အခန်း ၂၇။ ငါ့expression pack နဲ့ ငါ့ကိုပြန်တိုက်ခိုက်သတဲ့။
လင်းမုန့်တစ်ယောက် ဖွင့်ထားသည့် ဖုန်းကိုကိုင်ထားလျက်ဖြင့် အိပ်ရာထက်တွင် လူးလှိမ့်နေမိသည်။ သူ WeChat ကို ဖွင့်ထားသည်မှာ ဆယ်မိနစ်ခန့်ပင်ရှိနေပြီဖြစ်ပြီး ရှန်းကျူထံသို့ ငွေပြန်ပေးရန်အတွက်လည်း တုံ့ဆိုင်းနေမိသည်။
တိုက်ရိုက်ထုတ်လွှင့်သူ မည်သူမဆို လက်ဆောင်ကိုလက်ခံရရှိပါက အလွန်အင်မတန် ၀မ်းသာကြလိမ့်မည်မှာအမှန်ပင်ဖြစ်၏၊
ဒါပေမယ့်လည်း ကိုယ်နှင့်သိနေသူမှပေးသောအခါ သူ့(လင်းမုန့်)ကို အနည်းငယ်သော ရှက်ရွံ့စိတ်ကိုဖြစ်စေသည်။
ဘာကြောင့်လည်းဆို ဒါက ကိုယ်နဲ့တစ်ခါမှမတွေ့ဖူးသောသူမှပေးသည်နှင့်မတူခြားနားနေသောကြောင့်ပင်။
ရှန်းကျူ : ကောင်းသောညပါ။
သူရှေ့မတိုးသာနောက်မဆုတ်သာဖြစ်နေစဉ် ရှန်းကျူက သူထံသို့ ပထမဦးစွာမက်ဆေ့ခ်ျပို့လာလေသည်။ စိတ်၏လှုံ့ဆော်မှုကြောင့် လင်းမုန့်သည် ၂၀၀တန် စာအိတ်နီကိုပို့လိုက်မိသည်။
သူလုပ်လိုက်မိတာနဲ့ချက်ချင်းလက်ငင်းပင်နောင်တရချင်သွားသည်။ ကြောင်အိမ်တစ်ခု ၀ယ်ဖို့အတွက် ၂၀၀ က လောက်ပါ့မလား သူ မသိဘူး။
အခြားတစ်ဘက်ကလက်ခံကြောင်း ငွေလွှဲသည့်အချက်အလက်က မျက်နှာပြင်ထက်တွင်ပေါ်လာသည်။
ရှန်းကျူ : ကိုယ်က မင်းရဲ့တိုက်ရိုက်ထုတ်လွှင့်မှုကို ချီကျူးဂုဏ်ပြုတယ်။ ဒါပေမယ့် မင်းကတော့ ကိုယ့်ကို (သခင်မတစ်ယောက်လို) ထားချင်နေတာလား။
လင်းမုန့် : ...
ရုတ်တရက် သူ ဒီလူကြီးနဲ့ ရန်ဖြစ်ချင်စိတ်ပင်မရှိတော့ဘဲ စာအိတ်နီကိုတောင် ပြန်ယူချင်မိသွားသည်။
လင်းမုန့် : ယာဉ်မောင်းဟောင်းကြီးရေ... ငါ့ကိုသင်ပေးပါ။ မင်းအမြန်နှုန်းကို ၀ ကနေ ၂၀၀ အထိဘယ်လိုအရှိန်မြှင့်ခဲ့တာလဲ။
(Y/N-ယာဉ်မောင်းဟောင်း ဆိုတာက ညစ်တီးညစ်ပတ်ပြောတဲ့နေရာမှာ ဝါရင့်သဘာရင့် နေပြီလို့အဓိပ္ပါယ်ရပါတယ်တဲ့ရှင်)
ရှန်းကျူ : ဆီထဲကို ယွမ်နှစ်ရာ ထပ်ပစ်ထည့်လိုက်ပါ။
(Y/N-ဆီဆိုတာ ဘဏ်accပါနော် ဘေဘီ စီက၂၀၀ထပ်တောင်းနေတာပါနော်🙃)
လင်းမုန့် : ငါသာမင်းကို ယွမ်၂၀၀၀ပေးရင်ကောင်းကင်ဘုံကိုများ ပျံတက်သွားမလား။
ရှန်းကျူ : ဖေဖေက မင်းကိုပျံသန်းစေတယ်.gif
……အရမ်းကောင်းတယ်! ဒါက သူ့ရဲ့ expression pack နဲ့ သူ့ကိုတိုက်ခိုက်တဲ့ နောက်ထပ်လူတစ်ဦးပေါ့လေ။
သည်စကားပြောခန်းမှ Ssတွေကို လင်းမုန့်တစ်ယောက် မည်သို့သော ခေါင်းစဉ်နဲ့ရေးတင်မလဲဆိုတာ မင်းတို့ခန့်မှန်းနိုင်မှာပါ။
- ထိတ်လန့်! Fighting Cat က နာမည်ကြီးတိုက်ရိုက်ထုတ်လွှင့်သူက ဒီလို သဘောတူညီချက်မျိုးကို သီးသန့်ပြုလုပ်ခဲ့တယ်။
- ထိတ်လန့်! နာမည်ကျော်မင်းဂွတ်သီးနတ်ဘုရားရဲ့ တိုက်ရိုက်ထုတ်လွှင့်သူအသစ်ကို မြှင့်တင်ပေးရခြင်း အကြောင်းအရင်းအမှန် ...
- ထိတ်လန့်! ယောကျာ်းလေးတိုက်ရိုက်ထုတ်လွှင့်သူက လူကြိုက်များတဲ့ တိုက်ရိုက်ထုတ်လွှင့်သူတစ်ဦး ဖြစ်ချင်တော့ ငွေကြေးလာဘ်ပေးရတယ်...
