Thunder POV
Pagkatapos ng naging usapan nila ni Jewel ay dumiretso siya sa condo ni Cain, ngunit wala dito ang binata. Alam niya na rin na ang kaibigan ang kasama ni Jewel noong mga panahong umalis ito sa kanyang puder. Noong araw na malaman niya lahat sa private investigator ay mabilis na pinuntahan niya agad si Cain noong una ay hindi naging maganda ang naging usapan nila, nasuntok pa siya ng kaibigan ng ilang beses, pero kalaunan ay nagkaayos din sila noong pinaliwanag ni Thunder ang lahat.
Iisa na lang ang gusto niyang mangyari ngayon, 'yon ay ang makasama ang mag ina niya at maging buo silang pamilya. Sobrang saya ang naramdaman niya noong malaman na may anak sila ni Jewel at nalaman niya rin kay Cain na wala pa itong kasintahan na iba. Kaya hindi din siya nagsayang ng oras kinaumagahan ay pumunta agad siya sa bahay nila Jewel para kausapin ito at kumpirmahin ang katotohanan sa mismong asawa, ngunit noong una ay mukhang wala itong plano na sabihin sa kanya mabuti na lang at dala dala niya ang DNA test result na binigay din ni David sa kanya para kung sakaling itanggi ni Jewel ang totoo ay may pinanghahawakan siyang katibayan dito.
At ngayon pinoproblema niya ang kanyang anak, labis ang lungkot at sakit ang nararamdaman ng makitang ayaw sa kanya ng sariling anak. Hindi niya ito masisisi dahil lumaki itong hindi siya kasama at ayon na rin kay Jewel ay alam nito ang buong pangyayari kung bakit hindi sila magkasama, kaya alam niyang galit ito sa kanya dahil sa ginawa nito noon sa kanyang ina. Labis niya an iyong pinagsisihan at handa siyang harapin at gawin ang lahat para makuha lang ang pagpapatawad ng mga ito, hindi siya makakapayag na muli pang mawala sa kanya ang mag ina.
Iniisip niya na kasalalan iya din naman ang lahat kung bakit nangyaari ang mga bagay na ito, dahil kung sana naging mabuting asawa lang siya noon kay Jewel ay marahil masaya na sila ngayon, kung hindi niya sana sinaktan ang asawa sana hindi humantong sa ganitong sitwasyon.
Kinuha niya ang kanyang telepono para tawagan si Cainat yayain na uminom, hindi niya mayaya si Dark dahil alam niyang hindi ito pwede ngayon dahil buntisa ang kasintahan na si Calleigh. Nakailang ring lang ng sagutin ito ng kaibigan. "Napatawag ka T?" tanong ng nasa kabilang linya
"Nasaan ka? Are you with Monique?" he asked
"Hindi ko siya kasama, may pinuntahan siyang kaibigan. Pauwi na ako ngayon. Bakit?"
"Tara uminom tayo." yaya niya rito
"Mukhang problemado ka ha. Nasaan ka at ng mapag usapan natin 'yan?"
"Nandito ako sa condo mo kaya bilisan mo na lang." aniya sabay end ng call
Agad na siyang pumasok sa condo ng binata, alam niya naman ang password ng pinto nito. Sa loob niya na lang hihintayin ito. Pagkapasok niya ng unit ay dumiretso agad siya sa ref. para kumuha ng mga alak. Inilagay niya ito sa isang tray at dinala papuntang sala at nagsimula ng uminom habang hinihintay ang pagdating ng kaibigan.
Wala pang sampung minuto ang nakalipas ng dumating si Cain.
"Ang tagal mo naman," reklamo nito ng makaupo ang kaibigan.
"Anong matagal, binilisan ko na nga para makauwi agad." napailing pa ito bago kumuha ng isang boteng alak.
"Anong nangyari sa pagpunta mo kanila Jew?" tanong nito
Nilapag muna ni Thunder ang hawak na alak bago sumagot. "Hindi naging magada ang nangyari." aniya
"Bakit? Anong nangyari?"
"Noong una nagmamatigas pa si Jewel at ayaw umamin." panimula nito
"Para namang hindi mo pa kilala ang asawa mo, eh ganyan naman talaga siya at hindi mo din siya masisisi after what happen to the both of you."
"I know and I understand her if she acts like that. Hindi naman yan ang inaalala ko."
Kumunot naman ang noo ni Cain. "Eh ano?"
Tumungga muna ito ng alak bago tumingin sa kaibigan. "It's about Storm."
Nagsimula na siyang ikwento kay Cain ang nangyari sa pagitan nila ng kanyang anak. Nakinig lamang si Cain hanggang sa matapos magkwento nito.
