جمر الإنتقام
للكاتبة sheikh
ولاتنسون الضغط علئ ⭐⭐⭐ ادعموني
قبل لا بدي شيخة كلتلي انو عدها عمات ثنين منن متزوجة بالكويت وعدها ولد وبنية عبدالله وطفوف وعمتي وسن متزوجة غريب بس تجي الهم عدها ثنين بنات ولد نبراس وميس ومحمد بس عمتها الي بالكويت تجي مرة كل قرن هه وتودي لشيخة ملابس وشغلات كلش حلوة وهية علئ تواصل لحد الان وية شيخة
.......................
السلام عليكم
.......................
قبل العرس باسبوعين
صباح جديد بسنة2013شهر التاسع كان وقت مدارس والجو كلش حلو لا بارد ولاحار يعني مكاسر
........................
شيخة:
كعدت الصبح علئ صوت المنبه الساعة سبعة وقت المدرسة ب 7ونص واني طبيعة نومتي خفيفة كلش قليلة بحيث اقل حركة اكعد كمت غسلت وجهي وفرشت اسناني ورجعت.
الغرفتي بدلت سدريتي وقميص ابيض ابو البف كلش حلو وشيلة( شيلة خليجية) عمتي منن دائماً تجيبلي من الكويت سدرية سودة شيلة سودة وقميص ابيض وباتة بيضة طبعاً احب التنسيق بملابسي قفلت غرفتي ونزلت الكل كاعد علئ مائدة الطعام لان وقت جدي المحدد سواء كانت مدارس أو عطلة نكعد ب 7 الصبح وطبعاً لازم نحب هذة الروتين لكيت الكل كاعدين قبلي علئ الاكل طبيعتي من اكعد الصبح مادري نفسية مادري مااحب اكول صباح الخير لاحد وجدي يكول
الجد: شيخة كولي صباح الخير
شيخة: مالي خلكة بس ارد علية أن شاء الله جدي
نرجع......
كعدت علئ الكرسي والكل مجتمع حتئ اسد اووو هذة مانفك منة كعدت وصاحت قبس..
قبس: شبي السانج بيه عضم هية صباح الخير
شيخة: مارديت عليهة لان مالي خلكهة دائماً اكو حكمة تكول
( عود نفسك علئ التجاهل ليس كل مايقال يستحق الرد )
كملنة ريوك وجدي كال باجر عدكم اجتماع اولياء الامور اسد يجي يسئل عليكم واليوم راح يكون مشرف بالمدرسة يعني يمكم بسرعة نطت
فرقد: لاجدي عليمن يجي اصلاً احنة شاطرات والله(طبعاً اكسل من عدهة ماكوو)
ال جاسر : موبكيفج يجي عليكم باجر خوووش مفهوممممم
فرقد: مفهوم جدي
اني كملت وكمت سلمت علئ ماما وطبعاً اسد يوصلنة طلعن البنات اني ضليت اخير وحدة طلعت واشوف مكاتل ع السدر منو التصعد اليكدام وهوة طلعالهن
اسد: شكووووو هنا انتن جهال انتن بس فهمني صاحح بصوت شيخوووو انتي اصعدي شافي ما مهتمة مشيت للسيارة بغرور صعدت وهنة صعدن ورة صار مكاتل ليورة هنة اربعة واني خامستهن احنا مدرستنة متوسطة واعدادية يعني مكاتل
صعدت وكتلة
اسمي الشيخة ضي وليس شيخووو فياريت متخطئ
اسد : وعليش هل غرور هذة تدرين احنا صوجنة ندلعج انتي يرادلج هاي الالقاب وبدة يعددهن واني اعد بصابعي( النفسية. الجامدة. ام خشم اليابس. المغرورة....)
