رايفتلكم احلا متابعين😍😍😍 وينكم ي عيت اميري تعاالو اثبتي روحك ي اميرتي ب تعليقك + تصويت+ متابعه ❤🙏
ملاحظه الحلقه 13 واتيه بس ع تفاعلكم وروني وينه التفاعل النهايه مافي اي احد يتوقعها نهايه غريبه لجميع لابطال ومنها حزينه ؟!
وسؤال يقعد هل حليمه والشبح كملو مؤمراتهم او لا؟ ولا مزال في شي اكبر ح يسير ف حياة الايتام 💔
ياريت الي يشوفها يعلق بنقيم التفاعل ❤
واخبطي نجمه ف طريقك😉🙏
.
.
.
تعالو نبدو الرواية🏃♀️🏃♀️🏃♀️😍يلاااا
.
.
.
رواية اميري للكاتبه Soka ae الجزء الثاني الحلقه 12 ❤️
.
.
.
في منزل أهل أمير ...
البنات طلعن لي رهف ❤️
رواسي: دقت ماسمعت صوت!
فتحت وخشن وكان الصدمه مافي حد ف الغرفه!!!
رواسي: معقوله وينها
اسيا& ريما اكيده هنا ولا هنا 🙁
أمير: خش رهففف ......
آسيا: حي البنت وينها معقوله هربت 😨
رواسي:صوت أمير خشو لداخل بسرعه نشوفوها وينها!!
امير: اف النم نسيت نجيب الفستان لي رهف من السياره
(اليوم يوم مميز عند بنيتي) ❤️
الكاتبه: رد أمير للسياره وقفه جارهم يحكي معاه 🔥
آسيا: ياربي معقوله هبله وإديرها هربت حي ياريتنا ماجينا توا يقولو منا😭
ريما: اسكتي الزفت كنك انتي تفائلي خير (رن تلفونها 🔥) والتفتت تبي تشوف الاسم وتشوف يد 😨
اه يد
ريما: بنااات هذي هذي
اسيا: شن فيك انتي التانيه اتأتي😒🔥
ريما: ر ر هف!!
.
.
.
عند أيمن ورشا
رشا: رقدت بصعوبه ونضت ع الحمام (حشاكم نستفرغ) 🔥😭🙆♀️
أيمن واقف قدام الحمام
أيمن: كويسه حبي!
رشا:اه كويسه حبيبي ندوش ونطلع أطمن خلاص💔
أيمن: يارب حلها من عندك ي رب 💔
دوشت رشا وطلعت
مسكت موبايلها ودزت رساله ل شبح
مكتوب فيها
( لازم إنتلاقو ونصفو كل الحسابات 💔😔🔥😡..)
جاء رد الشبح
الشبح: هه😏 تي قريب ح تشوفيني جنبك وأقربلك من انفاسك ي رشا 😈 وح يصفو الحسابات بجد وقتها ؟
رشا: شنن قصدده هذا؟
كيف يكون قريب هذي ؟
ايمن: رشا؟ كنك تحكي مع روحك😂اهدي ي قلبي عارف المراه الحامل ديما هكي حاجة هرمونات وهكي 😅
رشا: أيمن 😒 أنوريك الهرمونات ع أصولهن
أيمن : لا😑
رشا: 😂هيا حبيبي وقت مزالو نبي محل نشري خمار 😔ونشوفهن خواتي ❤
أيمن: أششش انا معاك ماتخافي من شي ! ❤️
هيا طالع نولع السياره وتي روحك ي قلبي انا
رشا: اكتفت ب نظره بس🔥
.
.
.
.
