرفك بس منطيتني مجال
شاهين..اتعبج
بنين..اني ختاريت درب وياك ولازم اتحمل نتأجه
شاهين..ماعرف شكلج اعتذرلج والله ماعرف
بنين..انت ضربتني وهنتني البارحه وحتى خنتني
شاهين..باعي اني رجال احتاج الهيج شغلات وانتي مكضيتها عليه السانج طويل تراددين تخليني اضربج واتندم
بنين..تحتاج الهيج شغلات تخون شاهين اذكر اذا ماكو احد يشوفك اكو رب فوك راسنه يشوف كلشي اكو مثل حلو ياغافلين الكم الله هذا المثل ينطبق عليه انت خنتني واني جنت نايمه من الكتل مالتك
شاهين..سكتت شرد اجاوبها وهيه بكلشي كالته صح وهسه
بنين..ماسامحك
شاهين..چا شلون راح تعرفيني
بنين.. ياريت ننهي كلشي بينه
شاهين..شايفه هاي الشمس شكد عاليه كلامج ابعد منها كلشي مينتهي بينه
بنين..ايدك والضرب والاهانات
شاهين..بنين
بنين..تتحملني
شاهين..انتي زوجتي
بنين..تتحملني من ابجي من انعزل علاقه زوجيه هسه مااكدر والله مااكدر تتحملني متخوني بعد تتحمل نكدي ومغثتي
شاهين..هيه شغله وحده خليها بأذنج انتي اسجلتي بأسم شاهين حلوه مره
بنين..سكتنه رجعني للبيت احنه ماخذين اجازه زوجيه شهر دخلنه للبيت جانت خاله كاعده شافتني اجتي عليه
خاله ام عامر..سوده عليه يمة كاسره الج
بنين..سكتت باوعت عليه هوا ضاج من كلام امه
خاله ام عامر..يابنيتي سامحيني بلي سوا ابني
بنين..لا خاله استغفرالله اجه عمو سلمان هم حجه ويايه والعميد عامر ويا
عمو سلمان..بويه بنانه والله مادري شكلج عروس وهاي سواينه ابنه سامحينه
بنين..الحمدالله عمو بعدين انت من مقام ابويه لتعتذر
عمو سلمان..بارك الله بتربيتج بويه
العميد عامر..بنين بنيتي اضيف فوك اجازتج كم يوم علمود ايدج بنيتي
بنين..لا سيدي ميحتاج والله
العميد عامر..ولج انتي هسه بمعزه طيبه بعدين هسه احنه مو بدوام بنيتي
بنين..ابتسمت ترخصت منهم وصعدت هوا بقه نزعت الجبه والحجاب جيت تمددت ايدي تأذيني ضليت افكر بكلامنه اليوم ورا ساعه تقريبا دخل هوا بيده صينيه باوعت عليه اجه كعد يمي
شاهين..يله كومي اكلي
بنين..ماريد مالي نفس
شاهين..مو هيه بكيفج كومي اكلي يله
بنين..ساعدني اكوم وكلني بيده بهاي الفتره ضهرلي شخصيته لحنينه ضل يهتم بيه يوكلني ويشربني وينطيني مسكنات لين ايدي تأذيني يوميه اكعد بليل افز الكه حاضني مر على عرسنه شهر كامل بهذا الشهر اتفقنه نصير اصدقاء و شاهين حيل تغير طبت صرت زينه شلت الصب مال ايدي ورجعنه اني ويا نتناكر اني الساني متبري مني وهوا عصبي ونصير مكافش بس بليل يحضني وينام رجعنه نداوم ورجعت مشاكلنه وزادت عن قبل اني مالتزم بلبس تعاركنه الخميس والجمعه والسبت احنه منتحاجه يوم الاحد كعدت سبحت وبدلت لبست بنطرون اسود وقميص سمائي حضرت بدلته العسكريه وحضرت الحمام اله ورحت كعدته شاهين شاهين
شاهين..خير
بنين..ساعه بـ7:30عدنه دوام كام بدون ميحجي دخل سبح وبدل وطلع شافني لابسه هيج اجه وكف كبالي
شاهين.. انتي رايده تنكتلين اليوم
بنين..لبسي مابي شي ماحس اله جرني من خصري حيل عليه وضلت ايده تمشي على كل معالم جسمي جسمي كله قشعر
شاهين..تقاسيم جسمج مبينه
بنين..شاهين