كتلة كملت يلا وصلنة لان مااحب الحجي هواي بهاي الاثناء راد يحجي وصلنة لباب المدرسة هوة هم نزل للادارة لان مشرف من الجامعة مدري شنو
نزلت ماهتميت الهن نزلن مانزلن
اول مطبيت استقبلتني صديقتي ورويحتي غلا الي دائماً تخليني ابتسم هية صح سمرة والكل يتجنبهة ليكول مو بشر منبوذة يارررب الكائنات كلنة مخلوقين من طينة وحدة انيي اسميهة رويحتي شفتهة اليوم لابسة شيلة طالعة تخبل
غلا : صباح الخيررر شيخة
شيخة : صباح العافية يرويحتي شلونج
غلا : تمام شيخة الله عليج طالعة حلوة اليوم
دائماً احب الكلام الفصيح بابا من يروح لبغداد اوصيه علئ كتب فصاحة فكلتلها
(لقد رُزقتيِ بجمالاً لستُ آدركهٌ
آظنُ ربي من الآزهارِ سواكِ )
غلا : الله شيخة كلامج عبن كلش حلوة والله احبج
شيخة: وانيي بعد ...وصلنة للصف خليت الجنطة علئ رحلتي اول رحلة بالوسط وتوجهت للادارة يعني للمديرة لعبان النفس من الصبح حضور سجلات والكلان ال*** وصلت
طيف ابتسامة علئ حلكي لازم
صباح الخير ست شفتت اسد كاعد يمهة الغثة
المديرة: صباح النور شيخة عندي بس طلب منج
شيخة: بنفاذ صبر
اطلبي ست
المديرة: بس عندي ملفات فوك الوكرر جيبيهن الي
شيخة: باوعت عليهة هسة هاي مومال افشخ راسهة بهل مزهرية من صباح الله خير عدهة ملفات وجهه الفكر وين وتخلص هاي السنة وافتتك ضليت صافنة ب الدقيقتين صحاني صوت اسد يكول
اسد : احمممم شيخة ويحرك بحواجبة عود امشي جيبيهن
شيخة: اني عيوني تريد تطلع اباوع ع المديرة وعلئ اسد لحد مارحت بس هين اني الج ال***
جبت الملفات واجيت جان تكول
المديرة: شيخة مو ذني اكو بصفهن ملف ازرك
شيخة: يمكن الدرس الأول خلص بس يمهة بنفاذ صبر كلتة الله لايخليج ياهل روح الله ياخذج ياهل روح
المديرة: شيخة كلتي شي
شيخة: لامكلت شي ست وهذة كلة واسد موجود سمعني وهوة وطابك حواجبة شلون ثنين غثثثة علئ المعدة جبت الملف جان اكو كوب بي جاي ام حلك الي يلزك تشرب جاي خليت الملف وطخيت الكوب بيدي وانكلب عليهة طبعاً مديرتنة صغيرة الي يكول بكدي كامت تعيط مثل المخبلة
المديرة اسمهة اسماء
المديرة: اخخخخخخ ولج يمة نحركت
اسد: ست اسماء استدهي مابيج شي
المديرة: استاذ اسد ياتستهدي نحركتتت وتبجي
شيخة: الصراحة مانقهرت عليهة شكلهة يضحك بس من اشوف هيج اضل واكفة بسرعة رحتلهة وكومة كلنس سحبت وانطيتهة هية اخذتهة وراحت للمغاسل التفتت وراهة خليت ايد ورة ضهري وايد سويت بيهة هيج 👋 التفتت لكيت اسد يضحك
شيخة: علئ شنو الضحك
اسد: ولج كفووو والله وصدك شيخة تاخذ حكهة بنفسهة ولج انتي لبؤة
شيخة: ترة ماسويت عن قصد
اسد: بتغشمر ادري ادري وهسة اخذي السجل مالتكم وروحي
شيخة: باوعتلة بنضرات واخذت السجل وطلعت