عند حليمه
حليمه: هه والله والحوش فضا عليك ي حلومه بس منبيش يسيبوني انا نبيهم يموتو منبيش ذريته حيه 😡 جرحتني ي محمد عزقتني ب دم بارد
واتصلت بالهاتف ع صندوق اسرارها اختها ام اسكندر
ام اسكند: هلا بالغاليه
حليمه: نتصل بيك لما نضعف ؟
ام اسكندر: خربتي كل شي بي إنتقامك وحبك للفلوس بعد صغارك عنك 🖐️
حليمه: مش صغاري قلنا مش صغارررري هما عياله هو ذريه الفاسده متاعه افهمي وقت كنت نحبه نعشقه حب مريم ووقت رفضوه هلها جاني انا ليش خششني حياته وبعد أبسط عركه يمشي يجوزها هيا 😈وحياتك مزاللل قتلتها وشوفتها اتعذب قدامي وحياتك مزال مافشيت غلي انا مزال مزال خدته وخديت روحها وهو توا هههههههههههه
ام اسكندر: وين محمد ي حليمه صلحي غلطك الي درتيه من 10 سنين شن درتيلا 💔🔥
حليمه: هه محمد خفيته انا 😈🔥😏مايعلم بيه غير الي خلقه توا
ام اسكندر بتأنيب ضمير: اختي حرام عليك بعدتيهم عن امهم وبوهم وع ورثهم وبعدتي حتي صغارك عليك ليش اديري هكي سادك خششتي ولدي معاك وف افعالك اسكندر قعد شخص ثاني خليته يبعد ع رواسي وانتي عارفه الحب واعر اجبرتيه ع رشا وبنتك الله اعلم ميته حيه حسبي الله ونعمه الوكيل فيك😭
حليمه: 😏اتصلت نبي نقولك حاجه وحده خليهم يبعدو الانتقام الكبير من ذريت محمد قريب وانتي عارفه شنو 😈
ام اسكندر اذكرت اختها شن كانت مخططه😨: اختي انتي تغلطي مديريش هكي لاءء حرااام عليك وقفي
حليمه: سلام توا هههه😏😈
ام اسكندر: يارب يارب استرنا ي رب 😨
.
.
.
.
عند أهل أمير...
ريما: هذي ه هذي رهف؟ طايحه 😨
رواسي: رهف كانت طايحه مغمي عليها
اسيا&ريما& رواسي جرو عليها
رواسي: حيي ي ربي هاتي اميه وبدت اتبخ ع وجه رهف 😨
رهف: بديت نفتح ف عيوني لقيت بنات خالتي وانا طايحه !
حاولت نصبي مقدرتش اااه راسي
رواسي: هاكي اشربي كويسه خوفتينا 😔🔥
رهف: بكيت وحضنتها مافي حد يعلم قد شنو مجروحه ي هوو ااااه بنعيط
رواسي: عارفه صعب نفس موقفك انحطيت فيه من قبل!
خليك قويه 💔
رهف: سمعت كلامها صبيت وقررت نوقف وحتي لو احمد رجعلي وناويلي الشر ح يشوف وجهي الثاني 💔
اسيا: ههه تعاليلي توا 💕😍
امير: دق دق
رواسي فتحت الباب 😍
امير: عض ع شاربه
رواسي:😳 ك كنك اامير
امير: هدا الفستان ل بنيتي خليها تلبسه اليوم
رواسي: باه حطه لوطا واطلع😑
امير: 😂😏واه مسكتك
رواسي: اميرررر😑😳😭 قلبي حول
امير: طبع بوسه ع خدها 😏نسمع ف صوت دقات قلبك من هنا مزال متحبينيش 😏🔥
رواسي:😒😏 اه نحبكش انا و ف عقلها(انموت فيك😍 ) 😛وبعدت طول وخدت الفستان وسكرت الباب😂
امير: 😳 ممعقوله نقعد نتوهم وطلع وهو يحكي مع روحه شافه خالد 😂
الي مهبلته اسيا يرن وديرلا ف مشغول 😡
خالد: امير ممكن سؤال توا انا بنات كلهن مكبدات فيا عمري مارنيت ع وحده ولا وحلت ف وحده معقوله فرخه هذي كبرها تهبلني😡
امير: 😒تي هبلتني حتنا انا متبيش تقدر عليك انت الدم واحد للاسف❤️
خالد: انا طالعلها توا وخالق الراس قاطعه 😡
امير: 😂تضربك ي بلبول وترد كيف الشاطر
خالد: حيعلما امته شفتني😳
امير: 😎تي الاستخبارات انا ي كبدي مش صعبه عليا
خالد: 🙂 اوبه زعمك عارف باقي فلايطي نستأذن انا بنخش ماشي 🙂
امير: 😂 امشي خش ههه
.
.
.