"Hindi din naman natin masisisi si Storm, bata pa siya para sa ganitong usapin, pero matalino at mabait ang anak ko alam kung matatanggap ka din niya. Storm loves her mom so much kaya kung gusto mong makuha ang loob niya magsimula ka kay Jewel." komento nito
"Iyon naman talaga ang gagawin ko, kailangan mapatawad muna ako ni Jewel at magkaayos kami."
"Alam niya naba na hanggang ngayon ay kasal pa rin kayo?" tanong nito
"Hindi niya pa alam, hindi ko pa nasasabi sa kanya."
Nagpatuloy lang sila sa pag inom at kwentuhan, laking pasasalamat ni Thunder kay Cain dahil hindi nito pinabayaan ang kanyang mag ina noong panahong wala siya.
Madaling araw na ng matapos ang inuman nilang dalawa, nagpasya siyang dito na lang din magpalipas ng gabi.
Kinaumagahan ay maagang nagising si Jewel para ipaghanda ng almusal ang kanyang anak, sinubukan niya itong kausapin kahapon pero ayaw nitp pag usapan ang tungkol sa nangyari hindi niya na muna pinilit pa ito.
Maya maya pa ay may maliit na braso na yumakap sa kanya. "Good morning mommy," bati nito ng nakangiti bakas pa rito ang pamamaga ng mga mata dahil sa pag iyak
Hinalikan naman ito ni Jewel. "Good morning baby boy, how's your sleep? Mommy cook your favorite breakfast." nakangiting saad niya rito
Walang ano ano ay mabilis na pumuntang lamesa si Storm at nagsimulang kumain. Kumuha na rin siya ng kanyang plato para sabayan ang anak, nakakahawa ang pagiging masiba nito sa pagkain lalo na kung paborito niya ang inihanda mo.
Nasa kalagitnaan sila ng pagkain ng biglang may nag doorbell. Agad namang tumayo si Jewel para buksan ito. "Continue eating your breakfast. Titingnan ko lang kung sino 'yon."
Mabilis naman na tumango ang anak niya at nagpatuloy sa pagkain.
Pagbukas niya ng pinto ay bumungad sa kanya ang mukha ni Thunder. "Anong ginagawa mo dito?" tanong nito
"Am I not allowed here? Gusto kung makita ang anak ko."
"Sinabi ko na sayo na huwag muna ngayon diba? Please try to understand Thunder, nabigla si Storm." mahinahon na saan nitp at pinipigilan na lumakas ang kanyang boses at baka marinig pa ito ng anak.
"Intindihin mo din ako Jewel, gusto ko lang makita ang anak ko."
Magsasalita pa sana si Jewel ng biglang napaaray si Thunder at ng tiningnan niya ito ay nakita niya si Storm. "Whay are you doing here?"
"Storm listen to me, I'm your father." saad ni Thunder
"Stop lying!" sigaw nito sa kanya
Hindi ito ang inaasahan niyang mangyari sa kanila ng kanyang anak.
Nagsimula ng umiyak si Storm kaya mabilis itong kinuha ni Jewel at pinatahan, umupo siya sa sofa habang kandong ang kanyang anak na patuloy pa rin sa pag iyak. Si Thunder naman ay nanatiling nakatayo at nakamasid lang sa kanyang mag ina.
"Baby, please stop crying." pag aalo niya rito
"He is lying right mom? He is not telling the truth. He is not my daddy." salita nito habang nakaharap sa kanyang ina.
"Storm, listen to me baby,"
"No, mommy! He is my not my daddy, you know that I hate him and I don't want to see him anymore. He hurt you that's why I hate him also. Kaya nga noong una ay hindi mo ako matanggap at muntik ng ipalaglag diba? Dahil iyon lahat kay daddy. And I will never forgive him. I hate him to death!" madiin na wika nito
Mabilis naman na tumingin si Jewel sa kanya, kitang kita ng dalaga kung paano naglandasa ang mga luha sa mata nui Thunder. Alam niya kung gaano kasakit ang nararamdaman nito ngayon dahil sa mga salitang binitawan ng kanilang anak. At gusto niyang umingi ng tawad dito dahil pakiramdam niya siya ang dahilan kung bakit nasira ang realasyon ng mag ama.
"Please Thunder umalis kana muna. Parang awa muna." pakiusap niya
Hindi na umimik pa si Thunder at agad na umalis, hindi niya kayang makita ang kanyang anak na nasasaktan kaya umalis muna ito. Pero hindi ibig sabihin na umalis siya susuko na siya.
Nang makapasok si Thunder sa kanyang kotse ay sinuntok niya ng ilang ulit ang manibela nito, doble ang sakit na nararamdaman niya ngayon dahil kinamumuhian siya ng kanyang anak.
"Ahhhhhhhhh!" sigaw niya habang patuloy sa pagsuntok sa manibela, hindi niya lubos maisip na darating ang panahon na mararanasan niya ang sakit na ito.