صاير الدرس الثاني عدنة احياء كمل بشلاع الكلب ابن الكلب
دك الجرس وطلعنة نفتر اني وغلا جان تكول شيخة
غلا : شيخة هذة ابن عمج
باوعت عليه اسد انداريت عليهة
شيخة: وشسويلة
غلا : اني من عندج الزك بيه ولاعوفة عبن ابن عمي
شيخة: مادري حسيت غلا تبالغ كلتلهة حبيبي انتي صيري ثكيلة شماتكون البت ثكيلة تكون تاج وفخر لابوهة واخوتهة وعشيرتهة ومشيت
غلا : اسفة شيخة والله بس هوة حلوة وهيبة يعني مادري
شيخة يلا امشي
وهوة بعدة يفتر بالدرسة وياه واحد مدري مرشد بس بكد ابوه كلش جبير
خلصنة الدرس الوراه والوراه وصلت الدرس الخامس اجت بنية
البنية: ضي تريدج المديرة
شيخة : تمام طلعت لكيت بنات عمي ومجموعتهن واكفات ع جهة كلتلهن خير كالن لا كلشي ماكو رحت للمديرة كالت بس السجل نطيتة الهة وطلعت وصلت للممر احنا مدرستنة كلش جبيرة بيهة ممرات هواية واشوف قبس وفرقد وناز يم اسد وهوة احسة متضايق وطابك حواجبة ويحجي وياهن بعصبية وهنة وصديقاتهن اني مشيت ماهتميت بس وقفني صوت قبس وهية تكول
......
قبس: شيخة شوفي اسد بعد شوية راح يدخل لصفنة
تقدمت عليهة وكلتلهة اولا احنا بمدرسة مو مال اسد وسوالف الواكة هاي اسمة استاذ اسد عود بالبيت صيحيلة اي شي عدلي حجيج ثانياً واذا دخل لصفج علئ شنو هل ابتسامة الشاكة الحلك من الطول للطول الي يكول داخل نيوتن موكع التفاح بابة فكينة باوعت لكيتهة واكف شوية وراح هية ضلت صافنة واني مشيت وهية صاحت
شيخووو اني الج
خيبة دطيري
كمل اليوم بالمدرسة ورجعنة للبيت الاكل ينصب من نحلل وننزل نزلنة كلنة ب1وجدي رأس العكرب قصدي راس الكعدة صبو الاكل بس الخبز تاخر صاحت فرقد
فرقد: بصوت ام عيسئ وين الخبززز جدي هاي مو خوش خدامة جيبلنة غيرهة
ذبيت الخاشوكة بالماعون يمكن الماعون نكسر وجليت صوتي
كومي جيبي انتي الخبز
فرقد: شنو شيخة اني اجيب الخبز
شيخة: ي انتي كومي واذا ماكمتي وغمزتلهة وكلت بصوت عالي عمي هاي فرقد
فرقد: ي كايمة كايمة
عمي كال شنو بوية شمسوية فرقد كتلة لاهيج سالفة دراسة كال اهااا خا خوش
خلص وكت وصعدنة طبيعتي انام الضهر كلة وباليل اقرة واضل اشرب بهل كهوة وارجع ليوة باجر اجتماع وشي اكيد ماعدنة بس الدسين الاولئ
باليوم الثاني الي هوة يوم الخميس نفس الصباح بس شنو كشخت اني اليوم الكشافة
وصلت للمدرسة وكانت ماكو دروس تسخت اجت الساعة 10 كلهة الناس التمت طبعاً بالساحة والرحلات اجة اسد وامي فرحت من اجت رحتلهة لان اول مرة تجيلي للمدرسة
شيخة: هلا ماما جاية علية
الام: لا بس خالتج شوي مريضة واجيت لان كل سنة هية تجي وكلت اسئل ع بناتهة
شيخة: عفتهة ومشيت هية هاي امي