لبست رهف وكانت طالعه أميره
وجو اهل احمد يخبطو وعجبتهم رهف وتفاصيلها وجسمها طار عقلهم فيها
ام احمد: انا نقنا نبي الفرح بعد اسبوعين ولدي حوشه واتي وبعمله ومانبي شي غير تجيب دبشها وتنورني كنتي😍
رهف: لاء أسبوعين ونقعد مع المتوحش هذاك اخ ي ربي 😥
ام امير: انتي عارفه شور الرجاله ي وخيتي حتنا يناسبني مانلقو كيف وليدك محترم واخلاق ربي يحفظه لكي ي رب ❤️
ام احمد: معناته اتفقنا وانا جايبه الدبل معيا وتخش ع احمد وتعجبه انشاءلله يلبسها دبلتها بس قبل ي عروس عندك شروط خاطرك ف حاجه موافقه
رهف: لا ي عمتي نبي سلامتك 💔
م م م م م م م موافقه😥
عند الرجاله تكلم احمد مع اب امير وخوتها والكل وافق وقرو الفاتحه واتفقو ع نفس الموعد الي قالت عليه أمه ❤️
احمد ساكت
اب امير: ي ولد امشي كلم اختك خليها تقابل احمد وتشوفه
وطلع امير كلم اخته رهف رهف تعالي
رهف بتوتر : جيتك 😥
امير: رهوفتي بنيتي موافقه انتي متأكده تعرفيه احمد انتي صح
رهف: استجمعت قوتي موافقه خيي ❤️
امير: بفرحه باه تعالي هي ❤️
احمد: خشت وزادت ولعت قلبي ب جمالها ومشيتها رد حبها جوه قلبي وهو اصلا مطلعش منه جيتك ي رهف نوفي بوعدي لكي وعدتك اخخخ ي روحي انا مشتاقلك 💔
رهف: خشيت شفته واقف قدامي وفرد طوله كان وقت تشوفوه مغرور انسان قوي وجبار ومتوحش زياده 💔 زدت توترت لما امير طلع وبابا حكا معنا وسيبني بروحي معاه ياتري شن اول كلمه يبي يقولها هل بي اقولي انحبك زي زمان هه انا هبله بس بياخدني يكفر ع ذنبه😒😔
أحمد: انحبك💔
رهف: 😳
احمد: انحبك وعمري مانسيتك ي رهف نحبك بجنون كل يوم نشوف ف صورك كل يوم انتي حظرتيني قطعتي اي تواصل بيني وبينك 💔
رهف: اتحبني الي يحب مايتخلاش ي احمد راه الي يحب مايخليش حبيبه ف خوف 4 سنوات ي احمد مش شويا!!!!
احمد: اول مره نشوفها منهاره هكي ،رهف تقدري تسكتي شويا اه حضنتك اسسسس مزال تهدي ف حضني زي قبل 🔥 اسسس
رهف: نكرهك بعدت عليا ي حمادي خليتني بروحي 😭
احمد: خلاص انا رديتلك اسسسس معش نسيبك بروحك نحبك ي رهف نعشقككك
رهف: (مقدرتش انقاوم قلبي نار ع حضنه ي هو حبيبي مقدرتش ننساه مقدرتش نقسي عليه اكتر من هكي 😥 ) انحبك ي حمادي كيف قبل كيف توا حبك مانقصش في قلبي جربت ننساك ونحب غيرك بس لا مقدرتش كنت الاول ف قلبي 💔
احمد: اسسس الفتره الي كنت غايب فيها انسيها خلاص 🖐️
وسمعو صوت الباب
ام احمد يي فرحونا عاد 😂😍 لبسها الدبله ي وليدي
احمد : هاتي يدك وخشت ام امير
لبس الدبله ف يد رهف واسيا والبنات مصبيات يشوفو من بعيد
اسيا: لولولولولوليييييييي😍🖐️وجابت دربوكه وبدت فيها وجت أية معاهن وجو العرب الي يبارك والي يحمد ع سلامة رواسي ❤️
خالد: وراس امي الا هيا الي زغرتت هي 😒🔥ساهل بس اصبري
الكاتبه: معلومه يا متابعين:
(#بيان رهف كان بسيط لدرجه مستحيل اتوقعوها كانو الجيران والاقارب معزومين بس وكان حلو و مليان حب مش كيف وقت توا كل شي بدا بالتفشيك والناس نست انه الحاجه البسيطه اجمل وارقى❤️) عن نفسي تلبيستي كانت بسيطه كانو الي يحبونا موجودين وفرحانين الكل وكان بسيط الحمدالله مع انسان نحمد ربي عليه كل دقيقه ربي يجمع كل وحده ب حلالها ويجبر ب خاطرهم❤️...