(L/N- အထက်ပါ၃ခုက တစ်ကယ်တင်တာမဟုတ်ပါဘူးနော်။)
လင်းမုန့် : မင်းကို မြက်ခင်းတွေကြီးထွားအောင် ကူညီဖို့ဆိုပြီး လာဘ်ထိုးဖို့ကမ်းလှမ်းခဲ့တဲ့ တစ်ခြားတိုက်ရိုက်ထုတ်လွှင့်သူတွေ ရှိခဲ့ဖူးလား။
ရှန်းကျူ : အင်း... အများကြီးပဲ။
လင်းမုန့် : တကယ်ကြီးလားဟ။
လင်းမုန့်၏ အတင်းအဖျင်းစိတ်ဓာတ် မီးပွားလေးက ဟုန်းခနဲတောက်လောင်သွားတော့သည်။
လင်းမုန့်: အဲ့ဒါကဘယ်လိုမျိုးလဲ။
ရှန်းကျူ : အဲဒါက မင်းအတိုချုပ်လုပ်ခဲ့တဲ့နည်းလမ်းပဲ။ ဂေးဟန်ဆောင်ပြီး မဟုတ်တရုတ်တွေရောင်းဖို့အတွက် လက်ဆောင်တွေနဲ့တိုက်ခိုက်တာပဲ။
ရှန်းကျူ : အိမ်ဝင်းတစ်ခုကိုပို့ပြီး အသာလေးပွတ်ပေးလိုက်။ ငွေတန်ဖိုးနှစ်ဆရှိတဲ့ အိမ်၀င်းကိုပြန်ရလိမ့်မယ်။
လင်းမုန့် သေချာတွက်ချက်ကြည့်မိသည်။ အမှန်တကယ်တော့ သူ့မှာ ငွေကြေး အတော်လေးအကြွေးတင်နေသည်။။
လင်းမုန့် : မင်းသဘောတူခဲ့လား။
ရှန်းကျူ : မတူဘူး။
လင်းမုန့် : ဘာဖြစ်လို့လဲ။
ရှန်းကျူ : ငွေကြောင့်နဲ့လှုံ့ဆော်ခံရမှာမဟုတ်လို့ဘဲ။
လင်းမုန့်က ရှန်းကျူရဲ့ ၀င်ငွေနှင့် ပတ်သက်ပြီး စိတ်မ၀င်စားပေ။ သူကမဆင်းရဲဘူးဆိုတာကိုသူသိနေသည်။ ဘာပဲဖြစ်ဖြစ် သန်းပေါင်းများစွာသော တိုက်ရိုက်ထုတ်လွှင့်သူတွေထဲကမှ တစ်ချို့တစ်လေ တိုင်းကျော်ပြည်ကျော်ဖြစ်သွားသည့် ဒဏ္ဍာရီတွေလည်းရှိခဲ့ဖူးသည်။
သည်လိုလူမျိုးဖြစ်တဲ့ ရှန်းကျူက သေချာပေါက်ငွေကြောင့်နှင့် လှုံဆော်ခံရလိမ့်မည်မဟုတ်။
ရှန်းကျူ : လိင်ဆွဲဆောင်မှုနဲ့ ဆိုင်တာလည်းရှိသေးတယ်။
လင်းမုန့် : မင်းဒါကိုသဘောတူခဲ့တာလား။
ရှန်းကျူ : ဟင့်အင်း။
လင်းမုန့် : ဘာဖြစ်လို့လဲ။
ရှန်းကျူ : မင်းကရုပ်မချောဘူး။
... ဟုတ်။ကျေးဇူး... အိုး!
လင်းမုန့် : ငါတကယ်ပြောတာ။ အနာဂတ်မှာ ငါ့ကိုလက်ဆောင်တွေလာ မပေးပါနဲ့တော့။
လင်းမုန့် : ငွေကြောင့် ငါတို့ရဲ့ သူငယ်ချင်းဆက်ဆံရေးကိုမထိခိုက်ပါစေနဲ့။
ရှန်းကျူ : ဒီကိစ္စမှာ သူငယ်ချင်းဆက်ဆံရေးဆိုတာမရှိဘူး။
လင်းမုန့် : ???
လင်းမုန့် : ဘာလဲ၊ မင်းက ငါနဲ့ ဆက်နွယ်မှုအားလုံးကိုဖြတ်ပစ်ချင်တာလား။
ရှန်းကျူ : စောစောအိပ်ပါ။
ဒီစကားတွေကိုပြောပြီးတာနဲ့ ရှန်းကျူဟာ မည်သည်မျှမှ ပြန်ဖြေခြင်းမရှိတော့တာကြောငိ့ လင်းမုန့်ကို အတော်လေးစိတ်ရှုပ်သွားစေသည်။
သူကဒီအတိုင်း သူ့အတွက်နဲ့လက်ဆောင်တွေမဖြုန်းသင့်ဘူးလို့ပြောခဲ့ရုံပါ။ ဒါပေမယ့် သူငယ်ချင်းတွေဆိုရင်လည်း အဲဒါကိုလုပ်ဖို့အတွက်ခွင့်ပြုသင်ရဲ့လား။
___________________________________________
ဒီနေရာမှာလင်းမုန့်တွေးတာက သူငယ်ချင်းဆိုရင်လည်း အဲ့လိုတွေငွေဖြုန်းတာကိုခွင့်ပြုသင့်ရဲ့လားလို့ပါ။ ကိုယ်ဆိုလည်း ကိုယ့်bffတွေကိုဒီလိုသုံးခွင်ပြုနိုင်မှာမဟုတ်ဘူး🤷♀️
Translated by Yaw_Ywet_Kway.