صار الاجتماع وطبعاً لازم قاري قران هاي من طقوس اجتماع اولياء الامور وهم راحة نفسية
صرت بالكشافة واني ارفع العلم هوة العلم قديم صارلة شكد درت وجهي واشوف المديرة تاشر انو بوسي بوسي اني بسرعة رفعتة ورحت يم امي كعدت وامي مخلية بنات اختههة يمهة ماتكول هاي بتي كعدت جان تكول مياسة
شفتي المديرة شلون تاشر عليج بوسي العلم والله لو اكلهة هية ايد جدي ماتبوسهة الة تلطم بالمكلوب
شيخة 》ضليت ساكتة احنة رحلات وحدة ورة الثانية ف اسد صاير قبلنة واحنة وراه وهوة هم استدعتة المديرة وكام يشرح ويععع وطول بالحجي نوب المديرة تحجي علئ الحمامات وعلئ النظافة كلت هجم بيتج يم الكمل طلعت نضيفة بسرعة التفت علية اسد وخزرني عود اسكتي خب كووم
شوي وصاحتني ست منيرة ام العربي كمت ورحتلهة خلت ايدها علئ جتفي وهاي اكثر شغلة اكرهة شنو تجوة خومو تجوة كالتلي شيخة فدوة القصيدة مالت الخميس الفات اقريهة صعدت وصوتي يخبل كلة بالكسرات القصيدة لعنترة بن شداد
يا أَيُّها المَلِكُ الَّذي راحاتُهُ
قامَت مَقامَ الغَيثِ في أَزمانِهِ
يا قِبلَةَ القُصّادِ يا تاجَ العُلا
يا بَدرَ هَذا العَصرِ في كيوانِهِ
يا مُخجِلاً نَوءَ السَماءِ بِجودِهِ
يا مُنقِذَ المَحزونِ مِن أَحزانِهِ
يا ساكِنينَ دِيارَ عَبسٍ إِنَّني
لاقَيتُ مِن كِسرى وَمِن إِحسانِهِ
ما لَيسَ يوصَفُ أَو يُقَدَّرُ أَو يَفي
أَوصافَهُ أَحَدٌ بِوَصفِ لِسانِهِ
مَلِكٌ حَوى رُتَبَ المَعالي كُلَّه
بِسُمُوِّ مَجدٍ حَلَّ في إيوانِهِ
مَولىً بِهِ شَرُفَ الزَمانُ وَأَهلُهُ
وَالدَهرُ نالَ الفَخرَ مِن تيجانِهِ
وَإِذا سَطا خافَ الأَنامَ جَميعُهُم
مِن بَأسِهِ وَاللَيثُ عِندَ عِيانِهِ
المُظهِرُ الإِنصافَ في أَيّامِهِ
بِخِصالِهِ وَالعَدلَ في بُلدانِهِ
أَمسَيتُ في رَبعٍ خَصيبٍ عِندَهُ
مُتَنَزِّهاً فيهِ وَفي بُستانِهِ
وَنَظَرتُ بِركَتَهُ تَفيضُ وَماؤُه
يَحكي مَواهِبَهُ وَجودَ بَنانِهِ
في مَربَعٍ جَمَعَ الرَبيعَ بِرَبعِهِ
مِن كُلِّ فَنٍّ لاحَ في أَفنانِهِ
وَطُيورُهُ مِن كُلِّ نَوعٍ أَنشَدَت
جَهراً بِأَنَّ الدَهرَ طَوعُ عِنانِهِ
مَلِكٌ إِذا ما جالَ في يَومِ اللِق
وَقَفَ العَدُوُّ مُحَيَّراً في شانِهِ
وَالنَصرُ مِن جُلَسائِهِ دونَ الوَرى
وَالسَعدُ وَالإِقبالُ مِن أَعوانِهِ
فَلَأَشكُرَنَّ صَنيعَهُ بَينَ المَل
وَأُطاعِنُ الفُرسانَ في مَيدانِهِ
خلص الاجتماع وكلمن طش امي راحت قبلنة للبيت وبقيت بس اني والبنات واسد يرجعنة
طلعت للساحة وكعدت ع اول رحلة والبنات قبس وخواتهة وشلتهم وراي يعني بعيدة وخرت الدنبوس من الشال وجنت لابسة نضارات بيهة فيكة تخبل بابا اشتراهة الي من راح لبغداد شوي وصاحت قبس وهية صاعدة فوك الرحلة