عوده للرواية 😂 مزال الحلقه الجايه نحكيلكم ع الفرح 😁
وبدو البنات يوزعو امير شاف سيارات أيمن جايه
حاول يخشش رشا من الباب الخلفي
رشا: شكرا امير 💔
امير: اختي راك خشي
رشا: خشيت وانا قلبي خلاص قابلتني ريما
ريما : تفضلي تفضلي ❤️
رشا: قرده 💔
ريما: رشااااا😳💔اختي تعالي كويسه و وووو 😭
رشا: اس مش وقت بكاء تعالي نمشو مكان فاضي وكلميلي اسيا ورواسي بسرعه الله اعلم بنشوفكم تاني او لا
ريما: لالا اختي لا خليك معانا 😭 تعالي خش للغرفه اهيا توا نكلمهم ونجي
مشت ريما تنادي عليهم
رواسي&اسيا تي مزال بنقدمو للعرب كنك انتي
ريما،: خشن هيا
رواسي: خشت 😨انتي رشااااا😭💔 حيه اختي
اسيا: ؟ شن كيف جيتي 😳
رشا: تعالو فحضني بس ونحكيلكم ع كل شي 😭رواسي اسفه ع كل شي ظلمتك واذيتك سامحيني انا ااي التعب عليا انا كنت المقصوده وانتو مجرد طعم ليا 💔 انا تأذيت والشبح اغتصبني وخدا كليتي مني وباعها خفت انموت ومانشوفكن سامحوني
رواسي: حضنتها ماعمرنا كرهناك ي اختي ابداااا كنتي ديما اختنا الكبيره 😭مكرهتكش ي رشا انا..
الشبح هو بروحه بيأذيني انا حتي شكله من كتر الخوف مش مذكرته😭 حاسه بيكي اختي
رشا: حتي انا ماشفته 💔 الشبح خلاني نعترف اني هربت غصب عني
اسيا: ماشكينا فيكي نحنا كلنا حسينا انك مغصوبه قلتلكم انا😭
رشا: امي ورا كل شي 💔 امي السبب
ريما: هذي شيطان مش ام
رشا:اسفه بجد اذيتكن اسفه انا قاعده مع ايمن هو يحبني وبيجوزني بس ينحلن كل المشاكل بنات طلع راجل صبا معيا وانقذني وحتي هو اذيته 💔
امير هو خطط لكل شي وحتي لجيتي هنا
رواسي:(🔥🖐️❤️😍اميررر )
رشا: امير يحبك ي رواسي ماتتخلي عليه 🔥
ردبالكم من ارواحكن انتن ماليكن غير بعضكن فاهمات معش ترجعن عند حليمه الحق يرد لي اصحابه ورن تلفونها ونزلو دموعها مع الرنه لان عرفاته وقت افراق خواتها 💔 انا لازم نطلع توا انحبكن نتلاقو ع خير ❤️
رواسي: رشا رديلنا فاهمه متخافيش علينا بس افطني من الشبح مزال نبوك ماشبعنا منك 😭
ريما&ا سيا : خليكي معانا 😔
رشا: وجودي خطر عليكن بس نتمنا نرد نعوضكن ع كل شي سامحوني بس 🔥
رواسي: بطلي قلنا سامحناك واصلا مزعلنا منك بس ديري بالك ع روحك نرجو فيك فاهمه🖐️
رشا: ادعولي بس
رواسي :ربي معاك يا اختي 💔
طلعت رشا وكانت منهاره حاسه بشي غريب وهيا طالعه تشوف أيمن مصبي جنيه فيصل &وفراس
قلبها وجعها 💔💔😭
وخشت بسرعه للسياره وقعدت تبكي وتضرب ف روحها وأيمن يهدي فيها بس استمرت رشا بالبكاء ي ايمن خربت كل شي انا ي ايمن خوتي الي كنت ديما معاهم توا نهرب منهم ااااه ي ربي ااااه
ايمن: مشا للبحر ونزلها بالقوه عيطي وابكي مافي حد يسمع فيك بس ف النهايه ماليك غير حضني ي رشا 🖐️💔 ديري الي تبيه ي رشا هياااا
رشا:جريت ع حضنه وبس ااااه انت الي ليا ي ايمن ااااخ انحبككككك وكان صوتها عالللي لدرجه اي حد يسمعها انحبكككك ي ايمن اخ ي ربي ساعدنااا اااااه😭
وكان ايمن يتقطع من جوه ويحرق بس كان قوي لان حبيبته ضعيفه🖐️
اسس تعاليي قمعزي معيا واحكيلي شن صار معاك؟؟
.