شاهين..وانتي تخصين شاهين اقلعله عينه الي يرفعها عليج فا بدليها احسلج
بنين..صارت ايده على صدري لزمت ايده اي ابدلها بس وخر
شاهين..يله
بنين..اخذت بدلتي العسكريه ودخل بدلت واني ارجف طلعت شفته واكف يلبس البيريه وكفت بصفه لبست البيريه شو هذا دارني عليه وسد الكمه الي بل اخير خنكني
شاهين..هيج احله بنتي
بنين..فتحتها اختنك رجع سدها مااكدر احجي ويا لزمني من ايدي قوي عصرها وجرني ورا
شاهين..لتلحين
بنين..نزلنه جوا تريكنه وطلعنه للشغل اني ويا وطيبه دخلنه هوا كدامنه راح المكتبه واني وطيبه كل وحده المكتبها بديت امارس شغلي ورجعت بنين الاولى بلشغل دافتح الباب واطلع صار مرتضى كبالي دفعني ودخل سد الباب
مرتضى..جنت اعرف بيج متكدرين تبدين حياة جديده وتفكرين بيه والدليل لحد هسه مصايره علاقه زوجيه بينج وبينه
بنين..ليش متعوفني بحالي بعدين اني احبه
مرتضى..هههههههه تحبي وهوا لحد هسه مماخذج السيد شاهين بطل بس علينه وانتي وحق الحق تبقين معلكه بأسم مرتضى عمرج متصيرين الغيره
بنين..احترم نفسك لي دتحجي عليه رجلي وبعدين لو اضل الك مجان هسه اني بأسم شاهين روح الزوجتك وبنتك وعوف غيرك يعيش حياته
مرتضى..حياته ويامن ويا شخص لحد هسه مكادر ياخذ حقه منج
بنين..حجه هل حجايه وطلع كعدت على الكرسي خليت ايدي على وجهي وضليت ابجي حسيت بحساس اني صدك خاينه مزوجه شاهين وبالي يم مرتضى بس مااكدر اعيش حياه جديده بهل سهوله خلاني اخاف من الكل اخذت الاوراق الغرفته دكيت الباب سمحلي ادخل اخذت نفسي وحجيت بس صوتي جان بي غصه سيدي خلصت الاوراق باوع عليه وصفن شويه وكام من الكرسي اجه صار كبالي انتچه على لميز مالته
شاهين..جنتي تبجين؟
بنين..دموعي ترست عيني بس جاوبت كوه لا سيدي
شاهين..شبيج بنين
بنين..مابيه شي والله
شاهين..نسيتي اني وياج اصدقاء
بنين..اذا اطلب منك طلب تنفذه الي
شاهين..اطلبي
بنين..اريد تاخذني الكربلاء
شاهين..اليوم العصر اخذج
بنين..هزيت راسي بأي نطيته الاوراق وقعهن واخذتهن للعميد عامر هم وقعهن الي مر اليوم كله شغل بشغل بس كلام مرتضى الحقير ابالي لازم احاول ابدي حياة جديده ويا شاهين لازم رجعنه للبيت سبحت وبدلت وحضرت الحمام اله سبح وبدل وطلع من الحمام على راسه المنشفه كعد على الچربايه صرت ورا شاهين عليك الله خلي اني انشف شعرك هوا باوع عليه وابتسم بطرف شفته اخذت المنشفه وضليت انشف شعره محسيت غير جرني وضل يدغدغ بيه ههههه لاااا شاهييين عليك الله والله ههههه والله اغار
شاهين.. يله كومي بدلي
بنين..ماشي كمت بدلت لبست حجاب ابيض وفستان وردي بي رسم ابيض داحاول ارجع بنين القديمه صح صعب بس داحاول لبست حذاء فلات ابيض واخذت ويايه جادر مال صلا وهوا لبس دشداشه بيضه وساعته السوده وعطره الي ترس الغرفه نزل ونزلت ورا جانو كلهم كاعدين بلصاله رحت كعدت يم خاله يله خالتي بدلي
خاله ام عامر..وين يمه
بنين..دنروح لكربلاء
خاله ام عامر..لا حبيبه روحو انتو مالي خلك شويه اليوم
بنين..شبيج اضل يمج
خاله ام عامر..لا حبيبتي ابويه روحي زوري وادعلينه