قبس: بصياح ياااابنات جااااماتدرن ابو شيخخخخخة وامهة منفصلين لان مصار عدهم بس هاي الفكررر الك*** .الس**** وكرفت اخوهة وامهة صارت ماتجيب جهال وطلكاهة عمي والبنات اليمهة يصيحن يااااا خطية
شيخة: اني سمعت هيج لو جني ركبني مادري صرت يمهة وجريتهة من شالهة وركعتهة بوكس ع وجهة خشمهة كام يطفر دم مادري يمكن نكسر هية مقارنة بجسمي اني جسمي حلو مرتب هية جنهة عصفور سيان ضعيفة مادري شلون جرت حجابي وانفل شعري بسرعة واحد خلة سترة علئ راسي واني اريد ارجع عليهة وهوة صاح
اسد: اني الجن اذا ماطلعت كلب بصف كلبجن ماطلع اني اسد شمر علية الحجاب وكال ي خوش خوش مدرسة مال دعارة هنا عرك ومشاكل والشعر محلول احنا مدرستنة الساحة مالتهة مكشوفة يعني نشوف البيوت شاف قبس مدماية كال
اسد: ولج شسويتي هاااااا
شيخة: اني بس صافنة بهيج اشياء ودم ابقئ جامدة اجت ماسة عليه هزتني كالت احجي ولج شبيج عوجت بحلكي بمعنة مابيه شي
بسرعة كومنهة اخواتهة رحنة للسيارة بس طلع جرح بسيط يعني اني ماكاسرتة صعدت وضل اسد حتئ يكفر استغفر الله ساعة يكول انتن مومال مدرسة ساعة يكول الة اربيجن وهية بس تبجي كلتلهة
شيخة: ولججج شوفي هلمرة هيج بسيط واذا بعد عدتيهة الة اكسرج
اسد : بصياح شنووووو انتي متحترمي مو كاعدين احنة شنو هذة لسلوبج مواحجيييي وياج راد يضربني بس جدي محذرة كم مرة ضربتي واني ولا دمعة تطيح من عندي يكول ولج انتي شكد عينج قوية لحد ماجدي كلة والله بعد اتبرة منك جئت ابوه ابوي مايدري لان ماجنت اكله ضل يسب ويصيح وحتئ يكفر
شيخة: عفتة يمسلت لحد ماخلص وصلنة للبيت والكل كاعد منتضر امها شافتها ركضت عليهة يمة بتي يمة بتي وعمي ولج بوية احجو شبيهة بنتي التفت علية اسد
اسد: احجييييي متحجين انلصمتي مو جان صوتح يلعلع اجة يلزمني من شعري جدي عاط بية اسددددددددد
شيخة: برائة دائماً من اسوي مصيبة احجي برائة حجيتلهم كلشي حتة الغلط جاي كال
ال جاسر: اوي جدي بعد ايدج تعال خل ابوسج جا ماكسرتي راسهة هل ادبسززز
الكل حتئ امي بس ابوها وخالتي بقو ساكتين 》اي شجعهة شجعهة اني مارديت عليهة الله باجر جمعة بويةةة اني كل خميس اتفرغ لغرفتي اغير شكلهة اعزلهة ولو هية نضيفة بس مااحب مانضفهة نضفتهة باليل الكل نايم نزلت علئ اطراف اصابعي الساعة ب 10 الكل بهيج وقت بغرفتة نزلت بالمطبخ واشوف اسد يدخن عفتة ورحت اخذت زاهي وقاصر وصابون سائل وجفوف وحتئ جلافة وصطل جان يدخن بس احسة صافن علية كال
اسد: المن ذني
شيخة 》اغسل بيهن
اسد 》شتغسلين
شيخة 》غرفتي ليش
اسد 》وبهيج وقت بوية انتي صاحية مخبلة
شيخة 》لا صاحية بس اكرمنة بسكوتك راح تكعد الناس اني حجيت هيج هذة نط