.
.
.
في مكان عند الشبح...
الشبح: اصبرو خلوني انرن ع الي ديما تسأل عليا وديما في تعليقاتها متأكده انها تعرفني!!
ترن ترن ترن 📞📞
Awisha1988: الو ايوا منو
الشبح: هع أنا دايره روحك عرفتيني من بداية الروايه تي انا الشبح ما حد يتوقعني 😎
Awisha1988: معلش من أنت شكلك غالط؟؟
الشبح: هه 😒 مش غالط انتي من متابعة الكاتبه soka ae واتبعي في رواية أميري أنا الشبح الي مدوخكم كلكم ف الرواية!!
Awisha1988: يا ماما شن تبي وكيف عرفت رقمي لا لا اصلا انت وهمي وهذي رواية صح!!
الشبح: انا مفاجأة الرواية والكل ح ينصدم فيا انا منو وأولهم انتي وللعلم أنا أقرب واحد للأبطال في الرواية هع 😎
Awisha1988: يا ماما شن تبي مني باهي؟؟
الشبح: ما نبي شي الكاتبه قالتلي نحكي معاك عشان تفاعلك ع الرواية وانك أبرز المتفاعلات استمري واكيد ح يتصلو بيك أبطال اخري من روايات القادمه للكاتبه والكلام للجميع 🌹🌹
الكاتبه: الشبح انا قتلك كلمها مش تفجع البنت ههههههه عيوش Awisha1988 معلش خيتي توقعتش يكلمك هكي هيا قدامي يا قرد خش للرواية 😁😁
الشبح : هيا خاش ما ادفيش بس 😁😂
Awisha1988: والله الا انتي كاتبه مجنونه فجعتيني عن شكلك موفقه خيتي روايتك حلوه الصراحه استمري وجمهورك كله وراك ❤❤
الكاتبه: ربي يحفظك خيتي ونعتذر هالفتره الي فاتت علي قلة التنزيل ظروف وشهر عسل وهكي انفشك هاه😁😂 بس الايام الجايه باقي الروايه وروايات اخري ح تعجبكم ان شاء الله 🌹🌹 بدعمكم نستمر ❤
.
.
منزل اهل امير...
اسيا: كانت مضايقه وطلعت اتمشي ف الجنان 😔
خالد: جا من وراها والله وطحتي وماحد سما عليك نيهاهاها😂💔
اسيا توسعو عيونها واذكرت وعد خالد ليها :😳 خالد بطل وجت تجري مسكها من يدها 😂😡
خالد: ي حيوانه لما نرن تردي فاهمه 😡
اسيا:مش راده بجوي 😒 هو هكي والله 😛
خالد : ب شنو ؟
اسيا،: ب ...
قبل ماتكمل كلامها سكتها خالد ب بوسه ع ...🔥😏
خالد:لما نرن تردي فاهمه 🔥
اسيا: هاه 😳
خالد:انحبك شطورتي هي 😍😂
اسيا :ي حيوان شن درت والله نحرش خالتي 😭🔥
خالد:ههه هبله 😒🔥 امشي راه نعاودها
اسيا ضرباته ومشت تجري😭
.
.
.