بنين..بستها من خدها عمو سلمان والعميد عامر ماهما وطيبه متجي طلعنه اني وشاهين برا جان ينتضرني صعدت بسياره وطلعنه الكربلاء الطريق كله ساكتين اني ويا لحد موصلنه على الباج مالته دخلنه بسياره مالته جوا باوعت على المناير مال ابو فاضل ونزلت دموعي هوا جان يمشي كدامي واني ورا صرنه بين الحرمين صرت كبال العباس عليه السلام ودخلت ازور رحت زرت وكفت على صفحه ها ابو فاضل جيتك وشتكيت يمك بس بعده نفس الحال يابو فاضل خلصني من مرتضى وابدي حياة جديده ويا شاهين بحق حب ابوك الامام علي الامك فاطمه الزهراء يابوفاضل تعبت وانت تعرف بعد راح اعوفها يمك هل شغله صليت ركعتين وطلعت زرنه الحسين وطلعنه لزمت ايد شاهين وباوعت على الكبه مال عباس دخيلك بجاهك عند ربك تخلصني شاهين ضغط على ايدي قوي
شاهين..ليش هلكد تبجين
بنين..هههه نافور مو عيون عندي رحنه للمطعم تغدينه وطلعنه ضلينه نفتر بلسوكن اخذت شغلات للكل باوعت جان اكو محبس بي شذر لونه اخضر على زيتوني اخذته الشاهين والخواني طلعنه بلسياره لزمت ايده ولبسته لمحبس هوا ابتسم اخذ ايدي ولبسني محبس بي نقشه فراشه ومكتوب عليه فراشتي ابتسمت شكرا
شاهين..دللي
بنين..رجعنه للبيت ونطيت لكل واحد هديته وصعدت ارتاح دخلت للغرفه سبحت وبدلت وجيت تمددت ونمت جان شاهين نايم وخرت ايده ودخلت بحضنه غمضت عيوني ونمت حلمت كاعده كبال بحر بس جبير منضره حلو بس يخوف اجه واحد طويل عنده جتوف وجهه حلو حيل بس ممبين كمت وكفت كباله اجه خله ايده على راسي وحجه
رجال..عبري للبحر
بنين..لا يخوف اخاف
الرجال..لا ميخوف عبري
بنين..لزمني من ايدي ونزلني للمي المي وصل لبطني لنص البحر واختفه راح اخذت نفس وتقدمت ضليت امشي امشي بلمي عبرته نداريت على البحر شفته الرجال نفسه واكف بنص المي فزيت من الحلم شهكت باوعت شاهين كاعد وصافن عليه باوعت عليه شاهين
شاهين..شبيج
بنين..مابيه شي كمت ركض دخلت للحمام غسلت واخذت حجاب ونزلت يم خاله ام عامر هيه تفسره الي نزلت شفتها كاعده بحدها جيت يمها بستها من خذها خاله
خاله ام عامر..هله يمه حبيبه شبيج
بنين..خاله حلمت حلم
خاله ام عامر..خير يارب نشالله
بنين..حلمت جنت كاعده كبال بحر اجاني واحد وجهه شكد حلو حتى مينشاف طويل حجيت الها الحلم كله وهيه صفنت
خاله ام عامر..شوفي يمه راح تعبرين شي متعبج بحياتج حبيبه وهذا الرجال يايمه هذا امام وباجر اخذج للكاضم هم نزور وهم نروح السيد شرحيله الحلم
بنين..هزيت راسي ضليت شويه كاعده راحت خاله تنام واني كمت رحت للمطبخ سويت ماعون فواكهه اخذت كيويه اكلها على الدرج صعدت شفته كاعد وبيده جهازه خليت الصينيه بنص وكعدت يمه خلي ناكل يمه شلون كيوي حامض هوا ضحك وكرصني من خدي
شاهين..جاهله انتي
بنين..لاا اني ضابط وبرتبت ملازم
شاهين..والله تشرفت واني عقيد
بنين..هههههه ضحكت علاقتنه لاهيه صداقه فد مره ولا هيه زعل فد مره ضلينه ناكل ونسولف سئلته شاهين اريد اسئلك سؤال
شاهين..جواب
بنين..احم اذا ردت ابدي وياك علاقه جديده شلون اعرف بعد متخوني ذب الشوكه من ايده وباوع عليه
لكل حكايا بقايا……