اسد》لزمتها من زندها منو الي يكرمج بسكوتة اسمعيني عدل والله موتج تصير علئ ايد فامشي عدل وياي شيخووو
شيخة 》أن شاء الله بس اترك أيدي لان الوقت خلص نريد ننطمر عفتة يصيح مخبلة والله مخبلة
صعدت جلفت غرفتي جلف سويتها تلمع وجان اكو جلاد جلدت بي الباب لان بابي خشب فصار يخبل الباب انطة روعة لغرفتي خلصت كمت طلعتلي دشداشة سودة موكلش قصيرة وربع ردن تكون مخصرة ومن جوة كلوش تخبل سبحت ونشفت شعري بالشسوار وسرحتة والعطور والدهون ولفلفت روحي ونمت ماحسيت الة ماي ترس اذني واني نايمة اباوع هاي قبس بيدهة صطل مالت مي دارتة علية واني صرخت تعاييييييي حقيررررررة ركضت وراهة مااهتميت شنو لابسة وشعري مفتوح هية بسرعة نزلت جان موجود بش اسد وامي وخالتي وامي اسد هية بسرعة لبدت ورة اسد تكلة حباب لاتخليهة تكرب صوبي صحت
يمةةةةة ترة طوختهة هاي احجي بانفعال واحسهم نضراتهم استغراب وكملت كلامي ترةةةة مليت طلعت روحي الة اموتهة هاي وكعدت بالكاع يييمة والله البارحة باليل غسلت غرفتي والله يمة وعدلتهة يمة والله نضفتهة
الام 》يمة اسم الله شبيج خاف حلمانة
شيخة 》 يمة ياحلمانة هاي دارت المي علئ وجهي يمة يعني خمخم فراشي
ام اسد 》يمة حبيبتي خل تولي يمة اذا تردين اني انضفهة الج بس اهدي
اسد 》ليش قبس مسوية هيج هاااا احجيي
قبس 》كامت تمتمت
كمت علئ حيلي كتلهة بس تدري احس غرفتي نكسة جي دخلتلهة اروح ارتبهة احسنلي تقدمت علئ امي كتلهة انتي نطيتيهة المفتاح جيبي انطتني ياه ردت اطلع صاح اسد
بصوت حاد هذا البس ماتلبسينهة بعد فتهمتييي
انتبهت علئ روحي واني الله صعدت فوك ونضفتهة من جديد وعرفت بيومها انو جدي وابوية وعمو اوس راحو لبغداد مادري عدهم طلابة مدري شنو غسلت الغرفة وبدلت ونزلت كلهة صافنة علية خيرررر ياطير مامسوية شي والله احجي بكلبي شو ذولي طكوهة ضحكة اني ستغربت شبيهم صدك لوكالو لاتكبر كبارهم ولاتصغر اصغارهم نحمد الله جالوتشوفون اسد والله اضرب مني بالتنضيف والتدقيق اوووو
مر اليوم عادي نزلت يوم الاحد دنية ليل للمطبخ واسمع اسد يكل لامه
اسدد 》 يمة طلبتهة من ابوفاضل(ع)
امه تكله أن شاءالله تكون الك وليدي
دخلت للمطبخ سويت احممممم همة حسو بية سمعت اخذت بطل مي لان ثلاجتي مابيهة فرغت صعدت للغرفة واسمع اغاني وافتر بالغرفة جان عندي متحان كيمياء اني قاريتة بس اراجعة اركص وية الغنية وفرحانة مادري التفتت جان اشوف اسد واكف يممممة
اسد 》ي كملي خاتون والله ركصح حلو
شيخة 》انتة شلون دخلت الغرفتي
اسد 》انتي هيووو الباب جان مفتوح بلة شافج احد وبعدين موعندج امتحان باجر خاف تغشين هااا ولج
شيخة برود 》اولاً محد يشوفني ثانياً اكول انتة مو عندك بيت متروح ثالثاً ي اغش شتريد