رهف:انحبك😔
احمد:نعشقك❤️🤝
رديتلك ومعاك للموت
وهنا خشت ترتيل هاده ع احمد 😂
رهف: هههه وقفي ترتيل اصالحنا 😂
ترتيل: وراس امك جرب تغلط معاه نلحقك حتي للصين 😭
رهف:😭
ترتيل: عنشكلك طرف ازح امته يجيني طرف انا 😭
رهف& احمد😂
رهف:امشي ي تافها
احمد: ما أتخافيش عليها مستحيل نزعلها في عيوني رهوفتي 😍
ترتيل:😍عندك اخ انت 🤤
رهف: بختك طرف واحد
ترتيل :😒تتهني ماشيه نرقص قدام شي وحده بالك الي اعطاك يعطينا ههخ😂😈
الكاتبه: الله اكبر ع حمادي ورهوفه ردبالك من الحسد ي توته 😂
ترتيل:😂😭وحقالله ما تجيبلي واحد طرف بنطلع من امها روايتك هاه 😂
الكاتبه: ومن ماسسكك😏😂
ترتيل:نرجي ف النهايه بتاعي كيفي كيف المتابعين متشوقه بكل😒
الكاتبه :قوليلهم يتفاعلو وانا من عيوني أنزل بسرعه بس تفاعلهم شوي😭😔
ترتيل: غير حطيلي راجلي اطرف من احمد نديرلك حمله دعائيه بالبلاش 😂😭🔥
الكاتبه: وراسك انتي الا طرف مطرف هي🤝😂
ترتيل: تفاعلو الله يجعلها ف ميزان سيئاتكم 😭
الكاتبه: حسناتكم حسناتكم ي همي طفشتيهم هي 😭😂🥺
ترتيل: حيعليا الله يجعلها ف ميزان حسناتكم شوشلي افكاري الطرف 😑 ماشي نضرب بنات عم رهف الباردات 🙂 ونشوف شن النهايه ي سوكا
الكاتبه: هههه عوده الروايه معلش اتفاق سري مع بطلتي 😂😭
رهف :ههه😂 لاحول الله وخلاص ...
احمد: قلبي انا طالع مع الشباب شويا ونكلمك مرايف عليك ي همي😍
رهف: انحبك طولش عليا 🥺
احمد:باسها ع راسها وطلع ودنيا شالت زغاريت وخشو الكل يباركو لي رهف 😍
ريما: رواسي خايفه عليها
رواسي : اسس تعالي بأذن الله ح تردلنا 😔
ريما : رن تلفونها مشت ترد
رواسي : أتصلت ب امير كم مره مايرد كانت تبي تشكره وتقوله نحبك ونبيك لاخر يوم معايا 😍
طلعت للجنان تتمشي وتفكر كيف تعترف لي امير لقت بنت تحكي مع حد وكأنها تبكي
لابنت: اروى انا نحبككك ي امير انت ليا انا فاهم انت طول عمرك ملكي انا وبس ماتجي عقاب "فرخه" تفرقنا 😡
رواسي: قربت وشافت امير مصبي مقابل البنت 😳💔
معقوله امير
وخشت تجري جوه وطيحت معاها الزرعه نكسرت امير بحت ع طول شافها 😨
خرف اكيد فهمتني غلط 😡
اروى: ليش ليش غلط انا أنحبك عارف صح ؟
امير: وانا مليون مره نقولك بطلي الوهم انتي اختي وخشي تفضلي جوه وخلقتك معش توريها ليا فاهمه😡
اروى : باااهي بس تعرف وربي ماني مهنيتكم وقلتها ي امير وعارفني انت 😡
امير:اعلى مافي خيلك اركبيه وطلع 😡راقيلا ( ي ربي اكيد فهمتني غلط ماسمعت كل الكلام ي عليك قصه وفتحت تلفونه لقا مكالمه فائته من رواسي اتصل كم مره مقفل 🔥
.
.
.
ام امير كانت فرحانه ب بنتها وفرحانه انه بنات اختها معاها الحمدالله 😍
عمة امير: مشالله الله واحد تقول غزاله بنات اختك ي صفاء الحمدالله جبتيهن عندك ❤️
مرات عم امير ام اروى: 😡 بس غلط مفروض عندك شباب وشيطان شاطر راه 😏
اروى :صح ي عميمه خالد خفيف هههه 😏
ام امير: لا ي حنه عيالي متربيين وإنشاء الله بكره جييني عرب ف ريما ووو
اروى :ب انتبااه😳
اسيا& ورواسي كنايني اسيا لخالد ورواسي ل امير ❤️
اروى :مشش مش عمو بيطلبيني انا 😡
ام اروى: عيب هكي راه سمعنا انكم بتاخدو اروى بنتي
ام امير: سمعتو اشاعات نحنا عمرنا مافكرنا هكي ابدا ولا كان امير يبيها اروى نخطبها لكن ي وخيتي الحب مش بالغصب عاد مش حبني ي ابنادم هيا 😑
عمة امير: نغزتها كنك تدوي هكي العرب عمرهم ماحكو ع بنتك بلاش وهم 😡😡
مرات عم امير: لا اصلا البنت وقفنا حالها بس😑
ام امير: لا ماتمسكوها اعطوها ربي يبعتلها ولد الحلال
صبت اروى ومشت تخبط ب رجليها 😡
.
.
.
الكل روح وقعدو العائله بس استأذنت رواسي تبي تمشي ترقد ومتبيش تشوف امير!
ريما خشت تحكي مع عمران ع يوم بكره😍
فراس اتصل ب أية وطلعت معاه😍
اسيا: خالد ينابش فيها قدام بنات العيله ووالعه فيهن النار 😂🔥
اروى قاعد تشوف ل امير وبس
وامير كان يدور ب عيونه ع رواسي 🔥
وأستأذن ومشا فوق دق الباب رواسي بصوت باكي خشي ي اسيا ووصكري الباب 😭
خش أمير
رواسي: قتلك صكري الباب فكيني من الحيوان امير خليه يتصيع هو وبنت عمه 😭الحيوان ع راحته 😭
امير: وكان قتلك الصايع والحيوان هذا يبيك انتي بس!
رواسي: بخوف امير😳
خش امير وسكر الباب بالمفتاح
امير: قرب وقمعز جنبها
رواسي: ماقنلكش قدم تبرير انا 😡
امير: بتصكري فمك ولانصكره بطريقتي 😡
رواسي: 😑
امير: اروى هذي انا مانحب امها بكل وباتي زمان غصبني عليها وع اساس حكيت معاها شوي ومخشتش راسي وقتتها واسالي اي حد واهمه روحها وتقولي نبيك وانت تبيني واقسم بالله مابيني وبينها شي انا فاهمه😡 انا كان ف بنت ف حياتي ف هيا انتي بس فرخه ونحبك وخديتي عقلي .❤️🖐️
رواسي : اطمنت معش تقعد معاها فاهم😡😒
امير: غيوره 🔥
رواسي: انت مش نتاعي معناته نتاعي انا بس 😑فاهم 🥺نحبك انا واجددددد😭
امير: شدها بقوه ماعنديش غيرك ي قرده انا ليك انتي بس 🖐️ تعالي انزلي تحبسيش روحك نبي نشبع منك
رواسي: بسته بقووووه ع خده وصبيت انط من فرحتي ع سرير 😳 تعرف انت احلا حاجه ف حياتي😍
امير: شلتها تعالي ي هبله 😍😂ونزلو مع بعضهم
.
.
.
عند رشا وايمن ع البحر
رشا: بدت تحكي لأيمن الي صار 🥺 تعرف مزعلوش مني اذيتهم وتمنيت موتهم مزعلنش مني ي ايمن اخ مقهوره من روحي بنموت خلاص 😭
ايمن : زاد حضنها حبيتي انا خلاص عاد ارحمي روحك باذن الله كل شي يصلح ي روحي انا معاك وراسي ماعاد تبكي عندي طريقه نفضح الشبح انا 🤝😡
رشا: في امل وخوك 😳
ايمن: تعالي نروحو نحكيلك ف الحوش
رشا: هيا
في الطريق سياره جيب سوده ماشيه وراه ايمن ورشا وايمن شافها حاول يسرع بس بدون فايده السياره جنبهم وانفتح قزازها 🔥🔥🔥😳
رشا: ايمن شوووووف .....يتبع
توقعاتكم 😉💔
شن الي صار مع ايمن ورشا معقوله هدي نهايتهم!
وشن الي صار زمان مع حليمن ولشن هيا مخططه
شن الشي الي نصحت الكل يبعد لانه كبير معقوله في شي اكبر من الي دارته معاهن ؟
في حد يوقف معاها ويقول بدافع الحب انتقامه او كلكمم ضدها ؟!
وشن الوقت داس لي رهف واحمد وهل ح يكون احمد كيف ما باين علينا او يتحول شخص ثاني
توقعاتكم لان الرواية ف نهايتها والنهاية اقوى من البدايه 😉💔🙏 بدعمكم نستمر
قراءة ممتعه ❤
الكاتبه Soka ae ..... غرامي فعال......