اسد بعصبية 》لامتسوينهة علمود احش رجليج
شيخة 》أن شاء الله راح واني نزلت الساعة ب2 اقرة وبيدي الكهوة مالتي والغلاية مريت ع غرفة جدي شفتة يصلي رحت للمطبخ لان يمي الثلاجة فتحت الضوة وبديت اقرة واباوع للساعة شفتهة بال4 دخل اسد شافني واجة ولج شلون تنزلين هيج جنت رافعة شعري ذيل حصان ولابسة دشداشة لون احمر مشجرة بورد اخضر بس قصيرة نص ردن اجة ضغط ع ايدي وكال انبلع لسانج بلة شافج احد وكام يستغفر اخر شي كال شتسوين كاعدة لهسة كتلة مكاعد تشوف جاي اغش ااوووو جاي اقرة
كال وهوة يسحب كرسي وكعد يمي صبيلي كهوة شرب الكهوة وكال ولج كهوتج طيبة خاف خامطتهة من المضيف وضحك باوعتلة كتلهة أبشرك مومن النوع الي يخمط واني صدك خمطتهة من المضيف هه هه وكال اهاا تقرين زين ماساليني عليهة اعرفج سمعتيني اني وامي
شيخة 》مااحب اكون فضولية
اسد 》كوني فضولية وياي لاول مرة
شيخة》 بنفاذ صبر طبكت الكتاب وباوعت عليه كتلة احجي
اسد 》من كالتلي احجي واني يمهة هيج بدي اكلهة والله كتلهة انتي اسئلي واني اجاوبح هية عفست وجهة اعرف متريد تصير فضولية بس لازم تعرف اول سوال كالتة هوة
شيخة : تحبهة؟
اسد : واكثر من روحي احسهة الهوة اموت بيهة اموت برائتهة بوكاحتهة بلطافتهة رغم هية حتئ ماتبتسم جامدة ي احبهة بنيتي وحمامة كلبي هاي
شيخة : علئ كيفك علئ كيفك ي شسمهة؟
اسد : اسمهة ضي
شيخة: بس هذة اسمي
اسد : بس انتي اسمج ضي كالت شنو اسم بنت لو ولد تسميه كتلهة اسمي البت علئ اسمها والولد اسميه زين هي استغربت كالت اها خوش لعد أن شاء الله يتمم علئ خير كتلهة بس هية خل توافق وكلشي ماريد والله اذا ماقبلت اخذهة غصب
شيخة : مو كلشي غصب سايسهة اشو انتة معايزك شي رجال ودكتور وشيخ
اسد : هسة اني خلصت وانتي
شيخة : اني شنو
اسد : هم حبيتي باوعت علية اخ يانضراتهة وكالت اني عدي الكيمياء اصعب من حياتي تريدني التهي بسوالف مالت الزعاطيط متهمني الي يهمني مستقبلي فرحت كتلهة خوش بس قبل لاتكومين نريد ابوذية مالت فراك ابتسمت وحجت
شيخة 》هذة شبي اليوم بس يباوع اكول وجهي خاف بي شي نوب طلب ابوذية مال فراك كتلهة خلهة
يلايم لاتلوم الروح....خلهة
عساها تموت من فركاك....خلهة
لزم ايدي الطبيب وكلت....خلها
المرض بالكلب جاشلك بدددية
اسد:: الله الله الله
شيخة : الله علئ اصلك يابن العم بس حجيت هيج هوة يتسم كتلة علئ شنو هل بتسامة كال
اسد : حجيج بلسم
شيخة : يبلسم جروحك يالطيب
اسد : والله جد أحب حجيج اهنيج جي جدي اختارلج اسم شيخة بالفعل شيخة ولبؤة هم تقربت منها وكلتلهة انتي لاسد وبس هية كامت مثل المصدومة وكالت تصبح ع خير والله واحلئ صباح من صبحت بوجهج